Kategorie: Nuus

Duitse polisie arresteer Isis-terreurverdagte wat fees wou aanval

‘n Man is na bewering in hegtenis geneem deur die Duitse polisie na sy planne om ‘n terroriste-aanval op ‘n fees in die dorp van Eisenhüttenstadt uit te voer, ontbloot is.

Plofstof is gevind in ‘n woonstel van die verdagte het plaaslike media gesê, met verwysing na die polisie se verklaring.

Die polisie het ook materiaal gekry wat verband hou met die Islamitiese staat (ISIS) gedurende die deursoeking van die woonstel van die verdagte.

Volgens die nuusagentskap DPA, het die verdagte ‘n radikale Moslem-agtergrond en is tans onder polisiebewaking in aanhouding.

Die verdagte het glo beplan om ‘n geïmproviseerde ploftoestel gevul met spykers by ‘n fees in Eisenhüttenstadt tussen 26-28 Augustus te laat ontplof.

Dié dorp met 30.000 inwoners is geleë naby die Duitse grens met Pole, 120km van Berlyn. Dit huisves ook die sentrale vlugtelingontvangsentrum in die Duitse streek van Brandenburg.

Brandenburg se premier Dietmar Woidke het die voorval bevestig en aan joernaliste gesê dat ‘n “polisie-operasie op die vermoede van [‘n man] in besit van plofstof en voorbereidings vir ‘n terroriste-aanval uitgevoer is,” het Tagesspiegel berig.

Die persoon het vermoedelik skakeling met Islamiste.

Die Duitse teenterreureenheid, die SEK, is vir die operasie ontplooi.

Die Berliner Morgenpost het berig dat die man “psigies versteurd” is. Die media probeer voorgee dat Duitsland gebuk gaan onder aanslae van psigies versteurdes, maar só ‘n hoë voorkoms van sulke aanvalle, maak dit onwaarskynlik.

Kanselier Angela Merkel het intussen gesê Duitsland verwelkom Moslems en bygevoeg dat vlugtelinge uit die Midde-Ooste nie terreur pleeg nie.

Milwaukee-geweld: Oorledene se suster vra dat wit voorstede aangeval word

Na geweld en onluste deur swart inwoners van Milwaukee in die Amerikaanse deelstaat Wisconsin, is ‘n gedenkdiens gehou vir Sylville Smith (23), die gewapende swartman wat deur die polisie doodgeskiet is.

Sherelle Smith, die oorledene se suster het swartes intussen aangemoedig om wit woonbuurte aan te val.

Scott Walker, goewerneur van Wisconsin, het om kalmte gevra nadat die Milwaukee-­polisie gesukkel het om die geweld wat deur BLM-aktiviste aangewakker is, onder beheer te bring.

Geboue en voertuie is aan die brand gesteek, daar is op die polisie geskiet en hulle is met klippe bestook.

Smith se suster, Sherelle,­ het al vloekend gepleit dat die geweld en plundery in swart gebiede asseblief moet ophou.

Sy het gesê swart inwoners moet liewer wittes aanval, en wit gebiede – die voorstede – plunder. CNN het haar oproepe om swart geweld egter voorgehou as oproepe om “vrede”.

Sherelle het plunderaars al gillend gemaan dat swart vroue hul vals haarstukke nodig het en dat haarsalonne nie geteiken moet word nie.

Beamptes moes ‘n wit slagoffer van die skietery red en per pantservoertuig na die hospitaal vervoer.

Plaaslike in­woners het met skok op die vlakke van geweld­pleging gereageer. ‘n Skare swart plunderaars van ongeveer 200 mense het Saterdag die strate ingevaar en minstens ses sake­ondernemings aan die brand gesteek.

Amerikaanse Republikeinse presidentskandidaat Donald Trump het intussen gesê aanvanklike getuienis dui daarop dat die polisie in Milwaukee se optrede geregverdig was.

“Ons moet wette gehoorsaam of ons het nie ‘n land nie,” het Trump aan Fox News gesê na ‘n besoek aan die polisie in die stad. Hy het later ‘n saamtrek daar toegespreek.

“Die geweer is na sy [‘n polisiebeampte] se kop gewys, vermoedelik gereed om afgevuur te word,” het Trump gesê.

“Die oorlog teen die polisie is ‘n oorlog teen alle vreedsame burgers wat graag wil werk en leef en hul kinders skool toe wil stuur in veiligheid.

