Die bloulig-bestuurder, Joseph Semitjie, wat Thomas Ferreira omgery het nadat hy ‘n rooi verkeerslig verontagsaam het, is in die Krugersdorpse landdroshof aan die Wes-rand skuldig bevind op alle aanklagte teen hom.
Semitjie het Thomas in 2011 by ‘n kruising omgejaag en daarna geweier om die erg beseerde seun te help.
Hy was die bestuurder van die destydse Gautengse LUR vir plaaslike regering en behuising, Humphrey Mmezi.
Hy het tereggestaan op aanklagte van roekelose of nalatige bestuur, opsetlike saakbeskadiging, versuim om bystand aan beseerdes te verleen nadat hy beserings veroorsaak het.
‘n Swart man is dood en vyf ander is in ‘n kritieke toestand op Ngwavuma in die noorde van KwaZulu-Natal nadat hulle na bewering tuisgemaakte bier gedrink het.
‘n Polisiewoordvoerder, Thulani Zwane sê ses mense is na die Mosvold-hospitaal gehaas nadat hulle siek geword het.
Die man is dood kort na sy aankoms by die hospitaal.
Die polisie ondersoek ‘n ander voorval na die dood van vyf swart familielede wat na op ‘n plaas naby Bothaville in die Vrystaat.
Die vermoede bestaan dat hulle vergiftig is. Twee kinders is in die hospitaal opgeneem.
Die polisie het op die liggame van ‘n man en vrou, twee kinders en die vrou se suster afgekom, nadat die bure hulle in kennis gestel het.
‘n Woordvoerder, Stephen Thakeng sê hulle het gif in die kospotte gevind.
Thakeng sê die man en vrou het na bewering rusie gemaak oor ‘n verhouding met sy vrou se 16-jarige suster.
Thailand se politieke krisis het breekpunt bereik.
Dit het begin met protes verlede maand teen ‘n voorgestelde algemene amnestie wat die voormalige eerste minister Thaksin Shinawatra sou kwytskeld.
Shinawatra is deur ‘n militêre staatsgreep in 2006 verwyder en later aan korrupsie skuldig bevind.
Die regering, gelei deur die huidige eerste minister, Yingluck Shinawatra, Thaksin se suster, het sy man gestaan en die tyd loop uit vir die betogers.
Die betoging het stoom begin verloor met Koning Bhumibol Adulyadej se 86ste verjaardag wat op 5 Desember gevier word.
Die Thailandse polisie sê hulle sal nie in die pad staan van betogers wat die eerste minister se kantoor en die polisie se hoofkwartier wil oorneem nie.
Dit is die fokuspunt van betogers wat die regering van die eerste minister, Yingluck Shinawatra omver wil werp.
Die regering sê hulle doen alles moontlik om geweld en konfrontasie te vermy. Die polisie het onderneem om nie teenstand te bied nie en die versperrings om die gebou is ook verwyder.
Die betogers wil beheer oor die regeringsgebou oor te neem, gewapen met traangas en rubberkoeëls.
Thaise finansiële markte het skerp gedaal sedert die betogings meer as ‘n maand gelede begin het.
Die Britse bank Barclays het erken dat hy duisende Suid-Afrikaanse kliënte aan Capitec bank en Standardbank afgestaan het.
Barclays is die derde grootste bank in Brittanje. Hulle het vroeër vanjaar duisende poste vakant gemaak ter besparing in die VK.
‘n Woordvoerder, Craig Bond, sê Barclays beplan om R1,2 miljard rand te bestee aan opknappings by sy takke in Suid-Afrika.
Die bank, wat in Suid-Afrika as Absa bekendstaan, probeer om weer lae-inkomste kliënte terug te wen wat na Capitec oorgeloop het, asook kliënte wat hulle rekeninge na Standardbank oorgeplaas het. – RSG/praag
Die bloulig-bestuurder wat Thomas Ferreira in November 2011 ernstig beseer het, sal vandag in die Krugersdorpse landdroshof sy straf aanhoor.
Joseph Motsamai Semitjie het Ferreira van sy motorfiets gestamp in ‘n wilde jaagtog.
Hy staan tereg op aanklagte van roekelose of nalatige bestuur, opsetlike saakbeskadiging, versuim om bystand aan beseerdes op ’n ongelukstoneel te verleen nadat hy self die motorfietsryer se beserings veroorsaak het.
Semitjie het die ampsmotor van Humphrey Mmemezi, destyds Gautengse LUR vir plaaslike regering en behuising, bestuur toe hy deur ʼn rooi verkeerslig gejaag het en Thomas byna noodlottig getref het.
