Internasionale nuus Archives - Page 88 of 465

Woedende Poetin veroordeel Turkse ‘rugstekers’

President Wladimir Poetin het Turkye “rugstekers” genoem nadat Turkye ‘n Russiese vegvliegtuig in Sirië neergeskiet het.

‘n Sigbaar woedende Poetin het gesê dit is ook verbasend dat Turkye daarna nie met Rusland wou skakel oor die voorval nie, maar dadelik NAVO genader het oor ‘n “krisis” asof dit Rusland was wat ‘n vegvliegtuig van ‘n vriendelike bondgenoot afgeskiet het.

Turkye is ‘n lid van NAVO. Finland en Australië het egter voorheen na die Turkse president Erdogan as ‘n “diktator” verwys.

Een vlieënier is dood en terroriste het die tweede vlieënier gevange geneem. Die Associated Press het Dinsdag berig dat die een Russiese vlieënier doodgeskiet is voordat hy met ’n valskerm in Sirië geland het.

Die Russiese vlieënier se lyk is deur ‘n opgewonde horde wat daarop toegesak het, afgeneem en die gru-getuienis is dadelik op YouTube geplaas. Die horde om die man se bebloede lyk jil voortdurend “Allah is groot” in die film.

Terroriste wat pres. Bashar al-Assad se bewind wil omverwerp, het glo ook ‘n Russiese hulphelikopter aangeval met ‘n Amerikaanse TOW anti-tenkmissiel, maar die geredigeerde beeldmateriaal kon nie bevestig word as outentiek nie.

Intussen het die Noord-Atlantiese Verdragsorganisasie (NAVO) ’n noodvergadering belê vir Dinsdagmiddag in Brussel om Turkye se vyandigheid te bespreek.

Turkye gee tans noodsaaklike ondersteuning aan diegene wat verantwoordelik was vir die slagting in Parys.

Daar is dus waarskynlik net een rede waarom Turkye die Russiese vegvliegtuig afgeskiet het: Pure frustrasie met die Russiese ondersteuning vir Assad en die Russe se sukses om ISIS af te takel.

Turkye het ook die eerste geleentheid om die situasie te eskaleer benut, in die hoop dat NAVO gemobiliseer kan word teen Rusland.

Skermgrepe van ‘n video wys die vegvliegtuig in vlamme waar dit in ‘n bergagtige gebied in die noorde van Sirië neergestort het en twee valskerms wat oopmaak.

Die Dogan-nuusagentskap het berig dat die vliegtuig aan die Siriese kant van die grens neergestort het, en dat die twee vlieëniers daarin kon slaag om met valskerms uit te skiet.

Rusland se ministerie van verdediging sê dit is nie duidelik waar presies die twee vlieëniers hulle tans bevind nie. Hulle het geen kontak met die twee nie.

Die Amerikaanse departement van verdediging glo die Russiese Su-24 bomwerper is afgeskiet binne die Siriese lugruim, het Reuters berig.

“Die Verenigde State is van mening dat die Russiese vegvliegtuig wat afgeskiet is deur Turkye Dinsdag, getref is binne die Siriese lugruim na ‘n kort deurvlug deur die Turkse lugruim,” het die amptenaar gesê op voorwaarde van anonimiteit.

Volgens die bron, is die assessering gegrond “op opsporing wat die hittebeeld van die vliegtuig volg”.

Beeldmateriaal wat deur die Anadolu-nuusagentskap uitgereik is, wys hoe die twee vlieëniers met valskerms grond toe daal.

Dit word deur Europese waarnemers as onwaarskynlik beskou dat die Turke sal slaag met hul plan om ‘n NAVO-aanval teen Rusland te bewerkstellig, anders as om karakters soos Senator John McCain, Pole of die Baltiese state, se openlike goedkeuring te kry.

NAVO sukkel om sy bestaan in Europa te regverdig nadat die Warskouverdragslande ontbind het, en probeer voortdurend twis saai.

Die Amerikaanse president, Barack Obama, het intussen “Turkye se reg verdedig om sy lugruim te beskerm” en daarmee sy teenkanting teen internasionale terreur onder verdenking geplaas.

