Afrikaanse nuus – Bladsy 105

Is Afrikaans op die internet volhoubaar?

'n Onlangse openbare debat oor die volhoubaarheid van gratis nuus op die internet, wat deur Rupert Murdoch van News Corp ontketen is, het ook na Afrikaans oorgespoel toe Rapport sy lesers gevra het of hulle bereid sou wees om vir aanlyninhoud te betaal.

Die groei in praag.co.za se lesers en ons begeerte om 'n groter verskeidenheid inhoud aan ons lesers te bied, het nou ook die vraag laat ontstaan of ons lesers bereid sou wees om finansieel tot die blad by te dra.

Stem asseblief in ons meningspeiling onder regs op die voorblad (L.W.); ons waardeer u mening en terugvoer oor die saak.

Wêreldwyd is gedrukte koerante aan die kwyn. Tans word die koerante se aanlynweergawes deur advertensie-inkomste vanaf die gedrukte blaaie gesubsidieer. In die geval van praag.co.za beskik ons natuurlik nie oor 'n gedrukte weergawe nie en word die blad grootliks as 'n gemeenskapsprojek vir Afrikaners bedryf. Die vraag is egter of ons op die duur die blad op die lug sal kan hou en sal kan uitbrei indien ons geen finansiële steun van lesers ontvang nie.

Tans betaal TV-kykers R250 per jaar aan televisielisensies om hoofsaaklik Engelse inhoud van Amerikaanse oorsprong te kyk, asook bendenklike nuus- en aktualiteitsprogramme wat gewoonlik regeringsmenings en -propaganda weerspieël. Met finansiële steun van lesers kan praag.co.za nie net in die grootste Afrikaanse nuusportaal op die internet ontwikkel nie, maar uiteindelik – met huidige ontwikkelings in die tegnologie en goedkoper bandwydte – ook genoegsame videomateriaal aanbied om 'n alternatief vir die SAUK se TV-diens te bied.

best free bets

Drie miljoen kinderagtige Afrikaners?

Jonathan Jansen

Tydens 'n radio-onderhoud vanmôre met Freek Robinson het prof. Jonathan Jansen, onlangs aangestelde rektor van die Vrystaatse Universiteit, sowel dr. Chris Landman as dr. Dan Roodt se pogings om tot die debat by te dra as "kinderagtig" afgemaak. Jansen het verder teen Roodt te velde getrek en hom as "skadelik vir Afrikaans en vir Suid-Afrika" bestempel.

Dr. Chris Landman het as "anoniem van Pretoria" ingeskakel en aan Jansen gesê dat die SA Grondwet vir gemeenskapsregte voorsiening maak en dat gemeenskappe (soos die Afrikanergemeenskap) daarom oor die reg van vrye assosiasie beskik wat nie deur 'n owerheid of 'n universiteit ontken mag word nie. Jansen het hierdie regsfilosofiese argument van dr. Landman summier as "kinderagtig" en 'n "voorbeeld van apartheidsdenke" bestempel.

Nadat Roodt sonder sukses gepoog het om in te bel, het hy die volgende e-pos via RSG se webblad aan die ateljee gestuur:

e-pos aan Ateljee

Jou boodskap sal deur die aanbieder(s) in die ateljee gelees word. Hulle mag dalk op die radio daarop kommentaar lewer, maar kan NIE aan jou terugskryf nie. As jy 'n boodskap het waarop jy kommentaar/reaksie verwag, klik hier om RSG te kontak. As jy 'n lys van Kontaknommers vir RSG benodig, klik hier.

Dankie vir jou bydrae.

Jou boodskap was :

Jonathan Jansen het so pas 'n baie redelike vraag van "Anoniem" van Pretoria rondom die mens se reg om in 'n gemeenskap vrye assosiasie te beoefen as "kinderagtig" afgemaak. Enkele jare gelede het Jansen egter 'n kritiese vraag van my by die Taalberaad beantwoord met: "Gaan slaap eers by 'n gekleurde vrou en dan sal jy regkom!" Blykbaar is dit nie kinderagtig nie, maar 'n voorbeeld van "volwasse", akademiese debat. Kennelik verwerp Jansen die hele Afrikanertradisie, -identiteit en -geskiedenis as "apartheidsdenke". Op watter verhewe beginsel grond hy hierdie verwerping? Waarom is ons Afrikaners almal kinderagtig en hy soveel wyser en meer volwasse as ons?

