Die Burger berig dat ’n DA-raadslid vasgetrek is vir bedrog met maatskaplike toelae.
DieDAhet gesê hulle sal eerskommentaar lewernadat hulle ‘n “eie ondersoek” gedoen het.
DieANChetTokosebedanking geëis, en sêbedrog steel diearmes se “brooduit hulmonde“.
Michael Sandile Toko (61) van Delft is Woensdag deur die Valke by sy huis in hegtenis geneem en het Donderdag in die Bellville-landdroshof op ’n aanklag van bedrog verskyn.
Toko wat sowat R400 000 per jaar verdien, het Donderdag om regshulp aansoek gedoen. Hy het benewens sy salarsis ook ‘n selfoon- en reistoelaag ontvang.
Hy het glo voorgegee dat hy werkloos is en by die regering om ’n maatskaplike toelaag aansoek gedoen.
Dit is goedgekeur en Toko het glo die laaste paar maande sowat R30 000 aan toelaes ontvang.
Die saak teen Toko is tot 22 November uitgestel. Hy is uit op borgtog.
Die vakbondfederasie, Cosatu, sit sy stryd teen die Gautengse e-tolstelsel voort.
‘n Nuwe aanval teen die e-tolstelsel gaan ook geloods word deur te fokus op ‘n tegniese punt – die manier hoe die wetgewing in die parlement beraadslag is, sê die DA.
Die party het Donderdag gesê dit sal ‘n Hooggeregsbevel bring om die grondwetlikheid van die wetgewing, wat in September deur pres. Jacob Zuma geteken is, teen te staan.
“Ons glo dat daar nie genoeg oor die e-tol wetgewing namens die betrokke partye beraadslaag is nie” het die DA-woordvoerder, Mmusi Maimane, gesê.
Die DA glo die regstryd sal die inwerkingstelling van die stelsel in Gauteng vertraag.
Protesoptredes deur Cosatu word beplan waartydens betogers teen ‘n slakkepas op hoofroetes in Gauteng sal ry.
Die betogings sal op die M1, N1, N12 en M2 plaasvind en die konvooi sal vanaf Cosatu-huis in Braamfontein vertrek.
Die woordvoerder van Cosatu, Phuthas Tseki, sê na verwagting sal sowat 50 motors aan die betoging deelneem.
Hy sê hoewel daar mense is wat dit moeilik sal vind om te verstaan wat hulle doen, steun die meerderheid van motoriste Cosatu se opstand teen die e-tolstelsel.
Dinsdag word soortgelyke betogings op hoofroetes in Ekhurhuleni beplan. – Sapa
Amerika se federale voedsel- en medisynebeheerliggaam, die Food and Drug Administration (FDA), het Donderdag aangekondig dat hy van die kosindustrie gaan verwag om transvette uit te skakel.
Volgens die organisasie kan so ‘n stap tot 20,000 hartaanvalle en 7,000 sterftes jaarliks verhoed.
‘n Spertyd is nog nie vasgestel vir die finale uitfasering nie. Kommentaar oor die plan sal oor die volgende paar maande ingewin word voordat amptenare sal bepaal hoe lank dit behoort te neem.
Transvette word beskou as die vet wat slegste is vir ‘n mens se gesondheid.
Dit word in kosse soos mikrogolf-springmielies, gevriesde pizza, skyfies en gevriesde deeg gevind. – Sapa/AP
Oneerlike voormalige ANC-jeugligaleiers het die organisasie “drooggemelk”.
“Ons weet vir ’n feit dat die oneerlike voormalige lede wat die organisasie drooggemelk het nou ander selfverrykende skemas in die vorm van nuwe politieke partye begin het,” het die sameroeper van ’n mediakonferensie, Mzwandile Masina, Donderdag aan verslaggewers gesê.
Hy het egter nie uitdruklik verwys na die geskorste jeugligapresident Julius Malema nie.
Die ANC-jeugliga is verlede week voorlopig bankrot verklaar weens agterstallige skuld van sowat R17 miljoen wat die liga glo nie kan betaal nie.
Masina het gesê die liga se skuld kan nog veel meer wees aangesien daar “daagliks” nog rekeninge by hul deur opdaag.
Die liga moet teen 27 Januarie 2014 aan die hooggeregshof in Johannesburg redes verskaf waarom hy nie permanent gelikwideer moet word nie. – Sapa
Thandi Maqubela is skuldig aan die moord van haar man, waarnemende regter Patrick Maqubela.
Die regter se vrou het hom waarskynlik vermoor vir die geld van ‘n polis en sy testament vervals.
Regter John Murphy het gedurende ‘n lang uitspraak Donderdag in die Wes-Kaapse Hooggeregshof dié beslissing gemaak.
