Menings – Bladsy 96 – praag.co.za

Wat is die toekomsvisie van die VF+?

Die debat oor die VF+ soos Bert tereg uitwys duur al jare.

Ek is self maar skepties oor hoeveel nut deelname aan die "demockracy" vir Afrikaners het. Daar is diegene soos die HNP wat sê deelname is teenproduktief, want dit verleen geloofwaardigheid aan 'n onwettige bestel.

In dié sin dat daar 'n opvolgreferendum aan kiesers belowe is in 1992, iets wat nooit gebeur het nie, stem ek saam met die HNP. Daar is 'n argument te make dat blankes nooit die huidige Grondwet goedgekeur het nie, dat die NP aan ons gelieg het destyds en dat deelname vandag dus 'n onwettige situasie goedkeur.

Aan die ander kant is daar die argument wat sê mens moet maar die beste van 'n slegte saak probeer maak. Bismarck het gesê: "Politiek is die kuns van die moontlike." Die grootste persentasie van die LP's se salarisse word in ieder geval onvrywillig deur blanke belastingbetalers befonds. As ons dan nie eens deelneem nie, sit daar 'n horde kriminele in die Parlement (meer as helfte van alle ANC-LP's het geld gesteel tydens die Travelgate-skandaal) en maak wette wat ons regstreeks raak. As ons dan die HNP se voorstel volg, is daar nie eens 'n simboliese protes teen sulke wetgewing binne die Parlement nie, en dis al wat die VF+ myns insiens tans doen: dis 'n simboliese teenwoordigheid.

Of die VF+ se deelname 'n soustreinryery is, weet ek nie. Daar is vier lede van die VF+ tans in die Parlement. Ek weet nie presies hoeveel lede die VF+ het nie, maar vier uit die totaal is kwalik 'n grootskeepse soustreinryery, vergeleke met die ANC se horde LPs.

Daardie vier lede gaan waarskynlik elkeen 30 sekondes kry tydens debatte en doodgeskree word deur die klomp barbare in die Parlement (insluitende die DA se Engelse barbare.) As jy dan wel gaan deelneem, met die doel om Afrikaners se saak te stel, want daar's nie 'n manier dat die VF+ 'n verkiesing selfs in een provinsie gaan wen nie, gaan meer en belangriker mense na jou luister as jy in die kabinet is.

Wat ek ook nie van weet nie (miskien uit onkunde) is wat partye soos die HNP en AVP dan voorhou as 'n alternatief tot deelname aan die Parlement. Dis goed en wel om te sê: "Kies reg, bly weg" maar wat is Plan B dan as blankes dan nie stem nie? Indien daar 'n Plan B is, word dit nie goed gekommunikeer nie.

Eintlik kan mens dieselfde kritiek teen die VF+ opper, en dis vir my die groter probleem met hulle deelname as sprake van soustreinryery. Hulle neem weliswaar deel, maar wat is die doel met deelname? Gaan dit bloot oor kleinerige toegewings, of is daar 'n groter visie agter deelname? Weer eens, nes die HNP, as daar so 'n visie is, is my mening dit word nie goed gekommunikeer nie. Ek kry selfs die indruk dat veral sprake Afrikanervryheid iets is wat nie te hardop gesê mag word nie.

mositaldent

Mulder pleeg verraad

In September 2004 het ek en Jacob Mouw op die Praaglys in debat getree oor die integriteit (of bewoë tekort daaraan) van die Vryheidsfront Plus. Jacob het voorspel dat die VF+ moontlik uit die parlement sal stap uit protes, waarop ek uiters sinies reageer het en genoem het dat die VF+ party slegs in die parlement sit ter wille van hul eie persoonlike prestige, vet pensioene en loopbaanoorwegings.

Kort daarna het ek ’n redelike sterk bewoorde epos van Dr Pieter Mulder ontvang, waarin hy kla oor die opofferings en ontberings wat hy heel altruïsties prysgegee het om ter wille van ”ons mense” in die parlement die stryd voort te sit. Interessant genoeg het ’n duidelike vies martelaar Mulder het sy epos afgesluit met die volgende woorde aan my:

"Of ek dit alles dan vir 'ons mense of ons taal' — of net vir myself doen– soos jy beweer, sal die geskiedenis eendag beoordeel en nie jy alleen nie.

