Kategorie: Nuus

Pukke kry hofbevel teen betogers

Die Universiteit van Noordwes het ‘n Hooggeregshofbevel verkry om die ontwrigting van akademiese bedrywighede op sy kampus op Potchefstroom te verbied.

Studente wat bande het met die EFF, en skoonmakers het Vrydag op die kampus betoog. Chaos het op die universiteit se Mahikengkampus uitgebreek toe veiligheidswagte en studente gebots het.

Die kampus is sedertdien gesluit.

Akademiese en administratiewe dienste op die Noordwes-Universiteit (NWU) se Potchefstroom-kampus sal vandag voortgaan.

Om dit verseker is ‘n hofbevel ook bekom om enige protesaksie deur betogers op dié kampus te verhoed. NWU-woordvoerder, Louis Jacobs, sê die bevel verbied enige vorm van ontwrigting of inmenging op die kampus.

Jacobs sê dit kom nadat daar Vrydag onwettige protesaksies op dié kampus asook by die NWU se Institisionele kantoor was. Rommel is deur betogers gestrooi, maar geen eiendom is beskadig nie. Niemand is ook beseer nie.

Jacobs sê sekuriteit is opnuut verskerp.

Intussen bly die NWU se Mafikeng-kampus onbepaald gesluit na gewelddadige betogings verlede week uitgebreek het.

Jacobs sê die kampusbestuur moet met oplossings kom sodat die kampus weer ten volle funksioneer.

Studente gaan nie elders gehuisves word nie.

EFF dreig om UV-lesinglokale te beset

Oproerige swart studente van die Universiteit van die Vrystaat (UV) dreig steeds om klasse Maandag te ontwrig.

UV-woordvoerder, Lacea Loader, het bevestig dat alle akademiese en administratiewe dienste op die Bloemfontein- en Suid-kampusse vandag hervat nadat die kampus verlede week weens gewelddadige betogings gesluit is.

OFM-nuus het egter inligting van ‘n student ontvang dat die UV nie toegelaat kan word om te heropen nie totdat daar aan hul eise gehoor gegee is. Sy sê veral groot lokale gaan vandag geteiken word.

Die SR-president, Lindohuhle Ntuli, was nog nie vanoggend beskikbaar vir komentaar nie. Geweld het verlede Maandag uitgebreek toe betogers ‘n Varsitybeker-rugbywedstryd ontwrig het.

Studente wat bande het met die EFF sê hulle sal toesien dat die universiteite nie heropen nie.

Winnie en apartheidstamhoof veg saam vir Qunu-huis

Die AbaThembu koninklike familie wil buite die hof skik met Winnie Madikizela Mandela oor Mandela se huis in die gewese Transkei.

Hulle vra dat sy haar twis met oudpresident Nelson Mandela se familie buite die hof besleg. Sy word intussen daarvan verdink dat sy verklarings vervals het.

Die oudpresident se gewese vrou is van plan om sy testament Maandag in die Hooggeregshof in Mthatha uitmekaar te trek omdat die huis op Qunu in die Oos-Kaap opeis.

Madikizela-Mandela voer aan dat sy ingevolge gewoontereg die wettige eienaar daarvan is, maar die oud-terroris het destyds die huis aan sy derde vrou, Graca Machel, nagelaat.

Winnie se regsverteenwoordiger, Mvuzo Notyesi, sê hy is tevrede dat die regters wat die saak sal aanhoor, van ander dele van die land afkomstig is en nie van die Oos-Kaap nie.

Winnie het ‘n uitval gehad met Dikgang Moseneke en Themba Sangoni, twee van die drie eksekuteurs van die Mandelaboedel oor die Qunu-huis.

Betrekkinge tussen Moseneke en Madikizela-Mandela was nie altyd gespanne nie, want die adjunk-hoofregter het haar op versoek van Mandela in die Stompie Seipei-moordverhoor verteenwoordig.

‘n Oos-Kaapse stamhoof het in ‘n beëdigde verklaring Madikizela-Mandela se bewering gestaaf dat die grond waarop die eiendom gebou is, aan haar behoort.

Die stamhoof Zwelidumile Mbande, is van die Mthentu Administrasie.

Die AbaThembu koninklike familie het Winnie egter herhaaldelik versoek om nie die kwessie deur die howe te voer nie, maar om buite die hof te skik.

Een beseer in ANC-faksiegevegte

Minstens een persoon is beseer in faksiegeweld tussen ANC-ondersteuners op ‘n partysaamtrek in Durban terwyl die polisie teenstanders uit die stadion in Claremont verwyder het.

