Kategorie: Suider-Afrika

Suid-Afrikaanse nuus, d.w.s. sowel nuus uit Suid-Afrika én Suider-Afrika.

UJ Sanlam-ouditorium brand na petrolbomaanval

Die Sanlam-ouditorium by die Kingsway-kampus van die Universiteit van Johannesburg het afgebrand, vermoedelik na ‘n petrolbomaanval.

‘n Groot gedeelte van die hoofkampus is tans gesluit. Studente sou eksamen skryf in die gebou.

Die veiligheidspersoneel sê die voorval het moontlik in die vroeë oggendure Maandag plaasgevind en ‘n woordvoerder Herman Esterhuizen het op Twitter gesê die brand is reeds geblus.

Swartes op sosiale media het gesê dit sal lei tot verdere rassisme.

Verskeie departemente word geraak nadat die ouditorium onder ‘n petrolbom-aanval deurgeloop het.

Dit is onduidelik wie vir die voorval verantwoordelik kan wees, maar die kampus is onlangs deur verskeie voorvalle van oproer geteister.

Kolonel Perumal van Brixton-polisiestasie sê ‘n forensiese span van Pretoria is op pad na die toneel.

Studente het verlede week amok gemaak omdat vrouestudente glo deur veiligheidspersoneel geteister word, en daarna weens onvoldoende vervoer op die kampus.

Intussen is lesings by die Vaal Universiteit van Tegnologie nog steeds opgeskort nadat die hoofkampus op Vanderbijlpark suid van Johannesburg afgebrand is.

Die studente was glo kwaad omdat die sekuriteit op die kampus nie diefstal verhoed nie. Hulle eis dat die betrokke veiligheidsmaatskappy afgedank moet word.

Die bestuur het Donderdag alle studente opdrag gegee om hulle koshuise weens veiligheidsredes te ontruim.

Die universiteit se waarnemende Visekanselier, Segopane Seroka, sê die personeellede is aangesê om terug te keer sodat hulle kan werk kan voorberei.

Die studente sal later in kennis gestel word as hulle kan terugkeer kampus toe.

Seroka sê daar is heelwat kwessies wat ondersoek vereis waaronder eksamenvoorbereiding.

Boer in kop geskiet

‘n Boer van Paulpietersburg in KwaZulu-Natal is Vrydagaand in sy huis vermoor.

Friedel Filter is deur swart aanvallers op die plaas Frischgewagt oorval waar sy dogter en skoonseun uit Duitsland tans kuier.

Die swart aanvallers het die boer na buite gedwing met ‘n handwapen teen die kop waar nog vier gewag het.

Die booswigte het Filter buite in die kop geskiet en daarna te voet gevlug.

Volgens maj. Shooz Magudulela, polisiewoordvoerder sê ‘n plaaswerker is kort daarna in die been geskiet, vermoedelik deur dieselfde aanvallers.

Die werker se selfoon is gesteel. Hy word in die hospitaal behandel.

Die polisie is tans op soek na ses swartes tussen 30 en 40 jaar oud.

Wit polisiebeamptes vang swart OTM-aanvallers

Twee wit polisiebeamptes, lt-kol. Amanda Viljoen en adj-off. Vollie van Vollenhoven het drie swart OTM-aanvallers wat Heidelberg die afgelope paar weke geteister het, vasgetrek.

Die swart boewe het veral bejaardes wat geld by OTM-masjiene onttrek het, geteiken.

Die inwoners se aandag is afgetrek terwyl hulle geld onttrek, die rowers het dan hul bankkaarte en kontant gegryp en in ‘n peperduur rooi Volswagen Golf weggejaag.

Bron: Heidelberg Nigel Heraut

Brand jou skool af en kry ‘n rekenaartablet!

Brand jou skool af om beter leermateriaal en ondersteuning van die owerhede te ontvang. Dit is die boodskap wat die ANC aan stamoproeriges in Limpopo deurgegee het.

Die ANC is kennelik bekommerd oor die voortslepende etniese geweld in Limpopo en het besluit om die oproermakers te probeer paai met duur geskenke soos rekenaartablette vir skoolkinders.

Die LUR vir Onderwys in Limpopo, Ishmael Kgetjepe sê die departement is ook sonder meer gereed om sowat 64 mobiele klaskamers by skole wat afgebrand en gevandaliseer is, af te lewer.

Kgetjepe en die minister van Basiese Onderwys, Angie Motshekga het met ander belangegroepe in Thohoyandou vergader.

Onderrig sal na verwagting teen Maandag voortgesit word nadat die ANC ingestem het om die skole te vervang.

Die koste van die nuwe klaskamers is nie bekend nie.

