Die VSA en Rusland het ooreengekom dat Sirië inspekteurs toegang tot alle chemiese wapens moet gee voordat dit vernietig word.
‘n Raamwerkwat dievernietigingof verwydering vanSirië sechemiese wapensteen diemiddel van2014 is deur albei lande aanvaar.
Die Russieseminister van buitelandse sakeSergeiLawrofensy Amerikaanseeweknie,JohnKerryhet die plan ná hulderde dagvan onderhandelingeinGenève,Switserland, aangekondig.
Siriësal ook‘n ondertekenaar van dieOrganisasie virdieVerbod opChemieseWapens(OPC) word, wathul produksieen gebruik verbied.
John Kerry, die Amerikaanse minister van buitelandse sake, het Saterdag tydens ‘n mediakonferensie in Genève gesê Sirië moet binne ‘n week ‘n volledige inventaris van sy wapenvoorrade oorhandig.
Kerry het gesê dié versoek kan deur ‘n VN-resolusie afgedwing word en het gewaarsku dat sanksies teen Sirië ingestel sal word indien die land die versoek weier.
Die VSA het president Basjar al-Assad en sy regering daarvan beskuldig dat hulle verlede maand ‘n gifgasaanval geloods het, maar kon nie bewys lewer daarvan nie.
President Barack Obama het gewaarsku dat militêre optrede steeds nie uitgesluit is nie. Obama sê hy wil eers “daadwerklike optrede” van Assad se kant af sien. – AFP/RT
Die Brandstof Kleinhandelaarsvereniging het aansoek om ‘n dringende interdik gedoen ná voorvalle van intimidasie teen nie-stakende werkers in die brandstof- en motorverwante bedrywe.
Volgens die vereniging was daar gister alleen 20 voorvalle.
Vroeër die week is twee fotograwe ook aangerand. Die vakbond, SATAWU in die Vrystaat sê vragmotorbestuurders wat brandstof by vulstasies aflewer word aangeval.
Numsa se woordvoerder, Irvin Jim, het die optrede van die Brandstof Kleinhandelaarsvereniging as goedkoop truuks afgemaak en sê die vakbond sal dit teenstaan.
Die werkers staak sedert Maandag vir beter salarisse. – RSG
Senior polisiebeamptes het ‘n beplande klopjag op liefdadigheidsorganisasies wat met oudpres. Nelson Mandela verbind word, in die kiem gesmoor, berig die Mail & Guardian.
Hoëvlak-polisiebeamptes was glo bekommerd dat die klopjag op die Nelson Mandela-stigting, die –kinderfonds, en die –trust, verleentheid sal veroorsaak.
‘n Brief van die Valke is daarna onder meer na Mandela se familielede gestuur om finansiële state te eis.
Oupa Ngwenya, woordvoerder van Sibongile Mkhabela, uitvoerende hoof van die Nelson Mandela-kinderfonds, het bevestig dat hulle ‘n brief ontvang het.
“Die rekening wat die Nelson Mandela-kinderfonds by Nedbank het, is openbare kennis en is verreken in die finansiële state vir die jaar wat op 31 Maart 2013 geëindig het en is ingesluit in die jaarverslag.”
Ngwenya en Danielle Melville, woordvoerder vir die stigting se uitvoerende hoof, het gesê die briewe is na Mandela se prokureur, Bally Chuene, gestuur.
Die briewe hou glo verband met aanklagte van bedrog, vervalsing en uitgifte wat teen Mandela se voormalige prokureur, Ismail Ayob, aanhangig gemaak is.
Mandela se dogters, Makaziwe en Zenani Mandela-Dlamini, het ‘n aansoek voor die hof gebring om George Bizos, Tokyo Sexwale en Chuene as direkteure van Harmonieux Investment Holdings en Magnifique Investment Holdings te verwyder. Die saak is in Julie van die rol geskrap.
Die voormalige staatshoof sterk aan by die huis nadat hy vir ‘n longinfeksie in die Harthospitaal in Pretoria behandel is. – Sapa
Die polisie se woordvoerder, luitenant-kolonel André Traut, het gesê die polisie het geen rekords van dreigemente wat teen ene Carina Papenfus van die Freedom Trust of die Engelbrechts gerig is nie.
