Nuus Archives - Page 115 of 403

Verval in staatsonderwys – ‘n verdere selfbeskikkingsgeleentheid?

Sedert 1994 moes Afrikaners toekyk hoe baie van die strukture en liggame wat met baie moeite deur ons voorouers opgebou en gevestig is, in so 'n mate verval dat dit betwyfel kan word of hierdie strukture en liggame nog enigsins ‘n doel dien.

Soos die afgelope elektrisiteits- en voortslepende sekuriteitskrisis vir ons uitwys, kan ons al hoe minder staatmaak op staats- of semi-staatsinstellings om die mees basiese dienste te verskaf. Dit is kenmerkend hoe die swaar hand van die ANK soos ‘n vernietigende tsoenami alles korrupteer en in ‘n wanfunksionele toestand dompel; hier dink ek byvoorbeeld aan die SAPD, Eskom, Telkom, die distrikshowe en die Landbank, net om ‘n paar op te noem.

Elke nou en dan haal hierdie instansies se onbeholpenheid die koerantopskifte en ontketen 'n legio briewe, klaagliedere en petisies – ná die chaos van die afgelope matriekeindeksamen was dit die onderwysdepartement se beurt.

Dit is gevolglik ook geen verrassing om te verneem dat Praag ‘n petisie van stapel gestuur het, wat versoek (let wel, nie eis nie) dat:

'n outonome Afrikaneronderwysowerheid tot stand gebring moet word;
die oorblywende Afrikaanse skole, wat slegs 'n geringe persentasie skole in Suid-Afrika verteenwoordig, aan so 'n outonome Afrikaneronderwysowerheid oorgedra word, tesame met ten minste twee universiteite of kampusse, waarvan een in die noorde van die land en 'n ander in die suide gevestig moet wees;
staatsubsidie aan die Afrikaneronderwysowerheid vanuit die nasionale onderwysbegroting toegewys moet word.

Dit is dan nie omdat ek die gronde vir hierdie versoeke of die legitimiteit daarvan betwis, dat ek hierdie brief skryf nie, maar eerder omdat ek bedenkinge koester oor die effektiwiteit van petisies binne die huidige Suid-Afrikaanse konteks.

In hierdie verband het dr Pieter Mulder ons mos reeds die staaltjie vertel van hoe Sy Edele Nelson Mandela hom gevra het hoekom hy nog nie Afrikaners voor die parlement sien toi-toi het oor ‘n saak nie. Dit wil gevolglik vir my lyk dat, tensy ons bereid is om onsself swart te smeer en hierdie petisie al dansende by die parlement te gaan oorhandig terwyl van ons makkers asblikke omkeer en winkelvensters stukkend gooi, ons nie veel reaksie hierop moet verwag nie.

Dit bring my dan by die vraag: Nou wat staan ons te doen?

Hier wil ek graag ‘n bladsy uit Orania se boek neem. Jy kan nou maar van Orania dink wat jy wil, maar dis 15 jaar later en daar is dit nog steeds – groter en sterker. Toegegee, nie so groot en sterk soos ons graag sou wou sien nie, maar daar staat hy nietemin. Wanneer die kritici met sterre in hul oë en leë plompe handjies Orania kritiseer, dan wonder ek somtyds: Wat as prof. Boshoff nie destyds Vluytjeskraal gekoop het nie, maar besluit het om verder met die ANK te onderhandel? Sou daar ‘n Orania gewees het en wat sou die kritici dan alles kon kwytraak?

Net soos Orania kan ons aan vele ander instansies dink waar Boere die inisiatief geneem het om ‘n eie alternatief teenoor die staatsbeheerde liggaam te stel. Hier dink ons byvoorbeeld aan Kleinfontein, Radio Pretoria, Afrikaner Volkseie Sport, die Oranje Sakekamers ens.

Ons hoef nie lank te dink om soortgelyke opvoedingsinstansies op te noem nie. CVO-skole, Afrikaanse Protestantse Akademie, Kenweb en die meer onlangse Pionier-Instituut se name kom na vore.

