Kategorie: Nuus

Stamhoof wat grond eis doodgeskiet

Opperstamhoof Victor Lekhuleni is Dinsdagaand in Mamelodi-Wes, naby Pretoria, doodgeskiet, het Netwerk24 berig.

Lekhuleni het vroeër vanjaar die reusegrondeis­ wat talle gebiede in Pretoria raak, by die grondeisekommissie­ ingedien.

Die eis raak sowat 400 erwe, nege plase en verskeie kerke, skole en sakeondernemings van die noorde tot die ooste van Pretoria.

Kapt. Jan Sepato, polisiewoordvoerder, het die voorval­ gister bevestig en gesê geen bykomende inligting is beskikbaar nie.

Lekhuleni (48), opperstamhoof van die Mkwaduba van die Bakga­tla ba Lekhuleni-stam, het beweer sy mense is in die laat 1950’s tot vroeë 1960’s deur die polisie van die plaas Franspoort, wat die genoemde dele insluit, verwyder.

Dié Ndebele-stam het glo ook sy inisiasieskole daar bedryf.

Gyselnemers skiet Turkse aanklaer dood

Polisiemanne van Istanboel het die sentrale hof laat Dinsdagmiddag ­bestorm en twee mense dood­geskiet wat nege ure vroeër in die gebou ­ingebreek het om ’n aanklaer ­gyselaar te neem.

Die aanklaer het ’n ­sterfgeval verwant aan anti-regeringsoptogte in 2013 ondersoek, het DPA berig.

Istanboel se polisiehoof, ­Selami ­Altinok, het bevestig dat twee ­mense dood is. Hy het gesê die ­polisie het ses ure met die ­gyselnemers ­onderhandel

Hulle het die hof bestorm toe ­hulle geweerskote uit die aanklaer se ­kantoor gehoor het.

Turkye se eerste minister, Ahmet Davutoglu, het laat Dinsdag ­aangekondig dat die aanklaer in die ­hospitaal aan sy wonde beswyk het. Davutoglu het sy simpatie met die familie uitgespreek en die ­gyselaardrama ’n aanval op Turkse reg en demokrasie genoem, het die nuusagentskap Anadolu berig.

Die twee gyselnemers het hul verbintenis met die ­militante groep DHKP-C erken, wat op sy ­Facebook-blad gedreig het om die aanklaer dood te maak. Op die blad is foto’s geplaas van die aanklaer wat gewurg word.

Die groep het op sy ­Facebook-blad geëis die polisieman wat ­verantwoordelik is vir die dood van Berkin Elvans moet ­geïdentifiseer word en dat alle ondersoeke ­rakende die ­betogers gestaak word.

Die 15-jarige Berkin is tydens ­optogte van 2013 met ’n ­traangaskan teen die kop raakgegooi en het nooit weer sy bewussyn herwin nie. Hy is in Maart 2014 dood. Daar was geen vordering in die ondersoeke na sy dood nie.

Berkin se pa, Sami Elvan, het op Twitter gesê hy wou nie hê dat ­enigiemand moet seerkry nie. “Ek wil net ’n regverdige verhoor hê,” het hy getwiet.

Die gyselaarsdrama het begin toe twee mense hul weg na die aanklaer se kantoor op die sesde vloer van die gebou gevind het, het Altinok aan Turkse media gesê. Die voorval het tydens ’n kragonderbreking in ­Istanboel plaasgevind.

Die optogte het in 2013 plaasgevind.

Intussen het twee mense – gewapen met gewere en in minstens een geval, met ‘n bom – die stad se polisie-hoofkwartier Woensdag aangeval, het Turkye se staatsbeheerde uitsaaier berig.

Een van die aanvallers, ‘n vrou met ‘n bom, is gedood toe die polisie op die aanvallers losgebrand het, volgens TRT.

Die tweede persoon het aanvanklik gevlug voordat hy opgespoor is. Hy het ligte beserings opgedoen. ‘n Polisiebeampte is ook beseer in die voorval.

Sanparke skuif witrenosters uit

SanParke gaan 286 van sy witrenosters aan private individue verkoop in ‘n poging om die diere teen stropers te beskerm.

