Karin Roodt – Bladsy 16

Min entoesiasme vir EU-Afrika-spitsberaad

Die president van die Europese Raad, Herman van Rompuy, het die spitsberaad tussen Europa en Afrika as ‘n geleentheid bestempel vir Europa om vir sy koloniale verlede te vergoed en vrede, ekonomiese groei en werkgeleenthede in Afrika te skep, maar ontelders sê Europa het min aantrekkingskrag vir Afrika.

Die Europese Unie is Afrika se grootste ontwikkelingsvennoot, wat tussen 2007 en 2013 hulp van twee biljoen rand beskikbaar gestel het aan die vasteland.

Presidente en eerste ministers van Europa en Afrika het in Brussel byeengekom vir ‘n beraad tussen die die twee kontinente wat voorgehou word as ‘n geleentheid om vrede en beleggings op die wêreld se armste vasteland te bevorder.

Kenners meen egter die EU is bekommerd oor China se groeiende invloed op die vasteland wat hul toegang tot goedkoop hulpbronne kan belemmer.

Die spitsberaad is geopen met krisissamesprekinge Woensdag oor die “skrikwekkende” geweld in die Sentraal-Afrikaanse Republiek (SAR).

Dertien leiers van die Europese Unie en 12 Afrika-leiers het vergader met die sekretaris-generaal van die Verenigde Nasies, Ban Ki-moon oor die afwaartse spiraal van chaos waarin die SAR besig is om te versink.

Die VN-hoof hoop om die Veiligheidsraad te nader sodat ‘n sogenaamde vredesmag van 12.000 uiteindelik die 8.000 Afrika- en Franse troepe daar kan vervang.

Op die vooraand van die spitsberaad het die EU besluit om reeds 1000 troepe na die SAR te stuur, in weerwil van ‘n gebrek aan toerusting.

Ban Ki-moon het gewaarsku dat die situasie in ‘n volskaalse volksmoord kan ontaard, met kinders wat onthoof word, kannibalisme en wydverspreide summiere teregstellings.

Onwettige migrasie, handels- en veiligheidsprobleme in Afrika sal ook aangespreek word by die tweedag-beraad.

Die vorige EU-Afrika-spitsberaad in Tripoli is meer as drie jaar gelede onder toesig van die Libiese staatshoof Moeammar Gadaffi gehou voordat hy deur Anglo-Amerikaanse ondersteuners vermoor is.

Spanning oor China se invloed was reeds toe ook sigbaar.

Dit het intussen aan die lig gekom dat die geweld in Libië wat die lewe van ‘n Amerikaanse ambassadeur Chris Stevens geëis het nadat die VSA die land binnegeval het, doelbewus deur die Amerikaanse owerhede toegesmeer is.

Die CIA het erken dat hulle gelieg oor Libië, oor ‘n opstand in Benghazi wat nooit plaasgevind het nie.

In ‘n doelbewuste poging om die Amerikaanse nasie, sowel as mense regoor die wêreld te mislei, het Barack Obama, Hillary Clinton en die VN-ambassadeur Susan Rice gelieg en gesê die terrorisme-aanval op die diplomatieke missie in die stad was ‘n spontane opstand in reaksie op ‘n anti-Islam-video wat opgelaai is op die internet.

Die waarnemende CIA-direkteur Mike Morell sal openbare getuienis oor die Benghazi-versinsels lewer voor ‘n Staande komitee oor Intelligensie van die Huis van Verteenwoordigers dié week.

Intussen het China hul penetrasie van Afrika voortgesit, terwyl Indië, Brasilië, Turkye en Suid Korea ook tans soortgelyke geleenthede nastreef.

“In net ‘n paar jaar het Afrika ‘n aantreklike bruid geword wat kan kies tussen ‘n paar kandidate,” sê ontleder Geert Laporte van die Europese Sentrum vir Beleidsontwikkeling. Maar Europa is “op die oomblik baie onbegeerlik.” [But Europe right now does not have a lot of sex appeal]

President Jacob Zuma en Zimbabwe se Robert Mugabe het besluit om nie dit by te woon nie na ‘n geskil oor die uitnodigingslys.

