Suider-Afrika Archives - Page 735 of 888

Byna 200 Transkeise kinders opgeneem vir voedselvergiftiging

‘n Leerling van ‘n skool in Centane, Transkei, is gehospitaliseer en 88 ander is Woensdag behandel en ontslaan na ‘n vermoedelike uitbraak van voedselvergiftiging, het die Oos-Kaapse departement van gesondheid gesê.

Departementele woordvoerder Sizwe Kupelo het gesê die leerlinge van Tekoberoepskool het begin kla van braking en maagkrampe nadat hulle hoender geëet het.

Hulle is na Butterworth hospitaal geneem.

Die insident het gevolg minder as 24 uur na 99 kinders van ‘n privaatskool by Dutywa hospitaal toe geneem is met dieselfde klagte.

Kupelo het gesê die departement het amptenare na beide skole gestuur om te kyk na hulle toestand van kos en water.детская ортодонтия топкарго

Hani-weduwee temper Derby-Lewis se optimisme

Die optimisme wat deur die regspan van Chris Hani se moordenaar, Clive Derby-Lewis, uitgespreek word na sy paroolaansoek was voortydig, het Chris Hani se weduwee Woensdag in ‘n verklaring gesê.

Dit volg na kommentaar aan die media deur Derby-Lewis se prokureur Marius Coertze dat die 73 jarige “vol hoop” is en “verwag om gou vrygelaat te word.”

Coertze is ook aangehaal as dat hy sou gesê het dat ‘n bottel vonkelwyn “op bystand” is.

“Ek moet dit duidelik stel dat nie ek of my regverteenwoordigers mnr. Coertze se optimisme deel nie,” het Limpho Hani gesê.

“In dieselfde verslae is Derby-Lewis aangehaal as dat hy gesê het: ‘Indien reg geskied het, gaan ek huis toe’ “

“Ons stem nie saam met Derby-Lewis se idee van reg nie. Hy het gedink dit is “reg” vir hom om my man te vermoor,” het sy gesê.

Hani se weduwee het gesê sy sal voortgaan om Derby-Lewis se parool teen te staan, en dat sy seker was dat die “oorweldigende meerderheid” van Suid-Afrikaners haar sal ondersteun daarin.

Derby-Lewis het aansoek gedoen vir parool op die basis dat hy ouer as 65 was en dat hy 15 jaar van sy lewenslange vonnis uitgedien het.

Derby-Lewis en sy medepligtige Janusz Walus is tot dood veroordeel vir die moord van die leier van die SA Kommuniste Party in 1993. Die vonnis is verminder tot lewenslange tronkstraf nadat die doodsvonnis afgeskaf is.

Nog ?n breinvliesontstekingsterfte in KZN

Te midde van nog vier gevalle van breinvliesontsteking in Gauteng, het KwaZulu-Natal sy eerste sterfte gehad van die siekte vanjaar.

Die skoolmeisie het Vrydag 25 Februarie siek geword en is nog dieselfde dag oorlede.

Sy het na die Shatsmedhospitaal gegaan en gekla van ‘n stywe nek, ligsensitiwiteit, hoofpyn en braking, het die departement in ‘n verklaring gesê.

In Gauteng is ‘n persoon wat gewoon het by die Sentrale Metodistekerk – ‘n veilige hawe vir duisende Zimbabwiërs – opgeneem in die hospitaal met breinvliesontsteking, het gesondheidsdepartement woordvoerder JP Louw gesê.

‘n Student van die universiteit van Pretoria word behandel vir breinvliesontsteking by die Meulmed Medi-kliniek en nog twee gevalle word behandel by die Tembisa hospitaal, het hy n ‘n verklaring gesê.

Breinvliesontsteking is ‘n infeksie van die breinvlies, die dun voering om die brein en die rugmurg. Simptome van die siekte sluit in erge hoofpyn, koors, braking, irriteerbaarheid, verminderde bewussyn en uitslag op die lyer se liggaam.

KwaZulu-Natal gesondheidsamptenare besoek skole om gesondheidsopvoeding te gee oor die siekte sodat simptome maklik raakgesien kan word.

Mense wat met die leerling kontak gehad het ontvang voorbehoedende medikasie.