‘n Gedeelte van die skare het oproerig geraak toe die streekvoorsitter, Zandile Gumede, die podium bestyg het, het RSG berig.

‘n Gestoeiery het uitgebreek voordat die groep verwyder is. Die ANC se provinsiale voorsitter, Sihle Zikalala, het in sy toespraak die onlangse geweld veroordeel, insluitende die afbrand van ‘n raadslid se huis op Shakashead.

Zikalala het die versekering gegee dat die ANC sy sake op ‘n behoorlike manier sal hanteer en gesê diegene met probleme moet na die ANC toe kom en dit daar kom stel.

Hy het gewaarsku teen betogings en geweld.

NWU Potch sluit omdat Mafikeng-brandstigters dalk op pad is soontoe

Die Potchefstroomkampus van die Noordwes-universiteit is vandag om 12:00 gesluit verklaar weens gerugte dat swart studente van die Mafikengkampus wat laas nog geboue aldaar verbrand het, op pad is Potchefstroom toe. PRAAG het ook vroeër berig dat Mafikengstudente, noudat hul kampus afgebrand en gesluit verklaar is, by Potchefstroom wil kom inskryf of “geakkommodeer wil word”.

Die rektor van die Potchefstroomkampus, Fika Janse van Rensburg, het die volgende brief aan alle studente vrygestel en wat ook op die universiteit se Facebookblad te lese is.

Die area in en om die Studentesentrum (SS), die Kafeteria en die Draak is vanaf 12:00 tydelik gesluit.

Die rede is ‘n moontlike onwettige protesoptrede georganiseer deur ‘n nie-erkende liggaam, onwettig gereël saam met werknemers van diensverskaffers met die die NWU ‘n kontrak het.

Alle persone wat by onwettige optrede betrokke is, sal ooreenkomstig die beleid en dissiplinêre prosedures aangekla en vervolg word.

Indien die protesoptrede nie vreedsaam verloop nie, gee ek julle die versekering dat ons Kampus gerat is om dit te ontlont en te bestuur. Ons is vir elke gebeurlikheid voorbereid. Daarom moet studente en personeel níé betrokke raak nie. Goed-bedoelde “hulpverlening” sal die teendeel bereik.

Vermy dus die SS en omgewing gedurende hierdie tyd.

Jou hulp asb: ons grootste enkele probleem is die verspreiding van vals boodskappe en gevolglike alarmistiese disinformasie wat paniek veroorsaak. Ek doen ‘n beroep op elkeen: as jy ‘n berig kry waarvan jy die egtheid nie kan verifieer nie, stuur dit na PukkePraat@nwu.ac.za, of die klagte-gedagtelyn per sms: 31750. Of jy kan telefonies met ons kontak maak by 018 299 2776 of 018 299 2712.

Opnuut die versekering: ek en die bestuurspan sal jou op hoogte hou van enige verwikkelinge. Hou veral die NWU-Pukke Facebook dop. Hier sal jy altyd akkurate en mees resente inligting kry.

Alle ander aktiwiteite op die kampus gaan normaal voort.

Groete,
Fika Janse van Rensburg, Rektor

Solidariteit, Afriforum, ANC en SAKP wil ‘vredesplan’ vir Tuks

Solidariteit en Afriforum sal saam met die ANC werk om ‘n “vredesplan” vir Tuks op te stel. Dit sluit ook die SAKP in.

Volgens prof. Cheryl de la Rey, rektor en visekanselier van die UP, sal klasse Maandag hervat word.

Provinsiale leiers van die ANC in Gauteng, Solidariteit en studenteorganisasies van die Universiteit van Pretoria (UP) het Woensdag glo byeengekom.

Daar is ook met die SAPD vergader wat onderneem het om Maandag die veiligheid op die UP se Hatfield- en Groenkloof-kampus te verseker.

‘n Oproep is ook gedoen dat die universiteit die huidige taalbeleidproses opskort.

‘n Lid van die taaltaakgroep, prof. Koos Malan, het dit betwis dat die groep Engels as algemene onderrigtaal aanbeveel het.

Hy het daarop gewys dat, anders as wat aangekondig is, die taakgroep steeds ’n model van veeltaligheid aanbeveel het.

Prof. Norman Duncan, die UP se viserektor: akademies, het in ’n e-pos erken dat die senaat die taakgroep se aanbevelings gewysig het tot Engels as me­dium. Dié kwessie sal glo binnekort voor die raad dien.

