zimbabwe money – Bladsy 4

Die NSA verdrink in sy eie riool

Onder De Klerk se vele beloftes tydens sy kruiperige oorgawe aan die ANC, was daar mos eie skole en die behoud van Afrikaans. Vir baie mense is dit te abstrak, maar die gesig van rou riool wat in ons spruite en riviere instroom en ook ondergrondse water besoedel, is 'n newe-effek van die Nuwe Suid-Afrika wat hulle binnekort aan eie bas gaan voel.

Verlede Vrydag het ek bietjie "riooltoerisme" saam met mnr Jaap Kelder van die Nasionale Belastingbetalersunie bedryf en die rioolplase en watersuiweringsaanlegte van die volgende Vrystaatse dorpe besoek:

Kroonstad, Heilbron, Frankfort en Villiers.

PRAAG beskik oor twee ure se videomateriaal, asook stilfoto's daaroor, maar indien enigeen nog so optimisties is om te dink dat hy of sy die "nuwe Suid-Afrika gaan maak werk", hoef hy net enigeen van die 260 dorpe wat intussen by die NBU aangesluit het se rioolaanlegte te gaan besoek.

Veral Kroonstad, die naasgrootste stad in die Vrystaat, se rioolplaas verkeer in 'n haglike toestand en riool beland in spruite, vleie en in die Valsrivier (van waar die drinkwater gepomp word!). Die voormalige stadsingenieur wat in 1996 as blanke sy pos verloor het toe transformasie begin het, het aan ons die werkinge van die hele aanleg verduidelik. Dit het soos 'n argeologiese toer van 'n verlore beskawing gevoel, met die pompstasie wat lankal nie meer werk nie en deur onkruid oorgroei is. Die een besinkingsdam is verstop deur 'n kors ontlasting wat agtien meter dik is. Bo-op die sandfilters wat geen water meer sien nie, groei 'n paar fris bome.

By die pompstasie wat drinkwater uit die rioolbesoedelde Valsrivier na die reservoirs moet pomp, het slegs een uit ses pompe gewerk. Op pad uit kom ons 'n vername swartman teë wat vir ons vra wat ons daar maak. Hy was uitgevat in duur ontwerpersklere, baie modieus en buite het sy blinknuwe, pikswart Mercedes-Benz-viertrekvoertuig gestaan. Na ietwat vae verduidelikings oor ons riooltoerisme, vra ons hom wat hý daar maak.

Nee, antwoord die verhewe heer, ons moet sulke vrae aan die munisipaliteit rig wat ons sal antwoord. Hy is nie by magte om te sê wie hy is of wat hy daar maak nie.

Die absurditeit is natuurlik dat, wetlik gesproke, ons seker oortree het deur as blanke Afrikaners installasies te besoek wat deur ons mense ontwerp, opgerig en betaal is. Binne hierdie stelsel van absurde "demokrasie" is dit die swart munisipaliteit se reg om ons drinkwater en die omgewing te besoedel en die toerusting na goeddunke te laat verval, ons kinders aan e.coli, cholera en ander bakterieë bloot te stel, en ons mag niks konkreets daaraan doen nie. Behalwe om te kla.

Jaap Kelder en sy NBU het egter getoon dat daar 'n grys gebied in die reg bestaan wat dit vir vrywilligers moontlik maak om, indien nodig, by jou plaaslike rioolplaas te gaan inbreek om te probeer red wat daar te redde is. Daar bestaan reeds 21 munisipaliteite waar belastingbetalersverenigings hul eiendomsbelastings terughou en soos op Sannieshof dit aan die herstel van riolering en watersuiwering bestee.

Intussen het die munisipaliteit van Tswaing, wat oor Sannieshof regeer, aangekondig dat hy 'n hofsaak teen die plaaslike inwoners gaan maak wat hul rioolplaas sonder sy toestemming herstel het en wat ook weier om vir dienste te betaal wat Tswaing nie kan of wil lewer nie. Terwyl die dorpenaars hul sente omdraai om pompe vir die rioolplaas aan te koop, het die burgemeesteres van Tswaing vir haar nog 'n swart Mercedes CLK van 1,2 miljoen rand aangeskaf, blykbaar op munisipale onkoste. Ons lag vir Idi Amin en Robert Mugabe, maar is Suid-Afrika se "burgemeesters" beter?

Lande word uit rioolbesoedelde damme en riviere besproei en diere drink daaruit; so beland afvalstowwe in ons voedselketting. Binnekort gaan die EU geen Suid-Afrikaanse landbouprodukte meer in Europa toelaat nie, vanweë ons vuil water. Indien Kroonstad se rioolwater op 'n enkele perske iewers in die EU tydens 'n laboratoriumtoets verskyn, gaan die hele sagtevrugtebedryf op hul swartlys geplaas word. Die skade aan ons landbou gaan binnekort miljarde rande beloop, om van die menslike gesondheidsrisiko's nie eens te praat nie.