In lyn met bestaande beleid, is voorbehoedende medikasie voorsien aan mense wat nabye kontak gehad het met die pasiënte in Gauteng.

internet casino online

Gemeenskapsleiers speel rol in vreemdelinghaat

Gemeenskapsleiers het ‘n rol gespeel in die xenofobiese geweld in Mei 2008, het ‘n studie van die Internasionale Organisasie vir Migrasie wat Woensdag vrygestel is getoon.

“Die idee dat dit deur ‘n gesiglose skare veroorsaak is hou nie water nie,” het Jeanne Pierre Misago, ‘n navorser by die Geforseerde Migrasie Studies Program by Wits universiteit gesê.

“Gemeenskapsleiers was betrokke gewees.”

Hy het gesê plaaslike leiers het die xenofobiese aanvalle georganiseer om hulle geloofwaardigheid te verhoog in hulle gemeenskap.

“Hulle kan dan sê dat hulle die een ware leier van die gemeenskap is.”

Misago het gepraat omtrent die bevindings by ‘n konferensie by die Apartheidsmuseum in Johannesburg.

Misago het gesê die plaaslike leiers het ‘n koördinasie gehad in die organisering van die xenofobiese geweld in die naburige woongebiede.

Media het ook ‘n rol gespeel deur te wys hoe die skares suksesvol was in die stropery en ook die polisie se onvermoë om die situasie te kon hanteer.

clue board game online

Duisende kry onwettig geld

Ná ’n deeglike ondersoek het die spesiale ondersoekeenheid (SOE) gister gesê dat duisende staatsamptenare onwettige huissubsidies ontvang.

Mnr. Faiek Davids, adjunkhoof van die SOE, het gesê sowat R26 miljoen se onwettige huissubsidies is tussen Mei 2007 en Maart vanjaar aan 1 962 staatsamptenare oorbetaal.

“Die werkers was nie geregtig op die subsidies wat hulle ontvang het nie,” het hy gesê.

Die ondersoek het aanleiding gegee tot 724 strafregtelike vervolgings en 634 tugverhore.

Die SOE het ’n ooreenkoms met van die amptenare aangegaan om die geld terug te betaal. As dit gebeur kan die SOE hopelik R18 miljoen terugkry.дома интернет

Man gekaap in Konstantiakloof

Twee gewapende mans het Dinsdagaand ‘n motoris genader by ‘n BP-vulstasie in Konstantiakloof en sy motor gekaap, het die polisie gesê.

“Die man het ingegaan by die winkel om iets te koop om te drink, en toe hy uitgekom het, het ‘n Honda Ballade langs hom gestop. Twee gewapende verdagtes het uitgeklim en hom beveel om uit te klim en plat te lê,” het kaptein Douglas Trollip Woensdag gesê.

Een va die gewapende mans het in sy bakkie geklim en weggery.

Geen skote is op die toneel gevuur nie en geen arrestasies is gemaak nie, het Trollip gesê.

Polisie en myners in skietgevegte

Twee onwettige myners is dood, 4 beseer en 113 gearresteer in ‘n operasie om hulle te verwyder uit ‘n ou mynskag in die Vrystaat Goudvelde.

Superintendent Motantsi Makhele het Dinsdag gesê dat onwettige myners tuisgemaakte ploftoestelle na die polisie gegooi het en mynskagte met lokvalle toegerus het in hulle pogings om te ontsnap. Polisie het teruggeskiet.

Een van die myners is dood en vier is hospitaal toe geneem met koeëlwonde, het hy gesê.

“Die ander myner is dood na hy probeer wegkruip het vir die polisie, en daar word vermoed dat hy versmoor het vanweë die hitte ondergronds.

Makhele het gesê Operasie Zama-Zama het op 16 Januarie begin in die ou skagte in Henneman, Odendaalsrus, Virginia en Welkom.

22 Ondergrondse mynwerkers is ookgearresteer, insluitend 3 kontrakwerkers.

Die wat gearresteer is, sal ‘n totaal van 514 klagtes in die gesig staar wat wissel van poging tot moord tot oortredings op die plofstofwet, diefstal van myneiendom, besit van gouddraende materiaal en betreding.

Gedurende die ondergrondse operasie het die polisie beslag gelê op geïmproviseerde ploftoestelle, geïmproviseerde ontstekers, knaldoppies, lonte met knaldoppies, lontkoord, kompakte gevormde ladings, elektriese ontstekers en rotsbreek ladings.

