Die bloulig-bestuurder, Joseph Semitjie, wat Thomas Ferreira omgery het nadat hy ‘n rooi verkeerslig verontagsaam het, is in die Krugersdorpse landdroshof aan die Wes-rand skuldig bevind op alle aanklagte teen hom.
Semitjie het Thomas in 2011 by ‘n kruising omgejaag en daarna geweier om die erg beseerde seun te help.
Hy was die bestuurder van die destydse Gautengse LUR vir plaaslike regering en behuising, Humphrey Mmezi.
Hy het tereggestaan op aanklagte van roekelose of nalatige bestuur, opsetlike saakbeskadiging, versuim om bystand aan beseerdes te verleen nadat hy beserings veroorsaak het.
Wie word verantwoordelik gehou vir Thomas se mediese uitgawes en tuisversorging wat duisende maandeliks beloop ?
Die pad ongelukke fonds.
Nadat die LUR aangebied om te betaal, het hy omgedraai en gesê die POF is reeds in plek.
Dankie Josef (ek was onder die indruk die POF is bankrot – ek praat onder korreksie).
Ek was ook onder daai indruk Trips.
So bietjie gaan nalees : (9 September 2013)
Die Padongelukkefonds (POF) word eersdaags vervang met ’n nuwe struktuur onder die benaming van die Padongelukke-voordeelskema (POVS) wat waarskynlik nog vanjaar deur die regering goedgekeur gaan word.
Na verwagting sal die nuwe “skema: volgende jaar inwerking tree met aansienlik minder voordele as wat tans in die POF gesetel is.
Ronald Bobroff, president van die Vereniging Persoonlike Skade-prokureurs, meen dit is slegte nuus vir Suid-Afrika, want talle regte word van mense ontneem.
Hy wys daarop dat voordele op private gesondheidsorg, asook die uitbetaling van ’n groot enkelbedrag, en die assessering van eise deur ’n hof, sowel as onafhanklike regsverteenwoordiging verbeur word. Verder word vergoeding vir ’n leeftyd se pyn en lyding, en die verlies van lewensgenietinge en vergruising ook verbeur.
Volgens Bobroff sterf 15 000 mense elke jaar in padongelukke in Suid-Afrika en word sowat 300,000 beseer.
Tiyani Rikhotso, ’n woordvoerder van Departement Vervoer, sê met die voorgestelde POVS, word daar nou weggedoen van die stelsel wat op versekering gebaseer is. Dit is glo ’n verouderde stelsel wat sedert 1946 in die land gebruik is.
Die nuwe sisteem maak voorsiening daarvoor dat slagoffers vir voordele kwalifiseer ongeag of hulle vir die ongeluk verantwoordelik is, al dan nie.
Wie het nou eintlik verwag dat hy sy woord sou hou?
mmmmm, ek sien rooi ligte, nie te min, dit is goeie nuus