Haar mede-beskuldigde, Vela Mabena, is onskuldig bevind omdat die staat nie bo redelike twyfel sy betrokkenheid kon bewys nie.
Sy sal 20 November gevonnis word en het nie borg gekry nie.
Maqubela en Mabena is daarvan aangekla dat hulle die waarnemende regter op 5 Junie 2009 in sy woonstel in The President-woonstelgebou in Bantrybaai vermoor het. – Sapa
Die twee Kleurling beskuldigdes, Lindon Wagner en Robin Harwood wat ‘n wit tienermeisie lewendig verbrand het, sal vandag hul vonnisse aanhoor.
Die vier sal vandag in die Suid-Gautengse Hooggeregshof in Johannesburg gevonnis word weens die moord op die Kirsty Theologo.
Die hofuitspraak sal in Palm Ridge, Johannesburg gelewer word.
Daar word beweer dat Theologo verlede jaar in ‘n “satanistiese ritueel” doodgemaak is. Die vermoorde is geteiken uit haat omdat sy wit was. Theologo is bedwelm waarna sy aan die brand gesteek is.
Sy het daarin geslaag om huistoe te strompel, maar het later aan haar wonde beswyk.
Wagner en Harwood is ook skuldig bevind aan poging tot moord en aanranding.
‘n Derde Kleurlingverdagte, Harvey Isha is op alle aanklagte vrygespreek, terwyl die Kleurlingvrou Courtney Daniels skuldig bevind is aan gewone aanranding.
Daniels het remvloeistof in Theologo en haar vriend se drankies gegooi wat hulle voor die ritueel bewusteloos gemaak het. Sy is tot ses maande gevonnis, opgeskort vir vyf jaar.
The Star het regsdokumente wat opgestel is deur ‘n gay Pretoriase regsgeleerde, Coenraad Kukkuk Prokureurs gesien wat aan die openbare beskermer, Thuli Madonsela se kantoor, die minister van buitelandse sake Maite Nkoana-Mashabane en die Russiese ambassadeur in Suid-Afrika, Mikhail Ivanovich Petrakov gerig is.
Die brief veroordeel die “aanval deur rassistiese en anti-homoseksuele boewe in die stad van Belgorod op ‘n swart Suid-Afrikaanse student” en sê Smith is geskors uit Belgorod-universiteit nadat hy gekla het.
Smith is glo uitgevang dat hy seks met ‘n minderjarige versoek het. Dit is ‘n wetsoortreding in Rusland.
Belgorod is 670km suid van Moskou naby Rusland se grens met Oekraïne. “Ons eis ‘n ondersoek want hierdie oortreders kan maklik geïdentifiseer word, sowel as ‘n verduideliking deur die Russiese owerhede aan die Suid-Afrikaanse mense,” lui die brief.
In die video wys dit hoe Smith, die vermeende swart pedofiel, gekarnuffel word. Kukkuk sê egter dit is bloot ‘n verskoning om gay mans te teiken.
“Hierdie ding van pedofilie […] is die verskoning wat hulle gebruik om hul optrede te regverdig. Hulle is neo-Nazi skinheads, die pedofiel-ding is net ‘n klug. Dit is ‘n dun versluierde rookskerm vir homofobiese aanvalle,” het Kukkuk gesê.
Kukkuk het gesê hy weet niks meer oor Smith nie want al sy inligting kom net van die video en aanlynverslae, maar hy het die Russiese groep nagevors.
In Junie het die Russiese president Vladimir Poetin ‘n wet bekragtig wat die bevordering van gay verhoudings met minderjariges verbied.
Paartjies van dieselfde geslag mag ook nie Russiese kinders aanneem nie.
“Dit [die wet] gee al hierdie kriminele bendes en boewe carte blanche om te doen wat hulle wil,” het Kukkuk gesê.
Kukkuk, wat ook op die raad van Meneer Gay Wêreld Internationaal dien, het gesê die video is nie net homofobies nie, maar ook rassisties.
“Ek het ‘n antwoord (via e -pos) uit die Russiese ambassadeur ontvang en dit was net agt vraagtekens,” het hy gesê.
Die video van 33 minute toon ‘n paar mans wat na bewering deel van die Okkupaj Pedofilyaj groep ( Beset Pedofilie) is wat pedofiele na hul woonstel lok deur voor te gee dat hulle minderjarige seuns is. Die groep verfilm dan die beweerde pedofiele, verneder hulle en pos die materiaal aanlyn.
“Ons het die minister gevra om ‘n reiswaarskuwing uit te reik aan alle Suid-Afrikaners wat na die Russiese Federasie wil reis en die 2014 Olimpiese Spele in Sochi te boikot,” lui die brief.