Hy het by ‘n gesamentlike nuuskonferensie met die Franse President, François Hollande, in Washington herhaal dat daar “gematigde” terroriste is wat ‘n burgeroorlog in Sirië dryf met buitelandse steun.

Obama sê Rusland moet mede-verantwoordelikheid vir die voorval aanvaar.

Hy sê die Russe vlieg baie naby aan die Turkse grens en val “opposisiegroepe” aan wat nie net deur Turkye nie, maar ook ander lande gesteun word.

Die VSA probeer steeds voorgee dat daar ander groepe in Sirië is wat gekant is teen Assad, maar dit is reeds bekend dat ISIS die enigste “opposisie” verteenwoordig.

Turkye sorg dat die olie wat ISIS in Sirië steel, op die internasionale mark verkoop word. Met dié inkomste, het ISIS tot ‘n gedugte internasionale terreurorganisasie gevorder wat onlangs ‘n Russiese passasiersvliegtuig afgeskiet het, asook ‘n massaslagting in Parys gereël het.

Poetin het lugfoto’s van die ongehinderde ISIS-oliekonvooie by die pasafgelope G20-beraad vertoon en gesê lede van die G-20 steun internasionale terreur.

Ses Russe eerste doodgeskiet in Mali-aanval

‘n Moslemgroep verbonde aan Al-Kaïda het aanspreeklikheid vir Vrydag se terroriste-aanval op ’n hotel in die hoofstad van Mali aanvaar.

Altesaam 19 mense, van wie die meeste buitelanders was, is in die voorval dood. Gerugte doen die ronde dat 27 lyke getel is. Minstens twee van die aanvallers is doodgeskiet.

Die twee name wat die owerhede vrygestel het, het laat blyk dat die aanvallers van Mali was, maar dit kon nie bevestig word nie.

Minstens 170 mense was in die hotel tuis toe die aanvallers Vrydagoggend daar ingestorm het.

Ses Russe, drie Chinese, twee Belge, ’n Amerikaner, ’n Israeli, ’n Senegalees en ’n lid van Mali se spesiale magte was onder die slagoffers.

Die owerhede is op soek na minstens drie mense wat met die aanval verbind word. ‘n Gas in die hotel het gehoor hoe die aanvallers Engels praat.

Die Russiese owerhede het intussen ‘n klag van moord teen die aanvallers geopen. Al ses Russe het vir die Volga-Dnepr-lugdiens gewerk. Russiese wetstoepassers sal oorlewendes ondervra oor die voorval.

Die Russe is glo heel eerste doodgeskiet.

Al Mourabitoun, wat aan Al-Kaïda verbonde is en in die woestyn in die noorde van die land gevestig is, het in ’n Twitter-boodskap aanspreeklikheid vir die aanval aanvaar.

Dié voormalige Franse kolonie is al jare in ’n stryd met Islamitiese rebelle gewikkel.

Die regering van Mali het ’n noodtoestand verklaar ná die dodelike nege-uur lange gyselaarkrisis Vrydag in die Radisson Blu-hotel, presies ’n week ná die aanvalle in Parys.

Die Al-Murabitoun groep, ’n Al-Kaïda-filiaal, gelei deur die berugte een-oog Algeriese militant, Mokhtar Belmokhtar, wat die bynaam die “onvangbare” of “Mr Marlboro” het, het verantwoordelikheid vir die aanval aanvaar.

Ongeveer 10 gewapende mans het Vrydag in die vroeë oggendure die hotel beset en in die gange geskiet waarna 170 hotelgaste en personeel gyselaar geneem is.

Die aanval is beëindig toe Malinese en 40 Franse spesmagoperateurs die hotel om 3:00 bestorm het. Mali se president, Ibrahim Boubacar Keita, het bevestig dat buitelanders die hotel ontset het.

Die spesiale magte het ook glo twee Amerikaanse soldate ingesluit. Hulle het ‘n dramatiese reddingspoging, van vloer na vloer, uitgevoer en die besetting ná nege ure beëindig. Twee Franse soldate is beseer in die operasie.