Wel, ’n skrale vier jaar later en nou kan ons (sowel as die geskiedenis) seker maar ons oordeel fel? Dit het pas aan die lig gekom dat Dr Mulder ’n adjunkministersposisie in (van alle mense) Pres Jacob Zuma se kabinet aanvaar het. Dit nogal sonder om enigsins met sy leierskorps in die VF+ te konsulteer, en om dinge nog erger te maak, word ene Cornelius Janse van Rensburg (VF+ jeugleier) ”gedissiplineer" deurdat hy gewaag het om te noem dat die beginsels van die ANC hemelsbreed verskil van die van die VF+. Natuurlik sal dit die beginsellose, opportunistiese Dr Mulder en sy trawante kriewelrig maak en hulle oor hulle voete laat val om die arme jeugleier se mond te snoer.

Dis uiters tragies hoe vinnig Mulder se ”rotsvaste beginsels” vertrap en geminag word as die ANC Dingaan sy vingers klap om hierdie ”eerbare” Boereleier in sy kraal in te nooi sodat hulle almal uit die selfde krip kan vreet. Elke man het sy prys, maar selfs die links-liberale media staan verstom dat Mulder so maklik omgekoop is. Een van die Engelse dagblaaie skryf vandag: ”Kortbroek van Schalkwyk en die hele NNP is lag lag omgekoop met ’n enkele ministerspos, maar Mulder is ondergeskik (expedient), laag en goedkoop genoeg om vir ’n derderangse adjunk ministerspos te val”.

Uit ander kringe word dit al vir jare lank voorspel dat die VF+ ”op pad” na die ANC is. Nou het hulle hoofleier sy oneerbare sprong gemaak. Dankie Dr Mulder –in u eie woorde sal die geskiedenis u eendag (nou) beoordeel. Ek laat u met die wyse woorde van Cicero:

‘n Volk kan sy dwase, selfs die eersugtiges onder hulle, oorleef, maar nie verraad uit die binnekring nie. ‘n Vyand voor die poorte is minder vreesaanjaend, want hy word uitgeken en hy laat sy vlae openlik wapper. Dog die verraaier beweeg vrylik tussen diegene binne die poorte terwyl sy slinkse fluisteringe deur al die gangetjies ruis en selfs in die regeringsetel self hoorbaar is. Want die verraaier verskyn nie as verraaier nie – hy praat in tone wat aan sy slagoffers welbekend is, sy aangesig en sy gewaad is soos hulle s’n, en hy beroep hom op ‘n soort gemeenheid wat diep in die harte van alle mense verskuil le. Hy vermurwe ‘n nasie se siel – hy werk heimlik en ongesiens in die duister om die stutpilare van ‘n stad te ondergrawe – hy besmet die staatsmasjinerie totdat dit van alle weerstand beroof is. Selfs van ‘n moordenaar is minder te vrees.
Cicero, 42 v.C.

‘Ntonto Isizwe’

Ek is nie so goed met die Zoeloetaal nie maar het grootgeword met so ietsie daarvan – dis ‘n mooi taal wat rym.

So het ek geleer dat ‘Mkonto Isizwe’ beteken ‘Spies/assegaai van die Nasie’. Maar ‘Ntonto’ beteken penis!

Die ergste belediging of vloek wat jy in Zoeloe kan uitspreek is om vir iemand te sê: [hy / sy is ‘n..] Ntonto Inja = die p**l van ‘n hond! 'n Allervreeslikste ding om te sê. Hy/sy sal jou daaroor nooit vergewe nie en permanente vyandskap is jou voorland.

Ek is 'n dokter en dikwels vertel ek my swart pasiente as hulle my uitvra oor my ou weermaghelm wat ek vir my motorfiets gebruik, die volgende:

Dat ek as recce in Ntonto Isizwe geveg het onder opperhoof Mpata-Pata [dit beteken coitus]. Dis ook die liedjie wat op Mbeki se inhuldiging gesing is met die aansteeklikse ritme sodat die skare saamdans.

En dat ons al ons gevegte gewen het net soos President Zuma.

Ek wens julle kan dit beleef. Na die aanvanklike ongelowige skok, kom die absolute skaterlag van veral die swartvrouens wat Zoeloe verstaan.

Nou dink ek dat die besnydenis in Botswana ook maar ‘n projek van Ntonto Isizwe is.

Groetnis op die hogere noot!

жидкое мыло Фільчаков прокурор

Blade Nzimande as minister vir ‘ho?r’ onderwys

Teenoor die aanstelling van Pieter Mulder as adjunkminister van landbou wat moontlik iets goeds vir die land en vir Afrikanerboere kan beteken, staan die benoeming van die kommunistiese leier Blade Nzimande as minister van sogenaamde "hoër onderwys".