Die korttermynoplossing is 'n goeie waterfilter aan jou kraan en om op jou plaaslike dorpbelastings in 'n trust in te betaal soos die NBU se belastingbetalersverenigings maak. Die langtermynoplossing is 'n volkstaat voordat ons soos Zimbabwe volkome verafrikaniseer.

10 pound free casino Фильчаков прокурор

Premier se seun ondervra vir motordiefstal

Die nuwe Gautengse premier, Nomvula Mokonyane, se seun is gisteraand deur die polisie weens vermeende motordiefstal ondervra.

Volgens Beeld is Africa Mokonyane, 22, gistermiddag by die premier se woning in Krugersdorp in hegtenis geneem nadat hy na bewering probeer het om ’n student se bakkie te steel.

Die koerant het ook betroubaar verneem dat konsternasie in polisiekringe heers omdat “een van die premier se kinders in die polisieselle is”.

Mokonyane se seun is nog nie aangekla nie. Simon Zwane, van die premier se kantoor, het gisteraand aan Beeld bevestig dat mnr. Mokonyane deur die polisie “ingeneem is vir ondervraging”, maar sê dit berus op 'n misverstand.

play demo roulette Лобановский

Omkoopgeld toe net ‘n ‘bewys van dank’

Die klag teen 'n Durbanse sakeman is laat vaar nadat hy daarvan beskuldig is dat hy amptenare by Zuma se inhuldiging wou omkoop vir 'n beter sitplek.

Volgens die Star-koerant het die perdewedrenmagnaat en veiligheidsmaatskappyeienaar Roy Moodley slegs geld oorhandig as "'n bewys van sy dankbaarheid vanweë die goeie diens gelewer".

Tlali Tlali, woordvoerder van die Nasionale Vervolgingsgesag, het bevestig dat die klag teen Moodley Vrydag teruggetrek is, nadat dit aan die lig gekom het "dat daar miskien 'n misverstand" was.

Moodley is Woensdag in hegtenis geneem nadat hy na bewering 'n vrou probeer omkoop het met 'n honderd rand by die akkreditasietent om 'n "beter uitsig" van Zuma te hê.

Die Nasionale Intelligensieagentskap is ontbied nadat die omkoopgeld betaal is.

Moodley het onlangs 'n uitspattige verjaarsdagpartytjie vir Zuma gehou en 'n oorwinningsviering vir die ANC in Umhlanga, Durban.

1200 onderwysers nie betaal nie

Barbara Creecy

Omtrent 1200 onderwysers en ondersteuningspersoneel moes sonder hul salarisse aan die einde van April klaarkom, het die Gautengse onderwysdepartement in Sentraal-Transvaal Woensdag gesê.

Die pas aangestelde LUR vir onderwys, Barbara Creecy, het in 'n verklaring die betrokke personeel verseker dat sy haar "persoonlike aandag" aan die saak sou skenk totdat alle personeel betaal is.

Die departement het die fout toegeskryf aan skole wat in gebreke gebly het om kontrakte vir tydelike personeel te verleng. Nuut aagestelde personeel is ook nie op die sentrale salarisdatabasis aangebring nie, wat daartoe gelei het dat hulle nie betaal is nie.

Personeel wat nie salarisse ontvang het nie, is op tydelike kontrakte of is nuut aangestel.

Die salarisse van 1060 personeellede sal Maandagnag verwerk word, met die geld wat na verwagting op Maandag 18 Mei in hul bankrekeninge sal wees.

"Namens die departement wil ek om verskoning vra aan elke personeellid wat hierdeur geraak is," het Creecy gesê.

"Daar rus 'n verpligting op ons as 'n departement om te sorg dat basiese administratiewe prosedures, soos dat personeel betyds betaal behoort te word, nagekom word."

'n Verdere 140 personeellede se besonderhede is foutief op die departementele stelsel en word tans een na die ander gekorrigeer.

"Op die oomblik is 150 skakelbeamptes besig om elke skool in die provinsie te bel om seker te maak dat niemand deur die stelsel geglip het nie."

Creecy het die departement aangesê om die dokumentasie te hersien wat van skole na hoofkantoor oorgedra word ten einde seker te maak dat inligting betyds ontvang en akkuraat verwerk word.

Verkragting is ‘n ‘oorlogswapen’

Melanne Verveer, die VSA se reisende ambassadeur vir vrouekwessies wêreldwyd, het Woensdag aan Amerikaanse senatore van die senaatskomittee vir buitelandse verhoudinge vertel dat verkragting 'n oorlogswapen is in Afrika, Asië en Europa.

