Etiket: Trump

Is die VSA ISIS se nuwe lugmag?

Soos Arthur Conan Doyle eenkeer geskryf het: “Wanneer jy die onmoontlike uitskakel, is al wat oorbly, maak nie saak hoe onwaarskynlik nie, die waarheid.” Die beroemde Britse skrywer en geneesheer, is bekend vir sy speurderkarakter Sherlock Holmes.

Maar niemand het Sherlock nodig om die skreiende teenstrydighede in president Donald Trump se beweringe dat Sirië hul eie mense vermoor het in ‘n gifgasaanval raak te sien as bewys van kruipende globalisme nie.

Na al Trump se veldtogbeloftes, het CNN se Fareed Zakaria opgemerk: “Daar is ‘n gevaar dat ons [die VSA] effektief opgetree as ISIS se lugmag. Want enigiets wat Assad verswak in ‘n strategiese sin in Sirië, versterk ISIS. Dit is basies die twee spelers op die grond.”

Hier is ‘n paar juwele van die Trump-twiets wat terugdateer tot 2013 waarin hy baie duidelik waarsku om nie militêr in te gryp in Sirië nie:

The President must get Congressional approval before attacking Syria-big mistake if he does not!

AGAIN, TO OUR VERY FOOLISH LEADER, DO NOT ATTACK SYRIA – IF YOU DO MANY VERY BAD THINGS WILL HAPPEN & FROM THAT FIGHT THE U.S. GETS NOTHING!

We should stay the hell out of Syria, the “rebels” are just as bad as the current regime. WHAT WILL WE GET FOR OUR LIVES AND $ BILLIONS?ZERO

What will we get for bombing Syria besides more debt and a possible long term conflict? Obama needs Congressional approval.

We should stop talking, stay out of Syria and other countries that hate us, rebuild our own country and make it strong and great again-USA!

President Obama, do not attack Syria. There is no upside and tremendous downside. Save your “powder” for another (and more important) day!

Let the Arab League take care of Syria. Why are these rich Arab countries not paying us for the tremendous cost of such an attack?

Only days before last November’s election, Trump told a crowd in Florida that Hillary Clinton “wants to start a shooting war in Syria…that could very well lead to World War III.”

Volgens die TNS Global peiling vir die Sputnik nuusagentskap, meen meerderhede in Duitsland, Frankryk, en die Verenigde Koninkryk, sowel as die helfte van die respondente uit Italië, dat die wêreld minder veilig geword het onder die presidentskap Trump. Sowat 45 persent van Amerikaners voel dieselfde. Duitsers lyk die meeste bekommerd, met 72 persent wat glo dat die wêreld ‘n minder veilige plek onder Trump sal word.

Die gevoel van baie Europese kiesers is die mees optimistiese siening oor wat gebeur in Sirië tans, ná ‘n berig dat Trump se dogter inderdaad haar vader oorreed het om die missiel-aanval te loods.

Trump se seun Eric het bevestig dat sy suster Ivanka Trump, wat onlangs amptelik ‘n onbetaalde Withuis-adviseur geword het, haar pa se besluit beïnvloed het om Sirië aan te val, volgens The Telegraph.

Op Vrydag, 7 April het die VSA 59 kruismissiele op Sirië se Ash Shayrat vliegbasis in die provinsie Homs van skepe in die Middellandse See afgevuur sonder bewyse van wie verantwoordelik was vir die chemiese aanval.

“Dit was aaklig. Hierdie ouens is barbare en ek is bly hy gereageer op die manier waarop hy gereageer het,” het Eric Trump bygevoeg, maar hy kon geen besonderhede gee nie.

Die onderhandelingsposisies van Washington voor gesprekke tussen die minister van buitelandse sake Tex Tillerson en sy Russiese eweknie Sergei Lawrof, is aansienlik verswak deur die aanval.

Dinsdag het ‘n joernalis van CBS gekerm dat Russiese president Poetin gereed moes staan om Tillerson te ontvang, want Rusland neem nou glo die VSA nie ernstig genoeg op nie.

Die ironie van Major Garrett se gekerm was verlore op hom. Vir maande lank het hy en sy koerant, sowel as ander hoofstroomkoerante gekla dat Rusland die VSA se presidentsverkiesing geswaai het omdat hulle “te veel” aandag kry. Nou is dit skielik te min aandag.

Amerikaanse wit nasionaliste draai teen Trump

Stomgeslaan deur die president waarin hulle hul vertroue geplaas het, het wit Amerikaanse Trump-ondersteuners teen die leier waarvoor hulle gestem het om oorloë te beëindig, gedraai.

Sy kiesers het gedink hy bedoel wat hy sê omdat Trump vir jare volgehou het dat ‘n Siriese aanval ‘n verskriklike idee sal wees. Tot hy sonder enige bewyse skielik besluit het om presies dit te doen waarteen sy kiesers in die eerste plek gestem het.

Voormalige Trump ondersteuners was Donderdagaand verenig in die veroordeling van die aanval op Sirië as ‘n groteske fout. Voormalige Breitbart-mederedakteur Milo Yiannopoulos het Trump se optrede “vals en gay” genoem. Trump het sy basis totaal vervreem wat in sy isolasionistiese, “America First” boodskap geglo het.

Die redes vir die aanval wat Trump aanvoer is so ongeloofwaardig, dis pynlik om te aanskou. Daarbenewens was die Siriese lugbasis gebruik ter beskerming van die Christene in Homs, waar die meeste van hulle saamgetrek is. Sonder dié beskerming is die Siriese Christene uitgelewer aan ISIS.

Sonder die wit nasionaliste se steun, sou Trump nooit die kieskolleges gewen het om president te word nie. As daar nou ‘n beweging kom om van hom ontslae te raak, is dit neusie verby vir die ryk eiendomsagent.