Vier-en-twintig skole is beskadig deur oproeriges wat tot brandstigting en geweld oorgegaan het oor etniese spanning wat heers tussen die Tsongas en Vendas.

Die Tsongas is woedend nadat hul pogings in die howe om te keer dat Vuwani en Malamulele saam ‘n nuwe munisipaliteit vorm, misluk het.

Die hoof van die ministeriële komitee wat belas is met die etniese geweld in en om Vuwani, Des van Rooyen, sê van die leerders sal met tablette toegerus word.

Skryfbehoeftes en dokumente is verwoes toe skole gevandaliseer is.

Van Rooyen het tydens ‘n mediasessie gesê die privaatsektor is ook van hulp en het maatskappye en organisasies gevra om ook ‘n hand by te sit.

Kroonstad, Rustenburg se krane leeg

Daar is geen water op Kroonstad sedert gister nie, nadat die Departement van Water en sanitasie (DWS) en Moqhaka Munisipaliteit begin het met die skoonmaak van reservoirs.

‘n Woordvoerder van die departement Sputnik Ratau, sê die afsluiting is om te verseker dat die kwaliteit van die water nie in die gedrang kom nie.

Hy sê die skoonmaak van die reservoirs is lank reeds beplan en hulle het konsulteer met die gemeenskap vooraf.

Hulle vul intussen tenkwaens met water uit boorgate op verskeie plase.

“Ons het ook ‘n paar gebeurlikheidmaatreëls in plek sodat mense kan voortgaan om water te hê.”

Ratau sê watervoorsiening sal terug wees teen Saterdagmiddag op die laatste.

Intussen het krane in Lethabong naby Rustenburg in die Noordwes opgedroog as gevolg van lae druk op die grootmaatpyplyn, het die Rustenburg munisipaliteit gesê.

“Daar is ‘n lae druk op die grootmaatwaterpyplyn wat begin het op 10 Mei. Dit is nie ‘n waterafsluiting nie.

Tenkwaens is na geaffekteerde gebiede gestuur, het die munisipaliteit se woordvoerder Thapelo Matebesi gesê.

Gefrustreerde inwoners het kruiwaens vol water uit brandkrane getap.

“Dit is al vier dae vandag [Donderdag] sonder water, maar ons betaal,” sê Aliminah Mbenge, wat twee 20 liter houers in ‘n kruiwa stoot. Lethabong gebruik voorafbetaalde watermeters.

“Dit is nie reg nie. Ons kry nie eens kennisgewings van enige wateronderbrekings nie.”

Verlede week Vrydag, het die munisipaliteit ‘n kennisgewing uitgereik dat daar watervoorsieningsonderbrekings sal wees nadat ‘n groot pyp gebars het.

Die 700mm-staalpyp is uiteindelik Maandag herstel.

Dertig DA-lede stap na EFF oor

Die EFF in die Vrystaat het meer as 30 lede Donderdag verwelkom van die DA by ‘n byeenkoms wat gehou is in Botshabelo buite Bloemfontein, het News24 berig.

‘n Voormalige DA-lid, Simon Seala, 41, was sigbaar opgeruimd oor sy besluit om die kultuurvreemde DA vir die EFF te verruil, het gesê hy moet ‘n party steun wat die uitdagings van die armes verstaan.

“Ek wil voortgaan om te veg saam met die EFF. Die party gaan voort om te veg vir die armes,” het hy gesê.

“Die EFF groei met rasse skrede. Terwyl ander mense sukkel om stadions te vul in hul manifeste, gaan die EFF voort om te groei,” het provinsiale voorsitter van die party, Kgotso Morapela, gesê.

Onder diegene wat by die party aangesluit het is voormalige DA-koukuslid Abe Mosiuoa, wat gesê het hy wil by ‘n party aansluit wat verandering sal bring.

Mosiuoa het gesê hy het die DA die afgelope 14 jaar gedien, net om “geviktimiseer” te word.

“Ek het my tyd saam met die DA gemors. Dit is duidelik dat die party nêrens gaan nie. Die party moet verander. Ek het by die DA in 2003 aangesluit en ek is spyt ek het dit gedoen,” het hy gesê.

Kampus-oproer vlam weer op

‘n Administrasiegebou is aan die brand gesteek ná verskeie voorvalle van diefstal op die VUT-kampus in Vanderbijlpark vroeër hierdie week.

By Rhodes Universiteit in Grahamstad is grootskaalse brandstigting glo ter elfder ure afgeweer.

Studente van die Vaal Universiteit van Tegnologie het op loop gegaan teen Mafoko Sekuriteit, en beskuldig die private maatskappy van saamswering met misdadigers omdat hulle nie veiligheid op die kampus verseker nie.