Gedurende die 12 jaar van konflik in die DRK is honderde vroue, dogters en babas verkrag en die daders het min of meer skotvry daarvan afgekom. In Darfoer heers soortgelyke toestande. Verkragting word gebruik omdat dit effektief is, volgens Verveer. Dit vernietig die gesinne, families en uiteindelik die gemeenskap beter as wat gewere of bomme dit kan doen, het sy gesê.

In die DRK word 1 100 verkragtings per maand aangemeld, wat beteken dat 36 vroue per dag verkrag word. Die slagoffer word dikwels vermink sodat sy 'n sigbare teken van haar skande dra.

Verveer het ook uit 'n menseregteverslag aangehaal waarin daar op die "ooglopende gebrek aan erns" oor die kwessie gewys word. Mans wat daarvan aangekla word, kry gewoonlik ligte strawwe of word op borgtog vrygelaat. Van die 14 000 verkragtings wat by gesondheidsentra in die Kongo aangemeld is tussen 2005 en 2007, het net 287 in 'n hof geëindig.

Verveer het gesê Susan Rice, die VSA se ambassdeur by die VN, beplan om Afrika tesame met verteenwoordigers van die Veilgheidsraad te besoek, en sal spesifiek by 'n hospitaal in die ooste van die Kongo aandoen. Slegs twee dokters wat in chirurgie spesialiseer om verminkte vroue te help, is werksaam by dié inrigting.

Senator Barbara Boxer het gesê die situasie is 'n "skande vir die menslike ras".
play free online

Stil katelkruipers!

Moet tog nie julle laat mislei deur die vreespolitiek en valse propaganda van Naspers nie want dis nog steeds gemik teen die belange van die Afrikaner soos voorheen. Gogga-maak-vir-baba-bang massahisterie.

Ons weet mos hoe werk die Afrikaanse media met ons koppe. 'Anti-politiek' is nie ‘n beginsel nie. Dis hoogstens bedoel om druk uit te oefen maar sal nooit die ANC uit die kussings lig nie. Dis politieke hardlywigheid.

Anti-politiek is nou suksesvol gebruik om al die banggatte op loop te jaag insluitende die AWB, HNP, DA, COPE in, met slegs een uitsondering naamlik die 150 000 VF+ kiesers. Mulder het bewys dat hy nie bang is nie – die hart van ‘n leeu van Wes Transvaal.

Hy het die VF minus verander in ‘n plus. Hy skrik vir niks. Die groot gesanik oor verbeeldingsvlugte van die sogenaamde tawwes kan veeleerder as verraad beskou word waaroor die geskiedenis sal oordeel. ‘n Soort Boerehippiekultuur van selkastyding en selfbejammering en rigor mortis. Dis die ‘ek-het-jou-mos-gesê’ hoogheiliges onder die katelkruipers wat kla.

Verraad sou wees om nie alles vir ons vryheid te probeer nie – dit is wanneer die manne van die muise onderskei word. In die werksplek werk die meeste mense daagliks intiem saam met die ANC-mense vir hulle eie ekonomiese vryheid. Hoekom word Mulder anders beoordeel?

Toegegee dat Mulder se voorganger Balldrik du Toit so ‘n verraaier was – ja. Maar mens kan mos ons man se arms versterk en nie weghol nog voor die oorlog begin het nie. Dan praat mense so maklik van oorlog en stryd en die wonderlike ‘Volk’ wat soos spoke verdwyn as daar iets gebeur waarmee ons klaers nie saamstem nie.

Maar ek weet van ander volksgenote, volkshelde wat vir geen duiwel stuit nie – maar nou in die tronke sit omdat hulle mense skandalig van hulle vergeet het waar hulle onder die katels lê en raas.

Diegene wat altyd wes kyk sal nooooit die son sien opkom nie!

earrings for

Ondergang van die Weste

Demografie is ons noodlot – August Comte

Ofskoon hierdie titel verwys na die werk van die Duitse historikus Oswald Spengler, kan 'n mens in die huidige tydsgewrig soortgelyke argumente voer dat die Weste sy hoogste tyd gehad het en so langsamerhand sy invloed begin verloor op sowel morele as politieke terrein.

Sekerlik die vernaamste oorsaak hiervan is die demografiese skuif wat plaasvind in die wêreld. In Europa is die aantal Westerse mense vinnig besig om in getalle uit te dun. Daar is nouliks 'n land in Wes-Europa waar die geboortesyfer op peil is. Daar moet per gesin ten minste 2.1 kinders gebore word om die bevolkingsaanwas op 'n gesonde peil te hou, terwyl lande soos Italië se geboortesyfer so laag soos 1.6 per gesin is. Die ekonomiese reus van Wes-Europa, Duitsland, presteer skaars beter met 1.8 geboortes per gesin.