“Ons werk is nie om die lewe meer gemaklik te maak vir die oproerige of die rower of die plunderaar of die gewelddadige anargis, waarvan daar te veel is nie.”

Milwaukee se polisiehoof David Clarke het van talle inwoners ondersteuning gekry nadat hy gesê het Milwaukee se geweld kom van “stamgedrag”. Hy het gesê dis eerder “Black Lies Matter”.

Parys-moordsaak: Aanklagte teen net vier teruggetrek

Die staat het die moordaanklagte teen slegs vier van die beskuldigdes in die Parys-moordsaak teruggetrek.

Die Nasionale Vervolgingsgesag se Phaladi Shuping sê aanklagte teen Fanie Oosthuizen, asook Wian, Wikus en Muller van der Westhuizen is teruggetrek.

“In hierdie stadium is ons van mening dat daar nie enige vooruitsigte is om vier van die mans suksesvol van moord aan te kla nie,” sê Shuping.

Shuping sê nog ‘n beskuldigde, ‘n 17-jarige seun, se verhoor sal afsonderlik hanteer word en hy sal weer op 9 September verskyn.

Aanklagte teen die ander ses verdagtes staan egter en hulle sal op 18 November vir ‘n voorverhoorsitting verskyn.

Hul arrestasies is egter uitgevoer voordat die polisie kon bewys dat enige van die boere met die moorde verbind kan word.

Die EFF het ná die voorval beweer dit was nie ‘n plaasaanval nie, maar dat die twee mans op Loedie van der Westhuizen se plaas was oor ‘n “loongeskil”.

Die groep word daarvan beskuldig dat hulle twee swart plaasaanvallers, Samuel Tjixa en Simon Jubeba, aangerand het en dat die twee aanvallers aan hul beserings beswyk het.

Maar die twee aanvallers is in polisie-aanhouding dood.

Die twee swart aanvallers het op 6 Januarie die 73-jarige boer, Loedie van der Westhuizen, in sy huis aangeval, maar die polisie het nooit die saak ondersoek nie.

Ná dit duidelik geword het dat die beamptes nie hul werk na behore gedoen het nie, het die SAPD ‘n tweede ondersoekspan uitgestuur wat dadelik ‘n politieke motief van ‘n “loondispuut” aan die voorval gekoppel het.

Van der Westhuizen het nog steeds die bebloede klere wat hy gedra het tydens die aanval, en waarin die polisie nie belangstel as bewysstukke nie.

Nie een van die twee swart oorledenes het ooit vir Van der Westhuizen gewerk nie en hy het hulle niks geskuld nie.

Die Staat het die klagte teen Johan ­Cilliers en sy seun, wat vroeër weens die moorde gearresteer is, teruggetrek.

Vreemd genoeg is die twee Cilliers, pa en seun, die enigste twee mense wat dié aand op die toneel was en nie beskuldigdes in die saak is nie.

Nie die Cilliers of hul regsverteenwoordiger wou bevestig of ontken dat hulle staatsgetuies is nie. Vermoedelik is die twee banggepraat of deur die owerhede afgedreig om valse getuienis teen die aangeklaagde boere te lewer.

‘n Skoolseun, Cor Loggenberg, is na die skoolhoof se kantoor ontbied en die Valke het hom te aanskoue van almal geboei en weggelei, met die uitsluitlike doel om hom te verneder.

Volgens sy pa, Anton, het sy onderneming miljoene rande se skade gelei weens die owerhede se kwaadwillige swartsmeerdery teen die gesin.

Kobus Burger, Loggenberg en Van der Westhuizen se regsverteenwoordiger, sê hulle sal ‘n skadevergoedingseis teen die polisie indien weens onregmatige arrestasie.

Meer as 70 Metro-amptenare geskors te midde van koalisie-gesprekke

Meer as sewentig amptenare is tans in die agt Metro’s geskors. Dit is deur die Minister van Samewerkende Regering, Des van Rooyen bekend gemaak in `n geskrewe antwoord op `n parlementêre vraag.

Dit kom te midde van vier Metro’s wat moontlik deur koalisies beheer sal word, het RSG berig.

Die amptenare wat geskors is, sluit in stadsklerke, `n munisipale bestuurder, brandweerpersoneel, bou-inspekteurs, metropolisiebeamptes en `n opsigter by `n swembad.