Aan die einde van die program het Robinson op die lug egter net een reël uit die boodskap, "Kennelik verwerp Jansen die hele Afrikanertradisie-, identiteit en – geskiedenis as 'apartheidsdenke', voorgelees wat Jansen se standaardreaksie van "kinderagtig" ontlok het.

Dr. Roodt dring egter nou by sowel Jansen as die Raad van die Vrystaatse Universiteit daarop aan dat Jansen moet verduidelik waarom hy so ver bokant Afrikaners verhewe is dat hy hulle as "kinders" sien waarvan hy die argumente en besware nie hoef te beantwoord nie. Op grond van watter kenteoretiese of ander beginsel is Jansen se vorm van kennis verhewe bo dié van twee Afrikanergeleerdes wat gereeld in Afrikaans publiseer?

Roodt het gesê: "Dr. Christo Landman is 'n vorige kommissaris van die Kommissie vir die Bevordering en Beskerming van die Regte van Kultuur-, Godsdiens- en Taalgemeenskappe en is 'n kenner op die gebied van gemeenskapsregte, sowel plaaslik as internasionaal. Om sy redelike en beleefde beswaar, vanuit 'n grondwetlike perspektief, teen die onderdrukking van 'n Afrikanergemeenskapslewe op die Kovsiekampus as 'kinderagtig' te tipeer, getuig van 'n gebrek aan akademiese en intellektuele etiket."

Roodt eis 'n verskoning van die Universiteit van die Vrystaat omdat hul uitvoerende amptenaar "hom in die openbaar en in die media arrogant en beledigend teenoor Afrikanerintellektuele en Afrikaanse skrywers gedra".

вихревой насос Фильчаков прокурор

Grondwetregter trek te velde teen Afrikaanse skool

Leerlinge aan die Ho?rskool Ermelo betoog teen die verengelsings van hul skool deur die onderwysdepartement van Mpumalanga

Regter Kate"O'Regan van die Grondwethof het gister gesê "die houding van Hoërskool Ermelo pla my… dis nie 'n houding wat ons grondwet in die vooruitsig stel nie". Hiermee het O'Regan na die 100%-slaagsyfer van Ermelo, 'n Afrikaansmediumhoërskool verwys, en by implikasie gesê dat die skool met sy slaagsyfer spog terwyl omliggende Engelstelalige skole swakker vaar.

Die adjunkhoofregter, Dikgang Moseneke, het hom insgelyks negatief oor Afrikaanse taalregte uitgelaat. Moseneke het die "toelaatbaarheid van 'n reg" bevraagteken indien dit ander se regte om by 'n bepaalde skool toegelaat te word ondermyn.

"As jy een reg het wat bo 'n ander gestel word… is dit gewoonlik 'n rooi verkeerslig. Om daarop geregtig te wees om enkelmedium in te stel… dis 'n reg maar dit word bokant 'n ander reg gestel om akkomoderend te wees en ander tale te erken," het Moseneke gesê.

Die staat en die onderwysdepartement voer aan dat Ermelo se taalbeleid, wat reeds 93 jaar oud is, nie "die regte van kinders voorop stel nie".

Die staat se senior advokaat, Bantubonke Tokota, het gesê: "Die Afrikaanse taalbeleid by die skool wat ten alle koste gehandhaaf word, demonstreer dat die beheerliggaam die bedoeling het om die skool eksklusief vir Afrikaners te behou.

"Dit kom by implikasie regstreeks of onregstreeks neer op diskriminasie op grond van taal en dienooreenkomstig bring dit 'n grondwetlike geskil na vore."

Tokota het ook aangevoer dat die onderwysdepartement oor die mag beskik om die beheerliggaam van 'n skool op te skort en self oor die taalbeleid van 'n skool te besluit deur dubbelmedium af te dwing.

In sy teenargument, het senior advokaat Wim Trengove namens die skool en sy beheerliggaam aangevoer dat Mpumalanga se onderwysdepartement geen reg had om die skool se taalbeleid te verontagsaam en dubbelmedium in te stel nie.

