‘n Griekse joernalis het ‘n Amerikaanse regskenner gevra waar die ebolavirus vandaan kom en hoekom dit so vinnig versprei.
Aggeliki Dimopoulou het vir die Griekse nuuswebwerf tvxs.gr met internasionale regskenner professor Francis A. Boyle gesels oor die oorsprong en gevolge van die ebolavirus.
Die virus het vermoedelik al duisende mense bereik uit Wes-Afrika en groot afstande gereis met vlugte wat steeds nie gestaak is uit besmette lande nie.
Volgens Boyle word Amerikaanse bio-oorlogvoeringlaboratoriums in Wes-Afrika bedryf omrede streng wetgewing in die VSA sulke navorsing bemoeilik.
Hy sê die VSA kan met behulp van Wes-Afrika die Konvensie oor Biologiese Wapens makliker omseil.
Hy het Griekeland aangeraai om hul eie mediese spesialiste te gebruik om vas te stel of die virus kenmerke van manipulsie deur die Amerikaanse Sentrum vir Siektebeheer of die Britse biologiese oorlogvoeringlaboratoriums in Porton Down bevat.
Boyle sê dis belangrik om Amerikaanse en Britse spesialiste te vermy of enige ander nasionaliteite wat saamwerk met dié twee lande, aangesien hulle nie betroubaar is nie.
Hy het die Grieke aangeraai om ‘n klag teen die VSA by die Veiligheidsraad van die VN te lê vir die skending van die Biologiese Wapens Konvensie, soortgelyk aan die een wat Nicaragua in 1985 gelê het nadat knokkelkoors skielik in die land uitgebreek het, indien die ondersoeke iets oplewer.
‘n Vrou in ‘n nikab, ‘n tradisionele Moslemsluier wat die hele hoof bedek, is vroeër vandeesmaand gevra om die Bastille-operahuis in Parys te verlaat omdat die geselskap weier om verder voor haar te sing. Die dra van ‘n sluier wat die gesig heeltemal bedek, word deur wetgewing in Frankryk verbied.
Die voorval het op 3 Oktober tydens ‘n aanbieding van Verdi se La Traviata plaasgevind, volgends die operahuis se adjunkdirekteur, Jean-Philippe Thiellay, maar het eers oor die pas afgelope naweek in die Franse media rugbaar geraak.
‘n Nikab
Die vrou en haar metgesel was toeriste van een van die Golfstate en het reg agter die dirigent gesit waar hulle vir opsigters sigbaar was. Die sitplekke kos €231 (ongeveer R3 400) elk.
Die vrou het ‘n nikab aangehad, ‘n sluier wat sowel die gesig as die hare bedek en slegs die oë en ‘n deel van die voorkop sigbaar laat.
Die operahuis se personeel het haar nie aanvanklik opgemerk toe sy die ouditorium binnekom nie. Maar volgens Thiellay is hy tydens die tweede bedryf van die opera “deur ‘n sanger in kennis gestel”, wat haar in die voorste ry raakgesien het.
Die Bastille-opera in Parys
“Sommige kunstenaars wou nie langer sing nie,” het hy bygevoeg. Volgens ‘n koerantberig wou die geselskap nie langer voor ‘n gesiglose gehoorlid optree nie.
Tydens die pouse is die vrou en haar metgesel deur ‘n inspekteur gekonfronteer, wat haar gevra het om óf haar sluier af te haal, óf die vertoning te verlaat.
“Hy (die inspekteur) het dit aan haar oorgedra dat daar in Frankryk ‘n verbod op dié soort kleredrag geld, en haar gevra om óf haar gesig te ontbloot óf die vertrek te verlaat. Die man het die vrou gevra om op te staan en hulle het vertrek,” sê Thiellay. Volgens hom “was dit onaangenaam om iemand te vra om te gaan”.
“Maar daar was ‘n misverstand oor die aard van die wet en die dame is gevra om dit te eerbiedig of te gaan,” sê hy.
Volgens ‘n bron van die Bastille-opera, het die paartjie nie op terugbetaling aangedring nie.
Frankryk het in 2011 ‘n wet gemaak wat wesentlik die dra van die nikab in die openbaar verbied. Dit sluit openbare strate, winkels, museums, openbare vervoer en parke in. Die verbod geld ook op die boerka, ‘n volledige liggaamsbedekking, indien dit die gesig bedek. Die enigste uitsondering vir ‘n vrou in ‘n nikab of boerka is as sy in ‘n private motor reis of ‘n Moslem-erediens bywoon.
Diegene wat verseg om hul sluiers te verwyder, moet ‘n boete van €150 (R2 250) betaal.
Die wetgewing het egter nie die dra van die hijabhoofbedekking verbied nie.
