Die metaalwerkersvakbond, NUMSA, sê hulle lede word afgedank omdat buitelandse maatskappye tenders ontvang het om lokomotiewe te bou.
Dié tenders is aan Chinese en Noord-Amerikaanse maatskappye toegeken vir die bou van meer as ‘n duisend lokomotiewe. Dié buitelanders het SEB-vennote in Suid-Afrika.
Die Guptas en Duduzane Zuma is die belanghebbendes in die strategiese lokomotiefsubkontrakteringsmaatskappy wat hulle gekoop het terwyl die tenderproses aan die gang was.
Iqbal Sharma, is die voorsitter van die Transnetdireksie se tenderkomitee.
Volgens die metaalwerkersvakbond is nie minder nie as sewe Suid-Afrikaanse maatskappye met die nodige kwalifikasies oor die hoof gesien.
Vakbondlede het Donderdag betoog omdat Naledi Rail Engineering, Dorbyl, Wictra Holding, RRL Grindrod en Electro Motive Diesel nooit oorweeg is nie, terwyl die Chinese konsortium boonop geen ervaring in spoorweë het nie.
NUMSA eis dat die regering die toekenning van ‘n R50 miljard-tender van Transnet hersien.
Dit vorm deel van Transnet se rekapitalisasieprogram van R200 miljard.
Een van die maatskappye, Commuter Transport and Locomotive Engineering (CTLE), voorheen Union Carriage and Wagon, sal sowat 250 Numsa-lede moet afdank.
Soos ek die storie het is die plan om ‘n groot hoeveelheid lokomotiewe hier in Koedoespoort by Transnet se werke te bou (1500 oor ‘n 2 of 3 jaar periode). Van diegene wat nie eers oorweeg word nie, ken ek vir Grindrod – ‘n baie goedgeorganiseerde klomp wat baie mooi werk verrig. Ek is so ‘n rukkie gelede deur hulle vervaardigingsfasiliteite – Hulle het iets opgebou om oor trots te wees.