Suid-Afrika se witwarm vraagstuk: tussenrassige misdaadkoerse

Die blanke publiek het wel ‘n baie sterk vermoede dat die swart-op-wit misdaadkoers, selfs op ‘n proporsionele grondslag, die wit-op-swart koers totaal verdwerg. (Vir die doeleindes van hierdie stuk gebruik ek die ANC-regime se definisie van swart om ook ander rassegroepe soos kleurlinge as swart te kategoriseer.) Die publiek moet egter staatmaak op oorvertellings en nuusberigte.

Hoeveel van ons was nie self al die slagoffer van swart misdadigers, of ken ander blankes wat deur swart misdadigers beroof, vermoor, aangerand of verkrag is nie?

In die uiters rare en uitsonderlike gevalle waar blankes wel geweldsmisdaad teenoor swartes pleeg, word dit tot so ‘n mate in die pers uitgebasuin dat ‘n leser wat nie van beter weet nie, sou sweer daar is ‘n enorme probleem met rassistiese blankes wat swartes uitwis. Ironies genoeg is die lynregte teendeel waar. Die Waterkloof-4 en die Skierlik-aanvaller was uitsonderlik slegs weens die skaarsheid van hulle soort aanvalle.

Dikwels word sogenaamde blanke misdade totaal en al verdraai. Nie één van die skoonmakers in die sogenaamde Reitzhuis-voorval is beseer nie. Hulle het inteendeel laggend saamgespeel. Dis egter nie wat ‘n leek sou dink as hy CNN of die BBC se berigte hieroor gesien het nie. ‘n Boer het per ongeluk ‘n swart seun op sy plaas geskiet omdat hy hom vir een van die bobbejane wat die boer se plaas plunder, aangesien het. Dit was ‘n ongeluk. Die boer het intense berou oor die ongeluk getoon (hoeveel swart plaasmoordenaars toon soortgelyke berou?), maar nietemin hou Cosatu en sy trawante vol dat dit ‘n rassistiese moord sou wees.

Aan die ander kant is dit slegs die mees sensasionele moorde en aanvalle op blankes, byvoorbeeld die blanke meisie wat deur ‘n swart taxibestuurder vermoor is, wat nog enigsins die koerante haal. Swart-op-wit aanvalle is so algemeen en wydverspreid dat dit nie eens meer skokwaarde het nie. Bykans elke uitgawe van ‘n lukraak gekose koerant met blanke lesers bevat berigte oor swart-op-wit moorde. Sulke berigte word egter dikwels in die binneblaaie weggesteek. Dis slegs as ‘n blanke ‘n swarte aanval, dat dit tot vervelens toe voorbladnuus word. In Engels noem mens dit “man bites dog reporting”.

Die niksseggende en inderdaad absurde verskoning wat die polities korrektes aangebied het om Brandon Huntley se suksesvolle asielaansoek as belaglik te probeer afmaak, was dat swartes ook deur misdaad getref word. Dit is ongetwyfeld waar, maar dis nie die volle verhaal nie. Brandon Huntley het beweer dat hy, as lid van die blanke etniese groep, deur swartes, ‘n ander etniese groep, geteiken word. Dis iets heel anders as gewone misdaad, nie waar nie?

(Indien iemand bostaande sou betwis, gaan ek volhou dat die Waterkloof-4 se aanval en die Skierlik-skietery ook blote misdaad was, iets waaroor die linkses nooit sal toegee nie.)

Indien dit slegs blote misdaad is wat hier ter sprake is, sonder ‘n rassemotief, volg dit dat daar ook in verhouding met ons getalle ‘n proporsionele aantal blankes moet wees wat misdaad pleeg en swartes aanval. Gegewe dat blankes 10% van die bevolking uitmaak, en misdaad volgens die linkses ewekansig is wanneer dit by oortreders en slagoffers kom, volg dit dat 10% van al die misdaad in Suid-Afrika deur blankes gepleeg moet word. Ons moet dus verwag dat huise in Soweto ook deur blanke terreurbendes geteiken moet word en dat swart bejaardes se vingers ook tydens plaasaanvalle deur blanke misdadigers afgeknip sal word.

