Sokkerwedstryd eindig in vertrapping

drkSokkergeweld het die lewens van 15 mense geëis in die Demokratiese Republiek van die Kongo. Volgens sommige berigte is die aantal dooies hoër.

Minstens die toeskouers dood en 21 ernstig beseer nadat geweld Sondag by ‘n sokkerwedstryd in Kinshasa in die hoofstad van die DRK uitgebreek het.

Die polisie het glo traangas afgevuur na ‘n klipgooiery wat daarna tot ‘n vertrapping gelei het. ‘n Muur by die stadion het ook meegegee.

Vertrapping is glo ‘n algemene verskynsel in die DRK by groot byeenkomste waar 21 mense verlede maand mekaar doodgetrap het toe dinge by ‘n musiekkonsert skeefgeloop het en die skare op loop gegaan het.

Amptenare sê die dodetal is deur Kinshasa se goewerneur, André Kimbuta, aangekondig.

Kimbuts het die beseerdes in die hospitaal besoek.

Die kragmeting tussen twee gewilde plaaslike spanne, ASV Club en Tout Puissant Mazemba het tot die vertappingsterftes gelei.

‘Paul Simon stond op dodenlijst anti-apartheidsbeweging’

paulsimonMuzikant Paul Simon stond medio jaren tachtig op de dodenlijst van het verzet tegen het Zuid-Afrikaanse apartheidsregime.

Dat zegt acteur en gitarist Steve van Zandt in de Nederlandse documentaire High Hopes in South Africa (trailer), die zaterdag wordt uitgezonden op Veronica.

De Amerikaan was destijds de drijvende kracht achter Artists United Against Apartheid, waarin diverse internationale artiesten waren vertegenwoordigd.

Simon doorbrak als enige artiest voor de opname van zijn album Graceland de culturele boycot van Zuid-Afrika, die in 1980 door de Verenigde Naties was ingesteld. De gewapende anti-apartheidsbeweging had daarop het plan gevat om Simon om het leven te brengen.

Door inspanningen van Van Zandt werd Simon uiteindelijk van de lijst gehaald. “Ik vertelde ze dat het waarschijnlijk de goede zaak niet zou dienen als ze Paul Simon zouden mollen”, zegt hij in de documentaire. “Hoezeer ik ook sympathiseerde met het idee.”

Van Zandt stelt dat Simon de boycot uit eigenbelang doorbrak. “Hij wilde zoveel mogelijk controversie zodat hij zoveel mogelijk platen kon verkopen. Ik wilde geen ‘artiesten tegen artiesten’, dus ik heb mij ingespannen hem van die lijst laten halen, ondanks mijn persoonlijke gevoelens.”

Tot frustratie van Van Zandt wil Simon tot op dag van vandaag niet toegeven dat hij fout zat. “Ik bedoel: kom op, Paul. Wij zaten goed, jij zat fout. Zijn stelling was: kunst overstijgt politiek. Maar kunst ís politiek.”

Bron: nu.nl

Nederlands afgeschaft in Groningen

rugDe prachtige Nederlandse taal wordt binnenkort kalltgestelt in Groningen.

Alle studenten, docenten en andersoortige medewerkers van de Rijksuniversiteit Groningen (RUG) moeten over vijf jaar primair in het Engels met elkaar communiceren. Dat komt op heel Groningen neer. Ukrant meldt dat.

“Onze lijn is: Engels is verplicht, Nederlands wordt gestimuleerd”, zegt Jan de Jeu, lid van het college van bestuur van de universiteit. Engels is volgens de universiteit de gangbare taal in de wetenschap tegenwoordig, zoals Latijn dat vroeger was.

De RUG wil meer internationale studenten aantrekken. “We vreesden dat na de switch naar Engels bij wiskunde en natuurwetenschappen er minder Nederlandse studenten zouden komen. Maar er kwamen juist meer studenten, zowel Nederlandse als internationale. Dat vonden we een belangrijk signaal”, aldus De Jeu.

Bron: PowNed

 

Stemlokaal aan die brand gesteek na ongerymdhede

effvotesDie Onafhanklike Verkiesingskommissie (OVK) se lokaal in Alexandra, Gauteng is Donderdagaand aan die brand gesteek deur ontevrede kiesers.

Ontstoke opposisiepartye wil hê dat die stemmery noord van Johannesburg oorgedoen moet word.