Swart studente wat geboue afbrand wil na wit kampusse

Die bestuur van die Noordwes-Universiteit (NWU) moet ‘n ondersoek loods na die lewensvatbaarheid van studente se eise dat hulle vanaf die Mafikeng-kampus na die instelling se twee suster-kampusse oorgeplaas word.

Die Suid-Afrikaanse Studentekongres (SASCO) se taksekretaris in Noordwes, Dingaan Lorathu, se kommentaar volg nadat die Mafikeng-kampus onbepaald gesluit is ná Woensdag se gewelddadige studentebetoging waarin twee geboue aan die brand gesteek is.

Volgens Lorathu hou die sluiting van die kampus ernstige gevolge vir studente in, en moet die bestuur bepaal of hulle op Potchefstroom en in die Vaaldriehoek geakkommodeer kan word.

Die geskorste SR-leier, Benz Mabengwane sê studente hoop dat hul griewe aangespreek sal word wanneer hulle terugkeer.

Hulle sê hulle is ontevrede oor hul skielike uitsetting.

“Ons is veronderstel om ons eerste jaar te geniet, so ons weet nie, ons moet nou net huis toe gaan.”

Sekere studente ontken nou dat ontevredenheid oor die nuwe SR-bestuur tot die geweld en brandstigting gelei het en sê hulle griewe is baie “diep”.

Hulle beweer die rede dat hulle twee geboue afgebrand het is omdat hulle Afrikaans moet hoor.

Pres. Zuma het die universiteite versoek om gehoor te gee aan die vandale se eise.

Die adjunkminister van Hoër Onderwys, Mduduzi Manana sal vandag met die bestuur van Noordwes se Mahikeng-kampus vergader.

Minstens drie studente is beseer. Veiligheid by die hoofingang is verskerp en die situasie is tans kalm.

Oproepe neem toe vir die visekanselier, Dan Kgwadi om te bedank. Manana sal na verwagting onder meer dié kwessies aanspreek.

‘Keniane is ervare misdadigers’

Keniane is “ervare met diefstal en pleeg van ander misdade” het hul president tydens ‘n staatsbesoek aan Israel verklaar.

Uhuru Kenyatta het bygevoeg dat Kenia “20 keer meer wonderlik” is as Israel, maar “al wat ons ooit kan doen is kla”.

Sy kommentaar is glo ‘n poging om Keniane aan te moedig om hul land te ontwikkel, soos Israel glo reggekry het.

Kenyatta het hand geskud met die Israeliese eerste minister, Benjamin Netanyahu, op ’n gesamentlike mediakonferensie in Jerusalem.

Hy het vandeesweek ’n staatsbesoek aan Israel gebring met verskeie samewerkingsooreenkomste wat tussen Kenia en Israel gesluit is.

Daar is egter baie Keniane wat glo dat die president se toespraak net leë retoriek is, en dat hy nie ernstig is oor die aanpak van korrupsie of etniese verdeeldheid nie.

Hulle kla dat etnisiteit bepaal of hulle in die regering werk kry, en omkopery en korrupsie is aan die orde van die dag.

Kenyatta is vroeër beskuldig deur die Internasionale Strafhof (ICC) van misdade teen die mensdom omdat hy na bewering etniese geweld tydens die verkiesing in 2007 aangemoedig het, waarin meer as 1200 Keniane omgekom het.

Maar die saak is laat vaar in 2014 na die aanklaer se kantoor gesê het hulle het nie genoeg bewyse teen hom nie.

Swart Kovsies eis dat Jonathan Jansen afgedank word

Die swart voorsitter van die studenteraad van die Universiteit van die Vrystaat (UV) eis dat die rektor, Jonathan Jansen, afgedank word.

Lindokuhle Ntuli sê klasse by die instelling sal nie voortgaan totdat die bestuur alle uitstaande kwessies opgelos het nie.

Hy sê hulle dring onder meer daarop aan dat die rektor afgedank word.

Polisiewoordvoerder, Wendy Nkabi, sê 21 studente, waaronder twee vroue, is gistermiddag op die Bloemfontein-kampus in hegtenis geneem nadat gewelddadige betogings weer opgevlam het.

Nkabi sê die verdagtes sal na verwagting later vandag in die plaaslike landdroshof verskyn nadat hulle ‘n hofinterdik, wat hulle verbied om onwettig op kampus te vergader en eiendom van die universiteit te beskadig, verontagsaam het.