Keita het in ’n televisie-boodskap gesê “terreur sal nie seëvier nie”. Hy het die hotel Saterdag besoek.

“Nêrens in die wêreld is enige iemand veilig van hierdie barbare uit ’n ander era nie. Hierdie aanvallers het besluit van weg te breek van die mensdom,” het hy gesê.

Mali het drie dae van nasionale rou afgekondig.

Belgiese polisie vra Twitter vir katte

Die polisie in België het Twittergebruikers gevra om foto’s van katte te twiet ipv inligting oor ‘n uitgebreide anti-terreuroperasie.

Sestien mense is in 22 klopjagte in hegtenis geneem in verband met die beplanning en uitvoering van die Parys-terreuraanvalle.

Die owerhede het ‘n man van medepligtigheid aangekla in die aanvalle in Parys meer as tien dae gelede waarin 130 mense dood is.

Die man is nie geïdentifiseer nie, maar is een van vyf mans wat Sondag tydens klopjagte in hegtenis geneem is.

Vyftien van die mense wat aanvanklik ook vir ondervraging ingeneem is, is vrygelaat.

Salah Abdeslam (26), een van die vermeende baasbreine agter die aanvalle, is nie onder dié wat in hegtenis geneem is nie.

Die polisie vrees dat hy na Brussel teruggekeer het om nuwe aanvalle uit te voer.

Om ‘n aanval soortegelyk aan die een in Parys af te weer, het België die hoogste waaksaamheidsvlak afgekondig, ook in die hoofstad Brussel maar het gesê die metro-stelsel en skole sal Woensdag heropen.

Potensiële teikens blyk inkopiesentrums en openbare vervoer te wees. Die publiek is gevra om plekke soos winkelsentrums, konserte en stasies te vermy waar groot groepe mense gewoonlik byeen is.

België is die hart van die ondersoek na die aanvalle sedert Franse wetstoepassers verklaar het dat twee van die selfmoordbommers daar gewoon het.

Abdeslam, wat ’n kroeg in die woonbuurt Molenbeek bestuur het, ontwyk die polisie sedert die aanvalle in Parys verlede Vrydag. Molenbeek is ‘n put van anti-wit haat en ontoeganklik vir Belgiese wetstoepassers.

Sy ouer broer, Brahim, het homself opgeblaas by een van die restaurante wat geteiken is.

“Wat ons vrees, is ’n aanval soortgelyk aan die een in Parys, met verskeie individue wat moontlik verskeie aanvalle gelyktydig in verskillende plekke van stapel kan stuur,” het Charles Michel, premier van België, Sondagaand op ’n mediakonferensie gesê.

Die polisie het kort daarna met die klopjagte begin. Hulle het toegeslaan op 19 persele in Brussel en drie in die nywerheidstad Charleroi, 50 km suid van Brussel.

Eric van der Sypt, aanklaer, het egter Maandag verklaar dat geen wapens of ploftoestelle gevind is nie. ’n Regter sou die klagtes teen die 16 aangehoudenes intussen hersien.

“Abdeslam Salah is nie gedurende die klopjagte opgespoor nie,” het Van der Sypt gesê.

Drie mense is tot dusver in België weens hul beweerde betrokkenheid by die Parys-aanvalle aangekla. Volgens die Franse owerhede is die aanvalle in België gereël.

Die EU het Vrydag ooreengekom om hervormings aan die paspoort-vrye Schengen-sone te oorweeg.

Frankryk het intussen ‘n verbod op openbare byeenkomste tot 30 November verleng ter voorbereiding vir die VN se beraad oor klimaatverandering wat dan in Parys begin.

Jan Jambon, Belgiese minister van binnelandse sake, het aan die uitsaaier VRT gesê Abdeslam is nie die enigste veiligheidsbedreiging nie.

“Dit is ’n bedreiging wat verder as net een mens strek.

“Ons kyk na meer (mense). Daarom het ons so ’n konsentrasie van hulpbronne gereed,” het hy gesê.

Streng veiligheidsmaatreëls word tans in Brussel toegepas. Die munisipaliteit, heelwat winkels en skole sal Dinsdag ook gesluit bly. Sommige ondernemings het hul werknemers toestemming gegee om van die huis af te werk.

