Kategorie: Afrikaanse nuus

Slegs op PRAAG. Hier kry u 'n omvattende beeld van alle nuusgebeure rondom Afrikaans en Afrikaners, die enigste volksnuusblad op die web!

Thuli Madonsela se dogter is EFF en anti-Afrikaanse onlusmaker by Tuks

Die openbare beskermer adv. Thuli Madonsela se dogter is een van die Boerehaatbelhamels aan Tuks wat gister teen Afrikaans betoog het en selfs onder polisierubberkoeëls deurgeloop het. Op haar Twitter het Wenzile Madonsela gister op Engels geskryf: “Geskiet deur die polisie. Die lewe van die swart kind maak nie saak nie, gister aangerand en vandag geskiet.”

Wenzile Madonsela (links) en van haar mede-EFF-lede by Tuks
Wenzile Madonsela (links) en van haar mede-EFF-lede by Tuks

Boerehaat, asook ‘n afkeer van Afrikaans, loop dik by die Universiteit van Pretoria en die EFF wil sien dat die taal geheel en al op kampus verbied word. Op Twitter gebruik swartes die hutsmerk #afrikaansmustfall. Die slagspreuk is insgelyks teen ‘n muur op die kampus geverf.

Die slagspreuk "Afrikaans must fall" is teen 'n muur op die Tuks-kampus geverf
Die slagspreuk “Afrikaans must fall” is teen ‘n muur op die Tuks-kampus geverf

‘n Aantal swart studente is gister in hegtenis geneem omdat hulle die hofbevel wat betogings op of naby die kampus verbied, oortree het. Na wat berig word, is 27 aangekeer, maar hulle is intussen op borg vrygelaat en sal Maandag in die hof verskyn. Volgens Twitter-berigte is die sake teen sekeres reeds deur die aanklaer teruggetrek en waarskynlik sal al 27 nie Maandag hoef te verskyn nie.

‘n Buiteband is voor die hoofingang in Lynnwoodweg aan die brand gesteek terwyl swartes daar rondom gedans, gesing en geskree het. Hierna het lede van die polisie en metropolisie hulle stormgeloop en het chaos uitgebreek.

Intussen bly al die kampusse van die Universiteit van Pretoria tot verdere kennisgewing gesluit.

Donderdag het ‘n konfrontasie tussen wit en swart studente plaasgevind wat deur Afriforum op ‘n video vasgevang is.

Op dieselfde dag, Donderdag, het die EFF Afrikaanse studente “met glasbottels gegooi, gevloek en bespoeg en gesê Afrikaanse mense is nie welkom in Suid-Afrika nie,” volgens Henrico Barnard.

Intussen woed die revolusie op ander kampusse ook voort. By Wits is 20 swart studente insgelyks op strafbare klagte in hegtenis geneem, waaronder die brand van ‘n bus.

Gaan EFF Afrikaans by Tuks afgeskaf kry?

In weerwil van die interdik wat die Universiteit van Pretoria teen die EFF-jeugbeweging op die kampus verkry het, lyk dit asof die universiteit reeds die weg berei op ‘n oorgawe oor die taalkwessie. In ‘n verklaring wat gister op die universiteit se webblad – slegs in Engels – verskyn het, word daar gepraat van ‘n verandering aan die taalbeleid van Tuks om dit ‘n Engelstalige instelling te maak.

Die verklaring lui soos volg:

As deel van sy voortdurende raadpleging oor die Universiteit van Pretoria se taalbeleid, het die universiteitsbestuur ‘n reeks vergaderings met studenteliggame op 18 en 19 Februarie gereël om terugvoer oor die Taalbeleidstaakspanverslag te verskaf, asook die voorgestelde wysigings aan die taalbeleid wat die verslag bevat. Ongelukkig kon die vergaderings wat vir 18 Februarie gereël is, nie voortgaan nie. Die vergadering wat vir 19 Februarie bestem is, word uitgestel.

Afrikaans word aan Sepedi gelykgestel

Onder die nuwe taalbeleidsvoorstelle wat voorgestel word, is dat Afrikaans aan Sepedi gelykgestel word en dat Engels tot die “hooftaal in alle lesings” bevorder word. Volgens die universiteit se verklaring het die Taalbeleidstaakspan die volgende “wysigings” aan die huidige taalbeleid voorgestel:

  • Dat Engels die hooftaal in alle lesings moet wees.
  • Dat die universiteit veeltaligheid behoort te bevorder as ‘n middel tot studentevordering en die bou van maatskaplike samehorigheid.
  • Dat Afrikaans en Sepedi gebruik word om bykomende ondersteuning aan studente in tutoriale, praktiese klasse en gesprekke te bied.
  • Oorgangsmaatreëls sal toegepas word, vir geval die voorgestelde wysigings aanvaar word.

