bybel – Bladsy 11 – praag.co.za

Apartheid het ondernemingsgees vernietig ? Manuel

Apartheid het die ondernemingsgees in Suid-Afrika vernietig, het minister van finansies, Trevor Manuel, Sondag gesê.

“Ons het nie ondernemingsgees nie as gevolg van apartheid, en die swakkelinge wat kies om entrepreneurs te wees oorleef dit nie altyd nie,” het Manuel gesê.

“Hoe gaan ons dit hanteer?”

Hy het gepraat by ‘n debat oor die vooruitsigte van behoorlike werk binne ‘n groeiende ekonomie in Rivonia, Johannesburg.

Saam met Manuel was daar finansiële spesialiste, insluitend verteenwoordigers van Eskom en Cosatu.

Manuel het gesê dat mikro-ekonomie, in teenstelling met makro-ekonomie ook moet help om Suid-Afrika se ekonomie te versterk.

“…Daar is ‘n sienswyse wat ons nog net nie bereik het nie,” het hy gesê.

Hy het gesê dat die Suid-Afrikaanse ekonomie buite die grense van die land strek, en dat indien geld ophou invloei, die groei sal afplat.

Die uitdaging is om te bevestig dat daar ‘n stabiele mikro-ekonomiese omgewing is.

“Ek dink dat ons ‘n klomp goed moet ondersoek, insluitend ons onderwysstelsel…mens moet ook verstaan, mens kan nie alles op dieselfde tyd hê nie.”

Drie in hegtenis oor vals ?polisiemotor?

Drie mans is gearresteer na ‘n BMW wat toegerus was met ‘n sirene en blou polisieligte in Roodepoort Sondag op beslag gelê is.

Polisiewoordvoerder direkteur Govindsamy Mariemuthoo het gesê polisie het ‘n berig ontvang van ‘n wit BMW met twee mans in wat mense beroof het.

Sondagmiddag het ‘n polisiereservis ‘n wit BWM voorgekeer gedurende ‘n patrollie in Roodepoort.

Toe die motor stilhou, het die personeel opgemerk die voertuig is toegerus met ‘n polisiesirene en 'n blou lig.

Hulle het ook tik in die kar gevind.

Die twee insittendes het aan polisie gesê die voertuig behoort aan iemand anders.
Toe die eienaar van die kar gekom het om sy ryding op te eis is hy gearresteer. Hy word reeds gesoek vir ‘n verskeidenheid van misdade, het Mariemuthoo gesê.обувь для яхтинга Данильченко

Motlanthe kom in Swaziland aan

SAOG-voorsiter en Suid-Afrika se president Kgalema Motlanthe het vroeg Sondagaand in Mbabane, Swaziland aangekom voor ‘n beraad, het die departement van buitelandse sake gesê.

Departementele woordvoerder Ronnie Mamoepa het gesê die SAOG-staatshoofde en regeringsberaad gaan Maandag in Ezulwini plaasvind.

Motlanthe gaan die beraad lei aangaande gesprek oor die ekonomiese herstel van Zimbabwe, sowel as die politieke en sekuriteitsituasie in Madagaskar.

Verdere lede van die Suider-Afrikadelegasie is minister van buitelandse sake Nkosazana Dlamini-Zuma, adjunkminister van verdediging Fezile Bhengu, adjunkminister van finansies Nhlanhla Nene en senior regerings amptenare.

Die beraad word vooraf gegaan deur die SAOG-raad van ministers, wat Sondag gelei is deur Dlamini-Zuma.

Die vergadering sal na verwagting voorstelle maak aan staatshoofde en die regering oor die ekonomiese herstelplan vir Zimbabwe.

фото бани изнутри

Oudbroederbondvoorsitter Gerrit Viljoen oorlede

Voormalige Afrikaner Broederbond voorsitter Gerrit Viljoen het Sondag gesterf, het die Afrikanerbond gesê.

Voorsitter van die Afrikanerbond, Pierre Theron het gesê Viljoen, wat voorsitter was van die Afrikaner Broederbond van 1974 tot 1980 is Sondagmiddag oorlede.

Hy was 82 jaar oud.

Theron het gesê Viljoen was die stigter visekanselier van Rau, die voormalige Randse Afrikaanse Universiteit wat nou die universiteit van Johannesburg is.

Hy het gesê die universiteit is gestig deur “die visie en direkte betrokkenheid van lede van die Afrikaner Broederbond”.

“Dr. Gerrit Viljoen het die posisie van voorsitter van die Afrikaner Broederbond gevul met onderskeiding en het baie gedoen om die saak van die Afrikaner en die Afrikaans sprekende gemeenskap deur sy skerp intellek te bevorder.”

