Kategorie: Nuus

Italiaanse aanklaer sê smokkelaars en liefdadigheid het migrasie krisis geskep

Volgens die vlugtelinge-agentskap van die Verenigde Nasies (UNHCR) het sowat 182 000 migrante in 2016, nog ‘n rekordjaar, Italië binnegedring omdat ‘n Italiaanse aanklaer sê mensehandelaars werk nóú saam met NRO’s om die krisis te skep.

Hierdie syfer sluit slegs diegene wat amptelik geregistreer is deur Italiaanse amptenare of NRO’s en nie die massiewe golf van immigrante wat onwettige toegang verkry het nie.

Die oorgrote meerderheid van buitelanders in die EU is onwettige, ongedokumenteerde immigrante, want in 2016 is slegs 2,65 persent van die immigrante in Italië asiel as vlugtelinge toegeken, oftewel 4 808 gevalle.

Die leier van die Noordelike Liga, ‘n nasionalistiese politieke party, Matteo Salvini, het aangekondig dat hy ‘n saak teen regeringsleiers sal bring vir die bevordering van onwettige immigrasie in die land.

“Dit is nou duidelik dat onwettige immigrasie georganiseer en gefinansier word. Daarom het ons besluit om ‘n saak teen die regering, die president van die Raad, die ministers en die bevelhebbers van die vloot en die kuswag aanhangig te maak,” het Salvini gesê.

‘n Beroemde Italiaanse aanklaer het die regering in die openbaar beskuldig dat hulle “mensehandelaars help” om die land se ekonomie te ondermyn. Carmelo Zuccaro, het aan Rai 3, ‘n staatsbeheerde TV-kanaal, gesê dat nie-regeringsorganisasies met hul soek-en-redding-sendings onwettige immigrasie uit Libië aanmoedig.

Zuccaro is ‘n swaargewig in Italië, wat georganiseerde misdaad daadwerklik bestry. Hy het van Italië se mees berugte Mafia-misdadigers lewenslank tronk toe gestuur, ‘n dapper daad te midde van doodsbedreigings, moorde op sy kollegas asook sy familie.

Zuccaro het in ‘n onderhoud met die koerant La Repubblica Vrydag gesê die bewerings het van geloofwaardige bronne gekom en het politici aangespoor om dadelik op te tree. Salvini het Zuccaro geprys en gesê dat NRO-werknemers wat betrokke is by die soek-en-reddingsdienste “gearresteer moet word” en hul skepe “gesink” moet word.

Verlede jaar het Salvini gekla dat die dele van Italië se mees bevolkte stad “nie Italië of Europa meer is nie” as gevolg van die “georganiseerde inval” in Milaan. “Ek het vanoggend in Milaan geloop, en sommige dele van die stad is nie Italië of Europa nie. Dit word heeltemal beheer deur immigrante.

“Die probleem is om ‘n georganiseerde inval wat die etniese suiwering van Italianers en Europeërs veroorsaak, te stuit. In ‘n jaar sal ons praat oor honderde duisende mense wat aankom.”

Die helfte van die immigrante wat in Italië aangekom het, sowat 90 000, het nooit om asiel gevra nie, en het as ongedokumenteerde immigrante verdwyn, wat in Italiaans as “clandestini” bekend staan.

Ten spyte van die feit dat die oorgrote meerderheid immigrante in Italië asiel geweier is, is minder as 5 000 in 2016 gedeporteer.

Die eerste kwartaal van 2017 het ‘n toename van 30 persent in instromers getoon vergeleke met dieselfde tydperk in 2016. Italië het in ‘n enkele naweek meer as 8 500 migrante oor Paasfees ontvang.

Meer as 140 000 immigrante is verlede jaar in Italiaanse skuilings gehuisves, ‘n sewevoudige toename van 2013, met die immigrantekrisis nou in sy derde jaar.

Intussen het ‘n ekonomieprofessor in Duitsland bevestig dat twee derdes van vlugtelinge wat in die EU aankom, ongeletterd is, sonder die vermoë om werk te vind en sodoende die land se ekonomie saboteer.

