‘n Suid-Afrikaanse ekspedisielid van ‘n span na Gough-eiland in die Suid-Atlantiese Oseaan, is oorlede.
Johannes Adriaan Hoffman, is Dinsdagoggend tydens sy tweede ekspedisie dood.
Zolile Nqayi, ‘n woordvoerder van die departement van omgewingsake het gesê die oorsaak van sy dood word tans ondersoek.
Hoffman is dood in sy bed aangetref nadat hy vermoedelik aan braaksel verstik het. Hy is die tweede Suid-Afrikaner wat tydens ‘n ekspedisie van die aard dood is
Nqayi het gesê die departement sal reëlings tref om sy liggaam van die eiland na Suid-Afrika terug te bring. Sy mede-ekspedisielede sal traumaberading ontvang.
Hoffman het meer as 15 jaar ervaring as ʼn elektroniese tegnikus in die ontwikkeling en instandhouding van elektroniese en kommunikasiestelsels.
Hy het soortgelyke ekspedisies vir die departement na Marioneiland en die Antarktika-basis onderneem.
Die dogter van die vermoorde leier van die Suid-Afrikaanse Kommunistiese Party (SAKP), Chris Hani en lid van AgangSA, het na Cope oorgeloop.
Vanessa Hani, sal ‘n groot aanwins vir die party wees,het Cope se sekretaris-generaal, Lyndall Shope-Mafole, in ‘n verklaring gesê.
Hani het gesê dit was ‘n moeilike besluit om AgangSA te verlaat.
Dit het onlangs bekend geword dat AgangSA vanuit die buiteland befonds word en gedwing word om aan sekere voorskrifte van die geldskieter te voldoen.
Shope-Mafole het gesê Hani se besluit wys Cope se groeiende aantrekkingskrag en dat dit die “enigste alternatief vir die regerende party is”.
Hani het gesê die huidige politieke leierskap kan nie die land “demokraties of verantwoordbaar lei nie”.
Sy het nie kommentaar gelewer op Agang-leier Mamphele Ramphele se onlangse noodlottige politieke manoeuvres om ‘n DA-samemeltingooreenkoms binne vyf dae te laat ineenplof nie.
Die ANC het aansoek gedoen om ‘n bevel wat die DA sou verhoed om na Luthulihuis op te ruk, nadat dit aan die lig gekom het dat die DA beplan het om ‘n veiligheidsonderneming gewapen met veiligheidshelms en -skerms sowel as skokstokke in te stuur.
In die lig van dié openlike provokasie het die ANC in reaksie ‘n menseketting om die hoofkantoor te vorm met ANC-lede wat hande vashou.
ʼn Dringende aansoek deur die ANC om Woensdag se DA-optog na Luthulihuis te keer, is egter deur die Suid Gautengse hooggeregshof in Johannesburg van die hand gewys nadat die DA afgesien van ‘n opmars na Luthulihuis.
Die DA het in die hof afgesien van hul uittartende en uitlokkende opmars nadat dit duidelik geraak het dat hulle optrede daarop gemik is om konfrontasie te soek.
“Ons is verheug oor die feit dat die DA in die hof ooreengekom het om nie naby die ANC-hoofkantoor te kom nie.”
“Dit is ‘n verkiesingsfoefie. Dit is bedoel om ons uit te lok, die kwessie te vertroebel en die aandag weg van die stand van die nasie te verskuif,” het die ANC se NUK-lid Malusi Gigaba gesê.
Die ANC het gesê hulle sal nie in dieselfde strik as Cosatu trap nie. Costau-lede was betrokke by skermutselinge met DA-lede.
“Ons kan snaakse woorde op hulle skree, maar daar sal nie ‘n fisiese konfrontasie tussen ons wees nie,” het Gigaba gesê.
‘n Blou see van DA-ondersteuners in hul T-hemde is by die vergaderpunt in Westgate saamgetrek, waar hulle “struggle”-liedjies dreunsing.
Die spanning in die middestad van Johannesburg is tasbaar. Praag het van bronne op die toneel verneem dat die ANC in groepe by sekere kruisings saamgetrek is.