Die polisie sê ‘n vertrek in ‘n gemeenskapsentrum, wat deur die OVK gebruik is, is aan die brand gesteek terwyl daar mense binne die sentrum was. Geen beserings is egter aangemeld nie.

Brig. Neville Malila van die polisie sê 31 mense is in verband met die voorval in hegtenis geneem en hulle sal binnekort in die hof verskyn.

Die kiesbeampte van die OVK in Gauteng, Mashego Sheburi sê hulle sal die korrekte prosedure moet volg om beswaar te maak

In ander voorvalle van ongerymdhede, is stembriewe in Lynnwood Ridge, Pretoria, gevind. Eyewitness News berig dat die stembriewe in ‘n park gekry is in swart sakke wat deur ‘n onbekende man opgetel sou word.

Volgens die verslag is die Onafhanklike Verkiesingskommissie ( OVK) bewus van die voorval en is tans besig om dit op te volg.

Die OVK het vroeër fotostate van die uitslagstrokies vir die Lynnwoodrif-gebied in Pretoria getoon wat daarop dui dat die DA-agent die stemtelling afgeteken het.

Die DA-leier, Helen Zille het in ‘n twiet gesê DA-agente in die betrokke stemdistrikte het bevestig dat die stembriewe reeds getel is. Sy sê die houers kon van ‘n vragmotor afgeval het.

Sheburi sê hulle enigste uitweg is om appèl by die OVK aan te teken. Hy sê hulle sal hul aantygings behoorlik moet kan staaf voordat die drastiese besluit om die kiesproses te herhaal, geneem kan word.

Kiesers wat vir die Front Nasionaal gestem het, gaan glo ‘n klag lê nadat hulle stemme na bewering nie getel is nie.

Vroeër het IVP-ondersteuners blykbaar ‘n groep ANC-agente gyselaar gehou nadat stembriewe by die Women for Peace-temlokaal in Alexandra glo in ‘n vreemde motor gelaai is.

Beide partye se leierskap het ingegryp om die saak glo op te los.

Volgens ‘n twiet deur EFF-lid Boitumelo Molelekeng, is stembriewe van sy party ook in Diepsloot opgespoor waar dit weggegooi is.

‘n Ondersoek is aan die gang nadat die polisie die talle houers vol stembriewe in asblikke by die skool in Diepsloot in Johannesburg gevind het.

Die stemmateriaal is deur leeders ontdek. Die EFF is woedend en het die OVK beskuldig van nalatigheid. Die meeste van die voltooide stembriewe was vir die ANC en die EFF.

‘n Woordvoerder van die ANC, Godfrey Senthomole, sê hulle is teleurgesteld in die OVK.

Die EFF het intussen gesê dit is onregverdig dat hulle stembriewe in ‘n asblik gegooi is. ‘n Woordvoerder van die party, Ishmail Timbani, sê hulle eis ‘n verduideliking van die OVK oor die voorval.

Die stemtelproses nader tans sy einde, met sowat 94 persent van die stemdistrikte wat hul stemme verklaar het. Die ANC sal as oortuigende oorwinnaar uit die verkiesing tree, met tussen 62 en 63 persent van die stemme wat op die party verenig is.

Die regerende party het 3 persentasiepunte prysgegee teenoor hul prestasie in die vorige verkiesing.

Ten spyte van baie beloftes om swart stemme te trek, staan die DA slegs op 22 persent terwyl die EFF reeds meer as 6% ingepalm het.

Nege vas oor boendoegereg-moorde

mobruleNege swartes is in hegtenis geneem nadat hulle glo drie swart mans in Mthatha in die Oos-Kaap doodgemaak het in die jongste voorval van boendoegereg.

Lt.kol. Mzukisi Fatyela sê inwoners van Chris Hani-park het vier mans Woensdag met messe, stokke en kapmesse aangeval.

Drie is dood en een man kon daarin slaag om te vlug.

Die gemeenskap het die swartes van verkragting en roof beskuldig.

Nege swartes insluitende vroue en mans tussen 22- en 29-jarige ouderdom is in verband met die moorde in hegtenis geneem.

Fatyela sê die voorval hou nie verband met Woensdag se verkiesing nie.

Twaktolk uit psiatriese inrigting vir advertensie

Thamsanqa Jantjie beduie dis keelaf vir Obama
Thamsanqa Jantjie beduie dis keelaf vir Obama

Die swartman wat homself internasionaal as ‘n gebaretolk voorgedoen het by Nelson Mandela se begrafnis, is eintlik ‘n “gawe ou”, sê ‘n Israelse advertensiemaatskappy.

