Kategorie: Nuus

Turkse regering slaan toe op opposisie-media

Turkse polisie moes ondersteuners en werknemers van die Bugun-koerant en die Kanalturk-televisiestasie tydens ’n betoging in Istanboel uiteenjaag.

Die betoging is teen die regering se ingryping in die media gemik.

Onlustepolisie wat traangas en waterkanonne ingespan het, het Woensdag die hoofkantore van die mediagroep, wat bande met pres. Recep Tayyip Erdogan se grootste teenstander het, in Istanboel bestorm.

Die regering se ingryping kom op die vooraand van belangrike verkiesings in die land.

Polisiebeamptes het die hekke van die mediagroep met kettingsae oopgesaag.

Die Koza-Ipek mediamaatskappy het glo skakeling die hoë-profiel regeringkritikus Fethullah Gulen. Gulen leef as banneling in die VSA.

Die Turkse regering het Gulen intussen op ‘n internasionale terreurlys geplaas tesame met die leiers van die militante Islamitiese staat – ook bekend as ISIS – asook Koerdiese en linkervleuel guerillas.

Die Turkse regering sê die geestelike wat wêreldwyd bekend is vir sy klem op pluralisme en intergeloofverhoudings, is besig met ‘n poging tot ‘n staatsgreep.

Al Basjir-besoek aan Indië is nuwe uitdaging aan ISS

Indië sal president Omar al-Basjir in hegtenis moet neem en uitlewer as hy Nieu-Delhi die week vir ’n beraad sou besoek, het die Internasionale Strafhof gesê.

Indië is nie ’n stigter-ondertekenaar van die Verdrag van Rome waardeur die hof tot stand gebring is nie, maar die hof voer aan dat Indië ’n plig het ingevolge ’n resolusie van die Verenigde Nasies (VN) se Veiligheidsraad.

Al-Basjir se immuniteit is volgens die internasionale reg opgehef, maar Afrikalande steur hulle nie aan die hof se uitsprake nie.

Al-Basjir het ongehinderd in Indië opgedaag vir ’n Indië-Afrika-beraad en is vriendelik deur premier Narendra Modi ontvang. Die twee het intussen samesprekings gehou.

Indië is die tweede grootste handelsvennoot van Soedan na China. Verskeie Indiese olie-, gas- en konstruksiemaatskappye werk in Soedan.

Bilaterale handel tussen Indië en Soedan het tot $1,4 miljard in 2014-15 gestyg, van $327,000,000 in 2005-06. Handel met Afrika het twintigvoudig toegeneem sedert 2000 tot $72 miljard.

Fatou Bensouda, ’n aanklaer by die ISS, het gesê die hof moet die Suid-Afrikaanse regering dwing om te verklaar waarom Soedan se president in Junie nie in hegtenis geneem is nie.

Die hooggeregshof in Pretoria het in Junie beslis dat Al-Basjir in hegtenis geneem moet word, maar hy is toegelaat om te vertrek.

Hy word deur die Strafhof gesoek weens beweerde oorlogsmisdade in Darfoer. Die Verenigde Nasies (VN) skat 300 000 mense het sedert 2003 in die streek die lewe gelaat.

Die ANC het egter intussen gedreig om aan die hof te onttrek.

As die geding teen Al-Basjir se besoek in die Suid-Afrikaanse Grondwethof voortgesit word, sal ’n uitspraak oor die kwessie moontlik eers einde volgende jaar gelewer word. Intussen sal dit moontlik wees vir hom om die land weer te besoek.

Nog ‘n MSF-hospitaal in aanval verwoes

’n Hospitaal van Dokters sonder Grense (MSF) in Jemen is vandeesweek in ’n missielaanval verwoes.

Die Saoedi-beheerde koa­lisie ontken verantwoordelikheid vir dié voorval.

Mego Terzian, voorsitter van MSF, het in Parys, Frankryk gesê hulle sal nie meer dokters na gevaarlike plekke stuur sonder waarborge nie.

Die koalisie het in Maart in Jemen se burgeroorlog ingegryp nadat die Jemen­itiese regering deur die Iranse geallieerde Houthi-magte uit die kussings gelig is.

Sedert die koalisie se ingryping het die stygende dodetal egter tot groot kommer by menseregtegroepe gelei.

Die hospitaal, in die Heedan-distrik van Saada, is verskeie kere getref, maar die personeel kon vlug nadat die operasiesaal, wat in daardie stadium leeg was, getref is. Die kraamsaal is daarna getref.

Die staatsagentskap Saba berig dat ander lugaanvalle ’n nabygeleë meisieskool getref en verskeie huise beskadig het.