Ludger Woessmann, ‘n professor in ekonomie aan die Universiteit van München, het aan die Duitse tydskrif Zeit gesê 65 persent van Siriese vlugtelinge is ver onder internasionale standaarde wat basiese lees- en skryfvaardighede betref, en kan werkloosheidskoerse deur die dak dwing asook die vraag na maatskaplike welsynstoelaes.

“Met twee-derdes as funksioneel ongeletterd beskou in ooreenstemming met internasionale onderwysstandaarde, is dit die nodige opleiding om plaaslike besighede te bestuur wat meestal ontbreek,” sê Woessmann.

“Ons moet onsself voorberei dat die meerderheid jong vlugtelinge sal misluk in hul drie jaar opleidingskursusse wat ‘n hoë vlak van teorie bevat,” sê Woessmann. “Sewentig persent van die vlugtelinge uit Sirië, Afghanistan en Irak wat twee jaar gelede begin het, het reeds uitgeval.”

Die berig wat u hier gelees het is uniek in Afrikaans. Dit is spesiaal nagevors vir PRAAG wat die nasionalistiese tendense in Europa ten nouste volg. Help ons asseblief om dit vol te hou deur aan te sluit!

Dokumente gelek wat wys Macron steek geld in buiteland weg

Dokumente is Donderdag gelek wat onthul dat die Franse presidensiële kandidaat Emmanuel Macron moontlik geld in die buiteland wegsteek.

Macron het ‘n bedryfsooreenkoms aangegaan vir ‘n beperkte aanspreeklikheidsmaatskappy (LLC) in die Karibiese eiland Nevis en die maatskappy kon dalk ‘n sakeverhouding gehad het met ‘n bank wat vroeër betrokke was by belastingontduiking in die Kaaimanseilande, het Disobedient Media berig.

Inligting oor maatskappy-eienaars is nie algemeen beskikbaar nie, aangesien Nevis deur Bloomberg beskryf is as een van ‘n aantal gewilde belastingparadyse in die Karibiese Eilande.

Forbes het berig dat die betrokke bank as ‘n fasiliteerder van belastingontduiking in 2013 betrokke was. Dit is ook deur Reuters as ‘n speler in bedrog aangewys wat verband hou met die skandale van die Internasionale Sokkervereniging van 2015 (FIFA).

Macron het minder as ‘n maand gelede beweer dat hy nie bates wegsteek of geheime buitelandse rekeninge het nie.

Die eerste dokument is ‘n bedryfsooreenkoms opgestel op 4 Mei 2012 om “La Providence LLC” te vorm onder die 1995 Nevis Limited Liability Company Ordinance. Macron se naam en handtekening verskyn op die dokument.

La Providence is die naam van Macron se voormalige hoërskool in Amiens, waar hy sy heelwat ouer onderwyseres – nou sy vrou – romanties bevriend het op die tere ouderdom van 15, iets wat normaalweg tronkstraf vir haar sou beteken het.

Die besluit om ‘n maatskappy in Nevis te vorm, laat die vermoede ontstaan van belastingontduiking, aangesien die Nevis Confidential Relationship Act die bekendmaking van inligting verbied en die geheimhouding en privaatheid van buitelandse LLC’s in Nevis waarborg.

‘n Tweede dokument is ‘n brief gestuur aan La Providence Ltd van die First Caribbean International Bank, wat ‘n sakeverhouding met Macron se LLC aandui.

First Caribbean International Bank is daarvan beskuldig dat hulle belastingontduikers in 2013 gehelp het, en dit het geblyk dat ‘n verteenwoordiger vir First Caribbean persoonlik ‘n tjek van ‘n FIFA-beampte ontvang het en daarna teruggekeer het om dit in ‘n rekening in die Bahamas te deponeer, het Reuters berig.

In April het Macron ontken dat hy buitelandse rekeninge of geld van die Franse owerhede wegsteek. Francois Fillion was nie so gelukkig nie. Hy het na bewering sy bod vir die presidentskap verloor weens beweringe oor korrupsie.

As dit as outentieke dokumente bevestig word, sal Macron ‘n paar verduidelikings moet gee. Maar die hoofstroommedia staan bankvas agter hul kandidaat Macron en het ‘n striemende aanval teen die Front National geloods enkele dae voor die laaste stemmery.

