Suider-Afrika Archives - Page 76 of 888

Zuma klou soos ‘n neet

Suid-Afrika se president klou soos ‘n neet en sy vyande raak raadop.

Media24 en Times Media het reeds elke “meningsvormer” in Engels en Afrikaans ingespan om van die ou indoena ontslae te raak, maar Jacob Zuma steur hom nie daaraan nie.

Die DA-mosie om die president in ‘n staat van beskuldiging te plaas, is intussen in die Parlement verslaan.

Die presidensie het vroeër ‘n verklaring uitgereik wat lui dat mediaberigte verkeerd is en dat die Grondwethof slegs bevind het dat die president versuim het om sy Grondwetlike verpligtinge na te kom.

Zuma se vyande, het sy korreksie van mediaberigte dat hy nie sy ampseed oor die Nkandla-kwessie geskend het nie, as ‘n kwessie van semantiek afgemaak.

Selfs die bang, maar aandagsugtige Riaan van Heerden het met ‘n reuse kruippoging ook sy stemmetjie gevoeg by die beswaardes.

‘n Grondwetkenner, David Unterhalter moes toegee dat die president korrek is, en dat die uitspraak verkieslik meer politieke slaankrag moes opgelewer het.

Vroeër het die voormalige minister van finansies, Trevor Manuel sy stem gevoeg by dié van Britse agente in die ANC wat Zuma gevra het om te bedank.

Manuel het in ‘n onderhoud met Soweto TV gesê die uitspraak teen die president dui op ‘n “groot krisis” omdat hy die grondwet geskend het.

Die voormalige tesourier-generaal van die ANC, Matthews Phosa, die ANC-veteraan Ahmed Kathrada en verskeie ander het ook reeds die president se bedanking geëis.

Die minister van finansies, Pravin Gordhan het gewaarsku dat kredietgraderingsagentskappe die politieke situasie in Suid-Afrika in ag sal neem waneer die land se kredietgradering later vanjaar hersien word.

Gordhan sê die politiek, die ekonomie en die fiskale situasie word oorweeg wanneer die agentskappe besluite neem.

Hy sê Suid-Afrikaners moet daarvan bewus wees.

Swart plaasaanvallers se arres met hommeltuig verfilm

Swart plaasaanvallers in Stutterheim het hul moses teëgekom met ‘n hommeltuig.

Ian Cawthorn van die plaas Strauss by Stutterheim was Sondag besig om te braai, toe swart aanvallers in ‘n voertuig opdaag en dreig om hom dood te skiet.

Cawthorn het in sy huis gevlug maar sy vriendin is in die been geskiet. Die aanvaller het daarna op die vlug geslaan.

Greg Miles, Cawthorn se buurman, hom na die toneel gehaas nadat hy verwittig is van die aanval en omliggende boere is ook via hul WhatsApp-groep in kennis gestel.

Die boere in die gebied het in hul voertuie gespring om hulp te gaan verleen.

Een boer, net uit die kerk, het die aanvallers se voertuig sien verbykom. Hy het omgedraai en die aanvallers gevolg.

‘n Pap wiel het die booswigte genoop om hul voertuig te verlaat en in die bosse en ruigtes naby die pad skuiling te soek om die polisie en boere – wat teen daardie tyd warm op hul spoor was – te fnuik.

Na verneem word is drie van die aanvallers aangekeer en aan die polisie oorhandig.

Miles het met sy hommeltuig die arrestasie verfilm. Hy het aan landbou.com gesê as sy hommeltuig infrarooi-toerusting gehad het, sou al die vlugtendes in die bos opgespoor kon word.

Absa, Sasfin, KPMG los Guptas

Absa Bank het by die beleggingsbank Sasfin en die ouditeursfirma KPMG aangesluit deur sake met die Gupta-familie se Oakbay Resources and Energy te beëindig.

Die familie word ondersoek vir vermeende staatskaping.

Trevor Hoole, KPMG se uitvoerende hoof vir Suider-Afrika, het aan Fin24 gesê die politieke belangstelling in die Gupta-familie, asook vrae van aandeelhouers, het tot die besluit bygedra.

Hy sê die risiko verbonde aan die assosiasie is te groot. Hoole het in ‘n e-pos aan alle plaaslike personeel gesê hy het besluit om nie verder vir Oakbay te oudit nie.