Brig.genl. Ahmed Asseri, woordvoerder van die koa­lisie, sê dit was nie hulle wat die lugaanvalle uitgevoer het nie, maar dat ondersoek ingestel sal word.

Twee en twintig mense, insluitende 12 MSF-lede, is dood nadat ’n MSF-hospitaal op 3 Oktober in ’n Amerikaanse lugaanval in Koendoez in Afganistan getref is.

Nigeriese boete teen MTN oordrewe sê ontleders

Nigerië se regering loop die risiko om beleggers af te skrik wat die land nie kan bekostig om te verloor nie.

‘n Boete van $5,2 miljard teen die land se grootste selfoon-maatskappy, MTN, sê ontleders is oordrewe.

Met ‘n ekonomie wat steier onder lae oliepryse, beperkings op die geldeenheid en geen minister van finansies, het Nigeriese owerhede hulself geen guns bewys om een van hul grootste buitelandse beleggers so stief te behandel nie.

Die oordrewe boete is gelykstaande aan meer as 20 persent van die Johannesburgse MTN se markwaarde.

Nigerië se telekommunikasie-reguleerder het MTN dié week beboet, oënskynlik vir die versuim om kliënte te ontkoppel met ongeregistreerde SIM-kaarte en met onvolledige data.

Dié besluit het daartoe gelei dat die aandele met 19% gedaal het. Nigerië is MTN se grootste mark, waar 62 miljoen kliënte die diens gebruik.

Die grootte van die boete lyk nie of dit enige betrekking op die omvang van die beweerde misdryf het nie, het markontleders in Londen gesê.

Vertroue in president Muhammadu Buhari is stadig besig om te verdamp. Die oud-militêre leier moet nog sy kabinet aanwys, na vyf maande in die amp.

Die versuim het bygedra tot ‘n beleidsvakuum in die bewind van Afrika se grootste olie-produsent.

Die internasionale graderingsagentskap, Moody’s het intussen sy vooruitsig vir die selfoonreus, MTN na negatief aangepas weens die potensiële skade wat die boete kan bring.

Nigerië is verantwoordelik vir sowat ‘n derde van MTN se inkomste.

Die maatskappy is glo reeds in samesprekings met die reguleerder betrokke om die boete te verminder.

Oostenrijkse burgemeester: wijs alle mannelijke migranten af

Siegfried Nazl, de burgemeester van de Oostenrijkse stad Graz, heeft een opmerkelijke oplossing voor de migratiecrisis in het land. Om de toestroom van asielzoekers te verminderen wil hij in het vervolg alleen nog vrouwen en kinderen toelaten.

Dat zegt Nazl in gesprek met de Oostenrijkse krant Krone. Volgens Nazl zal Duitsland binnen een aantal weken geen asielzoekers meer vanuit Oostenrijk doorlaten. ‘Daarom moeten wij gaan kijken naar een plan B.’

Selectie

De burgemeester wil dat er snel een hek komt aan de grens met Slovenië, waar momenteel veruit de meeste migranten vandaan komen. Als het hek klaar is, kan Oostenrijk overgaan tot het selecteren welke asielzoekers wel en welke niet naar binnen mogen, aldus Nazl.

‘We moeten duidelijk maken aan de grote groepen mannen die Oostenrijk in willen dat ze niet welkom zijn.’ De burgemeester hoopt dat, als die boodschap maar duidelijk genoeg wordt verkondigd, asielzoekers niet eens meer beginnen met hun reis naar Europa.

Vrouwen en kinderen

Wel moet er altijd plek zijn in Oostenrijk voor vrouwen en kinderen, vindt Nazl. Het maakt hem niet uit dat zo’n selectieprocedure internationale verdragen schendt. ‘Op een schip dat in nood is worden kinderen en vrouwen als eerst gered, niet de mannen.’

Oostenrijk heeft grote moeite de asielstroom te controleren. De laatste dagen hebben de Oostenrijkers daarom vele duizenden asielzoekers met bussen naar de Duitse grens vervoerd, tot woede van de Duitsers.

De Oostenrijkse minister van Binnenlandse Zaken Johanna Mikl-Leitner riep donderdag op tot de bouw van hekken langs de buitengrenzen van Europa, zodat een ‘Fort Europa’ ontstaat.

Bron: Elsevier

Taalbom bars by Tuks: Afrikaans dalk ‘afgeskaf’

Ná druk van radikale Engelse studente, oorweeg die Universiteit van Pretoria dit sterk om Afrikaans heeltemal “af te skaf”. Volgens ‘n berig van Rand Daily Mail Newswire, “broei ‘n storm oor UP se besluit om sy taalbeleid te hersien, wat beteken dat Afrikaans as onderrigtaal afgeskaf kan word”.