Eintlik is die skade al gedoen. Om hierdie tendens terug te draai kan tot 'n honderd jaar neem. Gevolglik is Europa besig om diverse maatreëls te neem om te sorg dat die ekonomie en bevolkingsaanwas nie agteruit loop nie. Die mees haalbare strategie is om immigrante in te voer om te sorg dat die welsynstaat genoeg kapitaal kan genereer om die ouer-wordende bevolking van pensioene en basiese dienste te kan voorsien. Hierdie taktiek het egter 'n groot aweregse werking, deurdat immigrante met 'n nie-Westerse agtergrond nie wesenlik bydra tot 'n gesonde ekonomie nie. Inteendeel: baie nie-Westerlinge presteer minder goed op skool, ly aan vervreemding en is meer verteenwoordigend van die onderklas, wat juis 'n ekstra las vorm op die welsynstaat se hulpbronne. Desnieteenstaande is hulle demografies gesproke die produktiefste groep en verwek meer kinders as die Westerlinge. Op so 'n manier vind daar 'n omgekeerde kolonisasie plaas en begin hulle die tradisionele Europese identiteit te verdring.

Die bekende Kanadese rubriekskrywer Mark Steyn het op 'n stadium genoem dat toe hy op skool was, was Lord Kitchener as 'n held gesien vanwee die Derwisjes wat hy uitgemoor het. Deesdae word dieselfde Kitchener in skoolboeke as 'n skurk voorgestel. Heel tereg natuurlik, maar die somtotaal van verkettering van Westerse helde gee aanleiding tot 'n soort antipatie jeens Europeërs se eie verlede, wat 'n nuwe paradoks ontbloot: Aan die een kant verlang die Europese lande dat vreemdelinge die plaaslike taal en gewoontes moet aanleer om beter te integreer. Tegelykertyd verafsku Europeërs hul eie taal en kultuur. Vreemdelinge begin hulself dus af te vra hoekom hulle hulself moet integreer in 'n land en sy kultuur waarvan die mense self niks voor voel nie. Hoe eienaardig dit mag klink, kan hierdie dubbele verwagting – waar vreemdelinge baie gevoelig voor is – aanleiding gee tot diverse aanpassingsprobleme en selfs ernstige psigotiese versteurings teweegbring.

Jarelank was veral vanuit linkse geledere afbreuk gedoen aan helde van weleer, waarskynlik om integrasie van vreemdelinge te bevorder. Hulle wil nie-Westerse vreemdelinge die indruk gee dat hulle hulself gedistansieer het van onmenslike praktyke uit die verlede, en nou as nuwe verligters hulself wysmaak dat hulle alle kulture kan omarm. Hulle begryp egter al te dikwels nie die beweegredes van vreemdelinge nie. Die hele Weste reageer byvoorbeeld met afsku oor die martelpraktyke in die gevangenisse van Guantanamo en Abu Grahib wat onder Rumsfeld se waarneming plaasgevind het, maar radikale webwerwe wat tot 'n Jihad teen Amerika oproep, het nouliks melding hievan gemaak. Amerika is nou eenmaal die aartsvyand van radikale Moslems, dus of hulle iemand nou meer of minder gemartel het of nie maak geen verskil nie. Buitendien vind martelinge in Moslemlande veel meer plaas as in die VSA.

In 'n ondersoek wat onlangs onderneem is in 'n aantal Moslemlande tussen radikale en gematigdes, is daar verbasend min verskille gevind tussen die twee groepe wat hul waardes aanbetref. Altwee bewonder Westerse tegnologie en vryheid van meningsuiting ewe veel. Die vernaamste verskille is dat radikale Moslems meer hoopvol is oor die toekoms en dat hulle die welvarender segment van die bevolking uitmaak. Eweneens is daar meer radikales onder hoër opgevoedes. Met ander woorde, armoede en laer opleiding as teelaarde vir radikalisme is in hierdie ondersoek nie bewese nie. Dit wil voorkom asof idealisme en opportunisme belangriker bronne van radikalisme is as die afgekoude Marxistiese narratief van armoede en uitbuiting.

Marxiste is geneig om te stel dat kapitalistiese lande op hul gevaarlikste is wanneer hul invloed besig is om te taan, juis in 'n poging om hul glorie van weleer te herstel. Die falende Habsburgse Ryk, wat die Eerste Wêreldoorlog op gang gesit het, gee steun aan hierdie stelling. Wat egter nie genoem word nie, is dat wanneer 'n invloedryke en welvarende land of groep die mag begin verloor, word hul voortbestaan net so goed bedreig. Hannah Arendt het byvoorbeeld melding gemaak dat die Jode in Nazi-Duitsland besig was om die mag te verloor nog voor die opkoms van Nazisme. Die belangrikste Joodse instellings – die banke – was alreeds vry van Jode verklaar na meer as 'n honderd jaar toe Hitler die leisels oorgeneem het in 1933. As dit nie was vir sy golf van uitwissing nie sou die aantal Jode vanself uitgedun het deur immigrasie en laer geboortesyfers. Die feit dat hulle geen wesenlike invloed in die politiek en ekonomie meer gehad het nie maar desondanks welvarender was, was juis die rede vir bitterheid teen hulle.