хамама мозаикой

22 Gedood tydens sokkerstormloop in Ivoorkus

‘n Stormloop by ‘n Wêreldbekerkwalifiserendesokkerwedstryd in die Ivoorkus het Sondag ten minste 22 mense dood gelaat en 132 mense gewond, het die minister van binnelandse sake gesê op staatstelevisie.

Desire Tagro het gesê geesdriftiges het mekaar gestamp en gestoot, wat gelei het tot ‘n stormloop by die wedstryd tussen die Ivoorkus en Malawi.

“Baie geesdriftiges het opgedaag,” het Tagro gesê. “Hulle het begin druk om in te kom aangesien die wedstryd op die punt was om te begin en ieder en elk wou inkom.”

‘n Fotograaf van Associated Press het gesê mense het begin stamp en stoot omtrent 40 minute voor die begin van die wedstryd in die Felix Houphouet-Boigny arena. Polisie het traangas in ‘n deel van die skare ingeskiet.

Ollo Kambire, ‘n verslaggewer vir “Super Sport”, ‘n daaglikse koerant wat fokus op sport, het gesê ‘n deel van ‘n muur het ingegee onder die gewig van die geesdriftiges soos hulle na die veld toe gebeur het. “Ons het mense sien val…Toe was daar paniek en ‘n stormloop,” het hy gesê.

Ivoorkus het die wedstryd 5 – 0 gewen.

Daar was al ‘n hele paar stormlope by Afrika se oorvol stadions.

Swakopgeleide veiligheidspersoneel is dikwels onderbeman om die groot skares te hanteer.

free bet no Фильчаков прокурор

ANC intimideer historiese kafee op Kerkplein

Aggressiewe betogers by die kafee-ingang

Die eienares van Café Riche, die historiese kafee op Kerkplein in Pretoria, is Vrydagaand geïntimideer deur 'n ANC-raadslid, Joe Mkhize, tesame met 100 swartes wat vir die doel met munisipale busse aangery is. Haatspraak en doodsdreigemente is jeens die eienares, me. Lamé Ebersöhn, geslinger.

Die maandelikse Filosofiekafee moes ook Vrydagaand vir die eerste keer in elf jaar afgestel word en voornemende kafeegangers is gewaarsku om "weens 'n sekerheidsprobleem weg te bly".

Munisipale vervoer was beskikbaar vir die betogers…

Omstreeks 17:30 die aand het 'n groep van sowat vyftien betogers by die kafee op Kerkplein in Pretoria opgedaag. Hulle het uit 'n munisipale bus geklim, wat voor Kerkplein se wesfasade stilgehou het. Die betogers het plakkate gedra wat die eienaar van Café Riche, Lamé Ebersöhn, as 'n rassis bestempel het. Van die slagspreuke het gelui: "She must go now" en "To hell with Lame". Sommige van die betogers het Zuma T-hemde gedra.

Die betogers het getoitoi en gesing. Doodsdreigemente is in beide Zoeloe en Engels teen Lamé Ebersöhn gerig.

Dit wou voorkom of Joe Mkhize, ANC-raadslid vir wyk 60 en een van die prominente betogers, die aanvoerder van die groep was. Hy het gedreig dat sy groep vir die volgende twee weke elke dag by Café Riche sal betoog totdat me Ebersöhn die kafee verlaat en sluit.

Volgens me Ebersöhn het die voorval haar hewig ontstel. "Ek staan bekend as iemand wat die belange van Kerkplein en die burgerlike gemeenskap op die hart dra. Die afstel van die filosofiekafee is 'n hartseer dag vir die oop gesprek, waarop ons ons nog altyd geroem het. Sprekers van oor die hele politieke spektrum het al hier opgetree. Ek verstaan eenvoudig nie hierdie onverdraagsaamheid nie. My verhouding met my personeel, gaste en die gemeenskap rondom Kerkplein was nog altyd deursigtig en goed. Die gasvryheid en gulle ontvangs teenoor alle individue en by Café Riche is wyd bekend."

Betogers het die hele kafee oorgeneem en ander gaste verdryf

Daar word vermoed dat die aantygings van rassisme deel vorm van 'n georkestreerde veldtog om me Ebersöhn te dwing om die kafee te sluit of die besigheid te verkoop. Verskeie onlangse insidente van sabotasie, diefstal, personeellede wat dros, asook vroeëre dreigemente, dra tot hierdie vermoede by.