Dit val saam met Nadine Gordimer wat haar steun vir Kubaanse soldate tydens die vorige grensoorlog uitgespreek het en vra dat president Barack Obama Amerikaanse sanksies teen Kuba herroep.

Suid-Afrika het hom sedert 1994 – en selfs daarvoor – onderskei as 'n land waar kommunisme steeds in 'n positiewe lig gesien word, anders sou ons nie soveel kommuniste in die kabinet gehad het nie. Stellenbosch sou ook nie – met die steun van Nasionale Pers, die SAUK en ander hoofstroommedia – 'n eredoktersgraad postuum aan Bram Fischer toegeken het nie. Regoor die land is strate, sale en plekke na kommuniste vernoem.

Dr. Theuns Eloff, rektor van die Noordwes-universiteit, is op rekord dat hy homself as 'n "revolusionêr" beskou. Saam met hom juig al die ander universiteitshoofde seker oor kameraad Blade wat binnekort die studie van dialektiese materialisme en dalk prolatariese wetenskap op die kampusse gaan verplig.

Ons rooi kampusse wat al hoe meer ekstremisties raak in hul steun vir grondhervorming, hul verwaarlosing van Afrikaans en hul na-apery van die linkse en kommunistiese tradisie in die akademie, kry nou die minister wat hulle verdien.

Hoe gouer 'n Afrikanerowerheid tot stand kom om beheer te neem oor een of meer Afrikaanse universiteite sodat ons uit die voor-1989-denke wat aan ons kwasi-Kubaanse universiteite geld, kan ontkom, hoe beter.

справка кэк купить

Afrikanerrevolusie sal w?reld laat sidder

Ek stem saam met Deon de Wet-Roos dat 'n wettige pad nie enige heil vir die Afrikanerstrewe na 'n volkstaat sal bring nie. Behalwe as ons by buitelandse strukture simpatie kan wek vir ons volkstaat waarvan die Verenigde Nasies die belangrikste is.

Die vertoning van die Vryheidsfront+ in die afgelope verkiesing is nie 'n groot bron van kommer nie. Die meerderheid VF+-ondersteuners in my area het vir die Demokratiese Alliansie gestem om hul kanse vir amptelike opposisie te ondersteun. Uit gesprekke is dit vir my duidelik dat die meerderheid Afrikaners die Volkstaatgedagte ondersteun. Geen Afrikaner-organisasie kon sedert 1994 hond haaraf maak om die volkstaatgedagte gevestig te kry nie. Die 800 000 ondersteuners van die Vryheidsfront van 1994 het sekerlik gegroei inaggenome die toenemende ontnugtering met die verloop van die sosio-ekonomiese situasie in Suid Afrika.

Ons moet ook nie veel lees in die stemvertoning van die "expats" nie. Die meerderheid kon nie stem nie. Hoekom is die mense (meestal blankes) in die buiteland? Nie net vir 'n beter inkomste nie, maar omdat SA 'n gemors is ten opsigte van werksgeleenthede, veiligheid, swart bemagtiging, regstellende aksie en so meer.

Dit is onsinnig om vir enige Afrikanerparty te stem in die huidige politieke bedeling. Behalwe vir ons wat dit uit beginsel doen met geen verwagting dat die party enigsins opposiestatus sal bereik nie. Die Suid-Afrikaanse demokrasie is selfvernietigend en dit 'n illusie om daaraan deel te neem met mider as 30% van die kiesstem. Die Afrikaner en blanke in die breë word op alle terreine erodeer.

Dit is nie nodig dat die Afrikanerorganisasies eers moet saamstaan voordat vir 'n volkstaat baklei word nie. Almal sal inval as 'n organisasie dit regkry om die wereldmening te verander wat uiteraard neerslag sal vind by die SA regering. Ons moet grense trek en begin. Met aggressiewe bemarking binne en buitelands. Ons moet ten minste die steun van die Europese Unie, VSA en VN verwerf. Dan Roodt het grense voorgestel (ek weet nie of hy ernstig was daarmee nie), maar dit is wat moet gebeur. Die voormalige Volksfront het ook die volkstaat begrens.

Kwalifiseer die grense en begin net steun werf deur behoorlike voorleggings aan buitelandse strukture. Ons het 'n reg op selfbeskikking en dit gaan nie vanself kom nie. Daar stem ek saam met Deon de Wet Roos, as ons 'n volkstaat wil he sal ons nie net 'n wettige roete kan volg nie. 'n Afrikanerrevolusie sal die wêreld laat sidder. Dalk die enigste manier om ons erns vir selfbeskikking te demonstreer.