Die hoofkantore van die Europese Unie en die Noord-Atlantiese Verdragsorganisasie, NAVO, is in Brussel.

Die moltreinstelsel in Brussel, die Belgiese hoofstad, is Saterdag gesluit omdat die owerheid ‘n terreurbedreiging vermoed.

België het ná ‘n vergadering met die polisie, ministers en veiligheidsdienste, sy gereedheidsvlak in die hoofstad tot die hoogste vlak – vlak 4 – verhoog.

Sekuriteit is ook by lughawens in die land verskerp.

Die stad se geskiedkundige “Grand Place”, wat gewoonlik vol toeriste is, was stil met slegs enkelinge wat op straat te siene was terwyl gepantserde voertuie voor die indrukwekkende stadsaal geparkeer was.

Die menseslagting in Parys het die Europese Unie (EU) op sy hoede uit vrees dat ekstremiste wat deur die sogenaamde Islamitiese Staat-groep (ISIS) geïnspireer is, vrylik binne die Unie se paspoort-vrye Schengen-sone kan beweeg.

Hulle het die afgelope weke honderde mense regoor die wêreld vermoor.

In Madrid is ondersteuners van Saterdag se El Clasico-sokkerwedstryd tussen Real Madrid en Barcelona deur snuffelhonde, berede polisie en eindelose identiteitsdeursoekings begroet.

Die Verenigde Nasies se Veiligheidsraad het Vrydag eenparig ’n resolusie aanvaar “om alle nodige maatreëls te tref” om ISIS te beveg.

Afrika maak reg vir Pous

Afrondingswerk is aan die gang vir die Pous se besoek aan Afrika.

Honderde geraamde portrette van pous Franciskus is in Nairobi gereed vir wanneer die geestelike sy verskyning daar maak.

Die pous besoek Kenia, Uganda en die Sentraal Afrikaanse Republiek vanaf 25 tot 30 November.

Kenia gaan tot 10 000 polisiebeamptes ontplooi. Die land verwag skares so groot as een miljoen mense.

Volgens berigte in Le Figaro en ander Franse koerante, het die Franse weermag die Vatikaan afgeraai om te reis, en sê hulle die veiligheid van die Pous kan nie gewaarborg word nie.

‘n Franse amptenaar het gesê die verantwoordelikheid vir die veiligheid “is in die hande van die VN-sending”. Die Franse het tans 900 soldate in die Sentraal-Afrikaanse Republiek, ter ondersteuning van die VN-sending van 11.000 soldate.

Die aanvalle in Parys het kommer oor die veiligheid van die geestelike leier geskep, sê Federico Lombardi, die Vatikaan-woordvoerder, en bygevoeg dat toestande ver van “rustige en vreedsaam” is.

Die Islamitiese staat, wat die skuld dra vir die aanvalle in Parys, het dreigemente gemaak om Rome aan te val, insluitend in ‘n video hierdie week. Sekuriteit in Rome en die Vatikaan is sigbaar strenger in die afgelope dae.

Die twee dekades van konflik in die Sentraal-Afrikaanse Republiek het ‘n godsdienstige dimensie. Oor die afgelope twee jaar het politieke geskille ontaard in grusame sektariese aanvalle tussen Christene en Moslems.

Die VN beskuldig Christene van “etniese suiwering” in die land.

Die Scheisstika, simbool van universiteitsoproer?

Iets stink by die Universiteit van Missouri.

Na wat berig word het ‘n voorval van vandalisme by Mizzou, soos die Amerikaanse universiteit bekendstaan, gelei tot universiteitswye protes, ‘n boikot deur die instelling se swart voetbalspan, en uiteindelik die summiere bedanking van die president en kanselier van die universiteit.

Die rassespanning het intussen selfs na ander kampusse in die VSA uitgekring.

Daar is net een probleem: Geen bewyse van die beweerde voorval, waarin ‘n agterstewe-swastika op die muur van ‘n koshuistoilet aangebring is, is ooit geopenbaar nie.

Was dit ‘n onberispelike ontlastingsteken wat weereens die grondslag vir misleiding gebied het?