Terwyl die hele Afrikanerdom in rep en roer was oor die ideologiese indoktrinering wat in staatsleerplanne aan ons kinders voorgehou word, en al wat Suid-Afrikaner is teen die bors gestuit is deur die chaos wat die uitslae van 2008 se matrieks omring het, het die BCVO soos gewoonlik sy matriekuitslae bekend gemaak. Uitslae van leerlinge wat ‘n leerplan met ‘n Christen-Afrikaner-onderbou gevolg het en steeds aan internasionale standaarde voldoen.

Ekself kan getuig hoe my vrou – wat aan ‘n CVO-skool gematrikuleer het en by die Afrikaanse Protestantse Akademie ‘n BA-graad verwerf het – se kwalifikasies sonder enige probleme deur UK Naric (die Verenigde Koninkryk se nasionale agentskap wat adviseer rondom die standaarde van internasionale kwalifikasies) as die Britse ekwivalent aanvaar is.

Is die sleutel dan nie om eerder ons eie selfstandige en selfbeheerde strukture as alternatief vir die staat se gemors te vestig nie? In plaas van tyd, energie en hulpbronne op onderhandelings te verspil, kan ons dit mos eerder vir die vestiging van hierdie alternatiewe aanwend. Ken ons nie die ANK se meesterlike vermoë om alle netelige kwessies met burokratiese rooi lint en uitgerekte onderhandelings vas te draai terwyl die status quo net eenvoudig gehandhaaf word nie?

Dat daar sentimentele bande met die huidige strukture bestaan, kan nie betwyfel word nie, maar of die waarde van hierdie strukture gelykstaande aan jou kind se opvoeding is, kan met reg gevra word.

Daar waar Praag ook reeds met die gedagte van selfbeskikking en ‘n moontlike volkstaat geflankeer het, sal ek verwag dat die mense van Praag tog die nut van alternatiewe strukture en liggame sal insien.

In my geestesoog sien ek hoe die Oranje Sakekamers die boublokke vir ‘n parallelle ekonomie neersit, die Regslui vir Afrikaans arbitrasie as ‘n bekostigbare alternatief teenoor die howe vestig en dit onder ons mense gepropageer word, ons besighede en huise deur ons eie veiligheidsnetwerke en –liggame beskerm word, ons kinders deur ons eie instansies primêr, sekondêr en tersiêr opgelei word en laastens word ‘n Afrikanerraad uit noodsaak in die lewe geroep om die samewerking en wisselwerking tussen hierdie instansies te koördineer en te reguleer.

Terwyl bogenoemde duidelik oorvereenvoudig is, glo ek die gedagte bly steeds relevant. Met tyd moet die Boer homself dan effektiewelik loswikkel van enige houvas wat die staat oor hom mag hê. Gevolglik sal die staat vir alle doeleindes oorbodig vir ons voortbestaan word en sal ons genoeg mag hê om eise te stel en nie versoeke te rig nie.

Die grondvraag sal natuurlik die grondvraag bly en hierdie kwessie sal ons ook met tyd onder mekaar moet uitklaar, maar die hele dinamika van hierdie kwessie sal verander namate die magsewewig verskuif; tog sal ‘n geïdentifseerde gebied waar die Afrikaner die natuurlike meerderheid vorm, onmisbaar in ons strewe na selfregering bly.

In tye soos vandag is dit glad nie ongewoon om die woord “vryheid” in gesprekke te hoor nie, maar eerder as wat vryheid ‘n eindbestemming is soos wat baie mense voorhou, is dit ‘n lewensbeskouing en karaktertrek. Niks verhoed ons om nou reeds vry te begin lewe en die boeie van die onderdrukker in ons daaglikse lewe op die mees vreedsame manier te verbreek nie.

free money slots

Baie Suid-Afrikaners kom huis toe

Een van die silwer randjies van die kredietkrisis is dat daar hordes Suid-Afrikaners is wat huis toe kom, en minder wat emigreer, wat goeie nuus is vir vaardighede en kennisoordrag, het ‘n direkteur by Investec Asset Management, Jeremy Gardiner Donderdag gedurende ‘n perskonferensie gesê.

“Elkeen in Londen ken iemand wat sy werk verloor het en kinders word verskuif van private skole na staatskole,” het Gardiner gesê, wat elke jaar ‘n groot deel van sy tyd in Londen deurbring.

Hy het gesê een van die temas is om lewensstyle af te gradeer en dat 'n flambojant te lewewyse uit die mode is.