SA benodig ‘n Afrikanerleiersfiguur

Alhoewel ons nie oor die getalle beskik nie beskik ons wel oor ‘n mate van ekonomiese mag. Wat ons nodig het in SA is ‘n leiersfiguur wat die Afrikaner se verbeelding kan aangryp en mense kan mobiliseer. Sonder eenheid is die Afrikaner gedoem en beteken enige invloed wat ons mag hê niks.

Ek werk tans in Oostenryk en dis merkwaardig tot watter mate die Afrikaner se manier van doen (nie noodwendig kultuur nie) ooreenstem met dié van die Oostenrykers, beide goed en sleg. Die Oostenrykers steur hulle eenvoudig nie aan gewoontes soos om Engels te praat in die werksplek nie alhoewel dit ‘n “reël” is.

Alhoewel hulle ‘n klein staat in die Europese Unie is, laat hulle hulself geld op hulle voorwaardes, nie na aanleiding van die res van die wereld se reëls nie. Wanneer mense sien hulle kan ons as Afrikaners nie intimideer nie, sal hulle gedwing word om ons in ag te neem maar tot dusver akkomodeer ons andere ten koste van onsself.

Vergeet daarvan om mooi broodjies te bak en forseer diegene wat ons vyandiggesind is om die eerste skuif te maak. Na my mening was ons vir baie jare die “nice guys” en dis tyd dat ons die belange van ons eie mense aggressief voor die res stel. Dit geld veral vir ons jongmense wat haas geen kans het om werk te kry in SA nie.

Dis nog iets wat ons kan leer by die Oostenrykers, alhoewel hulle net so gerig is om hulself individueel te verryk soos die deursnee Afrikaner doen hulle alles om ‘n Oostenryker se kanse vir werk te versterk ongeag of hulle hom ken of nie. Hierdie metode gaan baie keer teen die maatskappybeleid om ander kulture in die maatskappye te vestig.

As Afrikaners moet ons besef dat ons ‘n beleid moet implementeer wat ons belange vorder en dit gaan nie noodwendig “wettig” wees of die ANC gelukkig maak nie. Ongelukkig dink ek dat daar bitter min kans is om ‘n wettige pad te volg terwyl die ANC en hulle aanhangers maak soos hulle lus het.

Ons voortbestaan gaan gepaard gaan met stryd. Dis ongelukkig die enigste taal wat die mensdom verstaan.

сауна банька

Ordentlikheid moet bly

Ek stem saam met jou, Anton. Daardie visie moet ondubbelsinnig, by elke geleentheid, van elke verhoog af gestel word. Doodgewone ordentlikheid bly vir my egter steeds deel van ons metodiek. Ordentlikheid moet egter nie met drif of oortuiging verwar word nie.

Verder moet ons onthou – 'n politieke party is nie 'n kerklike gemeenskap nie! Christene (leiers en kiesers) leef daarin sy oortuiging uit – geloof en Skrifbeskouing kan nie as voorwaarde geld vir toetrede nie – uitlewing daarvan (onder enige politieke bestel) is die eienskap daarvan.

Die politieke party wat die naaste aan my wêreld- en lewensbeskouing kom – dié kry my stem. Ag, en moet tog nie, soos talle van ons sê (nie jy nie), nie wil gaan stem nie! Hierdie wêreld is in al sy fasette bederf en daarom moet ek in die politieke party my politieke taak deurvoer.

Александр Фильчаков

Afrikaners sal m??t saamstaan

Terwyl die debat rondom die powere vertoning van die enigste oorblywende Afrikanerparty in die parlement, die Vryheidsfront Plus, voortwoed, sê sommige mense dat Afrikaners nie oor die nodige getalle beskik om by die stembus hond haaraf te maak nie, gegewe die immer stygende swart bevolking wat tans boonop vanuit ons buurlande aangevul word. Dieselfde mense meen dat die Afrikaner nie deur middel van partypolitiek nie, maar deur sogenaamde burgerlike organisasies sy regte en kultuur kan verdedig.

Feit is egter dat, solank as wat daar vyftig of meer Afrikaanse organisasies bestaan wat elkeen op sy eis die volk wil red, nóg die owerheid, nóg die volk daarbuite die huidige Afrikanerleierskap ernstig gaan opneem.

Terwyl daar konsensus oor kwessies soos die behoefte aan moedertaalonderrig en groter veiligheid bestaan, heers daar tog verskille in benadering en filosofie onder Afrikaners. Breedweg kan daar drie denkskole onderskei word:

1. Diegene wat tevrede is met die huidige grondwetlike bestel en bloot minderheidsregte vir die Afrikaner teenoor die owerheid wil beding. Onder diegene tel die FW de Klerk-stigting, Solidariteit, die Afrikanerbond en ander organisasies.