Mugabe het weggebly omdat sy vrou Grace nie genooi is nie. Sy is een van talle gaste wat nie ‘n uitnodiging ontvang het nie.

President Zuma het Suid-Afrika se minister van buitelandse sake in sy plek gestuur.

OB-skokverslag dalk binnekort oor Vrystaatse premier

Die openbare beskermer (OB) gaan moontlik ‘n verdoemende verslag, Operasie Hlasela, oor die Vrystaatse premier, Ace Magashule, voor die verkiesing bekendstel.

Die verkiesing vind oor vyf weke plaas.

Ondersoeke na projekte waaronder die Vrede-suiwelprojek, die visprojek asook die ondersoek na die R40 miljoen-webwerf van die Vrystaatse provinsiale regering, is glo reeds in ’n gevorderde stadium.

Dit is egter nie seker wanneer dié verslae bekend gemaak gaan sal word nie, maar die OB het verklaar dat dit “eersdaags” mag wees.

Thuli Madonsela was die naweek in Bloemfontein ’n gasspreker by die kongres van die Regsvereniging van Suid-Afrika.

Sy het gesê die voorlopige verslag van Operasie Hlasela is reeds opgestel en kan dalk binne ’n maand afgehandel wees.

Sy wou nie sê wat die inhoud daarvan is nie.

Twee bejaardes wreed tereggestel in Smithfield, Ermelo

In afsonderlike voorvalle is twee bejaardes binne hul huise wreed vermoor in onderskeidelik Smithfield in die Vrystaat en Ermelo, Mpumalanga, vermoedelik deur swart aanvallers aangevuur deur openlike, staatsgedrewe etniese haat.

In Smithfield is Ounooi Badenhorst (77) in ‘n grusame teregstelling vermoor. Badenhorst is met ’n enkele skietwond in haar voorkop aangetref.

Dit wil voorkom of Badenhorst op ’n baie kort afstand geskiet is.

Sy was die vrou van ‘n voormalige burgemeester en voorsitter van die Smithfield-gemeenskapsforum.

Die aanvallers het toegang tot die huis verkry deur ’n gebreekte venster.

‘n Inwoner het onraad vermoed toe die buiteligte van die huis bly brand het en die polisie ontbied wat in die sitkamer op haar lyk afgekom het.

Daar word glo niks uit die huis vermis nie.

Die lyk van ’n 77-jarige man wat alleen op die plaas De Emigratie gewoon het, is in sy plaashuis naby Ermelo aangetref. Hy is glo met ‘n stomp voorwerp doodgeslaan.

Die man se naam nog nie bekend nie. Volgens ‘n polisiewoordvoerder het die plaasarbeiders ’n kennis gebel toe hy nie opdaag vir werk nie.

Die plaaseienaar het ’n week gelede ’n klag van huisbraak by die polisiekantoor aanhangig gemaak, maar dis nie seker of daar tans iets vermis word uit die huis nie.

Niemand is nog in verband met die moord aangekeer nie.

Vodacom, MTN verloor aansoek oor verlaagde selfoontariewe

Die uitsaaiowerheid kan van 1 April af verlaagde interkonneksie-tariewe afdwing.

Vodacom en MTN het hul saak teen Okosa verloor. Die twee selfoonreuse het vroeër ‘n dringende interdik verkry om die reguleerder te probeer verhinder om die nuwe, aansienlik laer tariewe vir Cel C en Telkom te implimenteer.

Die Suid-Gautengse Hooggeregshof in Johannesburg het Maandag ten gunste van Okosa, die Onafhanklike Uitsaaiowerheid van Suid-Afrika, beslis.

Verlaagde tariewe sal voortaan op Cell C en Telkom Mobile van toepassing wees.

Suid-Afrika gaan gebuk onder van die duurste selfoontariewe ter wêreld.

Die hof het beslis dat OKOSA die verlaagde interkonneksie-tariewe vir ses maande mag toepas, maar sal dit daarna weer moet hersien.