Hulle het ook 2042 kilogram gouddraende materiaal ter waarde van R1,2 miljoen gekonfiskeer, amalgaamballe ter waarde van R152,38, R40, 060 in kontant en voedsel.

Dit word vermoed dat die kontant gebruik is vir betalings wat ondergronds gemaak is, soos om kos en plofstowwe te koop, het Makhele gesê.

Daar sal nog soortgelyke operasies in die toekoms wees, het provinsiale polisiekommissaris Amon Mashego gesê.

“Ons ondersoeke toon dat die plofstowwe wat ons gekonfiskeer het, dieselfde is wat gebruik word in die opblaas van OTM’s, dus het die operasie nie net ‘n duik gemaak in die onwettige myners se operasies nie, maar ook in die sirkulasie van die plofstowwe,” het hy gesê.

Verlede week het Mpumalanga se polisie gewaarsku dat “die maag van die aarde” die onwettige myners sal insluk wat probeer om op onwettige manier ryk te word in die “ingewande” van die goudmyne in Barberton.

Dit was nadat die liggame van 19 onwettige myners, ook bekend as Zama-Zamas gevind is in die Consortmyn. Ten minste nog een liggaam moet nog uitgehaal word, het kaptein Leonard Hlathi gesê.

Hulle is dood van rookinaseming na ‘n vuur ondergronds uitgebreek het op 21 Februarie.

Polisie het 86 onwettige myners gearresteer in die naburige Shebamyn.

“Daar is vasgestel dat sommige van die mense wat onwettige myners is by die myne die land onwettig ingekom het, en dit gaan moeilik wees om hulle lande van oorsprong vas te stel,” het Hlathi gesê.

хамам что это

Zuma wil SEB uitbrei

Die manier waarop breëbasis Swart ekonomiese bemagtiging (BBSEB) ingestel word, moet hersien word, het ANK-president Jacob Zuma Dinsdag gesê.

Zuma het gesê rasvoorkeur in werksomgewings en BBSEB programme het die swart middelklas heelwat uitgebrei.

"Maar ons is nie oortuig dat dit suksesvol was daarin om die strukturele ekonomie en sosiale ongelykhede in ons samelewing reg te stel nie," het hy aan die Konfederasie van Swart Besigheidsorganisasies (KSBO) in Sandton gesê.

Die ANK het lank reeds gesê dat BBSEB 'n wyer deel van die samelewing moet bevoordeel.

"Ons het gesê dat in sy huidige implementering BBSEB net 'n klein aantal mense tot voordeel gestrek het, en dat die basis nie breed genoeg was nie," het Zuma gesê.

"Wanneer ons praat van 'n hersiening van BBSEB, behoort so hersiening te kyk na hoe effektief ons is in die toepassing van so beleid, hoe ons dit kan versterk sodat dit beter diens kan lewer vir ons meerderheid en op die manier 'n breëbasis kan word."

Zuma het gesê dat om die beleid in effek te stel, wat bedoel is om die wanbalanse van die verlede van apartheid te herstel, was altyd 'n "uitdaging" met "baie struikelblokke.

Hy het egter die ANK se toewyding aan rasvoorkeur as beleid bevestig, en gesê dit is ondenkbaar vir die ANK om dit te laat vaar.

"Ons wil beklemtoon dat die ANK verbind is tot die volgehoue implementering van rassevoorkeur en ook die BBSEB programme," het hy gesê.

Die harmonisering van regeringsbeleid om seker te maak dat dit in lyn val met die BBSEB wet en beleid van goeie optrede was 'n prioriteit, het hy gesê, n bygevoeg dat die ANK regering nie tenders behoort toe te staan aan maatskappye wat nie "kwalifiseer en voldoen aan BBSEB beleid van goeie optrede nie."

"Dit is nie aanvaarbaar dat regeringsamptenare wat bevoeg is om met sulke sake te werk hulle self net bekommer oor prys in die plek van gelykheid nie," het hy gesê.

Dit was nodig om kommunikasie tussen swart besigheid en die regering op te skerp om "sake reg te stel" waar regeringsdepartemente fouteer.

