Nuus Archives - Page 432 of 1583

Kanada onttrek personeel uit Sierra Leone weens ebola

Daar is nog geen raad vir die ebolavirusinfeksie wat kan ernstige hemorragiese koors veroorsaak nie.

‘n Nuwe strategie is ontwikkel en getoets in 2011 deur ‘n internasionale span wetenskaplikes met die deelname van kundiges van die Universiteit van Landbouwetenskappe in Wene: Teenliggaampies van tabakplante.

Die Weense wetenskaplikes het vir ongeveer tien jaar gewerk daaraan. Kliniese proewe in gesonde vrywilligers sal aanstons volg.

Die Kanadese regering het intussen drie lede van ‘n mobiele laboratoriumspan uit Sierra Leone onttrek nadat gevalle van ebola in hul hotel gediagnoseer is.

Kanadese owerhede het laat Dinsdag bekend gemaak dat nie een van sy lede in regstreekse kontak met die siek individue was nie. Hulle toon ook geen simptome van die siekte nie. Die owerhede het gesê die drie sal onder vrywillige kwarantyn gehou en gemonitor word.

Die laboratoriumspan was in die land om ebola-slagoffers te help diagnoseer in hospitale.

Die Kanadese regering sal glo weer ‘n span stuur sodra dit veilig is.

Die Wêreldgesondheidsorganisasie (WGO) sal ook sy span uit Kailahun in die ooste van Sierra Leone onttrek nadat een van sy werkers onlangs die siekte opgedoen het.

‘n Britse verpleër wat die Ebola-virus opgedoen het terwyl hy in Sierra Leone gewerk het, kry ZMapp.

Dit is dieselfde eksperimentele middel wat vir twee Amerikaanse sendelinge gebruik is wat albei genees is.

Die 29-jarige William Pooley word met Z-Mapp in Londen behandel nadat hy in ‘n spesiaal toegeruste lugmagvliegtuig uit Sierra Leone vervoer is.

‘n Liberiese dokter, Abraham Borbor is Sondag dood ondanks die feit dat hy dieselfde serum ontvang het. Ebola het reeds sedert die begin van die jaar die lewens van 1.427 mense geëis.

Intussen sê die Nigeriese regering dia land het tot dusver daarin geslaag om die uitbreking van ebola onder beheer te hou.

Die ministerie van Gesondheid sê net een persoon word tans vir die siekte behandel, terwyl twee mense reeds uit die hospitaal ontslaan is.

Vyf mense is aan ebola dood sedert die siekte verlede maand in Nigerië uitgebreek het.

Pallo Jordan het vir SA Joodse firma in Londen gewerk

In ‘n onlangse berig in City Press vertel Pallo Jordan (tot onlangs “doktor” Pallo Jordan) dat hy in Londen vir ‘n versekeringsmaatskappy, Abbey Life Insurance Company gewerk het wat aan ‘n Joodse Suid-Afrikaner behoort het. Die eienaar, Joel Joffe, is intussen ‘n Britse adellike gemaak en staan deesdae as “Baron Joel Joffe” bekend.

Die aanhaling in City Press lui soos volg:

Jordan worked as a clerk for the Abbey Life insurance company established by exiled South African lawyer Joel Joffe (now a British peer, Baron Joffe). His company provided work for South African exiles.

Oliver Tambo se huis in Muswell Hill, Londen, wat onlangs deur die SA regering vir R30 miljoen aangekoop is

Hierdie onthulling volg op ander wat aantoon in welke mate die ANC in ballingskap so byna-byna ‘n frontorganisasie van Suid-Afrikaanse en veral Johannesburgse Jode was. Oliver Tambo, wat jare lank die leier van die ANC was, het ‘n huis ontvang van Hilda Bernstein, vrou van die Rivonia-beskuldigde Rusty Bernstein. Hilda, wat as Schwarz gebore is, se pa was ‘n oortuigde Bolsjewis wat van Rusland afkomstig was en sy is van kleins af as kommunis opgevoed. Rusty Bernstein is ook die skrywer van die ANC se “Freedom Charter” wat vandag steeds as die rigsnoer vir die party en selfs Suid-Afrika se beleid aanvaar word.

In 1968 was die ANC besig om as organisasie dood te loop toe die Suid-Afrikaanse Kommunisteparty onder Joe Slovo, ‘n Jood wat in Lithaue gebore is, beheer daaroor by die konferensie in Morogoro, Tanzanië, verkry het.

