Afrikaanse nuus Archives - Page 65 of 166

ANC bespreek glo Afrikaner-onafhanklikheid om litigasie te vermy

Die regering het bevestig hy sal voor die einde van Augustus met die Boere Afrikaner Volksraad vergader, het RSG berig.

Dit volg nadat die Volksraad gister aangekondig het dat samesprekings onder andere met president Jacob Zuma en sy adjunk, Cyril Ramaphosa oor self-beskikking gehou sal word.

Die groep wil onafhanklikheid van Suid-Afrika hê en ‘n staat vestig waar Afrikaners hulle kultuur en taal kan uitleef.

Die presidensiële woordvoerder, Mac Maharaj sê die regering is altyd bereid om met verskillende belangegroepe in gesprek te tree.

Maharaj sê die kwessie duik gereeld op en die regering is bereid om dit te bespreek om sodoende litigasie te vermy.

UV-rektor se mede-skollie uit

Die Universiteit van die Vrystaat se wit studentedekaan vir transformasie moet sy pos ontruim nadat hy klaarblyklik nie daarin geslaag het om die rektor se swart agenda deur te voer nie.

Dit is bevestig deur Lacea Loader, UV-woordvoerder.

Loader het egter ontken dat die besluit verband hou met Buys se planne om “fundamentele en volledige transformasie” oftewel verswarting van die Kovsie-kampus onder aanvoering van die rektor Jonathan Jansen deur te voer.

Buys het op gebruiklike wyse naakte Boerehaat ingespan om die inwoners van die JBM Hertzog-manskoshuis tot sy “kulturele hernuwingsproses”, te bekeer.

Groot ongelukkigheid heers onder studente en alumni van dié universiteit daaroor.

Klaarblyklik het Jansen se plan om soos gewoonlik ‘n witte te gebruik vir sy verswartingsprojek, nou gesneuwel.

Gedenkwaardighede, onder meer persoonlike items wat aan die Boere-generaal JBM Hertzog behoort het, is uit die koshuis verwyder as deel van Jansen en Buys se kultuurslopingprojek teen Afrikaners.

Die voormalige voorsitter van die Kovsie-alumni-trust en oud-inwoner van JBM, wat homself as “pro-transformasie” beskryf, se oë het blykbaar nou effens oopgegaan nadat die ANC-aanslag nader tuis beweeg het.

Jonathan Jansen, die rektor en aanstigter, wat openlik teen wit Afrikaners agiteer, het voorheen die “proses van hernuwing” verdedig, maar dit lyk asof Buys se dae getel is en Jansen van hom ontslae geraak het om sy verleentheid te verberg na heftige teenstand.

Jansen het oudergewoonte die ontstoke betrokkenes tot leuenaars verklaar en ontken dat gedenkwaardighede uit die koshuis verwyder is. Hy het gesê die naamsverandering van die koshuis “is deel is van ’n konsultasieproses”.

Rapport het egter ’n opname bekom van die toespraak wat Buys op 19 Februarie by JBM gemaak het. Hieruit is dit duidelik dat die studentedekaan onder aanvoering van Jansen, verklaar dat die sogenaamde “konsultasieproses” pure oëverblindery is.

Buys, ‘n NG-predikant wat deurgaans altyd Engels praat, het voor studente verklaar: “Ek wil dit duidelik stel: Hierdie koshuis sál verander. In elke opsig. Die naam van die koshuis sal verander. Die museum (in die voorportaal van die koshuis) met materiaal wat aan JBM Hertzog behoort het, sal verwyder word.

“Ek wil dit duidelik maak, of julle saamstem of nie, die goed moet dié jaar verander. Vanjaar is die jaar wat hierdie koshuis fundamenteel en volledig verander.”

Daar is groot ongelukkigheid oor die bestuurstyl van die Kleurlingrektor, wie se termyn pas verleng is: “Wanneer hy met ons op vergaderings praat, klink hy erger as ’n diktator. Hy praat soos ’n skoolhoof wat met laerskoolkinders praat, behalwe dat ’n laerskoolhoof nie sal vloek voor sy leerlinge nie.”

Vlaminge wat van Jansen se optredes voor ‘n buitelandse gehoor bygewoon het, het voorheen aan Praag gesê gehore was ook geskok deur die man se gebrek aan opvoeding, verwysings na seks met jong vroulike studente en onbeheersde gekruide taal.

Jansen het reeds in sy talle Beeld-opiniestukke sy minderwaardigheid met giftige anti-Afrikaanse en anti-wit ywer verklaar. Dit manifesteer voorts in sy skollie-gedrag en ongeskunstelde maniere.