Dié tariewe sal met die helfte tot 20 sent verlaag.

Section27 karring vir invloed oor skoolhandboeke

Die organisasie, Section 27, wat deur die buiteland befonds word en deur ‘n Brit, Mark Heywood, bestuur word, het die departement van basiese onderwys voor die hof gedaag.

Section 27 is tans besig met ‘n veldtog om steun te wen in die openbaar oor skoolhandboeke vir ‘n bedekte vyandige veldtog teen Afrikaanse skole.

Section 27 sal poog om invloed te bekom oor die lukratiewe kontrakte om handboeke aan skole in Limpopo te voorsien.

Die saak sal Dinsdag voor die Noord Gautengse hooggeregshof in Pretoria dien.

Section 27 verteenwoordig meer as 20 skole. ‘n Leraar aan die Universiteit van Limpopo, dr. Abbey Ngoepe sê die departement behoort nie deur die howe gedwing te word om sy mandaat uit te voer nie.

Die nuwe direkteur-generaal is Panyaza Lesufi, ‘n voormalige woordvoerder van die departement van basiese onderwys.

Lesufi is aangestel in die plek van Bobby Soobryan. Die onderwysersvakbond, Sadou hou Soobryan verantwoordelik vir die korrupsie en handboekfiasko in Limpopo.

Soobrayan is na ‘n ander pos in die departement geskuif.

Turkse premier wen verkiesing na smeerveldtog teen hom

‘n Skadu het oor die Turkse politieke toneel neergedaal na die anonieme publikasie op YouTube, op 27 Maart van twee opnames van ‘n nasionale veiligheidsvergadering waarin die Turkse regering oorweeg om onder valse voorwendsels – ‘n sogenaamde ‘false flag’ – in ‘n oorlog teen Sirië gewikkel te raak.

Die Turkse eerste minister beskuldig sy voormalige bondgenoot en geestelike, Fethullah Gulen, daarvan dat hy ‘n smeerveldtog teen hom gelei het.

Premier Tayyip Erdogan het nietemin dié naweek as oorwinnaar uit die land se verkiesing getree.

Die verkiesing is ook beskou as ‘n referendum oor sy regering nadat hy van korrupsie beskuldig is.

Vroeë uitslae toon dat Erdogan se AK Party tussen 44 en 46 persent van die stemme gekry het, terwyl die opposisie tussen 23 en 28 stemme op hulle verenig het.

Hy het sy oorwinning by die stembus bestempel as die aanbreek van die nuwe Turkye.

Op 24 Februarie is ‘n klankbaan gelek waarin die premier sy seun adviseer om 30 miljoen in kontant weg te steek voor die polisie dit kom soek in sy huis.

Ten spyte van ontkennings deur Erdogan het sy beeld as vroom en wetsgehoorsame man ‘n groot knou gekry.

Sy oorwinning oor Fethullah Gülen is slegs moontik gemaak deur die afdanking van duisende staatsamptenare wat hy daarvan beskuldig het dat hulle Gulen volg.

Hierdie bekendmaking ondermyn enige Turkse poging om verder in te meng in Sirië. Sedert die begin van die oorlog, het Ankara logistieke ondersteuning aan NAVO se rebelle gebied.

Vrae heers egter oor die argeologiese skatte in Aleppo waarvan talle ou Christelike stukke is, wat deur Turkye geplunder is.

Turkse betrokkenheid in die destabilisering van Sirië is te indringend om nog steeds ontken te word. Ankara ondersteun nie net ‘n politieke opposisie, maar Islamitiese huursoldate wat terrorisme beoefen.

Die land is diep verdeel in twee onverbiddelike kampe, en al het Erdogan die verkiesing gewen is die konflikpotensiaal verdiep deur sy hardhandige optrede teenoor opponente.

SA steun boikot teen AU-EU-spitsberaad

Suid-Afrika ondersteun die oproep van die AU om die beraad in Brussel te boikot. Afrika-lande het die oproep om nie die geleentheid by te woon nie, gedoen.