Die rektor Cheryl de la Rey het reeds besluit om die senaat en universiteitsraad, asook die departement van hoër onderwys, “te raadpleeg oor die universiteit se taalbeleid, gegrond op eise wat deur studente tydens verlede week se betogings gestel is”.

Volgens die woordvoerder van UP, Anna-Retha Bouwer, “is ‘n ondersoek aan die gang, en ‘n verslag is vir die einde van die jaar beloof. Aannames oor die uitkoms daarvan moet nie op dié stadium gemaak word nie”.

Dié stap is deur die Higher Education Transformation Network, ‘n skaduagtige groep wat kliphard werk om alle Suid-Afrikaanse universiteite, ook die PUK, te verengels, verwelkom.

Die uitvoerende direkteur van dié organisasie, Reginald Legoabe, het gesê:

“Engels sou ‘n tipiese konsensustaal wees aangesien dit internasionaal en in die sake-omgewing gebruik word. Ons sal geen probleem hê indien alle groepe daartoe instem om na die gebruik van Engels te graviteer nie sodat dit niemand ‘n ekstra voordeel bied nie.”

Die Universiteit van Pretoria het op 13 September 1932 met 13 stemme teen 4 ‘n raadsbesluit aanvaar om Afrikaans as onderrigmedium in te stel, ná onenigheid tussen Afrikaanse en Engelse studente wat weens ‘n Boerehaat-boek deur ‘n dosent, ene HP Lamont, ontstaan het. Die titel van die boek was War, wine and women, en daarin is neerhalende opmerkings oor Afrikaners gemaak. Die boek is aanvanklik anoniem uitgegee, maar dit het later geblyk dat Lamont die skrywer was.

Sedert 1994 het die universiteit geleidelik ‘n parallelmediumuniversiteit geword en sommige vakke word reeds slegs deur medium van Engels gedoseer. Radikale dosente vanaf Engelse universiteite is insgelyks aangestel wat studente met marxisme, feminisme en afrosentrisme breinspoel, veral in die geesteswetenskappe.

Die Universiteit van Pretoria is tans die enigste kampus in ‘n stedelike omgewing waar Afrikaans as onderrigmedium gebruik word. Die universiteit huisves ook meer Afrikaanse studente (ongeveer 16 000) as enige ander universiteit, waaronder ook die oorwegend Afrikaanse kampusse van Stellenbosch en Potchefstroom. Indien Tuks vanaf 2017 suiwer Engels sou word, sou die doodsklok vir Afrikaanse universiteitsonderrig lui.

PRAAG het kort na sy ontstaan in 2000 ‘n betoging ten gunste van Afrikaans op die UP-kampus georganiseer. Die universiteit het egter die betoging verbied, waarna dr. Dan Roodt en ‘n groep van ongeveer honderd studente in Lynnwoodweg moes betoog. Vandag geskied anti-Afrikaanse en anti-blanke betogings egter vrylik op die kampus. Afrikaanse studente is verlede week met megafone uit die biblioteke verjaag en selfs met geweld gedreig.

VN waarsku dat ‘katastrofe’ dreig in Israel

Die Verenigde Nasies het gewaarsku dat ‘n dodelike oplewing in geweld in die Wes-Oewer tussen Israeli’s en Palestyne tot ‘n “katastrofe” gaan lei.

In Washington, het die minister van Buitelandse Sake, John Kerry gesê die bloedvergieting “is nog ‘n aanduiding van die dwaasheid om te glo dat pogings tot permanente vrede en versoening op een of ander manier nie die moeite werd is nie”.

“Die huidige situasie is eenvoudig nie volhoubaar oor tyd nie,” het Kerry gesê.

Palestyne het brandende motorbande tydens botsings met Israeliese veiligheidsmagte by die noordelike ingang na die Wesoewer dorp, Al-Bireh, aan die noordelike buitewyke van Ramallah, aangesteek.

Verskeie voorvalle van mesaanvalle het ook voorgekom.

Aanvalle en botsings is nou ‘n byna daaglikse gebeurtenis sedert spanning oor die status van die Al-Aqsa kompleks vroeg in Oktober begin oplaai het.

Dosyne mense het reeds het in die onluste omgekom.

Nog 22 olifante in Zim vergiftig

Minstens 22 meer olifante is dood nadat hulle deur vermeende wilddiewe naby Zimbabwe se grootste wildreservaat vergiftig is, het AFP berig.