“Dit is skrikwekkend daar buite.”

“Daar is vlae Suid-Afrikaners wat terugkom en Australiërs wat na Australië gaan en Pole wat na Pole toe teruggaan,” het hy gesê.

Hy het gesê dat hy gehoor het van mense wat plaaslik alles verkoop, net om te hoor dat die pos nie meer bestaan nie.

Maar hy het bygevoeg: “Ons het ‘n vaardigheidstekort, so dit is positief vir die vaardigheidstekort.”

Een area om na te kyk is om buitelanders met vaardighede te lok na Suid-Afrika, maar vordering met werkspermitte sal benodig word plaaslik.

Gardiner het opgemerk dat emigasie volgens verslae afneem, omdat daar baie minder werk beskikbaar is in Australië en Brittanje.

Gardiner het gesê 3% tot 4% verlagings in rentekoerse die jaar kan sorg vir gelukkiger verbruikers, indien hulle hul werk kan behou. “Dit gaan moeilik wees om geld te maak,” het hy gesê.

полиграф в суде Данильченео

Verkragting het normaal geraak, volgens MSF

Slegs lande wat in oorlog gewikkel is het soveel seksuele geweld as Suid-Afrika, het dokters sonder grense (MSF) Donderdag in ‘n globale verslag gesê wat die probleem van verkragting uitwys.

“Die syfers wat ons het is skrikwekkend, maar dit is net die punt van die ysberg, aangesien meeste gevalle nie aangemeld word nie,” het Meinie Nicolai, die operasionele direkteur van die groep, wat bekend is onder die Franse letters MSF gesê.

“In konflikte kan verkragting gebruik word om mense te verneder, straf, vrees te skep en gemeenskappe te vernietig,” het MSF gesê.

“In tye van stabiliteit is seksuele geweld ook ‘n groot probleem, wat gesondheid en lewens vernietig,” het die groep gesê.

Sommige lande wat die hoogste verkragringskoerse het sluit in Liberië, Burundi, die Demokratiese republiek van die Kongo, Suid-Afrika en Colombia. Gemiddeld word 35 vroue per dag in die lande verkrag, het MSF gesê.

Alhoewel seksuele geweld verskerp word in oorlog, het MSF gesê dat dit ook miljoene mense affekteer wat in post-konflik lande woon en selfs in stabiele omgewings.

In Suid-Afrika word verkragting geassosieer met kriminele aktiwiteit en huishoudelike geweld.

“Ons het opgemerk dat verkragting in gemeenskappe as normaal beskou word, end at dit normaal geword het om verkrag te word,” het Janine Josias, ‘n MSF dokter wat in Khayelitsha buite Kaapstad werk gesê.

Khayelitsha het een van die hoogste syfers van verkragting in ‘n land waar dit geskat word dat ‘n vrou elke 26 sekondes verkrag word.

Maar Josias het gesê ‘n toenemende aantal mans word ook verkrag.

“Ons het ‘n toenemende aantal mans en seuns wat slagoffers van verkragting is. Oor die algemeen word mans en seuns nie raakgesien of behandel nie,” het sy gesê.

Vroue maak egter die oorgrootte meerderheid van die slagoffers uit.

In 2007 het MSF meer as 12 000 slagoffers van seksuele geweld wêreldwyd behandel, beide in konflik gebiede en stabiele omgewings.

casino bonus

Turkse Boeing had probleem met hoogtemeters

Die Boeing 737-800 van die Turkse lugdiens wat verlede week naby die lughawe Schiphol by Amsterdam neergestort het, het probleme met een van sy hoogtemeters ondervind. Dit blyk uit die eerste bevindinge van ’n Nederlandse raad van ondersoek onder leiding van Pieter van Vollenhoven.

Die vlieëniers het blykbaar die fout te laat agtergekom.

Terwyl die vliegtuig op ’n hoogte van 1950 voet (650 meter) gevlieg het, het die radiohoogtemeter ’n hoogte van min 8 voet (min 2,7 meter) aangegee. Die sogenaamde Polderbaan van die lughawe lê 4,5 meter (min 13,5 voet) onder seespieël.