Vanweë onluste op die kampus, wat hoofsaaklik deur die EFF-jeugbeweging veroorsaak is, sal raadpleging nie meer plaasvind nie en word studente en personeel toegelaat om “per epos” kommentaar op die voorgestelde wysigings – wat op klakkelose verengelsing neerkom – te lewer.

‘Veranderende studente-demografie’

Op vrae van PRAAG aan die skakelbeampte van Tuks, Anna-Retha Bouwer, het sy soos volg gereageer:

Die Hersiening van die taalbeleid is reeds in Februarie 2015 van stapel gestuur in die lig van veranderende studente-demografie en om die Universiteit in staat te stel om studente se akademiese sukses te koester.

Die verslag van die aangewese taakspan is op 27 Januarie 2016 by die Senaatsitting bespreek. Daar word nou verder gekonsulteer met studente en fakulteite.

Na die konsultasieproses, sal die Raad die voorstelle vir die toekomstige taalbeleid oorweeg. Implementasie van enige veranderinge sal in ooreenstemming wees met die relevante wetgewing aangesien die taalbeleid ‘n statutêre kwessie is wat voor die Minister van Hoër Opvoeding en Opleiding moet dien.

 

Tuks-onrus: UP verkry interdik teen EFF, Afriforumjeug en ander studenteverenigings

Te midde van voortslepende konflik en intimidasie op die kampus van die Universiteit van Pretoria waarin ten minste een student gister beseer is, het die universiteit hom gister tot hof gewend om ‘n dringende aansoek teen verskeie studenteverenigings te verkry. Dit lyk asof die universiteit sowel die EFF as Afriforumjeug oor dieselfde kam skeer.

Die senior mediaskakelpraktisyn van die universiteit, Anna-Retha Bouwer het per epos aan PRAAG gesê: “Die interdik is verkry teen die EFFSC, AfriForum, AfriForum Jeug, en met ander betogers wat nie tot een van die groepe verbind is nie as vierde respondent.”

Verbod op vuurwapens, messe en skerp voorwerpe

Punt 8 van die dringende hofbevel wat deur Tuks verkry is, bepaal dat “die respondente en waar van toepasssing hul ondersteuners verbied word om vuurwapens, messe, skerp voorwerpe, stokke of gevaarlike wapens te dra soos dit deur die Wet op gevaarlike wapens nr. 15 van 2013 omskryf word, by of naby die ingang van die Universiteit van Pretoria se perseel of op die kampus van die Universiteit van Pretoria.”

Die studenteverenigings word verder deur die hofbevel daarvan weerhou om enige onwettige betogings te hou, klasse te ontwrig of hulle aan haatspraak of aanhitsing tot geweld op die kampus skuldig te maak.

Intussen bly die universiteit vir die dag gesluit, met sommige studente en dosente wat in die geheim in restaurante en kafees in Pretoria vergader om hul werksaamhede en gesprekke rondom take en projekte voort te sit.

“Die besluit om die Hatfield- en Groenkloofkampusse vandag te sluit, is geneem om die veiligheid van personeel en studente te verseker nadat dreigemente van die ontwrigting van akademiese aktiwiteite ontvang is,” sê Anna-Retha Bouwer.

“Dit is ‘n anti-Afrikaanse ding,” meen ‘n student waarmee PRAAG gesels het. “Die EFF wil hê dat Afrikaans afgeskaf word, daarom dreig hulle die universiteit.”

Eksemplare van die hofbevel is by al die hoofkampus se ingange opgeplak.

Hier is ‘n PDF van die volledige hofbevel in Engels:

201602182331.zp80091.pdf

Parys-plaasaanval: Staat berispe oor vertragings

Landdros Leshnee Pillay het die Staat gewaarsku dat indien sy ondersoek na die moord op twee beweerde plaasaanvallers met die volgende hofverskyning nie afgehandel is nie, sy die nodige stappe sal moet neem.