Intussen het me Ebersöhn 'n beroep op kalmte gedoen. "Die verkiesing is om die draai en politici probeer punte aanteken; ook op plaaslike vlak. Ek gaan my nie laat intimideer nie. Hierdie verdagmaking is onaanvaarbaar. Uiteindelik is dit ook vryheid van spraak en die fundamentele reg om handel te dryf wat hier op die spel is. Ek is van plan om 'n klag van haatspraak by die polisie in te dien teenoor die persone wat my met die dood gedreig het."

Sedert 1994 is die middestad van Pretoria territoriaal verower en die ANC-stadsraad het ook by verskeie geleenthede gepoog om die naam van die stad te verander. Een moontlike rede vir die optrede teen me. Ebersöhn is dat sy gesien word as die laaste blanke en Afrikaner wat nog 'n onderneming in die middestad op die historiese Kerkplein bedryf.

‘Wit, blou-oog mense is verantwoordelik’

Gordon Brown se pogings om ‘n 80-miljardpond reddingspakket vir wêreldhandel aanmekaar te sit, het gisteraand ‘n struikelblok getref toe die Brasiliaanse president Luiz Inacio Lula de Silva hom uitgespreek het teen “wit, blou-oogbankiers" wat die wêreldekonomie op sy knieë gebring het.

Mnr. Brown het ongemaklik toegekyk toe sy gasheer uitgevaar het in ‘n tirade waarin hy gewaarsku het dat volgende week se G20-beraad in Londen ‘n “taai” saak kan wees.

President Lula het gesê dit is heeltemal onregverdig dat die armste mense in die wêreld swaarkry as gevolg van die foute van die ryk Westerse finansiers.

“Dit was ‘n krisis wat aangeblaas en gevoed is deur irrasionele optrede van mense wat wit is met blou oë, wat voor die krisis gelyk het of hulle alles weet van ekonomie,” het hy verklaar.

“Nou het hulle gedemonstreer dat hulle niks weet van ekonomie nie.”

President Lula, die leier van Brasilië se vernaamste linkervleuelparty, het gesê dat geen swart man of vrou, geen inheemse persoon, geen arm persoon op enige manier verantwoordelik is vir die globale bankkrisis nie.

“Ek ken geen swart bankier nie,” het hy gesê. “Die deel van die mensdom wat verantwoordelik is, behoort vir die krisis te betaal.”

Brasilië is die derde been van mnr. Brown se toer, wat Dinsdag afgeskop het met ‘n toespraak aan die Europese parlement in Straatsburg, voor hy na New York gegaan het.

Sy pogings om die grondslag te lê vir die beraad word egter gepla deur spanning tussen Amerika en Europa oor hoe om die afplatting te hanteer.

Die Tsjeggiese eerste minister, Mirek Topolanek, die huidige EU-president, het die Amerikaanse president Barack Obama se fiskale stimulus en hulppakket “die weg na die hel” genoem.

Gordon Brown gaan Britse troonopvolging verander

Gordon Brown wil die eeue oue wet verander wat aan mans prioriteit gee oor hulle ouer susters in die koninklike lyn van opvolging.

Die verbod op lede van die koninklike gesin om met Rooms Katolieke te trou – tensy hulle hul eis op die troon prysgee – kan ook van die tafel gevee word.

Die eerste minister glo die 1701 Wet van Skikking is ‘n anomalie wat geen plek het in die 21ste eeu nie, het Downing Straat bronne gisternag gesê.

Buckingham paleis is simpatiek teenoor die idee en reg om oor die saak te praat.

Indien die verandering nou ingestel word, sal prinses Anne van die 10de posisie af klim na die vierde in lyn vir die troon, en in die proses prins Andrew en Edward en hul kinders verbysteek.

Daar sal egter geen verandering wees aan die vereiste vir die monarg om ‘n Protestant te wes nie.

So 'n verandering sal die posisie van die Kerk van Engeland as die erkende kerk in gedrang stel, omdat die wet vereis dat die monarg ook die algehele leier van die kerk is.

детски машина топкарго кидалы

Malema na Orania

ANK-jeugliga president Julius Malema – bekend vir sy wilde sêgoed – gaan die koeksistermonument in Orania die naweek besoek.

Met die ANK wat skaars steun geniet in die dorp, het een Kimberley-inwoner die ironie vergelyk met Eugene Terreblanche wat probeer stemme werf in Soweto.

Dit kan beskou word as openbare betrekkinge, aangesien dit Malema se eerste besoek aan die Afrikanertuiste.

