Kategorie: Nuus

M-Net soek nie witmense nie

Die betaal TV-kanaal M-Net het sy besluit om slegs swart, bruin en Indiër kandidate toe te laat om vir internskappe aansoek te doen, verdedig.

Die bestuurshoof van M-Net, Yolisa Phahle sê die internskap-program sal die kandidate toelaat om vaardighede te bekom om op ‘n gelyke voet met hulle wit kollegas mee te ding vir werksgeleenthede.

Volgens Phahle vereis die wet dat hulle hindernisse tot indiensneming verwyder om alle kandidate die geleentheid te gee om te werk.

‘n Klag sal glo aanstons deur belanghebbendes by die Menseregtekommissie ingedien word omdat M-Net teen witmense diskrimineer.

Franse leier na Moskou om front teen ISIS te bou

Frankryk het die voortou geneem op die globale politieke toneel met President Francois Hollande se besoek aan Moskou Donderdag.

Sy gesprek met die Russiese president Vladimir Poetin kan lei tot nuwe verwikkelinge in die streek nadat die twee ooreengekom het om terroriste se olie-inkomste te teiken.

Hollande wil konsensus bou teen ISIS in beide Sirië en Irak, na aanleiding van die terreuraanvalle in Parys op 13 November wat 130 mense se dood gekos het en honderde beseer het.

As sodanig, is sy ontmoeting met Poetin Donderdag ‘n belangrike stap in die rigting van ‘n verdraagsame beleid teenoor Rusland.

Wetgewers van Duitsland se regerende partye het die week vergader om te bespreek hoe Berlyn bystand aan Frankryk in die stryd teen die Islamitiese Staat kan verleen.

Dit volg insgelyks na die dodelike terreuraanvalle in Parys.

Hollande, het Woensdag Duitsland se hulp gevra toe kanselier Angela Merkel hom in die Franse hoofstad besoek het. Sy het toe onderneem om “spoedig” op die versoek te reageer.

Lede van die Duitse Bundestag se konserwatiewe blok en diegene van die sentraal-linkse Sosiaal Demokrate is genooi om ‘n vergadering by te woon om die aangeleentheid te bespreek.

Die Franse en Duitse leiers het elk ook ‘n pienk roos by die ander huldeblyke vir die slagoffers van die Parysaanvalle in die Place de la Republique geplaas.

Hollande het ook met die Italiaanse eerste minister, Matteo Renzi, in Parys vergader voordat hy na Moskou gevlieg het.

Sy veldtog word aan bande gelê deur die uitval tussen Rusland en Turkye oor die Russiese vegvliegtuig wat vroeër die week afgeskiet is.

Ontleders meen dat Turkye met Washington se goedkeuring die Russiese tuig afgeskiet het nadat hulle die Russe in ‘n lokval gelei het. CNN het intussen na ISIS-terroriste in hul nuusberigte begin verwys as “amptenare van die Islamitiese Staat”.

Die Turkse president Erdogan en sy gesin baat glo uit die inkomste van gesteelde olie wat hulle by ISIS teen ‘n afslag koop.

Volgens berigte is ‘n Israeliese kolonel Yusi Oulen Shahak glo ontmasker as deel van ISIS.

Frankryk het hom beroep op ‘n resolusie wat bepaal dat lidlande van die Europese Unie (EU) militêre bystand aan Frankryk moet verleen ná die aanvalle in Parys op 13 November toe 130 mense dood is in ‘n golf aanvalle waarvoor ISIS aanspreeklikheid aanvaar het.

Hollande het egter volgehou dat die verkose Siriese president geen rol moet speel in ‘n “oorgang” nie, en dat Rusland as spreekbuis vir Siriese belange moet optree.

Duitsland het vandag ingestem om militêre hulp te verleen aan Frankryk met ondersteuning vir ‘n uitgebreide lugveldtog teen die “moorddadige bende” na die Franse president se besoek.