Nasionaliste, anti-intervensioniste en anti-globaliste, sowel as die alt-regses het ook ‘n merkbare weersin in konflik met Rusland, iets wat die Amerikaanse aanval op Sirië dramaties gaan verhoog.

Volgens die New York Times, het die Amerikaanse president Donald Trump “emosioneel” opgetree, ‘n monumentale fout vir ‘n leier van ‘n land soos die Verenigde State van Amerika en iets wat sy manlike kiesersbasis verafsku.

Toevallig, kom die gekke aanval op Sirië net nadat Steve Bannon deur Trump se skoonseun Jared Kuschner weggejaag is. Kuschner is nie ‘n verkose amptenaar nie maar hy slaan die kitaar oor die VSA se besluite rakende buitelandse beleid.

Trump, het sy ondersteuners geglo, sou die land uit onnodige oorloë hou. Die mees uitgesproke in hul verontwaardiging was leiers van die klein maar invloedryke wit nasionalistiese beweging. Paul Joseph Watson, ‘n redakteur vir die gewilde webwerf Infowars, het op Twitter gesê dat Trump “is net nog ‘n skaduregering/Neocon marionet.” Hy het bygevoeg: “Ek is amptelik af van die Trumptrein.”

Alex Jones, eienaar van Infowars het gesê: “Die White Helmets, ‘n al-Qaeda geaffilieerde groep befonds deur George Soros en die Britse regering, het na bewering die chemiese wapen aanval op burgerlikes in die Siriese stad van Khan Sheikhun uitgevoer om blaam te lê op die Siriese regering.”

Richard Spencer, wat die term het geskep “alt-regs” geskep het, het gesê dat hy die aanval veroordeel. “Die ergste scenario: Ons herhaal die 2000s: ‘n Konserwatiewe as leier met ‘n populistiese boodskap, word ‘n globalis en Neocon-sluiper. Weereens, ek sal wag en kyk, maar ek is bereid om Trump af te skryf.”

Scott Adams, die spotprenttekenaar wat Dilbert geskep het, skryf op sy webwerf dat die chemiese wapenaanval ‘n “vervaardigde gebeurtenis” was.

Blogger Mike Cernovich het gewaarsku dat die Verenigde State van Amerika Sirië gaan aanval. “Ons moet hom stop” het hy op ‘n lewendige internetvoer gepleit.

Stefan Molyneux het dit raakgevat toe hy die volgende getwiet het:

Marine Le Pen het Trump se onbesonne aanval ten sterkste veroordeel. Beide UKIP-leiers Nigel Farage en Paul Nuttall het ook teen hom uitgevaar en gewaarsku dat sy ondersteuners hom gaan verwerp.

Trump-skoonseun skop Steve Bannon uit

Een van president Donald Trump van Amerika se naaste raadgewers, sy hoofstrateeg Steve Bannon, is uit sy posisie op die land se nasionale veiligheidsraad afgedank.

Bannon, die voormalige hoof van die pro-Trump webwerf Breitbart, se aanstelling as permanente lid van die veiligheidsraad het uit die staanspoor die wenkbroue laat lig.

Sy aanstelling het veral kritiek ontlok toe dit aan die lig gekom het dat Bannon bó die hoof van die weermag, generaal Joseph Dunford, en ander intelligensiehoofde in dié posisie aangestel is.

Die man wat Donald Trump in die Withuis gesit het, het glo gefrustreerd geraak te midde van voortgesette binnegevegte in die westelike vleuel. In die afgelope weke kon ‘n topskenker hom selfs nie oortuig om te bly in sy pos nie.

Vyf mense, onder wie ‘n senior administrasieamptenaar en ‘n paar bronne naby aan die president, het aan Politico vertel dat Bannon, een van die naaste adviseurs van Trump gebots het met die president se skoonseun Jared Kushner, wat nou die kitaar slaan. Bannon het gekla dat Kushner en sy bondgenote probeer om sy benadering te ondermyn, het die bronne gesê.

Republikeinse mega-skenker Rebekka Mercer, ‘n jarelange Bannon-vertroueling en ‘n prominente Trump ondersteuner tydens die veldtog, het aangedring dat Bannon nie bedank nie.

Kuschner, 28, se raad aan Trump blyk problematies te wees, aangesien hy besig is om Trump-kiesers teen ‘n stinkspoed te vervreem.

Honderde bomdreigemente teen Jode is deur Israeli uitgevoer

‘n Israeli-Amerikaanse man is in Israel in hegtenis geneem deur die FBI na ‘n vloedgolf van vals anti-Semitiese bomdreigemente.

Meer as 150 bedreigings is teen Joodse instellings in Amerika sedert die begin van die jaar uitgevoer, het die Jewish Telegraphic Agency berig.

Israel se anti-bedrog eenheid het die 19-jarige verdagte by sy huis Donderdag in hegtenis geneem. Na ‘n deursoeking van die perseel, is hy na die hof gebring en sal in aanhouding bly tot en met 30 Maart.

Dié ontdekking regverdig bewerings deur president Trump dat beweerde “haatmisdade” eintlik uitgevoer is deur ‘n jong Joodse Amerikaanse Israeli self, nadat Joodse organisasies blankes en Trump-ondersteuners van dié misdrywe beskuldig het.

Die ADL het herhaaldelik verklaar dat Trump “wit ekstremiste”, “anti-Semiete” en nasionalistiese groepe in die VSA versterk om sulke “haatmisdade” teen Jode te pleeg.

Breitbart het egter opgemerk: “Toe die president voorgestel het dat sommige van die anti-Semitiese haatmisdade vals kan wees, het die (linkse) Huffington Post beweer dat hy deel vorm van wit nasionaliste en verregse samesweringsteoretici. Maar die arrestasies tot dusver dui daarop dat die meeste van die dreigemente inderdaad vals was.”