2. Diegene wat die huidige bestel as ontoereikend sien en Afrikanerselfbeskikking, hetsy in munisipale gebiede, hetsy in 'n aparte volkstaan voorstaan. Onder hierdie groep ressorteer die Vryheidsfront Plus, Radio Pretoria, die Tussentydse Afrikanerraad, Boerevryheidstigting en ander. Dit is ook PRAAG se standpunt.

3. Diegene wat die huidige bestel in sy geheel verwerp en weier om aan verkiesings of gesprekke met die regerende ANC deel te neem. Die HNP en sy verskillende splintergroepe is waarskynlik die beste verteenwoordigers van dié benadering wat die volk tot verset wil oproep.

Nieteenstaande dié verskille in benadering, streef elke faksie op sy manier Afrikanervryheid na en wil nie toesien dat ons volk vergaan of deur 'n groter Suid-Afrika volkome geassimileer word nie.

Dis van die uiterste belang dat alle bestaande groeperings met mekaar moet praat en onderhandel ten einde 'n verenigde front teenoor die regering, maar ook die DA-opposisie wat filosofies tot die verdwyning van die Afrikaner verbind is, daar te stel. Al wil die drie verskillende faksies nie met mekaar saamwerk nie, sou dit nogtans sin maak om drie oorhoofse federasies te vorm wat op elkeen van daardie benaderings geskoei is.

Indien nugterheid seëvier, sou die drie faksies soos hulle tans daar uitsien egter wel van tyd tot tyd met mekaar vergader om die gedagte van Afrikanereenheid te bespreek en gemeenskaplike beleid oor Afrikaanse skole en universiteite, asook gemeenskapsveiligheid en -welsyn, te formuleer.

Die meeste meningsvormers, selfs dié van links, is dit tans eens dat Suid-Afrika op die mespunt verkeer en oor die volgende paar jaar óf in chaos van die Zimabwe-tipe gaan versink, óf 'n samewerkingsmodel tussen die verskillende volkere en gemeenskappe gaan vind wat op die lang duur sukses sal verseker.

Juis omdat Afrikaners nie oor getalle beskik nie, het ons geen keuse as om 'n beeld van groter eenheid teenoor die regering en die buiteland te projekteer nie.

Die Afrikaner het 'n sleutelrol om te speel indien misdaad en die huidige verval in infrastruktuur en staatsdepartemente gestuit gaan word. Maar dan sal ons veel meer georganiseerd moet raak met duidelike politieke, ekonomiese en kulturele doelwitte wat nagestreef moet word.

VF+-leierskap het integriteit

Die 'probleem' met die VF+ is dat sy leiers eienskappe soos integriteit en doodgewone ordentlikheid besit. Dat hulle nie in retoriek en moddergooiery betrokke raak nie, maar met Christelike beskaafdheid en waardig optree.

Om genl. De Wet tydens die Rebellie te parafraseer: Ek sit liewer saam met sulke ouens op 'n mishoop as met verwronge 'beginsels' in die parlement.

Demografies het die Blanke in elk geval nie 'n kans nie, dus bly ek by my mense, mense met wie se beginsels en optrede ek my kan vereenselwig

Лобановский

Regses wag op ‘n leier

Uit wat ander briefskrywers vermeld, kan ons aflei dat daar voor 1994 omtrent 800 000 regses was. Hiervan was omtrent 450 000 ondersteuners van 'n volkstaat. Die volkstaters het toe die Vryheidsfront van genl. Viljoen gesteun. Sedertdien het 300 000 van hulle die Vryheidsfront+ verlaat.

Baie van die regses wat nie 'n volkstaat ondersteun het nie, kon moontlik sedertdien van gedagte verander het. Dus kan tussen 450 000 en 800 000 tans hulle steun aan 'n volkstaat toesê.

Waarskynlik wag hulle op 'n leier.

Sal 'n volkstaat bereik kan word binne die huidige stelsel of daarbuite?

Nie een van die rubrieke of briewe maak melding van die Volksraadverkiesingskommissie nie. Is hulle nie van hierdie opsie bewus nie of wil hulle nie daarvan bewus wees nie?набор инструментов

ANC: Uittreeklousule is belangrikste

'n Koalisie met die ANC-regering is nie onmoontlik nie – ongeag die afsydige houding van die meeste Afrikaners teenoor volksvreemde idiologieë en hul bitterheid oor ons lot. Dis meer moontlik as met die DA en kan tot groter voordeel vir ons mense strek. Daar is geen voordeel om met verloorders saam te werk of te betoog nie.