Aanklaers in Parys het ‘n ondersoek teen Marine Le Pen geopen oor die “leuens” en “laster”, maar dit is nie duidelik waaroor hulle haar wil aankla nie. Sy het slegs tydens die laaste debat met haar teenstander opgemerk: “Dit sal jammer wees as ons ontdek dat jy ‘n geheime rekening in die Bahamas het.”

‘n Woordvoerder van die Macron-veldtog, het gesê hulle gaan almal aankla wat hierdie inligting versprei.

Trump se skoonseun steek bande met Soros weg

Jared Kushner, president Trump se skoonseun en senior adviseur, het die eienaarskap van ‘n eiendomsbelang wat verband hou met George Soros, volgens die Wall Street Journal nie bekend gemaak nie.

In sy openbaarmakingsvorm wat vroeër vanjaar geliasseer is, het Kushner Cadre nie as een van sy honderde bates geïdentifiseer nie. Die koerant het sy Cadre-belang geïdentifiseer deur middel van ‘n oorsig van sy bates, asook onderhoude met mense wat bekend was met die maatskappy en Kushner se finansies.

In hul oorsig van Kushner se bates het die WSJ opgemerk dat Kushner se Cadre-betrokkenheid “die senior Withuis-amptenaar tans ‘n sakevennoot van Goldman Sachs en miljardêrs, insluitende George Soros maak.

Kushner het ook nie ‘n aantal lenings bekendgemaak nie “ten bedrae van minstens $1 miljard, van meer as 20 leners,” ook uit die buiteland en Kushner “het ook persoonlike waarborge op meer as $300 miljoen van die skuld verskaf.”

Cadre het ‘n kredietlyn van $250 miljoen gekry van die familiekantoor van George Soros, ‘n top-demokratiese skenker. Soros se familiekantoor is ook ‘n belegger in Cadre. Kushner, wat met Trump se dogter, Ivanka, getroud is, was nie eerlik oor sy sake met Soros nie.

Kushner se prokureur het gesê sy kliënt is tans besig om sy openbaarmakings te hersien, in wat kennelik na ‘n poging lyk om die skelmstreke toe te smeer. Kushner het meer as 200 bates behou. Soos sy skoonpa, het hy geweier om hierdie bates in ‘n blinde trust te plaas, iets wat etiek deskundiges beskou as die beste manier om botsings van belange te vermy.

Christian Lammert, ‘n professor in die politieke wetenskap aan die Universiteit van Berlyn se John F. Kennedy-instituut, het gesê dat nepotisme ernstige politieke gevolge kan hê nadat die Duitse minister van buitelandse sake Sigmar Gabriel opgemerk het dat lede van die Trump-familie wat nog nooit verkies is nie, skielik verskyn “as amptelike staatsverteenwoordigers”.

Ivanka Trump, die Amerikaanse president se dogter het die Amerikaanse regering verteenwoordig tydens die Berlynse beraad “en dit is eintlik baie problematies,” het Lammert aan DW gesê.

Lammert het gesê Trump het sy Withuis met familielede gevul op ‘n manier wat tot korrupsie kan lei. “Familielede word in sleutelposisies sonder dat hulle verkies is, aangestel – posisies wat hulle toelaat om invloed te uit te oefen terwyl dit terselfdertyd implikasies het vir hul private besighede,” het Lammert gesê. Hy het byvoorbeeld daarop gewys dat pres. Trump se belastingplan vir hom en sy gesin ‘n groot voordeel sal wees en dat Ivanka en haar man, Jared Kushner, vergaderings met buitelandse politici hou in lande waar hulle ook sake doen.

Die Kushner-maatskappye het ook bevestig dat hulle ‘n “lang verhouding” gehad het met twee groot Israeliese banke, Bank Hapoalim en Bank Leumi.

Die Trump-administrasie het ‘n ondersoek na die VSA se departement van justisie geërf vir bewerings dat Bank Hapoalim Amerikaanse kliënte gehelp het om belasting te ontduik. Bank Leumi het na bewering gehelp om Amerikaanse belastingpligtige kliënte se geld vanaf 2002-2010 weg te steek en het in 2014 ‘n skikking met die departement van justisie bereik om $400 miljoen in boetes te betaal.