Marc Zell, vise-president van die Republikeine oorsee, het getwiet: “Die Amerikaanse Joodse leierskap is @POTUS ‘n verskoning verskuldig.”

Die Joodse verdagte wat dubbele Israelies-Amerikaanse burgerskap het, is daarvan beskuldig dat hy honderde anti-Semitiese bomdreigemente in die Verenigde State van Amerika en elders uitgevoer het, insluitend een teen ‘n groot lugredery. Ongelukkig, volgens berigte, was sy pa bewus van wat hy doen.

Haaretz het berig dat die net stywer getrek is om die verdagte ná ‘n dreigement wat ontvang is van Nieu-Seeland in 2016, want die IP adres van die boodskap was van Israel gewees.

“In ‘n kort tyd, gaan ‘n groot aantal Jode geslag word. Hul koppe gaan afgeblaas word,” het een van die bedreigings gelees, volgens ‘n opname wat deur die JTA gedoen is.

Oor die afgelope twee tot drie jaar het hy ‘n reeks dreigemente uitgevoer vanaf sy huis in die suide van Israel. In Februarie 2015, het hy ‘n bomdreigement teen Delta Airlines uitgevoer, en ‘n vliegtuig gedwing om ‘n noodlanding uit te voer.

Trump se kommentaar verlede maand dat die dreigemente deel vorm van ‘n “valsvlag” aanval, om sekere mense te laat “sleg lyk” is met histerie begroet.

Bend the Arc, ‘n liberale Joodse groep, het gekla dat “Trump gehelp het om die atmosfeer van fanatisme en geweld te skep wat daartoe gelei dat hierdie gevaarlike bedreigings teen Joodse instellings en individue gerig word”.

In Februarie het die Anne Frank Sentrum vir Wedersydse Respek ‘n verklaring uitgereik teen Trump en gesê: “Die mees bose anti-Semiete in Amerika ondersteun jou en jou Administrasie as ‘n nasionalistiese beweging wat aan ​​hulle toestemming verleen om Jode aan te val.”

Oren Segal, direkteur van die ADL se Sentrum teen Ekstremisme, het tydens ‘n 10 Maart nuuskonferensie oor die bomdreigemente gesê: “Ons leef in ‘n ongekende tye. Ons het nog nooit so iets gesien nie, ooit, die volume van bomdreigemente wat ons ervaar. Wit suprematiste in hierdie land voel meer aangemoedig as ooit as gevolg van die openbare diskoers en verdelende retoriek [van Trump].”

Amerikaanse Joodse organisasies probeer tans om die politieke gevolge van die arrestasie weg te praat, en sê die betrokkenheid van ‘n Jood sal nie hul vrese oor anti-Semitisme beëindig nie.

Tillerson kondig nuwe plan aan vir Sirië en Irak

Ministers van 68 lande wat saam die koalisie teen die Islamitiese Staat voer, het in Washington vergader om president Donald Trump se planne vir die vernietiging van die oorblywende vestings van die terreurgroep te hoor.

Die vergadering is deur die Amerikaanse minister van buitelandse sake, Rex Tillerson, byeengeroep.

Tillerson het gesê die Verenigde State sal “tussentydse sones van stabiliteit” oprig om te help dat vlugtelinge terugkeer huis toe in die volgende fase van die stryd teen die Islamitiese staat en Al-Kaïda in Sirië en Irak.

Die Amerikaanse minister van buitelandse sake het nie duidelik maak waar hierdie sones opgerig gaan word.

“Die Verenigde State sal ons druk op ISIS en Al-Kaïda verhoog en sal werk om tussentydse sones van stabiliteit te vestig, deur skietstakings, om toe te laat dat vlugtelinge terug keer,” het Tillerson by sy eerste groot diplomatieke gebeurtenis verklaar.

Hoewel dit is onduidelik is hoe die sones sal werk, kan dié stap Amerikaanse militêre betrokkenheid in Sirië verhoog.

Trump het tydens sy verkiesingsveldtog laat blyk dat hy ‘n “geheime plan” het om van ISIS ontslae te raak.

Tot dusver het die Pentagon egter grootliks by voormalige president Obama se strategie gehou deur grondmagte te ondersteun en Amerikaanse deelname te verskerp in die aanloop tot die aanslag op Raqqa.

Trump-vertrouelinge byt vas oor Britse spioenasie-aantygings

Trump-ondersteuners gaan nie die beskuldigings teen die VK los dat hulle vir voormalige president Barack Obama gespioeneer het nie.

Beskuldigings is na vore gebring deur Regter Andrew Napolitano asook deur die Withuis se woordvoerder, Sean Spicer. En nou het ‘n ander Trump-man uitgekom en gesê die GCHQ het Trump Tower namens Barack Obama afgeluister.

Breitbart het berig dat Obama Trump met behulp van Britse intelligensie tydens die Amerikaanse verkiesingsveldtog afgeluister het.

Beide Regter Napolitano en Roger Stone, ‘n Trump-vertroueling, het gesê dat die Britse regering betrokke is. Stone het aan die DailyMail.com gesê “ten spyte van die vinnige ontkennings,” glo hy “Regter Napolitano is korrek”.

“My eie bronne hoog in die Tory-regering, wat nogal mag het, het my verseker dat daar spioenasie deur die Britte was,” sê Stone.

Intussen blyk dit dat die Britse kabinet die bedanking van die huidige direkteur van die GCHQ, Robert Hannigan skielik aanvaar het, vir “persoonlike redes”. Die Sunday Times het berig dat hy vervang gaan word deur die huidige direkteur van die MI5, Jeremy Fleming.

Die verhoudings tussen Londen en Washington het ietwat versuur, met die Trump-administrasie wat raakgesien het hoe hul Britse bondgenote met die anti-Trump skaduregering heul.