Alles sal afhang van minstens twee of selfs drie waarborge wat deur die Zuma-regering verskaf moet word:

1. Verbeel u hoedat die getraumatiseerde, verharde fundamentalistiese Afrikanerharte kan versag as Zuma eerstens die Boerevolk erken as ‘n inheemse stam / volk van Afrika en daaroor geen verder kwessie sal wees nie? Hy het dit tog klaar in die openbaar gedoen en nou moet hy net gestalte daaraan gee.

2. Dink net aan die trane en gebede van dankbaarheid indien al ons politieke gevangenes vrygelaat word en alle vervolging gestaak word en die lei skoongevee sou word! Want ek ken die Afrikaners en hulle is goeie, lojale en hardwerkende burgers waaroor die wêreld gaande is.

3. En verder indien ons as gelyke burgers toegelaat sou word om soos al die ander burgers van stamme, volke en tale hul eie selfbeskikking mag uitwerk – hoedat die Afrikaners sal help om hul tuislande saam met ons eie te ontwikkel.

Die een hand was tog die ander….

Dink net hoedat Zuma ge–Connie Mulder is deur Naspers – maar sonder sukses. Moontlik sou ons die ANC-regering teen die media- en propaganda-aanslag sou kon help want ons ken mos hulle vuilspel.

2. Dink net as die regering byvoorbeeld een staatsdepartement aan die VF+ kan gee, byvoorbeeld Gesondheid, hoedat ons daarvan ‘n beter sukses sal kan maak as Natuurbewaring en Toerisme onder Kortbroek – en tot die ganse volk en land se voordeel – want ons het die kundiges en hulle praat Afrikaans en Engels en selfs Zoeloe en ander inheemse tale.

So dan lê daar vir eers bemarking voor om die konsep of produk van samewerking aan ons mense te verkoop met alle moontlike verkoopstegnieke.

Maar soos alle kontrakte is die uittreeklousule die belangrikste.

As ons nie probeer nie sal ons nooit weet nie!

Mulderbroers moet liefs professore word

Anton Barnard se Gedagtes oor 'n toekomsvisie vir die VF+ is baie deurdag en goed gestel.

Goed genoeg om kommentaar en ook wat kritiek te lewer.

Behalwe wat hy oor Orania skryf stem ek met die meeste saam.

Synde 'n verstokte HNP-er moes dit my eintlik koud laat of die VF+ wel of nie oorleef nie. Die VF het egter 'n rol te speel en wel vir die jonger geslag (nou nog) Afrikaners.

Jong mense dink radikaal. Hulle wil skree vir 'n span en deelneem aan 'n sport, al is dit 'n verkiesing. Die HNP neem nie deel aan hierdie sport nie en sal dus nooit 'n massa jong mense agter hulle kry nie. Die VF+ neem egter wel deel en kan en moet daardie taak vervul.

Jy skets die probleme duidelik. Saamgevat: Die VF+ is 'n middel-van-die-pad party. Vir transformasie, maar nie soos nou nie. Ens. Hulle is te redelik en sonder vuur en passie.

Jou raad aan die VF: Hou op louwarm te wees, sal egter op dowe ore val, want die huidige VF+ kan nie anders nie. Die kern van die probleem, wat jy (uit ordentlikheid?) nie noem nie, is naamlik die twee gebroeders Mulder wat die VF+ oorheers en sy beeld bepaal.

Ek het geaarsel om dit so reguit te stel want die Mulders is, myns insiens, veral as ek hulle families sien, agtenswaardige en ordentlike burgers van die samelewing. In die politiek en ter wille van die toekoms van die Afrikaner moet mens daar egter aan verby sien.

Die Mulders is beroepspolitici en maak uit die politiek 'n bestaan. Hulle mis helaas die vuur en passie wat nodig is om 'n politieke party met sukses te lei. Hulle mis ten enemale die charisma van 'n Eugene Terreblanche of 'n Helen Zille. As hulle die VF+ bly lei sal die party voortploeter tot hulle aftrede. Dit is ook die enigste en ernstige rede dat al die stemmers in die buiteland Mulder en die VF+ so wreed in die steek gelaat het.

Anton vra dat die party sy beleid duideliker moet stel, soos om te sê wat hulle met "Vryheid vir die Afrikaner" bedoel en hoe hulle 'n volkstaat wil vestig, ens.