Van die klagtes teen hulle is seksuele teistering, bedrog, ‘n onregmagtige mediakonferensie en die gebruik van munisipale eiendom om perlemoen te smokkel.

Die skorsings is in Buffalo City, Ethekwini, Mangaung, Nelson Mandelabaai, Ekhuruleni, Johannesburg, Tshwane en Kaapstad.

Die Suid-Afrikaanse Kommunisteparty het onderneem om ondersteuners teen ‘n DA-EFF-koalisie te mobiliseer in Gautengse metro’s waar die ANC nie ‘n volstrekte meerderheid behaal het nie.

Die DA is in koalisiegesprekke met die EFF oor die metro’s van Johannesburg, Tshwane, Ekurhuleni en Mogale City.

In die Kannaland-munisipaliteit in die Klein-Karoo sal die DA en ANC glo saamwerk. Die twee partye het elkeen twee raadslede, terwyl ICOSA die ander drie raadslede het.

Die DA en ANC hou vol dat hulle nie `n koalisie gevorm het nie, maar net gaan “saamwerk”.

Die nuwe burgemeester is Magdalene Berry van die ANC, terwyl Aletta Theron van die DA die speaker is.

Zambiese polisie vat opposisie-betogers vas

Zambiese polisie het 133 mense in hegtenis geneem wat betoog het teen die herverkiesing van pres. Edgar Lungu nadat sy hoofopponent, Hakainde Hichilema (foto bo), gesê het daar met die verkiesingsuitslae gekonkel is.

Reuters berig dat Lungu Maandag ‘n naelskraapse oorwinning in Afrika se tweede grootste koperproduserende land behaal het.

Zambië se ekonomiese beleef ‘n insinking vanweë verlaagde kommoditeitspryse.

Die polisie sê die inhegtenisnemings het gevolg nadat ondersteuners van Hichilema ondersteuners van die regerende party geteiken en hul eiendomme verwoes het.

“Dit wil voorkom asof hierdie optrede vooraf beplan is, en dat hulle net gewag het vir die wenner om aangekondig te word. Kalmte is nou herstel,” het die polisiebevelvoerder van die suidelike provinsie, Godwin Phiri, aan Reuters gesê.

Zambië was tot nou toe een van Afrika se mees stabiele demokrasieë al het geweldpleging tydens die veldtogvoering plaasgevind.

Die Zambiese geldeenheid, die kwacha, het gister met 2,5 persent verstewig, ‘n aanduiding dat beleggers ‘n algehele wenner in die verkiesing verwelkom.

Lungu het 50,35 persent van die stemme teenoor die 47,63 persent van Hichilema verower. Enige kandidaat moes minstens 50 persent van die stemme wen om ‘n tweede rondte verkiesings af te weer.

Hichilema se United Party for National Development (UPND) het aangedui dat hulle die verkiesingsuitslae in die grondwetlike hof sou uitdaag en het verkiesingsbeamptes van bedrog beskuldig tydens die stemtellery wat Donderdag begin het.

“Die PF het ‘n staatsgreep op Zambië se demokratiese proses uitgevoer,” het Hichilema laat Maandag in ‘n verklaring gesê.

“Ons het voor die uitslae bekend gemaak is, bewyse voorgelê wat grootskaalse onreëlmatighede aan die lig bring. Dit is waarom ons nie die uitslae kan aanvaar nie.”

Die regerende party en die verkiesingskommissie het die UPND se beskuldigings verwerp.

Lungu het Dinsdag ‘n oorwinningsvergadering gehou, maar hy kan eers ingehuldig word sewe dae nadat die uitslae bekend gemaak is.

As Sirte val, is Aleppo dalk volgende djihadistiese vesting

Libiese magte wat lojaal is aan die regering wat deur die Verenigde Nasies ondersteun word, vuur mortiere af op posisies van die Islamitiese Staat-groep (ISIS) in Sirte, Libië.

ISIS het probeer om ‘n basis in Sirte te vestig, maar ‘n Amerikaansondersteunde militêre offensief vanjaar het byna al die lede van die groep uit ISIS se voormalige hoofkwartier verdryf.

Volgens Libiese amptenare is 70 persent van die stad bevry en net ‘n paar honderd van die aanvanklike 6 000 militante is nog in enkele plekke in die stad vasgekeer.

Omdat die djihadiste uit Libië verdryf word, val hulle terug na Sirië.