Semitjie beweer hy moes Mmemezi na ʼn vergadering haas en dat hy opdrag gekry het om blou ligte te gebruik.
Ferreira het ernstige beserings in die ongeluk opgedoen en blywende skade.
Oor die naweek is dringende soektogte na twee swart geweldenaars deur die polisie geloods en albei is aangekeer. April Thabo Senkaka, 37, het sy 22-jarige vriendin en haar een jaar oue baba in Regorogile-uitbreiding, ‘n lokasie by Thabazimbi, lewendig in hul kaia verbrand ná hy hulle onder die klippe gesteek het.
Senkaka het Maandag in die landdroshof op Thabazimbi op twee aanklagte van moord en brandstigting verskyn en hy word tans aangehou. Sy saak is tot 12 Desemer 2013 uitgestel om hom in staat te stel om om regshulp aansoek te doen.
In ‘n ander, nie-verwante voorval, het Hulisani Makhaga, 20, op Ha-Mashau naby Levubu insgelyks tydens ‘n rusie met sy 19-jarige vriendin haar en haar ma doodgeskiet. Toe Makhaga se vriendin hom afsê, het hy ‘n vuurwapen uit sy oupa se motor gesteel en haar summier doodgeskiet. Met dié dat haar ma op die toneel verskyn om te kyk wat aangaan, het hy haar ook met skote neergevel en weggevlug alvorens hy deur die polisie aangekeer is.
Makhaga het Maandag in die Levubu-landdroshof verskyn en sy saak is tot 7 Januarie 2014 uitgestel terwyl die polisie verdere ondersoek instel. Hy verkeer tans in aanhouding op twee aanklagte van moord, asook die diefstal van ‘n vuurwapen. Sy oupa, 68, is insgelyks onder die Vuurwapenbeheerwet van die nalatige hantering van ‘n vuurwapen aangekla.
Senkaka se dubbele moord op sy vriendin en haar baba is blykbaar ontketen toe sy geweier het om hom Sondagoggend te sien. Toe het hy na bewering die deur oopgebreek en haar met klippe gegooi, waarna sy haar bewussyn verloor het. Met die ma en een jaar oue baba nog binne die kaia, het hy dit aan die brand gesteek sodat albei lewendig deur die vuur verteer is.
Albei hierdie voorvalle het plaasgevind tydens die sogenaamde “16 dae van aktivisme teen geweld op vroue en kinders”, iets wat die provinsiale kommissaris van polisie, Fannie, Masemola, genoop het om te verklaar: “Dis betreurenswaardig dat sulke gruwelike voorvale plaasvind terwyl ons die 16 dae van aktivisme teen geweld op vroue en kinders met inbegrip van gestremdes, vier. Dit is ook betreurenswaardig dat dié twee daders ons hele provinsie in die oë van wetsgehoorsame burrgers in die skande steek.”
Sy het ook haar meegevoel met die familie en vriende van die slagoffers uitgespreek. – praag, met behulp van polisieverklarings en ander berigte
Die Johannesburgse nooddienste sal ’n formele klag ondersoek wat hulle ontvang het nadat ’n vrou glo behandeling geweier is omdat sy “te vuil was”.
Die vrou is Vrydag dood.
Robert Mulaudzi, woordvoerder vir die Johannesburgse nooddienste, het in ’n verklaring gesê: “Hierdie aantyging word baie ernstig opgeneem en die [nooddiensbestuur] sal enige formele klag van die familie ondersoek en die nodige dissiplinêre stappe neem indien bevind word dat daar verkeerd opgetree is.”
Die Daily Sun het Maandag berig dat ambulanswerkers na bewering geweier het om die vrou, Sarah Bezuidenhout, hospitaal toe te neem omdat sy glo te vuil was.
Dit is nie bekend wat die oorsaak van haar dood was nie.
In ‘n soortegelyke geval het omstanders vroeër die nooddiens geskakel oor ‘n sterwende boemelaar. Die nooddienste wou hom nie in die ambulans laai nie en hom daar gelaat dat hy sterf nadat hulle hom ondersoek het.
Die optrede van die ambulanspersoneel is glo op veiligheidskameras opgeneem.
Johannesburgse motoriste moes Dinsdagoggend tolgeld betaal.
Die koste ‘n dubbele slag vir Gautengers wat Dinsdagaand om middernag nog duurder vir brandstof sal betaal.
‘n Poging deur die VF+ om e-tol te keer is Maandag in die hooggeregshof in Pretoria van die hand gewys.
Die e-tolstelsel het om middernag in Gauteng in werking getree.
