Internasionale nuus – Bladsy 14

Israel ‘wil vredespogings saboteer’

’n Woordvoerder van die Palestynse leier, Mahmoud Abbas, het gesê Israel is besig om die vredespogings te saboteer.

Die Israelse premier, mnr. Benjamin Netanyahu, het gister geëis dat Jerusalem die uitsluitlike hoofstad van Israel moet wees en dat Palestynse vlugtelinge nie in die land toegelaat behoort te word nie.

’n Woordvoerder van Abbas het verklaar dat Netanyahu se standpunt “alle inisiatiewe gesaboteer het, alle pogings vir vrede verlam het”.

“Die vredesproses beweeg teen ’n slakkepas. “Netanyahu het vanaand in sy dop teruggetrek,” het mnr. Saeb Erekat, ’n onderhandelaar, gesê.

Die Europese Unie (EU) se kommissaris vir buitelandse beleid, Javier Solana, het ’n beroep op Israel gedoen om veiligheid deur vrede te soek.

Hy het ook gewaarsku dat toekomstige gesprekke met die EU afhang van “Israel se gedrag”.

“Dit is belangrik om Israel te oortuig dat vrede ’n beter waarborg vir sy veiligheid sal wees.

“Ek dink president Barack Obama het dit duidelik gestel in sy ontmoeting met die Israelse premier, mnr. Benjamin Netanyahu, in Washington,” het Solana hier aan verslaggewers gesê.

Obama is sedert sy beëdiging in Januarie op soek na maniere om die vredesamesprekinge weer aan die gang te kry. Sy gesant, George Mitchell, het pas deur die Midde-Ooste getoer en Amerika se steun vir ’n tweestaat-oplossing herbevestig.

“Die EU volg tans ’n soortgelyke proses[as die VSA],” het Solana ná sy gesprek met Egipte se president en sy minister van buitelandse sake gesê.

Na verwagting sal Israel nie hierdie oplossing sal steun nie.
fruit casino

Israel stel voorwaardes vir Palestynse staat

Benjamin Netanyahu, eerste minister van Israel

Die Israelse premier Benjamin Netanyahu het aangekondig dat hy 'n Palestynse staat sal steun – maar net as dit geheel en gedemilitariseer is.

Hy het gesê dat 'n Palestynse staat geen weermag of beheer oor sy lugruim moet hê nie, asoog geen manier om wapens te smokkel nie.

In 'n baanbrekertoespraak slegs enkele weke nadat die Ameriaanse president hom gevra het om 'n tweestaatplan te aanvaar, het hy gesê dat die Palestyne Israel as Joodse staat moet aanvaar.

Palestynse leiers het negatief gereageer en hom daarvan beskuldig dat hy die vredesplanne saboteer.

Setlaars 'geen vyande'

Die Withuis het gesê dat president Barack Obama mnr Netanyahu se "instemming" tot 'n tweestaatoplossing as 'n "belangrike stap vooruit" verwelkom.

Mnr Netanyahu het 'n nuwe terrein geopen deur die beginsel van 'n gedemilitariseerde Palestynse staat, al is dit voorwaardelik, te aanvaar.

Maar die vraag is of die Withuis dit as afdoende sal aanvaar om vir die gebrek aan enige toegewings oor die kwessie van Joodse vestigings op die besette Wesoewer te vergoed.

In sy belangrike Midde-Oosterse toespraak in Kaïro op 4 Unie het mnr. Obama beklemtoon dat hy wil hê dat alle vestigingsaktiwiteit moet ophou.

Maar in sy toespraak by Bar-Ilan-universiteit het mnr. Netanyahu gesê setlaars is nie "die vyande van vrede" nie en het nie afgewyk van sy standpunt dat "natuurlike groei" in bestaande vestigings toegelaat behoort te word nie.

Netanyahu het aan die Palestyne gesê dat Israeli's met hulle in vrede as goeie bure wil saamleef. Hy is bereid om na Damaskus, Rijaad en Beiroet te reis ten einde 'n midde-oosterse vredesooreenkoms te verkry.