‘n Aantal swart studente is in hegtenis geneem Donderdag vir die oortreding van ‘n hofbevel nadat hulle vergader het om die standbeeld van Marthinus Theunis Steyn naby die hoofgebou op die kampus, na bewering met die bedoeling om dit ook te beskadig.

Nkabi sê in dié stadium is dit moeilik om vas te stel hoeveel studente gearresteer is. Aphelele Mpwecu van die student en werkersforum het gesê 23 studente is in hegtenis geneem.

‘n Groep vandale wat na bewering probeer het om die standbeeld om te keer, is deur die polisie en die kampussekuriteit gekeer.

Polisielede het rubberkoeëls gebruik en skokgranate toe ‘n groep swart oproeriges by die standbeeld saamgedrom het.

Sommige joernaliste is glo gevra om hul mediakaarte te toon of die kampus te verlaat.

Ontevrede studente het ‘n optog gehou na die viserektor, Choice Makhetha, oor terugvoering rakende ‘n memorandum van griewe.

VSR-president Lindokuhle Ntuli, het voor Makhetha aangekom en gesê ontevrede studente sal voortgaan om af te sluit van die kampus tot hul eise ten volle nagekom is. Hulle wil die onmiddellike verwydering van Rektor en Visekanselier, Jonathan Jansen. Dit was een van die belangrikste eise aan die memorandum versprei deur die SR gister.

Ander eise sluit in dat studente in die gesig staar deregistrasie moet toegelaat word om hul akademiese jaar, en vir transformasie en “dekolonisasie” te bespoedig word voltooi.

Hulle wou kampus geboue vernoem na swart stryd helde, en vir die arme studente word voorkeur gegee word vir plasing, sonder al ignoreer die akademiese kriteria in plek.

Die Universiteitsraad en senaat moet ook meer swart lede kry, sê hulle.

Makhetha het in haar terugvoer dat die vraag na die verwydering van Jansen sal oorweeg word op ‘n dringende basis deur die Senaat, die Institusionele Forum en die Raad. Sy het ook gesê die universiteit sal alles in sy vermoë doen om voortgesette registrasie van studente in staat te stel.

Makhetha het bygevoeg dat koshuis demografie reeds aansienlik inklusiewe, maar weer sal hersien word met studenteleierskap.

Die woordvoerder van die Minister van Hoër Onderwys, Khaye Nkwanyana sê intussen die minister, Blade Nzimande is deurlopend besig om met verskeie rolspelers in gesprek te tree by die Universiteit van die Vrystaat.

Nzimande is glo bekommerd “nadat wit studente en rugbytoeskouers betogers op die veld aangerand het” om orde te herstel.

Meer as 20 studente van die Universiteit van die Vrystaat verskyn vandag in die Bloemfonteinse Landdroshof. Hulle word aangekla van onwettige byeenkomste.

VSA beplan lugaanvalle op Libië

Die Verenigde Nasies sê alle partye in die Libiese konflik is waarskynlik skuldig aan oorlogsmisdade, insluitende marteling, verkragting en die moord op gevangenes.

Die VN het die internasionale gemeenskap gevra om meer te doen om die skuldiges te laat vervolg.

‘n Verslag wat pas bekendgestel is, en fokus op vergrype in Libië tussen 2014 en 2015 sê die situasie het drasties in dié tydperk verswak.

Die regstelsel in die land het ook in duie gestort.

Die VN sê die Internasionale Strafhof behoort in staat te wees om ondersoeke uit te voer en beskermingsprogramme vir getuies behoort ook ingestel te word.

Intussen wag Siriese rebelle en burgerlikes vir die aankoms van ’n noodbystand-konvooi van die Siriese Rooi Halfmaan en die Verenigde Nasies in die beleërde Kafr Batna asook Moadamiyeh.

Dit is in rebelle-hande en aan die buitewyke van Damaskus geleë.

Washington en sy NAVO-bondgenote, Brittanje, Frankryk en Italië, het intussen militêre optrede na Libië verskuif.

Die Amerikaanse lugmag het verlede week op ‘n beweerde ISIS-oefenkamp wes van Tripoli aanvalle uitgevoer, het die Obama-administrasie gesê en bygevoeg dat meer sulke lugaanvalle beplan word.

Verskeie verslae dui ook daarop dat die VSA voorbereiding tref vir ‘n groot militêre inval in Libië.

Ontleders meen Libië sal die broodnodige afleiding vir Washington se rampspoedige koverte oorlog in Sirië verskaf.

Die konflik het vir 4,6 miljoen vlugtelinge gesorg.