"Die magte om die skool se taalbeleid te bepaal, berus uitsluitlik by die beheerliggaam… Die beheerliggaam was andersins verplig om die skool se taalbeleid vas te stel in die beste belang van die skool en die leerders se opvoeding. Dis wat die skool gedoen het," het hy gesê.

Trengove het insgelyks aangevoer dat die geskil oor die toelating van nie-Afrikaanssprekende leerlinge by die skool vermy kon gewees het indien die departement die kwessie van oorbevolking in die Engelsmediumskole aangespreek het, wat daartoe gelei het dat die leerders hulle na Hoërskool Ermelo vir toelating gewend het.

Op hierdie punt het regter Kate O'Regan, een van die linkse Engelstalige regters van die Grondwethof, die "houding van die skool" gekritiseer.

'n Ander senior advokaat, Johan du Toit, het namens die Federasie van skoolbeheerliggame vir Suid-Afrikaanse skole (FEDSAS) opgetree.

Du Toit het gesê dat beheerliggame grondwetlik gemagtig is om die taalbeleid van skole wat hulle dien, vas te stel.

"Artikel 6(2) van die SA skolewet verleen aan skole se beheerliggame die mag om 'n skool se taalbeleid te bepaal. Die liggaam behoort toegelaat te word om dit te doen sonder onregmatige belemmering of verhindering.

"Siende dat die beheerliggaam deur wetgewing tot stand kom, behoort geen ander liggaam daardie funksie te vervul nie, bowenal nie 'n liggaam van onverkose buitestanders soos die tussentydse komitee wat (by Hoërskool Ermelo) oorgeneem het nie," het Du Toit gesê.

Hoofregter Pius Langa het uitspraak in die saak voorbehou.

камины в стиле лофт Фільчаков прокурор

Plaasaanvalle bedreig voedselsekuriteit

Genl.maj. Chris van Zyl, ’n assistent-hoofbestuurder van TLU SA, het Woensdag op ’n eiendomsregkonferensie van dié landbou-organisasie in Pretoria gesê plaasaanvalle bedreig voedselsekuriteit in Suid-Afrika.

Dit neem tot agt jaar om die plaas van ’n vermoorde produktiewe boer weer op dieselfde vlak te kry as voor die noodlottige aanslag.

Van Zyl het gesê 1 127 mense het sedert 1993 in altesame 1 864 aangemelde plaasaanvalle gesterf.

Die wreedheid van die aanvalle het toegeneem, alhoewel daar die laaste tyd ’n effense afname in plaasaanvalle was.

“Die brutaliteit wat met plaasaanvalle in Suid-Afrika gepaardgaan, is ongekend op ander plekke in die wêreld. Daarom is dit vir my onverklaarbaar dat daar nie in die buiteland baie oor die plaasmoorde in Suid-Afrika berig word nie,” het Van Zyl gesê.

Vir elke plaasmoord wat in Suid-Afrika plaasvind, is daar 12 of 13 plaasaanvalle.

Meer boere, hoofsaaklik Afrikaners, is die afgelope 16 jaar in plaasmoorde dood as die aantal boere saam wat gedurende die destydse Mau-Mau-opstand in Kenia en die oorloë in Mosambiek, Rhodesië, Angola en Suidwes-Afrika gesneuwel het.

In weerwil van verbete anti-Afrikaanse propaganda wat die aanvalle wil toeskryf aan swak werksverhoudinge tussen eienaars en werkers, word 78% van die aanvalle uitgevoer deur vreemdelinge.

Die aanvallers is hoofsaaklik jong swart mans tussen die ouderdom van 22 en 28 jaar.

лосины для девочки 1 Данильченко

Ermelo se uitsluiting ‘ongrondwetlik’

Die Hoërskool Ermelo se uitsluiting van nie-Afrikaanssprekende leerders is ongrondwetlik, het adv. Bantubonke Tokota, wat die departement van onderwys in Mpumalanga verteenwoordig, Donderdag gesê.

“Ons wil aanvoer dat die weiering van die skool se beheerliggaam om die taalbeleid van die skool te verander en om die skool se onderrigtaal Afrikaans te hou, ‘n direkte impak ingevolge Artikel 9 van die grondwet het.”

Tokota het só aangevoer in ‘n aansoek om verlof tot appèl teen ‘n uitspraak wat in Maart deur die appèlhof ten gunste van die skool se beheerliggaam gemaak is.

