Zille gee toe dat Mazibuko ‘n swart figurant is

Zille in haar kombuisbediende-mondering, sweep swart gemoedere op oor grond
Zille in haar kombuisbediende-mondering, sweep swart gemoedere op oor grond

In ‘n buitengewone skerp aanval op Lindiwe Mazibuko, haar party se voormalige parlementêre leier, het Helen Zille gedurende ‘n federale partyvergadering die “waarheid” oor Mazibuko onthul en haar as ‘n onbekwame swart sukkelaar uitgebeeld.

Die DA, wat gewikkel is in ‘n bitter stryd oor sy swart leierskap, is geskud deur Zille se opmerkings dat sy Mazibuko “gemaak” het en deurentyd “beskerm” het teen haar eie wanprestasie.

 

Daarmee het Zille uiteindelik toegegee wat algar lankal vermoed het: Dat Mazibuko bloot as ‘n swart figurant gebruik is vir die DA se vertoon van “nie-rassigheid”.

Die term “nie-rassigheid” is ‘n eufemisme vir verswarting.

Zille se houding teenoor swart leiers in die DA se geledere het intussen tot haar toenemende ongewildheid bygedra en die spanning binne die koukus verder verhoog.

Bronne beweer dat sy nie weer as partyleier verkies sal word indien daar nou ‘n stemmery gehou moet word nie.

Zille word verkwalik vir die party se onlangse swak prestasie by die stembus nadat sy vroeër belowe het dat die DA ten minste 30% van die stemme sal kry. Die party kon slegs 22% inpalm.

Zille het gesê gesprekke binne die party se uitvoerende federale raad mag nie na buite gekommunikeer word nie en die skuldiges sal binnekort aan die pen ry.

 

Olifantbul vir sy tande doodgeskiet in Krugerwildtuin

ivoorDis nie net meer renosters wat vir hul horings bedreig word nie.

‘n Olifant is in die Pafuri-streek van die Nasionale Kruger-wildtuin vir sy tande gestroop.

Die hoof van SanParke se teen stropingseenheid, Johan Jooste, sê die stropers het die olifantbul eers doodgeskiet en daarna sy tande uitgeslag.

Dié stropery is die eerste so ‘n voorval die afgelope dekade.

Spoorsnyers het die spore van vier mense na Mosambiek gevolg.

Volgens SANparke is teen-stropingsveldtogte die afgelope tyd eerder daarop gemik om renosterstropery te bekamp.

Met die volgehoue olifantstropery in die res van Afrika wat dit egter slegs ‘n kwessie van tyd voordat dié bykomende plaag Suid-Afrika weer sou tref.

Mampie-Rampie nie parlement toe nie

Mamphela_Ramphele
Een ramp na die ander

Die leier van Agang SA, Mamphela Ramphele, sal nie haar party in die Parlement verteenwoordig nie.

Dié besluit is geneem nadat daar die week ‘n bakleiery uitgebreek het oor die twee beskikbare poste.

Daar was selfs sprake dat Mampie-Rampie dit oorweeg om te bedank.

Ramphele is beskuldig daarvan dat sy die Kaapstadse prokureur Andrew Gasnolar voorgestoot het ten spyte van sy lae posisie op die lys.

Die Gauteng-tak se keuse was haar adjunk, Andries Tlouamma. Die eerste krake het verskyn toe verkiesingsuitslae wys dat die party slegs ‘n enkele parlementêre setel sal kry.

Mampie-Rampie het toe gesê sy wil die handdoek ingooi. Tlouamma en Gasnolar is in posisies twee en ses onderskeidelik op die party se lys van kandidate vir die parlement, maar die leier het dié twee aangewys.

Maar dinge het verander nadat Agang twee parlementêre setels gekry het. Daar word beweer dat Mampie-Rampie toe skielik aangedui het dat sy self sal gaan.

“Sy het gesê sy is nou beskikbaar, maar wou nie na die parlement met Andries [Tlouamma] nie,” het ‘n bron gesê.

Die party sê nou die Koördineerder van die Nasionale Jeugforum, Nyameka Mgozulo en die voorsitter, Mike Tshishonga sal die twee Parlementêre setels opneem wat die party in die algemene verkiesing gewen het.

Ramphele het gesê sy sal voortgaan om die party te bou voor die plaaslike regeringsverkiesing in 2016.