Die land sê dit is onaanvaarbaar dat Europa besluit watter Afrika-leiers die EU-AU-beraad in Brussel vandeesweek mag bywoon en watter nie.

Eritrea is uitgesluit as gevolg van sy menseregte-rekord.

Die president van Soedan, Omar al-Bashir, wat deur die Weste van oorlogsmisdade beskuldig word, het na wat berig word nie ‘n uitnodiging ontvang nie, alhoewel sy land genooi is.

Daar is ook geen uitnodiging aan die Sahrawi Arabiese Demokratiese Republiek, ook bekend as die Westerse Sahara gerig nie.

Dié land word nie internasionaal as ‘n onafhanklike staat erken nie as gevolg van sy territoriale dispuut, maar as deel van Marokko. Marokko is nie lid van die AU nie.

Die presidentsvrou van Zimbabwe, Grace Mugabe is ook ‘n visum geweier, wat president Mugabe genoop het om vir die boikot te vra.

Afrika-lande is van mening dat die Europese Unie die samestelling van Afrika se afvaardiging dikteer.

Pretoria sou verteenwoordig word op ‘n ministeriële vlak.

Die Europese Unie-Afrika-spitsberaad is ‘n versameling van 90 lande van twee vastelande wat bygewoon sou word deur 65 staatshoofde en regeringsamptenare.

Op die agenda is handels- en politieke verhoudings.

Ontleders sê dat die vasteland moet oor sy eie afgevaardigdes besluit.

Die EU bevind hom in die middel van ‘n ander diplomatieke gekibbel weens ‘n omstrede ooreenkoms met die Oekraïne vir nouer ekonomiese samewerking om Rusland te straf na die suksesvolle referendum in die Krim.

Waterkloof1 met selfoon gevang

Een van die sogenaamde Waterkloof Vier kan na ‘n ander tronk verskuif word nadat ‘n selfoon in sy sel gekry is, het RSG berig.

Die Departement van Korrektiewe Dienste het vanoggend bevestig dat die selfoon Saterdagoggend gekry is.

Die woordvoerder, Zac Modise sê Korrektiewe Dienste oorweeg dit om Christoff Becker die week reeds na ‘n ander tronk te skuif.

Van sy voorregte, soos telefoonoproepe en besoeke is ook vir 32 dae opgeskort. Modise sê ‘n tugkomitee sal ook ondersoek doen oor hoe hy die selfoon gekry het.

Hy sê Becker se optrede toon dat hy nie gedissiplineerd en gerehabiliteer is nie.

Zuma verbreek stilswye oor Nkandla

President Jacob Zuma het uiteindelik sy stilswye oor die Nkandla-verslag verbreek nadat die Openbare Beskermer, Thuli Madonsela bevind het dat hy onregverdig daardeur bevoordeel is

Die OB het verklaar dat Zuma ‘n billike bedrag uit sy eie sak moet terugbetaal vir die opgraderinge.

Die president het gesê hy het nooit die multi-miljoen randse verbeteringe aan sy Nkandla-woning in KwaZulu-Natal versoek nie.

Zuma het in sy eerste openbare reaksie op die verslag, sy regeringsamptenare vir die besluit verantwoordelik gehou.

Die president het tydens ‘n verkiesingsveldtog in Gugulethu op die Kaapse Vlakte gevra waarom hy moet betaal vir iets waarvoor hy nie gevra het nie.

‘n Plaaslike nuuskanaal het oor die president se reaksie berig.

Hy het ook gesê die rasse-en armoedeverdeling tussen wit en swart in die Kaapse Skiereiland bly steeds ‘n probleem.

Die sekretaris-generaal van die ANC, Gwede Mantashe, het na ‘n vergadering van die ANC se Nasionale Uitvoerende Komitee (NUK) in Kaapstad ‘n verklaring uitgereik, in wat beskou word as ‘n beskermingsring om die president.

Mantashe het Zuma verdedig oor die bevinding van die OB, dat Zuma onregverdig voordeel getrek het uit van die veiligheidsopgraderings aan sy privaatwoning.

