Nuus Archives - Page 113 of 403

Polisie en myners in skietgevegte

Twee onwettige myners is dood, 4 beseer en 113 gearresteer in ‘n operasie om hulle te verwyder uit ‘n ou mynskag in die Vrystaat Goudvelde.

Superintendent Motantsi Makhele het Dinsdag gesê dat onwettige myners tuisgemaakte ploftoestelle na die polisie gegooi het en mynskagte met lokvalle toegerus het in hulle pogings om te ontsnap. Polisie het teruggeskiet.

Een van die myners is dood en vier is hospitaal toe geneem met koeëlwonde, het hy gesê.

“Die ander myner is dood na hy probeer wegkruip het vir die polisie, en daar word vermoed dat hy versmoor het vanweë die hitte ondergronds.

Makhele het gesê Operasie Zama-Zama het op 16 Januarie begin in die ou skagte in Henneman, Odendaalsrus, Virginia en Welkom.

22 Ondergrondse mynwerkers is ookgearresteer, insluitend 3 kontrakwerkers.

Die wat gearresteer is, sal ‘n totaal van 514 klagtes in die gesig staar wat wissel van poging tot moord tot oortredings op die plofstofwet, diefstal van myneiendom, besit van gouddraende materiaal en betreding.

Gedurende die ondergrondse operasie het die polisie beslag gelê op geïmproviseerde ploftoestelle, geïmproviseerde ontstekers, knaldoppies, lonte met knaldoppies, lontkoord, kompakte gevormde ladings, elektriese ontstekers en rotsbreek ladings.

Hulle het ook 2042 kilogram gouddraende materiaal ter waarde van R1,2 miljoen gekonfiskeer, amalgaamballe ter waarde van R152,38, R40, 060 in kontant en voedsel.

Dit word vermoed dat die kontant gebruik is vir betalings wat ondergronds gemaak is, soos om kos en plofstowwe te koop, het Makhele gesê.

Daar sal nog soortgelyke operasies in die toekoms wees, het provinsiale polisiekommissaris Amon Mashego gesê.

“Ons ondersoeke toon dat die plofstowwe wat ons gekonfiskeer het, dieselfde is wat gebruik word in die opblaas van OTM’s, dus het die operasie nie net ‘n duik gemaak in die onwettige myners se operasies nie, maar ook in die sirkulasie van die plofstowwe,” het hy gesê.

Verlede week het Mpumalanga se polisie gewaarsku dat “die maag van die aarde” die onwettige myners sal insluk wat probeer om op onwettige manier ryk te word in die “ingewande” van die goudmyne in Barberton.

Dit was nadat die liggame van 19 onwettige myners, ook bekend as Zama-Zamas gevind is in die Consortmyn. Ten minste nog een liggaam moet nog uitgehaal word, het kaptein Leonard Hlathi gesê.

Hulle is dood van rookinaseming na ‘n vuur ondergronds uitgebreek het op 21 Februarie.

Polisie het 86 onwettige myners gearresteer in die naburige Shebamyn.

“Daar is vasgestel dat sommige van die mense wat onwettige myners is by die myne die land onwettig ingekom het, en dit gaan moeilik wees om hulle lande van oorsprong vas te stel,” het Hlathi gesê.

хамам что это

Zuma wil SEB uitbrei

Die manier waarop breëbasis Swart ekonomiese bemagtiging (BBSEB) ingestel word, moet hersien word, het ANK-president Jacob Zuma Dinsdag gesê.

Zuma het gesê rasvoorkeur in werksomgewings en BBSEB programme het die swart middelklas heelwat uitgebrei.

"Maar ons is nie oortuig dat dit suksesvol was daarin om die strukturele ekonomie en sosiale ongelykhede in ons samelewing reg te stel nie," het hy aan die Konfederasie van Swart Besigheidsorganisasies (KSBO) in Sandton gesê.

Die ANK het lank reeds gesê dat BBSEB 'n wyer deel van die samelewing moet bevoordeel.

"Ons het gesê dat in sy huidige implementering BBSEB net 'n klein aantal mense tot voordeel gestrek het, en dat die basis nie breed genoeg was nie," het Zuma gesê.