Anders as intellektuele stel die jongere garde, en eintlik die hele volk, glad nie belang in definisies en 'n duidelike uitspel van beginsels nie. Hulle wil dat 'n leier kragdadig optree en dreig: Ons eis.., ons wil.., anders gaan ons.., ens. Dit sit nie in die Mulders se bloed nie (deesdae praat mens van gene).

Wat hulle wel doen, is beeldpoets ('n pragtige Afrikaanse woord).

Aan die Universiteite van die Vrystaat en Pretoria (met Stellenbosch is ek nie op die hoogte nie) maak die VF+ met elke studenteraadsverkiesing skoon skip tot bedroewenis van die bestuur van daardie universiteite.

Onmiddelik duik dr Pieter op om saam met daardie jong mense vir 'n foto te paradeer. Asof hy aandadig aan die studente se sukses is. Daardie sukses is ondanks hom en die kieser voel sulks instinktief aan.

'n Ander keer sien mens Mulder parmantig langs Mbeki staan nadat hulle sogenaamd (asof die ANC hom enigiets van Mulder en sy VF+ aantrek) samesprekings gevoer het. Is ek die enigste een wat hom aan daardie foto vererg het?

Ter wille van die Afrikanerjongmense en dus die Afrikaner se toekoms sou my raad (wat waarskynlik net so op dowe ore sal val as joune) wees: Geagte here Mulder, kry 'n professoraat aan Potch of 'n ander universiteit en bly die VF+ van agter die skerms van goeie raad bedien.

Wat Orania betref, verskil ek hewig van Anton Barnard wat skryf dat dit "kennelik 'n interessante eksperiment (was), maar ongelukkig het dit nie gewerk nie".

Orania het weliswaar nie die groei getoon waarop ons almal gehoop het nie. Tog bestaan Orania en lewe.

Dit word, sover ek kan beoordeel, goed bestuur en is goed georganiseer. Daar is 'n infrastruktuur. Dit is 'n Volkstaat in die kleine.

Wat die toekoms betref, kan enigiets gebeur, al sien ek nie dat Orania sommer tot niet sal gaan nie. Hulle grootste probleem vir nywerheidsontwikkeling is die groot afstand teenoor die markte.

As daar egter eers net een Afrikanerondernemer of desnoods 'n Portugees sou wees, wat strontsiek is vir Cosatu, stakings, misdaad, die rassetelkaart, bemoeienisse van die Departement van Arbeid en ander frustrerende amptenary, hom daar vestig en werkers nodig het, en hy maak 'n sukses daarvan, kan hy die katalisator wees vir verdere vestigings en moontlike vinnige uitbreiding.

Goed, jy glo dalk nie in drome nie, maar jy glo tog wel dat Suid-Afrika verder afwaarts kan daal. Omstandighede kan so verander dat hierdie droom bewaarheid word.

Dan bespiegel jy oor die moontlikheid van 'n volkstaat, dalk êrens in die Wes-Kaap of 'n deel van Pretoria. Ek weet nie hoe mens die samewerking van die ANC-regering hiervoor sal kry nie.

Jou vergelyking met die Palestyne en die Baske se gedeeltelike selfregering gaan nie op nie. Daardie twee volke het histories al hul eie geografiese gebiede. Die Afrikaner moet dit nog soek.

Op die oomblik is daar, behalwe Orania, nog twee klein volkstate, naamlik Kleinfontein oos van Pretoria en die een by Balmoral. Almal het maar hul eie probleme, maar as jy op 'n Sondag deur Kleinfontein sou ry, sou jy verbaas wees oor wat jy daar sien. Behalwe die dorp met 'n wildpark is daar ten suide nog 'n gebied met kleinhoewes. (Ek besit 'n nog onbeboude een daar).

In die brosjure van Kleinfontein word gepraat van die ideaal van 'n Gemenebes van vrye Boere-Afrikanervolkstate. Daardie ideaal (nou in jou woorde:) beteken vir my 'n visie van "regering deur Afrikaners, oor Afrikaners, vir Afrikaners".

Ek glo in en ondersteun daardie ideaal.

современную люстру

Afrikaners is weer relevant

Dit is noodsaaklik dat ons na die afgelope verkiesing nie in ‘n gemoedstoestand van negatiwiteit verval nie en die geleendhede wat die huidige situasie aanbied raaksien.

Een van die meer positiewe verwikkelinge is dat die Afrikaner weer relevant in die Suid Afrikaanse politiek geword het. Veral vir die DA, was die Afrikaanse stem van kardinale belang, en dit lyk of die ANC onder Zuma voelers uitsteek vir Afrikaanse kundigheid om die verval van dienslewering te bekamp.