Ná die operavoorval het die Franse kultuurministerie aangekondig dat hulle ‘n nuwe stel reëls optrek aangaande sluiers in teaters, museums en ander openbare instellings.
’n Swart leerling in graad 10 – maar wat reeds 18 jaar oud is – van die Hoërskool Castle Bridge in Bloemfontein is oor die naweek in hegtenis geneem weens ‘n grusame moord met ‘n mes. Sy slagoffer op Lehlohonolo Mathengtheng, 27, ‘n lektor in die departement mediese mikrobiologie en virologie aan die Universiteit van die Vrystaat.
Lehlohonole Mathentheng op een van sy Facebookfoto’s
Ooggetuies op die toneel by Mathengtheng se woonstel in Willows, Bloemfontein, het gesê dat hy ‘n snywond aan sy nek gehad het en “soos ‘n dier geslag is”.
Die verdagte en die vermoorde het mekaar blykbaar geken. ‘n Bebloede mes, wat vermoedelik vir die moord gebruik is, twee selfone en ‘n gebruikte kondoom is in ‘n slaapkamer in Mathengtheng se woonstel in Madaleenhof, King Ewardsweg, Willows, gevind. Die polisie ondersoek die saak reeds sedert 28 September, maar hy die jeugdige verdagte is eers Saterdag omstreeks 20:00 by sy ouma se huis in Botshabelo aangekeer. Volgens ‘n polisiewoordvoerder, Sinag Mpakane, sal hy vandag in die hof verskyn.
Hoewel die moordenaar met ‘n tabletrekenaar, ‘n skootrekenaar, ‘n Blackberry-selfoon en Mathengtheng se bankkaart weg is, het die polisie eers gereageer toe hulle oproepe van die publiek ontvang het wat die skootrekenaar in die verdagte se besit geëien het.
Die vermeende tienermoordenaar het agterna vir die polisie gaan wys waar hy van sy slagoffer se bankkaart ontslae geraak het en hulle ook na die handelaar geneem waar hy sy skootrekenaar gaan verkoop het.
’n Tablet-rekenaar en BlackBerry-selfoon van die vermoorde is in die verdagte se besit gekry en hy sou gister vir die polisie gaan uitwys het waar hy die bankkaart van Mathengtheng gaan weggooi het en ook waar hy die skootrekenaar van die vermoorde gaan verkoop het.
Hy het ook in Mathengtheng se motor rondgery totdat die petrol opgeraak het en dit toe by ‘n taxistaanplek gelos.
Die moord is vermoedelik reeds op Vrydag 26 September gepleeg.
Volgens Mpakane het mense die polisie vroeër gebel oor die skootrekenaar van Mathengtheng wat hulle in sy besit gesien het.
Die motor van die vermoorde is vroeër by die taxi-terminus gekry waar dit agtergelaat is.
Polisiebeamptes is erg geskok deur die moordtoneel, met bloedspore wat van een vertrek na ‘n ander lei. “Dit was verskriklik,” het een polisielid gesê. Die lyk is op sy rug in een van die slaapkamers gevind met ‘n bloeddeurtrekte T-hemp langs hom.
Die oorlede was diep gelowig en het die Donderdag voor sy moord nog op Facebook gesê:
Lord we thank you for the joy in our lives!! The peace that only You can provide, and the current and future breakthroughs You have in store for us!! In Jesus name, Amen!! Happy Thursday everyone…
Polisielede wat op die toneel was, het dit as verskriklik beskryf en was agterna baie emosioneel.
Mathengtheng, wat vroeër in die Universiteitskoor gesing het, het in sy laaste Facebook-inskrywing die Here gedank vir die vreugde in sy lewe.
Vriende het met skok op Facebook op sy dood gereageer.
Mosambiekers van opposisiepartye is ontevrede oor die uitslag nadat hulle Woensdag gestem in verkiesings vir ‘n nuwe president en wetgewende vergadering.
Die regerende Frelimo-party en verskeie ander opposisiepartye het deelgeneem.
Die voordeel wat Frelimo geniet, was sigbaar in die hoofstad waar ‘n reuse verkiesingsplakkaat van die Mosambiekse bevrydingsfront ‘n hele gebou in Avenida Edoardo Modlande in die hoofstad, Maputo, versir het.
Kiesers het Woensdag hul kruisies getrek, maar skadu’s van die burgeroorlog wat in die tagtigerjare gewoed het, was terug.
Die land het in 1975 onafhanklikheid van Portugal gekry.
Opposisiepartye is ontevrede met die verkiesingsuitslag en beskuldig die regerende party van kullery.
Frelimo staar kritiek in die gesig weens die groot welvaartgaping in die land, ondanks die land se reuse minerale bronne.
Selfs die vinnige ekonomiese groei het nie voordele vir die grootste deel van die bevolking in een van die wêreld se armste lande gebring nie.