"Wanneer ons praat van 'n hersiening van BBSEB, behoort so hersiening te kyk na hoe effektief ons is in die toepassing van so beleid, hoe ons dit kan versterk sodat dit beter diens kan lewer vir ons meerderheid en op die manier 'n breëbasis kan word."

Zuma het gesê dat om die beleid in effek te stel, wat bedoel is om die wanbalanse van die verlede van apartheid te herstel, was altyd 'n "uitdaging" met "baie struikelblokke.

Hy het egter die ANK se toewyding aan rasvoorkeur as beleid bevestig, en gesê dit is ondenkbaar vir die ANK om dit te laat vaar.

"Ons wil beklemtoon dat die ANK verbind is tot die volgehoue implementering van rassevoorkeur en ook die BBSEB programme," het hy gesê.

Die harmonisering van regeringsbeleid om seker te maak dat dit in lyn val met die BBSEB wet en beleid van goeie optrede was 'n prioriteit, het hy gesê, n bygevoeg dat die ANK regering nie tenders behoort toe te staan aan maatskappye wat nie "kwalifiseer en voldoen aan BBSEB beleid van goeie optrede nie."

"Dit is nie aanvaarbaar dat regeringsamptenare wat bevoeg is om met sulke sake te werk hulle self net bekommer oor prys in die plek van gelykheid nie," het hy gesê.

Dit was nodig om kommunikasie tussen swart besigheid en die regering op te skerp om "sake reg te stel" waar regeringsdepartemente fouteer.

Zuma was bewus daarvan dat die regering nie daarin geslaag het om klein en medium besighede betyds te betaal nie, wat veroorsaak het dat die besighede vou.

"Dit is onaanvaarbaar dat ons regering gesien word as dat dit bydra tot die ondergang van swart besighede deur nie betyds te betaal vir dienste wat gelewer word nie. Dit moet stop." Het hy gesê.

Zuma het 'n beroep gedoen op swart professionele mense om terug te keer na die staatsdiens om te help om die lewens van mense te verbeter, en het aan hulle gesê "hulle kan later in die privaatsektor gaan geld maak."

"Nasionale diens sluit ook in om deel te wees van die openbare dialoog oor transformasie aangeleenthede," het hy gesê.

Die KSBO bestaan uit meer as 8 swart besigheidsforums en professionele organisasies.

best social media topcargo кидалы

Duitsland prys SA se buitelandse rol

Duitsland se minister van buitelandse sake Frank-Walter Steinmeier het laat Maandag gesê dat Suid-Afrika se belangrike posisie in Afrika, wat veel verder strek as bemiddeling van konflikte in Soedan en die Kongo, “die rol wat Suid-Afrika gevind het in onlangse jare beklemtoon het.”

Gedurende ‘n vergadering in Berlyn laat Maandag met die Suid-Afrikaanse minister van buitelandse sake, Nkosaza Dlamini-Zuma, het Steinmeier gepraat van die “veelvoudige fasette van samewerking” tussen Duitsland en Suid-Afrika.

Suid-Afrika, as die kontinent se enigste lid in die Groep van 20 (G20) voorste ekonomieë, behoort in staat te wees om deel te neem in die globale poging om “lesse te leer uit die krisis in die internasionale markte.”

“Ons het Suid-Afrika nodig vir die argitektuur van ‘n nuwe internasionale orde,” het Steinmeier gesê.

Die ministers van buitelandse sake het gepraat oor die lasbrief vir die arrestasie wat uitgereik is deur die internasionale kriminele hof vir die Soedanese president Omar al-Bashir, wat gelei het toe die uitsetting van verskeie internasionale humanitêre organisasies deur die regering in Soedan.

“Ons maak staat daarop dat daar geen oorhaastige reaksies uit haat sal wees nie, wat kan lei, veral in daardie streek wat reeds swaarkry, tot verdere probleme en swaarkry,” het Steinmeier gesê.

подсветка для

Susan Combrinck praat met die jong lesers van praag.co.za oor taalgebruik, skryf en lees

Die toestand van taalgebruik en die swak stand van sake ten opsigte van lees in ons skole is vir my baie kommerwekkend. Hoekom dit so is, kan ek nie verstaan nie. Taal vorm immers die basis van alle leer.