Die Guptas se bande met President Jacob Zuma is tans onder die soeklig. Zuma se seun Duduzane is ‘n direksielid van minstens ses Gupta-maatskappye.

Oakbay het egter aan Fin24 gesê die “moeilike” besluit was nie om ouditredes nie.

Oakbay, wat mynbates besit, se waarde word op bykans tien miljard rand geraam.

‘n Woordvoerder van Sasfin sê die besluit om bande met die Guptas te verbreek is al verlede maand geneem en betrekkinge sal in Junie ten einde loop.

Absa het ook bevestig dat Oakbay nie meer ‘n kliënt is nie, maar die woordvoerder wou nie verder uitbrei nie.

Intussen is berig dat die Gupta-broers ‘n duur Hindoetempel ten bedrae van meer as R200 miljoen in hul tuisdorp, Saharanpur, in die noorde van Indië oprig.

Die oudste Gupta-broer, Ajay, word glo deur inwoners van die streek beskryf as ’n “lewende god”.

Rapport het vasgestel dat die Guptas die Oppenheimer-familie se superluukse geriewe by die O.R. Tambo-lughawe gebruik.

Die Guptas se twee sakestralers, ’n Sovereign en ’n Global Express 6000, gebruik Fireblade Aviation, ’n Oppenheimer-maatskappy, se geriewe.

Dié maatskappy, wat dienste aan superrykes verskaf, het sy eie terminus, doeanegeriewe, spa en slaapgeriewe.

Die Guptas het onlangs in twee volbladadvertensies in The New Age, die Suid-Afrikaanse koerant wat aan hulle behoort, ten sterkste ontken dat hul Suid-Afrikaanse winste die landsgrense verlaat.

Lesingsaal by Wits aan die brand gesteek

Wits Universiteit is van voorneme om diegene wat verantwoordelik is vir die gewelddadige betogings op sy Braamfontein-kampus in Johannesburg, te skors.

Dit kom nadat ‘n groep swart studente van die EFF en PAC klasse Maandag ontwrig het, die fooiekantoor bestorm het en ‘n lesingsaal op die hoofkampus in ligte laaie gelaat het.

Die universiteit moes inderhaas Maandagmiddag vroeg sluit en lesings kanselleer nadat geweld uitgebreek het en stoele en tafels in Senate House omgegooi is.

‘n Babelse verwaaring het geheers toe skoonmakers, lesbiërs, gays en lede van die #FeesMustFall beweging, slaags geraak het oor wie die belangrikste groep is.

Swart feministe het gesê manlike lede van die beweging gebruik hulle as “figurante” en laat “bekende misdadigers” toe om betogings op hul kampus te lei sonder hul kennis.

“Ons is kwaad omdat vroue nie in die #FeesMustFall beweging is nie. Dis asof vroue in hierdie beweging nie tel nie,” het ‘n vroulike student, wat anoniem wou bly, aan IOL gesê.

Die universiteitswoordvoerder, Shirona Patel sê hulle bestudeer die beeldmateriaal om die skuldiges te identifiseer wat Maandag die lesingsaal aan die brand gesteek het.

Studente wat aan die EFF verbonde is, het ook potplante omgegooi toe hulle die kantoor bestorm het.

Hulle eis gratis onderrig by die instelling. Die polisie is na die kampus ontbied om die situasie te monitor.

Patel sê die betoging is waarskynlik polities gemotiveerd met “wyer doelwitte” wat in die vooruitsig gestel word.

Die administrasie het die huidige geweld veroordeel op die hoofkampus, en gesê politieke opportunisme heers by die instelling.

Wits se Studenteraad het die protes gesteun. Die woordvoerder, Fasiha Hassan het haar volle ondersteuning aan die “dekolonisasie beweging” toegesê namens die Studenteraad, maar gesê dit moet sonder geweld geskied.

Die universiteit sê hulle het beter sekuriteit ontplooi en die polisie ingelig oor die jongste gebeure.

Patel sê sommige van die betogers is nie geregistreer as Wits-studente nie.

Diplomatieke voertuig in Windhoek gekaap

‘n Diplomatieke voertuig is Saterdag in die oggendure in Windhoek gekaap.