Die appèlhof het in sy uitspraak gesê die beheerliggaam van die skool het die gesag om die skool se taalbeleid te bepaal, en dat die mag nie by die department van onderwys lê nie.

Tokota het Donderdag verder aangevoer dat die skool se taalbeleid heroorweeg moet word om die kinders se regte bo alles te stel.

“’n Afrikaanse taalbeleid wat deur die beheerliggaam van die skool goedgekeur is, dui daarop dat die beheerliggaam dié skool uitsluitlik vir Afrikaners wil bewaar.

“Dit dui op indirekte en direkte diskriminasie op grond van taal en dit lug uit die aard van die saak ‘n grondwetlike kwessie,” het Tokota gesê.

Hy het ook aangevoer dat die department van onderwys in Mpumalanga die gesag het om die funksie van die beheerliggaam te onttrek as daar oor die taalbeleid besluit moet word.

Die verhoor duur voort.

купить трансформера прокурор Фильчаков

Ho?rskool Ermelo se saak vandag gehoor

Die Mpumalanga departement van Onderwys se aansoek om verlof om appèl aan te teken teen die Appèlhof in Bloemfontein se uitspraak dat die Hoërskool Ermelo weer ŉ enkelmedium Afrikaanse skool mag wees, word vandag om 10:00 in die Konstitusionele Hof aangehoor. Sou die aansoek om verlof tot appèl goedgekeur word, sal die saak direk daarna aangehoor word.

Die Appèlhof in Bloemfontein het bevestig dat die owerheid onregmatig opgetree het toe Hoërskool Ermelo gedwing is om sy taalbeleid te verander.

Daar is nie ŉ enkele voorbeeld van waar die minister of onderwysowerhede ingegryp het om ŉ enkelmedium Engelse sekondêre skool se taalbeleid te verander nie. “In teenstelling hiermee het die minister en onderwysowerhede dit nodig geag om die staat se volle mag te gebruik om te probeer verseker dat Hoërskool Ermelo verengels,” het Kallie Kriel van Afriforum gesê.

Kriel het daarop gewys dat AfriForum die grootste simpatie met die massas kinders in die land het wat nie toegang tot goeie onderwys het nie. “Die argument van toegang is egter bloot as handige verskoning misbruik om Hoërskool Ermelo van sy status as Afrikaanse skool te probeer ontneem, aangesien daar genoegsame fasiliteite in die skool se omgewing beskikbaar is om leerders wat Engels as voertaal verkies, te kan akkommodeer,” het Kriel gesê. Kriel sê dat die owerhede ŉ kunsmatige behoefte aan Engelse onderrig geskep het om ŉ anti-Afrikaanse agenda te bevorder.

Volgens Kriel bestaan daar verskeie voorbeelde wat daarop wys dat die oorskakeling na ŉ dubbel- of parallelmediumstelsel die eerste stap na ŉ eentalige Engelse instelling is, veral weens die demografiese realiteite van die land.

Die feit dat slegs 19 van die 150 voorgraadse kursusse by die Universiteit van Pretoria steeds in Afrikaans aangebied word, is volgens Kriel ŉ goeie bewys hiervan. “Die aandrang op enkelmedium Afrikaanse instellings kan dus geensins gereduseer word tot ŉ poging om ander taalsprekers uit skole te hou nie,” het Kriel aangevoer.

Engels kan tot ‘politieke onrus’ lei

Kerneels Lourens, ’n prokureur van Brits en stigterslid van die Vereniging van Regslui vir Afrikaans, sê as die regering Engels bo ander landstale verkies, kan dit “aanleiding gee tot politieke onrus en/of ongehoorsaamheid wat nie in belang van Suid-Afrika is nie”.

Lourens het hofstukke wat dié waarskuwing bevat, by die hooggeregshof in Pretoria teen onder meer pres. Jacob Zuma ingedien. Hy eis dat die regering gedwing word “om sy grondwetlike plig na te kom om ingevolge art. 6(2) van die Grondwet ’n nasionale taalwet te aanvaar”.

’n Skikking is intussen bereik dat die geding in die hooggeregshof eerder as die konstitusionele hof gevoer behoort te word.