Wanneer oor die onderwys gepraat word, kom geletterdheid elke keer ter sprake en die eerste stap in die geletterdheidsontwikkeling is die aanleer van ‘n taal en daarmee saam die korrekte gebruik van die taal wanneer geskryf en gepraat word. Taal is die medium waardeur mense hulleself verstaanbaar maak en waarmee hulle kommunikeer. Die mens speel verskeie rolle: deur te luister wanneer iemand anders praat, die sprekers wanneer ander luister, die lesers wanneer iemand anders skryf en die skrywers wanneer ander lees wat geskryf is. Ons woorde en sinne vorm deel van ons alledaagse interaksie met mense.

Al bestaan daar vandag die kommerwekkende houding dat daar nie meer omgegee en nie gemerk word teen taalfoute en spelfoute nie, wil ek vir julle vra hoe julle gaan leer om ‘n taal behoorlik te kan praat, skryf en lees? Veral jul moedertaal, Afrikaans. Hierdie houding van foute wat oorgesien word en die vraestelle wat gemerk word sonder dat die inhoud heeltemal korrek is – met slegs een of twee feite wat aandui dat julle weet waaroor die vraag handel, veroorsaak dat daar ‘n onreg aan julle gedoen word. Deur dit te aanvaar doen julle julself ook ‘n onreg aan – wat beteken dit? Gedurende julle skooljare kan julle dalk wegkom daarmee om die minimum te lees en om in die gewoonte te kom om nie korrek te skryf nie omdat foute oorgesien word. Die probleem gaan kom wanneer julle uit die skool is, want nie alle firmas wil mense in diens neem wat nie kan lees, skryf en ordentlik praat nie en dan gaan julle bitter spyt wees. Daar is die uitdrukking: “Spyt kom altyd te laat”.

Wie van julle weet hoe om ‘n biblioteek te gebruik? Wanneer julle meer wil weet rondom dít wat julle in die skool leer, kan julle boeke by die biblioteek oor die onderwerp uitneem. Wat van sommer net ’n storieboek of tydskrif uitneem om te lees? Ek kon self nie sonder die biblioteek nie en het die skoolvakansies omgelees – ek is seker daarvan dat julle ouers sal onthou van die reisende biblioteke. Ek kan nie my lewe sonder boeke voorstel nie.

Ek het die voorreg gehad om ‘n meisie van Graad 7 te help om te lees asook om die woordeboek te gebruik. Dit was hartseer om te sien hoe sy sukkel om ‘n eenvoudige ding soos ‘n verjaardagkaartjie te skryf. Soos wat ons gevorder het, was dit heerlik om te sien hoe sy die woordeboek begin gebruik en nuwe woorde geleer het.Toe sy die eerste storie gelees en dit verstaan het, was dit vir ons albei ‘n blye dag. Sy kon haar in die hoofkarakter van die storie inleef en die karakter se emosie ervaar.

Deur te lees gaan ‘n ander wêreld vir julle oop – dit beteken nie dat julle net van ander lande leer nie, maar julle kan leer van mense en diere en julle kan kennis opdoen aangaande die bou van modelle of hoe sekere stokperdjies beoefen word. Lees speel ’n baie belangrike rol in die alledaagse lewe – dink maar daaraan wat sou gebeur as julle nie ’n spyskaart of die instruksie by die opslaan van die boekrak kon lees nie? Wanneer julle nie behoorlik kan lees nie, gaan julle ook swak doen in al jul vakke en sal bv. in wiskunde nie die aanwysings verstaan om ‘n probleem op te los nie. Wat van toetse en eksamens? Julle sal ook nie die aanwysings wat in toetse en die eksamen gegee word, verstaan nie. Dit is dan baie maklik om te sê dat julle ‘n leerprobleem het, maar eintlik is dit ‘n leesprobleem wat onstaan het deurdat daar so min gelees word. Deesdae word baie op rekenaars gewerk, maar wat ’n verassing: Julle moet nog steeds kan lees, anders help die rekenaar wat daar staan niks nie!!

