Met die verkiesing van Angola tot die Veiligheidsraad, het die Suider-Afrikaanse Ontwikkelingsgemeenskap SAOG, weer ‘n setel op die Raad bekom.
Die algemene vergadering van die VN het Donderdag vyf nuwe nie-permanente lede verkies wat twee jaar op die Veiligheidsraad sal dien.
Die ander vier lande wat verkies is, is Venezuela, Maleisië, Nieu-Seeland en Spanje. Die vyf lande se termyn sal op 1 Januarie afskop.
Die VSA het dadelik begin om Venezuela aan te val.
In ‘n felle stryd het Turkye verloor teen Spanje en Nieu-Seeland om twee beskikbare setels vir ‘n stemblok wat Wes-Europese en ander groepe, sowel as die Verenigde State van Amerika insluit.
In die afgelope paar dae, volgens verskeie diplomatieke bronne, was daar ‘n intense veldtog, gelei deur Griekeland, Egipte en Saoedi-Arabië, teen Turkye se lidmaatskap in die raad.
Spanje het 132 stemme gekry, terwyl Turkye net 60 stemme kon inoes. Nieu-Seeland is in ‘n vroeër rondte verkies.
Turkye speel glo volgens waarnemers ‘n onverkwiklike rol in die ondersteuning van ISIS in Sirië en Irak.
Intussen het president Jacob Zuma Turkse sakelui verseker dat toekomstige beleggings in Suid-Afrika in ‘n sakevriendelike omgewing ontvang sal word.
Zuma was die eregas by die tweede Sake-toekennings van die Suid-Afrikaanse-Turkse Sakevereniging in Sandton. ‘
Die Turkse afgevaardigdes het onderneem om te help met werkskepping en die ophef van gemeenskappe deur middel van die ontwikkeling van klein sake-ondernemings.
Verskeie maatskappye van die grootste sake-federasie in Turkye, Tuscon, doen sake in Suid-Afrika.
“Intussen het president Jacob Zuma Turkse sakelui verseker dat toekomstige beleggings in Suid-Afrika in ‘n sakevriendelike omgewing ontvang sal word” – hy lieg soos ‘n tandetrekker. Die enigste beleggings wat in ‘n vriendelike sakeomgewing ontvang word is die waarby die ANC baat. Vir die res wat reeds hier is en reeds ondernemings bedryf is dit nag – veral met die nuwe BEE wetgewing wat hulle wil deurvoer.
Verder sukkel ons hier met stakings – seker van die grootstes en lankstes ter wêreld. Kyk net hoe het net een staking amper 20% van ons BBP vernietig. Ons sukkel ook met produktiwiteit – jy moet 3 aanstel om miskien die werk van een uitgerig te kry as jou toerusting nie gebreek word nie en elke tweede week verval die opleiding wat dan weer van voor af gegee moet word.
Naand Rooikop,
en dan is daar nog nie eers gepraat oor die situasie tot die plaasarbeiders ontwrigting nie. Die boere langs die Oranjerivier by Upington is woedend oor die ontwrigting wat ontstaan het na Fransman en Ernriecht , of iets, se uitlatings.
Daardie klomp is besig met opsweping – krap waar dit nie jeuk nie.
“Daardie klomp is besig met opsweping” = oefening!
Jy is reg – nie so daaraan gedink nie.