Skrywer: Dan Roodt

Nestlé en korporatiewe sinisme

Die nuus dat die Switserse voedselreus, Nestlé, in Zimbabwe melk aankoop van ‘n voorheen blanke plaas wat deur mev. Grace Mugabe afgevat is, laat ‘n mens in jou sjokolade verstik. Ook lyk dit asof Switsers tans hul bes doen om die argwaan van Suider-Afrikaanse blankes te ontketen. Want as St. Gallen in Switserland nie Paul Kruger as ‘n straatnaam in hul dorp afskaf nie, dan maak die Switserse baas van FIFA, Sep Blätter dom uitlatings soos dat geweldsmisdaad in Suid-Afrika op “rassistiese persepsies” berus.

Sekerlik is daar mense wat ná dié nuus met ander oë na Nestlé se produkte op ons winkelrakke kyk. Enige boikotaksie teen Nestlé weens sy medepligtigheid aan die anti-blanke rassisme van die Mugabe-regime behoort ondersteun te word. Indien Switsers, met wie ons sedert Paul Kruger se dae, maar ook tydens die sanksiejare, goeie verhoudings gehad het, hulself nou by Afrikaners ongewild wil maak, is dit seker hul keuse.

Maar die ergste aan die Nestlé-Mugabe-melkskandaal, is die onderliggende korporatiewe sinisme wat uit die maatskappy se houding en verklaring spreek. Hy koop melk “in die ope mark” aan. Indien plase op grond van ras deur die swart rassiste van Zimbabwe gekonfiskeer is, maak dit nie saak nie. Die maatskappy doen nou sake met die nuwe eienares, mev. Grace Mugabe, wat saam met Winnie Mandela seker die beroemdste verbruiker van luuksegoedere in Suider-Afrika moet wees.

In Suid-Afrika neem groot ondernemings presies dieselfde houding in deur die ANC se rassistiese wette teen die blanke bevolking tot op die letter na te volg. Meer nog, vele groot maatskappye diskrimineer meer teen blankes en Afrikaners as wat die ANC se wette en beleid van hulle vereis, stel geen blankes meer aan nie en versprei dikwels negatiewe voorstellings van blankes in hul kommunikasie soos advertensies. Terwyl sulke maatskappye graag met mev. Grace Mugabe en die ANC se korrupte oligarge sake doen, straf hulle klein sake, wat die laaste toevlug van die blanke ondernemer verteenwoordig, deur hulle van tenders en transaksies uit te sluit.

Multinasionale ondernemings en groot maatskappye is beslis nie bo die politiek verhewe nie en in Suider-Afrika dien hulle die belang van ZANU-PF en die ANC-SAKP met ‘n filosofie van “mag is reg”.

In ‘n wêreld van handelsmerke, sal die verbruiker meer ingelig moet raak oor waarmee maatskappye in werklikheid besig is en watter ons ondersteuning by die kasregister verdien en watter soos die pes vermy behoort te word.

интерьер кухни освещениеОлександр Фільчаков прокурор

Switserse Nestlé koop melk van Grace Mugabe

nestleembleemDie groot Switserse maatskappy Nestlé koop tot ‘n miljoen liter melk per jaar van voorheen blanke plase wat nou aan Grace Mugabe, die Zim-diktator se vrou, behoort. Mevrou Mugabe het in 2002 ses van die land se mees waardevolle plase van hul blanke eienaars gekonfiskeer, waaronder melkplase.

Switserland was vroeër vanjaar in die nuus toe die dorp St. Gallen Paul Kruger se naam van straatnaamborde verwyder het omdat hy glo ‘n “rassis” was. Maar een van die grootste Switserse maatskappye doen lustig sake met Grace Mugabe, omdat Switserland nie die sanksies van die Europese Unie en die VSA teen Mugabe, sy vrou en ander lede van ZANU-PF ondersteun nie.

Volgens ‘n berig in die Londense koerant, die Sunday Telegraph, meen Nestlé dat hy “geen wet oortree” deur melk van mev. Grace Mugabe se geroofde plase te bestel nie. Die koerant het verdere inligting gepubliseer dat Robert Mugabe self ‘n “landbou-empaaier” opgebou het en ten minste vyf plase van blanke boere oorgeneem het nadat die regmatige eienaars met geweld van hul grond afgesit is.

Volgens die Britse koerant, besit Grace Mugabe ongeveer 5 000 hektaar van die beste landbougrond, maar die belangrikste hiervan is die Gushungo-melkplaas, wat voorheen as Foyle-plaas bekend gestaan het. Dit is in Mazowe geleë, omtrent 10 kilometer noord van Harare.