Papenfus, wat ‘n voormalige geestespasiënt van die Lentegeur Psigiatriese Hospitaal is, het haar as ‘n “verontregte” plaaswerkerseun, Flippie Engelbrecht, se beskermer aangestel. Sy is vroeër van die rol geskrap en kan dus nie as regsverteenwoordiger vir Engelbrecht optree nie, alhoewel sy nie enige mediaberigte wat haar só aandui, aanvanklik betwis het nie.
Papenfus, wat voorheen psigiatriese behandeling ontvang het – onder meer vir ‘n obsessiewe kompulsiewe versteuring – het aan die media gesê sy ontvang “vieslike” dreigemente.
Intussen het ‘n swart vrou, MarthaKunene –wat eers virPapenfus gewerk het – na vore gekom. Kunene het glo ‘n huis vanPapenfus gekoop, maardie eiendomis nooit inhaar naam oorgedra nie.
Kunenehet gesê: “Ek sal haardoodmaak.Ekhet alles verlooras gevolg van haar, alles,my man, myhuis,my werk..Alles asgevolg vanCarina.“
Die Burgergesin, teen wie Papenfus ‘n volgehoue veldtog voer, het hul swye oor hul 62-jarige gesinshoof se dood uiteindelik verbreek.
Die boer, wat van aanranding op Engelbrecht in 2008 aangekla word, het homself ‘n week of wat gelede by sy huis op die Rietvallei-wynlandgoed in Robertson doodgeskiet.
Sy seun Kobus wat die bestuur van die landgoed oorgeneem het, het aan die Cape Argus gesê dat die gesin “ruimte” nodig het.
“Op hierdie punt fokus ek op my familie,” het hy gesê.
Burger se dood beteken dat “Dozi” Treurnicht alleen die hofverrigtinge sal moet trotseer. Tydens die vorige verskyning, net ‘n dag of twee voor Burger se selfmoord, moes die polisie skokgranate gebruik om woedende betogers buite die hofgebou uiteen te jaag.
Dit staat beweer dat Burger en Treurnicht Engelbrecht in 2008 vir Engelbrecht aangerand het. Die Freedom Trust beweer Engelbrecht het as gevolg daarvan blind geword en epileptiese aanvalle begin kry.
Hy het weens die epileptiese aanvalle in die vuur geval en het albei sy hande verloor.
Die polisie het bevestig dat hulle nog drie klagtes van aanranding teen die plaasbestuurder ondersoek .
“[Daar is] twee aanklagte van aanranding en een van seksuele aanranding. Ons kan egter nie oor die ondersoek op hierdie stadium uitbrei nie.”
Papenfus beweer dat “baie” ander plaaswerkers na vore gekom het ná Burger se dood en Treurnicht kan van ‘n “berg klagtes” in die toekoms verseker wees.
Papenfus se pogings om die wynbedryf te kry om Rietvallei-wynlandgoed se produkte op die internet te boikot, het kritiek uitgelok weens haar volgehoue en opvallend vyandige sosialemediaveldtog teen Burger en Treurnicht .
Hierdie week is ‘n anti-Papenfuswebwerf, Carina de Vries Papenfus Uncut, en ‘n parodie-Twitter-rekening geopen. Die webwerf bevat skakels na die bladsy vir haar man se eiendomsmaatskappy, wat Papenfus as een van sy werknemers vermeld.
Wyne van Suid-Afrika se woordvoerder André Morgenthal het bevestig dat dié groep, onder andere ‘n e-pos in Julie ontvang het waarin ‘n boikot van die landgoed se wyne vereis word.
Die e-pos beweer dat die plaas se huidige bestuurder, Kobus Burger, die aanval op Engelbrecht gesien het en niks gedoen het nie.
Volgens boere in die gebied, het sommige kleinhandelaars reeds die wyne van hul rakke verwyder.
Engelbrecht het aan epilepsie gely het ten minste twee jaar voordat hy na bewering aangerand is. Maandag het die Cape Argus berig dat ‘n voormalige buurman van die Engelbrechts Engelbrecht tydens ‘n epileptiese aanval in 2006 gesien het.
Hierdie en vele ander oënskynlike teenstrydighede – soos getuienis vervat in Engelbrecht se mediese rekords – het daartoe gelei dat mense Papenfus se motiewe en agtergrond bevraagteken.
Werkers in die Bredevallei het aangedui dat Flippie nou “baie ryk” gaan word omdat Papenfus haar so oor hom ontferm het. Die Burgers gaan glo hul vier plase moet verkoop en “kaal uitgetrek” word, meen hulle.