Studente sê hul rektor se gereelde gebruik van die woorde “fok” en “my God” in die openbaar gee veral aanstoot.

‘Afrikaanse universiteite bestaan nie meer’ – Blade Nzimande

Die minister van hoër onderwys en sekretarisgeneraal van die SA Kommunisteparty, Blade Nzimande, het gister gesê dat daar “nie meer iets soos Afrikaanse- of Zoeloe- of Tswana-universiteite bestaan nie”.

Hy het dié opmerking tydens sy begrotingsrede oor hoër onderwys gemaak. Verder het hy uitgevaar teen “netelige kwessies soos rassisme (waaronder die Noordwes-Universiteit), asook diskriminasie wat op geslag, MIV-status, Vigs of klas gegrond is”. Sy departement het ook ‘n “maatskaplike insluitingsbeleid” aangekondig waardeur sulke kwessies “gekonfronteer” gaan word.

Die departement van hoër onderwys wil die aantal studente van die huidige 953 373 tot 1,1 miljoen in 2019 uitbrei. Teen 2030 word beplan dat daar 1,6 miljoen studente sal wees.

Piet Croucamp dreig Johan van der Merwe met ‘doodstraf’

Piet Croucamp, die “akademikus” van die Universiteit van Johannesburg wat deurentyd Afrikanersangers en -meningsvormers verdag wil maak, het oud-genl. Johan van der Merwe vertel dat hy eintlik die doodstraf verdien.

In ‘n e-pos aan Van der Merwe, die laaste blanke en Afrikaanse polisiekommissaris voordat die ANC en SAKP die land verower het, sê Croucamp:

“Indien hierdie land nie ‘n demokrasie was nie, het jy aan jou nek geswaai. En, terwyl ek met my hele hart teen die doodstraf is, sou ek myself kon forseer om vir eens weg te kyk en gods water oor gods akker te laat loop.”

Croucamp se reaksie geskied blykbaar na aanleiding van Johan van der Merwe se steun vir die vrylating van Eugene de Kock, soos hy dit in ‘n onlangse Ope brief aan Helen Zille oor Eugene de Kock gestel het.

In die aanvanklike gedeelte van sy e-pos skryf Croucamp:

“Johan, Vlok het vir Eugene kom vra daar in die gevangenis: Eugene, het ek jou ooit gevra om iemand dood te maak? Eugene se antwoord was, nee, maar jy het vir my medaljes gegee wanneer ek dit gedoen het. Jou een-dimensionele manier van na jou loopbaan kyk, maak van jou ‘onskuldig’ voor jouself en jou god. Maar, voor die mensdom is jy een van apartheid se politieke lafaards. Moenie Eugene betrek by jou drogredenasies nie.”

Hierop wou Van der Merwe hom nie regstreeks antwoord nie, maar het in ‘n kort boodskap terug aan Croucamp verwys na Spreuke 26:4 wat lui: “Antwoord ’n dwaas nie na sy sotheid nie, sodat jy ook nie net soos hy word nie.”

RSG se plaasmoordberigte opvallend foutief

Nadat RSG jare lank plaasmoorde en plaasaanvalle doodgeswyg het, het die geweldige toename in wat alleen as ‘n georganiseerde volksuitwissing beskryf kan word, waarskynlik die openbare uitsaaier genoop om wel daaroor te berig.

Wat egter opval, is dat die berigte klaarblyklik opsetlik verkeerde inligting bevat.

In ‘n vorige berig is ‘n boer wat geskiet is van Groblersdal in Limpopo “Greenen” genoem oor RSG, terwyl hy eintlik “Van Greunen” heet.

In die jongste wrede moord op Jan de Kock van Petrus Steyn, word die berig opsetlik misleidend aangebied sodat dit klink asof die boer se lyk ver van sy plaas in sy bakkie in Vereeniging aangetref is. Vergelyk dit met die berig uit die Volksblad.

Hier volg die vreemde RSG-berig:

Die Vrystaatse polisie is op soek na drie verdagtes in verband met die dood van ‘n 70-jarige boer in die Petrus Steyn-omgewing. Jan de Kok is op sy plaas, Grootwage vermoor. Sy liggaam is gevind nadat sy bakkie in Vereeniging in Gauteng langs die pad gekry is. Vuurwapens en selfone word uit sy huis vermis. ‘n Saak van moord is geopen en die polisie het ‘n beroep op die publiek gedoen om na vore te kom met enige inligting wat met die ondersoek kan help.

Dit blyk dat die polisie wel gaan ondersoek instel het op die plaas nadat die voertuig gevind is en die verlate toestand met geen teken van lewe nie, daarna as “normaal” beskryf het.