Die plaas word deur Russell Goreraza, haar seun uit ‘n eerste huwelik, bestuur. Sy grootste kliënt, volgens personeel en ander betrokkenes, is die plaaslike filiaal van die Switserse voedselmaatskappy. Die enigste ander kliënte is diegene wat persoonlik by die plaas opdaag om melk te koop.

Toe die Sunday Telegraph die plaas besoek het, het die melk R8 per liter gekos.

‘n Woordvoerder by Nestlé se globale hoofkwartier in Switserland het aan die koerant gesê dat die maatskappy in 2009 begin het om melk op die ope mark van verskeie verskaffers op ‘n streng nie-kontraktuele grondslag aan te koop.

“In sekere gevalle, is die melk wat op die mark beskikbaar is, afkomstig van Gushungo-melkplaas,” het die woordvoerder gesê.

“Gedurende die onlangse krisis, het Nestlé dit nie oorweeg om sy bedrywighede in die land te staak nie. Deur basiese voedselprodukte aan die Zimbabwiese verbruiker te verskaf, beoog Nestlé om in die behoeftes van die plaaslike bevolking te voorsien, waarvan ‘n groot deel kwesbaar en benadeel is.”

Die koerant het ook berig dat die lone en werksomstandighede van die werkers by die melkplaas swak is.

‘n 25-jarige werkster met ‘n kind om te versorg het gesê sy kon nie bekostig om die melk teen R8 per liter te koop nie.

“Ek verdien maar R320 per maand, ten spyte daarvan dat ons baie, baie melk verkoop,” het sy aan die Sunday Telegraph gesê.

“Mev. Mugabe kom heelwat hier, maar sy praat nie met ons nie, net met die bestuurders,” het sy afgesluit.

ролики купитьЛобановский Харьков

Lus vir olywe?

{jathumbnail off}

Nog ‘n bietjie van daardie vinkel oor? Hier is nog ‘n lekker resep. Die vinkel kan ook vervang word met selderystingels.

Die slaai hou goed vir ‘n dag of twee in die yskas, sonder die tamatie natuurlik. Voeg tamatie by net voor opdiening om te verseker dat die slaai vars is.

OLYF-EN-RYSSLAAI

Meng ‘n ‘n eetlepel of twee wilde rys met ‘n koppie witrys en kook gaar in groente- of hoenderaftreksel en laat afkoel.
Rooster intussen ‘n kleinerige eiervrug, so groot soos ‘n appel, in blokkies gesny tot gaar.
Sny 2 murgpampoentjies, 2 vinkelstingels en ‘n paar grasuie in dun skyfies en voeg saam met die eiervrug by die rys.
Voeg dan 10 tot 15 groen olywe en eweveel swart olywe by.
Voeg 10 tot 15 gehalveerde kersietamaties by en meng.

Maak ‘n slaaisous van gekapte vars pietersielie, knoffel en basiliekruid met olyfolie en suurlemoensap en giet oor die slaai.

Meng goed en versier met gekapte dillekruid.

Heerlik saam met koue vleis!

купить липецк аргонодуговая сваркаАлександр Фильчаков

Onder Mugabe en ANC gaan Suider-Afrika aanhou ly

Mens moet aanvaar dat solank die ANC en Mugabe in Suider-Afrika regeer, gaan daar nie vooruitgang wees nie. Ons situasie (die Afrikaner en ander stamme/volke) in SA sal net veel erger word, ekonomies, polities, maatskaplik, ens. Alles wat skeef loop, is mos “die witman se skuld”.

Dit is eintlik niks nuuts in Afrika om die “koloniale veroweraars” te blameer vir hul eie tekortkominge, wanneer die voorheen benadeeldes alles afbreek wat deur die “koloniale meesters” opgerig en opgebou is nie.

Zuma, Mbeki en ander Afrikaleiers is gou om te gaan bakhand staan vir ekonomiese hulp by die Weste, maar wat vang hulle en hul burokrasie of soustrein aan as hulle by die huis is?

Die swart Afrikane kan eenvoudig nie vermag wat nasies soos Duitsland en ander Europese lande ná al twee Wêreldoorloë reggekry het nie. Vanuit verwoesting en uiters arm omstandighede met min infrastruktuur, ná ‘n oorlog, het Europeërs en Japanners weer hul lande tot toonaangewende moondhede opgebou. En dit binne ‘n  kwessie van 10 tot 20 jaar!