Volgens Billy Donley, die president van Mizzou se Residence Halls Association (RHA), was die agterstewe-swastika op 24 Oktober 2015 aangebring.

“Op Saterdag, 24 Oktober omstreeks 02:00 het ‘n individu in een van die toilette in Gateway Hall ‘n swastika op die muur met hul eie ontlasting aangebring,” het Donley geskryf in ‘n brief ‘n paar dae ná die beweerde voorval.

“Hierdie gebeurtenis het plaasgevind terwyl baie studente, insluitend myself, reeds aan die slaap was.”

Dit is inderdaad ‘n welkome verandering in die voortslepende toiletverhaal wat Suid-Afrikaners moet verduur met ontlasting wat helder oordag by die lughawe se ingang, munisipale kantore of oor standbeelde gegiet word.

Later in sy brief, het Donley erken dat hy oor die beweerde voorval van vandalisme ingelig is deur ‘n pamflet wat versprei is.

Die voorval is glo onmiddellik aangemeld by die polisie, maar die Missouri Police Department, wat die beweerde agterstewe-swastika-voorval ondersoek, kon ook geen bewys lewer van die poepstika nie.

Verskeie aktiviste op Twitter het ‘n foto as bewys rondgestuur dat die voorval plaasgevind het soos gerapporteer, maar ‘n Google-soektog vir dieselfde beeld toon dat dit reeds op die Internet rondswerf vir byna ‘n jaar.

A reddit-draad van November 2014 is die vroegste bewys van publikasie van die foto, wat beteken dat dit beslis nie die bewys is dat dit plaasgevind het by Mizzou op 24 Oktober 2015 nie.

Die polisie het intussen die vandalisme-klag verander omdat daar na bewering geen eiendom beskadig is nie.

Gateway Hall se koördineerder, Susan Cohn, het dadelik glo aan verskeie persone geskryf oor die “rassistiese” aangeleentheid.

In Suid-Afrika is die strooi van ontlasting egter nie “rassisties” nie, maar klaarblyklik bevrydend.

‘Bedrog keer dat Boko Haram verslaan word’

Wapens is nie aan Nigeriese soldate voorsien om teen Boko Haram te veg nie en duisende mense het gesterf weens wydverspreide bedrog in die proses van militêre aankope, sê president Muhammadu Buhari.

Buhari het gelas dat almal betrokke by die korrupsie aan die pen moet ry. Dit volg nadat die staatshoof ’n verslag van ’n komitee ontvang het wat dié bedrog moes ondersoek, het AFP berig.

“Die bevindinge wat dusver gemaak is, is uiters kommerwekkend inaggenome dat ons troepe ten tyde van die gebeure teen insurgente in die noordooste geveg het en desperaat militêre platforms, toerusting en ammunisie benodig het,” het Buhari gesê.

Geld is volgens Buhari, ’n afgetrede generaal, gekanaliseer na maatskappye wat nie hul kontrakte kon uitvoer nie. Hy het in Mei aan bewind gekom met die belofte om Islamitiese rebelle te vernietig wat sedert 2009 reeds vir sowat 17 000 sterftes verantwoordelik was.

Nigerië het een van die grootste verdedigingsbegrotings in Afrika.

Die komitee ondersoek bedrog en korrupsie vanaf 2007 tot op hede. Volgens Buhari is talle onwettige en onderduimse transaksies reeds blootgelê.

Van US$5,3 miljard wat aan nasionale veiligheid en die weermag toegestaan was, is baie min glo gebruik vir aankope. Uit ’n totaal van 513 kontrakte het 53 misluk.

Na bewering het die land se voormalige veiligheidsadviseur, mnr. Sambo Dusaki (’n voormalige kolonel), US$2 miljard betaal vir vier Alpha vegvliegtuie, 12 helikopters en bomme en ammunisie wat nooit gelewer is nie.

Hy het glo ook US$132 miljoen en sowat tien miljoen euro laat oorplaas na bankrekeninge in Wes-Afrika, Brittanje en die VSA sonder stawende dokumente.

Dusaki is reeds van geldwassery aangekla, maar ontken alle aantygings teen hom.