Dit is dan ook vir die regering om die Olimpiese Spele te boikot.
Maar Buitelandse Sake het Donderdagoggend koue water oor die kwessie gestort, want hulle het nog nie die brief ontvang van Kukkuk nie.
Clayson Monyela, woordvoerder, het gesê hulle sal ondersoek instel as hulle die skrywe ontvang.
‘n Twintigjarige swart student van Johannesburg wat aan die Sjukhof Tegnologiese Universiteit in Belgorod studeer, is deur ‘n groep wit Russiese studente gekarnuffel omdat hy seks met ‘n minderjarige wou gehad het.
In ‘n inisiasiestyl video wat aanlyn beskikbaar is (meestal in Russies en gebroke Engels ), word die student, by name David Smith ( hoewel hy later sê sy naam is Bonga ) vir die gek gehou deur vier anti-LGBT aktiviste, wat hom uitgevang het toe hulle voorgegee het ‘n vyftienjarige kind is beskikbaar vir seks.
Die ouderdom vir minderjariges in Rusland is 16 en jonger.
Die Russiese groep noem hulself “Occupy Pedophilia” en basies lok hulle jong gay oorteders uit deur oënskynlik voor te gee om gay te wees. Hulle ontvoer hul slagoffers en karnuffel hulle. Volgens ‘n gay webwerf word slagoffers “gedwing om urine te drink op film”, en die film word dan gepubliseer op die Russiese sosiale mediawebwerwe.
Die anti-gay groep het Bonga gedwing om ‘n stamdans te doen, sy kop geskeer en hom waatlemoen laat eet.
“Swart, wit, swart, wit ” sê een van die anti-LGBT aktiviste, as hy die kleur van sy palm teen die kleur van die agterkant van sy hand meet.
President Vladimir Poetin se nuwe wet waar die polisie vermeende homoseksuele vir tot twee weke lank kan aanhou, is nie baie gewild by pedofiele nie.
Russiese LP’s sal ‘n wetsontwerp vroeg volgende week deurloods wat ook homoseksuele paartjies die reg om kinders aan te neem, sal laat verbeur.
Die sokkerbeheerliggaam word geteister deur die internasionale gay lobby omdat Rusland en Katar as gasheer vir die 2018 en 2022 toernooie aangewys is. Beide lande is bekend vir hul anti-gay wette.
Die privaat sekerheidsbedryf het met teleurstelling gereageer op die parlementêre portefeuljekomitee oor polisie se aanvaarding van die Wysigingswetsontwerp oor die regulering van die privaat sekerheidsbedryf.
Die wysigingswetsontwerp het ten doel om maatskappye meer finansieel verantwoordbaar te hou en meer beheer oor buitelandse eienaarskap uit te oefen.
Die skuif is in die bedryf as ‘n hinderlaag beskryf. Die regsverteenwoordiger van die maatskappye, Martin Hood beskuldig die regering van paranoia, omdat die maatskappye onnodig as ‘n bedreiging beskou word.
Die voorsitter van die portefeuljekomitee, Annelize van Wyk ,sê egter dit is belangrik om die bestuur van die maatskappye meer demokraties te maak. – RSG
Die inwoners van Mooiplaas, wes van Pretoria is in opstand oord die ANC se gebrek aan begrip vir hulle omstandighede.
Hulle sê hulle moes na die Uniegebou opruk om hul griewe te lug. Hulle sal vandag weer opruk onder aanvoering van Julius Malema.
Die inwoners van die Mooiplaas-lokasie het Dinsdag ‘n diensleweringsbetoging gehou waartydens die polisie rubberkoeëls gebruik het om hulle uiteen te jaag.
Alhoewel hulle toestemming vir die optog gehad het, is hulle later ingelig dat die goedkeuring teruggetrek is omdat niemand van die Presidensie beskikbaar was om hulle griefskrif te ontvang nie.
Die streekskoördineerder van die Ekonomiese Vryheidsvegters, Omphile Maotwe sê hulle hou weer vandag ‘n optog om die gebrek aan basiese dienste onder die Presidensie se aandag te bring.
Die ANC en sy alliansievennote in Gauteng is bekommerd oor die gewelddadige betogings in die provinsie.
Die party sê stemwerwing vir aanstaande jaar se verkiesing kan daardeur benadeel word.
Die ANC het ook gesê hy gryp by sommige van die opstande in om bestendigheid te verseker.
Die ANC se sekretaris in Gauteng, David Makhura sê hulle wil ‘n klimaat skep wat intimidasie en geweld te beperk.
Die Burger berig dat ’n DA-raadslid vasgetrek is vir bedrog met maatskaplike toelae.