Wat kon die ANC in 15 jaar verrig?  Met ‘n land wat hul net so op ‘n skinkbord gekry het met goeie infrastruktuur, ‘n funksionerende ekonomie, asook minder werkloosheid en misdaad as tans.

Mugabe en die ANC-soustrein sal altyd die blaam plaas op die koloniste, apartheid, wit rassiste, want dis al wat hulle kan doen, pleks van die fout by hulself te soek en dit aan te spreek en konstruktief te werk gaan. Maar nee, dié wat op die soustrein ry en swart ekonomies bemagtig is, werk so min as moontlik, gaan na spa’s om hulle te “motiveer”, koop duur karre en huise, gaan op vakansie met belastingbetalers se geld, of hulle is self korrup en betrokke by kriminele aktiwiteite om hulself nog meer te verryk. Die hebsug vier hoogty!

Die vraag wat ek vra is: Hoekom moet die Westerse lande en ander soos Sjina (wat al meer sy gevaarlike invloed in Afrika laat geld – meer as die VSA) Afrika suid van die Sahara te hulp snel? Dít terwyl swart Afrikane baie keer die Weste, veral witmense in die eerste wêreld, uitkryt as rassiste en dies meer. Met ander woorde, hulle bevuil hul eie nes.

Globaal gesien, was die belang van lande soos die VSA was nog altyd om meer uit Afrika kan kry as wat hulle insit. Die sogenaamde humanitêre hulp kom ter elfder uur, soms glad nie, want iemand soos Mugabe onderskep kos en ander middele wat vir sy uitgehongerde mense bedoel is.

Afrikaners moet ook nie onder ‘n illusie leef dat die Weste ons gaan help as daar meer hongersnood, ekonomiese ineenstorting (alreeds sigbaar) en die volksmoord op ons vererger nie. Hulle kan anderpad kyk, soos in Rwanda, waar die VN-magte soos in die sestigerjare in die Kongo, niks kon doen nie en die situasie net vererger het.

Die huidige toestand onder Afrikaners, die verdeeldheid, aanvaarding van die “nuwe SA” met al sy grille, vermengery, afgodery, materialisme, afdwaling van hul godsdienstige herkoms en beginsels, is ook die gevolg van wat die laaste 15 tot 19 jaar plaasgevind het.

Ons as volk moet ons eers verootmoedig voor ons hulp van Bo kan verwag. Ons kan hoeveel byeenkomste en vergaderings hou, as ons nie eers dít gedoen het nie, is al hierdie pogings tot bevryding van geen belang nie en futiel.

free online casino no deposit bonusЛобановский

Klerewerkers bly staak

Die staking van 55 000 werkers in die klerebedryf gaan Maandag voortduur, het die SA Clothing and Textile Workers’ Union (Sactwu) Sondag gesê.

Andre Kriel, die algemene sekretaris, het gesê dat geen ooreenkoms bereik is nadat Sactwu ‘n aanbod van die Kommissie vir Versoening, Bemiddeling en Arbitrasie (KVBA) ontvang het om in te gryp in gesprekke oor die naweek nie.

Kriel het gesê dat hulle werkgewers oor die laaste paar dae verskeie aanbiedinge op die tafel gesit het, maar die groot struikelblok is die werkgewers se loonverhoging wat bydra dat werkers hulle deel van hul jaarlikse bonus verloor.

“Werkers sal hul jaarlikse verlof-uitbetalings verloor as hulle vir sekere redes afwesig was van die werk. Hulle verloor ook oortyd betalings vir siektverlof wat eintlik geldige verlof is,” het hy gesê.

Die vakbond eis ‘n 7.9% verhoging met betaalde siekverlof en groter bonusse vir werkers in plattelandse gebiede wat die minste betaal word in die bedryf.

Die werkgewer het aan Satawu ‘n 8% loonaanbod aangebied, met “voorwaardes” wat die vakbond nie aanvaar het nie.

Sactwu het reeds verlede Dinsdag begin staak om aan te dring op beter lone.

Daar sal na verwagting verdere onderhandelinge tussen die twee partye en die KVBA Dinsdag sal plaasvind.

 

диагностика автоДанильченко Юрий Брониславович компромат

Switserland kla oor Libiese aanhouding

Switserland het Libië ten sterkste veroordeel oor die aanhouding van twee van sy landsburgers. Die mense word al meer as ‘n week aangehou.