Dit volg nadat die saak teen vier boere en ‘n polisiekaptein van Parys vanoggend in die plaaslike landdroshof tot 15 April uitgestel is.

Die staat het aangevoer het dat hy steeds wag op uitslae van DNS-toetse, asook ontledings van die beskuldigdes se selfone.

OFM-nuus berig dat al vyf beskuldigdes se borgtog van R5 000 verleng is.

Die boere, Boeta van der Westhuizen, Johan Cilliers snr., sy seun Johan jr. en Anton Loggenberg, is in Januarie in hegtenis geneem weens die moord op Samuel Tjixa en Simon Jubeba, wat verdink is van ’n aanval op Van der Westhuizen se pa, Loedie op sy plaas buite Parys.

Kaptein Henk Prinsloo, wat na bewering die boere gehelp het om die mans te vermoor, is voorverlede Woensdag in hegtenis geneem en het saam met die ander mans in die hof verskyn.

Buite die hof het sowat 200 swart betogers “Kill the boer” gesing.

Die twee vermeende aanvallers is in aanhouding dood. Hulle het nog gelewe toe hulle aan die polisie oorhandig is.

Boer oorleef Edenburg-plaasaanval

‘n Swart verdagte sal na verwagting Vrydag in die Edenburg-landdroshof verskyn nadat hy in hegtenis geneem is in verband met ‘n plaasaanval Woensdag.

‘n Polisiewoordvoerder Peter Kareli sê die man, sowat 28-jaar-oud, het ‘n vuurwapen in sy besit gehad.

‘n Tweede swart verdagte is in hegtenis geneem vir ondervraging, maar is sedertdien vrygelaat.

Die boer van Edenburg, Ernst Coetzee was vroeg Woensdagoggend uit in die veld. Met sy tuiskoms het hy opgemerk die veiligheidshek by sy huis is oop.

Hy het ‘n inbreker in die huis teëgekom en ‘n gestoei ​​het daarna gevolg. Coetzee is glo in die hand geskiet.

Hy het na die polisiestasie gejaag om die aanval aan te meld en ‘n noodplan is geaktiveer.

Boere is geloof vir hul vinnige optrede wat daartoe gelei het dat beide verdagtes in hegtenis geneem is binne ‘n radius 5km van die plaas, sowat twee-en-‘n-half uur ná die aanval plaasgevind het.

Coetzee is gelukkig nie ernstig beseer nie en het intussen behandeling ontvang by die Mediclinic in Bloemfontein.

Smorenburg oorweeg regstappe teen PRAAG

Die aanhitser van die haatveldtog teen die twee persgesig-studente van Stellenbosch, Mathew Smorenburg oorweeg glo regstappe teen dr Dan Roodt van PRAAG.

’n Boodskap op Smorenburg se Facebook-bladsy lui: “In reaksie op mense wat Smorenburg fel op sosiale media gekritiseer en soms selfs gedreig het, het Johan Pienaar en Gustav Franzsen van Stellenbosch Maandagaand strafregtelike klagte van intimidasie en die openbare aanhitsing van geweld teen Pieter Swart, woordvoerder van die VF Plus, en Dan Roodt van Praag ingedien.”

Volgens Smorenburg het Roodt in ‘n twiet gedreig om hom “leed aan te doen”.

Die VF Plus het Maandag ’n klagte teen die US by die Menseregtekommissie (MRK) ingedien.

Die woordvoerder van die MRK, Isac Mangena, het bevestig dat die klagte ontvang is en dat dit ondersoek word.

Smorenburg het Poekie Briedenhann en Jo-Anne Cloete gedwing om ‘n boodskap wat hulle inkrimineer op sosiale media te deel:

We are aware that our actions in the #blackfacing incident last night at the Heemstede stellar space party where painting our bodies dark purple and cover with glitter appeared as black and thus as attempt to demean and axotify blackness. We apologise for any offense occurred and take full responsibility for this. We are working with the University and other role players in this regard. We thank those who are trying to support us knowing we had no bad intentions but request that you do not try defend the indefensible practice of #blackfacing.

Die rol wat “Johan Pienaar van Stellenbosch” in die openbare lewe speel om Praag aanhoudend swart te smeer, is interessant.

Pienaar het sy verskyning by UP gemaak in 1991 waar hy ‘n toespraak deur Nelson Mandela ontwrig het deur op die verhoog te hardloop.