Hannigan se skielike bedanking – hy het personeel net enkele ure voor die besluit openbaar gemaak is ingelig – lyk inderdaad of dit verband hou met Britse kommer in die nasleep van Donald Trump se verkiesing tot president.

Die GCHQ is gedwing om in die openbaar te reageer na President Trump se beskuldig dat die agentskap sy fone afluister. In ‘n seldsame en ongekende skuif, het GCHQ die eise as “nonsens” en “belaglik” afgemaak, iets wat hul nooit gewoonweg sou doen nie.

In Oktober 2016, is GCHQ – sowel as MI6 en MI5 – veroordeel omdat hulle kommunikasiedata en grootmaat persoonlike datastelle versamel het op ‘n onwettige manier. Hulle het “versuim” om met die Europese Konvensie oor Menseregte rekening te hou.

Farage vertel Duitsers om nie vir Merkel te stem nie

Nigel Farage het aan die media by die CPAC-konferensie vertel by die Gaylord National Convention Center in National Harbor, Maryland, dat Duitsers nie moet stem vir Angela Merkel nie.

Die voormalige UKIP-leier en lid van die Europese Parlement, wat deur Donald Trump beskryf is as “die man agter Brexit,” het in ‘n onderhoud met Deutsche Welle oor Europa se komende verkiesings gepraat.

“Ek sou nie stem vir Angela Merkel nie, dit is die eerste stuk raad wat ek sal gee,” sê Farage. Hy het bygevoeg dat Merkel ‘n paar “katastrofiese foute” met die immigrasiebeleid van haar land gemaak het.

“Die opening van die grense aan die sogenaamde vlugtelinge, toe dit geblyk het dat 70 persent van hulle jong mans is, en ekonomiese migrante. Geen keuring, geen sekuriteitskontrole op ‘n enkele een van hulle nie, en al hierdie dinge in ‘n regime in Europa – waar ‘n man ‘n vragmotor in ‘n Kersfeesmark kan inry in Berlyn – waarvan sy die grootste ondersteuner is. En omdat sy opgegee het op grensbeheer, kan die mees gesoekte man in Europa indien nie die wêreld nie, daarna ‘n trein haal na Frankryk, en dan na Italië, sonder dat iemand nagaan wie hy is,” het hy gesê oor die terreuraanslag in Berlyn.

“Ons kyk na die Duitse verkiesing, ons kyk na die Nederlandse verkiesings, Franse verkiesings en kort voor lank sal daar Italiaanse verkiesings wees – Ek dink daar gaan vanjaar ‘n groot verskuiwing in die Europese politiek wees.”

Farage het aan die CPAC gehoor vroeër gesê die “ware vriende” van die Verenigde Koninkryk kan Engels praat, in ‘n opmerking wat gerig is aan die Europese Unie. “Ons ware vriende in die wêreld praat Engels, beskik oor die gemene reg, en staan ​​by ons in tye van krisis,” het Farage aan Trump-ondersteuners gesê.

Hy het gesê hy ondersteun ook Trump se kritiek van die media. “Jy [Trump] het net ‘n paar maande van mishandeling [deur die media], ek het 20 jaar daarvan,” het hy gesê. Hy het gesê ná agt maande van Brexit het “niks gebeur nie”.

Farage het herhaal wat Trump in ‘n onderhoud aan die Duitse dagblad Bild en Britse koerant The Times gesê het, en die Duitse kanselier se “katastrofiese fout” genoem deur toe te laat dat immigrante die land oorstroom.

Die Amerikaanse president het by die konserwatiewe konferensie verwys na Europa, veral Swede, Frankryk en Duitsland met betrekking tot immigrasie. “Kyk wat gebeur in Swede. Ek is lief vir Swede: mooi land, mooi mense … Die mense daar verstaan ​​ek is reg,” het Trump aan ‘n gehoor by die Konferensie (CPAC) gesê.

Withuisstrateeg Steve Bannon het ook oor die werklike bedreiging uitgebrei in sy optrede: ‘n kritiese media wat funksioneer as “die opposisieparty” sê hy. “Hulle is die korporatitiese, globalistiese media wat onwrikbaar gekant is teen die ekonomiese nasionalistiese agenda wat Donald Trump het,” het Bannon gesê.

Bannon voorspel dat die media “elke dag” sal veg teen die Trump agenda. “Dit gaan net erger word,” het hy gewaarsku.

Maar hy het kiesers gerusgestel en gesê Trump is soos ‘n “maniak gefokus” op sy veldtogagenda, wat hy beskou as ‘n “nuwe politieke bestel”.

Trump beëindig transgender gebruik van badkamers

Amerikaanse transgender studente het Woensdag hul federale reg verloor om skoolbadkamers en kleedkamers binne te dring. Die ommekeer is ‘n reuse-terugslag vir transgendergroepe, wat hulle “regte” op ander afdwing.

Konserwatiewes verwelkom die besluit van die Justisie en Onderwysdepartemente om die transgender kwessie te beëindig, en sê die maatreëls wat Obama afgedwing het was onwettig en oortree die regte van die meeste ander studente, veral meisies wat nie veilig gevoel het nie. Hulle moes saam met anatomiese mans die badkamers gebruik, het die Associated Press berig.

Dit sal nou deelstate en skooldistrikte wees wat self besluit oor badkamerbeleid. ‘n Federale regter in Texas, Ken Paxton, het reeds ‘n tydelike uitspraak teen die Obama-verdrukking gegee kort na 13 deelstate sy administrasie gedagvaar het.

“Ons dogters moes nooit gedwing word om private, intieme ruimtes met manlike klasmaats te deel nie, selfs al sukkel die jongmanne met hierdie kwessies,” het Vicki Wilson, ‘n lid van ‘n groep studente en ouers vir privaatheid gesê. “Dit skend hul reg op privaatheid en is nadelig vir hul waardigheid.”