Die verweerders is die president, die ministers van justisie en konstitusionele ontwikkeling en van kuns, kultuur, wetenskap en tegnologie en die Pan-Suid-Afrikaanse Taalraad (Pansat).

Volgens Lourens is 11 amptelike tale aanvaar in die Grondwet ten spyte van die dominante aard van Engels.

topcargo отзыв

Engels is die taal wat verenig

Prof. Ampie Coetzee, emiritus-professor in Afrikaans, het tydens die Marie Luttig-gedenklesing in die Paarl gesê, Afrikaans, soos die ander inheemse tale, gaan stelselmatig as onderwystaal in Suid-Afrika uitsterf.

Engels gaan as die enigste amptelike taal in die land oorbly “en alle ander goeie dade en mooi woorde oor Afrikaans is nutteloos”.

“Tale sterf, maar ons het nooit kon dink dat dit by ons sou gebeur nie. Dit klink natuurlik pessimisties, maar ek voel daar is genoeg bewyse daarvoor.

“Nietemin vertrou ek die optimiste wat glo dat die regering, universiteitsadministrateurs, skoolrade, onderwysers, burgemeesters en polisiehoofde alles in hulle vermoë doen om die taal te red.”

“Dit moet die taal van die regering wees en die taal van administrasie.

Coetzee sê ’n nasionale taal moet vir die meeste mense van ’n land verstaanbaar wees, en Engels is daardie taal. Hy het nie uitgebrei oor die feit dat Engels in Suid-Afrika 'n minderheidstaal is wat net deur die elite in stede gebruik word nie.

“En uiteindelik sal Engels die taal van onderwys word: sekondêr en tersiêr. Die strewe van die owerhede sal dan wees om onderwys in Engels te standardiseer.

“Niks verenig soos ’n taal nie.

“Engels alleen sal hierdie land moet probeer verenig, waarskynlik as ’n gebroke taal. Maar, met leedwese, moet ek sê: ‘One lan-guage, one nation.’ ’’

Coetzee was voorheen verbonde aan die universiteit van die Witwatersrand.

диагностика для авто Данильченео

Willem de Klerk oorlede

Willem de Klerk, 82, FW de Klerk se ouer broer en mede-argitek van die Afrikaner se oorgawe aan die Britte, is vroeg Vrydagoggend oorlede.

Hy is twee maande gelede in die waakeenheid van die Garden City-kliniek in Mayfair-Wes, Johannesburg, opgeneem vir 'n longkwaal, maar is verlede week glo ontslaan.

Hy het tuis, in Johannesburg, gesterf.

De Klerk, ook bekend as Wimpie, is kort ná sy broer FW se paleisrewolusie teen PW Botha, na Londen ontbied waar hy deur die Britse geheime diens rojaal getrakteer is en van 'n plan voorsien is waardeur die Nasionale Party aan die ANC kon oorgee sonder weerstand deur die weermag of die Afrikanerkiesers.

Vyftig persent van die Afrikaners het destyds die Konserwatiewe Party en ander regse partye ondersteun, maar met behulp van die Engelse stem het FW de Klerk tydens die referendum op 17 Maart 1992, die knoop deurgehaak.

Suid-Afrika het sodoende weer deel geword van die Britse Gemenebes en Afrikaners het tweedeklasburgerskap verkry. Terwyl Brittanje en haar plaaslike lojaliste soos die de Klerk-broers fel kritiek teen die ongelykheid van apartheid uitgespreek het, word die ongelykheid van die huidige transformasiebestel met gelatenheid verduur en goedgepraat.

Nalv Willem de Klerk se selfvoldane politieke standpunte in die boekie Kroes, Kras, Kordaat, het Chris Louw se Boetmanbrief nie net die woede van die Boetmangeslag verwoord nie, maar ook 'n openbare debat onder die ontmagtigde en aanstons verdrukte Afrikaners ontketen.

social media

VF+-jeug vat Tukkies aan

Die VF+-jeug het Woensdag, 5 Augustus, 'n klagte by die Suid Afrikaanse Menseregte Kommissie ingehandig teen die

Charl Oberholzer

Universiteit van Pretoria (UP). Studente het 'n punt bereik waar hul voel dat demokrasie verdwyn het op die Tukkie-kampus. Dit is na aanleiding van die bekendmaking van ongrondwetlike verkiesingsreëls waarvolgens kandidate wat staan in die VSR-verkiesing, verhoed word om hul lidmaatskap van die VF Plus bekend te maak. Studente wat moet stem se reg tot inligting word ontneem, terwyl kandidate se reg tot assosiasie en vryheid van spraak onbillik beperk word.