Hy was destyds deel van die KP se “kommando’s”, maar bevind homself klaarblyklik nou aan die ander kant van die politieke spektrum.

Adriaan Basson het onder sy redakteurskap van Beeld lesers mislei deur vir Pienaar as ‘n “prokureur van Stellenbosch” voor te hou. Dit is onwaar.

Daarna is Pienaar as ‘n “vryskutaktivis” beskryf, maar dit is nie duidelik wie Pienaar betaal om sy aktivisme te bedryf nie, behalwe miskien die intelligensiedienste.

Hy het vrae daaroor op Facebook ontwyk.

‘Afrikaners wat wen’ laat krieketkaptein na sy hart gryp

‘n Twiet oor Afrikaners se aandeel in ‘n krieketoorwinning deur ‘n bekende sportjoernalis het die Protea-kaptein na sy hart laat gryp.

Nasiebouer AB de Villiers is ontsteld omdat Dan Retief getwiet het dat ‘n beslissende eendagwedstryd teen Engeland deur “twee wit Afrikaners” gewen is.

Die Proteas het die laaste van vyf eendagwedstryde teen Engeland op Nuweland in Kaapstad gewen om daarmee in die eendagreeks te seëvier.

Retief het intussen onvoorwaardelik om verskoning gevra vir sy opmerking wat die ooglopende oor die wedstryd saamgevat het.

Die gewraakte twiet lui: “Suid-Afrika is tot ‘n oorwinning gedra deur twee wit Afrikaners . . . Politici en mediakommentators neem kennis . . . vir wat dit werd is.”

Haroon Lorgat, uitvoerende hoof van Krieket Suid-Afrika (KSA), het ook “erg aanstoot geneem” oor Retief se “onsensitiewe” twiet wat die veelrassige “spanpoging” misken.

Retief het waarskynlik ook kommentaar gelewer op die feit dat KSA besig is om Afrikaners uit die nasionale span te hou, maar later toegegee dat dit nie nasiebou bevorder nie.

Krieketafrigters by Afrikaanse skole kla reeds geruime tyd dat Afrikaanse seuns oorgesien word vir spankeuses.

De Villiers het ‘n onoorwonne 101 aangeteken en David Wiese het met 41* die wenlopies gemoker.

Die res van die veld het power gevaar en wenkbroue laat lig oor hul insluiting op nasionale vlak.

SGS Mathew Smorenburg lei heksejag teen US-studente

Die Namibiese student en haar vriendin wat geskors is omdat hulle hulself pers geverf het, se regsverteenwoordiger sê hy het in 25 jaar in die praktyk het nog nie so ‘n “flagrante vertrapping van ‘n student se regte deur sy eie universiteit gesien nie”.

Poekie Briedenhann (20) en Jo-Anne Cloete (19) is verlede week hangende ‘n ondersoek geskors.

Danie Rossouw, Briedenhann se prokureur, het aan Netwerk24 gesê Briedenhann en Cloete oorweeg tans ‘n siviele skadevergoedingseis teen die universiteit, die studenteraad, individuele amptenare en studente wat hulle aan intimidasie skuldig gemaak het.

Ene Mathew Smorenburg, ‘n gay sosiale geregtigheidstryder (SGS) en verbonde aan die universiteit se studentesentrum is glo die inisieerder van die heksejag teen die twee meisies.

Hy het voorheen op Twitter gesê ‘n opstand by Stellenbosch moes al lankal plaasgevind het.

Smorenburg het aktief die veldtog teen die twee meisies gelei, volgens Netwerk24:

Smorenburg het kort nadat die foto’s van Briedenhann en Cloete verlede Vrydagoggend op sosiale media verskyn het, die twee studente en Natanja van Rooyen (‘n studente wat op van die foto’s verskyn, maar wie se lyf nie geverf was nie) na sy kantoor ontbied waar hy hulle oor die kole gehaal het. Ook teenwoordig was dr. Leslie van Rooi, die inwonende hoof van die Simonsberg-manskoshuis en Heemstede se primaria, Demi Roodt.

Die twee kamermaats het die aand tevore ‘n partytjie van hul koshuis, Heemstede, bygewoon. Die tema van die aand was “Stellar Space” en hulle is vroeër die dag na ‘n Chinese winkel waar hulle botteltjies rooi en blou verf gekoop het waarmee hul pers verf gemeng het. Hul uitrustings is afgerond met blinkertjies op die gesig en versierings wat hulle uit tinfoelie gemaak het.