Deurdat die vliegtuig op die outomatiese piloot gevlieg het, het die hoogtemeter op grond van die foutiewe informasie aan die outomatiese brandstofsisteem die opdrag gegee om die snelheid te verminder. Deur die verlies aan snelheid het die vliegtuig tereggekom in sy minimale vliegsnelheid, waardeur waarskuwingsinjale afgegaan het. Die bemanning het meer brandstof gegee, maar dit was te laat, en die vliegtuig het ’n kilometer voor de landingsbaan neergestort in ’n geploegde aartappelland.

Daar was al twee keer tevore probleme met die hoogtemeter. Volgens Van Vollenhoven moes daar in Boeing se handleiding gestaan het dat die outomatiese piloot nie gebruik mag word as die hoogtemeter nie funksioneer nie.

Boeing gaan maatskappye wat met 737’s vlieg, daarop wys dat vlieëniers hul instrumente skerp moet dophou tydens kritieke gedeeltes van ’n vlug, soos die landing.

By die ongeluk is nege mense dood, onder wie die drie vlieëniers,en sowat tagtig mense is beseer. Van hulle is 28 nog in die hospitaal.

Фильчаков Харьков

Ghandi-veiling word afgestel

Die man wat van plan was om Mohandas Ghandi se ikoniese rondelensbrilletjie en ander gedenkwaardighede wat eens aan die Indiese onafhanklikheidsleier behoort het, op 'n veiling te verkoop, sê hy het die omstrede verkope gestaak.

“In die afgelope paar uur het ek, in die lig van die omstredenheid, besluit om nie Ghandi se persoonlike items te verkoop nie,” het James Otis aan verslaggewers gesê.

“Ek het formeel versoek dat Anitquorum (Afslaers) die items verwyder en aan my terugbesorg. Dit is my diepste hoop dat Antiquorum my versoek sal eerbiedig.”

Die Amerikaanse versamelaar en vredesaktivis sê hy het nooit “bedoel om so 'n omstredenheid te veroorsaak” nie en het bekend gemaak dat hy binnekort met 'n 23-daelange vas sal begin.

Die afslaershuis moet nog op Otis se onttrekking van die goedere reageer.

Maar Otis se prokureur, Ravi Batra, sê dat “soos van hierdie oomblik af het Antiquorum nie langer die wettige reg om die items wat deur James Otis besit word, te verkoop nie.”

Otis se besluit is met toejuiging uit Indië begroet, waar die regering en Ghandi se familie bitter gekant was teen die veiling en aangedring het dat Ghandi se bril, sandale, sakhorlosie, eetbak en bord deel is van die land se nasionale erfskat.

Indië het vroeër 'n aanbod van Otis om die veiling te kanselleer in ruil vir die Indiese regering se opkikkering van gesondheidsorg vir armes, verwerp, en gesê hulle is bereid om te bie op die items nadat onderhandelinge ter elfde ure misluk het om die veiling te stuit.

In Suid-Afrika het Ghandi, 'n selferkende rassis wat eens in die pers gemor het omdat daar van Indiërs verwag is om “kaffers”, soos hy hulle genoem het, in Indiese gebied te akkommodeer, amper goddelike status bereik.

где купить пустой Лобановский Харьков

Die Bank van Engeland se benoude sprong

Nie net het die Bank, soos verwag, rentekoerse tot 0,5% gesny nie, dit beplan nou ook om tot R2-triljoen se geld te druk om in die verstopte are van die ongestelde ekonomie in te pomp.

Hierdie breedvoerige skuif – bekend as kwantitatiewe verligting en wat as “die kernenergieopsie” beskou word – is voorspel, maar die skielikheid waarmee dit gekom het en die omvang van die aanvanklike belegging, het as 'n verrassing gekom. Die Bank is van plan om 'n triljoen rand in die ekonomie oor die volgende drie maande in te vuur, hoofsaaklik deur die aankope van regeringseffekte, bekend as vergulde effekte.

Die Bank vertrek op 'n beleid om te verhoed dat die Britse ekonomie – wat reeds in die diepste resessie sedert die 1980’s vasgeval het – in iets ergers inkantel. Ten spyte van die massiewe herkapitalisasie van die verlamde bankstelsel, is werkloosheid, vererger deur derdewêreldse immigrasie, ook aan die toeneem en verbruikersvertroue is besig om in duie te stort na mate die krisis oorloop van die finansiële markte in die breër ekonomie in.