Deesdae spog vele Jode oor hul rol om die vorige Afrikanerregering omver te werp, ook in ‘n poging om die kritiek wat Israel tans as “apartheidstaat” te verduur, teen te werk. Een so ‘n skrywer, Maurice Ostroff, skryf oor die vele Jode wat teen Afrikaners opgestaan het en kritiseer die Moslems vir hul destydse konserwatisme en gebrek aan revolusionêre vuur:

Terwyl Afrikaanse koerante dikwels die Jode daarvan beskuldig dat hulle die apartheidsbewind ondermyn, deur na die hoë persentasie Jode onder die blankes wat deur die polisie aangehou word, te verwys, het Die Burger in ‘n reeks van twee artikels die Moslemgemeenskap vir sy samewerking aangeprys. Die Burger skryf: “Gematigde Moslemgeestelikes op die Skiereiland is van mening dat nie eens burgerlike ongehoorsaamheid vir die Moslemminderheid in Suid-Afrika toelaatbaar is nie en dat hulle die wet behoort te gehoorsaam. Ook verkeer Moslems onder die verpligting om eerder te onderhandel indien hulle die politieke stelsel verdrukkend of onregverdig vind.”

Hilda Bernstein het die optog van swart vroue op 9 Augustus 1956 na die Uniegebou gereël wat tans met ‘n jaarlikse vakansiedag, Vrouedag, herdenk word.

Die huis in Muswell Hill, Londen, waarin Oliver Tambo en sy vrou Adelaide gewoon het, is onlangs deur die Suid-Afrikaanse regering vir 1,7 miljoen pond (ongeveer R30 miljoen) aangekoop en sal in ‘n museum omskep word.

Tshwane krabbel terug oor Afrikaanse name

Die Tshwane-metroraad het teruggekrabbel oor die besluit om die Pretoriase stadsaal te hernoem en gesê verskeie ander ikoniese geboue en terreine in en om die stad sal nuwe name kry, eers na uitgebreide “konsultasies” en oorweging van die Suid-Afrikaanse Pleknaamraad.

Voorheen het sulke “konsultasies” gelei tot ‘n voorkeur vir name van terreurstigters en kommuniste aangesien die Pleknaamraad gepak is met Boerehaters en hul handlangers.

Die metro het voorheen gesê die opgeknapte Pretoriase stadsaal sal na Marthinus Pretorius, stigter van Pretoria, hernoem word. Marthinus Pretorius is tans die enigste voorgestelde naam vir die stadsaal in die naambasis, maar dit beteken nie veel nie.

Volgens Blessing Manale, woordvoerder van Kgosientso Ramokgopa, uitvoerende burgemeester, is die stadsaal net een van vele geboue wat name gaan kry en hernoem gaan word.

“Ons wil eers die hele (naam)pakket neerpen om aan die Suid-Afrikaanse Pleknaamraad te stuur vir oorweging en dan ‘n proses van deelname deur die publiek en belanghebbendes aan die gang kry.”

In September sal “konsultasies” gehou word in oorleg met die kantoor van die speaker.

Manale sê hulle hoop dat die proses teen Januarie volgende jaar voltooi sal wees, waarna dit in Februarie voor die raad sal dien. Die eerste hernoemingsplegtighede sal in Maart en April gehou word.

Die Heldeakker-begraafplaas in Pretoria-Wes, Soshanguve, die Wonderboom-lughawe en selfs die nuwe Munitoria-gebou gaan glo nuwe name kry.

Lonmin verwerp gerugte oor afleggings

Die platinumprodusent Lonmin het aannames van bronne in die mynbedryf verwerp dat die maatskappy beplan om sowat 5.700 poste te sny as deel van sy veldtog om winste na die vyfmaandelange staking in die bedryf te herstel.

Die maatskappy se uitvoerende hoof, Ben Magara, sê daar is geen planne om enigiemand uit diens te stel nie en die prioriteit is om produksie te verskerp, het RSG berig.

Twee bronne in die mynbedryf het aan die nuusagentskap Reuters gesê volgens die beplande afleggings sal ses skagte gesluit word.

AMCU se staking het ook Anglo American Platinum en Impala Platinum ontwrig. Amplats het intussen aangekondig dat hy beplan om van sy myne te verkoop.

Impala sal na verwagting die mark inlig oor potensiële herstrukturering wanneer hy Donderdag verslag doen oor sy jaarverdienste.