Is dit werklik die geval? Niemand het harde syfers nie, want misdaadstatistieke word weer eens nie per rasgroep aangegee nie. Kan ons egter ‘n ingeligte raaiskoot hieroor waag? Hoeveel misdaad word deur blankes gepleeg? Hoeveel deur swartes? Hoeveel swart-op-wit aanvalle teenoor wit-op-swart aanvalle? Ek sou reken die antwoord is ja. Mens kan buitelandse statistieke gebruik om minstens verdedigbare syfers mee voort te bring.

Suid-Afrikaanse blankes se voorouers kom grootliks uit 4 lande: Nederland, Brittanje, Duitsland en Frankryk. Siende dat blankes se voorouers van daar af kom, hoe vergelyk dié lande se misdaadkoerse met Suid-Afrika s’n? Die antwoord is: daar is bykans nie ‘n vergelyking nie. Suid-Afrika se moordkoers is sowat 40-50 per 100 000 bevolking per jaar, sowat dertig keer hoër as hierdie lande s’n, wat tipies 1,5 per 100 000 bevolking is. Hier moet mens ook in ag neem dat ‘n baie groot persentasie van misdaad in die genoemde lande deur swart immigrante gepleeg word.

Dus: Suid-Afrika het sowat 4,5 miljoen blankes. As Suid-Afrikaanse blankes se misdaadkoers soortgelyk aan ons stamlande s’n is, en daar is geen rede om te vermoed dit sou anders wees nie, sou daar slegs 67 uit die 20 000 of meer moorde jaarliks deur die land se blankes gepleeg word. Siende dat al die ander moorde, 20 000 of meer, deur anderskleuriges gepleeg word, wat is die proporsionele moordkoers, maw die koers wat die aantal moorde normaliseer op grond van bevolkingsgetalle?

Die linkses is lief daarvoor om oëverblindery te probeer toepas op grond van bevolkingsgetalle. Hier volg ‘n gunstelingfoefie van die linkses: “Omdat daar baie meer swartes as blankes is, is daar noodwendig meer swart moordenaars.”

Wel, ja, maar dis nie so eenvoudig nie. Daar is nie net getallegewys meer swart moordenaars nie, daar is ook proporsioneel meer swart moordenaars. As jy moordkoerse normaliseer, met ander woorde die koerse op ‘n gelyke basis vergelyk, is die swart koers steeds astronomies groter as blankes s’n. Hier is ‘n maklike manier om laasgenoemde te bedink:

As daar 10 000 witmense in ‘n dorpie sou woon, sou daar slegs elke 7 jaar 1 (een) moord gewees het.

As daar 10 000 swartmense in ‘n dorpie woon, sou daar elke jaar sowat 5 moorde gewees het.

Die grafiek hieronder gee die onderlinge moordkoerse per capita weer op ‘n visuele manier. Let opnuut op: dit is genormaliseer om die getalle swartes en blankes in ag te neem.

moordkoers

Siende dat Brandon Huntley aanspraak gemaak het daarop dat blankes deur swartes geteiken word, hoeveel van daardie 67 blanke moordenaars per jaar se slagoffers is swart en andersom? Ons moet weer eens na oorsese navorsing verwys om ‘n ingeligte raaiskoot te waag. Die VSA het bykans dieselfde aantal swartmense as wat daar in Suid-Afrika is. Die VSA het wel sulke statistieke beskikbaar.

Volgens die webwerf Color of crime pleeg swartes in die VSA 85% van alle tussenrassige misdaad. Swartes verteenwoordig slegs 10% van die totale bevolking in die VSA. ‘n Eenvoudige berekening toon dat swartes in die VSA gevolglik vyftig (50) maal meer geneig is om alle soorte misdaad oor rasgrense heen te pleeg as die res van die bevolking.