Hy het gesê diegene wat werklik daaraan skuldig is dat hulle te hoë pryse gevra het, sal deur die Spesiale Ondersoek-eenheid ontbloot word.

Die nasionale polisiekommissaris, Riah Phiyega moes haarself opnuut verdedig teen beskuldigings dat sy die parlement mislei het oor die opgraderinge.

Sy het die ANC in die verleentheid gestel omdat sy in die regering se Nkandla-verslag aan die Nasionale Uitvoerende Komitee gesê het die swembad by President Jacob Zuma se woning is vir brandblussingsdoeleindes.

Phiyega sê sy is onskuldig.

Die ANC sal intussen vanmiddag ‘n mediakonferensie hou oor die afgelope naweek se nasionale uitvoerende komitee-vergadering in Kaapstad.

China vertel Merkel dat Krim hulle nie raak nie

Met Duitsland as ‘n belangrike handelsvennoot van China, het samesprekings tans tussen Merkel en die Chinese president Xi rondom ekonomiese kwessies gehandel.

China het tydens die mediakonferensie herhaal dat hulle neutraal staan teenoor die kwessie in die Krim en dat dit hulle nie raak nie.

China oorweeg egter tans ‘n plan om die hele wêreld met ‘n netwerk van toesigsatelliete te dek.

Meer as 50 waarnemingsatelliete kan binne twee jaar in ‘n wentelbaan om die aarde wees, het die South China Morning Post berig. Dit sal die land se satelliettoesigvermoëns op ‘n gelyke voet, of groter as die van VSA plaas.

China sê die VSA se onvermoë om uitsluitsel te gee oor die verdwyning van die Maleisiese vlug MH370, noodsaak dié stap.

Tydens die Sino-Germaanse gesprekke het Duitse motorvervaardiger Daimler verklaar dat hulle onder meer die produksie van sy gesamentlike onderneming met Beijing Automotive Group sal uitbrei.

Dit is die tweede ooreenkoms van sy soort, in navolging van Daimler se mededinger BMW en sy Chinese vennoot.

Vrydag, het die Bundesbank en die Volksbank van China ingestem om ‘n verklaring van voorneme uit te reik om ‘n yuan-betalingsnodus in Frankfurt tot stand te bring.

Dit was Xi se eerste Europese besoek as president en het swaar gefokus op buitelandse beleggings.

In Frankryk, het hy met die Europese lugvaartreus Airbus ‘n kontrak ter waarde van 10 miljard euro gesluit.

Xi se beplande besoek aan Brussel is ook gesien as ‘n skuif om ekonomiese bande met die EU te versterk.

Duitsland se minister van buitelandse sake, Frank-Walter Steinmeier, het intussen gesê Duitse militêre steun aan oos-Europese lede van die Noord-Atlantiese Verdragsorganisasie of NAVO moet nie tot ‘n eskalasie lei nie.

Duitsland het in reaksie op die Krim-skiereiland se referendum gesê hulle sal AWACS-ondersteuning in Pole en Roemenië verskaf asook opleidingsvlugte in die Baltiese state.

Volgens die koerant, Der Spiegel, wil Berlyn ‘n meer “aktiewe” internasionale rol speel aangesien Duitsland se internasionale politieke invloed nie ooreenstem met hul handelsinvloed nie.

Volgens Der Spiegel is die ministerie van verdediging gereed om die getal vliegtuie te verdubbel vir versterkte lugpatrollies in dele van Oos-Europa. Frankryk en Denemarke sal ook deelneem.

Die Amerikaanse minister van buitelandse sake, John Kerry, het sy Russiese ampsgenoot, Sergei Lafrof, vir krisissamesprekings oor die Oekraïne in Parys ontmoet.

Lafrof het gesê die Oekraïne behoort ‘n nuwe grondwet op te stel wat minderheidsgroepe wat pro-Russies is, sal beskerm. Rusland wil hê dat die VSA sy imperialistiese militêre opbou in Oos-Europa en die Oekraïne moet staak.