Deelname sal insluit dat tussen vier en ses Tornado-verkenningsvliegtuie toegerus met spesiale infrarooikameras wat vyandige posisies sal kan opspoor, gestuur word sowel as ‘n fregat om die Charles de Gaulle, die Franse vliegdekskip in die Middellandse See, te beskerm.

Duitsland sal ook hervullingsvliegtuie vir Franse tuie beskikmaar maak, het Henning Otte, verdedigingswoordvoerder vir die Duitse kanselier Angela Merkel se Christen-Demokratiese Unie, aan joernaliste gesê.

Rusland het met die ontmoeting die Turks-Amerikaanse plan om ‘n vliegspergebied oor Sirië aan te kondig, gekelder.

Twee seuns, een swart, slaan huisma glo dood

Personeel aan die Jimmie Roos-jeugsorgsentrum op Dewetsdorp leef in vrees nadat twee skoolkinders glo ‘n huisma met ‘n klip en baksteen in haar gesig doodgeslaan het.

Die onderwysdepartement is glo onbehulpsaam omdat een van die vermeende moordenaars ‘n swart kind is.

Carima Barnard, is Dinsdag op die skoolterrein vermoor, maar die hoofstroommedia is versigtig om nie die ras van die een seun bekend te maak nie.

‘n Vyftienjarige seun van die skool is in hegtenis geneem in verband met die moord.

Die polisie het bevestig dat die 15-jarige in die hof sal verskyn, maar kon nog geen besonderhede daaromtrent verskaf nie.

Sy verhoor is tot 30 November uitgestel nadat hy Donderdag in die hof verskyn het. Netwerk24 het berig dat die seun in aanhouding sal bly.

Die skoolhoof, Johnny Erlank sê egter die leerling, wat ook deur die polisie ondervra is, is terug by die skool.

Barnard word Saterdagoggend uit die NG Kerk op Dewetsdorp begrawe.

‘n Polisiewoordvoerder, Yanda Ngcukana, het gesê bloedvlekke is op ‘n T-hemp van een van die twee seuns gevind.

Die een seun (15) het toe reeds erken dat hy by die moord betrokke was. Hy is saam met die ander seun (16) aangekla van moord.

Die motief vir die moord is nog onbekend.

Kubaanse ingenieurs lê rond in luukse akkomodasie

Kubaanse ingenieurs wat sowat ses maande gelede in die Vrystaat aangekom het en na plaaslike munisipaliteite uitgeplaas sou word, het nog nie ‘n steek werk gedoen nie.

Tydens ‘n sitting van die provinsiale wetgewer Donderdag, is verneem dat die ingenieurs nog in luukse akkommodasie, wat deur arm munisipaliteite betaal word, rondlê.

Dié ingenieurs het glo erken dat hulle ‘n gedeelte van hul salaris elke maand aan die Kubaanse regering moet afstaan.

Premier Ace Magashule was hewig ontstig dat die besonderhede van die Kubaanse ingenieurs uitgelek is deur die opposisie en het gesê Suid-Afrika sal altyd die Kubaanse regering as ‘n vriend beskou.

‘Nederland het volksmoord in Suider-Afrika befonds’ – Martin Bosma

‘n Lid van die Nederlandse parlement, oftewel die “Tweede Kamer van die State-Generaal“, mnr. Martin Bosma (Partij voor de Vrijheid), het gisteraand verklaar dat “Nederland Suider-Afrikaanse bevrydingsbewegings finansieel gesteun het wat vier volksmoorde gepleeg het”. Dié stelling het hy tydens ‘n begrotingsdebat in die Tweede Kamer oor “ontwikkelingsamewerking” gemaak. Nederland skenk jaarliks €4,1 miljard (ongeveer R60 miljard) aan derdewêreldlande, veral in Afrika. “Ontwikkelingsamewerking” wat as “OS” afgekort word, verteenwoordig ‘n eufemisme vir hulpgeld.