Dis moontlik dat Suid-Afrika se tussenrassige moordkoers selfs nog meer skeefgetrek is. Siende dat daar moontlik slegs 67 moorde per jaar deur wittes gepleeg word (sien die dele oor die moordkoers in blankes se stamlande), en ‘n groot deel van die slagoffers ander blankes is, word slegs ‘n baie klein aantal swartes deur blankes vermoor. Dis onbekend hoeveel, maar die boonste perk is 67, en slegs met die aanname dat alle moordslaggoffers van blanke moordenaars swart is. Dis duidelik nie die geval nie – blankes vermoor ook ander blankes.

Dis ook onbekend hoeveel blanke moordslagoffers daar per jaar is. As almal ewekansig deur misdaad geteiken word (in teenstelling met die tempo waarteen verskillende groepe misdaad pleeg), is daar minstens 2000-3000 blanke moordslagoffers jaarliks. Siende dat daar maksimum 67 blankes deur ander blankes vermoor word, is bykans al die ander blanke vermoordes die slagoffers van tussenrassige moord.

Om dit op ‘n ander manier te stel: dis sowat 30 maal meer waarskynlik dat ‘n blanke moordslagoffer se aanvaller swart sou wees as wat die aanvaller blank sou wees.

Vir swart moordslagoffers lyk die prentjie heel anders. Dis sowat 300 maal meer waarskynlik dat ‘n swarte deur ‘n ander swarte vermoor sou word, en weer eens dis slegs as alle blanke moordenaars se slagoffers swart sou wees.

Ek laat dit aan die leser self oor om te oordeel of die polities korrektes se siening, dat misdaad geen kleur ken nie, ‘n goeie weergawe van die werklikheid is. Ek verwag dat daar diegene sou wees wat van my verskil, en ek verwelkom dit. Dit sou veral baie interessant wees om van diegene wat met my verskil se syfers te hore te kom. Is dit nie moontlik tyd vir organisasies soos Praag en Afriforum om te begin aandring op misdaadstatistieke op grond van ras nie? Vir solank as wat die ANC-regime die waarheid van ons probeer weerhou, so lank sal die redelike vermoede bestaan dat die regime iets het om weg te steek, dat die inhoud van hierdie stuk nie ver van die waarheid is nie.

Lees meer op Anton Barnard se woernaal SAmizdat.

коляски для кукол купить киевФильчаков прокурор отзывы

Kop op die blok s?: Haaie gaan vertrap word op Loftus

Protesteer soos wat Haaie-afrigter John Plumtree wil, sy span neem te veel dinge vanselfsprekend aan. Die vernaamste daarvan is dat die plaasvervangers wat die Pretoriaanse Springbokke se plekke moet warm hou, nie die Blou Bul-rugbyfilosofie mooi ingestudeer het nie. ‘n Mens kan hierdie mistasting verstaan: Die Bulle het deurtrek met stywesiekte gelyk teen die Leeus en die WP. Frans Ludeke is egter ‘n boer wat al hoe meer tuis lyk in die bulkraal en hy weet wat die regte doepa is om slym uit die oë en stramheid uit die spiere te verdryf.

Vir die Haaie om te wen, moet hulle ‘n voorpak geskoei op ‘n tradisionele voorspelerlees tem, en dit is juis hier waar hulle gaan vasval. Daar is min te kies tussen die voorrye, maar van daar af is die Blou Bulle die ene brahmaan. Dit is veral te betwyfel of die Haaie se basketbaltipe slotte, Albert van den Bergh en Steven Sykes, die brekerbenadering van Wilhelm Steenkamp en Flip van der Merwe sal kan weerstaan. En hoewel die Haaie ‘n gebalanseerde losdrietal, vol flair en werksywer, het, sal Pedrie Wannenburg hulle te gereeld terugdryf, sal Dewald Potgieter se kortpadrugby hulle verskrik en sal Deon Stegmann net te veel balle van hulle af wegbrüssouw.

Die Haaie floreer as daar bloed in die water is, wanneer die spel losrafel en goedkoop balle rondlê van waar hulle tussen ongeorganiseerde agterspelers kan inkom. Die Blou Bulle se agterlyn het egter te veel struktuur. Burton Francis verstaan die bestanddele van die Blou-Bul-resep al hoe beter en weet hoe om die pap aan te maak. Nie net sal die Pretoorsdorpers se agterlyn nie in die verdediging skiet gee nie, hulle het genoeg karwatskrag om self pak uit te deel, met veral Jaco Pretorius wat nou wys dat hy weer begin verstaan waar die doellyn is.