Die Russe het sedert April gewaarsku dat ‘n groot aanval op Aleppo in Sirië op hande is, terwyl hulle in gesprek getree het met die Obama-administrasie.

Maar die Amerikaanse gewilligheid om Russiese afgevaardigdes te ontmoet was grootliks ‘n misleiding ter ondersteuning en voorbereiding van die aanval.

Die weste van Aleppo is steeds onder beheer van die Siriese regering waar ongeveer 1,5 miljoen mense woon. Oor die afgelope twee weke dreig die stad om in djihadiste se hande te kom.

Groot voorrade van nuwe wapens, ammunisie en intelligensie toon dat ongeveer 10,000 radikale djihadiste, gelei deur Al-Qaeda in Sirië, ‘n aanval op Aleppo beplan en hulle het reeds deurgebreek.

Die dhihadiste se veldtog het ten doel om die hele Aleppo te beset. Indien hulle daarin slaag sal duisende burgerlikes waarskynlik sterf, waaronder talle Christene en ander minderhede.

Die stryd om Aleppo is “een van die mees verwoestende stedelike konflikte in die moderne tyd,” het Peter Maurer, president van die Internasionale Komitee van die Rooi Kruis (ICRC) aan Reuters gesê.

“Niemand is nêrens veilig nie. Kanonvuur is konstant, met huise, skole en hospitale almal in die spervuur. Mense leef in ‘n toestand van vrees. Kinders is getraumatiseer. Die omvang van die lyding is ontsettend,” het Maurer in ‘n verklaring gesê.

Intussen het RT berig dat honderde ISIS-soldate deur die Amerikaanse magte toegelaat is om Manbij in Sirië te verlaat.

Trump kondig die einde van nasiebou aan

Die Amerikaanse Republikeinse presidentskandidaat, Donald Trump het in ‘n belangrike beleidstoespraak die einde van “nasiebou” aangekondig.

“As ek president word, sal die era van nasiebou tot ‘n baie vinnige en beslissende einde gebring word,” het Trump beloof het bygevoeg dat dit tyd is om “‘n nuwe koers in te slaan”.

Hy het ook uitgestippel hoe hy radikale terreur sal beveg.

Dit sluit in om visums op te skort van lande wat bande het met enige vorm van terreur, asook ‘n ideologiese toets vir diegene wat na Amerika wil reis.

Hy het by ‘n universiteit in Ohio gepraat en onderneem om sy samewerking te gee aan lande wat bereid is om die Islamitiese Staat te beveg.

Trump se plan is deur sy veldtogbestuurders beskryf as buitelandse beleidsrealisme.

In vorige toesprake het hy verklaar dat alle Moslems verbied moet word om Amerika binne te kom.

Hy sê dat uiterste streng keuring van immigrante nodig is om Amerika te beskerm en immigrasie vanaf sekere lande opgeskort behoort te word.

“Sommige het nie hierdie doelwit wat hulle met ons deel nie,” het hy bygevoeg rakende ander lande. “Ons kan nie altyd ons vriende kies nie, maar ons kan nooit versuim om ons vyande te erken nie.”

Trump het bygevoeg dat die VSA gemeenskaplike grond kan vind met Rusland in die stryd teen die Islamitiese staat (ISIS).

“Hulle het te veel op die spel met die uitkoms in Sirië,” het hy verduidelik oor Rusland.

Die Republikeinse genomineerde het gesê dat hy die befondsing vir die terroristegroep sal afsny en met behulp van kuberoorlogvoering ISIS se werwing en propaganda sal stop as hy verkies word.

“Ons kan nie toelaat dat die internet gebruik word as ‘n werwingshulpmiddel nie,” het hy beklemtoon.

“Die opkoms van ISIS is die direkte gevolg van beleidsbesluite deur President Obama en die minister van buitelandse sake Clinton,” het Trump gesê.

Hy het gewys daarop dat die Midde-Ooste voor Obama en Clinton oorgeneem het, stabiel was en gesê in 2009 was Libië vreedsaam, Sirië was onder beheer, en Egipte is regeer deur ‘n sekulêre president.

Maar Trump het gesê onder Obama en Clinton se buitelandse beleid lê Libië nou in puin, ISIS het grondgebied gekry, en Sirië verkeer in ‘n burgeroorlog, met ‘n vlugtelingkrisis wat Europa en die Weste teister.

