Winnie Madikizela-Mandela het tot die geveg tussen oudpresident Nelson Mandela erfgename toegetree deur haar steun aan Mandela se oudste dogter te verklaar.
Sy sê koerantberigte wat beweer daar is gevegte binne die Mandela-familie is van alle waarheid ontbloot.
Sy sê daar is “geen debat” oor opvolging in die Mandela-familie nie, in weerwil van talle bewyse dat die familie stry oor Mandela se nalatenskap.
Mandela se gewese vrou het haar steun aan Mandela se oudste dogter Makaziwe toegesê in die geveg tussen haar en Mandela se kleinseun.
Madikizela-Mandela het die media in ‘n verklaring beskuldig van insinuasies wat ontwerp is om die familie in oneer te bring.
Sy het gesê gewoontereg en tradisie bepaal dat Makaziwe die hoof van die familie word. Volgens Madikizela-Mandela sal Makaziwe besluite neem met die steun van haar susters Zenani en Zindzi.
Sy sê Mandela se oudste kleinseun Mandla is deel van die volgende generasie, en sal hom daarom moet hou by Makaziwe se besluite.
Die geskorste hoofsekretaris van Cosatu, Zwelenzima Vavi sê die ANC behoort ander beleidsrigitngs te aanvaar wat ‘n verbintenis tot radikale ekonomiese transformasie verklaar.
Hy het in ‘n striemende aanval teen die regering onder leiding van die ANC geloods.
Vavi het gesê President Jacob Zuma se regering het misluk.
Vavi sê die ANC kon nie daarin slaag om die werkloosheidskrisis aan te spreek of om behoorlike werk te skep nie.
Vavi het by die metaalwerkersvakbond Numsa se spesiale kongres in Boksburg aan die Oos-Rand gepraat.
Die kongres moet besluit of Numsa die ANC in die verkiesings in 2014 gaan steun, en of hy wil deel bly van die vakbondfederasie Cosatu.
Die vakbondfederasie is een van die vennote van die drieparty-alliansie.
Gill Marcus glimlag breed, asof sy wou sê: ‘R2 vir julle en R5 miljoen vir my!’ Foto: GCIS
Gill Marcus, wat self as ‘n begunstigde van die ANC se verowering van die land en sy instellings, R5 miljoen per jaar verdien, het so pas ‘n nuwe R2-muntstuk aangekondig om haar party se oorname van die Uniegebou te vier.
Hoewel die munt aangebied word om die eeufees van die Uniegebou te herdenk, is dit uit verklarings duidelik dat die Reserwebank die Uniegebou aan Nelson Mandela koppel. As gevolg van die bank se ideologies geïnspireerde note met Mandela se gesig daarop het dit in die mees onlangse boekjaar ‘n verlies van R1,27 miljard getoon.
Dit het egter nie die bank verhoed om Marcus se enorme salaris van R4 990 000 te betaal nie – twee keer soveel soos die staatspresident s’n. Selfs haar adjunkte verdien enorme salarisse. Daar is nie minder as drie van hulle nie, wat met die volgende vergoedingspakkette spog:
Daniel Mminele: R3,8m
Francois Groepe: R3.56m
Lesetja Kganyago: R3,81m
Groepe was voorheen by Naspers werksaam waar hy die uitvoerende hoof van Media24 was. Hy is egter weens onbekwaamheid deur mnr. Koos Bekker, uitvoerende hoof van Naspers, afgedank.
Volgens Marcus is dit nie nodig vir die Reserwebank om wins te maak nie. “Ons is nie ‘n instelling wat deur die winsmotief gedryf worrd nie. Niemand voel gemaklik met verliese nie, maar die oogmerk is nie om winste te maksimaliseer nie. Ons oogmerk is om ons werk te doen. Soms maak jy ‘n wins en soms ‘n verlies.”
Daar sal ook ‘n spesiale uitgif van sterlingsilwermunte geskied. Volgens Hlengani Mathebula, woordvoerder vir die SARB. sal die SA Munt in Midrand die munstukke vervaardig: “Die SA Munt sal die sterlingsilwer- R2-kroon uitreik as ʼn enkelmuntstuk met sy beperkte oplaag van 1 000, sowel as deel van ʼn versamelaarstelletjie wat die kroon, sirkulasiemuntstuk en 20 herdenkingseëls insluit,”
Daar sal slegs 700 stelle beskikbaar gemaak word. Die stelle en die R2-kroon sal by SA Mint en Coin World te koop aangebied word.
Die muntstuk het die landswapen, jaar van uitreiking, en die woorde “Suid-Afrika” in Afrikaans en isiXhosa op sy voorkant. ʼn Afbeelding van die Uniegebou verskyn op die rugkant, tesame met ‘n Engelse inskripsie.
Die R2-sirkulasiemuntstuk sal van vroeg 2014 af in omloop geplaas word.
Soos ons reeds voorheen berig het, het ons besluit om toegang tot die Disqus-kommentaarstelsel op praag strenger te maak, nadat vele mense oor ‘n lang tyd daarvan misbruik gemaak het.