“Ons het Maandag 22 olifantkarkasse in die Sinamatela-gebied ontdek en tot dusver het ons 35 olifanttande gevind,” het Caroline Washaya,die woordvoerder van die ­bestuursowerheid vir parke en natuurlewe, gesê.

Die onlangse sterftes volg skaars twee weke nadat 26 olifante weens vergiftiging in twee afsonderlike gevalle buite die Hwange nasionale park naby Kariba en na aan die grens met Botswana dood is.

Verlede maand is minstens 14 olifante aan vergiftiging in verskillende aanvalle dood.

Wilddiefstal is algemeen in Zimbabwe se nasionale parke met olifante en renosters wat vanweë hulle tande en horings, die hoofteikens is. Dit word dan na lande in Oos-Asië gesmokkel.

Verlede jaar is meer as 300 olifante dood nadat wilddiewe sianied naby hul watergate geplaas het.

Vaalseun Bush ver agter in nominasiestryd

Jeb Bush het vasgeval in die Republikeinse nominasieproses nadat sy kandidatuur in die Amerikaanse presidentsverkiesing ‘n ernstige knou gekry het, het AFP berig.

Bush was aanvanklik vol vertroue dat dit ‘n maklike stryd sou wees.

Om die seun van een en die broer van nog ‘n oudpresident te wees, blyk nie genoeg van ‘n aanbeveling te wees om sy sukkelende veldtog te red nie.

Hy loop ver agter die voorloper het na berig word 40 persent van sy verkiesingsbegroting wat vir personeel bestem is, gesny en selfs sy reiskoste ingeperk.

Bush is nou een van die aanspraakmakers wat hulle in die middel van die bondel bevind.

In die begin van die veldtog het die voormalige goewerneur van Florida, wat met ‘n bruin vrou getroud is, groot geld van ondersteuners gekry.

Bush het egter ‘n knou gekry met die enorme steun wat die miljardêr en tans voorloper, Donald Trump, geniet.

In ‘n poging om hernude lewe in die veldtog van Bush te blaas, het drie geslagte van sy bekende familie in Houston, Texas saamgetrek om skenkers die versekering te gee dat ‘n derde Bush-president meer as net ‘n skrale moontlikheid is.

Oudpres. George H.W. Bush en George W. Bush, onderskeidelik Jeb se pa en broer, was byderhand om blad te skud en saam met ondersteuners met dik beursies vir foto’s te poseer terwyl die 2016-kandidaat sy bes gedoen het om gemotiveerd te lyk vir die stryd wat voorlê.

Ondersteuners sê hulle glo Bush kan nog ‘n haas uit ‘n hoed trek, maar die prentjie lyk donker.

Teen die middel van Julie was Bush die voorloper met twee keer soveel steun as Trump. Vandag is die prentjie aansienlik anders met Trump wat meer as drie keer soveel steun as Bush geniet.

Met net 7% steun, loop die vaal Bush ook agter die afgetrede swart neurochirurg, Ben Carson – wat soos Trump nog nooit ‘n openbare amp beklee het nie – en senatore Marco Rubio en Ted Cruz.

Self Bush-ondersteuners gee toe dat hierdie eerste rondtes van die presidentsveldtog aansienlik anders is as in vorige jare. Gevolglik word die Republikeine se veldtogte, insluitende dié van Bush, heroorweeg.

Trump, wat gestand doen aan sy reputasie van skerp politieke stekies, het met Bush gespot en gesê hy “ontmoet vir mamma en pappa” in Houston.

Bush het intussen sy moedeloosheid met die toedrag van sake in die wedloop uitgeblaker.

“Ek het regtig baie ‘cool’ dinge wat ek kan doen, eerder as om rond te sit en teneergedruk te wees, na mense te luister wat my slegsê en verplig te voel om hulle weer sleg te sê. Verkies vir Trump as dit is wat julle wil hê.”

Betogers by UV vreedsaam uiteen na Jansen se beloftes

Die vergadering op die Universiteit van die Vrystaat (UV) se Bloemfontein-kampus het vreedsaam verdaag nadat die visekanselier en rektor Jonathan Jansen groot beloftes aan studente gemaak het.

Jansen het die meeste van die studente se 51 griewe, wat in ‘n memorandum vervat is, aanvaar.

Jansen het aan OFM-nuus gesê dit is te begrype dat gemoedere hoog sou loop.

Die studenteraad-voorsitter, Lindokuhle Ntuli, het na afloop van die vergadering met Jansen gesê hy meen dit was ‘n “produktiewe” vergadering.

Jansen het onderneem om studente op hoogte te hou rakende verdere besluite rondom die griewe wat nog verder ondersoek moet word.