Die insittendes is daarna aangerand en van hul besittings beroof.

Die voorval het glo tussen 03:00 en 04:00 in Frankie Fredericksrylaan in Olympia plaasgevind, het die Republikein berig.

Volgens lede van ’n plaaslike buurtwag is die sedanmotor glo deur ’n wit Toyota Hiace-minibus met tussen drie tot vyf insittendes, van die pad gedwing.

Die insittendes van die diplomatieke voertuig is na bewering uit die voertuig geruk waarna een van die passasiers glo erg aangerand is.

Die rowers het hulself met die passasiers se waardevolle besittings uit die voete gemaak.

Buurtwaggroepe en die polisie is gewaarsku dat insittendes van die minibus “gewapen en op die aanval” is.

Die voorval is deur die woordvoerder van die Namibiese polisie, insp. Slogan Matheus bevestig.

Hy kon nie bevestig aan watter ambassade die slagoffers van die roof verbonde is nie.

Tussenverkiesings onbepaald uitgestel

Die Onafhanklike Verkiesingskommissie (OVK) het alle tussenverkiesings, insluitend dié wat vir vandag geskeduleer is, weer onbepaald uitgestel weens voorgesette onsekerheid oor die geldigheid van die kieserslys.

Ongeveer twee derdes van geregistreerde kiesers het tans gedeeltelike of geen adresbesonderhede op die kieserslys nie.

Die besluit volg na ’n onlangse beslissing deur die Kieshof om tussenverkiesings in Tlokwe, Noordwes, in Februarie uit te stel. Daarna is tussenverkiesings in KwaZulu-Natal, Limpopo, Noordwes en die Wes-Kaap ook uitgestel.

OVK-woordvoerder Kate Bapela sê die Verkiesingskommissie se nuutste besluit is in die belang van vrye en regverdige verkiesings.

N14 by Kuruman sluit na protes

Die Noord-Kaapse polisie is steeds besig om ‘n ogie te hou oor die betogers op die N14 naby Kuruman.

Die pad is vir verkeer gesluit nadat dit versper is met brandende bande, boomtakke en klippe vanoggend omstreeks 06:00.

Volgens polisiewoordvoerder, Olebogeng Tawana, is die inwoners van Mapoteng gegrief oor die swak dienslewering van die plaaslike munisipaliteit. Tawana sê die situasie is kalm op die oomblik.

Verkeer vloei glo weer.

Dit volg nadat die plaaslike burgemeester en die gemeenskapsleiers ‘n vergadering gehad het wat gelei het tot die ontevredenheid.

Niemand is beseer nie en geen eiendom beskadig tydens die voorval nie. Die polisie sal voortgaan om die situasie te monitor.

Petrolprys styg skerp

Die petrolprys sal Woensdag tot 88c per liter verhoog word.

Die departement van energie het Saterdag die verhoging vir April aangekondig vir verbruikers wat reeds sukkel met rentekoersverhogings en die gevolge van die droogte.

Die prys van petroleumprodukte het op internasionale markte gestyg met sowat 52c per liter vir petrol en 61c per liter vir diesel.

‘n Liter 95-oktaan-petrol sal dus nou R12,62 kos en 93-oktaan R12,32.

Die prys van diesel sal ook styg en gas word met R1,10 per kilogram duurder.

Die redes vir die verhoging in Gauteng sluit in die 30c per liter styging van die brandstofheffing wat in Februarie deur die minister van finansies aangekondig is.

Dit sluit ook die styging in vervoerkoste van 5,2c per liter in Gauteng in agv die verhoging in Transnet se pypleidingsheffing wat deur Nersa goedgekeur is.

Die departement gaan Dinsdag die pryse vir die res van die land aankondig.

Cyril kry wiele na lugmagvlerke probleme gee

‘n Lugmagvliegtuig wat adjunkpresident Cyril Ramaphosa vervoer het moes Sondagmiddag weens tegniese probleme terugdraai, het RSG berig.

Ramaphosa het van Mpumalanga af teruggekeer waar hy ingehuldig is as die eerste kanselier van die Mpumalanga Universiteit.

Hy het ook ‘n beraad van die ANC-geleide drieparty-alliansie toegespreek.