Die opposisie beweer hulle het vaste bewyse dat Frelimo stembusse met vals stembriewe wou vul.
Dit was ‘n slegte naweek vir stropers. Veertien renosterstropers is in hegtenis geneem in die Kruger Nasionale Park het sedert die begin van die naweek, het SANParke gesê.
SANParke het drie hoogs suksesvolle operasies Vrydagoggend geloods wat gelei het tot die inhegtenisneming van 14 vermeende renosterstropers, het ‘n woordvoerder Raynold Thakhuli in ‘n verklaring gesê.
“Dit bring die totale aantal van stroperverdagtes vanjaar wat in hegtenis geneem is in die Kruger Nasionale Park (KNP) te staan op 113.”
In ‘n gesamentlike operasie met die lede van die SA Polisiediens het SANParke se veldwagters ‘n voertuig naby Skukuza onderskep en vyf verdagtes in hegtenis geneem.
Daar is op ‘n .375-jaggeweer, ammunisie en stropertoerusting, sowel as ‘n voertuig beslag gelê. Later gedurende die middag van dieselfde dag, is drie ander verdagtes in die Malelane-omgewing in hegtenis geneem.
Op Saterdag, in die Punda Maria-gebied van die KNP, kort ná sonop, in ‘n gesamentlike SANParke en SAPD-ontplooiing, en ondersteun deur die Suid-Afrikaanse Nasionale Weermag se lugvleuel, is kontak gemaak met drie vermeende wilddiewe.
Twee van die verdagtes is ernstig gewond en in hegtenis geneem terwyl die derde ongedeerd in hegtenis geneem is.
Een van die gewonde verdagtes is later in die hospitaal aan sy beserings dood. Die oorblywende gewonde verdagte is onder polisiebewaking in die hospitaal.
‘n Jaggeweer, ammunisie en stropertoerusting is gekonfiskeer op die toneel, het SAPA berig.
Inligting oor 12 swart verdagtes wat ontsnap het kan aan die naaste polisiekantoor of Crime Line SMS by 32211.12 gekommunikeer word, vra die polisie.
Die 12 verdagtes het Vrydag noord van Pretoria uit aanhouding ontsnap, kort nadat van hulle in die hof in Ga-Rankuwa op aanklag van huisroof verskyn het.
As deel van die ondersoek na die voorval en soektog na die mans, het die polisie die publiek gevra om te help met enige inligting wat sal lei tot die arrestasie van die ontsnaptes en die mense wat hulle gehelp het.
Kapt. Doniah Mothutsane van die Gauteng-polisie het vroeër gesê die polisievoertuig was met 28 verdagtes op pad terug van die hof na die New Lock-gevangenis in Pretoria.
Die vangwa is op pad voorgelê en in ‘n lokval gelei in Lucas Mangopeweg naby Medunsa en die verdagtes is ontset.
Die vyf lede wat wou ingryp om die chaos wat EFF-lede in die parlement veroorsaak het, is geroep om voor ‘n parlementêre Komitee oor Bevoegdhede en Voorregte te getuig.
Die komitee sal vandag tugstappe voortsit teen 20 EFF-parlementslede. Dit sluit Julius Malema in.
Ses getuies altesaam is geroep om Maandag voor die komitee te verskyn.
Dit sluit die minister van Telekommunikasie, Siyabonga Cwele, die minister van Staatsveiligheid, David Mahlobo, die ANC se adjunk-hoofsweep, Doris Dlakude en die hoofsweep van die DA, John Steenhuisen.
Vyf van die ses wat geroep is om te getuig, het glo gepoog om die chaos wat deur die EFF in die parlement in Augustus veroorsaak is, te ontlont.
Die opposisiepartye in die komitee eis dat die betrokke getuies verduidelik waarom hulle ingegryp het.
Statistiek toon Engels is al hoe meer besig om moedertaalonderrig in Afrikaans en ander tale uit die onderwysstelsel te druk.
Uit antwoorde op parlementêre vrae oor die aangeleentheid deur ‘n opposisieparty blyk dit dat veral Afrikaans die grootste verloorder is. Net in Gauteng is sowat ʼn kwart van Afrikaanse skole sedert 2002 na Engels-medium verander.
Wat die Vrystaat aanbetref het 26 uit 113 skole van enkelmedium-Afrikaans na ander mediums verander, in Gauteng 103 uit 266 en in KwaZulu-Natal 27 uit 44.
In Gauteng is tans net 168 Afrikaanse skole teenoor 1 539 Engels en in die Vrystaat 75 teen 303. In KwaZulu-Natal is daar nog net 12 Afrikaanse skole teen 2 153 Engels. Net in die Wes-Kaap is Afrikaanse skole nog in die meerderheid met 648 teen 461 Engelse skole.