Die uitdaging sal wees om Afrikaners as politieke mag te mobiliseer tot voordeel van toekomstige Afrikanerbelange, maar hiervoor is ‘n toekomsvisie nodig wat as inspirasie sal dien, en dit is net hier waar ons met ‘n probleem sit..

Tans is daar geen politieke rolspeler wat so ‘n toekomsvisie aan die Afrikaner bied nie, met die gevolg dat daar geen realistiese alternatief vir die Afrikaner is as om vir die DA (met sy uitstekende negatiewe politieke veldtog) te stem nie..

En wat kan so ‘n toekomsvisie behels? Wat motifeer die Afrikaner tans en wat het hom die afgelope twee eeu aangespoor? Die opbou van eie kultuur en opleidingsinstellings lyk op die oog af belowend; maar vir die gewone Afrikaner wat kop bo water moet hou onder ‘n toenemende agtergrond van wetteloosheid en burgerlike verval, beteken dit nie veel nie. As dit by fisiese, ekonomiese en kulturele sekuriteit kom is die enigste langtermynoplossing ‘n sekere mate van selfbeskikking.

Dit is dus vreemd dat daar in ‘n gebied soos Pretoria/Centurion waar honderde duisende Afrikaners gekonsentreer is; niemand tot dusver probeer het om Afrikaners polities te mobiliseer met ‘n visie van streeksautonomie nie. So ‘n kernstreek kan fisiese; ekonomiese n kulturele sekerheid aan die Afrikaner bied, iets waarna hulle op die oomblik smag.

Weereens word daar nou ook verwarring geskep tussen die term Afrikaner, wat blank is, en dié wat slegs Afrikaans praat, die sogenaamde Afrikaanses of Afrikaanssprekendes en daarbenewens van 'n verskillende etniese groep is .

Naspers is links en die verkeerde opsie, net soos Zuma wat tot nou toe net die regte verkiesingsgeluide gemaak het.

купить домкраты

Afrikaners laat hulle aan die neus lei

Ek stem saam die Afrikaner is in 'n politieke wildernis en partypolitiek gaan ons nêrens bring in die huidige bestel nie. Die Afrikaner is tans verdeeld en volgens my is daar 3 hoofgroepe: die nie stemmers (hoofsaaklik regses), die wat VF+ stem en derdens die DA stemmers en ander liberales wat net 'n sterk opposisie in die parlement wil hê.

Waar ek nie saamstem nie is sy historiese agtergrond. Die idee dat die term Afrikaner geskep is uit "Cape Dutch" en dies meer wat aangehaal is, is volgens my nie heeltemal korrek nie.

In ensiklopedieë is die term "Afrikaner" wel bekend as iemand van blanke Europese en Kaaps-Hollandse afkoms, ander taal/volksgroeperinge het natuurlik ook 'n rol gespeel in die vorming van die Afrikaner soos ons vandag is.

Die Afrikaner het mettertyd al in die 18e eeu ontstaan as nasate van Hollanders, Duitsers, Hugenote en met die Trekboere, later Voortrekkers, se uittog uit die Kaap het die nuwe groep Boere/Afrikaners ontstaan. Die "Cape Dutch" wat egter agtergebly het in die Kaap, het veel later ook verafrikaans maar het ook nog maar meestal Hollands of Engels gepraat. Met die gelydelike "Afrikaansing" van Kaaps-Hollands het die Afrikaner en sy taal meer begin groei teen die latere jare van die 19e Eeu en met die vestiging van die ZAR(later Transvaal) en Oranje Vrystaat. Joiners, hensoppers , hanskakies was eintlik die verraderllike pro-Britse deel van sogenaamde Afrikaners, die Bittereinders die meer getroue deel.

Post Anglo-Boereoorlog het Afrikaners in 2 groepe verdeel- Die Pro-Britte wat onder Jan Smuts, Louis Botha was en die Nasionaliste onder JBM Hertzog wat gekant was teen deelname saam met Brittanje in die sg. 1ste Wêreldoorlog wat eintlik net 'n Europese oorlog -"The Great War" was.

Hoekom ek bogenoemde noem, is om te wys dat die Afrikaner tans, soos in die verlede, baie verdeeld is.

Ons grootste probleem is oortuigende leierskap en die Afrikaners (ongelukkig baie wat ook in die buiteland is) wat weereens soos in die referendum voor '94 en die NP van daardie tyd hul aan die neus laat lei of liewer verlei deur partye soos DA, COPE en selfs die ANC.

магазин игрушек