Praag se voorspelling: Die Haaie se drie drieë is te min om ‘n Blou-Bul-oorwinning te keer.

русская народная рубашка для девочкиалександр лобановский харьков класс

Australi? is die toevlug van ‘wit rassiste’ teen Semenya

In ‘n persverklaring wat Vrydag deur die ie ANC Jeugliga, ANCYL, vrygestel is, sê hulle dat “al die gerugte [oor Caster Semenya se geslag] uit Australië kom; ‘n plek waar rassistiese Suid-Afrikaners heen vlug omdat hulle nie onder ‘n swart, demokratiese regering wil leef nie.

“Dit is dus duidelik dat die aanvalle op Semenya van dié rassiste afkom wat nie kan glo dat ‘n swart vrou Suid-Afrika se naam hoog dra nie,” het die ANCYL in die verklaring gesê. 

Die Jeugliga dê voorts hulle sal nooit aanvaar dat Semenya ‘n hermafrodiet is nie. “Daar bestaan in Suid-Afrika en die regdenkende wêreld nie so iets [soos ‘n hermafrodiet] nie.” 

Die ANCYL sê daar is “nooit wettige mediese toetse op Semenya uitgevoer nie” Hulle het druk op die IAAF geplaas om hulself sonder verwyl van media-gerugte oor Semenya se tweeslagtigheid te distansieer. 
тамбов тележкитопкарго отзывы

Seun skiet onderwyser

'n 13-jarige seun is in hegtenis geneem en word aangekla van poging tot moord nadat hy sy onderwyser met sy pa se vuurwapen geskiet het.

Kaptein Dumisani Ndlazi, polisiewoordvoerder, het Vrydag gesê die onderwyser aan die Omar Ebrahim-laerskool in Pretoria is in 'n ernstige toestand in die hospitaal.

"'n Leerder het by die betrokke onderwyser gekla dat die verdagte iets uit sy sak gesteel het. Die onderwyser het glo die kind hieroor geslaan die seun het kwaad geraak."

Die ontstoke gr.7-leerder het toe huis toe gegaan, die kluis se sleutel gevind en sy pa se vuurwapen uitgehaal.

Hy is daarna terug skool toe en die onderwyser, wat in een van die skool se gange gesit het, in sy regterarm geskiet.

"Die verdagte het nie van die toneel gevlug nie," het Ndlazi gesê.

Die seun is in hegtenis geneem vir poging tot moord en sy pa sal van nalatigheid aangekla word.

стоимость укладки ламинатаФільчаков Олександр Васильович прокурор

Die kop op die blok s?: Springbokke wen Drienasies met naelskraapoorwinning oor NS

Wanneer die vure in al die stoomketels aangesteek is, is die Springbokke ‘n span sonder kwesplekke. ‘n Getraumatiseerde Britse en Ierse Leeuvoorpak sal nou nog bewerig vertel hoe dit voel om verpletter te word deur die skrumkrag van die Springbokke. In die vakgebied van lynstaanspel het Victor Matfield die handboek, nee die ensiklopedie, geskryf. So, die Springbokke sal genoeg vastefasetbal bekom om hulle spelmatrys op die armsalige Kiwi’s af te dwing. Fourie du Preez en Morné Steyn is dodelike opeveldskoppers. Bryan Habana en Ndungane is opgekook genoeg om elke hoë bal te jaag op snuffel vir losspringers waarmee hulle chaos gaan veroorsaak.

Want, maak geen fout nie, môre gaan die Springbokke hulle gepatenteerde doodwurgrugby speel. Ons weet dit en die All Blacks weet dit. Wat die Kiwi’s nie weet nie, is wat hulle daaromtrent gaan doen. Hulle sou so graag die spel wou lostorring, die Springbokke met hulle voorspelers op die agtervoet wou verjaag en die afbreekspel domineer. Maar daar is twee stokke in hulle speke: Bakkies Botha gaan hulle seermaak en die Bok-voorspelers gaan hulle pap speel. En in die afbreekpunte gaan hulle ook weinig vreugde smaak. Die gewoontedief, Heinrich Brüssouw, het telkens hierdie jaar vir Richie McCaw flou gespeel en gaan dit Saterdag weer doen.