Thamsanqa Jantjie skitter nou in sy eie TV-advertensie waarin hy as ‘n grapjas uitgebeeld word. Jantjie het na die internasionale skandaal gesê hy is ‘n skisofrenie-lyer.

Die TV-advertensie vir ’n video-toepassing word in Israel bemark met die twaktolk as hoofpersoonlikheid.

In die advertensie skerts Jantjie oor die onsinnighede wat hy tydens die gedenkdiens van oudpres. Nelson Mandela by die ENB-stadion kwytgeraak het.

Grepe van sy onverstaanbare handgebare word ook gewys, met Jantjie wat sê hy is nou ’n glanspersoonlikheid wat bemarking doen vir geld.

Gedurende die Mandela-begrafnis het Jantjie sonder dat hy geweet het wat hy doen, sekere gebare gemaak wat dowes as “garnale” en “skommelperde” gelees het. Die res was leë handgebare.

Die twaktolk is na die voorval na ‘n psigiatriese inrigting verwys, maar die eienaar van die Israelse advertensiemaatskappy Sefi Shaked, het ‘n joernalis in Johannesburg gehuur wat homself voorgedoen het as ‘n familielid van Jantjie om hom uit Sterkfonteinhospitaal buite Johannesburg te kry.

Die skelmstreek het gewerk en die psigiatriese inrigting het Jantjie laat gaan. Hy het nog nie weer teruggekeer na die hospitaal as psigiatriese pasiënt nie.

Zille oorweeg koalisie met ANC

Zille se ondersteuners in Bekkersdal
Zille se ondersteuners in Bekkersdal

Aangesien daar van Helen Zille se beloftes om Gauteng oor te neem dadels gaan kom volgens die jongste syfers, oorweeg die DA ‘n koalisie met die ANC, het die DA-leier Donderdag gesê.

Helen Zille sal die wedloop vir Suid-Afrika se rykste provinsie na verwagting ver verloor, maar sy oorweeg tans ‘n koalisie met die regerende party in die provinsie.

Die DA wil duidelik die opkoms van die EFF gebruik om vir hulself posisies en portefeuljes in die ANC te beding. Dit is nie meer duidelik hoe die party die ANC sogenaamd gaan teenstaan oor beweerde korrupsie met hul jongste koalisievoorstelle nie.

Daar heers groot druk op die DA om hul beloftes van posisies aan swart lede op die kandidatelys na te kom en Zille sien samewerking waarskynlik as ‘n manier op dié kopseer op te los.

‘n Lae stempersentasie in Gauteng sou die DA effens bevoordeel het, maar dit blyk dat die kiesers in groot getalle gaan stem het, wat die ANC sal help om hul meerderheid te behou.

Pansy Tlakula, die voorsitter van die Onafhanklike Verkiesingskommissie het bevestig dat die uiters hoë opkoms in stedelike gebiede ‘n “dringende uitdaging” vir die OVK inhou.

“Dit moet onthou word dat ons die hoogste aantal geregistreerde kiesers van 25,3 miljoen in Suid-Afrika se geskiedenis het,” het Tlakula in Pretoria gesê.

Onder diegene wat as kiesers geregistreer het, was 634.000 sogenaamde “born frees”, kinders wat gebore is na die einde van apartheid.

Kommentators het voorspel dat ‘n hoë opkoms kiesers die ANC sal bevoordeel.

Zille het samewerking tussen die DA en ANC in Gauteng in die vooruitsig gestel “om die EFF uit die regering te hou”.

Die nuutste Sunday Times Ipsos-opname het aangedui dat die EFF waarskynlik die derde meeste stemme sal kry in Gauteng.

Die ANC het Gauteng gemaklik in die 2009-verkiesing ingepalm met 64,76 % van die provinsiale stemme teenoor die DA se 21,27 %.

Die ANC sal na verwagting 60% van die stemme of meer in Gauteng kry, volgens ‘n Ipsos-opname van vroeg in April. Slegs 29,2% het aangedui dat hulle vir die DA in Gauteng sal stem.

Desnieteenstaande het die DA aan kiesers vertel dat hulle ‘n goeie kans staan om in Gauteng te wen.