By die UGO wat julle volg, word baie klem geplaas op die integrasie tussen die leerareas en die feit dat die leerareas nie geskei moet word nie. Dit is ook goed so, maar weet julle wat? Dit is ook gedoen toe julle ouers skoolgegaan het. Ek hoor al die vraag: “Hoe?” Julle pa's kon in die houtwerkklas en julle ma’s kon in die huishoudkundeklas verskeie tipes inligting wat hulle geleer het, toepas. Net so kon ek die taal wat ek in die taalklas aangeleer het, gebruik om die resep te lees en te verstaan; ek kon die wiskunde wat ek in die wiskundeklas geleer het, aanwend om te bepaal hoeveel van bepaalde bestandele gebruik moes word (bv. 250ml melk) en ek kon die vorms waarvan ek in die wiskundeklas geleer het gebruik om die verskil te sien tussen 'n ronde en 'n vierkantige bak en ek kon die proses van probleemoplossing gebruik om te bepaal hoe ek die korrekte hoeveelheid botter van die blok moes afsny. Ek kon in die Aardrykskundeklas die kaart lees, ek kon die afstande tussen plekke uitwerk en ek kon die verskil sien tussen die soorte wolke waarvan ek geleer het.

Al die vakke het met mekaar verband gehou, al het die vakke ander name gehad as wat die leerareas en vakke nou het. Ek kan nie dink aan een vak waar ek nie oor die vermoë moes beskik om te lees nie en die feit dat baie van ons ons klasmaats kon help met bv. wiskunde beteken dat ons met ander leerlinge kon kommunikeer.

Ek daag julle uit! Begin lees – nie net julle skoolwerk nie – en verryk julle lewens.

Boek bevestig Armeense volksmoord

Armeense volksmoordmuseum

Volgens ‘n dokument wat behoort het aan die ministerie van binnelandse sake van die Ottomaanse ryk, het 972 Ottomaanse Armeniërs verdwyn uit die amptelike bevolkingsregisters van 1915 tot 1916.

“The remaining documents of Talat Pasha,” deur Murat Bardakci is nou beskikbaar in boekvorm en is ‘n versameling dokumente en rekords wat voorheen behoort het aan Mehmed Talap, ook bekend as Talat Pasha, die primêre argitek van die Armeense deportasies.

In Turkye kan enige gesprek oor wat gebeur het met die Ottomaanse Armeniërs ‘n openbare storm van woede tot gevolg hê.

Vir geslagte lank het die meeste Turke niks geweet van die besonderhede van die Armeense volkslagting van 1915 tot 1918 nie, toe meer as ‘n miljoen Armeniërs doodgemaak is tydens die Ottomaans-Turkse regering se reiniging van die bevolking.

Turkye het die lelikste deel van hulle verlede buite sig van mense toegesluit, op die Russiese manier, en enige melding van die gebeure uit skoolboeke en amptelike vertellings uit gehou in ‘n aggressiewe veldtog om te vergeet.

Turkye het nooit ‘n amptelike syfer van deportasies of sterftes erken nie. Sondag het die Turkse minister van buitelandse sake, Ali Babacan, gewaarsku dat president Barack Obama dalk verhoudinge kan terugdraai indien hy die volksmoord op Armeniërs sou erken voor sy besoek aan Turkye volgende maand.

Die verval van die Ottomaanse ryk was bloedig, lui die Turkse argument, en dié wat dood is was slagoffers van die chaos.

Hilmar Kaiser, ‘n historikus en kenner oor die Armeense volksmoord, het gesê die rekords wat in die boek gepubliseer was, is voldoende bewys van die Ottomaanse owerheid self dat dit ‘n beplande beleid gevolg het om die Armeniërs uit te wis. “Mens het skielik op een bladsy die bevestiging van die syfers,” het hy gesê. “Dit is asof iemand jou met ‘n kierie oor die kop slaan.”

“Dit stem ooreen met wat ons reeds weet,” het Donald Bloxham, die skrywer van “The Great Game of Genocide: Imperialism, Nationalism and the Destruction of the Ottoman Armenians”, gesê.

“Ek kon die boek nooit 10 jaar terug uitgee nie,” het Bardakci gesê. “Ek sou ‘n verraaier genoem word.”

Hy het bygevoeg dat die mentaliteit verander het.

Gauteng maan gemeenskappe tot kalmte oor gevalle van breinvliesontsteking

Die Gautengse departement van gesondheid het Maandag gemeenskappe wat moontlik geaffekteer kan wees deur breinvliesontsteking gemaan om nie paniekerig te raak nie.