“Dit is 'n sprong in die duister,” sê George Osborne, die skadukansellier. “Dit is om inderwaarheid geld te druk, want al die ander regeringsbeleide het nie gewerk nie. Ek dink nie die Bank van Engeland is met enige ander opsies gelat nie.”

Die Banks se optrede, wat na amptelike toestemming van die Kansellier Alistair Darling kom, is 'n meer aggressiewe benadering as dié van die VSA se Federale Reserwe. Die aanvanklike eentriljoen rand verteenwoordig omtrent 5,4 persent van die bruto binnelandse produk van Brittanje, in teenstelling met die Fed wat omtrent 6,7 triljoen rand, of 4,7% van die BBP in die ekonomie ingepomp het.

In sy brief aan die Bank se goewerneur, Mervyn King, wat gister gepubliseer is, het Mnr. Darling die versoek van die Bank se Monetêre Beleidskomitee om soveel as 2-triljoen rand op regeringskuld en private sektorbates te spandeer, gemagtig. Deur die werklike voorraad van geld in die ekonomie te verhoog, hoop die bank om die kredietdroogte wat deur verbruikers en besighede ondervind word, te verlig.

Dit word allerweë as die benoude sprong van 'n benoude kat gesien. As dit slaag, sal Brittanje na verwagting binne 'n jaar begin kop optel na 'n ernstige resessie. Indien dit misluk, kan dit die Britse ekonomie op 'n dolle vaart na hiperinflasie aanjaag.

instawowphoto Фильчаков Харьков

Obama verleng Zim-sanksies

President Barack Obama het Woensdag gesê dat hy die bestaande Zimbabwe-sanksies vir een jaar gaan verleng, op grond van die erge politieke krisis wat die land lamlê wat steeds onopgelos is.

“Ek gaan die nasionale noodtoestand vir ‘n jaar verleng, vanweë die aksies en politieke onsekerhede van die regering van Zimbabwe,” het Obama in ‘n verklaring gesê.

Volgens Amerikaanse wetgewing moet Obama die kongres teen Vrydag laat weet het dat hy beoog het om voort te gaan met die sanksies teen sekere lede van Mugabe se regering, anders sou dit verval.

“Die krisis wat veroorsaak is deur die aksies en beleide van sekere lede van die regering van Zimbabwe en ander persone om Zimbabwe se demokratiese prosesse en instansies te ondermyn is nie opgelos nie,” het hy in ‘n aparte boodskap aan die kongres gesê.

“Daardie aksies en beleide is ‘n voortdurende en buitengewone bedreiging vir die buitelandse beleid van Amerika.”

“Vir daardie redes het ek besluit dit is nodig om voort te gaan met hierdie nasionale noodtoestand en om die sanksies in plek te hou teen hierdie bedreiging.”

new young fashon топкарго отзывы

ANK wil dienslewering monitor

Die ANK oorweeg dit om ‘n kommissie aan te stel in die presidensie om dienslewering te monitor, het partypresident Jacob Zuma Donderdag gesê.

In ‘n verslag in die Star koerant, het Zuma gesê die party kyk na die meriete van ‘n beplannings-, moniterings- en evaluasie- komitee wat gefokus is op dienslewering.

Onderwyl hy gepraat het oor die huidige ekonomiese krisis in Suid-Afrika het hy gesê, “Ons gaan duidelik nie ongeskaad hier uitkom nie, en ons sal nuwe uitdagings in die gesig staar tot 2011.”

“Na ‘n periode van merkwaardige en volgehoue groei, gaan ons waarskynlik ‘n vermindering in die groei sien in die mediumtermyn.”

“Maar ons kan verwag om ‘n herstel te sien in huishoudelike uitgawes en besigheidsinvestering vanweë ‘n daling in rentekoerse en sterk openbare sektor betrokkenheid,” het Zuma gesê.

Hy het bygevoeg dat indien Suid-Afrika die storm hier wil oorleef, daar meer gesprek moet wees tussen bankiers, besigheid, regering en arbeid.

In sy manifes het die ANK gesê dit gaan ‘n groot openbare beleggingsprogram lei om groei aan te help en werksverskaffing te verbeter oor die volgende 5 jaar.