Die Trump-administrasie het ingegryp om federale inmenging te staak. Die afdwing van ‘n nuwe geslagsidentiteit deur die Obama-administrasie kom daarop neer dat biologiese seksuele onderskeiding afgeskaf is ter wille van “keuse” seksualiteit. Die federale “anti-diskriminasie” wet vir toegang tot toilette maak staat op ‘n “keuse” identiteit.

Noord-Carolina het die Obama-malligheid dadelik teengestaan en het toegang tot badkamers in staatsbesit wetlik bekragtig deur slegs onderskeid toe te laat van die seks wat op die geboortesertifikaat van ‘n persoon verskyn. Meer as 10 deelstate oorweeg tans soortgelyke wetgewing, volgens die Nasionale Konferensie van die staat se Wetgewers.

Maar Transgenders is kwaad oor die “aanval op honderde duisende studente wat net wil hul ware self wil wees” het Mara Keisling, uitvoerende direkteur van die Nasionale Sentrum vir Transgender Gelykheid, in ‘n verklaring gesê.

Twitter slaan aan die brand in ontkenning oor Swede se verkragtingsepidemie

Die Amerikaanse president Donald Trump het sy gunsteling platform, Twitter, gebruik om die maatskaplike probleme wat veroorsaak word deur immigrasie in Swede te verduidelik.

Die president het getwiet: “My stelling oor wat gebeur in Swede was in verwysing na ‘n storie wat uitgesaai is op @FoxNews oor immigrante en Swede.”

In die Fox News dokumentêre aflewering waarna Trump verwys het, het filmmaker Ami Horowitz gesê: “Daar was ‘n absolute toename in beide wapengeweld en verkragting in Swede vandat hulle begin het met hierdie oop-deur beleid,” met verwysing na Swede se besluit om sy deure oop te maak vir groot getalle vlugtelinge in 2013, het die BBC berig.

Horowitz het aan Fox News gesê mense hoog in die Sweedse regering is doelbewus besig om verkragtingsmisdade deur “kwesbare” immigrante toe te smeer.

Gedurende sy veldtog-styl byeenkoms Saterdag in Florida, het Trump verwys na voorvalle in Duitsland en Swede ter verdediging van sy uitvoerende bevel oor immigrasie en vlugtelinge – spesifiek met verwysing na die Fox dokumentêr oor Swede die vorige aand.

“As jy kyk na wat gebeur in Duitsland, as jy kyk na wat gisteraand in Swede aangaan – Swede” het hy gesê. “Wie sou dit glo? Swede! Hulle het groot getalle ingeneem, hulle probleme is soos hulle nooit gedink het moontlik sou wees nie.”

Die Sweedse ambassade in Washington was so onthuts oor Trump se onthulling oor die negatiewe aspekte van immigrasie, dat hulle voorgegee het om te nie begryp ​​waarna Trump verwys nie. Sweedse regeringsamptenare het dadelik verklaar daar was nog “geen terreuraanvalle” in Swede nie, en die verkragtingsplaag wat direk gekoppel is aan “vlugtelinge” totaal geïgnoreer.

Maar Horowitz het die geweld uitgelig: “Van die begin van die vlugtelingkrisis, was daar ‘n oplewing in wapengeweld en verkragting – die statistieke is duidelik.”

Veertig jaar ná die Sweedse parlement eenparig besluit het om die voorheen homogene Swede te verander in ‘n multikulturele land, het geweldsmisdaad met 300 persent en verkragtings met 1 472 persent toegeneem. In 1975, was 421 verkragtings by die polisie aangemeld, in 2014, was dit 6 620. Swede is nou nommer twee op die lys van verkragtingslande, waar Lesotho in Suider-Afrika voorloop.

Volgens syfers van die Sweedse Nasionale Raad vir Misdaadvoorkoming van 2011, het 29 000 Sweedse vroue gerapporteer dat hulle verkrag is, wat daarop dui dat minder as 25 persent van die verkragtings by die polisie aangemeld is.

En in 2015, was die verhouding van verkragtings waar die Sweedse polisie eintlik die verdagte gevind het 14 persent. In 86 persent van verkragtings, het die verkragter weggekom.

Die internet radiostasie Granskning Sverige het die hoofstroomkoerante Aftonbladet en Expressen gevra waarom hulle die skuldiges in verkragtingsake as “Sweedse mans” beskryf wanneer hulle eintlik Somaliërs sonder Sweedse burgerskap is. Die hoofstroom Sweedse koerante het aanstoot geneem toe hulle gevra is of hulle ‘n verantwoordelikheid voel om Sweedse vroue te waarsku om weg van immigrante mans te bly. Een joernalis het gevra waarom dit hul verantwoordelikheid moet wees.

Michael Hess, ‘n politikus uit se Swede Demokratiese Party, is aangekla van “swartsmeerdery van etniese groepe” [hets mot folkgrupp], ‘n misdaad in Swede ná sy kommentaar oor die verkragtingsepidemie. “Wanneer sal joernaliste besef dat dit diep gewortel is in die Moslemkultuur om te verkrag… Daar is ‘n sterk verband tussen verkragtings in Swede en die aantal immigrante uit MENA-lande [Midde-Ooste en Noord-Afrika].”

In Mei 2014 het Hess ‘n opgeskorte tronkstraf en ‘n boete ontvang.

Hess het voorheen in Moslemlande gewoon en tydens sy verhoor, bewyse voorgelê van hoe die sharia handel met verkragting, sowel as statistiek wat aandui dat Moslems aansienlik oorverteenwoordig onder oortreders van verkragting in Swede. Maar die hof het beslis dat hierdie feite “irrelevant” is.

‘n Verslag 1996 het getoon dat immigrante uit Noord-Afrika (Algerië, Libië, Marokko en Tunisië) 23 keer so geneig is om verkragting te pleeg as Sweedse mans.