Hy het verwys na die groot struikelblokke in onderhandelings met Palestyne oor die jare, waaronder die kwessie van Palesgtynse vlugtelinge wat in 1948 en 1949 vanuit die huidige Israel gevlug of uitgesit is.

Die Palestyne beweer dat hulle en hul miljoene nakomelinge oor 'n terugkeerreg na Israel beskik – wat 'n einde aan die Joodse meerderheid sou beteken – maar Israel het daardie versoek nog altyd konsekwent verwerp.

Netanyahu het 'n soortgelyke standpunt ingeneem deur te sê: "Die Palestynse vlugtelingprobleem moet buite die grense van die staat Israel opgelos word.

"Enige eis om vlugtelinge binne Israel te hervestig ondergrawe Israel as 'n staat vir die Joodse volk."

Nog 'n sleutelkwessie waaroor die twee kante nie ooreen kan stem nie, is die status van Jerusalem.

Mnr. Netanyahu het daarop aangedring dat die stad die "verenigde hoofstad van Israel" moet wees, hoewel Palestyne dit verdeel wil sien sodat hulle die hoofstad van 'n toekomstige staat daar kan maak.

'Rassisties en ekstremisties'

Nabil Abu Rdaina, 'n woordvoerder vir die Palestynse Owerheidspresident Magmoed Abbas, het gesê die toespraak van die Israelse leier "torpedeer alle vredespogings in die streek".

Nog 'n Abbas-sekretaris, Jasser Abed Rabbo, het aan Agence France Presse gesê dat die erkenning van Israel se Joodse aard 'n eis aan die Palestyne is om "deel van die globale Sionistiese beweging te raak".

Die militante Hamasbeweging, wat die Gasastrook beheer, het gesê die toespraak weerspieël mnr. Netanyahu se "rassistiese en ekstremistiese ideologie".

fruit warp

Bin Laden skuil in Pakistan s? CIA

Die CIA glo Osama bin Laden is steeds in Pakistan en die Amerikaanse intelligensie-agentskap wil die net om hom nouer span, terwyl die Pakistanse weermag ingryp in die noordwestelike stamgebied waar hy vermoedelik skuil.

Die CIA-direkteur, Leon Panetta, het ná ’n toespraak vandeesweek in die kongres aan verslaggewers gesê om Bin Laden op te spoor is steeds een van die CIA se hoogste prioriteite.

“Een ding wat ons hoop, is dat ons ’n beter kans sal hê om by hom uit te kom terwyl die Pakistanse weermag saam met ons operasies inbeweeg,” het Panetta gesê.

Volgens die CIA het die getal amptenare en gewerfde agente, plaaslike inwoners wat inligting verskaf, in Pakistan toegeneem.

“Ons het ’n aantal mense op grondvlak in Pakistan wat help om teikens te verskaf en wat ons help om die inligting te kry wat ons regtig nodig het om Al-Kaïda te pak.”

In Islamabad het ’n woordvoerder vir president Asif Ali Zardari Panetta se bewerings verwerp en die CIA uitgedaag om enige bewyse om dit te staaf, te oorhandig.

“Daar is geen waarheid in hierdie CIA-verklaring nie. Dit is alles gerugte,” het Farhatullah Babar gesê.

“Sulke verklarings hou aan kom, maar as hulle weet hy is in Pakistan, dan moet hulle ook sy presiese ligging weet. As dit die geval is, hoekom deel hulle die inligting nie met Pakistan nie?” het hy met verwysing na Bin Laden gesê.

Panetta het intussen gesê die Pakistanse offensief in die Swatvallei vorder baie goed in vergelyking met Pakistan se vorige pogings om hard teen ekstremiste op te tree. Die Pakistanse weermag het gesê hy het meer as 1 300 militante in die offensief gedood en weer beheer oor die grootste deel van die streek oorgeneem.

Vorige offensiewe teen Islamitiese militante het dikwels gesneuwel. Die regering het dikwels eerder verkies om vredesooreenkomste met die ekstremiste te sluit. ’n Vredespakt in Swat het in April in duie gestort nadat die Taliban van daar na die nabygeleë Buner – 96 km van die hoofstad, Islamabad – beweeg het.

