Amerika se federale voedsel- en medisynebeheerliggaam, die Food and Drug Administration (FDA), het Donderdag aangekondig dat hy van die kosindustrie gaan verwag om transvette uit te skakel.
Volgens die organisasie kan so ‘n stap tot 20,000 hartaanvalle en 7,000 sterftes jaarliks verhoed.
‘n Spertyd is nog nie vasgestel vir die finale uitfasering nie. Kommentaar oor die plan sal oor die volgende paar maande ingewin word voordat amptenare sal bepaal hoe lank dit behoort te neem.
Transvette word beskou as die vet wat slegste is vir ‘n mens se gesondheid.
Dit word in kosse soos mikrogolf-springmielies, gevriesde pizza, skyfies en gevriesde deeg gevind. – Sapa/AP
Pas dit toe in SA ook, hoeka te veel dikgatte, mans en vroumense met boeppense, kyk sommer na die kinders ook.
en ons ZARP’s…… en L.P’s…
Met die eerste kyk het ek gedink daar is ‘n spelfout in die opskrif, transvette, transvestiete.
Dit is veral ‘n baie groot probleem met mense wat gewigte oefen. Die dag as hulle op hou verander hulle in lomp dril vet grillerige mense, sommige van hulle is grillerig voordat hulle opgehou het. Baie onnatuurlik mans, maar veral vrouens.
Wat snaaks is van mense wat met gewigte oefen is dat indien hulle ophou verander die liggaam in ‘n grillerige vet massa. Die ongeluk by party is dat hulle gedurende hulle oefen sessies steroid gebruik en verslaaf raak daaraan.
Pieter behalwe dié wat met gewigte oefen wat geregistreer is by ASA wat getoets kan word by die kragatlete of atlete se privaat wonings, gimnasiums en by ‘n plek waar kompetisies gehou word.
Gaan skoon of word uit die sport verban.
Willy die mense wat dit gebruik is skelm en uitgeslape. Kyk hoe lank het Lance Armstrong daarmee weggekom. Dit op internasionale vlak van die sport wat die grootste kyk getal het. Nee wat daar is maniere en “maniere”.
Wat se jy van die gewig opstellers wat vet word nadat hulle daarmee klaar is en nie meer oefen nie?
Dit is by daardie gewigdraende sport wat nie geregistreer is nie. Buitelandse sportliggame beskerm hulle atlete. Weet presies wanneer hulle getoets gaan word. Ons wat onder ASA is weet nie. Hulle kan en het al by my huis opgedaag. Hulle het al by die gimnasium opgedaag. En by elke kompetisie word daar getoets.
Ons affilieer in die begin van elke jaar en daar teken jy dat jy jou onderwerp aan die toetsprosedures. Nie, kan jy nie affilieer nie en ook aan geen kompetisie deel neem nie. Dan kan daar “gedope” word so veel daai persoon wil maar hoekom? Vir niks. Hoor hierdie een Pieter. As iemand verban is deur dat hy uitgevang was dat hy steroides gebruik het mag hy my nie bystaan by enige kompetisie nie. As, skors hulle my!
Ek het opgehou met gewigte en is nou ‘n Robinson Johnson baba
Kry vir jou HA HA
HA HA Kry vir jou
Dieselfde word gese van gimnaste en ballerinas en
dit is regtig nie so nie – die neiging tot obesiteit is geneties oorerflik en het niks te doen met ophou oefen nie – dit het net te doen met hoe, wat en hoeveel jy eet na jy opgehou het.
Middagsê Riempies. Presies wat jy daar sê.
Dag Riempies, die invloed van stres moet ook nie uit die oog verloor word nie. Party mense (soos ek) ontwikkel ‘n eetlus en ander hou weer op eet.
Goeiemore Rooikop – jy is ook reg stres is n baie onderduimse toestand wat baie skade aan n mens se liggaam en gees doen. Ek sien dit elke vakansie as die mense wat daagliks in die binneland aan stres onderworpe is – hier aankom vir die vakansie – dit is of hulle uit n koutjie vrygelaat is.
Gou-gou is daar n gimlag en n vriendelik groet. Ek sien juis die tendens is nou vir die vakansiegangers om hulle en hulle kinders se fietse saam te bring.
Kinders speel in die strate en skop bal vir mekaar – ag weet jy Rooikop ek wens elke Tranvaler kon oppak en skuif na hier waar ek woon in die Wes Kaap.
Ou nuus! Margarien is dekades gelede al gevind om karsinogenies te wees. Vat nogal lank vir die spul om te besef!
Hulle sal nog een dag pasteurisering van melk verbied! Tot dan sal die melkery in Irene basies enige prys vir ordentlike melk kan vra – wat hulle uiteraard ook doen.
Eenvoudige wenk: Hoe langer die rakleeftyd, hoe kleiner die vermoë om (enige) lewe te onderhou & bevorder.