Dit versterk die vermoede dat die georganiseerde aanvalle op wit grondeienaars nie deur misdaad gedryf word nie en nie opgelos sal word deur meer hulpbronne aan die polisie beskikbaar te stel nie.

As die openbare uitsaaier doelbewus inligting verkeerd aanbied in Afrikaans, is dit duidelik dat plaasmoorde ideologies gedryf word.

Praag doen dus ‘n beroep op Afrikaanse joernaliste om hulself te distansieer van RSG se ideologiese projek as hulle nie self mededpligting daaraan wil wees nie.

Boer van Petrus Steyn doodgemartel

‘n Boer van die plaas Groot Waag by Petrus Steyn, Jan de Kock (69) is vermoor toe swart plaasaanvallers hom oorval het terwyl hy in die veld na beeste gesoek het.

Sy lyk is met binddraad aan sy vierwielmotorfiets vasgemaak, het die Volksblad berig.

Sy vrou, Marietjie (67), is nie beseer tydens die aanval nie, maar geweldig geskok.

Die egpaar se honde is enkele dae tevore gedurende ‘n inbraak vergiftig. Die egpaar was toe nie tuis nie.

De Kock se Ford Ranger-dubbelkajuitbakkie, met die sleutels daarin, is verlate deur die polisie in Vereeniging gekry.

Nadat die bakkie opgespoor is, is die polisie glo na die plaas waar hulle waarskynlik gedink het die twee wit eienaars is reeds dood. Niks is aangemeld nie en die toneel op die werf was glo “normaal”.

‘n Buurman het daarna ‘n oproep van ‘n polisiebeampte gekry wat bevestig het dat dit wel De Kock se bakkie is wat gekry is. Hy en ‘n ander buurman het na hulle na die plaas gehaas.

Die boer is vermoor in die skuur aangetref nadat hulle sy vrou in badkamer vasgebind gekry het. Hy is waarskynlik doodgemartel.

Vuurwapens en selfone is gebuit.

Geen vordering in ondersoek na boer wat Maandag doodgeskiet is

Daar is nog geen vordering om die die swart aanvallers wat ‘n boer van Groblersdal doogeskiet het, vas te trek nie. Dit was die sesde plaasaanval in dié gebied in Limpopo.

Die aanvallers is glo op die plaas afgelaai en weer opgelaai na die aanval.

Rudolph Pretorius (54) is dood nadat hy Maandag in die vroeë oggendure in sy gesig geskiet is.

Vier swart aanvallers het glo eers sy honde vergiftig en toe by ’n badkamervenster die huis binnegedring.

Kol. Ronel Otto, provinsiale polisiewoordvoerder, het gesê Pretorius se vrou is met ’n geweer oor die kop geslaan.

Na ’n skietery tussen die aanvallers en Pretorius is hy in die gesig geskiet. Die aanvallers wapens en juwele gesteel.

Ian Cameron, hoof van gemeenskapsveiligheid by AfriForum, het aan Beeld gesê “daar moet iets gedoen word aan die tekort aan mannekrag, voertuie en hulpbronne by polisiekantore”.

AfriForum sal ‘n ontleding doen van wat die polisiekantoor nodig het.

PRAAG loods TV-lisensieboikot

Dr. Dan Roodt van PRAAG, die Pro-Afrikaanse Aksiegroep, het vanoggend aangekondig dat sy beweging voortaan die betaling van TV-lisensies gaan boikot.

“Dit geskied nie soseer in reaksie op die aanstelling van ‘n nuwe bedryfshoof nie,” sê hy, “maar weens die volgehoue margninalisering van Afrikaanse programme, asook die naakte Boerehaatpropaganda wat soms uitgesaai word. Waarom moet ons betaal vir ‘n medium wat sowel Afrikaans- as Afrikanervyandig is?”

PRAAG ondersoek tans die verskillende metodes waarmee mense gehelp sal word wat moontlik deur die SAUK se skuldinvorderingsagentskappe geteiken sal word.

“Ons is oop vir voorstelle,” het Roodt gesê. “Dit kan enigiets wees van die soort anargistiese metodes wat destyds in Amsterdam gebruik is toe ‘n vereniging jou boetes vir jou betaal het as jy gevang is dat jy sonder ‘n kaartjie op die trems ry. As mense ‘n lasbrief vir beslaglegging ontvang, mag ons dalk hul lisensies vir hulle betaal. Of dit kan ‘n grondwetlike hofsaak behels waarin ons sal argumenteer dat ons van die SAUK se gehoor uitgesluit is en daarom nie hoef te betaal nie.”