Die res van die Springboktaaklys gaan uit verdediging bestaan, en sonder JP Pietersen wat te spandabelrig is met drieë wat hy aan sy buitekant oop los, gaan die All Blacks opkikkers sweet vir elke vyfpunter.

Hierdie is ‘n toets wat ‘n ou bekende chronologie gaan voortsit: Die All Blacks gaan te lank vat om aan te pas by die krag en presiesheid van die Springbokke en gaan eers tot verhaal kom wanneer hulle vyftien punte of meer agter is. Die Springbokke gaan dan die hortjies toemaak en hulle voorsprong verdedig. Kort voor die einde, vrygewig soos hulle is, sal hulle vir Dan Carter of een van die vleuels toelaat om ‘n drie te druk.

Te min, te laat, soos ander meer geroemde Suid-Afrikaanse toegewings.

Môreaand drink ‘n vierkantige, roeskopvoetbalkaptein vonkelwyn uit die Drienasies-kelk.

free video slot gamesлобановский класс

11 September 2001

Dinsdag, September 11, 2001, en inwoners van New York drentel weg of staan en kyk hoe die een toring van die Twin Tower-kompleks brand. 'n Rukkie later sou die tweede vliegtuig in die ander toring vasvlieg.

Negentien man verbonde aan die Al Kaidanetwerk, het daardie oggend vier passasierstralers gekaap en twee daarvan in die World Trade Center in New York laat vasvlieg. Geboue naby die kompleks is ook beskadig.

Die derde straler het in die Pentagon in Arlington County, Virginia, vasgevlieg en die vierde het neergestort nadat passasiers die vliegtuig van die kapers oorgneem het en in 'n veld in Somerset County, Pennsylvania probeer land het.

Ongeveer 3 000 mense is in die terreuraanvalle dood. 

 

кофта обманка для мальчика купить для школыданильченко юрій Харків

Derde vas in Vodacom-bedrogsaak

'n Derde persoon is in hegtenis geneem in die Vodacom-bedrogsaak, het die hof vir gespesialiseerde handelsmisdaad gehoor.

Dié verdagte is 'n vrou wat na bewering in Orange Farm woon.

Sy sou aanvanklik op haar eie in die hof verskyn het, maar sal in 'n latere stadium by haar mede-beskuldiges, Mbokodana Khoza en Mbusi Bhengu in die beskuldigde bank aansluit.

Khoza en Bhengu het Vrydag in die hof verskyn en hul saak is uitgestel.

Die staat voer aan dat dié twee mans deel van 'n sindikaat was wat miljoene rande uit die bankrekenings van kliënte gesteel het.

Vroeër is gesê dat Khozana bewering sy posisie as ingenieur misbruik het, deur SMS-boodskappe met bankbesonderhede te onderskep en geld uit die rekeninge te steel.

tiarasДанильченко Юрий Харьков

Zuma dink Malema kan groei as leier

President Jacob Zuma het herken dat die ANC-jeugligaleier, Julius Malema, soms te ver gaan.

"Ek het van Malema se uitbarstings met hom bespreek. In sommige gevalle, as jong man, gaan hy oorboord”, het Zuma tydens ‘n onderhoud op MTV Base gesê.

Zuma sê Malema kan geleer word om te groei as leier.

"Ons moet met hom gesels en kry om te groei tot 'n leier word wat ons wíl ken", het Zuma gesê.

Volgens Zuma sal Malema se dade ‘n groot invloed om die komende jeugliga-verkiesing hê.

Malema is tans betrokke by ‘n hofsaak aangaande aanmerkings wat hy gemaak het wat voorstel dat die vrou wat Jacob Zuma aangekla het van verkragting, die seks met Zuma geniet het. 