Madonsela weier om bron vir uitgelekte brief bekend te maak

Zizi Kodwa, ANC-woordvoerder, het gesê die Openbare Beskermer, Thuli Madonsela “speel slagoffer”, nadat die soveelste brief oor Nkandla “uitgelek” het en Madonsela weier om die bron te onthul.

Kodwa sê bykans al die Openbare Beskermer se ondersoeke het voortydig uitgelek en nie eenkeer het sy verantwoordelikheid daarvoor aanvaar nie.

Die ANC het die OB skerp gekritiseer en haar van partydigheid beskuldig nadat ‘n brief weer aan die media gelek is vir die soveelste hoofstuk van die Nkandla-sage.

Die OB wat ‘n veldtog voer om van Zuma ontslae te raak, word deur Julius Malema en die EFF gesteun.
Elke brief van die OB word klokslag aan die media “gelek” om aan Madonsela die geleentheid te gee om haar veldtog deur die media te voer.

“Sy het die brief laat uitlek en moet verantwoordelikheid aanvaar. Dis nie die eerste keer dat sy inligting laat uitlek nie,” het Kodwa gesê.

Madonsela het na bewering aan Zuma geskryf dat hy haar aanbevelings betwyfel dat hy van die geld behoort terug te betaal wat aan sy privaatwoning op Nlkandla bestee is.

Die ANC het in ‘n verklaring gesê dis verregaande om te sê dat die vertroulike brief deur ‘n ANC-lid uitgelek is. Die party eis dat Madonsela haar bron bekend maak.

Oupa Segalwe, woordvoerder van die OB, het in reaksie gesê Madonsela weier om die bron te gee. Sy het gesê sy is vertroulik vertel wie dit is en dus “gaan sy dit vertroulik hou”.

Die ANC het sy kommer uitgespreek oor hoe Madonsela die OB-kantoor bestuur.

Die ANC het gesê hy vermoed die OB hanteer Nkandla as ‘n “persoonlike saak buite haar grondwetlike mandaat” en die party het haar neutraliteit in twyfel getrek.

Sy het bewerings ontken dat ‘n veldtog in die media voer en gesê sy “is vertroulik ingelig ‘n senior ANC-lid het die vertroulike brief aan die media uitgelap”.

Namaquafees van die baan tensy organiseerder opdaag

Vanjaar se Namaquafees sal nie plaasvind nie, tensy iemand inspring en die geleentheid organiseer.

Die hopelose munisipaliteit het die naweek nog ‘n verklaring uitgereik waarin hy erken dat hy nie self die feesreëlings kan behartig nie. “Die raad se betrokkenheid behels slegs om sy bronne beskikbaar te stel vir die gebruik van die fees.”

Die Matzikama-munisipaliteit (Vredendal) het Steve Hofmeyr nietemin verbied om op te tree by die fees wat in Oktober sou plaasvind omdat hy voorheen die Die Stem gesing het. Die munisipaliteit het sulke optrede as “rasisties” [sic] beskryf.

Die haatveldtog teen Steve, Afrikaners en hulle kultuureiegoed word deur Media24 gedryf en het opnuut uiting gevind in die verbod teen Hofmeyr se optrede.

Louis le Grange, eienaar van Events24, het toe al 17 kunstenaars gekanselleer en as organiseerder onttrek, aangesien Steve in elk geval die kunstenaar is wat skares trek en kaartjies verkoop.

Die munisipaliteit het naarstiglik probeer skerm vir eise teen hulle het in die verklaring beklemtoon dat hulle nie “in enige winste deel” wat uit die fees gegenereer word nie.

Die munisipaliteit gaan vandag met “mense van die plaaslike sakegemeenskap” vergader om ’n nuwe organiseerder te probeer kry.

Aurora se direkteure voor vir bedrog

‘n Eis van R1,7 miljard teen die insolvente mynmaatskappy, Aurora Empowerment Systems gaan vandag in die Noord-Gautengse Hooggeregshof in Pretoria voort.

Die likwadateurs hou onder andere vir oudpresident Nelson Mandela se kleinseun, Zondwa Mandela en president Jacob Zuma se neef, Khulubuse Zuma aanspreeklik vir die beweerde bedrog wat by Aurora plaasgevind het.

Die direkteure van Aurora gaan na verwagting om uitstel vra, het RSG berig.

Die beskuldigdes doen alles in hul vermoë om die twee-en-‘n-half-jaar lange saak te vertraag en die reg te dwarsboom.