In 2002 was 85 persent van diegene wat gevonnis is tot ten minste twee jaar in die tronk vir verkragting in Svea hovrätt, ‘n appèlhof, buitelandsgebore of tweede generasie immigrante.

Swede is nou die vinnigste groeiende land in Europa as gevolg van immigrasie, maar Sweedse wette verbied registrasie gebaseer op afkoms of godsdiens. Bendeverkragtings, voorheen onbekend in Sweedse kriminele geskiedenis, is nou deel van die misdaadtoneel, maar geen studies word daaroor gedoen nie.

Volgens Eurostat syfers van 2015, is die werkloosheidsyfer onder buitelandse burgers in Swede 20,1 persent, terwyl die Sweedse burgers ‘n werkloosheidsyfer van 5,7 persent toon.

Macron se kanse om Le Pen te klop is skraal

Volgens Eurointelligence, is die kanse van Emmanuel Macron om teen Marine Le Pen te wen, skraal. Macron is nog ‘n Soros oop-grenssurrogaat.

Ifop se meninsgpeiling toon Macron kan slegs 14 persent steun van werkers verwag, dieselfde as Jean-Luc Mélenchon, wat beskou word as ‘n randeier. Marine Le Pen loop voor met 37 persent steun, terwyl die Sosialistiese Benoit Hamon effens beter as die ander twee kandidate met 18 persent vaar.

Blootstelling aan liberale onderwys was een van die skeidslyne ook in die Brexit stem en die Amerikaanse verkiesing. Macron is dus die stedelike gunsteling, maar nie op die platteland waar hulle die elite met ‘n groeiende agterdog bejeën nie. Baie ouer immigrante wil ook die invloei van nuwelinge beperk en sien hulle as direkte kompetisie vir poste. Hulle wil ook vir Le Pen gaan stem.

Le Pen verdeel die wêreld in globaliste en patriotte, terwyl Macron probeer om kiesers as progressiewes en konserwatiewes, in te deel berig Journal du Dimanche. In daardie sin, bied Le Pen se visie baie meer duidelikheid as oop grense en beledigings.

Om dieselfde rede, sal Geert Wilders na verwagting 20 persent van die stemme kry, in vergelyking met sy teenstander Mark Rutte se 16 persent in Nederland. In 2005 het die land die Europese grondwet verwerp en verlede jaar gestem teen ‘n verdrag vir EU bande met die Oekraïne.

‘n Peiling Dinsdag het getoon dat meer as 61 persent van die respondente Nederlandse politici as “elitistiese, onbetroubareen oneerlike” mense sien.

Die veldtog vir die Nederlandse verkiesing het Woensdag afgeskop, het Reuters berig. Wilders en sy party vir Vryheid loop voor in meningspeilings vir die grootste deel van die afgelope twee jaar.

Nigel Farage het gister in Europese Parlement, gewaarsku dat die immigrasie krisis geïgnoreer word.

“Ek voel asof ek ‘n vergadering van ‘n godsdienstige sekte hier vanoggend bywoon. Dis asof die wêreldwye revolusie van 2016, Brexit, Trump, die Italiaanse verwerping van die referendum, het heeltemal by julle verbygegaan.

“Geen twyfel, baie van julle hier sal waarskynlik julle eie kiesers verag vir wat ek nou gaan sê, want net verlede week, het Chatham House, die betroubare groep, ‘n massiewe opname van 10 Europese lande gepubliseer, en slegs 20% van die mense wil immigrasie uit Moslem lande laat voortgaan. Net 20%. … Wat beteken jou kiesers het ‘n harder standpunt oor hierdie as Donald Trump, of myself, of eintlik enige party in hierdie Parlement … En die feit is, die Europese Unie het geen toekoms nie in sy huidige vorm. En ek vermoed julle is in vir so ‘n groot skok in 2017 as wat julle in 2016 gekry het.”

Die EU se vlugtelingkrisis is nie ‘n natuurlike verskynsel nie. Dit het saamgeval met Soros Open Society Foundation-skenkersgeld aan die VSA-gebaseerde Migration Policy Institute en die platform vir internasionale samewerking op Ongedokumenteerde Migrante, albei Soros-geborgde organisasies. Beide groepe bepleit die hervestiging van die derdewêreld Moslems in Europa.

In 2015, het ‘n Sky News verslaggewer bevind dat “Migrante Handboeke” op die Griekse eiland Lesbos versprei word. Dit is later aan die lig gebring dat die handboeke wat in Arabies geskryf is, uitgegee is om immigrante oor die Middellandse See te help deur ‘n groep genaamd “Welkom by die EU” befonds deur die Soros Open Society Foundation.

In ‘n klein dorpie in die VSA, Fargo, Noord-Dakota, het ‘n plaaslike televisie verslaggewer die Soros-plan vir die Verenigde State van Amerika oopgevlek om die land te oorstroom met Moslemvlugtelinge. Die PNAE, is deur Soros gebruik om te probeer om miljoene mense uit die Midde-Ooste in te voer en te vestig in klein dorpies soos Fargo.

U sal hierdie berig in geen ander Afrikaanse nuusmedium lees nie. Die tyd, moeite en insette wat dit verg het ondersteuning nodig. Sluit vandag nog aan by Praag!

‘Amerikaners kan nie méér omgee vir julle kinders as julself nie’

“Amerikaners kan nie meer omgee vir die toekomstige sekuriteit van jou kinders as wat julle doen nie,” het die Amerikaanse sekretaris van verdediging James Mattis in sy eerste toespraak aan NAVO-bondgenote in Brussel gesê.

Mattis het openlik gewaarsku dat die administrasie van Donald Trump sy verbintenis “sal hersien” tensy lede hul bestedingsbeloftes nakom. “As julle lande nie wil sien hoe Amerika sy verbintenis tot hierdie alliansie hersien nie, sal elkeen van julle moet steun wys vir ons gemeenskaplike verdediging,” het hy gesê.