Die vier terroristebewegings, wat volgens Bosma nooit sonder Nederlandse finansiering aan bewind sou gekom het nie, is: die MPLA in Angola, SWAPO in Suidwes-Afrika (tans Namibië), Frelimo in Mosambiek, asook die ANC-SAKP in Suid-Afrika. Tydens die sewentiger- en vroeë tagtigerjare had Nederland ‘n verlinkse minister vir ontwikkelingsamewerking, Jan Pronk, ‘n lid van die linkse Partij van de Arbeid. Pronk was die seun van ‘n hervormde onderwyser en onderwyseres wat agterna ekonomie studeer het.

“Die PvdA het Frelimo en MPLA gefinansier. Sal die PvdA daarvoor om verskoning vra? Volksmoorde is met Nederlandse belastings gepleeg. Nederlandse ontwikkelingshulp is verantwoordelik vir tienduisende dode in Afrika… Jan Pronk was verlief op Julius Nyerere. Daardeur is miljoene Tanzaniese boere van hul grond verdryf,” seg Bosma gisteraand.

Met Nederlandse en Skandinawiese hulpgeld het Nyerere die stelsel van “oejamaa”-sosialisme in sy land ingestel waardeur kollektiewe landbou op die kommunistiese manier ingestel is. Hy het ook sy weermag in die vroeë 1970’s gebruik om miljoene bestaansboere onder dwang na die stede en nuwe dorpe te laat trek en het hul ou statte afgebrand. Hierdie beleid het tot hongersnood in die land gelei en het Tanzanië van buitelandse voedselhulp afhanklik gemaak, wat toe deur Nederland op aandrang van Jan Pronk verskaf is.

Oor die volksmoorde in Suider-Afrika, het Bosma gisteraand in die Tweede Kamer verklaar:

“Progressiewe Nederland het die ANC gehelp om volksmoord op Inkatha uit te voer. Die ‘bevrydingsbewegings’ in Angola, Mosambiek en Suid-Afrika pleeg almal volksmoord. Suid-Afrika is nou die mees rassistiese land ter wêreld, danksy Nederland en Jan Pronk. Die land word regeer deur die intens korrupte ANC, wat ‘n kriminele organisasie is.”

Oor Zimbabwe seg Bosma: “Nederland steun die rassis Robert Mugabe téén suksesvolle blanke boere.”

minderheid_in_eigen_landDie repliek op Bosma deur die linkse Kamerlede van die Partij van de Arbeid en die Sosialistiese Party (wat voorheen vir Voorsitter Mao van Rooi Sjina ondersteun het) was bedeesd. Een het vermeld dat hy Martin Bosma se boek Minderheid in eigen land: Hoe progressieve strijd ontaard in genocide en ANC-apartheid gelees het, maar nie veel daarvan dink nie.

Repliek op Bosma se stellings en vrae sal vanmiddag deur die vroulike minister van buitelandse handel en ontwikkelingsamewerking, Lilianne Ploumen, beantwoord word. Ploumen behoort, nes Jan Pronk destyds, tot die linkse Partij van de Arbeid en Bosma se aanmerkings kan haar dus kwalik aanstaan.

Nederland word tans deur die sogenaamde Mark Rutte II-koalisie geregeer, wat uit die linkse PdvA en die liberale VVD (Volksparty vir Vryheid en Demokrasie) bestaan. Die eerste minister, Mark Rutte, is die leier van die VVD, wat oor 40 setels in die Tweede Kamer beskik.

Kyk na die volledige toespraak deur Martin Bosma en die daaropvolgende debat (18 min. lank).

Bruin mesmoordenaar beken skuld

Die bruine wat ‘n wit onderwyseres van Warmbad (Bela-Bela) ten aanskoue van haar jong kinders wreed vermoor het, het skuld beken.

Desmain Clark Adams (20) het Dinsdag in die landdroshof op die die dorp, skuld beken op aanklagte van moord en roof met verswarende omstandighede.