Terwyl Kushner se geskiktheid vir die rol in die Midde-Ooste se diplomasie vrae ontlok, het Trump aangehou om te beklemtoon dat sy skoonseun sal werk om ‘n vredesooreenkoms in die Midde-Ooste te bemiddel. Trump het van sy skoonseun waargeneem: “Ek bedoel, hy ken dit so goed. Hy ken die streek, ken die mense, ken die spelers.” Dit beteken waarskynlik eerder dat Trump minder as niks weet nie en dat hy daarom dink sy skoonseun is geskik.

Israeliese premier Benjamin Netanyahu is so ná aan die Kushners dat hy een keer in Kushner se kinderbedjie geslaap het, volgens ‘n New York Times-profiel van Kushner.

Na nagenoeg drie maande in die regering is die Trump-raadgewer Steve Bannon uitgeskop deur Kushner en het hy nou klaarblyklik ook van Sebastian Gorka in die Nasionale Veiligheidsraad ontslae geraak. Die teenterrorisme-raadgewer Gorka word verdink van sy beweerde bande met “anti-Semitiese groepe” in Hongarye.

Hierdie nuusberig is uniek in Afrikaans. Dit is nagevors vir ons webblad. U sal dit nie elders te lese kry nie. Steun ons asseblief om deurentyd sulke kwaliteitberigte te kan lewer!

Marxiste se warm lug oor Marikana baar leë huise

Voltooide HOP-huise in Marikana wat deel was van die Noordwes Departement van Plaaslike Regering en Menslike Nedersettings se vlagskip behuisingsprojekte staan nou al vir meer as ‘n jaar en stof vergader.

Die polisieslagting van mynstakers by Marikana is vir weke lank deur Marxiste vir propagandadoeleindes gemelk, maar kennelik het die myne genoeg vergoeding uitbetaal aan die slagoffers dat die HOP-huis-pasellas oorbodig was.

Die nasionale Departement van Menslike Nedersettings het in ‘n antwoord op ‘n vraag in parlement verlede maand gesê altesaam 252 huise wat die “behuisingsnood” in Marikana moes aanspreek, is gebou.

Dit blyk nou dat daar baie warm lug oor die sogenaamde nood was na die plek vir weke in die nuus was.

Die provinsiale departement het in ‘n media verklaring gesê twee behuisingprojekte – wat in Uitbreiding 2 in Marikana aangepak is, sou na verwagting reeds in December 2015 voltooi gewees het.

Die presiese getal huise wat nou leeg staan is deel van die Gemeenskapsbehuising-projek wat ontwikkel is op ‘n stuk grond van 50 hektaar wat deur Lonmin aan die gemeenskap geskenk is.

Sowat 860 gedienste erwe was reeds op die grond uitgelê. In Augustus 2015 het die die departement gesê al die basiese dienste vir die uitbreiding is toe al reeds aangelê. Redes vir die leë huise is nie verskaf nie.

Wrede slagting van beeste skok eienaars

Nog niemand is in hegtenis geneem nie in verband met die wrede slagting van nege Bonsmara-beeste op ‘n plaas in die Potchefstroom-distrik in Noordwes.

Veiligheidskoördineerder van die plaaslike brandvereniging se Groep Ses, Sarel van der Wat, sê die eienaars, Marius en Ben Fouché, van ‘n plaas in dié distrik by die R500 op die grens tussen Parys in die Vrystaat en Fochville in Gauteng het Saterdagoggend agtergekom daar is van hul trop beeste weg.

Hulle het later op die reste van altesaam nege dooie beeste, waaronder dragtige koeie, in die veld afgekom.

Van der Wat sê twee beeste is geslag, terwyl die res lewend met skerp voorwerpe gekap is. Die diere se skouerblaaie en boude is afgekap.

Daar is baie bewysstukke op die toneel gekry. Hy sê die eienaars is geskok in die wreedheid van die slagting en die feit dat klein kalfies langs hul dooie ma’s gestaan het.

Van der Wat sê nog vyf erg verminkte beeste is Maandag in ‘n bos naby ‘n berg op die plaas gekry. Hulle is ook wreed gekap vir hul vleis.

Twee van die beeste moes van kant gemaak word. Hy sê daar is goeie samewerking tussen lede van die brandvereniging en die polisie om die swart booswigte aan te keer.