Switserland se minister van buitelandse sake het gesê hy is in kennis gestel dat Max Goeldi en Rachid Hamdani, albei sakemanne, ‘n week gelede in aanhouding geneem is, nadat Libië hulle vir ‘n “mediese ondersoek” gebel het.

Dié ministerie het gesê die mans se aanhouding is onaanvaarbaar.

Libië weerhou die mans sedert Julie 2008 om terug te keer na dié land uit beweerde wraak nadat Hannibal, Moeammar Ghaddafi se seun, en sy vrou in hegtenis geneem is nadat hulle glo twee bediendes by ‘n Geneefse hotel geslaan het.

Dié twee lande het verlede maand ooreengekom om ‘n onafhanklike paneel aan te stel om die in hegtenisname te ondersoek en moontlike vergoeding voor te stel.

 

ingo maurer купитьлобановский александр игоревич

Izak de Villiers oorlede

Bekende leraar, skrywer, bekroonde digter en oudredakteur van Sarie en Rapport, Izak de Villiers, 73, is gister in die vroeë oggendure in sy huis in Johannesburg oorlede.

Hy is vroeër vandeesmaand met motorneuronsiekte gediagnoseer, nadat hy die afgelope twee jaar siek was.

De Villiers word oorleef deur sy vrou Rina en twee seuns, Louis en Jacques, asook ’n dogter, Chérie, en twee kleinkinders. Louis is ‘n bekende rugbyjoernalis.

Begrafnisreëlings is nog nie bekend nie, maar ’n gedenkdiens sal na verwagting Vrydag uit die NG gemeente Aasvoëlkop in Northcliff gehou word.

 

косметика для детейФильчаков прокурор

Wêreldleiers wens Merkel geluk

Angela MerkelWêreldleiers het die Duitse kanselier, Angela Merkel, met haar verkiesingsoorwinnning gelukgewens maar sommige koerante meen vanmôre dat die lae stempersentasie en haar party se swakste vertoning sedert 1949 nie veel is om oor te kraai nie.

Die Amerikaanse president Barack Obama het sy gelukwensinge oorgedra deur te sê dat hy “uitsien na voortgaande noue samewerking met kanselier Merkel om ons gemeenskaplike uitdagings in die jare vorentoe aan te pak,” luidens ‘n verklaring wat deur die Withuis uitgereik is.

“Die Verenigde State en Duitsland is getroue bondgenote en is dwarsdeur die wêreld vennote in die bevordering van vryheid, veiligheid en voorspoed,” het die verklaring verder gelui.

Gordon Brown van Brittanje het gesê hy “sien daarna uit om hul noue werksverhouding voort te sit,” volgens ‘n woordvoerder van Downingstraat.

Die Franse president Nicolas Sarkozy meen die oortuigende oorwinning was ‘n gevolg van die openbare vertroue wat sy oor die laaste vier jaar gevestig het, terwyl die Italiaanse eerste minister Silvio Berlusconi Merkel geskakel het om hul “gemeenskaplike visie en verbintenis tot die bou van ‘n sterk en verenigde Europa te beklemtoon”, volgens die ANSA-nuusagentskap.

Hoewel die hoogs gewilde Merkel haar in Sondag se verkiesingsoorwinning verkneukel het, meen die Duitse dagblad Tagesspiegel dat haar telling van 33,8 persent, die regse party se laagste sedert 1949, ‘n “blou-oog” vir die kanselier verteenwoordig.

Duitse verkiesingsgrafiekDie stempersentasie was ‘n rekordlae 70,8 persent, teenoor 77,7 persent vier jaar gelede.

“Dis geen briljante vertoning nie,” het Die Welt verklaar en bygevoeg dat die uitslag vir Merkel se party “bitter” was, “veral vir die kanselier”.

Die Frankfurter Allgemeine Zeitung meen die konserwatiewe CDU/CSU-blok “het onder Merkel heelwat steun verloor”.

Maar die Londense Times sê Merkel beskik nou oor ‘n duidelike mandaat om die nodige hervormings in haar land aan te bring – soos om die ekonomie ná die resessie te herorganiseer.

“Die uitslag is goed vir Duitsland, goed vir Europa en goed vir ‘n demokrasie wat ‘n duidelike rigting, asook ‘n sterk mandaat, benodig,” meen die koerant.

Die oorwinning sal waarskynlik min verander aan Merkel se teruggehoue styl of haar voorkeur vir regering deur konsensus – maar dit het haar gesag op die wêreldverhoog versterk, veral by haar bondgenote.