Ek vermoed dieselfde geld vir die anti-Westerse reaksies wêreldwyd. Westerlinge glo nie meer in hul eie verligtingsideale nie. Amerika is nie meer 'n land van onbegrensde moontlikhede nie, maar 'n kwasi-imperialistiese boosdoener. Nie-Westerse lande besef dit en sien dat die groot Westerse moonthede op kleivoete staan. Globalisasie het veroorsaak dat ander lande nou meer invloed kry in die mondiale politiek ten koste van die welvarende Westerse lande. Die sowat 50 miljoen Moslems in Europa besef dit al te goed en beskou dit as die perfekte geleentheid om hul kultuur oor te plant, en die Europeers protesteer nouliks hierteen.

Die voordeel – as 'n mens dit 'n voordeel kan noem – is dat Afrikaners voorloop in hierdie demografiese kurwe van magsverlies onder druk van vreemde invloede. Alle politieke bedrywighede onder Afrikaners het die potensiaal om Westerse menings wêreldwyd te beïnvloed.

Daarom is dit belangrik om hier kennis van te neem. Afrikanerpolitiek is nie net Afrikaner-politiek nie, maar toonaangewend vir die lot van die Weste as geheel.
справка для бассейна

Pous ondersteun Palestynse staat

Pous Benediktus XVI het sterk steun vir 'n Palestynse staat uitgespreek tydens sy besoek aan Bethlehem in Israel.

Hy het gesê die Vatikaan ondersteun 'n soewereine Palestynse tuisland met internasionaal erkende grense.

Die pous is deur die Palestynse president Mahmoud Abbas verwelkom. Hy het 'n beroep op jong Palestyne gedoen om geweld af te sweer en daarna besoek gebring aan die Aidavlugtelingkamp.

Die pous het ook sy diep meegevoel uitgespreek teenoor Palestyne wat geliefdes verloor het in Gaza en het internasionale bystand vir die heropbou van Gaza gevra.

укладка ламинат

Amateurs verantwoordelik vir Amerikaanse foltermetodes

Twee sielkundiges, amateurs wat nog nooit 'n gevangene ondervra het nie, was verantwoordelik vir die CIA se ondervragingstegnieke by gevangenisse soos Guantanamo wat wêreldwyd opspraak gewek het.

James Mitchell en sy vennoot Bruce Jessen van die maatskappy Knowledge Works het die handleiding geskryf wat gebruik is om Al-Kaidaverdagtes te folter.

Mitchell, 'n toegewyde Mormoon, was voorheen betrokke by die Amerikaanse weermag se geheime SERE-program. SERE staan vir die Engelse Survival, Evasion, Resistance, Escape, en is ontwerp om Amerikaanse soldate voor te berei indien hulle gevang en gemartel sou word.

Van die metodes wat Mitchell opgeteken het is ook oorgedra uit die ervaring van die Koreaanse oorlog. Soldate word kaal uitgetrek, aan uiterste temperature blootgestel, moet harde musiek verduur en word teen mure gegooi. Die berugte waterbordonderdompeling is ook toegepas.

Albei mans, Mitchell en Jessen, is patriotiese Amerikaners wat gretig was om by die 'Oorlog teen terreur' betrokke te raak. Daarbenewens was dit 'n sakegeleentheid wat groot winste beloof het toe hulle deur die CIA genader is om as kontrakteurs op te tree.

Maar politici in Washington is gewaarsku deur ander SERE-opleidingspersoneel dat die metodes nie in ondervraging gebruik behoort te word nie. Lt-kolonel Daniel Baumgartner, in bevel van SERE-opleiding, het gemeen dat sulke tegnieke "nie baie betroubaar" is nie en dat dit die teenoorgestelde uitwerking kan hê as wat beplan is.

Baumgartner het ook gewaarsku dat dit openbare en politieke teenreaksie kan meebring as dit aan die lig sou kom. Die waarskuwings het egter nooit die ore van politici bereik nie en George Tenet, eertydse CIA-direkteur, het sy politieke base verseker dat dit die beste ondervragingsmetode is omdat dit reeds op duisende Amerikaners getoets is.