Briedenhann vermoed dat ‘n foto wat sy die volgende oggend op haar Instagram-profiel gelaai is, deur ‘n voormalige Heemstede-inwoner en lid van Open Stellenbosch (OS) gesien is. Dié persoon het dit na bewering afgelaai, digitaal gemanipuleer om hulle swart te laat lyk, en verder versprei. ‘n BSc-student en aktiewe OS-lid, Tshepo (Crocky) Modiri, het toe ‘n klag van “blackface” by die universiteit gaan lê.

Die meisies sê tydens die vergadering het Smorenburg hulle op ‘n “baie intimiderende, baie intense, effens beledigende en baie geïrriteerde wyse en met baie handgebare” begin toespreek. Hy was nie eintlik geïnteresseerd in hul verduidelikings nie.

Toe hulle hom daarop wys dat hulle bloot soos aliens aangetrek was, het hy hulle onderbreek: “Moenie daardie woord gebruik nie!” Hy het gesê die term alien of extraterrestrial impliseer dat wit mense dink daar is sekere rassegroepe op kampus wat nie in die samelewing tuishoort nie. Deur sulke woorde te gebruik, het hy gemaan, “kan julle net die situasie vererger”. Toe hulle by hom pleit dat hulle nie eens weet wat “blackface” is nie, het hy hulle glo uitgekryt as “oningelig, naïef en onopgevoed”.

Die meisies sê Smorenburg het aan hulle gesê het dat hulle nie ‘n regsverteenwoordiger mag kry voordat hy so sê nie;
hy nie omgee wat hulle bedoelings was nie, wat saakmaak, is wat ander mense daarvan dink;
nadat hulle later die dag nóg ‘n foto, wat duidelik wys dat hulle pers geverf was, aan Smorenburg gewys het, hy sou gesê het dat hy nie belangstel om dit te sien nie omdat dit nie saak maak watter kleur hulle was nie. “Dit word gesien as swart, finish en klaar.”

Smorenburg het ook ‘n “verskoning” op sy selfoon uitgetik wat hy aan hulle per SMS gestuur het met die opdrag om dit op hul Facebook-profiele te sit. In die verskoning bedank hulle diegene wat “probeer om ons te ondersteun” en “versoek dat (ons vriende) nie probeer om die onverskoonbare te verskoon nie”.

Die meisies was so geïntimideer deur Smorenburg dat hulle presies gedoen het wat hy gesê het. Briedenhann sê toe haar ma haar verskoning sien, was sy uiters geskok en het haar beveel om die “belaglike” verskoning dadelik te verwyder en haar profiel te sluit. Die ander twee meisies het ook hul verskonings verwyder van hul Facebook-blaaie.

Briedenhann se pa, dr. Joggie Bredenhann, ‘n ortodontis van Windhoek, sê toe hy later die middag vir Smorenburg gebel het, het Smorenburg aan hom gesê om nie regsverteenwoordiging vir sy dogter te kry nie, omdat dit die indruk by die klaers sal laat van ‘n “bevoorregte wit meisie met regshulp”.

Daardie middag het ‘n bende swart EFF- en OS-oproeriges ook wederregtelik toegang tot die koshuis gekry en daarop aangedring om Cloete en Briedenhann, na wie hulle verwys het as “Crispy Whitebread”, te spreek.

Die meisies moes hulself in hul kamer toesluit terwyl huiskomiteelede en ander studente gedwing is om op die vloer te sit en oor hul “rassisme” aangespreek is. Plakkate is ook op kampus versprei met die twee se gesigte en telefoonnommers.

Die meisies is later die middag deur Pieter Kloppers, direkteur van die universiteit se Sentrum vir Studentegemeenskappe in kennis gestel het dat hulle uit die koshuis geskors word.

Hulle het aan hom gesê hulle is bang en verlang beskerming, maar dit was eers nadat Briedenhann se ouers later in die week in Stellenbosch aangekom het om sy dogter by te staan, dat die universiteit enige daadwerklike stappe gedoen het om hulle te beskerm.

EFF dreig om Tuks onregeerbaar te maak oor Afrikaans

Die EFF dreig om die Universiteit van Pretoria (UP) onregeerbaar te maak as Afrikaans as onderrigtaal nie teen Vrydag afgeskaf word nie.