“Haar sterk mandaat en “Duitsland se geleidelike herstel vanuit die resessie sal verseker dat haar sienings meer gewig in sowel Parys as Washington, Berlyn se twee sleutelalliansievennote, dra,” het die Times gesê.

“Dit gee vir haar bewegingsruimte en tyd om ongewilde probleme aan te pak, soos Duitsland se ontplooiing in Afghanistan,” het die koerant bygevoeg.

Die Russiese dagblad Rossiiskaia Gazeta het na die “rekordapatie” van die kiesers verwys en het die verkiesingsveldtog as “waarskynlik die verveligste in die geskiedenis van demokratiese Duitsland” bestempel. Vir die afgelope vier jaar is Merkel se party gedwing om aan ‘n liefdelose groot koalisie met die sentrumlinkse Sosiaal-Demokrate (SPD) deel te neem.

Maar sy gaan nou in alle waarskynlikheid saam met die meer konserwatiewe Vrye Demokratiese Party (FDP) regeer. Die twee het tesaam ‘n gemaklike meerderheid van 332 setels uit 622 in die parlement behaal.

“Ons hoofdoelwit is bereik, naamlik om ‘n regeringsverandering teweeg te bring, wat vir my al is wat vanaand tel,” het Merkel Sondag gesê.

Europa se grootste ekonomie is harder as die meeste deur die globale resessie getref en die vraag vir Duitsland se allerbelangrike uitvoere het drasties afgeneem, waardeur die land tans sy ergste resessie sedert die Tweede Wêreldoorlog ervaar.

Werkloosheid, wat deur Merkel as ‘n “hoogste prioriteit” geëien is, staan tans op 8,3 persent maar gaan volgens voorspellings oor die volgende maande verder styg.

справка в спортивнуюлобановский политик

Lydende Smith lei vergeefs en Proteas is uit toernooi

Graeme smith verlaat die veldDie Engelse krieketspan het gister op Supersportpark in Verwoerdburg ontwaak om die hoogaangeskrewe maar vormverlore Proteas uit die IRK se kampioenskapstoernooi te boender.

Andrew Strauss het die loot gewen en besluit om die Proteas se swakpunt, vir eens die boulaanval, uit te buit. Hy is self op 25 uit toe hy agter die stokke deur Boucher van Parnell se boulwerk uitgevang is. Denly het ‘n kort Kallis-aflewering bykant toe gelepel en is op die grens deur Duminy uitgevang. Dit was die laaste Suid-Afrikaanse vreugdetjie toe Owais Sha en Paul Collingwood die Protea-aanval met aggressie en goeie oordeel betrek het.

Hierdie aanval was ‘n bont affêre, met die boulers wat Graeme Smith tot waansin gedryf het met aanvalle weerskante van die teiken. Collingwood het uiteindelik op 82 lopies gesneuwel en Sha is tot sy afgryse twee lopies kort van ‘n ton agter die penne uitgevang.

Dit het egter nie die Proteas se ellende verlig nie. Eoin Morgan, deurtrek met ‘n hewige kleinmannetjiesindroom, het onder die Proteas se boulers ingeklim met ‘n geweld wat aan die Aussies se David Warner aan die begin van sy loopbaan herinner het. Hy het bykans twee lopies uit elke bal gewiks voordat hy op 67 lopies van 34 balle uit is. Dit het die Suid-Afrikaners 324 lopies gelaat om nog asem in die toernooi te haal.

Hierdie sou nie ‘n dag van 438-heldhaftigheid wees nie. Die Proteas het wel 301 lopies gehaal, maar het dwarsdeur agter die hakke gelyk. Maar laat Graeme Smith se knor nie geminag word nie. Hy het 141 lopies met tipiese Biff-bombasme, getemper deur ‘n sekere berekendheid, geklop. Verpletterend genoeg het dit nie die wa deur die drif gesleep nie. Hy het maar papperige ondersteuning van sy kolfkamerade gekry. Die naasbeste tellings was AB de Villiers se 36 en JP Duminy, wat homself weer in eendagkrieket moet ontdek, se 24.

Die Engelse het nou, raar genoeg, drie wenwedstryde in ‘n ry. Dit sal ongetwyfeld so deur die Engelse media besing word, dat hulle krieketspan met rapperstylarrogansie later vanjaar hier sal opdaag. Dis ook goed. Dis altyd lekker om te sien hoe lyk hoogmoed voor die val.

crystal tiarasФильчаков прокуратура харьков