“Ek is dit verskuldig aan julle om julle duidelikheid te gee oor die politieke werklikheid in die Verenigde State van Amerika en die billike vraag van my mense in konkrete terme te stel.”

Mattis het ook gevra vir ‘n vasgestelde datumplan om te voldoen aan 2 persent besteding. Die “mylpaaldatums” vir vanjaar sal NAVO-lede se bydraes monitor, het hy gesê.

“Amerika sal sy verantwoordelikhede nakom,” het Mattis gesê aan NAVO se ministers van verdediging, maar hy het dit duidelik gemaak dat Amerikaanse ondersteuning perke het.

Die VSA spandeer meer van sy bruto binnelandse produk op die verdediging as enige ander NAVO-lid – 3,61 persent in 2016. NAVO se sekretaris-generaal Jens Stoltenberg het in reaksie gesê dat enige nie-nakoming van die verdrag tot “ernstige kommer” sal lei. Hy het gesê die bydraes het effens toegeneem verlede jaar.

“Dit is belangrik, maar nie genoeg nie,” het Stoltenberg gesê. “Ons moet voortgaan om militêre uitgawes in Europa en Kanada te verhoog.”

Die stemming was gespanne, het een NAVO-amptenaar gesê. Dit het gou duidelik geword dat Rusland se skadu oor die verrigtinge val nadat Donald Trump se verdedigingssekretaris die vrae oor Micheal Flynn afgemaak het.

Sekere NAVO-vennote is bekommerd oor die Trump-administrasie se beter verhoudings met Moskou.

In reaksie op Rusland se referendum in die Krim in 2014, het Barack Obama Amerikaanse troeponttrekkings uit Europa omgekeer en die grootste ontplooiing sedert die einde van die Koue Oorlog gematig. Vier multinasionale bataljonne is na Pole en drie Baltiese lande ontplooi.

Maar terwyl Mattis die Krim in die verbygaan genoem het, het hy ook die Islamitiese Staat se greep oor dele van Irak en Sirië geopper, en gesê dat “sommiges in hierdie alliansie ontken wat gebeur en wegkyk”.

“Ten spyte van die dreigemente van die ooste en suide, het ons gefaal om gapings te vul in ons NAVO-reaksiemagte of om aan te pas,” het hy bygevoeg.

Met die oog op die vergadering in Brussel, het die New York Times berig dat Moskou ‘n nuwe soort kruismissiel ontplooi, om vrese van ‘n “moontlike oortreding” van die INF-kernsperverdrag te verhoog.

Stoltenberg het sy kommer uitgespreek oor die nuus van die nuwe Russiese missiel wat “in stryd is met ‘n belangrike wapenbeheerverdrag”, maar het nie verduidelikings aangebied met betrekking tot NAVO se ontplooiing op die grens van Rusland nie.

Dit wil voorkom asof die Michael Flynn storie uitgewoed is, nadat dit aan die lig gekom het dat die New York Times “alternatiewe feite” of fopnuus oor Flynn versprei het.

CNN se Jim Sciutto het berig dat die FBI nie aanklagte teen Michael Flynn sal ondersoek as gevolg van sy gesprekke met ‘n Russiese ambassadeur nie. Die anti-Russiese koors het hooggeloop voor die NAVO-vergadering want die alliansie het geen bestaansreg as Rusland nie as ‘n bedreiging voorgehou word nie.

Die enigste ander rede vir die alliansie sal wees om ‘n front teen Moslemterreur te vorm, iets wat die EU weier met hul oopgrensbeleid.

Maar die nuwe Trump-administrasie oefen druk uit op NAVO om terroriste bedreigings uit Noord-Afrika en die Midde-Ooste teen te werk.

NAVO sal opgestel word “so spoedig moontlik” in Napels, Italië, om intelligensie te koördineer oor krisislande soos Irak en Sirië, het Stoltenberg verklaar.

Trump sal na verwagting NAVO se hoofkwartier besoek in Mei wanneer die alliansie het sy leiersberaad hou.

Intussen Jean-Marie Guéhenno, uitvoerende hoof van International Crisis Group, Europese lede van NAVO gewaarsku voor die vergadering in Brussel: “NAVO gaan oor Noord-Amerika se betrokkenheid in Europa, en die Europeërs, in samewerking met Kanada, moet die inisiatief neem om ‘n visie aangepas by die 21ste eeu te vorm.

“Anders, loop hulle die risiko dat ‘n president wat min tyd het vir die vasteland sy Europese bondgenote sal sien bloot as aanvullings by ‘n Amerika-eerste strategie.”

Het ‘n towerspreuk Harry Potter-outeur se besige tong stil?

JK Rowling, die skepper van Harry Potter, is ‘n baie ryk burger. Volgens die media het sy bates met ‘n netto waarde van sowat een miljard dollar. Maar afgesien van haar rykdom, is sy ook lief vir oop grense en “vlugtelinge”.

Toe sy egter die geleentheid gegun word om te bewys sy is opreg in haar soort “menslike” oortuigings, en dat sy bereid is om persoonlike opofferings te maak vir oopgrens-immigrasie – presies wat sy van ander verwag om te doen – is die prekende en praatsieke Rowling skielik skynbaar minder gewillig.

Die skrywer het eenkeer melodramaties die stories oor immigrante wat geraak word deur Trump se “reisverbod” op Moslems vergelyk met haar werk by Amnestie Internasionaal wat oor politieke gevangenes en diktators gehandel het.

Rowling verdedig migrante met ywer en ontken die stygende misdaad wat verband hou met die instroming. Diegene wat teen oop grense is, is volgense haar Twitter-vete met Daily Mail redakteur Piers Morgan dié wat die meeste aanstoot gee.