Panetta het gesê die CIA besef dat terwyl hy vordering in Pakistan maak, die leiers van Al Kaida hulle kan toespits op ander toevlugsoorde, soos Jemen en Somalië.

bad wolg

Egipte vra Nefertiti terug

Die borsbeeld van Nefertiti

Egiptiese owerhede sal binnekort getuienis voorlê dat die borsbeeld van Nefertiti wat 3 400 jaar oud is, onwettig deur Duitsland uit die land geneem is, het Egipte se hoof van antikwiteite Zahi Hawass Sondag gesê.

"Ons amel nog steeds inligting in, maar ek verwag dat ons binnekort genoeg sal hê om 'n formele versoek aan die Berlynse museum sal kan rig om die borsbeeld terug te vra," het Hawass an die Duitse koerant, die Tagesspiegel in 'n onderhoud gesê.

Die beroemde borsbeeld van Nefertiti, bekend as een van die land se groot skoonhede, is in 1913 na Berlyn gebring, 'n jaar nadat die Duitse argeoloog Ludwig Borchardt dit langs die oewer van die Nyl uitgegrawe het.

Kaïro het reeds vanaf die dertigerjare, met Adolf Hitler se bewind, gevra dat die beeld teruggegee word en daarna aan opeenvolgende Duitse regerings, maar die versoek is deurentyd geweier.

"Daar is skynbaar nie enige dokumente wat bo alle twyfel bewys dat dat Nefertiti Egipte op 'n wettige manier en bo alle etiese verdenking verlaat het nie. Ek dink ons het goeie argumente vir haar terugkoms,"het Hawass gesê.

Hawass het gesê daar sal geen samewerking met Berlyn se nuwe museum wees totdat die probleem opgelos is nie. Die museum sal die borsbeeld uitstal wanneer dit in Oktober vir die publiek open. Nefertiti is voorheen in Berlyn se Egiptiese museum tentoongestel waar sy ongeveer 'n halfmiljoen besoekers per jaar gelok het.

"Wat van ons gesteel is, moet terugbesorg word en dit sluit vyf stukke in waaronder Nefertiti wat uniek aan ons kultuur is," het Hawass gesê.

Duitse owerhede het glo aangedui dat hulle nie onwillig sal wees om te oorweeg of die beeld tydelik na Kaïro kan gaan nie, maar daar is kwellinge of die beeld sterk genoeg sal wees om die reis te oorleef.

купить

Iranse leier teen ‘w?reldonderdrukking’

Mahmoud Ahmadinejad het gister gesê sy herverkiesing is ’n slag vir “wêreldonderdrukking”.

Op sy eerste mediakonferensie sedert hy Vrydag herverkies is, het hy volgehou Teheran se omstrede kernprogram is iets van die verlede.

Oor die protes oor sy herverkiesing het hy gesê ’n verkiesing is soos ’n voetbalwedstryd en die verloorspan moet dit net aanvaar. “Die feit dat sommiges betoog en die uitslag bevraagteken, is natuurlik. Hulle was voorbereid op ’n oorwinning en dit ontstel hulle,” het hy gesê.

Sy sterkste teenstander, Hossein Mousavi, se ondersteuners het Teheran se strate ingevaar om te protes aan te teken omdat die verkiesing volgens hulle gemanipuleer is.

Die polisie moes Sondag vier of vyf skote in die lug skiet om oproeriges in sentraal-Teheran uiteen te jaag.

Iran se kernplanne sal verkiesing oorleef

Selfs al verslaan die hervormer Hossein Mousavi president Mahmoud Ahmadinejad in Vrydag se verkiesing, is dit nie seker dat dit enige iets aan Iran se kernambisies gaan verander nie. Israel sal in ieder geval daarvan hou om die hoogsgeheime kernaanleg naby Isfahan uit te wis.

Dié aanleg wek kommer by kenners en daar is gerugte dat Benjamin Netanyahu en sy konserwatiewe regering reeds besluit het om Iran aan te val. Volgens die Israelse koerant Haaretz gee die premier die VSA tot die einde van die jaar om 'n onderhandelde skikking te bereik. Indien Amerika nie suksesvol is nie gaan Israel glo sonder Washington se goedkeuring optree.