Daar is op dié stap besluit nadat PRAAG oor ‘n tydperk klagtes ontvang het van lede van die publiek wat geen sin daarin sien om langer TV-lisensies te betaal nie.

“Daar is ook groot geesdrif vir die idee dat ons alternatiewe vorme van vermaak op die internet moet skep, met YouTube-besprekings in Afrikaans, Afrikaanse films en dergelike meer,” sê Roodt. “Dit kan ‘n hele avontuur word.”

Beeld haal betaalmuur af om Afrikaners aan te val

Beeld is klaarblyklik vasberade om die gewese alkoholis en vermaakpersoonlikheid, Elzabé Zietsman se tanende openbare beeld heeltemal te vernietig.

Die koerant het hulle elektroniese betaalmuur afgehaal om aan Zietsman ruimte te gun om ‘n volskaalse aanval teen Afrikaners te loods waarin sy ons as “dwase”, “dom dose” en “stupid idiote” uitskel.

Media24 het dié week ‘n openbare haatveldtog teen Steve Hofmeyr en Afrikaners van stapel gestuur nadat Hofmeyr Die Stem by die Innibos-fees in Nelspruit saam met ‘n waarderende gehoor gesing het.

Onder aanvoering van redakteur Adriaan Basson, is opiniestukke en berigte skielik sonder die betaalmuur beskikbaar waarin Afrikaners met rotte vergelyk word wat die ewige skuld vir swart mislukking moet dra omdat ons – heeltemal wettig – die volkslied saamsing.

Zietsman se onsamehangende geskel is Donderdag ruimte in Beeld gegun waar sy haar Facebook-aanvalle voortgesit het. “Ek is jammer oor één ding,” het sy Woensdagmiddag aan Beeld gesê.

“Ek is jammer ek het die mense wat ‘Die Stem’ so saam met Steve gesing het dose genoem. Ek is jammer daaroor, want ek bedoel eintlik hulle is dwase en dóm dose.”

“Maar ek wil nie eens met die stupid idiote wat sulke snert kwytraak, begin argumenteer nie. Ek gaan niks bereik nie.

Sy het Hofmeyr, sonder ironie, van “opswepery” en “kwaadstekery” beskuldig na haar jongste ongevraagde, kwaadwillig uitlokkende kommentare teen Afrikaners.

Beeld het ook die mening van ene Emma Sadleir, ’n prokureur wat glo in sosiale media spesialiseer, weergegee waarin lesers se ontstoke reaksie op Zietsman se haatveldtog as “misdadig” beskryf is en neerkom op “aanlynteistering”.

Volgens die “kenner” kan sulke “digitale vigilantes” krimineel aangekla word.

Die “kenner” het nie ‘n mening uitgespreek oor Media24 se doelbewuste massaveldtog van uitlokking teen hul pro-Afrikaanse lesers nie.

Boer se lammertjies teen muur doodgeslaan in massaslagting

‘n Boer van Bloemfontein het 27 Merino-skape op ‘n gru-wyse in ‘n massaslagting verloor. Die ooie was byna almal dragtig.

Die oorblyfsels van die ooie se fetusse is net so agtergelaat.

Swart veediewe het vermoedelik die naweek die skape van Richard Mudge keelaf gesny en vermink.

Mudge sê van sy skape is al in die verlede gesteel, maar dié slagting was skokkend.

Lammetjies van ’n paar dae oud is teen ’n muur doodgeslaan. Die benoude lammertjies se geblêr moes die aanvallers gesteur het, vermoed Mudge.

“Die skape se karkasse is met vel en al verwyder en die binnegoed was al wat agtergebly het,” het hy aan Beeld gesê.

“Sowat 13 van die skape was swaar dragtig en sou later die week of teen vroeg volgende week lam.”

Mudge het op ’n geknipte heining tussen sy plaas en sy buurplaas afgekom nadat hy die 27 vermiste skape gaan soek het.

Hy het op die skape teen heining by die N1 op die buurplaas op die slagting afgekom.

“Die heining is opgelig en ’n mens kon die sleepmerke sien soos wat die skape onder die draad deur getrek is.”

Tussen die twee plase is 180 skape net die jaar reeds gesteel, nadat ‘n 100 van die bure se Damara-skape onder sulke wrede slagters deurgeloop het.

Veediewe maak die lammertjies sonder genade dood en verjaag die skape so erg dat hulle aan uitputting ly en beserings opdoen.

Die boere ly tienduisende rande se verliese hierdeur en dit lyk nie asof die misdadigers vasgevat word nie.