Coligny-moord: Borgaansoek vandag voortgesit

Die borgtogaansoek van twee wit mans van Coligny in Noordwes wat daarvan aangekla word dat hulle ‘n 16-jarige swart seun doodgemaak het, word vandag voortgesit.

Die aansoek van Pieter Doorewaard en Phillip Schutte het na ‘n dringende aansoek in die Noordwes Hooggeregshof Dinsdag begin.

Die twee mans word daarvan beskuldig dat hulle vir Mahlomoloa Mosweu van ‘n bewegende bakkie afgestamp het. Hulle beweer dat hy van die bakkie afgeval het terwyl hulle hom na die plaaslike polisiestasie geneem het omdat hy sonneblomme gesteel het.

Die werkgewer van die twee verdagtes en die ondersoekbeampte het Dinsdag getuig. Die ondersoekbeampte, Clifford Kgosane het getuig dat die verdagtes waarskynlik ook van ontvoering en regsverydeling aangekla sal word.

Swartes het buite die hof betoog en geëis dat die verdagtes borgtog geweier word.

Die hof het gister die beëdigde verklarings van beide mans gehoor wat sê beweer daar was uitsonderlike omstandighede wat hulle vrylating op borgtog regverdig.

Die mans het die sterkte van die getuienis teen hulle betwis en hulle het hul gemeenskaps- en familiebande in die gebied uiteengesit.

Hulle sê daar was geen ooggetuies teenwoordig nie.

Hulle het ook hul bereidwilligheid om te voldoen aan enige en alle borgtoestande wat hulle opgelê word, en gesê die toestande in die houerselle is verskriklik.

Swart sepie saai episode uit waarin 2 wittes swarte lewend begrawe

‘n Swart sepie op SABC3 het die afgelope week ‘n episode uitgesaai waarin twee wit mans, albei Afrikaners, ‘n swarte aanval en lewendig begrawe.

Thandi Smith, hoof van Media Monitoring Africa se mediabeleidprogramme het aan 702 gesê, dit is heeltemal gepas om dié geweld op TV uit te saai want dit is die begin van ‘n “gesprek oor rassisme”.

Die skrywer van die reeks beweer sy is baie gelukkig oor die reaksie van kykers ook omdat hulle “rassisme” behandel, maar sy is nie bewus van klagtes wat by die Uitsaaiklagtekommissie gelê is nie.

Peterson Mogola sê die storie is soortgelyk aan wat werklik in Suid-Afrika gebeur. “Dit is soortgelyk aan ‘n voorval wat al in Suid-Afrika gebeur het.”

Willem Oosthuizen en Theo Jackson word daarvan beskuldig dat hulle ‘n swarte in ‘n doodskis wou begrawe. Die twee is van ontvoering en aanranding aangekla en sal van 26 tot 29 Junie verhoor word.

In die sepie-episode wil die swarte sy vader se graf op ‘n plaas besoek, maar die eienaars, twee wit mans, koggel hom met bobbejaangeluide en daarna slaan hulle hom en poog om hom lewend te begrawe.

Die vervaardiger van die Isidingo-reeks is Endemol, wat blykbaar bekommerd is oor die dalende kykergetalle van die reeks.

Na wat verneem word het die SABC glo nie meer geld om die akteurs van die reeks te betaal nie.

Karel Schoeman (77) sterf, laat kriptiese selfmoordbrief na

Die grootste lewende Afrikaanse romanskrywer, Karel Schoeman, is vandag in ‘n Bloemfonteinse hospitaal dood, vermoedelik nadat hy opgehou eet het in ‘n daad van selfgenadedood. In ‘n kriptiese brief (sien hier onder) wat bloot as ‘n “verklaring” getitel is, verwys Schoeman na ‘n poging om sy eie lewe te “beëindig” wat op die ouderdom van 75 “deur omstandighede gefnuik” is, maar dat hy nou “die saak doelgerig (wil) aanpak terwyl ek nog oor voldoende beweeglikheid, fisiese vryheid en geestelike helderheid beskik”.