Sedert gister word alle kommentaar dus gekeur alvorens dit geplaas word, behalwe dié van betalende praag-lede en -intekenare wat op ‘n “witlys” geplaas word en onmiddellik verskyn.
Indien u enige vrae het, is u welkom om aan ons te skryf by inlig[by]praag.org.
Ons vertrou dat die nuwe reëling tot die gehalte van die blad en sy kommentaarafdeling sal bydra. Let ook daarop dat ons steeds ‘n hoë premie op spraakvryheid plaas, anders as by vele ander SA blaaie waar politieke korrektheid die botoon voer.
Die Disqus-stelsel wat wêreldwyd deur miljoene mense gebruik word, is nou volledig in Afrikaans beskikbaar, danksy die inisiatief van praag en ander organisasies en individue wat saamgewerk het om dit in ons taal te vertaal en die vertaling goedgekeur te kry. Nog ‘n rede om praag te ondersteun vir ons werk om Afrikaans op die internet en sy stelsels lewendig te hou!
Die Raad op Gesondheidsberoepe het dr Wouter Basson skuldig bevind op vier aanklagte van onprofessionele en onetiese gedrag.
Die kardioloog sal op 21 en 22 Februarie aanstaande jaar hoor wat die toekoms vir hom inhou.
Basson is deur die Raad aangekla van onetiese gedrag wat verband hou met sy werk aan Projek “Coast” – ‘n geheime navorsingsprojek oor chemiese wapens tydens vir die Afrikanerregering.
Die tugsaak duur reeds ses jaar.
Basson is in 2002 in die hooggeregshof in Pretoria vrygespreek op strafregtelike aanklagte wat met sy verbintenis met die projek wat hy as soldaat voltrek het.
Die staat se appèl teen die uitspraak en sy aansoek in die Grondwethof is destyds van die hand gewys.
Nog Europese lande sal binnekort soldate stuur om die Franse Afrikavredesending in die Sentraal Afrikaanse Republiek te versterk.
Dit is deel van Frankryk se pogings om ‘n Europese mag te skep wat die EU voortaan sal kan verdedig.
Sommige ontleders sê die Franse wil NAVO daarmee troef en kritici sê dis ‘n manier vir Frankryk om sy weermag met ander lande se geld te befonds.
Die Franse minisiter van buitelandse sake, Laurent Fabius het hulp versoek om die geweld in die SAR te probeer keer, het RSG berig.
Frankryk het 1.600 soldate in die S.A.R ontplooi om te voorkom dat die geweld tussen die Christen ekstremiste en grootliks Moslem Seleka rebelle verder uitbrei.
Pole, Brittanje, Duitsland, Spanje en België het hulp aangebied. Intussen het Franse soldate vir die tweede keer vanjaar in Mali ingegryp in ‘n poging om insypelaars in die noorde te stuit.
Intussen het die VN berigte ontvang dat tussen 400 en 500 mense in die jongste geweld in Suid-Soedan dood en tot 800 beseer is.
Die regering in Suid-Soedan sê 10 politici is in hegtenis geneem in verband met ‘n mislukte staatsgreep.
Die regering soek nog na die gewese visepresident Riek Machar wat daarvan beskuldig word dat hy die mislukte staatsgreep aangevoer het.
Geweld tussen twee faksies in die weermag het die naweek uitgebreek en die president Salva Kiir het ‘n aandklokreël ingestel.
Die geweld weerspiëel die ernstige verdeeldheid in Afrika se jongste staat, net meer as twee jaar nadat dit van Soedan afgestig het.
Die VSA het intussen sy burgers aangeraai om Suid-Soedan te verlaat en het werksaamhede by sy ambassade in die land opgeskort.
Emeritus-aartsbiskop Desmond Tutu het in ’n verklaring sy spyt uitgespreek oor ’n gebrek aan inklusiwiteit by Mandela se begrafnis.
Volgens Tutu was daar ‘n “skreiende uitsluiting was dié van die Afrikaner-gemeenskap.
Hy het Afrikaners en, in die besonder die NG Kerk, om verskoning gevra omdat hulle uitgesluit was by die roudiens en begrafnis.
Tutu het die ANC-leierskap se hantering van Nelson Mandela se begrafnisdiens ook gekritiseer omdat hulle nie Afrikaans toegelaat het nie.
Volgens hom moes die NG Kerk ook deel van Mandela se afskeid gewees het omdat Mandela moeite gedoen het om te verseker dat Afrikaners deel van die nuwe Suid-Afrika word.
Die NG Kerk het ontken dat hy uitgesluit was en gesê dat danksy die kerk se betrokkenheid by die Suid-Afrikaanse Raad van Kerke, hulle wel deel van die verrigtinge was.
“Ons kon ’n meer verteenwoordigende groep geloofsleiers gewees het by die roudiens in die ENB-stadion en die begrafnis in Qunu, indien ons die NG Kerk ook ingesluit het – ons het ook nie Afrikaans gepraat nie, behalwe ’n paar sinne.
“Dit sou Madiba ontstel het, omdat hy so vasberade was om inklusief te wees.”