Sauer-straat, waarin Luthulihuis is, is gepak met ANC-ondersteuners en stalletjies wat kleding en kos verkoop.
Die Europese Unie sal na verwagting vandeesmaand die meeste van die oorblywende sankiese teen Zimbabwe ophef, het RSG berig.
Die EU se buitelandse beleidshoof, Catherine Ashton sê sanksies sal weer ingestel word indien Zimbabwe menseregte skend.
Die EU het in 2002 sankies teen Zimbabwe ingestel in reaksie op dié land se optrede teen die opposisie en die afsetting van wit boere van hulle plase af.
Ashton sê die besluit om die meeste sanksies op te hef, volg op uitgebreide samesprekings met EU-lidlande en politici in Zimbabwe.
Twee vars mensekoppe is in ‘n Nigeriese hotelrestaurant in Onishta te ete aangebied. Die dis is as “geroosterde kop” op die spyskaart aangedui, het die International Business Times berig.
Die polisie het op die hotel se restaurant toegeslaan ná gerugte dat mensvleis daar bedien word. Hulle het afgekom op twee vars mensekoppe, deurdrenk van die bloed en toegedraai in sellofaan.
Inwoners is glo nie verbaas deur die restaurant se aanbieding nie, want die omgewing is glo die uithangplek van onverkwiklike siele.
‘n Pastoor was nogtans geskok om te ontdek dat hy mensvleis geëet het.
“Ek het gedink die vleis is baie duur, maar ek het nie besef dis omdat dit mensvleis was nie.”
Dié afskuwelike vonds het na die sluiting van die restaurant in die Nigeriese staat van Anambra gelei.
Beslag is ook gelê op twee AK-47-gewere, ander wapens, ammunisie en verskeie selfone.
Daar is voortdurend berigte van kannibalisme in Nigerië, maar dis die eerste keer dat ‘n restaurant betrap is dat hy mensvleis op die spyskaart aanbied.
In 2012, is Joshua Akindele, ‘n 56-jarige, in hegtenis geneem nadat hy by die polisie aangemeld is omdat hy na bewering kannibalisme beoefen.
Tydens sy ondervraging, het Akindele erken dat hy kannibalisme beoefen en menslike liggaamsdele vir rituele doeleindes verkoop.
Hy het beskryf hoe hy sy niksvermoedende slagoffers oor die kop geslaan het en hulle liggame in ‘n gat gesleep het wat gedien het as sy skuilplek.
Hy het die menslike verkoop aan sekere kerke gereelde kopers en sommer self daarvan geëet. Hy het ook vertel dat mensvleis duur is.
Ander kannibale het vertel dat hulle die dele van politieke en godsdiensvyande eet uit weerwraak.
In een onlangse geval in die Sentraal-Afrikaans Republiek het ‘n man sy slagoffer van die bus getrek, geslaan, gesteek en aan die brand gesteek nadat hy petrol oor hom uitgegiet het.
Daarna het hy sy been in die openbaar geëet. Die voorval is afgeneem deur omstanders met hul selfone, maar niemand het Ouandja Magloir probeer keer nie.
‘n Vorige diktator van die SAR vanaf 1966 tot 1979, Bedel Bokassa, was ook ‘n mensvleisliefhebber.
Die Demokratiese Alliansie sal Woensdag ‘n optog vir “regte” werk in Johannesburg hou.
Die party het aanvanklik gesê hulle sal ‘n optog na die ANC se hoofkantoor, Luthulihuis, in die middestad van Johannesburg, hou maar dié plan is in die wiele gery deur die metropolisie.
Die party sal na Beyers Naude Square, ‘n blok weg van Luthulihuis opruk.
Dit sal gelei word deur die DA-leier Helen Zille, DA parlementêre leier , Lindiwe Mazibuko , DA Gauteng premier kandidaat Mmusi Maimane, DA federale voorsitter Wilmot James en jeugleier Mbali Ntuli.
Die ANC het ‘n beroep op sy lede by Luthulihuis gedoen om die DA te “verwelkom” om sy memorandum te ontvang.