Die Nigeriese weermag het intussen ‘n plakkaat uitgereik waarop honderd vermeende jihadiste van Boko Haram uitgebeeld word.

Die groep se leier, Abubakar Shekau vorm die middelpunt van die plakkaat. Dit is die eerste keer dat die weermag soveel foto’s van Boko Haram-lede publiseer.

Die weermag het klaarblyklik die gesigte van propogandamateriaal verkry.

Vyf mense waaronder twee vroulike selfmoordbomaanvallers is dood na twee ontploffings in Kano in die noorde van Nigerië.

Inwoners sê die een bom het binne ‘n besige mark afgegaan en die ander een net buite. Die jongste aanval volg ‘n dag na ‘n ontploffing by ‘n groentemark in die noordoostelike stad van Yola. Boko Haram is glo vir dié aanval verantwoordelik.

Meer as 30 mense is dood in die ontploffing in Yola. Verskeie mense is ook beseer in die ontploffing by ‘n besige mark.

Dit is die derde noodlottige bomaanval in die stad die afgelope jaar. Die jongste ontploffing volg nadat die Nigeriese president, Muhammadu Buhari, die stad die naweek besoek en verklaar het dat die stryd teen die terreurgroep, Boko Haram bykans gewen is.

Het Hongaarse voorbeeld in de praktijk

Ássotthalom is een klein stadje op de grens tussen Hongarije en Servië. 5000 inwoners maar wel 122 km2 groot; tweemaal San Marino.

Belangrijk is dat het stadje een grens heeft van 22 km en dat door Ássotthalom de M5 loopt, de snelweg tussen Belgrado en Boedapest. Het begon in 2012, vertelt ons de jonge burgemeester en onafhankelijk parlementslid László Toroczkai. Kosovaarse vluchtelingen werden met bussen vanuit Kosovo door de Servische maffia aangevoerd richting de Hongaarse grens.

Het merendeel arriveerde in Ássotthalom. Paspoorten en papieren werden vernietigd en de lange tocht richting het beloofde land, Duitsland, kon beginnen. Toen bleek dat Duitsland de Kosovaren niet zou erkennen, stopte de mensensmokkel uit Kosovo. Ondertussen hadden de mensensmokkelaars de weg gevonden en de Balkanroute was een feit.

Na de Kosovaren volgden de Afrikanen, de Irakezen, de Syriërs en daarna het hele Midden-Oosten. Sinds 2012 trokken in Ássotthalom meer dan 100.000 vluchtelingen voorbij. De bevolking was de overlast meer dan beu.

Er werd geplunderd en gestolen; twee vluchtelingenkampen werden in het dorp gevestigd; vluchtelingen kraakten leegstaande huizen en boerderijen; de oogst werd opgegeten door de asielzoekers of simpelweg vernietigd.

De burgemeester van Ássotthalom wijst erop dat 83% van de vluchtelingen jonge mannen tussen 18 en 40 jaar zijn. Ze komen in groepen van 50 tot 100, zonder vrouwen en/of kinderen.

Ten einde raad werd in Ássotthalom een grenswacht/burgerpolitie opgericht. De grenswacht kon hier en daar groepen vluchtelingen tegenhouden, maar veel meer dan een druppel op een hete plaat was het niet.

De mythe van de hulpbehoevende asielzoeker werd doorprikt, toen bleek dat geen enkele van de onderschepte asielzoekers zich wou laten registreren in Hongarije. Iedereen wou naar het land van Angela ‘wir-schaffen-das’ [Ons sal dit regkry] Merkel.

Nochtans vereist het verdrag van Dublin dat een asielzoeker zich laat registreren in het eerste EU-land waar men arriveert. Vluchtelingen die zich niet laten registreren, zijn illegalen en moeten uitgewezen worden. Dat is precies wat de Hongaarse overheid deed met de bouw van een grenshek: de illegale vreemdelingen de toegang tot het land en Europa ontzeggen.

In feite doet Hongarije wat de rest van Europa vertikt: het verdrag van Dublin toepassen.