Mohammed el Baradei, hoof van die IAEA, waarsku dat só 'n aanval katastrofies vir die magsbalans in die Midde-Ooste sal wees en militêre kenners meen dit is reeds onmoontlik om Iran se kernprogram uit te wis. 'n Aanval sal die Iranese eenvoudig meer vasberade maak om 'n kernbom te bou en die kernprogram is reeds só uitgebrei dat een aanval dit nie sal omkeer nie.

Westerse moondhede klou aan die skrale hoop dat Ahmadinejad Vrydag uitgestem sal word, maar die verskille tussen die vier kandidate oor die kernkwessie, is nietig.

Ironies genoeg is Iran, wat deur vele in die VSA as die grootste vyand beskou word, die mees pro-Westerse land, met die uitsondering van Israel, in die Midde-Ooste. Dié houding staan bekend as die Persiese paradoks.

Die verkiesingkwessies konsentreer hoofsaaklik op die ekonomie en 'n debat oor moraliteit, en nie op 'n moontlike kernoorlog nie. Die regse kandidaat, Mohsen Rezaei, 54, eerydse bevelvoerder van die Rewolusionêre Wag, is eerder daar om die dienende president se persoonlikheidsfoute te korrigeer, naamlik onvoorspelbaarheid en hardkoppigheid en hom op koers te hou.

Mehdi Karrubi, 71, nog 'n kandidaat en 'n godsdienstige leraar is 'n ander hervormer wat Westerse liberalisme voorstaan. Maar Mousavi, 'n vorige eerste minister, staan volgens ingeligtes die beste kans om Ahmadinejad, te vervang. Sy besuinigingsmaatreëls van 20 jaar gelede word postief deur ouer Iranese kiesers bejeën, alhoewel die toename in arrestasies en onderdrukking onder sy beheer, nie as so rooskleurig gesien word nie.

Hy is meer gesofistikeerd as Ahmadinejad en sal waarskynlik nie na 'n geheimsinnige "lig" verwys soos die president tydens sy toespraak in New York in die Algemene Vergadering-sitting van die VN in 2005 tot almal se verleentheid gedoen nie.

Die voordeel wat Mousavi het, is dat hy die polisie beheer en dus onbelemmerd geskenke kan uitdeel op sy veldtog. Sy gehoor ontvang glo tonne aartappels vir hul moeite om na hom te kom luister.

лобановский класс

Oegandese albino’s wil verteenwoordiging h

Albino's in Oeganda eis verteenwoordiging in die parlement om hulle regte te beskerm omdat meer as 50 lede van hulle groep reeds vermoor is, het hulle Donderdag gesê.

"Die meeste mense beskou ons as sosiale wanaagepastes," het Faith Bwanika, sekretaris van die Oeganda Albinovereniging, na 'n tweedaagse forum in Kampala waar albinokwessies bespreek is.

"Hulle verstaan nie ons velkleur nie," het Bwanika bygevoeg. "Ons het iemand in die parlement nodig wat hoofssaklik vir die regte van albino's veg."

Die moorde van albino's die afgelope twee jaar in Tanzanië en Boeroendi noodsaak verteenwoordiging in die parlement. Vyf setels is reeds opsy gesit vir mense wat gestremd is.

Die meer as vyftig mense wat vermoor is sluit jong kinders in. Hulle word ledemate is afgesny om aan toordokters in Tanzanië te verkoop. Bwanika het gesê daar is mense wat glo dat sulke ledemate 'n krag besit, maar hulle is in werklikheid net moordenaars.

Geen soortgelyke albinomoorde is al ooit in Oeganda aangemeld nie, alhoewel die land gebuk gaan onder moetiemisdaad.

Die meeste Oegandese albino's is ongeletterd omdat hulle gesinne weier om hulle skool toe te stuur uit vrees dat hulle skande oor die familie sal bring. Hulle is ook werkloos omdat daar teen hulle gediskrimineer word.

Albinisme is 'n gebrek aan melanienpigment in die vel, oë en hare wat die menslike vel teen die son se ultravioletstrale beskerm.