Britse polisie skok swart sokkerspeler dood

Die Britse polisiewaghond – die Onafhanklike Polisie Klagtekommissie – gaan ondersoek instel na ‘n voorval waar ‘n voormalige swart Premierliga-sokkerspeler dood is nadat die polisie ‘n skokwapen op hom gebruik het.

Die 48-jarige Dalian Atkinson het voorheen vir klubs soos Aston Villa en Manchester City gespeel.

Sy pa het bevestig dat inwoners die polisie ontbied het na sy huis in Telford, omdat Atkinson agressief in die straat begin optree het.

Daar word vermoed dat hy onder die invloed van drank en dwelms was.

Hy het bure se deure begin inskop, met geweld gedreig en geskree dat hy “haweloos” is. Hy het met sy duur Duitse sportmotor voor sy pa se huis geparkeer.

‘n Ooggetuie, Paula Quinn sê die swarte het gillend in die rigting van die beamptes gesteier.

Hy is gewaarsku om nie nader te kom nie, maar het die waarskuwing van die beampte geïgnoreer.

Die linkse media het die voorval voorgehou as nog ‘n voorbeeld van naakte polisiegeweld teen swartes. Die Guardian het berig dat Atkinson “geskiet” is.

Die polisie het hom vermoedelik probeer bedaar. Hy het ‘n hartaanval gekry en paramedici het hom daarna dood verklaar.

Penny Sparrow kry nuwe regshulp

Penny Sparrow het Maandag vlugtig in die Umzinto-landdroshof verskyn.

Sparrow, wat neerhalende opmerkings oor swart strandgangers gemaak ná hulle morsige Oujaarsaandpartytjie op Facebook, is aangekla van crimen injuria.

Sparrow was stil in die beskuldigdebank terwyl sy deur landdros Vincent Hlatshwayo aangespreek is.

Die saak is uitgestel sodat haar nuwe prokureur kan konsulteer met haar. Sy sal nou verteenwoordig word deur ‘n Regshulpprokureur, Elaine MacDonald.

In haar oorspronklike Facebook post, Sparrow het geskryf:

“These monkeys that are allowed to be released on New Year’s eve and New Year’s day on to public beaches towns etc obviously have no education what so ever so to allow them loose is inviting huge dirt and troubles and discomfort to others.

“I’m sorry to say that I was amongst the revellers and all I saw were black on black skins what a shame. I do know some wonderful and thoughtful black people. This lot of monkeys just don’t want to even try. But think they can voice opinions and get their way of dear,” she continued.

“From now on I shall address the blacks of South Africa as monkeys as I see the cute little wild monkeys do the same, pick and drop litter,” Sparrow added.

In Junie het die Umzinto-gelykheidshof gelas dat Sparrow tot R150 000 betaal aan die Oliver en Adelaide Tambo Stigting.

In ‘n onderhoud met News24, het Sparrow gesê dat “aap” gebruik word as ‘n troetelwoord deur wit mense.

Sparrow het intussen doodsdreigemente ná haar kommentaar ontvang.

“Die dreigemente was verskriklik … my selfoon was so besig dat ek nie kon bel nie. Daar was verskriklike doodsdreigemente. Mense het gesê hulle gaan my huis bom en ander het foto’s gestuur van naakte vroue, en gesê ek gaan verkrag word… dit was skokkend,” het sy gesê.

Uitspraak in kinderporno-saak Woensdag verwag

Die Vrystaatse Hooggeregshof sal waarskynlik Woensdag uitspraak lewer in die kinderpornografie-verhoor.

Die aangeklaagde, ‘n man van Sasolburg wat in die hof erken het dat hy ‘n pedofiel is, het vroeër skuld beken op honderde aanklagte, waaronder die vervaardiging, besit en die verspreiding van kinderpornografie en seksuele aanranding.

Hy ontken egter aanklagte van verkragting op van sy slagoffers.

In die Staat se betoog is die hof versoek om die man se weergawe oor verskeie geleenthede rakende beweerde verkragtings te verwerp ten spyte van die aangeklaagde se skulderkenning.

Die Staat het geargumenteer dat dit en ander aspekte die hof genoeg bewyse gee om die man skuldig te bevind op verkragting. Die man se verdediging het aangevoer die Staat kon nie “opset” in al die beweerde verkragtings bewys nie.

Die saak is uitgestel vir vonnisoplegging.