Zuma was bewus daarvan dat die regering nie daarin geslaag het om klein en medium besighede betyds te betaal nie, wat veroorsaak het dat die besighede vou.

"Dit is onaanvaarbaar dat ons regering gesien word as dat dit bydra tot die ondergang van swart besighede deur nie betyds te betaal vir dienste wat gelewer word nie. Dit moet stop." Het hy gesê.

Zuma het 'n beroep gedoen op swart professionele mense om terug te keer na die staatsdiens om te help om die lewens van mense te verbeter, en het aan hulle gesê "hulle kan later in die privaatsektor gaan geld maak."

"Nasionale diens sluit ook in om deel te wees van die openbare dialoog oor transformasie aangeleenthede," het hy gesê.

Die KSBO bestaan uit meer as 8 swart besigheidsforums en professionele organisasies.

best social media topcargo кидалы

Gauteng maan gemeenskappe tot kalmte oor gevalle van breinvliesontsteking

Die Gautengse departement van gesondheid het Maandag gemeenskappe wat moontlik geaffekteer kan wees deur breinvliesontsteking gemaan om nie paniekerig te raak nie.

“Die departement is …bekommerd oor die onlangse berigte van breinvliesontsteking, wat voorstel dat 4 jong mense, met 2 van Eldoradopark, dood is as gevolg van breinvliesontsteking.”

“Dit kan lei tot onnodige paniek in skole en gemeenskappe, het Gauteng-gesondheidswoordvoerder JP Louw gesê.

Donderdag is ‘n 15-jarige leerling by die Willow Crescent-hoërskool dood aan wat vermoedelik breinvleisontsteking is.

Die liggaam van die meisie is nie getoets vir breinvliesontsteking nie, aangesien sy begrawe is binne 24 uur, in ooreenstemming met haar familie se geloof.

Die tweede meisie, wat 9 jaar oud was, is die naweek oorlede, wat kommer laat ontstaan het dat sy ook breinvliesontsteking gehad het.

Maar Louw het gesê dat aanvanklike toetse getoon het dat sy nie aan breinvliesontsteking dood is nie. Hy het egter bygevoeg dat die departement haar dood verder sal ondersoek.

Louw het gesê daar is net twee bevestigde sterftegevalle wat as breinvliesontsteking bevestig kan word – ‘n 15-jarige meisie van Mondeor-hoërskool wat op 15 Februarie dood is en ‘n 7-jarige seun van Emaweni-laerskool wat op 24 Februarie dood is.

Die KVP het die departement van gesondheid se reaksie Maandag in ‘n verklaring gekritiseer.

“Die paniekerige gemeenskap is sonder behoorlike leierskap gelaat aangaande behandeling en opvoeding. Dit het gelei tot baie ouers wat hulle kinders tydelik uit die skool uit haal,” het die KVP-woordvoerder, Sipho Ngwema, in die verklaring gesê.

Фильчаков Харьков

Wet is ‘n onteieningsinstrument volgens hof

AgriSA het ‘n uitspraak van die Pretoriase hoërhof verwelkom dat die Minerale en Petroleum hulpbronontwikkelingswet effektief dieselfde is as om onbenutte, ou orde mineraleregte te onteien.

Die uitspraak sal die staat verplig om kompensasie te betaal of om eienaarskap van die onteiende mineraalregte weer her in te stel, het AgriSA se hoofuitvoerendebeampte Hans van der Merwe Maandag in ‘n verklaring gesê.

Hy het die uitspraak as ‘n belangrike landmerk beskou in AfriSA se poging om grondeienaarskap te beskerm en foute uit te wys op beleids- en regulerende vlakke.

Die departement van minerale en energiesake het die finaliteit van die uitslag egter in twyfel getrek.

Woordvoerder Bheki Khumalo het gesê die departement is geadviseer dat dit slegs betrekking het op “regstegniese uitsonderings” wat deur die departement geopper word teen die eise van AgriSA.

“…Die meriete van die saak, of daar werklik onteiening plaasgevind het sal besluit word wanneer die saak uiteindelik in die hof aangehoor word, nadat die departement sy kant van die saak gestel het,” het Khumalo gesê.

Hy het gesê die departement het kennis geneem van die uitspraak. Die regspan was steeds besig om die uitspraak te bestudeer, waarna dit die departement sal aanbeveel watter aksie om te neem.