Die sogenaamde Waterkloof Vier sal vandag op parool vrygelaat word nadat die departement van korrektiewe dienste hul parool bevestig het.
Christoff Becker, Frikkie du Preez, Gert van Schalkwyk en Reinach Tiedt is in 2011 tot 12 jaar tronkstraf gevonnis vir die moord op ‘n hawelose swarte in Pretoria.
Ingevolge wetgewing het die vier reeds die helfte van hul vonnisse uitgedien en kon hulle vir ’n spesiale vonnisvermindering van ses maande in aanmerking kom. Hulle het reeds vyf en ’n half jaar van hul vonnis uitgedien.
Hulle sal egter aan streng paroolvoorwaardes moet voldoen.
Tiedt en Van Schalkwyk is uit die Zonderwater-gevangenis naby Cullinan vrygelaat en Becker en Du Preez uit die Kgosi Mampuru (Pretoria-Sentraal)-gevangenis.
Hul aansoeke teen hul skuldigbevinding is in 2008 deur die Appèlhof van die hand gewys.
Tiedt en Van Schalkwyk is twee jaar gelede vir agtien maande vrygelaat, maar hulle is weer in die gevangenis opgeneem nadat die departement suksesvol teen hul vrylating geappelleer het.
Judicial Watch se voorsitter, Tom Fitton, het Maandag gesê ‘n epos oor Osama Bin Laden se vermeende dood, “onthul die minagting vir die oppergesag van die reg en die Amerikaanse volk se reg om te weet”.
DEVGRU-groep
Die epos wat pas bekend gestel is, toon die Amerikaanse weermag se top-beampte van spesiale operasies wat ondergeskiktes beveel om enige foto’s van Bin Laden se lyk te vernietig of aan die CIA te oorhandig.
Judicial Watch, ‘n konserwatiewe geregtelike groep het toegang tot die epos verkry.
Verskeie meningsvormers in die VSA beweer dat die hele operasie ten Bin Laden ‘n skelm oëverblindery was.
Paul Craig Roberts is voorts van mening dat ‘n span spesialemagsoldate, SEAL Team Six, of die DEVGRU-groep deur hul eie regering vermoor is om die waarheid te verbloem.
‘n Pakistanse nuuskanaal het vroeër bevestig dat Bin Laden reeds oorlede was lank vóór die sogenaamde Amerikaanse aanval op sy woning.
Dié onthullende epos is 11 dae ná Bin Laden kwansuis deur Amerikaanse magte doodgemaak is, gestuur.
In die e-pos wat op 13 Mei 2011 gestuur is, sê adm. William McRaven, wat die hoof van die Amerikaanse spesiale operasies is, aan militêre beamptes dat foto’s van Bin Laden se lyk reeds aan die CIA oorhandig of vernietig moes gewees het.
Bin Laden is 11 dae vroeër in Abottabad, tydens ‘n lewendige uitsending aan die Withuis, “doodgemaak”.
McRaven se bevel het gekom 10 dae ná die Associated Press onder die Amerikaanse wet op vryheid van inligting vir die foto’s en ander dokumente gevra het.
Honderde mense in die suide van Engeland moes hulle huise verlaat nadat die Teems-rivier sy walle oorstroom en talle huise en sake-ondernemings onder die vloedwater deurgeloop het.
Weervoorspellers waarsku dat die rivier gaan bly styg, met nog swaar reën wat die volgende paar dae verwag word, het RSG berig
Rekord reënvalsyfers is reeds aangeteken. Veertien ernstige vloedwaarskuwings is intussen in die graafskappe, Surrey en Berkshire, wes van Londen uitgereik.
Die Britse hoofstad word deur die Teems-skansmuur beskerm. Dele van die suid-weste van Engeland is reeds weke lank onder water, ná die natste Januarie sedert 1766.
Inwoners pak die skuld op die Omgewingsagentskap, omdat hy blykbaar nie die plaaslike riviere skoongemaak het nie.
Die leier van die EFF, Julius Malema het by Mooiplaas in Pretoria aan sy ondersteuners gesê dat geen wetstoepasser hom sal keer om parlement toe te gaan nie.
