Oneerlike voormalige ANC-jeugligaleiers het die organisasie “drooggemelk”.
“Ons weet vir ’n feit dat die oneerlike voormalige lede wat die organisasie drooggemelk het nou ander selfverrykende skemas in die vorm van nuwe politieke partye begin het,” het die sameroeper van ’n mediakonferensie, Mzwandile Masina, Donderdag aan verslaggewers gesê.
Hy het egter nie uitdruklik verwys na die geskorste jeugligapresident Julius Malema nie.
Die ANC-jeugliga is verlede week voorlopig bankrot verklaar weens agterstallige skuld van sowat R17 miljoen wat die liga glo nie kan betaal nie.
Masina het gesê die liga se skuld kan nog veel meer wees aangesien daar “daagliks” nog rekeninge by hul deur opdaag.
Die liga moet teen 27 Januarie 2014 aan die hooggeregshof in Johannesburg redes verskaf waarom hy nie permanent gelikwideer moet word nie. – Sapa
Ou Juliaas is so skuldig soos more heeldag. Sy liefste Charlize het ook ruim bygedra tot die vorming van die Effie party.
Die voriges met Malema aan die stuur het lekker tekere gegaan met belastingbetalers se geld maar “buck passing” sal nie die R17 miljoen se skuld vereffen nie. Ek hoop, bye bye ANC jeugliga!
DIT is jules se ware kleure. Hy wil ook maar ‘n afrika hoofman wees wat alles besit en sy onderdane bly maar net lojaal a.g.v. die aalmoese wat hy uitdeel.