Hy het Lindie Bosch-Jansen (35) in Oktober met ‘n mes doodgesteek, voor haar twee klein seuntjies, onderskeidelik sewe en tien. Sy was ‘n onderwyseres aan die Jinnah Park Primary School.

Bosch-Jansen het ‘n verjaarsdagviering by die Warmbad-laerskool bygewoon en het gehelp om op te ruim toe sy na middernag deur Adams aangeval is.

Adams het aan die hof gesê hy het ‘n Garmin-GPS-toestel uit Bosch-Jansen se motor gesteel. Sy het hom glo op heterdaad betrap en toe steek hy haar in die hart.

Adams het gesê hy het die GPS gesteel om sy dwelmhandelaar te betaal.

Adams is in Augustus 2014 aan roof skuldig bevind, en is toe ‘n boete van R3 000 of 12 maande tronkstraf opgelê, wat vir vyf jaar opgeskort is.

Die Kleurling sal volgende maand gevonnis word.

Nege beseer tydens vullis-staking

Nege mense is Woensdagmiddag beseer toe oproeriges van Pikitup gewelddadig geraak in Bertha Street in Braamfontein, Johannesburg.

Volgens ER24 se woordvoerder Russel Meiring, is paramedici na die toneel ontbied, en by aankoms nege pasiënte op die sypaadjie aangetref.

Hy het verduidelik dat paramedici die pasiënte behandel het op die plek en daarna na ‘n nabygeleë hospitaal vir verdere assessering geneem het.

“Die pasiënte het klaarblyklik dié besering opgedoen tydens ‘n protesaksie,” het hy gesê.

Die Johannesburgse metroraad het intussen die gedrag van stakende werkers van die afvalverwyderingsmaatskappy Pikitup, skerp veroordeel.

Die werkers wat sedert Maandag staak, het die middestad tydens ‘n optog na die maatskappy se hoofkantoor met vullis bestrooi en klippe na die polisie gegooi voordat hulle met rubberkoeëls uiteeengejaag is.

‘n Lid van die Burgermeesterskomitee vir Omgewingsake en Infrastruktuurdienste, Matshidiso Mfikoe, sê dit is onaanvaarbaar dat werkers onwettig begin staak, ‘n hofbevel ignoreer om terug te keer werk toe, en voortgaan om die stad te bevuil.

Pikitup se woordvoerder Jacky Mashapu het gesê die maatskappy sal die beginsel van geen werk, geen betaling nakom en sal werknemers wat deelneem aan die onwettige staking uitsluit.

“Ons is besig om onvermoeid te verseker dat dienste so gou as moontlik herstel word,” het hy gesê.

Pikitup het verder aangedui dat inwoners aangemoedig word om vullisdromme in hul eiendom te hou tot tyd en wyl alternatiewe reëlings getref kan word vir verwydering.

Maatreëls om opgehoopte vullis te verwyder sal deur die maatskappy gekommunikeer word.

Oorlewende Russiese vlieënier ontken Turkse bewerings

Die oorlewende bemanningslid van ‘n Russiese vegvliegtuig wat deur Turkye neergeskiet is, sê hulle het geen waarskuwing van die Turkse lugmag ontvang nie, waarskynlik omdat hulle nooit binne die Turkse lugruim gevlieg nie, het Reuters berig.

Turkse F16-vegvliegtuie het Dinsdag naby die Siriese grens die Russiese vliegtuig afgeskiet. Volgens Turkye het die Russiese vliegtuig Turkse lugruim geskend.

Kapt. Konstantin Murakhtin (39), medevlieënier is deur Russiese en Siriese spesiale magte gered nadat hy die smeulende tuig per valskerm kon ontsnap.

ISIS-terroriste het die vlieënier wat ook per valskerm uitgeskiet is, lt.kol. Oleg Peshkov, in die lug doodgeskiet en daarna sy lyk onteer.

“Daar was geen waarskuwing nie, nie oor die radio of visueel nie. Daar was geen kontak nie,” het Murakhtin gesê.