Sy sê die pas afgelope verkiesing het hulle geleer dat hulle nie hulle boodskap behoorlik aan die kiesers oorgedra het nie en hulle sal harder moet werk.

AgangSA het R20 miljoen van ‘n buitelandse skenker voor die verkiesing gekry, maar kon niks daarvoor wys nie.

Staatsamptenaar raak beserk en moor

sapstape‘n Staatsamptenaar in Mmabatho in Noordwes het beserk geraak en ‘n man vermoor voordat hy sy eie lewe geneem het.

Die polisie sê die skieter het die gebou van die Departement van Huisvesting binnegegaan en begin skiet, eht RSG berig.

Twee mense is gewond deur opslagkoeëls, terwyl ‘n derde deur hom doodgeskiet is.

Die man was na bewering geskors.

Volgens ‘n woordvoerder van die Departement, Ben Bole, het dit as ‘n baie tragiese voorval bestempel.

Afrikanerhater dalk Gauteng se premier

Creecy
Creecy

Die Gautengse uitvoerende komitee van die ANC het besluit op drie kandidate vir die premierskap van die provinsie

Alhoewel hulle nie die hulle name wou bekend maak nie, is daar spekulasie dat die Afrikanerhater Barbara Creecy onder hulle is.

‘n Provinsiale woordvoerder, Nkenke Kekana, sê die alliansievennote het die drie kandidate onderskryf.

Hy sê die provinsiale uitvoerende komitee is onder geen verpligting om die name bekend te maak voordat die komitee sy finale beslissing gee nie.

Daar word verneem dat die huidige premier, Nomvula Mokonyane, oor die hoof gesien is.

Die LUR vir Onderwys, Barbara Creecy, die provinsiale sekretaris, David Makhura, en die LUR vir Finansies, Mandla Nkomfe is glo die gunstelinge vir die pos.

Nkomfe het intussen gevra dat sy naam verwyder word van die lys van kandidate vir die 2014 provinsiale wetgewer.

Onderwyser in hof oor kinderporno

childvictimsVideomateriaal en verklarings wat verband hou met die saak van ­Gregory Robinson, ’n Potchefstroomse onderwyser, word tans ingewag.

Robinson, 46, word saam met verskeie Suid-Afrikaners verbind met ’n beweerde internasionale kinderpornografie-netwerk, het Beeld berig.

Hy het Woensdag in die streekhof in Potchefstroom verskyn op aanklagte van die besit van kinderpornografie.

Bert Viljoen, 54, ‘n voormalige hoof van Lichtenburg se regshulpsentrum, is ook glo deel van die kinderpornonetwerk.

Viljoen verskyn weer Vrydag in die landdroshof en Robinson sal weer op 13 Junie verskyn ivm met die saak.

Kol. Vish Naidoo, nasionale polisiewoordvoerder, het Woensdag gesê die ondersoek na die beweerde netwerk duur voort.

Dit is oopgevlek deur ’n organisasie in Kanada en 348 mense is verlede jaar wêreldwyd in verband met kinderpornografie vasgetrek.

Sal belasting Malema uit parlement hou?

'Kill a Boer'
‘Kill a Boer’

Die Ekonomiese Vryheidsvegters wou nie kommentaar lewer oor hul partyleier, Julius Malema se belastingstatus nie.

Malema skuld die Ontvanger R16 miljoen.

Die EFF se woordvoerder het egter die versekering gegee dat hul leier wel parlement toe sal gaan.

Mbuyiseni Ndlozi, die EFF se woordvoerder het gesê dat hy nie inligting oor die belastingaangeleentheid het nie.

‘n Trustfonds genaamd die JSM Trust, is in April in die lewe geroep om geld vir Malema in te samel.

In terme van Artikel 47 (c) van die Grondwet kan ‘n gesekwestreerde persoon nie in die parlement dien nie.

Die Inkomstediens wou ook nie oor Malema se belastingsake uitwei nie.

Die EFF het 25 setels in die Parlement nadat meer as een miljoen stemmers in die algemene verkiesing verlede week vir die party gestem het

Die voorsitter van die trustfonds, Mandisa Mashego het gesê sy is nie in ‘n posisie om te openbaar hoeveel geld tot dusver ingesamel is nie.

“Dit is vertroulike inligting,” het sy gesê.

Sy het gesê die fondsinsameling sal binnekort begin nadat die nuwe regering ingesweer is.