Die metodes waarmee die Universiteit politiek op die kampus probeer beperk, maak egter nou meer inbreuk op studente se regte as ooit tevore. Die Onafhanklike Verkiesingskomitee weier om die ongrondwetlikheid in hierdie reëls in te sien. Boonop word kandidate voorgesê watter klere hul mag en nie mag dra op verkiesingsdag en dat hulle glad nie studente mag aanmoedig om vir hulle te stem nie. Verder mag hulle ook nie aan studente openbaar maak aan watter politieke party hulle behoort nie.

Die Universiteit is voortdurend besig met ondersoeke teen VF+-jeuglede asook studenteraadslede wat Afrikaanse studente aanmoedig om vir die verkiesing te staan.

"Universiteite moet onderhewig wees aan die demokratiese gees van die res van Suid Afrika, anders gaan ons nooit 'n oplossing vind nie," het mnr. Charl Oberholzer, woordvoerder van die VF+-jeug op die Tukkie-kampus gesê.

Mnr. Oberholzer het ook verder gesê dat die VF+-jeug hiermee 'n einde wil bring aan die voortdurende gevegte tussen die VF Plus en die Universiteitsbestuur deur ontslae te raak van hierdie obsessie van die UP om die VF+-jeug te teiken. Verder is die VF+-jeug ook van mening dat daar beter oplossings is as om studente wat hulself met sekere beginsels vereenselwig, uit die studentestrukture te probeer werk.

Blatante diskriminasie teenoor VF+-jeuglede steek hierdie jaar al kop uit voor die verkiesing, maar die VF+-jeug is reg om op te staan vir alle studente deur die Menseregtekommissie te nader en sodoende "demokrasie, verdraagsaamheid en studente te laat seëvier".

Switserse amptenaar reageer oor Krugerstraat

Nadat verskeie briewe aan die Switserse regering en plaaslike regering gerig is oor die blatante anti-Afrikaanse houding wat uit die onlangse naamsverandering van Krugerstraat in St. Gallen na vore gekom het, het Praag die onderstaande brief ontvang:

Dear Mrs. Roodt

I received your mail of 10th June 2009 from the Federal Department of Foreign Affairs 17th July 2009. I came back from my summer holidays only yesterday so that an answer to your mail from my part wasn't yet possible.

The name "Krügerstrasse" has led to several discussions and political actions in the past in the City of St.Gallen. The street was named "Krügerstrasse" apparently in the year 1904, the year when Paul Kruger died in Switzerland, in Clarens, in the French Speaking part of the country. It was the council of the village of Straubenzell which decided. The village of Straubenzell became, in the year 1918, part of the City of St.Gallen. It seems that the authorities of the village of Straubenzell in those times had the intention to honour Paul Kruger as hero of independence against mighty Great Britain. Today the name Kruger is strongly connected with the colonisation of South Africa and with the suppression of the coloured people.

There was suppression of black people by Afrikaaners who thought black people not being on the same level as white people. One can't only see and honour the struggle against British colonialism; there was also a Dutch colonialism. One can't see the history of the own country only in the role as victims, but not in the role as committers.

With kind regards,

Manfred Linke

Dr. Manfred Linke
Stadtschreiber
Rathaus
9001 St.Gallen
Telefon 071 224 53 22
Fax 071 224 57 01

free bet casino

‘Tukkies nie meer Afrikaanse universiteit’- rektor

Cheryl de la Rey, nuwe rektor van die UP

Die nuwe rektor van die Universiteit van Pretoria, prof. Cheryl de la Rey, het in 'n onderhoud met Radio Sonder Grense verklaar dat Tukkies "nie meer 'n Afrikaanse universiteit nie, maar 'n Suid-Afrikaanse universiteit is".

Dié antwoord het geskied op 'n vraag van die radiojoernalis oor "hoe De la Rey voel om as swart vrou aan die hoof van 'n voormalige wit, Afrikaanse universiteit aangestel te word". Volgens Cheryl de la Rey was haar oupagrootjie 'n "witman" en is sy trots op haar van en op haar "erfenis". Dis ook waarom sy haar nooiensvan behou het en nie haar man se van aangeneem het nie.