Die polisie het gesê: “Eiendom is reeds beskadig, so ons probeer om die geweld wat daar plaasgevind het te onderdruk. Misdaad is reg voor die polisie gepleeg en dit is wat [hulle] probeer het om te onderdruk.”

Studente sê die sekuriteitsmaatskappy help misdadigers om toegang tot die kampus te verkry om hul eiendom te steel.

Bestuur by VUT sê hulle is altyd beskikbaar om betrokke te raak by studenteprobleme, maar is aanhoudend met vyandigheid begroet.

Die waarnemende adjunk-visekanselier Segopane Seroka het gesê die studente se reaksie op die bestuur se memorandum Dinsdag was om dit op te skeur en te verwerp.

Die Rhodes-universiteit sê intussen ‘n reuse poging tot brandstigting op die Grahamstad-kampus, is afgeweer.

Die vise-kanselier, Sizwe Mabizela sê twee brande is in die hoof administrasiegebou begin, maar ‘n veiligheidsbeampte kon daarin slaag om dit te blus voordat dit ernstige skade kon aanrig.

Hy het die poging veroordeel. Die polisie ondersoek die saak.

Koue, nat naweek wag

Nog koue en nat weerstoestande word vir groot dele van die Noord-Kaap, Vrystaat en Noordwes voorspel. Gauteng kan ook koeler, bewolkte weer te wagte wees teen Saterdag.

Die Bloemfonteinse weerkantoor sê dié weerstoestande met lae temperature gaan môre voorkom weens ‘n afsnylaag wat ontwikkel en die sentrale deel van die binneland teen môre sal bereik.

Die afnsylaag sal die sentrale deel van die Noord-Kaap bereik en teen Saterdag in die westelike deel van Noordwes voorkom.

Weens die laagdrukstelsel in die bolug kan koue bewolkte toestande met ‘n 60% kans op buie en donderbuie in die sentrale binneland voorkom. Temperature hoër as tien grade Celsius word vir Saterdag voorspel.

Temperature gaan na verwagting teen Sondag na normaal terugkeer en sonnige toestande word vir die res van volgende week voorspel.

SA in top tien van ‘misrabele lande’

Elke jaar publiseer die Cato Instituut ‘n lys van die wêreld se mees “miserabele lande” deur die gebruik van ‘n eenvoudige ekonomiese formule om die tellings te bereken.

Beskryf as ‘n ellende-indeks, word die formule bereken deur die werkloosheidsyfer, inflasie, en uitleenkoers, bymekaar te tel en dan die verandering in die reële BBP per capita daarvan af te trek.

Volgens die dinkskrum, is lande met ellendetellings van meer as 20 “ryp vir transformasie”.

Die verslag beklemtoon die “vrot appels” Iran, Rusland, Brasilië en Suid-Afrika in sy lys van die mees miserabele plekke in die wêreld.

Dit is toevallig ook BRICS-lande wat as onbewoonbaar voorgehou word, alhoewel lande soos Palestina en die Oekraïne ingesluit word omdat hulle inderdaad in ‘n toestand van vryval verkeer as gevolg van die weste se neo-liberale ingryping.

“Transformasie” in Suid-Afrika mag dus beteken dat die EFF aan bewind kom om hul “ekonomiese rewolusie” te volvoer wat funeste gevolge sal hê soos in die Oekraïene gebeur het.

Baie Westerse kliëntstate is opsigtelik weggelaat. Griekeland, vreemd genoeg, is nie in die top tien nie, gegewe sy 26% werkloosheidsyfer en 7 jaar van ekonomiese depressie.

Die ellende-indeksformule is gebaseer op die aanname dat hoë rentekoerse ‘n direkte maatstaf van lewenstandaarde is en dat die verhouding tussen die twee binne ‘n omgekeerde verband bestaan.

Rusland se rentekoers van 11% stoot dus die Russiese ellende-indeks hoër, wat ‘n swak lewenstandaard beteken.

Negatiewe rentekoerse in Europa beteken egter nie beter lewenstandaarde in die EU nie.

Dit lyk dus of daardie formule geskep is om die Amerikaanse Federale Reserwebank te pas.

Transnet het intussen aangedui dat hulle die Nuwe Ontwikkelingsbank van BRICS genader het vir die befondsing van vyf infrastruktuurprojekte as deel van die Noord-Suid vervoer-deurgang.

Die bedryfshoof, Siyabonga Gama het by die Wêreld Ekonomiese Forum in Rwanda, aan die SAUK gesê die projekte word op R28 miljard rand geraam.