Malema moet weer op 26 Mei in die hof wees om ‘n voorlopige sekwestrasie bevel teen te staan.

Marikana Steungoep dreig met openbare protes

marikanaDie Marikana Steungoep dreig met openbare protes as hulle nie hulle sin kry nie.

Hulle het die President gevra om ‘n geskrapte klousule ter herstel wat die Marikanakommissie opdrag gee om die rol van staatsdepartemente in die skietery by Marikana op 16 Augustus 2012 te ondersoek.

RSG berig dat ‘n woordvoerder, Trevor Ngwane, gesê het hulle wil ook hê die kommissie van ondersoek se termyn moet met nog ses maande verleng word in plaas van 34 dae.

Ingevolge die jongste verandering word die kommissie se werk tot 31 Julie verleng met hulle verslag wat ses weke later ingehandig moet word en word ‘n klousule oor die omvang van die ondersoek se werk verwyder.

Ngwane sê indien die versoek geïgnoreer word, sal hulle die openbare mening inspan om betogings te hou.

Ondersoek na onderwyspos-bedrog kom

teacher-africa-classroomPresident Jacob Zuma het ‘n regterlike kommissie van ondersoek na die bewerings van omkopery vir onderwysposte goedgekeur.

Die sekretaris-generaal van die Nasionale Kongres, Monokoane Hlobo, het die ondersoek verwelkom en sê korrupsie behoort op dieselfde manier hanteer te word.

Verskeie vakbonde is glo betrokke by die vermeende werksverskaffings-bedrogspul in die onderwys.

Die Nasionale Kongres van Skoolbeheerliggame sê hy stem nie saam met die mening dat slegs die Demokratiese Onderwys-Unie of Sadou, by die bedrogspul betrokke is nie.

Berigte dat lede van Sadou poste vir skoolhoofde en adjunkhoofde vir meer as R30.000 elk verkoop het, het onlangs die lig gesien.

Stakers reageer nie op teksboodskappe om te gaan werk nie

amcuptaStakende mynwerkers by Impala Platinum het glo soos by die Lonmin-myn, nie gereageer op steksboodskappe van hul werkgewers om terug te keer werk toe nie.

Vakbondleiers by Implats sê die teksboodskappe van platinumprodusente wil spanning onder werkers aanhits.

Daar is ook steeds ‘n groot polisie-teenwoordigheid by platinummyne op Rustenburg in Noordwes, te midde van die toenemende geweld van stakende myners teen nie-stakende werkers in die gebied.

Die mynmaatskappye wou nie langer deur Amcu onderhandel om die staking tot ‘n einde te bring nie en het selfoonboodskappe aan vakbondlede te stuur waarin hulle gevra word terug te keer werk toe.

Meer as 80.000 werkers wat by Amcu geaffilieer is, staak sedert Januarie by die paltinummyne.

Die gemiddelde mynwerker verdien sowat R4.500 per maand. Die stakers eis dadelik ‘n basiese salaris van R12.500 per maand.

Amcu het die hersiene salarisaanbod van Lonmin, Amplats en Implats namens die stakers verwerp.

Volgens dié aanbod sou werkers teen Julie 2017 R12.500 verdien het.

Die vakbond NUM het sy lede vroeër aangeraai om nie te gaan werk nie omdat dit onveilig is.

Hulle beweer dat 15 van NUM-lede die naweek aangerand is.

By Marikana het niemand glo nog vir werk opgedaag het nie.

Die Nasionale Polisiekommisssaris, Riah Piyega sê die polisie sal bestendigheid verseker terwyl die 16 weke lange staking voortduur.

Die Minister van Polisie, Nathi Mthethwa, het vroeër gesê ‘n Amcu-lid is in hegtenis geneem in verband met geweld teen nie-stakende mynwerkers.

Hy sê vyf oortreders wat bande met Amcu het, is in die geweld geïdentifiseer.

Daar was reeds talle voorvalle van intimidasie. Mthethwa het onderneem om die geweld en intimidasie aan te spreek. Hy sê die organiseerders van die staking behoort verantwoordelikheid te aanvaar.

Die leier van Amcu, Joseph Mthunjwa, het egter gesê hulle sal aanhou staak. Mathunjwa het vroeër gesê hulle sal slegs terugkeer werk toe wanneer daar aan hulle eise toegegee is.