‘Afrikane kom uit die bos’

Op die kolonel se bors…

Die een was onlangs weer die nuus oor 'n foto waar hy saam met vroue in onderklere baljaar en die ander omdat hy met 40 vroulike lyfwagte reis. Maar die foto aan die Libiese leier se bors vasgespeld toe hy van sy Airbus, een van die drie wat saamgekom het met sy 300-sterk entourage belaai, afklim om Silvio Berlusconi se hand te skud, moes opnuut die Italiaanse premier se moed in sy skoene laat sak het.

Moeammar Ghadaffi het naamlik 'n foto van die Libiese weerstandsleier Omar Mukhtar, bekend as die "Leeu van die Woestyn", wat deur Italiaanse kolonialiste in 1931 opgehang is, groot op sy bors aangespeld gehad vir die geleentheid van sy staatsbesoek aan Italië.

Alhoewel verhoudinge tussen die twee lande verbeter het nadat Berlusconi ingestem het om verskoning te vra vir Italië se koloniale verlede en $5 miljard se vergoeding betaal het, is nie almal in Italië bly oor die besoek nie. Menseregteaktiviste is gekant teen Ghadaffi se instemming om voornemende immigrante wat deur Italiaanse seepatrollies onderskep word, terug te neem in Libië.

Ghadaffi het Woensdag ontken dat die ooreenkoms met Italië die voornemende asielsoekers daarvan weerhou om vir bekerming te vra. Sy uitlating het sy gasheer, wat nie terugdeins vir politiek inkorrekte stellings nie, sigbaar ongemaklik gelaat.

"Dis nou een van die leuens wat rondgaan," het die kolonel na afloop van sy ontmoeting met Berlusconi aan die media verklaar. "Afrikane het nie probleme met politieke asiel nie. Mense wat in die bos woon en dikwels in die woestyn, het nie politieke probleme nie. Hulle het nie opposisies, of meerderhede, of verkiesings nie.

Die Libiese leier, voorsitter van die Afrika-Unie, het gesê net mense wat in stede woon weet sulke dinge. "Afrikane het nie eens 'n identiteit nie. En daarmee bedoel ek nie 'n politieke identiteit nie; hulle het nie eens 'n persoonlike identiteit nie. Hulle kom uit die bos en hulle sê: 'In die noorde is daar geld en daar's rykdom…en dan gaan hulle Libië toe, en vandaar na Europa'".

Volgens die VN kom 'n buitengewoon groot aantal migrante wat van oorloë en chaos vlug deur Libië na die EU. Ghadaffi was egter ferm: "Asseblief, moenie hierdie besigheid van politieke asiel ernstig opneem nie. Die idee dat hulle almal asielsoekers is, laat 'n mens soms lag."

play

Bona Mugabe se lyfwagte los

Hong Kong se hoofstaatsaanklaer het sy besluit om nie twee van Mugabe se lyfwagte aan te kla nie, verdedig deur te sê die twee was glo werklik besorg oor die veiligheid van Bona Mugabe, die Zimbabwiese president se dogter wat hulle moes beskerm.

Bona woon in Hong Kong waar sy aan 'n Britse universiteit in die voormalige Britse kolonie studeer. Haar lyfwagte het twee nuusfotograwe na bewering aangerand op 13 Februarie buite die $5 miljoen-villa van haar vader.

Die twee fotograwe, Colin Galloway en Tim O'Rourke, het foto's geneem vir die Britse Sunday Times wat 'n ondersoek gedoen het oor Mugabe se bande met Hong Kong. Hulle is deur 'n manlike en vroulike lyfwag te lyf gegaan. Die manlike lyfwag het Galloway aan die keel gergryp en van die grond gelig.

Die Amerikaner O'Rourke is deur die vrou aangerand. Hulle het daarna die polisie ontbied en 'n klag van aanranding is gelê, maar dit het dié week duidelik geword dat daar geen optrede teen die lyfwagte sal wees nie.

Woede oor die voorval heers nadat Mugabe se vrou Grace ook kort tevore 'n ander fotograaf, Richard Jones, aangerand het omdat hy foto's van haar inkopietog in Hong Kong wou neem.