SanParke sê kenners is besig om eiendomme te besoek om seker te maak dat elke habitat geskik is om witrenosters aan te hou.

Dit is deel van ‘n verskuiwingsplan wat in Oktober verlede jaar begin is, om renosters uit brandpunte in die Nasionale Krugerwildtuin te verskuif.

‘n Woordvoerder van SanParke, Howard Hendricks sê hulle sal met die nuwe eienaars van die witrenosters in verbinding bly.

Klag teen KSA by Internasionale Krieketraad oor ras

‘n Amptelike klag gaan glo binnekort by die Internasionale Krieketraad téén Krieket Suid-Afrika ingedien word, het RSG berig.

Dit volg nadat voorskrifte oor die rassesamestelling na bewering deur die Protea-bestuur neergelê is in die wêreldbekerhalfeindstryd teen Nieu-Seeland.

Die KSA hoof, Haroon Lorgat het na bewering ‘n teksboodskap aan die afrigter, Russell Domingo gestuur en gesê hy moet vier spelers van kleur in die span insluit.

Suid-Afrika het daarna die wedstryd verloor.

Volgens die reëls van die Internasionale Krieketraad word enige vorm van rasse-diskriminasie en politieke inmenging uitdruklik verbied.

Tesourie gaan fondse van wanbetalende munisipaliteite terughou

Die Nasionale Tesourie sê hy gaan die oorbetaling van fondse aan munisipaliteite terughou weens hulle versuim om Eskom en ander diensverskaffers te betaal.

Die Tesourie, wat verantwoordelik is vir die bestuur van Suid-Afrika se nasionale regeringsfinansies, het gesê dat die aanhoudende versuim deur sommige krediteure om binne 30 dae te betaal neerkom op finansiële wanbestuur.

Munisipaliteite skuld volgens ‘n verklaring deur die Tesourie vir Eskom en water-verskaffers miljarde rande.

Die weerhouding van fondse aan soveel as 60 munisipaliteite wat Eskom en addisionele krediteure R9 miljard skuld is reeds vanaf 20 Maart 2015 van krag.

Die besluit is geneem weens die versuim om hul finansiële verpligtinge na te kom “en Eskom en ander dienslewering krediteure te betaal in ooreenstemming met artikel 65 (2) van die Wet op Munisipale Finansiële Bestuur, 2003 (MFMA, Wet No. 56 van 2003)”.

Artikel 216 (2) van die Grondwet bepaal dat die Nasionale Tesourie die oordrag van fondse aan ‘n staatsorgaan wat aanhoudend hul finansiële verpligtinge minag, mag staak.

“Munisipaliteite, was op 31 Desember 2014, aan Eskom R9 miljard verskuldig,” het die Tesourie gesê. Munisipaliteite skuld Waterrade verder R3.6 miljard, volgens die Tesourie.

In Februarie, het die Minister van Openbare Ondernemings, Lynne Brown, gesê dat die regering planne beraam om agterstallige skuld in te vorder.

Zuma se seun wil van buitelanders ontslae raak

President Jacob Zuma se seun, Edward, het ter ondersteuning van koning Goodwill Zwelithini se omstrede oproep beaam dat buitelanders uit Suid-Afrika gedeporteer behoort te word.

“Ons moet bewus wees dat as ‘n land sit ons op ‘n tydbom van hulle [buitelanders] wat die hele land oorneem.

“Die rede waarom ek dit sê is omdat sommige van die buitelanders werk vir private sekuriteit maatskappye waar hulle in diens geneem word vir goedkoop arbeid. Hierdie maatskappye hardloop weg vir die nakoming van Suid-Afrikaanse arbeidswetgewing,” sê die president se oudste seun.

‘Buitelanders moet die land te verlaat’

Zuma het aan Nuus24 in ‘n onderhoud gesê hy het ten volle saamgestem met Zwelithini se sentimente dat “buitelanders die land behoort te verlaat.”

Zwelithini het na bewering dié kommentaar gelewer by ‘n morele herlewingsbyeenkoms in Pongola, KwaZulu-Natal, twee weke gelede.