Zuma het gesê dit gaan uitbrei en verbeter op spoorweë, openbare vervoer, hawens, damme, telekommunikasie en energie.

“Nie net sal dit die BBP verhoog nie, maar dit gaan ook die land se ekonomiese kapasiteit aansienlik vergroot en die koste om besigheid te doen heelwat verlaag.

“As ‘n gevolg hiervan sal Suid-Afrika ‘n beter plek wees om in te belê,” het hy gesê.

евро ремонт дома

Krygswet in die VSA?

Volgens Igor Panarin sal president Barack Obama die jaar nog krygswet afkondig, Amerika sal in 6 streke verdeel word voor 2011 en Rusland en Sjina sal die ruggraat word van ‘n nuwe wêreldorde. Panarin, ‘n voormalige woordvoerder vir Rusland se federale ruimte-agentskap en na bewering ‘n eks-KGB navorser, is nou dekaan by die ministerie van buitelandse sake se skool vir toekomstige diplomate en ‘n gereelde gesig op Rusland se staatsbeheerde TV-kanale.

‘Daar is ‘n groot moontlikheid dat die verval van Amerika sal plaasvind teen 2010,” het Panarin Dinsdag aan dosyne studente, professore en diplomate gesê by die Diplomatieke Akademie – dit was ‘n lesing wat die ministerie ‘n punt van gemaak het om buitelandse media na toe uit te nooi.

Hy het gesê die onlangse ekonomiese woelinge in Amerika en ander “sosiale en kulturele fenomene” het hom gelei om ‘n spesifieke rooster te stel vir “die einde” – wanneer Amerika gaan opbreek in 6 outonome dele en Alaska weer sal terugval onder Russiese beheer.

Panarin het geargumenteer dat Amerikaners in morele verval is, en het gesê hulle sielkundige spanning is duidelik uit die skietvoorvalle by skole, die grootte van die tronkbevolking en die hoeveelheid homoseksuele mans.

Met verwysing na ekonomiese probleme het hy die daling in die hoofindekse, die afname in Amerika se bruto binnelandse produk en Washington se uithelp van die bankreus Citigroup genoem as getuienis dat Amerika se oorheersing van die globale markte ineen gestort het.

Panarin het volgehou dat hy nie hoop dat Amerika ineenstort nie, maar het voorspel dat Rusland en Sjina sterker sal uittree uit die ekonomiese woelinge en gesê die twee lande behoort saam te werk, selfs om ‘n nuwe geldeenheid te skep om die dollar te vervang.

Nog ?n leerling dood van breinvliesontsteking

Leerlinge by Willow Crescent hoërskool in Eldoradopark is voorkomende medikasie teen breinvliesontsteking gegee na ‘n tiener Donderdag dood is, het die Gautengse departement van gesondheid gesê.

“Die 15-jarige meisie van Willow Crescent hoërskool is dood van vermoedelik bakteriele breinvliesontsteking in die vroeë ure van vandag,” het woordvoerder Phumelele Kaunda gesê.

“Dit was nie moontlik om heeltemal te bewys dat sy breinvliesontsteking gehad het nie, aangesien sy voor sononder begrawe moes word volgens haar familie se geloof.”

As voorsorg is voorkomende medikasie aan omtrent 50 leerlinge van die skool gegee wat nabye kontak met haar gehad het, en daar is ook met hulle oor die siekte gepraat.

“Familielede het ook die voorkomende behandeling en ondersteuning gekry en word baie goed gemonitor.”

Gesamentlike operasionele spanne is ook opgestel om beheer oor die situasie te hou en om vrese te besweer oor ‘n uitbraak in die gebied.

Die simptome van breinvleisontsteking is erge hoofpyn, koors, braking, irriteerbaarheid, verlaagde bewussyn en uitslag op die liggaam.

Dit versprei deur druppels vog vanuit die mond, neus en keel van iemand wat die siekte onder lede het.

“Die wat die simptome het, of in kontak was met iemand met breinvliesontsteking behoort onmiddellik mediese hulp te soek.”

Om breinvliesontsteking te verhoed,moet mens kontak vermy met enige iemand wat vermoedelik die siekte onder lede het, en moet mens ook jou hande was nadat daar geraak is aan die geaffekteerde persoon.

slots login