Het was de burgemeester van Ássotthalom die het idee van een grenshek bedacht. De Fidesz-regering van Orban was eerst geen voorstander van een hek aan de grens. ‘Europa zou er nooit mee akkoord gaan’, liet de Hongaarse minister van Binnenlandse Zaken weten.

Twee maanden later werd toch begonnen met een grenshek. Ondertussen staat het grenshek er en wordt bewaakt door de Visegrád-landen, Hongarije, Polen, Slovakije en Tsjechië.

Het resultaat is simpel. Voor het grenshek werd Hongarije dagelijks overrompeld door duizenden vluchtelingen en na het grenshek stopte de stroom aan illegalen direct.

Een parlementaire delegatie van het Vlaams Belang bezoekt van 16 tot 21 november Hongarije.

Internasionale sokkerwedstryd afgestel na bomdreigement

Geweervuur is Dinsdagnag tydens ‘n klopjag in ‘n noordelike voorstad van Parys gehoor.

Een polisiebeampte is glo beseer tydens die operasie in Saint-Denis, naby die Stade de France waar terroriste Vrydag twee ploftoestelle laat afgaan het.

Die klopjag, wat deel uitmaak van die soektog na terreuraanvalverdagtes, volg kort nadat die sokkerwedstryd tussen Duitsland en Nederland gekanselleer is.

Volgens sommige berigte is ‘n verdagte pakkie gevind in die Hannover-stadion waar die wedstryd sou gespeel word, maar Kreiszeiting.de het berig dat ‘n ambulans vol plofstof buite die stadion gevind is.

Swaargewapende anti-terreureenhede is in die gebied ontplooi. Die Duitse polisie het bevestig dat die bedreiging geloofwaardig is.

Nadat die nuus bekend geword het, het plaaslike polisie ondersteuners gevra om “vinnig, sonder paniek huiswaarts te keer” en die arena is ontruim.

Geen voertuie is toegelaat om die sportarena te verlaat nie.

Sekuriteit is verhoog ná Vrydag se terreuraanvalle in Parys.

Angela Merkel, Duitse kanselier, sou die wedstryd bywoon en ‘n verklaring maak ook terreur. Sy is vergesel deur die die visekanselier Sigmar Gabriel en minister van justisie Heiko Maas.

Die gebeure het egter die leierskap verhoed om hul toesprake te lewer.

‘n Operasionele kamer is by die stadion ingerig sodat kanselier Merkel, die Duitse minister van binnelandse sake Thomas de Maiziere asook die minister van binnelandse sake van die deelstaat Nedersakse, Boris Pistorius ingelig bly oor verwikkelinge.

Pistorius (SPD) het later gesê niemand is nog in verband met die voorval in Hannover in hegtenis geneem nie en geen plofstof is gevind in enige ambulans of ander voertuig nie.

Maar De Maiziere het ook beklemtoon dat hy nie kommentaar wil lewer oor nadere besonderhede rakende die omstandighede wat gelei het tot die kansellasie van ‘n internasionale wedstryd nie.

In reaksie op vrae oor die redes vir die ontruiming, het hy gesê: “Sommige van hierdie antwoorde sal die bevolking ontwrig.”

Hannover se polisiehoof Volker Kluwe het Dinsdagaand op NDR televisie ook herhaal dat hulle die bedreiging baie ernstig opneem: “Die deurslaggewende leidraad het ons 15 minute ná die opening van die wedstryd bereik.”

Frankryk val ISIS-vestings in Sirië aan

Franse vegvliegtuie het vestings van die Islamitiese Staat in Sirië aangeval nadat ISIS verantwoordelikheid vir die gekoördineerde terreuraanvalle in Parys aanvaar het.

Amerikaanse intelligensie-dienste het na die aanvalle ingestem om hul data te deel met Frankryk, en het begin met die verskaffing van “fokuspakkette” oor die Islamitiese Staat se posisies, het die Wall Street Journal Sondag berig.

Die Pentagon se perssekretaris Peter Cook het in ‘n verklaring gesê dit is “konkrete stappe wat die VSA en die Franse moet neem in ons noue samewerking van vervolging om ‘n volgehoue veldtog verder te versterk teen ISIS.”