Die vier-ure-lange samesprekings volg op telefoongesprekke tussen president Barack Obama van Amerika en Vladimir Poetin van Rusland.

Geen werkskepping onder huidige toestande nie

Die Nasionale Werkgewersvereniging van Suid-Afrika, of NEASA, sê onder die huidige toestande sal daar geen werklike werkskepping deur die privaatsektor wees nie

Die uitvoerende hoof van NEASA, Gerhard Papenfus, sê sake-ondernemings voel nie meer welkom in Suid-Afrika nie.

Papenfus sê daar bestaan ‘n persepsie dat winste werknemers op een of ander manier benadeel. Hy sê sakelui voel amper skaam omdat hulle suksesvol is.

Papenfus sê Suid-Afrika het ‘n onaanvaarbaar hoë werkloosheidsyfer en ‘n oplossing moet gevind word om werk te skep.

Hy sê Suid-Afrika maak ook geen duik in die werkloosheidskrisis nie, en daar is ‘n netto verlies van meer as 100.000 werkgeleenthede in Februarie.

Papenfus het vroeër gesê kollektiewe bedinging in die mynbedryf is baie nadelig vir klein besigheid.

“Die arbeidswetgewing is opgestel in so ‘n manier dat dit klein besighede benadeel,” het Papenfus in Johannesburg gesê.

“Groot werkgewers en vakbonde kan ooreenkomste aangaan … Ooreenkomste wat heeltemal nadelig in die belang van klein werkgewers is.”

Hy het gesê dit was omdat wetgewing verhoed dat klein besighede onderhandeling oor hul eie loonooreenkomste voer.

Klein besighede word dikwels swaar getref omdat stygings hulle direk en onmiddellik raak, sê Papenfus .

Op grond hiervan het Neasa die departement van arbeid en die minister hof toe geneem.

Tydens ‘n voorlegging in Bryanston , Johannesburg, het Papenfusge sê die bedingingsraad in die mynbedryf “funksioneer ongrondwetlik “, want ‘n ooreenkoms is in ‘n struktuur wat nie bestaan het nie onderteken.

Wit Afrikaner wen mej Suid-Afrika

Bloemfonteiner, Rolene Strauss is by die Sun City Superbowl as Mejuffrou Suid-Afrika vir 2014 gekroon.

Dit volg nadat die 12 finaliste aan die “Pad na Mejuffrou Suid-Afrika”-werklikheidsreeks deelgeneem het.

Die naaswenners is twee swartes, een van die Oos-Kaap, en die ander van Limpopo.

Strauss is ‘n mediese student van die Universiteit van die Vrystaat. Sy het ‘n platinumkroon asook ‘n pryspakket van R1,3 miljoen rand.

Een van die hoofborge van die kompetisie is CellC.

In haar aanvaardingstoespraak het Strauss gesê sy sal op gesondheidskwessies fokus en bygevoeg: “Ons is in staat van soveel meer wanneer ons gesond is, fisies, verstandelik en emosioneel.”

Ekonomiese vooruitsigte vir Suid-Afrika, die regte gesprek

Deur Johann Theron.

Heelwat gesprekke rondom ekonomie word in Suid-Afrika gevoer. Mens kan amper sê dis ’n soort sport. Neem nou die ekonome wat jaarliks die mees akkuraate voorspellings maak vir die Suid-Afrikaanse ekonomie.

Daar is nooit een ekonoom wat homself regtig onderskei van die ander nie, alhoewel daar baie interessante ekonome is en hulle meesleurende toesprake kan lewer.

Na die ressesie het IHS Global se Europese ekonoom ’n toespraak gelewer oor ’n twee-spoed wêreld waar die ontwikkelde lande ekonomies stadig is en ontwikkellende lande ekonomies vinnig groei. Maar nie al die ontwikkelende lande kry dit reg om vinnig te groei nie. Meksiko en Suid-Afrika is twee sulke gevalle.