Die Noord-Suid-deurgang het vervoer- en energie-infrastruktuur van Durban na Dar es Salaam in Tanzanië verbeter.

Gama sê hulle sal binnekort met die bank vergader.

SABC gaan op plaaslike musiek fokus

Die plaaslike musiekbedryf het ‘n besluit deur die SABC verwelkom om hom tot 90 persent Suid-Afrikaanse musiek op sy 18 radiostasies te verbind.

Die SABC sê die besluit, wat vandag in werking tree, het ten doel om die verskeidenheid kulture in die land te weerspiëel.

Die musiek sal oor alle genres moet strek, met ‘n spesiale fokus op Kwaito, Jazz, Reggae en Gospel, het RSG berig.

Die Jazz-legende, Don Laka, die radiopersoonlikheid, Bob Mabena en die hip hop-kunstenaar, AKA het die skuif geloof en dit as ‘n oorwinning vir plaaslike musiek beskryf.

Talle luisteraars het egter die besluit op sosiale media bevraagteken.

Dié besluit is waarskynlik geneem omdat die rand se waarde teenoor buitelandse geldeenhede gesak het en dit te duur geraak het om tantieme te betaal.

Minister van justisie plaas regter Mabel Jansen op ‘spesiale verlof’

Volgens ‘n aankondiging vandag, het die minister van justisie Michael Masutha regter Mabel Jansen op spesiale verlof geplaas, wat op ‘n skorsing neerkom. Dit volg nadat ‘n maatskaplikegeregtigheidskryger, Gillian Schutte, die regter in die media begin aanval het weens die kommer wat sy uitgespreek het oor die vele vroue en kinders wat deur swart mans in Suid-Afrika verkrag word.

‘n Klag teen regter Mabel Jansen is deur die voorsitter “advokate vir transformasie” in Johannesburg, Vuytani Ngalwana, by die regterlike dienskommissie (RDK) aanhangig gemaak.

‘n Woordvoerder vir die departement van justisie, Mthunzi Mhaga, sê dat die minister reeds ‘n waarnemende regter in Mabel Jansen se plek aangestel het.

‘n Aantal verdere organisasies en individue het reeds in die bres vir die land se swart verkragters getree, en beweer dis “rassisties” om hulle te kritiseer, soos wat die regter gedoen het.

Die vereniging vir swart regsluit gaan vanmiddag ‘n memorandum aan die adjunkhoofregter van die Hooggeregshof in Pretoria, Aubrey Ledwaba, oorhandig.

“Die oorhandiging van die petisie hou verband met die rassistiese opmerkings van die regter in die Noord-Gautengse Hooggeregshof Mabel Jansen, waarin sy veralgemeen het dat alle swartmans verkragters en moordenaars is.”

 

Onderwysdepartement: Swart verkragtingskultuur ‘n kopseer in skole

Die heksejag teen die “rassistiese” regter Mabel Jansen – wat vermoedelik gevoer word om EFF-leier Julius Malema se politieke loopbaan te red – het Suid-Afrika se swart verkragtingskultuur belig.

Die departement van basiese onderwys het verlede jaar verklaar dat die verkragtingskultuur in swart skole ‘n probleem is. Dit sluit laerskole in wat regstreeks dui op ‘n verkragtingskultuur.

Die verkragting van twee sewe-jarige skoolmeisies deur ses seuns by ‘n skool in Vosloorus, het glo verlede jaar gedurende skoolure by Rebonthseng Primêre Skool plaasgevind.

Phumla Sekhonyane, ‘n woordvoerder van die departement het gesê die seuns het nie verstaan dit is ‘n oortreding nie. Hulle het slegs gedink hulle speel, het sy gesê.

Sekhonyane het gesê die seuns het na die verkragting vir die twee meisies geld aangebied en laggend gesê dis vir lobola.

Die Gautengse Onderwysdepartement sê hulle is in kennis gestel van die voorval deur die plaaslike gemeenskap en nie die skool nie, vermoedelik omdat dit algemeen by die skool is.

Premier David Makhura en die LUR vir onderwys Panyaza Lesufi het eers daarna in Augustus 2015 ingegryp.

Die skool se beheerliggaam het die seuns, tussen sewe en tien jaar oud vir vyf dae geskors, terwyl hulle ‘n dissiplinêre proses aan die gang gesit het.

Die departement het na oorleg met die ouers en skool verklaar dat hulle bekommerd is oor die manier waarop die voorval gehanteer is en dat die skoolveiligheidsbeleid nie gevolg is nie.