Die brief, wat deur Schoeman op 27 April 2017 onderteken is, is aan PRAAG deur Schoeman se prokureur op Bloemfontein, mnr. Carl van Rensburg, beskikbaar gestel. Die datum (“Vryheidsdag”), asook die gebruik van die woord “selfbeskikking” om sy daad te beskryf, is swanger aan betekenis. As romanskrywer en letterkundige, sou Schoeman bewus daarvan wees dat sowel die datum as die gelade woord “selfbeskikking” geïnterpreteer sou word. In die laaste paragraaf skryf hy:

“Indien ek in my huidige poging slaag, is alle betrokkenes wat my betref volkome vry om met die buitewêreld daaroor te praat. Ek wil trouens hoop dat my dood daartoe sal bydra om sowel die wesenlike probleem van ouderdom as die algemene kwessie van selfbeskikking meer algemeen bespreekbaar te maak as wat op die oomblik die geval is, en bowenal dat dit sal kan help om ‘n wysiging in die huidige Suid-Afrikaanse wetgewing t.o.v. selfbeskikking teweeg te bring.”

Schoeman se testament sal vanoggend geopen word, maar die meeste van sy bates word blykbaar aan sy bediende wat hom jare lank versorg het, nagelaat. Daar sal ook geen seremonie van watter aard ook al wees nie. Sy oorskot sal veras word en die as “op ‘n onbekende plek uitgestrooi word”.

Karel Schoeman het ‘n twintigtal romans in Afrikaans geskryf, asook meer as dertig nie-fiksieboeke, hoofsaaklik van ‘n geskiedkundige of biografiese aard. Naas Langenhoven, C.M. van den Heever en enkele ander, was hy waarskynlik die mees prolifieke skrywer in Afrikaans in die meer onlangse tyd.

Hy het etlike toekennings, waaronder drie maal die Hertzogprys vir prosa, ontvang. In 2014 is hy deur die Sweedse dagblad, Svenska Dagbladet, genoem as een van die internasionale skrywers wat in daardie jaar ‘n gunsteling was om die Nobelprys vir letterkunde van die Sweedse Akademie te ontvang.

Karel Schoeman is op 26 Oktober 1939 in die dorpie Trompsburg in die Oranje Vrystaat gebore. Nadat hy by tye etlike jare in die buiteland deurgebring het, het hy hom weereens op Trompsburg gevestig, maar ook in Pretoria in ‘n ouetehuis gewoon. Tot voor sy dood was hy in Bloemfontein woonagtig, ‘n stad waaroor hy insgelyks etlike geskiedkundige werke gepubliseer het, waaronder Bloemfontein: die ontstaan van ‘n stad, 1846-1946.

Anti-rassistiese Groene word Stockholm-terroris se vyfde slagoffer

Die 66-jarige Sweedse onderwyseres van die omgewingsparty wat “Ons hou van verskille” op Facebook “gehou-van” het – ‘n slagspreuk wat deur multikulturele ondersteuners gebruik word – en ook ‘n foto opgelaai om diegene wat grensbeheer wil hê belaglik te maak net een dag voor die terreuraanval in Stockholm, het die terroriste se vyfde slagoffer geword.

Marie Kide (66) het die vyfde slagoffer van die terroriste van Stockholm geword, nadat sy aan haar beserings beswyk het terwyl sy nog in die hospitaal was. Kide was ‘n verkose politikus in die stadsraad van Trollhättan vir die Groen Party.

Die oop grense wat Swede se Groenparty-lede so graag wil sien, het haar haar lewe gekos. Kide was self ‘n voorstander van meer immigrasie na Swede en die transformasie van die land na ‘n multikulturele samelewing.

Haar laaste pos op Facebook was van die dag voor die terroriste-aanval in Sentraal-Stockholm op 7 April. Dit is ‘n satiriese tekening wat deur die kunstenaar Wisti gemaak is, waar hy mense uitbeeld wat strenger kontroles vir grense vra, belaglik maak omdat hulle gemotiveer word deur vrees dat hulle nie meer luukse kombuis toerusting sal kan bekostig nie.

Kide se laaste FB-pos lui: As ons ons grens nie nou sluit nie, kan ons eindig in ‘n situasie waar ons nie meer hierdie Per Moberg-snybord vir 400 euro kan bekostig nie.