Die ANC-woordvoerder en Nasionale Uitvoerende Komiteelid Jackson Mthembu het gesê daar is tans geen sprake van ‘n koalisie nie.

Die EFF-leiers het Woensdag ook gesê hulle sal nie oorweeg om ‘n koalisie in Gauteng aan te gaan nie.

Hoewel stem glad verloop het in die belangrikste gebiede, was die verkiesing nie sonder voorvalle nie. Die OVK het gesê dat 97 mense, insluitende verkiesingsbeamptes, in hegtenis geneem is vir ongerymdhede.

Zindzi Mandela se man, voormalige MK-soldaat Molapo Motlhajwa, is in hegtenis geneem nadat hy na bewering probeer het om die polisie te dwing om hom in ‘n operasionele kiessentrum in Noordwes toe te laat.

‘n Woordvoerder van die polisie, brigadier Thulane Ngubane het gesê die verdagte wat gewapen was, het daar opgedaag in ‘n SANW-voertuig.

In Bekkersdal aan die Wes- Rand, het betogers klippe na die polisievoertuie gegooi en OVK-tente op die vooraand van die verkiesing aan die brand gesteek.

Meer as 40 mense is in hegtenis geneem in verband met ‘n brand by ‘n stemlokaal in die Mandlazini-gebied naby Richardsbaai aan die KwaZulu-Natalse noordkus.

Die groep van 300 het Dinsdag saam oproerig geraak en die gemeenskapsaal, wat as stemlokaal gebruik sou word, aan die brand gesteek.

Kiesers moes onder polisietoesig hul kruisies trek en die wat nie wou stem nie, het buite die stemlokaal die stemmers gekoggel.

Die stemtellery by al agt stempunte in Lorraine en omliggende gebiede buite Tzaneen in Limpopo is afgehandel nadat die stemmery meer as vier ure vertraag is toe die polisie en die OVK-beamptes nie die stemlokale weens oproer kon bereik nie.

Min kiesers het op stemdag opgedaag. Die situasie in die gebied het Donderdag na kalm teruggekeer.

Wenners en verloorders

Die DA pluk die vrugte van onrus in De Doorns
Die DA pluk die vrugte van onrus in De Doorns

Cope sal as die grootste verloorder in Dinsdag se verkiesings uittree. Dit lyk asof die party ‘n aansienlike aantal setels in die parlement en verskeie provinsiale wetgewers gaan verloor.

Nog syfers wat ingekom het toon dat die EFF die derde grootste party nasionaal gaan wees. In Noordwes lyk dit tot dusver of die EFF die amptelike opposisie sal wees.

Na die verkiesings in 2009 was Cope die derde grootste party in die parlement met 30 setels. Indien die huidige neiging voortduur, sal Cope se steun van sewe komma vier twee persent in die vorige verkiesing daal tot minder as ‘n persent in vanjaar se verkiesing.

As die stemtellery korrek is, lyk dit asof die DA steeds die amptelike opposisie in al die provinsies sal wees, behalwe in die Wes-Kaap.

Na oproer deur seisoenale werkers van De Doorns in die provinsie in 2012 – wat voor die deur van die ANC gelê is – het kiesers teen die regerende party gestem.

Dit wil dus voorkom asof die onrus die DA in die Wes-Kaap bevoordeel het.

Volgens die stempatroon tans sal die ANC die hoofopposisie in dié provinsie bly.

Die ANC loop tans nasionaal voor met ‘n derde van die stemme wat getel is. Nege-en-twintig politieke partye het aan vanjaar se verkiesing deelgeneem.

Provinsiale uitslae van die verkiesing begin nou instroom en in Gauteng is 15 persent van die stemme getel. ‘n Kort rukkie gelede het die ANC ver voorgeloop, gevolg deur die DA en dan die EFF in die derde plek.

Daar is tans sowat 1% van die stembriewe wat bederf is.

Die ANC kan setels in Mpumalanga verloor maar sal volgens aanduidings steeds ‘n tweederde meerderheid behou in die provinsie.

Die ANC het in die 2009 verkiesing 27 van die 30 setels in die provinsie bekleë, maar nog nooit minder as 80-persent van die stem gehad nie. Die stempersentasie in die provinsie is tot dusver net meer as 73 persent.