Die lugaanvalle is uit weerwraak vir die slagting waarin minstens 132 burgerklikes dood is.

Twaalf Franse vliegtuie, insluitend 10 vegvliegtuie, het deelgeneem aan Frankryk se grootste lugaanval nog ooit in Sirië, luidens die verklaring van die Franse ministerie van verdediging.

Volgens die Siriese groep is 30 lugaanvalle uitgevoer en is minstens 20 bomme is op teikens in Raqa laat val, wat as ‘n vesting van ISIS beskou word.

Die teikens sluit ‘n beheersentrum, ‘n wapenopslagplek en opleidingskamp in. Dit is nie bekend hoeveel skade aangerig is nie. Frankryk het die naweek onderneem om die ISIS te vernietig.

Intussen sê Frankryk hulle is op soek na een persoon wat moontlik een van die Parys terreuraanvallers is.

Daar is ‘n beroep op die publiek gedoen vir inligting oor ‘n man met die naam Salah Abdesalam.

Abdesalam is kortliks deur die polisie naby die Franse grens Saterdagoggend na die aanvalle aangehou, maar is later vrygelaat.

Hy het die Volkswagen Polo gehuur wat buite die Bataclankonsertsaal geparkeer was, waar 89 mense later doodgeskiet is.

Volgens ‘n berig van Associated Press, het vier Franse amptenare gesê hy was een van die drie mense wat by die Franse grens voorgekeer is, sowat 120 myl van Parys, ure nadat hy geïdentifiseer is as die huurder van die motor.

‘n Internasionale lasbrief vir sy inhegtenisneming is intussen uitgereik.

Vroeër is nog ‘n verdagte as die 29-jarige inwoner van Parys, Omar Ismail Mostefai geïdentifiseer.

Sewe mense is reeds in België in hegtenis geneem in verband met die aanvalle.

Die dodetal het vroeër tot 132 gestyg nadat nog drie mense in die hospitaal aan hul beserings beswyk het. Minstens 352 mense is in die aanvalle beseer.

Ontleders meen, nalv van die gekoördineerde aanvalle in Parys, dat ‘n groep soos ISIS nie sonder die ondersteuning van ‘n staat kan bestaan nie.

ISIS aanvaar verantwoordelikheid vir Parys-slagting

Die Islamitiese Staat (ISIS) het ‘n amptelike verklaring uitgereik waarin hulle verantwoordelikheid vir die aanvalle in Parys aanvaar.

Dit lyk egter of hulle ‘n belangrike fout gemaak het: Die verklaring noem aanvalle in die 10de, 11de en 18de arrondissements, maar daar was geen aanval in die 18de nie.

‘n Getuie van die Bataclan-aanval het aan BFMTV gesê dat een van die aanvallers wit en Europees gelyk het.

“Ek het ‘n man gesien wat redelik klein is, wit en lyk soos ‘n Europeër,” het hy gesê. Hy wou nie sy naam gee nie uit vrees vir vervolging.

“Hy was net aan die voorkant van die Bataclan en het ‘n geweer op sy skouer gehad. Toe sien ek flitse en hoor bam bam bam.”

AFP berig dat ‘n man in hegtenis geneem is in die suide van Duitsland verlede week, met masjiengewere en plofstof in sy motor, en hy kan “waarskynlik gekoppel word aan aanvallers in Parys”, het Duitse media Saterdag berig.

Polisie in die suidelike streek van Beiere het bevestig dat ‘n man op 5 November tydens ‘n roetine-ondersoek op ‘n snelweg in hegtenis geneem is met “baie masjiengewere, rewolwers en plofstof” in die voertuig van die verdagte.

Twee Franse polisie-amptenare sê ‘n Siriese paspoort is gevind op die liggaam van een van die selfmoordbommers by die Stade de France waar ‘n vriendskaplike wedstryd tussen Frankryk en Duitsland gespeel is, volgens beide AP en die Franse staatstelevisie.

Intussen in Brittanje is Gatwicklughawe se noord-terminale ontruim. Sussex se polisie het gesê die ontruiming is ‘n voorsorgmaatreël weens ‘n verdagte pakket.