Hoewel die nuwe rektor Afrikaans magtig is, het sy op enkele sinsnedes na, verkies om die onderhoud met die nasionale Afrikaanse radiostasie op Engels te voer.

Vrae oor die taalkwessie aan Tukkies het sy met die standaardowerheidsretoriek oor "meertaligheid" beantwoord. "Meertaligheid" sal onder haar bestuur aan Tukkies bevorder word, met die klem nie op Afrikaans nie, maar op Sepedi.

De la Rey het aan die Universiteit van Natal studeer waar sy destyds as kleurling 'n permit vir dié doel moes hê.

Met haar aanstelling, beskik vier uit die vyf voorheen Afrikaanse universiteite oor kleurlingrektore. Slegs die Potchefstroomkampus van die Noordwesuniversiteit het tot dusver aan dié tendens ontkom.

online casino free топкарго кидалы

Willie Spies word AfriForum se regsman

Willie Spies

Willie Spies – die Pretoriase prokureur wat onlangs sy bedanking as parlementslid aangekondig het – is as AfriForum se nuwe voltydse regsverteenwoordiger aangestel. Spies sal ook in sy persoonlike hoedanigheid as een van AfriForum se woordvoerders optree. ŉ Volledige onderhoud met Spies is vandag vanaf 13:00 beskikbaar op die internetradiostasie, Solidariteit Radio, by www.solidariteitradio.co.za.

AfriForum het Spies se prokureurspraktyk, Hurter Spies Ing., gekontrakteer om voortaan al dié burgerregte waghond se regsaksies te hanteer. Spies se kantore en personeel sal na die Solidariteit-gebou in Pretoria verskuif, waar AfriForum se hoofkantoor gevestig is.

Volgens Kallie Kriel, uitvoerende hoof van AfriForum, is Spies se aanstelling ŉ reuse aanwins vir AfriForum. Kriel het daarop gewys dat Spies as prokureur reeds groot sukses behaal het in hofsake soos onder meer dié om stemreg vir Suid-Afrikaners in die buiteland te verseker en ter behoud van Pretoria se naam. “Willie se regsvernuf, entoesiasme, werksetiek en kundigheid oor burgerregte aangeleenthede gaan AfriForum in staat stel om sy veldtogte en regsaksies op ŉ nuwe vlak te plaas,” het Kriel bygevoeg.

Kriel het herbevestig dat AfriForum sal voortgaan om buite die partypolitiek in die burgerlike samelewing vir burgerregte te stry. Volgens hom handhaaf AfriForum ŉ gesonde werksverhouding met die meeste politieke partye, sonder dat AfriForum hom aan enige party verbind. “Willie se aanstelling sal nie hierdie benadering beïnvloed nie,” het Kriel gesê.

Spies het gesê hy beskou sy nuwe rol as ŉ groot uitdaging en hy sien daarna uit om in die burgerlike samelewing ŉ bydrae te lewer. Volgens hom sal van sy eerste prioriteite wees om saam met AfriForum veldtogte en regsaksies te voer oor onder meer die voortslepende misdaadkrisis in die land, die agteruitgang in munisipale dienslewering en die bevordering van veeltaligheid en Afrikaans. “Ek verlaat my openbare rol in die partypolitiek in 'n goeie gees, maar wil my tyd en energie voortaan wy aan die noodsaaklike taak om ŉ sterk burgerlike instelling te vestig wat balans kan bring in ŉ samelewing waar veral minderheidsgemeenskappe se stem dikwels nie gehoor word nie,” het Spies bygevoeg.

Tshwane-naamverslag deur VF Plus gekeer

Conrad Beyers

Die Tshwane-metroraad se Stadsbeplanning-, nntwikkeling- en streeksdientekomitee is deur die Vryheidsfront Plus gedwing om ‘n agendapunt, waarvolgens naamborde wat slegs die naam "Tshwane" bevat by toegangsroetes in Pretoria opgerig gaan word, te wysig omdat dit strydig is met ‘n hofinterdik wat sulke naamborde verbied.

Mnr. W

люстры италия бренды