Die terreuraanval in die winkelstraat Drottninggatan in Stockholm het vier mense ter plaatse vermoor en 15 ander beseer. Een van die slagoffers was ‘n elfjarige meisie wat op pad huis toe was van skool. Omdat sy gehoorgestremd was, het die kind nie vragmotor hoor aankom nie.

Kort ná die voorval het die polisie Rakhmat Akilov, 39, gearresteer, die bestuurder van die voertuig wat die voetgangers net soos in Nice, Frankryk, afgemaai het. Akilov kom uit Oesbekistan en was onwettig in Swede en was dus reeds deur die polisie gesoek. Die polisie het egter nie hulpbronne om die ongeveer 10 000 onwettige vreemdelinge van die land te soek nie.

Daar is ook ‘n gebrek aan politieke wil in Swede om die immigrasie-probleem die hoof te bied. Die Sweedse Groen Party se nalatenskap tot dusver was die bekendstelling van gratis gesondheidsorg en gratis skoolopleiding vir onwettige vreemdelinge wat in Swede wegkruip omdat hulle nie verblyfpermitte het nie.

Minister Gigaba se adviseur wil ‘wapens teen blankes opneem’

Die Suid-Afrikaanse ekonomie gaan dalk dieselfde roete as dié van Venezuela en Zimbabwe loop, as die nuwe adviseur van die minister van finansies sy wil laat geskied.

‘n “Ekonomiese adviseur” van die onlangs aangestelde Suid-Afrikaanse minister van finansies, Malusi Gigaba, het gevra om “wapens op te neem” teen wit boere as hulle nie hul eiendom aan die regering oorhandig nie.

Christopher Malikane, ‘n Marxistiese ekonomie-professor aan die verlinkse Universiteit van die Witwatersrand in Johannesburg, het gepraat by ‘n slegs-swart-konferensie wat deur die plaaslike radikale groep Black First Land First (BFLF) georganiseer is.

Behalwe vir die oordrag van alle grond aan swartes in Suid-Afrika, wil BFLF ook blankes in die tronk sit wat ‘n swart rewolusie wil teëgaan ​​en dit as rassisme beskou. Malikane het die BFLF toegespreek as deel van ‘n “Blacks In Dialogue” -gebeurtenis waar blankes nie welkom was nie. Volgens Blacks First Land First, “het prof Malikane uitgebrei oor sy algehele standpunte oor radikale ekonomiese transformasie. Dit is skokkend om te sien dat die media in wit besit lekker lieg oor wat prof Malikane by die geleentheid gesê het.”

President Jacob Zuma van Suid-Afrika en sy minister van finansies het hulself daartoe verbind om “radikale ekonomiese transformasie” deur te voer, ‘n eufemisme vir die Marxistiese rewolusie in die land.

Een van die eerste stappe in die rewolusie sou wees om alle grond wat aan wit boere behoort, te onteien – sonder vergoeding. Zuma het onlangs sy Indiese minister van finansies, Pravin Gordhan, afgedank en hom op 31 Maart 2017 met mede-Zoeloe, Malusi Gigaba, vervang. Die nuwe minister van finansies het Christopher Malikane aangestel as ekonomiese adviseur teen die middel van April.

Volgens City Press, ‘n Sondagkoerant, wou Malikane die idee hê om wapens teen wittes te gebruik, “bespreek”. Volgens die koerant het hy gesê: “Dit is nie vir my om te besluit nie. Dit is die progressiewe kragte wat moet besluit. My rol is om hierdie progressiewe kragte te verenig. Om wapens op te neem, is een ding, maar die bou van ‘n land is ‘n ander.”

Malikane het erken dat Suid-Afrika ekonomiese swaarkry tydens ‘n radikale ekonomiese transformasie sal ly, soortgelyk aan wat lande soos Venezuela en Zimbabwe ervaar het. Hy het aan die gehoor gesê tydens die “Blacks In Dialogue” -konferensie:

“Dit is waar dat hierdie land sal ondergaan soos Venezuela en Zimbabwe. Indië het deur dieselfde pyn gegaan.

“As ons werklik ernstig oor transformasie is, moet ons realisties wees en ons mense ideologies en polities versterk. Ons moet ons mense organiseer en opvoed. Het jy gedink om te transformeer, gaan lekker wees?”