“Diegene wat ‘n goeie tyd het sal wag tot die son opkom, vra vir ontbyt en geld vir ‘n taxi. Daardie vrou het gevra vir ontbyt en taxi-geld”, het Malema vroeër vanjaar gesê.

Malema is bekend vir sy kontroversiële uitlatings.

Hy het al die leier van die DA, Helen Zille, ‘n "rassistiese klein meisie" genoem, en ook na Mbhazima Shilowa, Cope se medeleier, verwys as ‘n ‘sekuriteitswag wat nie kinderonderhoud betaal nie’.

In Februarie vanjaar het hy om verskoning gevra vir aanmerkings wat hy oor Naledi Pandor, die voormalige minister van onderwys, se ‘vals aksent’ gemaak het. 

Hy is ook berug vir sy stelling dat die jeugliga sal doodmaak vir Zuma.

 

липецк прессыФільчаков Олександр Васильович

Malawi het rekordmielieoes, maar steeds hongersnood

Volgens Ann Callanan, 'n direkteur van die Wêreldvoedselprogram, "Soek ons skenkerondersteuning van 5,2 miljoen dollar om die WVP in staat te stel om aan die voedselbehoeftes van die geteikende begunstigdes tot Desember 2010 te voldoen."

Callanan het gesê dat in weerwil van 'n rekordmielieoes van 3,3 miljoen ton, "hierdie nasionale oorskot nie outomaties en direk na brose groepe, soos die chroniese siekes en weeskinders afwentel nie."

Die brose begunstigdes – wat op 535 000 beraam word – sluit Vigslyers in, asook pasiënte wat behandeling vir tuberkulose ontvang en kinders wat ondervoed is.

"Ons het desperaat skenkers se aanhoudende ondersteuning nodig om aan die behoeftes van die begunstigde-kategorieë te voorsien wat moontlik nie die geleentheid gaan hê om voordeel uit die voedseloorskot te trek nie," het sy bygevoeg.

Malawi het vanjaar 'n rekordmielieoes gehad, wat aan intensiewe besteding aan kunsmis en ander landbou-insette toegeskryf word.

Voedselsekerheid bly egter 'n dringende kwessie vir die Malawiërs wat deur armoede geteister word en ongeveer 45 persent van die 13 miljoen inwoners verteenwoordig.

светильники для освещенияtopcargo отзывы сотрудников

IAAF lugtig n? rassisme-aanklag

Die Internasionale Vereniging van Atletiekfederasies, IAAF,  kon nie die bewerings bevestig wat Vrydag deur die Sydney Morning Herald berig is nie.

Dié koerant het berig dat die vroue 800m wêreldkampioen Caster Semenya glo beide vroulike én manlike geslagsorgane het.

Nick Davies, ‘n woordvoerder van die IAAF, het gesê hulle het die uitslae van Semenya se geslagstoetse ontvang, maar dat hy nie in staat is om die resultate te bespreek nie.

"Ek het eenvoudig nog nie die uitslae gesien nie," het Davies in ‘n e-pos aan AP geskryf. “Ons het wel die toetse van Duitsland ontvang, maar dit behoort eers deur ‘n span kenners bestudeer te word en ons sal dus nie in ‘n posisie wees om vir die volgende paar weke daaroor met die atleet te praat nie," het hy gesê.

"Na dié prosedure sal ons, afhangende van die uitslae, in private hoedanigheid die volgende stappe met die atleet bespreek.”

Semenya se pa Jacob was baie kwaad toe hy hiervan te hore gekom en het aan AP vertel dat die mense wat sê sy dogter is nie ‘n vrou nie “is siek. Hulle is mal. Is hulle God?”. 

Nie die IAAF, Ateletiek Suid-Afrika (ASA) of sy dogter het hom hiervan vertel nie, het Jacob bygevoeg. “Ek weet niks.”

Die 18-jarige atleet het volgens berigte nie 'n baarmoeder of eierstokke nie en daar is ook berig dat Semenya glo interne testikels het wat groter hoeveelhede testosteroon vervaardig.

Davies het gesê die berigte moet "baie versigtig" benader word.

насосы для соленойОлександр Фільчаков прокурор