Hong Kong se owerhede het egter aangedui dat Grace Mugabe nie aangekla sal word nie omdat sy deur diplomatieke immuniteit beskerm word.

Mapfumo Marks en Manyaira Reliance Pepukai, die twee lyfwagte, sal na verwagting na Zimbabwe terugkeer saam met die 20-jarige Bona as die universiteit se somervakansie aanbreek.

баня сауна

Palestynse staat ‘enigste lewensvatbare oplossing’

Amerika se gesant in die Midde-Ooste, George Mitchell, het Woensdag die Palestyne verseker van die VSA se verbintenis tot 'n eie Palestynse staat.

Hy noem die instel daarvan die enigste lewensvatbare oplossing vir die heersende konflik met Israel.

Mitchell het gepraat ná 'n ontmoeting met die Palestynse leier, Mahmoed Abbas. Hy het ’n beroep gedoen op albei partye om hul verpligtings ingevolge ’n “vredespadkaart” van 2003 na te kom. Die padkaart verplig Israel om die uitbreiding van sy nedersettings te staak en die Palestyne om hul militante ondersteuners in toom te hou.

President Barack Obama van die VSA het dit duidelik gestel dat “die enigste lewensvatbare oplossing vir dié konflik is dat die twee state aan albei partye se aspirasies voldoen”, het Mitchell gesê.

Die Israelse premier, mnr. Benjamin Netanyahu, het nie Palestynse voornemens vir 'n eie staat in die openbaar goedgekeur nie. Hy sê oprigting in bestaande nedersettings in die besette Wesoewer sal voortgaan.

насос для грязной

Mosleminsurgente teiken owerhede in Noord-Kaukasi

Mans gewapen met outomatiese gewere het gister ’n gesiene regter in die Russiese republiek Ingoesetië doodgeskiet 18 maande nadat haar voorganger ook vermoor is.

Die veiligheidsituasie in die aangrensende republiek Tsjetsjnië het intussen verbeter, maar het elders in die hoofsaaklik Islamitiese Noord-Kaukasië verswak. Daar is al hoe meer aanvalle deur Mosleminsurgente op lede van die owerheid.

Regter Aza Gazgirejewa, adjunkvoorsitter van Ingoesetië se hoërhof, is in die hospitaal oorlede nadat die minibus waarin sy gereis het in die republiek se grootste dorp, Nazran, aangeval is.

Boosdoeners het vanuit ’n motor op die minibus losgebrand en ook ses passasiers gewond.

“Hierdie aanval hou verband met haar werk. Die moordenaars is nog nie aangekeer nie en ’n grootskaalse soektog na hulle duur voort,” het ’n regeringsbron gesê.

Drie vroue en ’n eenjarige kind tel onder die beseerdes.

Geweld teen die owerheid het in Ingoesetië en Dagestan toegeneem, waar armoede en regeringsoptrede ’n vrugbare teelaarde vir die werf van militantes gekweek het. Die reeds arm gebied ondervind verdere agteruitgang weens die wêreldwye resessie.

Gaboen kry tussentydse staatshoof

Rose Francine Rogombe is gister as Gaboen se tussentydse president beëdig nadat oudpres. Omar Bongo, Afrika se langs dienende staatshoof, vroeër vandeesweek dood is.

Bongo, 73, se dood het ’n magsvakuum gelaat in dié land in Sentraal-Afrika wat hy langer as 40 jaar streng beheer het.

Beleggers kyk versigtig vir tekens van moeilikheid in Gaboen, wat ’n goed ontwikkelende oliebedryf en euro-obligasies hou.

Bongo is vanuit sommige oorde geloof vir sy handhawing van stabiliteit en sy bydrae tot Afrika-vredespogings, maar in die laaste maande van sy lewe is hy in verband met beweerde diefstal uit die staatskoffers ondersoek.

Die eertydse Franse president Valéry Giscard d'Estaing, het aan die begin van die week aan 'n radiostasie vertel dat 'n opvolger, Jacques Chirac, se verkiesingsveldtog in 1981 deur Bongo gefinansier is. Regteorganisasies betoog dat Bongo en sy gesin se bates in Frankryk bevries word.