‘n Paar maande tevore het die LUR met ‘n soortgelyke geval by ‘n skool in Tshwane te doene gehad, en toe gesê dit is een van die kwessies wat telkens opduik.

Lesufi het toe opdrag gegee dat berading ook uitgebrei moet word om die ouers van al die kinders in te sluit.

Tien swart seuns het in Februarie in die Durbanse streekhof verskyn vir die beweerde bende-verkragting van ‘n 15-jarige meisie by ‘n skool in Lamontville.

Die polisie ondersoek die voorval nadat ‘n video van die verkragting op sosiale media versprei is.

Die video is na bewering deur een van die betrokke seuns gepos wat daaroor gespog het, en het onder die aandag van die polisie gekom nadat ‘n onderwyser die video gesien en gerapporteer het.

Vyftien seuns is in hegtenis geneem, met vyf van hulle wat in die Durbanse landdroshof verskyn het. Die ander 10, minderjarig, is vrygelaat in die bewaring van hul ouers.

Die polisie ondersoek ‘n klag van verkragting nadat ‘n kleuter (2) na bewering verlede maand by ‘n kleuterskool in Strand verkrag is.

‘n Mediese dokter het die ma se vermoede dat haar kind verkrag is, bevestig. Die kleuter is glo onlangs anaal verkrag en het ou wonde aan haar vroulike dele gehad wat gewys het sy is voorheen al verkrag.

Kapt. FC van Wyk, ‘n polisiewoordvoerder, het bevestig dat die polisie ‘n aanklag van verkragting ondersoek.

Intussen het die vermeende verkragter van ‘n 14-jarige skoolmeisie wie se aansoek om borgtog op 15 Maart in die plaaslike landdroshof geweier is, Vrydag vlugtig in die landdroshof in Cradock verskyn.

Die getroude onderwyser, se naam kan nie genoem word totdat hy gepleit het nie.

Die landdroshof het hom by ‘n vorige geleentheid borgtog geweier. Die skool se naam word weerhou om die identiteit van die slagoffer te beskerm.

Ligte vliegtuig stort in Midrand neer

Twee insittendes van ‘n ligte vliegtuig is Woensdagoggend in Midrand is beseer hulle neergestort het.

Verteenwoordigers van die plaaslike owerhede was op die toneel om ondersoek in te stel

Volgens ER24 het hulle vanoggend vroeg naby Krugerlaan ‘n ligte vliegtuig onderstebo in die veld naby die lughawe aangetref.

Die twee mans, in hul dertigs, het om die beskadigde vliegtuig geloop toe die paramedici opdaag.

“Hulle was baie gelukkig en is net lig beseer. Albei is na die Sunninghill-hospitaal vir waarneming geneem,” lui die verklaring.

Die oorsaak van die ongeluk is nog onbekend.

Oproer by Grabouw oor gedwonge verskuiwing

Die N2 tussen is steeds gesluit weens openbare geweld oor gedwonge verskuiwing by Grabouw in die Overberg.

Die Departement van Openbare Werke het ook plakkershutte afgebreek van mense wat onwettig op staatsgrond opgerig is.

Volgens verkeersbeamptes was die situasie deur die nag kalmer.

Oproeriges het munisipale eiendom beskadig omdat hulle ontevrede is oor behuising. Hulle het verlede maand krotte op ‘n oop stuk grond langs die N2 by Grabouw opgerig.

Die nasionale departement van vervoer en openbare werke, aan wie die grond behoort, het hulle glo aangesê om te trek.

Die toetssentrum van Grabouw se verkeersdepartement is Dinsdag aan die brand gesteek toe sowat 1 000 oproeriges tot verdere brandstigting oorgegaan het.

Hulle het Maandagaand begin om motorbande, rommel en bome te brand.

Die N2 tussen Sir Lowryspas-weg en die Houwhoekpas is sedert Dinsdag gesluit en motoriste moes alternatiewe roetes gebruik.

Die enigste manier om Grabouw te bereik is om oor die Franschhoekpas te ry.

Die polisie moes traanrook en rubberkoeëls inspan om die oproermakers uiteen te jaag.

Motoriste is Maandagaand met klippe bestook en ‘n joernalis van Die Burger se motorvoorruit is stukkend gegooi.

Sy moes ook oor die klippe in die pad ry en het die ervaring as verskriklik beskryf.

Vier mense is op aanklag van openbare geweld in hegtenis geneem. Hulle sal binnekort verskyn, het konst. Noloyiso Rwexana, ‘n polisiewoordvoerder, gesê.

Drie hoërskole en twee laerskole was Dinsdag gesluit weens die oproer.

Debbie Schäfer, Wes-Kaapse minister van onderwys, het die betogings veroordeel.