Polisie-lyfwagte moes hom met ‘n motor terugneem huis toe, waarna die presidensie bevestig het dat hy veilig aangekom het.

Die president en sy adjunk het minstens drie keer vanjaar probleme met vliegtuie van die lugmag ondervind.

Ramaphosa het probleme ondervind toe hy van Suid-Soedan af teruggekeer het.

President Jacob Zuma was ook in Burundi gestrand toe sy vliegtuig meganiese probleme ondervind het.

Die aankoop van ‘n nuwe presidensiële vliegtuig sal na raming vier miljard rand kos.

Slegte week vir leeus in Kenia

Verlede week was ‘n slegte week om ‘n leeu in Kenia te wees.

Donderdag is ‘n tweejarige leeu bekend as Lemek dood aangetref, met ‘n spies deurboor, het die Kenya Wildlife Service gesê.

Die tweede dooie leeu kom net ‘n dag nadat veldwagters van die diens ‘n ander leeu, Mohawk doodgeskiet het omdat hy glo ‘n swarte van sy motorfiets gestamp het.

Die swarte het vermoedelik self afgeval van skrik, maar het nogtans die leeu blameer vir sy geringe beserings.

Die spoor- en pad-projek wat sny deur die hart van ‘n natuurreservaat, Nairobi Nasionale Park, aan die buitewyke van die hoofstad, veroorsaak dat die leeus probeer om te ontsnap op soek na stiller jagvelde, volgens Reuters.

Beide leeus is in die suide van die park, gestig in 1946, doodgemaak. Die park word tans omring deur krotbuurte.

“Voor die konstruksie in die park begin het, het die leeus nie ontsnap nie, so daar is aanduidings dat die geraas en skietwerk hul bewegings beïnvloed,” sê Robert Ndetei, bewaringbestuurder by die Nairobi-kantoor van die World Wildlife Fund.

Die moorde het min verontwaardiging uitgelok, in teenstelling met wêreldwye woede-uitbarstings oor ‘n wit Amerikaanse tandarts ‘n leeu met ‘n kruisboog doodgeskiet het.

Walter Palmer is selfs deur die Zimbabwiese polisie in verband met aanklagte van stropery gesoek. Die Huisgenoot het selfvoldaan na die tandarts verwys as “die mees gehate man in die wêreld”.

Theo Bronkhorst, ’n professionele jagter van Zimbabwe en eienaar van Bushman Safaris in Bulawayo, moes ook in die hof verskyn het op ’n aanklag van die stroop van ene Cecil.

Die oud-CNN-aanbieder Piers Morgan het getwiet : “Ek sal graag die moordenaar-tandarts dr. Walter Palmer gaan jag sodat ek hom kan opstop en op my kantoormuur kan monteer.”

Die TV-persoonlikheid Sharon Osbourne het op Twitter getwiet sy hoop dat Palmer sy huis, praktyk en geld verloor aangesien hy “reeds sy siel kwyt is”.

“Walter Palmer is Satan. Ek weet nie hoe enigiemand ná dít vir tandheelkundige dienste na die man kan gaan nie. Hy is ‘n moordenaar,” het sy in ‘n daaropvolgende twiet gesê.

Richard Dawkins het alle trofeejagters as “sleg” uitgekryt en “olifant- en renosterstropers is nog erger” het hy getwiet.

Die Suid-Afrikaanse supermodel Candice Swanepoel en die Namibiese model Behati Prinsloo was ook besonder vyandig.

“Hoe durf jy, Walter Palmer! Watter plesier kry jy deur so iets te doen? Dit is ‘n seën om die diere lewendig in hul natuurlike habitat te sien. Jy moet siek wees om so ‘n majestueuse skepping van God te wil doodmaak,” het Swanepoel gesê.

Prinsloo het op Instagram uitgevaar: “Verveelde idiote wat dink dat trofeejag ‘n sport is, moet gestop word. Hoe kan ons steeds mense toelaat om hierdie ongelooflike diere te jag.”

In teenstelling word die swart plakkers in Kenia wat dié diere doodmaak, nie deur die media of bekendes veroordeel nie. In plaas daarvan word liters ink verspil oor die onafwendbaarheid van die leeus se krimpende habitat.