“Die departement is …bekommerd oor die onlangse berigte van breinvliesontsteking, wat voorstel dat 4 jong mense, met 2 van Eldoradopark, dood is as gevolg van breinvliesontsteking.”

“Dit kan lei tot onnodige paniek in skole en gemeenskappe, het Gauteng-gesondheidswoordvoerder JP Louw gesê.

Donderdag is ‘n 15-jarige leerling by die Willow Crescent-hoërskool dood aan wat vermoedelik breinvleisontsteking is.

Die liggaam van die meisie is nie getoets vir breinvliesontsteking nie, aangesien sy begrawe is binne 24 uur, in ooreenstemming met haar familie se geloof.

Die tweede meisie, wat 9 jaar oud was, is die naweek oorlede, wat kommer laat ontstaan het dat sy ook breinvliesontsteking gehad het.

Maar Louw het gesê dat aanvanklike toetse getoon het dat sy nie aan breinvliesontsteking dood is nie. Hy het egter bygevoeg dat die departement haar dood verder sal ondersoek.

Louw het gesê daar is net twee bevestigde sterftegevalle wat as breinvliesontsteking bevestig kan word – ‘n 15-jarige meisie van Mondeor-hoërskool wat op 15 Februarie dood is en ‘n 7-jarige seun van Emaweni-laerskool wat op 24 Februarie dood is.

Die KVP het die departement van gesondheid se reaksie Maandag in ‘n verklaring gekritiseer.

“Die paniekerige gemeenskap is sonder behoorlike leierskap gelaat aangaande behandeling en opvoeding. Dit het gelei tot baie ouers wat hulle kinders tydelik uit die skool uit haal,” het die KVP-woordvoerder, Sipho Ngwema, in die verklaring gesê.

Фильчаков Харьков

Afriforum l? klag by Onafhanklike Klagtedirektoraat

Die Suid-Afrikaanse menseregte kommissie sal ‘n klagte van die burgerregtegroep Afriforum evalueer, nadat ‘n polisieman van Delmas ‘n man met ‘n vuurwapen gedreig het.

SAMRK woordvoerder Vincent Moaga het Maandag gesê: “Ons het die klagte ontvang, ons sal dit moet assesseer om te bepaal of die kommissie die regte liggaam is om dit te hanteer.”

Afriforum het die klagte by die Kommissie en die polisiewaghondorganisasie, die Onafhanklike Klagtedirektoraat ingedien.

Afriforum se hoof van gemeenskapveiligheid Nantes Kelder het gesê Joe Wilkinson is deur ‘n polisieman met ‘n vuurwapen gedreig op die toneel van ‘n padongeluk.

Die polisieman, wat klaarblyklik onder die invloed van alkohol was op daardie stadium, en nie geïdentifiseer was as ‘n lid van die polisie nie, het die enigste oop baan wat oop was vir verkeer n die ongeluk met sy voertuig versper.

Toe Wilkinson hom gevra het om sy voertuig te skuif omdat dit die verkeer versper, het die polisieman na bewering op Wilkinson geskree na hy sy voertuig van die pad af getrek het en met sy 9mm-pistool in die hand op Wilkinson afgestorm.

Hy het klaarblyklik aan Wilkinson gesê: “My yster skiet blankes ook.”

Wilkinson het hom daarna na die Delmas polisiestasie gehaas om die insident aan te gee, waar die polisieman sy dreigemente teen hom volgehou het.

“Op een stadium moes Wilkinson selfs tussen voertuie op die perseel van die polisiestasie wegkruip,” het Kelder gesê.

мульт машинки

Wet is ‘n onteieningsinstrument volgens hof

AgriSA het ‘n uitspraak van die Pretoriase hoërhof verwelkom dat die Minerale en Petroleum hulpbronontwikkelingswet effektief dieselfde is as om onbenutte, ou orde mineraleregte te onteien.

Die uitspraak sal die staat verplig om kompensasie te betaal of om eienaarskap van die onteiende mineraalregte weer her in te stel, het AgriSA se hoofuitvoerendebeampte Hans van der Merwe Maandag in ‘n verklaring gesê.

Hy het die uitspraak as ‘n belangrike landmerk beskou in AfriSA se poging om grondeienaarskap te beskerm en foute uit te wys op beleids- en regulerende vlakke.

Die departement van minerale en energiesake het die finaliteit van die uitslag egter in twyfel getrek.