 

Afrikanerpartye verder gemarginaliseer in verkiesing

afrikanerleadersMet 27% van die stemme wat getel is, kon geen Afrikaanse party in die verkiesing hond haaraf maak nie. Front Nasionaal het tot dusver slegs 1 142 stemme kon verwerf met ‘n platform ten gunste van kulturele selfbeskikking, behoud van Afrikaanse skole en die uiteindelike herstel van Afrikanersoewereiniteit. Die VF Plus het insgelyks geen vooruitgang gemaak nie en lyk asof hy bloot sy huidige stembasis gaan behou, nadat die party hom nader aan multikulturalisme geposisioneer het. Tot dusver het die VF Plus 44 869 stemme aangeteken.

Die DA lewer ‘n stewige vertoning en staan tans op 1 057 350 stemme, oftewel 28,3%. Die ANC het 2 169 454 stemme ontvang, wat gelyk aan 58,1% van die stemme is. Na verwagting sal die ANC se aandeel verder styg soos wat stemme uit verafgeleë landelike gebiede inkom. Die Ekonomiese Vryheidsvegters van Julius Malema is die mees suksesvolle nuwe party in die verkiesing, met 154 481 stemme, oftewel 4,14%.

In die lig van die hoë stempersentasie in die verkiesing van 72,62%, behoort die kwota stemme wat ‘n party nodig het om ‘n setel te verkry ook te styg. In die 2009-verkiesing was die kwota stemme vir een setel 44 000. Indien dit tot 50 000 styg, sou dit beteken dat van die kleiner partye nog verder sal uitsak en dis selfs geen uitgemaakte saak dat Mamphela Ramphele van Agang ‘n setel gaan kry nie. Ook die Vryheidsfront Plus mag sy aantal parlementêre setels sien terugsak van vier tot drie of selfs twee, afhangend van hoe die tellery van hier af vorder.

In die Wes-Kaap se provinsiale verkiesing het die VF Plus ook verder teruggesak en nadat 56% van die stemme getel is, het die VF Plus slegs 6 709 stemme ontvang, oftewel 0,67% van die totaal. Weereens behoort die VF Plus geen provinsiale setel in die Wes-Kaap, waar die DA koning kraai, te ontvang nie.

Organiseerder van oproer in Wes-Kaap is DA-lid

Wie het Poni se kaartjie betaal na Londen?
Wie het Poni se kaartjie betaal na Londen?

Nege jaar gelede het Mzonke Poni die Wes-Kaap se eerste opstande georganiseer, oop stukke grond beset, en paaie met klippe en brandende bande versper. Vandag is hy ‘n lid van die DA.

Poni was ook op die voorpunt van die gewelddadige oproer en plundery in Kaapstad.

Hy het Londen besoek waar hy insgelyks op die voorpunt van die Occupy-beweging was. Poni word onder Brittanje se ver-linkses as ‘n leidende figuur in die organisering van opstand, weerstand en grondbesetting beskou.

“Dit is ‘n besluit wat ek geneem het op ‘n persoonlike vlak. Die besluit om by die Demokratiese Alliansie te sluit, is ‘n besluit wat kom uit my hart,” sê Poni.

Die DA hoop dat met Poni se werwing die party vordering sal maak in Kaapstad se swart lokasies, veral in Khayelitsha, waar die ANC tot 95 % van die stemme kry.

Tot ‘n paar maande gelede Poni was ‘n lid van Julius Malema se EFF

Poni het gesê hy het besluit om by die DA aan te sluit omdat hy glo dat hy beleidmakers kan beïnvloed om die opstande uit te brei.

Abahlali baseMjondolo (ABM) se voorsitter Sbu Zikode was ook op die gesamentlike nuuskonferensie met Poni se oorlopery na die DA, ‘n besluit wat hy as “dapper” beskryf.

Die konsensus in die ABM-beweging wat op grondgryp, ongelykheid en armoede fokus, is om die DA te ondersteun.

Zikode het gesê: “Hierdie besluit kom nadat Abahlali die Demokratiese Alliansie noukeurig bekyk en met ander politieke partye vergelyk het.”

Die burgemeester van Kaapstad, Patricia de Lille het gesê die stad sal die beskikbaarheid van grond vir armes met ABM bespreek .

“Ons sal ook kommunikeer met Abahlali oor die planne wat ons het vir informele nedersettings, sodat hulle ons kan help om die ontwikkelingsplanne aan hul lede te kommunikeer, en ons sal ook die Marikanagrondbesetting bespreek. Dit sal ons doen na die verkiesing,” het De Lille gesê.