Die maatskappy is in Oktober 2011 gelikwideer en daarvan beskuldig dat myn-infrastruktuur gestroop en verkoop is, wat tot duisende werksverliese gelei het.

Oorskot van slagoffer van MH17 na SA

Die oorskot van die Brit wat dood is in vlug-MH17 wat oor die Oekraïne afgeskiet is, is geïdentifiseer.

Cameron Dalziel, 43, ‘n helikoptervlieënier, het verlede jaar saam met sy gesin na Maleisië verhuis vir werk en het van ‘n vliegtuigopleidingskursus terugkeer in Nederland toe vlug MH17 vermoedelik deur Kiëf afgeskiet is op 17 Julie.

Die VSA probeer Rusland vir die ongeluk blameer, maar data wat deur die Russe vrygestel is, toon dat Kiëf doelbewus die ongeluk beplan het, waarskynlik om ‘n oorlog vir gas te ontketen.

Die VSA het ondanks beskuldigings dat hulle geen data vrystel om hul eie weergawe te steun nie, nogtans voortgegaan om sanskies teen Rusland in te stel na die ongeluk.

Dalziel se weduwee en hul twee seuns het onmiddellik na Suid-Afrika gereis saam met ander familielede na die huis van Dalziel se ouers, Meryl en Doug, wat in Umhlanga woon.

DNS is van Dalziel se ouers geneem om te help om hul seun se liggaam te identifiseer. Suid-Afrikaanse amptenare het daarna na Nederland gevlieg met die DNS asook Dalziel se tandheelkundige rekords.

Die familie het bevestig dat Dalziel se liggaam verlede week geïdentifiseer is.

‘n Gedenkdiens is op 30 Julie vir Dalziel in die Starlite Aviation Hangar gehou. Hy het voorheen daar gewerk voor hy na Maleisië is.

Dalziel se broer Campbell het gesê hy weet nie presies wanneer sy broer se oorskot sal terugkeer na Suid-Afrika nie. Hy het gesê dat hy en sy suster, Candice, na Nederland wil gaan om die “waardigheid en eer” van sy broer te bly beskerm.

Hulle sal mense aanmoedig om branderplanke te neem en in die getal van die vlug, MH17 op te stel by die beoogde begrafnisdiens.

Campbell het gesê ‘n oorvlug is ook in die beplanningstadium.

Tambo vra te veel vir Mandela-borsbeeld

‘n Verdoemende interne regsmening het bevind dat Dali Tambo se maatskappy die Parlement te veel gevra het vir ‘n borsbeeld van Nelson Mandela wat buite die Nasionale Vergadering staan, het City Press berig.

Die regsmening stel ook voor dat die besteding aan die borsbeeld onreëlmatig verklaar moet word. Maar die Parlement betwis sy eie regsmening en dring daarop aan dat dit nie onreëlmatig of verkwistend was nie.

Tambo het Saterdag gedreig om City Press te dagvaar indien enigiets “onwaar” oor die tender verskyn en het daarop aangedring dat alles bo verdenking is.

City Press is in besit van dokumente wat wys dat Tambo se maatskappy, Koketso Growth, ‘n “voorlopige voorstel en kosteberekening” aan die Parlement op 13 Februarie voorgelê het.

Daarin het die maatskappy die koste van die borsbeeld op R1.8m geraam. Maar tesame met ‘n “bestuurs- en hanteringsfooi” van 20% en BTW teen 14%, is die bedrag tot R2,5 verhoog. Tambo het net oor die R2 miljoen ontvang.

Maar ‘n praktiserende beeldhouer het aan City Press gesê die borsbeeld behoort tussen R750 000 en R1 miljoen te kos om te maak en te installeer.

Dit, volgens die regsadviseur, beteken die Parlement het nie ‘n markverwante prys betaal vir die beeld nie. “Enige bedrag wat meer is as die markverwante prys kan beskou word as ‘n vrugtelose en verkwistende uitgawe,” lui die regsmening.

Nog ‘n stroper doodgeskiet in Krugerwildtuin

Wildbewaarders in die Nasionale Krugerwildtuin in Mpumalanga het ‘n 35-jarige vermeende renosterstroper doodgeskiet, het RSG berig.

Die polisie sê veldwagters op patrollie het op twee verdagte mans afgekom. Een van die mans het na bewering ‘n vuurwapen op die veldwagters gerig waarna hulle skote afgevuur het.

Die man is op die toneel dood. Die ander man het daarin geslaag om te vlug.