Prestasiebonusse is uitgedeel in die nasionale jeugontwikkelingsagentskap (Nyda) terwyl die agentskap self erken dat hulle nie projekte uitvoer nie.
Die afgelope boekjaar het dié bonusse die belastingbetaler byna R8 miljoen gekos, het Die Burger berig.
Nyda het vroeër in die parlement erken dat hy reeds in die eerste kwartaal van die huidige boekjaar net 14 van 27 projekte kon aanpak.
Dié wanprestasie het egter nie verhoed dat ‘n verdere R7,7 miljoen in huidige boekjaar opsy gesit is vir prestasiebonusse nie. Ten minste 250 studente sou voordeel kon trek uit die beurstoekenning van gemiddeld R30 000 per student.
Nóg die voorsitter nóg die Nyda-woordvoerder het navrae gereageer.
Collins Chabane, minister van prestasiemonitering en evaluering, het gesê die bonusse is uitbetaal uit “erkenning vir prestasies in die boekjaar 2011-’12”.
Vier swart mans sal vandag in die hof verskyn in verband met die wrede moord op ‘n apteker van Oranjeville.
Thabang Motloung, Tsietso Motloung, Teboho Mofokeng en Sthembiso Mnune sal na verwagting om borg aansoek doen, het OFM berig.
Die vier staan tereg op aanklagte van moord, roof en brandstigting nadat hulle Vivien Ponté verlede maand in haar huis vermoor en haar kamer aan die brand gesteek het.
Die polisiewoordvoerder in die Vrystaat, Peter Kareli, het gesê die vier vermeende aanvallers het dieselfde aand ook na bewering by ‘n nabygeleë laerskool ingebreek, waar hulle kos en geld gesteel het.
Sewe-en-twintig-duisend lede van die Suid-Afrikaanse Polisiediens is aktiewe direkteure in privaatmaatskappye wat moontlik nie hulle belange verklaar het nie.
Dit het aan die lig gekom in die Spesiale Ondersoekeenheid se tussentydse verslag vir April tot September verlede jaar. Die verslag is deur die Komitee oor Justisie en Grondwetlike Ontwikkeling in die parlement ter tafel gelê.
In die verslag word beweer dat 99 maatskappye verbind word met werknemers in die polisie en dat sake met die polisiediens ten bedrae van R21 miljoen gedoen is.
Drie-en-sewentig werknemers van die polisie, wat geregistreer is as verskaffers op die polisie se databasis, het na bewering nie hulle belange verklaar nie.
Die Ondersoekeenheid se verslag oor die polisie volg op talle ondersoeke wat gedoen is ná bewerings van ongerymdhede in die polisiediens tussen 2009 en 2011. – RSG
Die huidige proporsionele kiesstelsel is die geskikste kiesstelsel vir Suid-Afrika het Dr. Pieter Mulder, VF Plus-leier en adjunk-minister van landbou, bosbou en visserye verklaar. Omdat dit die beste kiesstelsel vir Suid-Afrika is, behoort dit behou te word en nie verander te word nie. Dit is die bevinding van ’n navorsingstudie oor kiesstelsels wat vir ’n doktorsgraad aan die Noordwes Universiteit gedoen is.
Die Vryheidsfront Plus se parlementêre leier, Pieter Groenewald, het hierdie week sy doktorsgraad in Politieke Studies by die Potchefstroomkampus van die Noordwes-Universiteit ontvang met hierdie studie. Die titel van sy proefskrif is: “Die Suid-Afrikaanse nasionale kiesstelsel – ’n kritiese ontleding en alternatiewe.” Die studie is gedoen onder leiding van prof. Andre Duvenage van die Noordwes-universiteit.
Die doel van sy studie was om te bepaal of die bestaande geslotelys- proporsionele verteenwoordigende kiesstelsel die geskikste kiesstelsel vir Suid-Afrika is. In sy studie het dr. Groenewald twaalf verskillende kiesstelsels se voor- en nadele ontleed. Dit is gedoen aan die hand van ’n evalueringsmodel wat hy ontwikkel het. Die evalueringsmodel bestaan uit verskillende kriteria waarteen elk van die twaalf kiesstelsels gemeet is. Sy bevinding was dat die huidige geslotelys- proporsioneel verteenwoordigende kiesstelsel, die geskikste kiesstelsel vir Suid-Afrika is, en ook behou moet word.