Vandeesweek het McKinsey se Globale Instituut ’n verslag oor Meksiko bekendgestel waarin hulle verwys na ’n twee-spoed Mexico.

Die vinnige Meksiko is die groot belangegroepe soos industrieë en buitelandse beleggers, terwyl die stadige Meksiko die tradisionele groep bevat. Hierdie twee-spoed interne ekonomie affekteer die groeikoers van Meksiko in die sin dat hulle sedert 1981 nooit ’n gemiddelde groeikoers van beter as 2.3% per jaar kon behaal nie. Dit beteken dat in 30 jaar van ’n moderne “oop ekonomie” was basies geen vordering sigbaar nie. Dit klink mos amper soos Suid-Afrika?

Dit is al bekend dat Suid-Afrika se Luthuli-huis produktiwiteit ignoreer en dit lyk of produktiwiteit in Meksiko ook ’n probleem is. Volgens McKinsey het produktiwiteit in die industriële kompleks gegroei teen 5.8% terwyl dit in die tradisionele groep gedaal het met 6.5%. Algemene groei word dus gekanselleer.

Die ooreenkoms tussen Meksiko Suid-Afrika is dat werknemers in die tradisionele groep verhoog (amper soos kader-ontplooiing in Suid-Afrika). Die verskil by ons is dat kaders slegs “goeie” en hoogbetaalde werk kry en die gemene grond in Suid-Afrika is dat kader-ontplooiing produktiwiteit nie verhoog nie.

Net soos in Suid-Afrika sê die Sentralebank dat die groeikoers “volgende jaar” 3.5% sal wees terwyl onafhanklike ekonome reeds argumenteer vir ’n 2% koers vir 2014. Dit is natuurlik geen verassing dat die IMF Meksiko se bankwese wil uitbrei nie. In Suid-Afrika is ons klaar daar en kan ons reeds bewys dat meer banke – al is dit die mees kreatiewe bank ter wêreld – niks help nie.

Waarnatoe nou?

McKinsey se aanbeveling om die 3.5% te haal, is onder andere om die tradisionele groep meer “formeel” te maak sodat meer belasting ingevorder kan word. Suid-Afrika kan reeds getuig dat ’n goeie belastinggaarder wel meer belasting invorder, maar dit help ook nie vir produktiwiteit of groeikoers nie.

Wat nou gemaak? Moet ons ander ekonome kry?

Een goeie voorstel is dat ’n vars, altruistiese politieke benadering nodig is en dat hierdie realistiese benadering mededingendheid as die eerste prioriteit moet stel, met inbegrip van die probleme wat Suid-Afrika met sy hulp-bronne het.

Want dit is juis hierdie probleem wat die bestaande bestel (in SA sowel as Meksiko), nie verstaan nie. Soos ons bekende ekonome reeds weet, is mededingendheid ’n “maklike” probleem en sal hulle voorspellings soveel meer raak en in die kol lyk.

Die alternatiewe ekonomiese uitsig vir Suid-Afrika is dat sy ekonomie op 20% van sy historiese maksima sal funksioneer, of swakker. Hier is dit dus werklik ’n geval van jou stem raak jou saak.

Tweede swart aanvaller skuldig bevind aan moord op boer

ŉ Tweede swart verdagte is in die hooggeregshof in Pietermaritzburg skuldig bevind aan die moord op Micky Hampson (68).

Jabulani Ngobese (28) is ook skuldig bevind aan poging tot moord op Hampson se seun, Murray (34).

Ngobese het onskuldig gepleit op die aanklagte teen hom.

Sy medebeskuldigde Siboniso Mtolo (25) is vroeër die maand tot lewenslange tronkstraf gevonnis nadat hy skuld erken het.

Hampson, van die plaas Eston naby Illovo in KwaZulu-Natal, en sy seun is op 27 September 2013 deur twee verdagtes aangeval terwyl hulle in Hampson se bakkie gery het. Hampson is geskiet en is op slag dood.

Die swart aanvallers het Hampson glo met sy eie haelgeweer doodgeskiet voordat hulle daarmee gevlug het.