поршневой компрессор

Afrikaners vandag

Dis tyd dat ons die waarheid in die oë kyk. Die Afrikaner as kollektiewe entiteit is tot niet. Ons kollektiewe bewussyn is oor die afgelope 200 jaar gekweek uit die loutering van twee vryheidsoorloë en omstandighede wat samewerking tot 'n oorlewingsmeganisme verhef het. Sedertien is hierdie kollektiewe bewussyn polities gemanipuleer om 'n nuwe blanke volk ryp te druk deur die apartheidsjare. Om hierdie nuwe volk teen die getalle monster van die swartes te beskerm, moes die kollektiewe status ten alle koste behou en uitgebou word, en dit was ook so. Die onuithoudbare onregverdigheid en diskriminasie van Apartheid was uiteindelik 'n groter krag wat hierdie kollektief langs sy natuurlike nate en verdelinglyne laar skeur het. Verdelingslyne wat net nie weer saamgevoeg kon word na De Klerk se oorgawe nie.

Die rede waarom die huidige geslag Afrikaners nie weer vry sal wees nie, is omdat hulle nooit weer met die stigma van Apartheid wil en kan saamleef nie. Dit is die enkele groot faktor wat alle pogings tot hereniging onder Afrikaners sonder uitsondering laat sneuwel het. Of Afrikaners wel 'n saak het, hang net van hulle self af, maar die probleem lê juis by die 'Hulle' wat maar net nie weer wil heg nie. Sentiment is bloot net nie meer effektief nie – ons voorvaders se offers net nie meer groot genoeg nie.

Daar is wel 'n nog groter krag wat voortspruit uit die natuurlike behoefte van die kultuurmens. Dis die kohesie van soortgelykheid. Die implikasies hiervan werk deur op alle terreine, van sportgebied tot in die kerk en staat. Dit impliseer opsigself dat ons kollektief afgebreek is tot op plaaslike vlak waar ons in ons gemeenskappe verkeer. Dit is dan ook ons uitdaging vir vandag in die NSA. Prakties beteken dit dat as jy as Afrikaner wil leef, jy eenvoudig moet verskuif na 'n plaaslike ruimte waar jy onder eendersdenkende Afrikaners tuis kan voel en 'n vrugbare en veilige bestaan kan maak. Ek weet van 'n klompie vriende- en familiegroeipunte waar dit juis toegepas word. Hieruit kan groter raakpunte weer opgebou word, maar van die Kaap tot in die Transvaal sal ons nooit weer kollektief kan wees nie. In hierdie ruimtes bly Afrikaners voortleef in 'n postmoderne styl sonder om te veel te tob oor ons amptelike status, want daarvan is daar niks meer oor nie.

Dis 'n bitter pil om te sluk vir baie Afrikaners, maar kyk dit nou maar eenmaal in die oë, ons Afrikanerryk het vir goed sy einde bereik. Dit gaan baie frustrasie spaar as ons net eers weer ons plek kan vind in die NSA. Wie weet, vorentoe mag ons wel weer 'n eie land hê, maar dit sal gebore wees uit die praktiese en nie sentiment nie.

free blackjack no download Лобановский

Dink voor jy drink!

Daar is 54 munisipaliteite in Suid-Afrika waar kraanwater nie aangeraai word vir menslike gebruik nie. Die departement van water en omgewingsake het Dinsdag 'n waarskuwing uitgereik waarin hulle sê dat hulle nie vertroue het in die vermoë van die lys munisipaliteite om skoon drinkwater te voorsien nie.

Oos-Kaap
* Alfred Nzo Distrik
* Baviaans
* Ikwezi
* Kouga
* Sondagsrivier
* Cacadu Distrik

Vrystaat
* Mafube
* Metsimaholo
* Ngwathe
* Moqhaka
* Matjhabeng
* Nala
* Tswelopele
* Masilonyana
* Dihlabeng
* Mantsopa
* Kopanong
* Naledi

Gauteng
* Kungwini
* Lesedi
* West Rand Distrik

Kwa-Zoeloe Natal
* Umkhanyakude Distrik

Limpopo
* Groter Sekhukhune;
* Mogalakwena
* Mookgophong
* Mopani District
* Thabazimbi

Mpumalanga
* Dipaleseng
* Ehlanzeni Distrik
* Gert Sibande Distrik
* Lekwa
* Mkhondo
* Msukaligwa
* Nkangala District
* Nkomazi
* Steve Tshwete
* Taba Chweu
* Thembisile

Noord-Kaap
* Hantam
* John Taolo Gaetsewe Distrik
* Kai !Garib
* Khai-Ma
* Richtersveld
* Siyancuma
* Sol Plaatjie
* Tsantsabane

Noordwes
* Bojanala Distrik
* Matlosanastadsraad
* Madibeng
* Maquassi Hills
* Merafong

Wes-Kaap
* Hessequa
* Oudtshoorn
* Swellendam

Zambi?rs wil hulle geld van Chiluba terug h

'n Zambiese hof het gesê daar sal later die maand besluit word of 'n Britse hofbeslissing teen eks-president Frederick Chiluba is Zambië geldig is om die terugbetaling van gesteelde fondse moontlik te maak. Chiluba was vanaf 1991 tot 2001 staathoof.