Die Zoeloe-koning het glo gesê dat buitelanders die aard van Suid-Afrikaanse samelewing aantas omdat hulle voordeel trek uit die swak en ongedissiplineerde gedrag van inheemse swartes.

Zwelithini het ook glo gesê: “Ons moedig alle buitelanders aan om hul tasse te pak en te gaan.”

Ten spyte van die Suid-Afrikaanse Menseregtekommissie wat tans die Zoeloe-koning se uitsprake ondersoek, het Zuma junior gesê as ‘n burger van Suid-Afrika, het hy ten volle saamgestem met die koning.

Hy het gesê sommige buitelanders het nie wettige dokumentasie wat hulle toelaat om in die land te wees nie.

Voormalige soldate ‘n gevaar

Die tydbom, sê Zuma, is dat sommige buitelanders gewapen is en ‘n paar van hulle was voorheen soldate in hul eie lande.

“In Suid-Afrika moet jy ‘n wapenlisensie kry om ‘n wapen te dra. Waar is hulle lisensies? Ons kan nie die moontlikheid van ‘n staatsgreep in die toekoms uitsluit nie. Die regering moet almal wat onwettig in die land is uitskud. Hulle moet weg,” het Zuma gesê.

Hy het gesê buitelanders is die oorsaak van Suid-Afrika se dwelmprobleem.

“Hulle is die rede waarom daar is so baie dwelms in die land is. Hulle voorsien en verkoop die dwelms aan gemeenskappe in ons land. Neem Radovan Krejcir byvoorbeeld wat in die land gekom het, want hy het geweet dat hy misdaad kan pleeg en daarmee wegkom,” het Zuma gesê met verwysing na die Tsjeggiese voortvlugtige tans in aanhouding.

“Ek praat nie net oor buitelanders uit Afrika-lande nie, ek praat ook oor Asiërs en Europeërs. Hulle is ‘n ware sekuriteitsbedreiging vir die land en die polisie kan hulle nie vang nie, want hulle kan nie opgespoor word nie, want sommige van hulle het nie behoorlike dokumentasie nie,” het Zuma gesê.

Mbeki glo deur Kasrils en Britse spioene gesteun

Die Thabo Mbeki-bewind het doodluiters die Nasionale Vervolgingsgesag as ‘n politieke instrument teen Jacob Zuma gebruik, het Willie Hofmeyr in reaksie gesê op die DA se hersieningsaansoek om korrupsieklagtes teen die huidige president te bring.

In sy verklaring het Hofmeyr, die hoof van die batebeslagleggingseenheid en ‘n adjunk-nasionale direkteur van openbare vervolging, gesê die waarnemende NVG-hoof Mokotedi Mpshe was geskok oor die omvang van samespanning om die saak.

Hofmeyer het ook die bemoeienis van Britse spioene openbaar.

“Mpshe was geskok oor die onverskillige toon en lighartige wyse waarop (Leonard) McCarthy en (Bulelani) Ngcuka die NVG beskou het as bloot ‘n politieke instrument van die Mbeki-bewind.”

Hofmeyr het bygevoeg dat McCarthy, op kritieke punte in die ondersoek teen Zuma, dit ook met die voormalige minister intelligensie Ronnie Kasrils bespreek het en rigtingwysers van hom aanvaar het.

“Sover ek weet, was Kasrils ‘n vertroueling met wie McCarthy strategie oor die Zuma-vervolging bespreek het. Ek glo dat hy ook gedien as ‘n tussenganger tussen McCarthy en Mbeki.”

Hofmeyr sê McCarthy het ook gekommunikeer met Andre Pienaar, ‘n Londense werknemer van Kroll en Associates, ‘n private intelligensie maatskappy.

“Beide Kasrils en Pienaar was naby aan Mbeki.”

Die beëdigde verklaring is die eerste deel van die NVG se langverwagte antwoord op die DA se argument dat die weglating van die aanklagte teen Zuma ses jaar gelede, kort voor die 2009-verkiesing, sy pad na die presidensie vergemaklik het.

Die tydsberekening van beskuldigings teen Zuma, en of dit moet gebeur voor of na die African National Congress se Polokwane-konferensie in Desember 2007, is in die geding ter sprake.