Terwyl die meeste van haar aanbiddende lesers nie van die feit hou dat immigrante hul lande oorstroom nie, veral in Frankryk, Swede en Duitsland, verdedig Rowling nogtans onbeperkte immigrasie.

Na sy Morgan vertel het om te “fokof” toe hy gesê het die uitvoerende bevel van President Donald Trump se immigrasieverbod is nie slegs ‘n Moslemverbod nie, was Rowling pens en pootjies midde in die geveg vir meer “vlugtelinge” na haar land. Sy beskryf die hofbesluit in die VSA om die verbod ongedaan te maak “so bevredigend soos ek gedink het”.

‘n Konserwatiewe kommentator, Mike Cernovich, wat al keelvol was vir Rowling se morele aanstellerigheid, het nou aangebied om vliegtuigkaartjies te koop vir 100 vlugtelinge om in haar groot herehuise in Aberfeldy en Edinburgh vir ‘n jaar te kom woon. Aanbieder van die “Mark Kaye Show” het aangebied om 20 kaartjies te betaal en Hollywoodsterre met groot bekke word nou ook gevra om hul huise oop te stel.

Mike se uitdaging versprei soos ‘n veldbrand. Na 27 301 stemme, het Cernovich ‘n oproep gedoen aan Rowling om “die herehuis se mure af te breek”. Sy Twitter-peiling het bevind dat 92 persent van die stemmers meen dat Rowling sy aanbod moet aanvaar.

Die mense het gepraat, en die resultate is duidelik: JK Rowling moet “vlugtelinge” toelaat in haar wonings of haar grootbekuitsprake stop. Kort na die uitdaging, het Rowling wat baie aktief is op Twitter, skielik baie stil geraak.

Dit lyk asof Harry Potter towerwoorde oor haar uitgespreek het. Haar stilte spreek egter boekdele. Die “Harry Potter” skrywer het toevallig ‘n “muur” van 10m heinings opgesit om haar huis om haar privaatheid te verhoog.

Ernie Els speel saam met president Donald Trump

Die Suid-Afrikaanse gholfheld Ernie Els, het Saterdag gholf gespeel saam met president Donald Trump en Japan se premier Shinzo Abe.

Els, ‘n wêreldklasspeler het ‘n voorsmakie gehad van Amerikaanse diplomasie tydens ‘n ronde gholf met die Japannese premier by die spoglandgoed wat aan Trump behoort, naamlik Mar-a-Lago.

Die drie het uitstekende weer geniet by die Trump International Golfklub in Wes Palm Beach, Florida wat in Jupiter geleë is.

Donald Trump, wat uit Washington ontsnap het vir die naweek, was geklee in ‘DJT’ monogramskoene en sy beste wit ‘Maak Amerika Groot’ pet.

Suid-Afrikaanse viermalige hooftoernooikampioen Ernie Els het ‘n kortbroek gedra en het vier ure op die baan saam met die twee wêreldleiers deurgebring, voordat die twee verdaag het vir ‘n werksessie oor middagete.

Die Amerikaanse president het Ernie gehoog-vyf op ‘n stadium. Sy mediasirkus is nie toegelaat om die groep om die baan te volg nie.

Els is die tweede kampioen gholfspeler en die eerste buitelander wat saam met die president speel, nadat Tiger Woods in Desember verlede jaar uitgenooi is.

Trump het Saterdagaand getwiet: “Gholf gespeel vandag met premier Abe van Japan en @TheBigEasy, Ernie Els, en het ‘n goeie tyd gehad. Japan is baie goed verteenwoordig!”

Die president het ‘n skaflike die 18 putjies gespeel en kopgehou vir sy houe op die setperke.

Zuma en Trump gesels oor koeitjies en kalfies

President Zuma se kantoor het gesê hy het met Trump oor die telefoon gesels.

Die gesprek het glo gegaan oor ‘n sterk verbintenis tot bilaterale verhoudinge tussen die VSA en Suid-Afrika en sekuriteit in Afrika.

Die hooffokus van die telefoonoproep tussen die Amerikaanse president Donald Trump en President Jacob Zuma het Maandagmiddag nie vir enige opskudding gesorg nie.

In ‘n verklaring deur Zuma se kantoor vrygestel kort ná die oproep plaasgevind het, het die presidensie gesê die twee leiers het hul verbintenis herbevestig tot die bevordering van sterk bilaterale verhoudinge.

“Daar is ses honderd Amerikaanse maatskappye in Suid-Afrika en sterk handelsbetrekkinge tussen die twee lande,” het die presidensie gesê.

Zuma het ook Trump gelukgewens met sy verkiesing as die 45ste president van die VSA.

Die twee het ook gepraat oor die noodsaaklikheid om saam te werk oor multilaterale kwessies sowel as en “veral die soeke na vrede en stabiliteit op die vasteland van Afrika”.

Suid-Afrika is nie hoog op die lys van prioriteite nie aangesien die VSA se fokus in die Midde-Ooste lê.

Egiptiese president Abdel Fattah Al Sisi is “beloon” met ‘n oproep op 23 Januarie net drie dae na die inhuldiging.

Gister het die Amerikaanse president het met Nigerië se Muhammadu Buhari gepraat, wat op vakansie is in die Verenigde Koninkryk, en ‘n uur of so later, met Zuma.

Trump het glo die koning van Nkandla versoek om hom te skakel, en die impi was dadelik inskiklik.

In Desember 2013 het Trump het 24 miljoen Twitter-volgelinge vertel: “Kan jy glo dat die korrupte en patetiese Suid-Afrikaanse polisiemag moet nog die gebaretaalman arresteer. So ‘n gevaar – gee 10 jaar ” en dit opgevolg ‘n paar uur later met: “Suid-Afrika is ‘n misdaad geteisterde gemors wat net wag om te ontplof – nie ‘n goeie toestand vir die mense nie.”