“As hulle ons wou waarsku, kon hulle hulself gewys het deur ‘n paralelle koers te vlieg. Daar was niks.

“Die missiel het skielik die stert van ons vliegtuig getref. Ons het dit nie betyds gesien om ‘n teenmissiel-maneuver te doen nie,” het hy gesê.

Turkye sê die vliegtuig is glo “10 keer” gewaarsku om sy koers te verander. Turkye se bewerings, wat in ‘n amptelike verklaring aan die VN gerig is, het egter wenkbroue laat lig weens die ongeloofwaardigheid daarvan.

Volgens die Turke se verduideliking moes die supersoniese Russiese vliegtuig teen stolspoed deur die Turkse lugruim beweeg het, wat onmoontlik is.

Die Russe ontken dat hulle oor Turkse gebied gevlieg het.

“Ek kon perfek op die kaart en op die grond sien waar die grens was en waar ons (in Sirië) was. Daar was geen bedreiging dat ons Turkye sou betree nie,” het Murakhtin gesê.

China maak reg vir Suid-Afrikaanse besoek

Volgens die Chinese minister van buitelandse sake, sal Beijing bilaterale samewerking met Afrikalande verhoog in die stryd teen terrorisme en ekstremisme.

China sal sy samewerking met Afrikalande in die stryd teen terrorisme verhoog ná die onlangse aanval op ‘n Malinese hotel wat die lewens van 19 mense, waaronder drie Chinese burgers, geëis het, het die Chinese minister van buitelandse sake Wang Yi Donderdag gesê.

“‘n Paar dae gelede, in Mali, was daar ‘n terroriste-aanval met gyselaars, waarin drie Chinese burgers gedood is. China sal voortgaan om pragmatiese samewerking met Afrika te bevorder, en terselftertyd bilaterale samewerking in die stryd teen terrorisme en ekstremisme verstrek,” het hy gesê op ‘n forum wat die Chinese leier Xi Jinping se besoek aan Suid-Afrika voorafgaan.

Die Chinese leier se besoek aan Suid-Afrika is geskeduleer vir die begin van Desember.

Die minister van buitelandse sake het beklemtoon dat China ‘n “aktiewe deelnemer” is in die behoud van vrede en stabiliteit in Afrika.

Op 20 November, het gewapende mans van die Islamitiese Staat die Radisson Blu Hotel in die hoofstad Bamako bestorm, en 170 mense gyselaar geneem, meestal buitelanders. Negentien mense is doodgeskiet.

Die Chinese leier het die aanval veroordeel en Chinese veiligheidsagentskappe gemaan om Chinese burgers en maatskappye in die buiteland beter te beskerm.

VSA reik reiswaarskuwing uit na terreur

Die Amerikaanse departement van buitelandse sake het hul burgers aangeraai nie om nie reise te staak nie, maar sê Amerikaners moet waaksaam wees, veral met hoëdigtheidsaamtrekke.

Dié waarskuwing is uitgereik weens die “verhoogde terroriste-dreigemente” van militante groepe in verskeie dele van die wêreld.

Dit volg ná die dodelike terreuraanvalle in Libanon, Frankryk en Mali oor ‘n tydperk van minder as twee weke.

Volgens die departement kan moontlike aanvallers private of regeringsbelange teiken.

‘n Verklaring op die departement se webblad lui: “Inligting suggereer dat die Islamitiese Staat (ISIS), Al-Kaïda, Boko Haram en ander terreurgroepe steeds terreuraanvalle in verskeie streke beplan.

“Owerhede glo die waarskynlikheid van terreuraanvalle sal voortduur namate lede van ISIS van Sirië en Irak terugkeer. Daar is boonop steeds ‘n bedreiging van ongeaffilieerde mense wat aanvalle beplan wat deur groot terreurorganisasies geïnspireer is, maar op ‘n individuele grondslag uitgevoer word.”