Die beslissing van 2007 het Chiluba skuldig bevind aan die diefstal van staatsfondse van ongeveer 50 miljoen dollar. Chiluba het 'n aansoek gebring om die registrasie van die beslissing in Zambië te keer, maar het misluk.

Regter Evans Hamaundu het gelas dat alle vertoë ingehandig word voordat hy uitspraak lewer op 29 Mei. Zambië se prokureur-generaal wil hê die Londense beslissing moet in Zambië gereistreer word om plaaslike jurisdiksie te verseker.

Regter Peter Smith het in 2007 bevind dat Chiluba Londense bankrekeninge gebruik het van die Zambiese regering en het beslis dat hy toegang tot sy pensioen by Barclays Bank geweier word in Lusaka asook sy eiendomme in Ndola.

Smith het gesê die Zambiërs weet wie vir die duur pakke betaal het, die handgemaakte hemde met 'n monogram daarop geborduur en handgemaakte skoene waarvan die hakke spesiaal opgebou is om Chiluba langer te laat vertoon.

Chiluba het tydens sy ampstermyn 100 000 dollar verdien, maar het blykbaar genoeg geld gehad om een miljoen dollar by 'n eksklusiewe Switserse boetiek te blaas op een slag. Zambiërs moet oorleef op een dollar per dag.

пазлы для детей Лобановский Харьков

Volkstaat sal nie uit die lug neerdaal nie

Die huidige debat oor parlementêre deelname deur Afrikaners is 'n teken dat ons politieke bewussyn besig is om te ontwaak, waarvoor ons PRAAG se webtydskrif moet bedank. Vanweë sy onverbondenheid slaag die PRAAG-werf daarin om eerlike menings van verskeie bydraers te ontvang en om daardeur 'n beter begrip te kry van hoe ons mense werklik voel.

Dalk sal dit nou goed wees as ons bietjie vertoef by die word "selfbeskikking" asook die begrip van "vryheid". 'n Senior lid van die ANC het eendag by 'n konferensie in die Kaap beweer dat Afrikaners ook van apartheid bevry is, dat hulle vry is binne die mees liberale grondwet op aarde en dus geen selfbekikking benodig nie.

Waarop ek hom vra: "Nou waarom kan ons nie ons eie skole beheer nie? Waarom dan nie ons eie skoolkurrikula opstel nie? Waarom mense aanstel wat geen woord Afrikaans kan verstaan en aan ons kinders voorskryf wat hulle mag leer en nie mag leer nie? Wat van ons geskiedenis, ons letterkunde, ons gedigte en ons liedereskatte?"

Vryheid beteken vir my om nie onder beheer van ander persone of instansies te staan nie, om nie deur arbitrêre regulasies ingeperk te word nie, en om my eie denke volgens eie aard mondelings of skriftelik te formuleer en sonder beletsel na ander oor te dra. Dan is jy vry van die bande wat burgers soos marionette beheer.

Selfbeskikking is die som van al die regte wat gesamentlik deur 'n gemeenskap besit word om aan daardie gemeenskap die reg te verleen om sy eie toekoms volgens sy eie aard, sonder die toedoen van enige ander gemeenskap of owerheid, self uit te werk en na te streef.

Beperkings word altyd geplaas op vryheid. Die vryheid van ander persone kan negatief geraak word deur jou vryheid. Enige mens kan sy motor oral heen bestuur, solank hy binne die spoedbeperking en verkeersreëls bly, anders word ander padgebruikers se veiligheid deur jou vryheid van beweging bedreig.

Selfbeskikking van een gemeenskap word egter nooit deur dié van 'n ander bedreig of ingeperk nie. Ek sou sê dat dit die wesenskenmerke van vryheid en selfbeskikking is.

Die gesamentlike regte van gemeenskappe en die vryheid om dit volgens eie aard saam uit te leef, is die reg wat Afrikaners nou moet opeis. Die Suid-Afrikaanse grondwet, soos hy tans geskrywe staan, maak dit moontlik om nou reeds selfbeskikking van 'n gevorderde aard te beoefen, maar dan moet die gemeenskap homself as 'n volwaardie gemeenskap organiseer.

Die semantiek van die Grondwet veroorsaak dat heelwat verwarring by mense oor die begrippe minderheidsregte en gemeenskapsregte bestaan. Nêrens word daar van minderheidsregte in die Grondwet gepraat nie, maar slegs van gemeenskapsregte. Hieronder word godsdienstige, kulturele en taalgemeenskappe bedoel. Terwyl daar in die Afrikaanse politieke semantiek van volke gepraat word, word in die Europese Unie se protokolle van minderhede en minderheidsregte gepraat. Dit skep verwarring by diegene wat hierdie kwessies in Engels wil debatteer.