“Korrek of verkeerd, hulle het geglo dat Mbeki se kanse om Zuma te verslaan versterk sou word indien die vervolging uitgestel word.

“Uiteindelik, het McCarthy verseker dat die vervolging uitgestel word. Hy het dit gedoen vir slegs een rede, om Mbeki se kanse om Zuma suksesvol te verslaan te versterk,” het Hofmeyr gesê.

Nadat Mbeki die presidentskap van die ANC aan Zuma afgestaan het, het McCarthy “met haas” Zuma se vervolging gefinaliseer.

McCarthy het aan Ngcuka gesê hy gaan Zuma teen 21 Desember 2007 aangekla hê en het aanklaer Billy Downer versoek om die vervolgingspan se verlof te beëindig.

Hofmeyr het bygevoeg dat McCarthy die Browse Mole-verslag bekook het om Zuma te probeer ondermyn, en dat politieke inmenging deur die Mbeki-regime in die NVG se sake skokkende afmetings begin aanneem het volgens senior bestuurders by die owerheid.

Hy het voortgegaan om te sê dit was ‘n “powere verskoning” om Vusi Pikoli, Ngcuka se opvolger as NVG-hoof, te skors weens ‘n verbrokkeling in betrekkinge tussen hom en die voormalige minister van justisie, Bridget Mabandla.

“Pikoli is geskors omdat hy geweier het om te buig voor die druk van Mbeki.”

Kasrils het aan Sapa gesê Hofmeyr se aantygings is sonder substansie.

Gewapende aanval op Johannesburgse bus

‘n Metrobus-bestuurder is gewond na ‘n skietery op Ontdekkersweg in Newlands in Johannesburg.

‘n Onbekende aantal verdagtes het na bewering by die bus ingeklim en skote afgevuur.

‘n Woordvoerder van ER24, Werner Vermaak sê die busbestuurder is in ‘n ernstige toestand, terwyl een passasier ook gewond is.

Lees verder.

Senekal-plaasaanvallers nog op vrye voet

Nog niemand is in hegtenis geneem in verband met die aanval op ‘n bejaarde egpaar op hul plaas naby Senekal in die Vrystaat verlede week nie.

Vrystaatse polisiewoordvoerder, Phumelelo Dhlamini, vra enigeen wat inligting het oor “vier mans” wat gesoek word om hul naaste polisiekantoor te bel.

Hy het egter nagelaat om te noem dat die aanvallers swart was, was kennelik die soektog kan belemmer.

Dries Stemmet en sy vrou Fransie is verlede Woensdagaand in hul slaapkamer deur die swart aanvallers oorval. Hulle het ‘n sementblok deur die egpaar se slaapkamerruit gegooi.

Dries is met ‘n stuk sementblok teen die kop geslaan. Hy het sy bewyssyn verloor waarna hulle hom vasgemaak het. Fransie is ook vasgemaak.

‘n Onbekende bedrag kontant, ses vuurwapens en selfone is gesteel. Een van die wapens is later in die veld gevind.

Omstrede UV-studentedekaan nog nie vervang

Die Universiteit van die Vrystaat het nog nie ‘n plaasvervanger vir die omstrede voormalige studentedekaan Rudi Buys gekry nie.

Dit is bevestig aan OFM-nuus deur die Universiteit se woordvoerder, Lacea Loader.
 
In ‘n e-pos reaksie op ‘n navraag het Loader bevestig dat ‘n besluit nog nie geneem is nie, en bygevoeg dat Cornelia Faasen instaan as die waarnemende dekaan tot tyd en wyl ‘n nuwe studentedekaan aangewys word.
 
Buys, ‘n verloopte Afrikaner, het onder skoot gekom het verlede jaar oor sy naakte anti-Afrikaanse houding om die JBM Hertzog-koshuis te “transformeer”.

Voormalige inwoners van die manskoshuis het hul misnoeë met ‘n voorgestelde naamsverandering van die koshuis uitgespreek, asook die eensydige verwydering van koshuis-memorabilia op Buys se aandrang.