UP is die volgende teiken wat uitgesonder is vir openlike konflik ná die #FeesMustFall-veldtog.

Die ultimatum aan Tuks is Maandag deur Kabelo Mahlobogwane, EFF-voorsitter gestel.

“Ons sal die universiteit onregeerbaar maak as die taakspan nie sy beloftes nakom nie.

“Ons sal nie oorgee nie. Dit is ononderhandelbaar dat Afrikaans as onderrigtaal by die UP afgeskaf moet word,” het hy luidens Netwerk24 verklaar.

Die huidige taalbeleid bepaal dat akademiese programme in Afrikaans of Engels of albei aangebied word as daar ‘n vraag is.

‘n UP-woordvoerder het Maandag gesê die taalbeleid word tans hersien. ‘n Verslag is in Januarie aan die uitvoerende bestuur en senaat voorgelê wat klaarblyklik poog om Engels te bevorder.

Dit sal beteken dat Afrikaans stelselmatig uitgefasseer sal word as onderrigtaal.

Met die ultimatum van die EFF kan Afrikaans egter gouer verdwyn as wat die transformasievoorstelle tot dusver voorsien het.

Sedert Juluis Malema onlangs in Londen voor Karl Marx se standbeeld gaan buig het, is die EFF vol jingo-ywer. Dit is egter nie duidelik hoe Engels Bantoe-nasionalisme, nog ‘n EFF-doelwit, sal bevorder nie.

Namibiër middelpunt van pers rasherrie

‘n Bekende Namibiese stoetboer en ortodontis, dr. Joggie Briedenhann, se dogter is vasgevang in die absurde en kwaadwillige pers rasherrie op Stellenbosch.

Briedenhann het uit Stellenbosch gesê dit is betreurenswaardig dat Poekie, en ‘n koshuismaat op die Matie-kampus, Jo-Anne Cloete, hulself in die situasie bevind.

“Dit is jammer dat dit moes gebeur. Ons hier in Namibië leef in ander tye en beleef rasseverhoudinge anders as in Suid-Afrika.

Die twee vrouestudente is deur die Universiteit van Stellenbosch (US) uit die Heemstede dameskoshuis geskors ná hulle hul gesigte vir ’n sterreruim-koshuispartytjie pers geverf het.

Die getalarm drukgroep, Open Stellenbosch (OSB), wat hom vir die transformasie van die US beywer, het die onmiddellike en onvoorwaardelike skorsing van Briedenhann en Cloete sowel as die huiskomitee en huismoeder van die koshuis geëis. Hulle is van “blackface” beskuldig toe foto’s van Briedenhann en Cloete op sosiale media platforms gedeel is.

Briedenhann, het kort ná die voorval op Facebook geskryf dat sy en ’n vriendin hulle bloot vir die partytjie donkerpers geverf en met blinkers bedek het en nie met swart mense die gek probeer skeer het nie.

Die groep het egter Maandag in ‘n verklaring vir die twee studente om verskoning gevra en gesê die situasie is misverstaan, maar hul verskoning weer kort daarna teruggetrek.

“Ons besef dat die voorval nie meer algemeen deur die media as ’n geval van ‘blackface’ aanvaar word nie. Ons hou egter vol die feit dat die student ’n filter op die foto geplaas het sodat dit swart lyk, en dit willens en wetens op sosiale media geplaas het, dit wel ’n geval van ‘blackface’ maak,” het die groep in ’n verklaring gesê.

Prof. Wim de Villiers, US-rektor, het in ’n brief aan personeel en studente gesê die universiteit het ’n verantwoordelikheid om die saak te ondersoek.

“Die ondersoek moet plaasvind sodat al die feite voorgelê en deeglik oorweeg kan word. Die proses is in werking gestel met die skorsing van die twee studente uit hul koshuis terwyl die ondersoek aan die gang is.”

De Villiers sê dat die skorsing van die studente hangende ‘n ondersoek standaard praktyk is en dat dit nie gelykstaande aan ‘n skuldbevinding is nie.

Dit is duidelik dat De Villiers geswig het voor die opsetlik kwaadwillige vertolking van die twee se optrede.

Hy het in ‘n verklaring die flou verskoning voorgehou dat die universiteit nie ‘n afgesonderde “enklawe” is wat van die res van Suid-Afrika geïsoleer is nie.