Die kritiek teen die huidige kiesstelsel is dat dit te veel mag aan party strukture gee en nie die verantwoording van verteenwoordigers verseker nie. Dr. Groenewald het bevind dat kiesstelsels nie die mate van verantwoording van verteenwoordigers verseker nie. Dit word verseker deur die interne reëls en dissipline van die verteenwoordigers se politieke partye. Dit is ook nie kiesstelsels wat kandidate in ʼn verkiesing aanwys nie, maar die onderskeie politieke partye. In enige aanwysing van kandidate sal die leierskap en partyburokrasie ʼn bepaalde rol speel, ongeag die tipe kiesstelsel.
Die VF Plus se verteenwoordigers in die parlement is tans die hoogs gekwalifiseerde span in die parlement met drie doktorsgrade en ’n advokaat in hulle midde.
Die Oos-Kaapse departement van gesondheid het ‘n verslag deur die Oos-Kaapse Gesondheidskrisis-koalisie ontken waarin beweer word dat die provinsie se gesondheidsdienste besig is om in duie te stort.
‘n Woordvoerder van die departement – Sizwe Kupelo – het die verslag as oordrewe bestempel en sê dat baie sedert 1994 verander het toe die ANC aan bewind gekom het.
Hy sê primêre gesondheidsdienste het toe nie in die oostelike dele van die provinsie bestaan nie, maar dat meer as ‘n duisend klinieke sedertdien in die Oos-Kaap gebou is.
Meer as 200 klinieke is volgens hom tot dusver vanjaar opgeknap.
Hy het ontken dat daar ‘n gesondheidsorgkrisis in die provinsie is.
Die Oos-Kaapse Gesondheidsoalisie, sluit groepe soosSection 27,dieTreatment ActionCampaignendie LandelikeDoktersAssosiasievan Suid-Afrika in. – RSG/praag
Die verkeer in Bloemfontein sal na verwagting vandag ontwrig word wanneer honderde lede van die vakbond Numsa ‘n optog hou en ‘n memorandum met eise aan die Kleinhandelmotorbedryf oorhandig.
Veiligheidsmaatreëls sal met die oog op die optog verskerp word. Werkers in die voertuigonderdele- en brandstofbedrywe wat sedert Maandag staak, eis ‘n verhoging van 30 rand per uur.
Hulle eis ook ‘n nagskoftoelae van 20 persent meer as die standaardtarief.
Numsa sê hulle gaan voort met die optog ondanks die onderhandelings wat in Johannesburg voortgesit word. – RSG
Meer as 100 mense is Woensdag in hegtenis geneem weens openbare geweld en kwaadwillige saakbeskadiging in die Protea-gebied, sê die polisie in Soweto.
Ao. Kay Makhubela, polisiewoordvoerder, sê die mense is in hegtenis geneem tydens ‘n betoging oor dienslewering wat in die vroeë oggendure buite Randfontein begin het.
Impalaweg in die rigting van Krugersdorp en die N12 van Potchefstroom af is intussen weer oopgestel vir verkeer.
Makhubela sê chaos het uitgebreek toe honderde inwoners van die Waterworks-lokasie polisiebeamptes aangeval het.
Die inwoners wat in hegtenis geneem is, sal binnekort in die Westonaria-landdroshof verskyn. – Sapa
‘n Senior Suid-Afrikaanse amptenaar het die trekpas gekry omdat hy glo dronk was by die Chelsea-blommeskou in Londen.
Tami Sokutu, raadsvoorsitter van die Suid-Afrikaanse Nasionale Biodiversiteitsinstituut (Sanbi), is afgedank, sê Edna Molewa, minister van waterwese en omgewingsake.
Volgens Molewa se kantoor het sy eers onlangs van die voorval in Mei vanjaar uitgevind.
“Nadat die bewerings met mnr. Tami Sokutu, voorsitter van die raad, bespreek is, het die minister en mnr. Sokutu ooreengekom dat hy van sy pligte as voorsitter van die raad onthef moet word.”
Molewa het ook in ag geneem dat Sokuto onlangs met sabbatsverlof was, wat “moontlik daartoe gelei het dat hy nie sy pligte doeltreffend kon vervul nie”.
Die minister het Sokuto bedank vir sy leierskap die afgelope ses jaar.
Nana Magomola sal waarneem totdat ‘n nuwe voorsitter aangestel is. – Sapa