Die Bondgenootskap teen stedelike tol, Outa, het motoriste aangeraai om nie e-tolskyfies te koop nie.
Daar is geen wet wat motoriste verplig om die skyfies aan te skaf of by Sanral te registreer nie.
Verkeer by die Malibongwe-afrit normaal, asook in Beyers Naudé-rylaan. Verder noord is geen oponthoud gerapporteer nie.
Cosatu en die DA het vroeër gesê hulle sal Dinsdag planne bekendmaak oor verdere optrede teen die e-tolstelsel.
Kerkleiers het miljoene lidmate aangemoedig om nie e-skyfies te koop nie. In ’n verklaring deur ondermeer biskop Paul Verryn van die Metodistekerk, dr. Jerry Pillay, president van die Wêreldgemeenskap van Gereformeerde Kerke, en biskop Jo Seoka, president van die Suid-Afrikaanse Raad van Kerke, het hulle die e-tolstelsel veroordeel.
‘n Vier-en-veertigjarige swart man verskyn vandag in George se landdroshof in verband met die verkragting van ‘n sewejarige meisie.
Hy is verlede week tussen die Pacaltsdorp en Thembalethu in hegtenis geneem. Die kind is in die sorg van ‘n familielid in Rosemoor gelaat, volgens die polisie.
Die verdagte het haar na bewering ontvoer en na ‘n nabygeleë huis geneem hy haar verkrag het.
Die kind het in die daarin geslaag om in die vroeë oggendure te ontsnap en na die familielid se huis terug te keer.
Sy is in die hospitaal opgeneem waar sy ‘n operasie ondergaan het. Sy is die volgende dag ontslaan.
Die borgtogaansoek van die Tsjeggiese voortvlugtige, Radovan Krejcir, sal vanoggend in die Palm Ridge-landdroshof plaasvind.
Die voortvlugtige Tsjeg en vermeende mafiabaas sal saam met twee offisiere van die Valke en nog ‘n medepligtige in die hof aan Gauteng se Oos-Rand verskyn.
Die twee Valke het na wat berig word ‘n skrikbewind in die lokasie waar hulle woon, gevoer en ver bo hul inkomste gelewe.
Die offisiere van die Valke is in hegtenis geneem vier dae nadat Krejcir gearresteer is. Die Duitse media het berig oor die gebeure en klem gelê op korrupsie in die SAPD wat beskerming aan die vermeende onderwêreldfiguur verleen het na talle onopgeloste moorde, waaronder dié van Uwe Gemballa, ‘n Duitse burger.
Al vier die mans staan tereg op aanklagte van poging tot moord en ontvoering na ‘n voorval in Junie vanjaar.
‘n Sigbare polisieteenwoordigheid is by die hof ontplooi en slegs ge-akkrediteerde media en hofamptenare sal in die gebou toegelaat word.
Met Krejcir se eerste verskyning moes die hofsaal ontruim word en snuffelhonde is gebruik ná ‘n bomdreigement.
Sy mede-aangeklaagdes se borgtogaansoek is na die Germinstonse streekhof verskuif nadat die beskuldigdes vanoggend in die Palm Ridge landdroshof verskyn het.
Joernaliste kon nie vanoggend elektroniese toerusting die hof in te neem nie, maar die bevel is intussen omgekeer.
Krejcir, sy vennoot Desai Lupsondo en twee lede van die Valke, Jeff Nthroane en Samuel Marupeng staan tereg op aanklagte van poging tot moord en ontvoering.
Die spertyd vir Krejcir om sy bates van miljoene rand in die Noord-Gautengse Hooggeregshof in Pretoria bo verdenking te plaas, is besig om uit te loop.
Krejcir moet aanstons redes verskaf waarom daar nie permanent op sy eiendom beslag gelê moet word nie. Die Suid-Afrikaanse Inkomstediens het meer as twee weke gelede Krejcir se bates, waaronder sy Moneypoint pandjieswinkel in Bedfordview aan die Oos-Rand, onder kuratorskap geplaas.
‘n Bewaringsbevel is van die Hooggeregshof verkry vir dié stap. Die hofbevel stel die SAID in staat om die beheer te neem van bates van 15 bedrywe waarin die Tsjeg belange het.
Krejcir skuld volgens Ontvanger van Inkomste miljoene rand aan belasting, boetes en rente.
Die bloulig-bestuurder, Joseph Semitjie, wat Thomas Ferreira omgery het nadat hy ‘n rooi verkeerslig verontagsaam het, is in die Krugersdorpse landdroshof aan die Wes-rand skuldig bevind op alle aanklagte teen hom.