“Ons maak deel uit van die res van die samelewing. In die lig van ‘blackface’- voorvalle aan die US en by ander universiteite in 2014, en die negatiewe impak wat dit gehad het, neem ons sulke bewerings ernstig op,” lui sy verklaring.

Dr. Briedenhann het minute voordat hy saam met ander betrokkenes om 13:30 ‘n vergadering met De Villiers sou hê, in ‘n kort telefoniese onderhoud die voorval betreur en onderneem om die gesprek na afloop daarvan voort te sit. Teen druktyd het hy laat weet die vergadering duur steeds voort.

Bron: Republikein

Zuid-Afrikahuis heropen in Amsterdam

Die Zuid-Afrikahuis in Amsterdam heropen vanaand, ná verbouings wat meer as ’n jaar geduur het.

Die bekende baken huisves die grootste Suid-Afrikaanse biblioteek in Europa en ’n skat aan argiefmateriaal wat veral verband hou met die Nederlands-Suid-Afrikaanse betrekkinge en wat teruggaan tot die Eerste Vryheidsoorlog en selfs vroeër.

Die eerste Nederlands-Suid-Afrikaanse organisasie het sy intrek in 1917 in dié huis geneem.

Die Zuid-Afrikahuis is gevestig in ’n tipiese gragtehuis aan die Amsterdamse Keizersgracht. Die voorste deel van dié huis is gebou in 1620, tydens die Hollandse “Goue Eeu”; die agterhuis het ongeveer 1800 bygekom.

Daar was sprake van dat die huis aan die Keizersgracht verkoop sou word en dat die boeke en argiewe oor verskillende universiteitsbiblioteke versprei sou word.

Maar dié planne om Zuid-Afrikahuis te verkoop het tot groot ongelukkigheid gelei, sowel in Nederland as in Suid-Afrika.

Koos Bekker van Naspers het ingegryp om die huis te red.

Afrikaanse taalklasse en leeskringbyeenkomste word in die gragtehuis gehou.

Benewens lesings, boekbekendstellings, filmvertonings, debatte en kleinskalige musiek- en dramavertonings sal poësievoorlesings ook gehou word. Daar is ’n bestuurder aangestel – Isabelle Vermeij – om hierdie byeenkomste te organiseer.

In April sal enkele onderdele van die Afrikaanse Kultuurfees Amsterdam ook by die Zuid-Afrikahuis plaasvind, soos ’n poësiewerkswinkel met Antjie Krog, Ronelda Kamfer, Nathan Trantraal en die Nederlandse kletsrymers van Poetry Circle Nowhere, ’n dramawerkswinkel met Nicola Hanekom en ’n gesprek oor “Kaaps-Maleise” kos met Cass Abrahams.

Wit gesin van Louis Trichardt leef in vrees na rasaanval

‘n Wit gesin van Louis Trichardt is by ‘n winkelsentrum in die dorp aangeval.

Elsabe Bezuidenhout se nagmerrie is op haar Facebook-blad geplaas nadat sy aangeval is deur ‘n groep swartes.

Sy is in die parkeerarea van Makhado Crossing aangerand. Haar gruverhaal het Maandagoggend meer as 7 000 trefslae gehad en is ‘n paar duisend keer gedeel.

Die Bezuidenhouts het ‘n swartvrou wat voor hulle ingedruk het by die kassiere berispe, waarna die swarte op hulle begin vloek en skel het.

Hulle is onder meer as “white pigs” uitgeskel deur die onbekende swarte en vertel dat dit haar land is.

Die moeilikheidmaker is daarna na buite die Pick n Pay, waar sy ander swartes aangehits het teen die wit egpaar.

Toe die Bezuidenhouts in die parkeerarea kom om hulle kruideniersware in die motor te laai, is hulle ingewag deur ‘n opgeruide skare swartes.

Die spul swartes het op die Bezuidenhouts toegesak, hul arms stukkend gekrap en, volgens Bezuidenhout geskree: “We will kill all you fucking white pigs and white fucking whores!!”

Bezuidenhout sê sy het vir haar en haar kinders se lewens gevrees. Die swarte het die wit vrou met “vieslike vuil naels” gekrap. “Hoe moet ek dit vir my histeriese kinders verduidelik,” vra Bezuidenhout in haar inskrywing. “Met ‘n hele skare saam met haar kon ons onsself nie eers verdedig nie.”