Malema is vroeër in die Noord-Gautengse Hooggeregshof in Pretoria voorlopig gesekwestreer.
Indien dit ‘n bevel van die hof gemaak word, sal Malema nie toegelaat word om in die parlement te dien nie. Malema skuld meer as R16 miljoen aan die Ontvanger van Inkomste.
Sy ondersteuners sê dis deel van ‘n komplot om van hom ontslae te raak voor die verkiesing omdat hy so gewild is.
‘n Party-woordvoerder, Mbuyiseni Ndlozi, sê die Suid-Afrikaanse Inkomstediens word deur die ANC aangewend om hul leier die swye op te lê.
“SAID stem nie vir mense om na die parlement te gaan nie. Julle is dié [kiesers] wat mense stuur na die parlement as julle wil hê ons moet na die parlement gaan,” het Malema uitdagend gesê.
Die ANC is bekommerd oor Malema se waarskynlike sukses in die verkiesing op 7 Mei.
Malema het Maandag op Mooiplaas gesê enige persoon of party wat die sekwestrasiebevel teenstaan het tot 26 Mei om redes daarteen aan te voer.
Malema is die EFF se presidentskandidaat vir die verkiesing.
Mpsiane, links, die dag van Mandela se dood by hul R8,2 miljoen Wraith
Die Nasionale Vervolgingsgesag het bewerings ontken dat die hoofaanklaer in KwaZulu-Natal, Moipone Noko, die dossiere in ‘n multi-miljoenrand belastingsbedrogsaak laat verdwyn het.
In nog ‘n kinkel in die mislukte verhoor teen die Durbanse tenderpreneur Mpisane, kan die provinsie se hoofaanklaer krimineel vervolg word as inkriminerende beeldmateriaal oor die verdwyning van die dossiere geverifieer word.
Die dossiere hou verband met die belastingbedrogsaak van Shawn Mpisane.
Die Durbanse Streekhof het verlede maand 119 aanklagte van bedrog teen Mpisane teruggetrek.
Die verhoor het byna vier jaar geduur.
Geslotekringbeeldmateriaal wys die aankaler Noko waar waar sy hoogs sensitiewe, vertroulike lêers betreffende die saak in ‘n asblik gooi.
Net dae voor Mpisane se verhoor is die saak van die rol geskrap by die Durban-streekhof.
Dié onthullings kom kort nadat Mpisane beweer sy is onregverdig behandel deur die Nasionale Vervolgingsgesag (NVG).
‘n Woordvoerder van die NVG, Nathi Mncube sê hulle het nog geen formele klagte ontvang nie.
Daar ook nie ‘n interne ondersoek teen Noko van stapel gestuur nie.
Mncube het ontken dat Noko deur die nasionale direkteur van openbare vervolging ondersoek word.
Met Mandela se afsterwe op 5 Desember het die Daytona-vertoonlokaal in Durban gespog met ‘n uitstalling van baie duur mobiele statussimbole om die swart ikoon se “nalatenskap te vier”.
Die ster van die uitstalling was die R8,2 miljoen Rolls Royce Wraith wat die nuwe eienaars, die motorentoesiaste, Sbu en Shawn Mpisane trots tentoongestel het.
Die maatskaplike agentskap Sassa wat gemoeid is met die uitkering van staatstoelaes, sê die tenderproses vir die toewysing van uitkerings sal nie oorgedoen kan word nie.
Die Grondwethof het laat verlede jaar bevind dat die tenderproses ongeldig was.
Sassa sal betoë aan die Grondwethof rig om ‘n oplossing te vind sodat die betaling van die toelaes aan sowat vyf miljoen begunstigdes nie in die gedrang kom nie.
Die Hof het vroeër gelas dat ‘n verdere verhoor nodig sal wees om ‘n toepaslike regstelling vir die foutiewe tendersproses te vind.
Die ongeldigheidsbevel is opgeskort om te sorg dat die betaling van toelaes nie geraak word nie.
Sassa het egter aangedui dat dit nooit die bedoeling was dat betalings op ‘n permanente grondslag deur ‘n tweede party gedoen sal word nie
Sassa sal self uiteindelik die betaling van toelaes oorneem.