Die sleutel tot selfbeskking lê daarin dat Afrikaners moet aandring op die skeiding tussen organe van die burgerlike samelewing en van staatsinstellings. Ek het by dr. Christo Landman, voormalige Kommissaris van die Artikel 185-Kommissie, gaan kers opsteek en hier is sy vertolking daarvan:

Dit is 'n fout om uit die Grondwet, 1996, af te lei dat dit vir minderheidsgroepe voorsiening maak.
Die term minderheidsgroepe het 'n etniese inslag.
Etnisiteit herinner aan apartheid, sal die opstellers van die Grondwet redeneer.
Die Grondwet maak wel op allerlei wyses voorsiening vir die regte van georganiseerde gemeenskappe.
So word 'n duidelike onderskeid gemaak tussen organe van die staat (a.239) teenoor organe van die burgerlike samelewing (a.31(1)(b)).
Nie net is daar gesagsverdeling tussen die organe van die staat (wetgewend, uitvoerend en regsprekend) nie, maar ook mag die organe van die staat nie in die interne bevoegdheid van die organe van die burgerlike samelewing inmeng nie.
Die georganiseerde organe van die burgerlike samelewing word in a.185 nader bepaal deur 'n Kommissie vir die Bevordering en Beskerming van die Regte van Taal-, Godsdiens- en Kultuurgemeenskappe.
Artikel 185 en die 185-Kommissiewet 19 van 2002 maak voorsiening vir die registrasie van rade. Alhoewel die 185-Kommissie kan help met die daarstelling van Rade, is en bly dit die plig van organe van die burgerlike samelewing om tot Rade oor te gaan.
Rade is privaatregtelike instellinge wat by die publiekregtelike 185-Kommissie bloot om registrasie vra.
Die reg op godsdiens word in a.15 en die reg op taal en kultuur in artikels 30 en 31 omskryf.
Om 'n gemeenskapsreg te kan bevorder en te kan beskerm moet omskryf word wat met taal, godsdiens en kultuurgemeenskapsregte bedoel word.
Artikel 234 maak voorsiening vir die grondwetlike aanvaarding van ander regte as individuele regte, soos omskryf in hoofstuk 2 van die Grondwet.
Dit behoort die 185 se plig te wees om taal-, godsdiens- en kultuurregte te omskryf en in terme van artikel 234 by die Parlement te laat goedkeur as deel van die Grondwet van SA.
Die aangestelde Kommissarisse sedert 2004 was onbevoeg om hierdie taak te verrig en dit is my submissie dat die Voorsitter 'n politieke opdrag gehad het om Rade te laat skipbreuk ly.

Die 185-Kommissie het liederlik gefaal om sodanige regte te formuleer. Insgelyks het die burgerlike organe nagelaat om dan in die afwesigheid van prestasie deur 185 sodanige regte te omskryf.

Ons het dus te make met 'n lam regering wat nie rigting het nie en slap gemeenskapsorganisasies wat hulself nie in verteenwoordigende rade wil organiseer om hul plig teenoor toekomstige geslagte na te kom nie.

Hieruit kan mens aflei dat die ANC-regering willens en wetens die grondwet volgens hul eie agenda vertolk en die land se kultuurgemeenskappe laat Gods water oor Gods akker loop terwyl elkeen van 50 Afrikanerorganisasies die volk op sy eie wil red.

As Afrikaners nie eens in staat is om hul gemeenskapsregte op te eis nie, kan hulle die volkstaatdroom maar op hul mae skryf. 'n Volkstaat sal nie uit die lug op hulle neerdaal nie.

free casino gambling

Regses wag op ‘n leier

Uit wat ander briefskrywers vermeld, kan ons aflei dat daar voor 1994 omtrent 800 000 regses was. Hiervan was omtrent 450 000 ondersteuners van 'n volkstaat. Die volkstaters het toe die Vryheidsfront van genl. Viljoen gesteun. Sedertdien het 300 000 van hulle die Vryheidsfront+ verlaat.

Baie van die regses wat nie 'n volkstaat ondersteun het nie, kon moontlik sedertdien van gedagte verander het. Dus kan tussen 450 000 en 800 000 tans hulle steun aan 'n volkstaat toesê.

Waarskynlik wag hulle op 'n leier.

Sal 'n volkstaat bereik kan word binne die huidige stelsel of daarbuite?

Nie een van die rubrieke of briewe maak melding van die Volksraadverkiesingskommissie nie. Is hulle nie van hierdie opsie bewus nie of wil hulle nie daarvan bewus wees nie?набор инструментов