Die voorsitter van die nuwe koalisie van vyf politieke partye, Mosioua Lekota sê die partye sal voortgaan om na volgende jaar se verkiesings, saam te werk.
Die partye van die koalisie wat as die Kollektief vir Demokrasie, KD, bekend sal staan het op die oomblik altesaam 57 setels in die Nasionale Vergadering.
Cope, die Vryheidsfront Plus, die ACDP, UCDP en die IVP het gister ‘n samewerkingsoorenkoms onderteken om volgende jaar se verkiesings as ‘n koalisie te betwis.
Lekota, wat ook die leier van Cope is, sê die partye het hulle volgens die ooreenkoms verbind om die oppergesag van die reg te beskerm en ‘n regering te bevorder wat armoede wil uitroei en vry van korrupsie sal wees.
Die leierskap van die Inkatha Vryheidsparty het intussen ontken dat hy deel is van die amptelike koalisie van opposisiepartye. – RSG
Adjunk-president Kgalema Motlanthe voel “gefolter” deur die vraag of Clive Derby-Lewis vrygelaat behoort te word.
Motlanthe het gesê dat indien Derby-Lewis in die tronk doodgaan, kan hy ‘n martelaar vir sekere mense word.
Derby-Lewis is gevonnis tot 25 jaar in die tronk vir sy rol in die moord van SA Kommunistiese Party se algemene sekretaris Chris Hani in 1993.
“Ek dink dit is een van die kwessies wat pla in ons verbintenis tot ‘n samelewing wat omgee, ‘n samelewing wat nie gedryf deur die begeerte om wraak te neem nie, ” het Motlanthe aan Beeld gesê by die Nelson Mandela-sentrum in Houghton, Johannesburg.
“Die land moet die kwessie van Derby-Lewis se vrylating te bespreek, want geregtigheid kan nie selektief wees nie. Dit moet konsekwent wees, selfs met mense wat ons beskou as teenstanders. “
Motlanthe het gesê die kwessie rondom sy vrylating was ‘n toets van hoe ver die land in terme van ‘n ware kultuur van menseregte gekom het.
Derby-Lewis het gereël vir ‘n vuurwapen vir die skieter Janusz Walus wat ook tans 25 jaar tronkstraf uitdien.
Hulle is albei aanvanklik tot die dood gevonnis, maar dit is tot lewenslange tronkstraf verander toe die doodstraf afgeskaf is .
Mediese parool is in 2012 van die hand gewys, sowel as ‘n ander aansoek in 2011. Derby-Lewis, wat nou 77 is, is terminaal siek.
Tydens ‘n seremonie vroeër vanjaar ter herdenking van die 20ste herdenking van Hani se moord, het die SAKP se hoofsekretaris Blade Nzimande gesê Derby-Lewis en Walus moet die waarheid openbaar oor wie anders betrokke was by die misdaad of vrot in die tronk.
“Ons wil nie hê dit moet weer gebeur nie,” het Nzimande toe gesê.
Derby-Lewis behoort op grond van die gelykheidsbeginsel voor die reg parool te kry.
Uitspraak in die tugverhoor van die kardioloog dr. Wouter Basson, 63, sal na verwagting vandag gelewer word. Die tugsaak duur reeds ses jaar.
Basson word deur die Raad op Gesondheidsberoepe aangekla van onetiese gedrag wat verband hou met sy werk aan Projek “Coast”, ‘n geheime navorsingsprojek oor chemiese wapens onder die NP-bewind.
Basson is in 2002 in die hooggeregshof in Pretoria vrygespreek op strafregtelike aanklagte teen hom.
Die staat se appèl teen die uitspraak en sy aansoek in die Grondwethof is van die hand gewys.
Basson is in November deur 10 swart moeders wat beweer dat hy hulle seuns ingespuit en vermoor het met sy beweerde dodelike produkte, gekonfronteer.
Dit was glo die eerste keer dat Basson van “aangesig tot aangesig met die familie van die slagoffers van die beweerde chemiese oorlogvoering” in aanraking gekom het.
“Ons het 10 moeders wie se seuns met die gif ingespuit is. Ons sal hom konfronteer omdat hy voortdurend beweer dat hy nie direk iemand se dood veroorsaak het nie. Hy sê dat hy net die stof vervaardig het,” het dr Marjorie Jobson, direkteur van Khulumani, gesê.
Jobson het toe gehoop dat ‘n ekstra klag van massamoord moontlik bygevoeg sou kon word teen Basson, ten spyte daarvan dat die ondersoek toe reeds ‘n gevorderde stadium bereik het.
Die oorlewende slagoffers het gesê hulle wil Basson uit die mediese bedryf skop en sy private praktyke in KwaZulu-Natal en Kaapstad verbied kry.
Basson het die staat se diens in 1999 verlaat, maar verdien steeds R1.7m van belastingbetalers se geld, het sy kritici gesê.
Hy staan tereg op die vervaardiging van produkte wat glo gelei het tot die dood van hordes swart mense in die 1980’s, insluitende chemiese en ander wapens, Mandrax, kokaïen en sianiedtablette vir selfmoord.