Malema en sy gevolg gaan gesprekke voer met die Vryheidsfront Plus, waar hy “minderhede gaan betrek as deel van die inisiatief om een nasie en ‘n algemene gevoel van patriotisme te bou”.

Die jeugliga het ook sy beoogde besoek as ‘n “historiese sending” beskou om swart en wit te verenig.

Vryheidsfront provinsiale leier Carel Boshoff IV het gesê Malema sal net so welkom wees as enige ander gas.

Hy het vinnig uitgewys dat volgens hulle kennis, was dit nie ‘n ANK saamtrek as sulks nie, maar eerder ‘n geleentheid om te kan praat oor sake wat die jeug raak.

IVP wil ook met Afrikaners praat

Die Inkhata Vryheidsparty het aangekondig dat 10 prominente Afrikaanse organisasies op Vrydag, 27 Maart met die IVP president, prins Mangosuthu Buthelezi, gaan praat by ‘n IVP-forum in Pretoria.

Die forum gaan fokus op verskeie belangrike verkiesingsake, soos minderheidsregte, rasvoorkeur, die emigrasie van ‘n miljoen Suid-Afrikaners, die status van die Afrikaanse taal en meer.

Sommige van die organisasies wat aanbiedings maak is: die FW de Klerk-stigting, ATKV, FAK, Solidariteit, AgriSA, die Erfenisstigting, die Instituut vir Afrikaanse Prokureurs en professor Lawrence Schlemmer.

Die hoofuitvoerendebeampte van Solidariteit, Flip Buys sal die forum lei.

Polisieman beseer in studente oproer

‘n Polisieman is beseer en drie studente gearresteer gedurende ‘n protesaksie in Mquanduli, het Oos-Kaapse polisie Donderdag gesê.

Superintendent Mzukisi Fatyela het gesê studente het Woensdagoggend geprotesteer by die Dalibaso Senior sekondêre skool, oor die departement se besluit om sommige van hulle terug te sit na die vorige graad.

“Polisie is gekontak, en met hulle aankoms is hulle onder klippe gesteek deur ‘n groep woedende studente.”

Fatyela het gesê ‘n kaptein het wonde aan sy kop opgedoen en is hospitaal toe geneem. Sy polisievoertuig is ook beskadig.

Drie studente is gearresteer en polisie verwag om binnekort nog arrestasies te maak.

‘n Saak van aanranding en opsetlike saakbeskadiging is geopen.

Afrikaners het sleutelrol gespeel, s? Zuma

Die Afrikanergemeenskap het ‘n sleutelrol gespeel in die skepping van die nuwe Suid-Afrika, het ANK-president Jacob Zuma Donderdag in Pretoria gesê.

“Die Afrikanergemeenskap het ‘n sleutelrol gespeel in die daarstelling van die nuwe Suid-Afrika, van die historiese vergaderings in Dakar, Senegal in die 1980’s tot met die saamwerk om ‘n demokratiese skikking te vind,” het Zuma gesê tydens ‘n vergadering met Afrikaanse professionele en besigheidsmense.

Zuma het ‘n paar planne van die ANK uitgewys om misdaad, gesondheid, onderwys, grondhervorming en ekonomiese beleid oor die volgende 5 jaar te benader.

Hy het gesê wanneer dit by onderwys kom, die ANK wil fokus op taalontwikkeling, veral sedert navorsing getoon het dat dit die mees effektiewe metode is wanneer kinders begin om te leer in hulle huistaal.

“Ons is bekommerd oor berigte dat sommige swart kinders Engelse onderrig verkies en nie baie ernstig is oor hulle huistaal nie. Dit beteken dat ons baie moet doen om die inheemse tale te bevorder.”

Terwyl die ANK nie Engels en Afrikaans wil agterweë stel nie, wil dit verseker dat die ander tale onwikkel en geleer word.

Zuma het gesê die ANK beklemtoon sy verbintenis tot ekonomiese transformasiebeleide soos breë basis SEB en rasvoorkeur.

“Ons sien sulke beleide soos die as belangrike komponente van nasiebou, rekonsiliasie en belegging in ekonomiese groei en ontwikkeling.”

Zuma het gesê die ANK sal kyk na maniere om die instelling van die beleide te verbeter, om seker te maak dat meer mense soos jeug, vroue en gestremdes voordeel trek.

Die huidige grondhervormingsprogram moet hersien word en versnel word. Dit is ook belangrik dat mense wat grond ontvang behoorlike ondersteuning na die tyd ontvang.

“Ons moet hulle voorsien van tegniese vaardighede en finansiële bronne om die grond produktief aan te wend om volhoubare lewenswyses en behoorlike werk te skep in landelike gebiede.”