Die navorsingsinstelling Ipsos-Markinor het verlede maand die uitslag van ʼn meningspeiling bekend gemaak wat aantoon dat meer as twee derdes van Suid-Afrikaners van alle rasse van mening is dat kinders die reg het om in hul moedertaal onderrig te ontvang.
Volgens Ipsos-Markinor is daar ooreenstemmigheid hieroor van regoor die onderskeie taalgroepe in die land, maar veral onder Engels- en Afrikaanssprekendes, met ander Afrika-tale wat kort hierop volg.
Die minister se antwoord druis lynreg teen hierdie navorsing in aangesien sy sê Engels het nou die ‘voorkeur-taal van onderrig’ vir ouers geword.
Hieroor lui die minister se antwoord: “Weens die groeiende aanvraag van leerders wat Engels as onderrigtaal verkies, is skole besig om Engels as tweede medium vir onderrig in te stel. Die krimpende aantal Afrikaanssprekende leerders is ʼn verdere rede waarom skole wegbeweeg van Afrikaans-enkelmedium.
“Sommige ouers verkies ook Engels-onderrig aangesien hulle dit beskou as ʼn noodsaaklike taal om in die internasionale sakewêreld sukses te behaal,” lui die antwoord.
Die afname in Afrikaanse skole en die bevindings van die marknavorsing wys dat die ANC-regering nie eerlik is oor die aangeleentheid nie, en besig is om eensydig Engels op sprekers van ander tale af te dwing.
“Soos sake nou staan boer moedertaalonderrig agteruit en Engels gedy. Dis ‘n skande. Engels moet hoogstens ‘n brugtaal wees behalwe vir eerstetaal-Engelssprekendes. Die minister sal saam met die provinsies meer moet doen om skole vir moedertaalonderrig te skep.
“Wittes moet ook verplig word om ten minste een Afrikataal te leer anders as Afrikaans sodat kommunikasie-brûe gebou kan word sonder Engels as enigste platform daarvoor. Ons moet inheems, lokaal en globaal dink, praat en droom,” het adv. Alberts van die VF+ gesê.
Die nagliggies in Johannesburg was Donderdagaand in ‘n vaal stofkleed gehul.
Die Suid-Afrikaanse weerdiens sê die sandstorm wat dele van die Vrystaat getref het, het Gauteng en Noordwes en die oostelike dele van die Noord-Kaap ook getref.
Geringe skade is in Bloemfontein aangeteken toe ‘n plakkerhut en twee bome deur die storm weggewaai is. Skade is in Thaba Nchu aanmeld.
Die weerdiens sê die sandstorm word veroorsaak deur droë lug wat bo donderwolke was. Dit het tot gevolg dat reën wegbly en dat winde wat daarmee gepaard gaan al hoe sterker word.
Met die verkiesing van Angola tot die Veiligheidsraad, het die Suider-Afrikaanse Ontwikkelingsgemeenskap SAOG, weer ‘n setel op die Raad bekom.
Die algemene vergadering van die VN het Donderdag vyf nuwe nie-permanente lede verkies wat twee jaar op die Veiligheidsraad sal dien.
Die ander vier lande wat verkies is, is Venezuela, Maleisië, Nieu-Seeland en Spanje. Die vyf lande se termyn sal op 1 Januarie afskop.
Die VSA het dadelik begin om Venezuela aan te val.
In ‘n felle stryd het Turkye verloor teen Spanje en Nieu-Seeland om twee beskikbare setels vir ‘n stemblok wat Wes-Europese en ander groepe, sowel as die Verenigde State van Amerika insluit.
In die afgelope paar dae, volgens verskeie diplomatieke bronne, was daar ‘n intense veldtog, gelei deur Griekeland, Egipte en Saoedi-Arabië, teen Turkye se lidmaatskap in die raad.
Spanje het 132 stemme gekry, terwyl Turkye net 60 stemme kon inoes. Nieu-Seeland is in ‘n vroeër rondte verkies.
Turkye speel glo volgens waarnemers ‘n onverkwiklike rol in die ondersteuning van ISIS in Sirië en Irak.
Intussen het president Jacob Zuma Turkse sakelui verseker dat toekomstige beleggings in Suid-Afrika in ‘n sakevriendelike omgewing ontvang sal word.
Zuma was die eregas by die tweede Sake-toekennings van die Suid-Afrikaanse-Turkse Sakevereniging in Sandton. ‘
Die Turkse afgevaardigdes het onderneem om te help met werkskepping en die ophef van gemeenskappe deur middel van die ontwikkeling van klein sake-ondernemings.
Verskeie maatskappye van die grootste sake-federasie in Turkye, Tuscon, doen sake in Suid-Afrika.