Die swartes het die Bezuidenhouts se voertuig omring en met hul vuiste op die enjinkap geslaan. ‘n Vriendin het gehelp om die kinders veilig in die motor te kry.

‘n Motorwag het intussen ook probeer om die situasie te ontlont. Dit, tesame met die vriendin se hulp, het die gesin in staat gestel om hulle kruideniersware in te laai en weg te kom.

Die veiligheidswagte wat in diens van die sentrum is in die parkeerarea het klaarblyklik net toegekyk het hoe Bezuidenhout en haar gesin aangerand word.

Die sentrumbestuur beweer dat hulle nie bewus is van enige voorval nie.

Bezuidenhout het Dinsdag aan die Zoutpansberger gesê sy het haar profiel gesluit, omdat sy en haar gesin vir hul lewens vrees.

Sy het bevestig dat hulle besluit het om die saak wat by Makhado Polisie geopen is vir verdere ondersoek, te sluit. “Ons wil hê hierdie saak moet nou net verby en agter die rug kom,” het sy aan die koerant gesê.

Intussen is verneem dat die sekuriteitsmaatskappy onder die bestuur van Makhado Crossing val.

Die eienaars van Makhado Crossing het ontken dat die sentrum se sekuriteitskameras al vir maande buite werking is. Volgens die sentrum het ‘n “kragonderbreking” gesorg dat die insident nie opgeneem is nie.

Intussen probeer die ANC, by monde van die minister van Kuns en Kultuur, Nathi Mthethwa, wittes voorhou as “rassiste” wat aan strenger wetgewing onderwerp moet word.

Bron: Zoutnet

Heksejag teen Wouter Basson kos belastingbetaler miljoene

Die raad op gesondheidberoepe sal voortgaan met sy heksejag teen die biologiese oorlogvoeringskenner, Wouter Basson, ten spyte daarvan dat dit die belastingbetaler al R15 miljoen uit die sak gejaag het.

Basson poog tans om die voorsitter van die Tugkomitee, Professor Jannie Hugo deur die Hooggeregshof aan sy verhoor te laat onttrek.

Hugo was nie opreg oor sy lidmaatskap van SA Mediese Vereniging nie, een van die 27 organisasies wat ‘n oproep gedoen het vir Basson se verwydering van die rol van mediese praktisyns.

Hugo het vroeër ‘n aansoek deur Basson om te onttrek weens beweerde vooroordeel van die hand gewys.

Indien Basson met sy aansoek slaag, sal die ses-jaar-lange tugverhoor teen hom van voor af moet begin.

Basson is sedert Desember 2013 met Projek Kus verbind. Die saak duur vandag in Pretoria voort.

Die bekwaamde kardioloog sê hy is skuldig bevind aan onprofessionele gedrag voordat enige getuienis teen hom gehoor is.

Basson sê hy was reeds skuldig bevind toe sy verhoor in 2007 begin het, omdat die respondente reeds besluit het op sy vervolging,.

“Dit is duidelik dat die siening van die respondente is dat die blote feit dat ‘n mediese dokter gedurende die 1980’s in die weermag was, onetiese en onprofessionele gedrag verteenwoordig, ten spyte van verpligte wetgewing met dien effekte.”

Hy het gevra hoe hy ‘n onbevooroordeelde verhoor onder sulke omstandighede kan verwag.

“Ek was duidelik reeds skuldig in die subjektiewe persepsie van die respondente, voordat enige getuienis aangehoor is,” het hy gesê.

Open Stellenbosch het ook verlede jaar te velde getrek teen Basson omdat hy klas gee vir vierde jaar mediese studente by Durbanville fasiliteite van die Mediclinic-hospitaalgroep.

ANC jou rassistiese De Klerk uit

Die ANC nasionale uitvoerende lid, Nathi Mthethwa het oudpresident FW de Klerk daarvan beskuldig dat hy steeds toegewyd is aan sy rassistiese verlede.

Mthethwa, wat ook die Minister van Kuns en Kultuur is, het by ‘n ANC Jeugliga-saamtrek in Soshanguve, noord van Pretoria gepraat.

Hy sê die ANC sal nie toelaat dat rassiste hom oor rassisme leer nie, het RSG berig.

Hy sê die vrylating van oudpresident Nelson Mandela uit die tronk was nie uit die goedheid van De Klerk se hart nie, maar omdat die ANC hom met geen ander keuse gelaat het nie.