Die stryd teen MIV/Vigs bly steeds ‘n prioriteit, het Zuma gesê.

“Ons moet werk om die tempo van nuwe MIV besmettings met 50% te laat daal deur ‘n aggressiewe voorkomingsveldtog.”

лобановский харьков

Pretoria-leerlinge vir histerie behandel

Tot 25 leerlinge by ‘n hoërskool in Pretoria is Donderdag vir histerie behandel, het paramedici gesê.

“Dit kom voor dat verskeie pasiënte gehiperventileer het en sommige het selfs aanvalle gehad,” het Nick Dolman, woordvoerder van Netcare 911 gesê.

Die 20 tot 25 leerlinge tussen 14 en 15 jaar oud was meestal meisies.

Dollman het gesê 10 van die leerlinge se toestand was ernstiger as die res en hulle is van die groep geskei. ‘n Aantal toetse het hulle “medies stabiel” bevind.”

“Die polisie is na die toneel geroep en ongeveer 10 leerlinge het dwelmtoetse ondergaan. Al die uitslae was negatief,” het Dollman gesê.

Nog die paramedici, nog die onderwysers kon die rede vir die histerie vasstel. ‘n Traumaberader het die leerlinge besoek en sal Vrydag weer besoek aflê.

Op 11 Maart is 90 leerlinge in Ladysmith in KwaZulu-Natal gehospitaliseer.

Provinsiale gesondheidswoordvoerder Leon Mbangwa het gesê die 90 leerlinge, meeste van hulle meisies het geskreeu, gespring en histeries opgetree.

Verlede Maandag is 51 leerlinge by ‘n juniorskool in Lusikisiki in die Oos-Kaap gehospitaliseer oor ‘n drie dae tydperk, omdat hulle volgens hulle skoolhoof opgetree het asof hulle van die duiwel besete was.

In beide die insidente, net soos dit Donderdag was, was die meeste van die histerieslagoffers jong vroue.

интерьер гостиной

Die resessie het ?n soet tand

Dit wil voorkom asof die resessie ‘n soettand het. Soos wat werkloosheid toeneem, lyk dit asof Amerikaners, en veral volwassenes meer lekkers, van jelliebeertjies tot sjokolades, veral die goedkoper soort, eet, het lekkergoedvervaardigers, winkeleienaars en industriespesialiste gesê.

Teorieë verskil oor presies hoekom. Vir baie lig suiker die gemoed van mense wat afgetrek word deur die verswakkende ekonomie, het winkeleienaars en industrie beamptes gesê. Vir ander, verteenwoordig lekkers ‘n nostalgiese herinnering aan beter tye. En iets wat belangrik is, is dat dit goedkoop is.

“Mense bederf hulself ‘n bietjie meer wanneer die ekonomie sukkel,” het Kack P. Russo, ‘n analis met die handelsfirma Edward Jones of St. Louis gesê. “Dit is laekoste items wat mense maklik kan bekostig.”

By Chicago se Candycity winkel in die Lakeview buurt het besigheid met byna 80% toegeneem vergeleke met die tyd verlede jaar, en die eienaar Terese McDonald het gesê sy sukkel om voor te bly met die aanvraag.

By 'n lekkergoe winkel in San Francisco, het die eienaar Diane Campbell haar bestellings vir nostalgiese lekkers verdriedubbel. Baie van haar kliënte sê dat ten spyte van die taaier ekonomie, hulle steeds geld eenkant sit vir lekkergoed.

Baie groot lekkergoedvervaardigers het groter verkope en verbasende winste aangemeld, selfs terwyl ander vervaardigers sukkel om kop bo water te hou.

Cadbury het ‘n 30% toename in winste aangemeld vir 2008, terwyl Nestlé se winste toegeneem het met 10,9%. Hershey, wat die groter deel van verlede jaar gesukkel het, het hulle winste sien klim met 8,5% in die vierde kwartaal. Lindt en Sprungli, wat spesialiseer in hoërklas produkte soos Lindt, het gesê dat selfs te midde hulle verwagting dat hulle van die luukse winkels sal moet sluit in 2009, dit steeds winsgewend sal bly, omdat sjokolade goed verkoop in die middelklassegment.

“Lekkergoedmaatskappye is redelik resessiebestand,” het Peter Liebhold, voorsitter van die Smithsonian werk en industrie divisie gesê. “Gedurende die Groot Depressie, het lekkergoedmaatskappye 'n bestaan bly maak.”

Фильчаков