Gaboen word beskou as die laaste vesting van ou Franse belange op die kontinent.

Ná ’n rits staatsgrepe elders in Afrika die afgelope jaar het sommiges gevrees Bongo se dood kan tot onstabiliteit aanleiding gee. Maar ontleders het gesê die president se regerende party sal waarskynlik die oorgang streng bestuur en hulle twyfel dat daar onrus sal wees.

Ingevolge die grondwet sal Rogombe, ’n prokureur wat senaatshoof was toe Bongo gesterf het, 45 dae tyd hê om verkiesings te hou om ’n nuwe staatshoof te laat verkies.

“Ek belowe om my bes te doen om na die mense van Gaboen om te sien . . . om die grondwet en die oppergesag van die reg te respekteer en te verdedig en om my werk pligsgetrou te verrig deur regverdig jeens almal te wees,” het Rogombe tydens haar beëdiging gesê.

Haar tyd aan die bewind as tussentydse leier kan verleng word in geval van force majeure, oftewel oormag, het Marie Madeleine Mborantsouo, hoof van die konstitusionele hof, gesê. Mborantsouo het die nuwe president beëdig.

игрушки детские

Lords beskerm regte van terreurverdagtes

Brittanje se hoërhuis, het gister teen die regering beslis in ’n sensitiewe saak oor die gebruik van geheime bewyse om terreurverdagtes dop te hou sonder om hulle aan te kla.

Nege regsgeleerde lords het eenparig ’n appèl gehandhaaf deur drie mans wat aangevoer het dit is ’n skending van hul regte om hulle op grond van geheime bewyse, waarvan hulle nie weet nie en wat nie in die hof betwis kan word nie, aan beheerbevele – ’n soort huisarres – te onderwerp.

Die besluit verwerp nie die gebruik van beheerbevele nie, maar dit bevraagteken wel ’n sentrale element van dié beleid.

Beheerbevele is in 2005 deur die regering ingestel en maak dit moontlik om onder meer vir tot 16 uur per dag ’n aandklokreël teen terreurverdagtes in te stel.

Menseregte- en justisie-organisasies sê só 'n bevel skend fundamentele regte en vryhede en skep die risiko dat Brittanje in ’n polisiestaat word.

Omdat die bevele steun op inligting wat deur die veiligheidsdienste ingesamel is en nie in ’n hof bekend gemaak kan word nie, veronderstel dit ook skuld sonder dat bewyse voorgelê is.

free 5 pound bet no deposit

VSA-gesant paai Israel oor Obama-voornemens

George Mitchell, die VSA se gesant in die Midde-Ooste, het Israel gister verseker dat Amerika sy bande met hom sal behou ten spyte van hul verskille oor Joodse nedersettings en die vredesonderhandelinge met die Palestyne.

Mitchell het aan president Shimon Peres gesê sy doel is om 'n klimaat te skep waaronder die gesprek oor die vestiging van ’n Palestynse staat naas Israel onder vreedsame en veilige omstandighede so gou as moontlik hervat en uitgevoer kan word.

Obama is haaks met die Israelse premier, Benjamin Netanyahu, oor sy onwilligheid om Palestina se onafhanklikheid te erken en die Israeli’s se volgehoue sogenaamde besettings in die Wesoewer.

“Laat ek dit duidelik maak: Dit gaan nie om verskille tussen vyande nie. Die VSA en Israel is en bly vertroude bondgenote,” het Mitchell gesê.

Netanyahu, wat onder druk is om sy onwrikbare standpunt te heroorweeg, sal komende Sondag sy beleid oor die vredesproses met die Palestyne in ’n toespraak bekend maak.

Sy veiligheidskabinet beplan om Dinsdag te vergader om die VSA se beroep op die beëindiging van die versperring om Gaza te bespreek.

Netanyahu sal later in die dag met Mitchell vergader, wat daarna ook die Palestynse leier, Mahmoed Abbas, sal ontmoet.

Abbas hou vol dat Israel die besetting moet beëindig voordat die vredesproses hervat kan word.

люстры италия бренды топкарго развод