Woordvoerder Bheki Khumalo het gesê die departement is geadviseer dat dit slegs betrekking het op “regstegniese uitsonderings” wat deur die departement geopper word teen die eise van AgriSA.

“…Die meriete van die saak, of daar werklik onteiening plaasgevind het sal besluit word wanneer die saak uiteindelik in die hof aangehoor word, nadat die departement sy kant van die saak gestel het,” het Khumalo gesê.

Hy het gesê die departement het kennis geneem van die uitspraak. Die regspan was steeds besig om die uitspraak te bestudeer, waarna dit die departement sal aanbeveel watter aksie om te neem.

Obama hou (te) streng by sy woord

Presidente het al tekslesers gebruik vir meer as ‘n halfeeu, maar nie een het tot dusver so erg op die goed staatgemaak as Obama nie. Terwyl presidente dit tipies gebruik het vir hulle mees belangrike toesprake – ‘n inhuldiging, ‘n staatsrede of ‘n Ovaalkantoortoespraak – gebruik Obama dit vir daaglikse roetine toesprake, en selfs sy openingswoorde by perskonferensies.

Hy het dit gebruik tydens ‘n besoek aan die departement van binnelandse sake om oor bedreigde spesies te praat, en selfs toe hy herinneringe opgediep het van besoeke aan nasionale parke toe hy ‘n 11-jarige seun was. “Dit ws ‘n ervaring wat ek nooit sal vergeet nie,” het hy gesê terwyl hy dit van die teksleser af gelees het.

Vir Obama beteken ‘n teksleser kommunikasiedissipline, om so na as moontlik aan sy beoogde woorde te bly. Elke president gebruik natuurlik voorbereide opmerkings, en gereeld word daar van kaarte of papier af gelees. Maar terwyl sommige van sy voorgangers gehou het daarvan om te improviseer, verkies Obama dat die boodskap perfek is.

Obama het nooit ‘n teksleser gebruik tot sy belangrike toespraak by die 2004 Demokratiese Konvensie nie, maar hy het gereeld op die goed staatgemaak tydens verlede jaar se verkiesingsveldtog. Na een toespraak is hy gesien in ‘n spanningsvolle woordewisseling met ‘n assistent, ‘n uitbarsting wat sy woordvoerder later toegeskryf het aan ‘n foutiewe teksleser.

Die Withuis het vrae oor die gebruik van die masjiene nie geantwoord nie.

двухпоршневой цена Александр Фильчаков

Swart mans heel onder

Meer swartmans in Louisiana word in die tronk gesit of word die slagoffers van manslag as wit mans, het amptenare van ‘n onderwysnavorsingsentrum Donderdag gesê.

Cedric Richmond, Demokratiese verteenwoordiger van New Orleans, het gesê “Afro-Amerikaanse mans is laaste in omtrent enige kategorie as dit kom daarby om sukses te behaal.”

Die Raad op die Sosiale status van Swart Mans en Seuns, wat Donderdag ontmoet het in die staat se hoofstad, beplan om ‘n voorlopige verslag vry te stel op 1 Junie oor hoe swart mans tans vaar.

Onder kinders, is die persentasie van swart manlike persone drie keer dié van blanke mans, het Bobbie DeCuir, ‘n projekdirekteur by die Cecil J. Picard Sentrum vir Kinderontwikkeling en Lewenslange Onderwys gesê.

Moord is die hoofoorsaak van dood onder swart mans met ouderdomme tussen 15 tot 34, het Gail Bonhomme, ook ‘n projekdirekteur by die Picardsentrum gesê.

En vir elke wit man tussen die ouderdom van 19 en 44 wat in die tronk is, is daar omtrent 4 swart mans in die tronk, het sy gesê.

Die Picardsentrum het dié en ander statistieke, wat geneem is van die Nasionale Sentrum vir Gesondheidstatistiek en Amerikaanse Sensus Buro en saamgestel is deur LSU-demograaf Troy Blanchard na die raad toe geneem.

Daardie statistieke was nie verrassend vir die raadslede nie, waarvan die groot meerderheid selfs swart is. Maar Donderdag het die syfers woorde soos “erg”, “ontnugterend” en “teleurstellend” laat opklink uit die paneel.

ігрушки лобановский класс