Internasionale nuus Archives - Page 98 of 464

Toeriste in Egipte deur veiligheidsmagte doodgeskiet

Die Egiptiese regering het om verskoning gevra nadat veiligheidsmagte Sondag “per ongeluk” 12 mense, insluitende twee Mexikaanse toeriste, doodgeskiet het.

Die Egiptiese ministerie van binnelandse sake sê ondersoek sal ingestel word oor hoekom die toeriste in die verbode gebied was.

Tien Mexikane en Egiptenare is ook in die voorval beseer en in die hospitaal opgeneem.

Die veiligheidsmagte het klaarblyklik ‘n toeriste-konvooi aangesien vir die militante wat hulle agtervolg het.

Die Egiptiese polisie sowel as die weermag was besig met ‘n gesamentlike operasie om die militante in die uitgestrekte Al-Waha-woestyngebied in die weste van die land te volg.

Hulle het op die konvooi, bestaande uit vierwielaangedrewe voertuie sonder nommerplate, losgebrand.

Pres. Enrique Peña Nieto van Mexiko het die aanval op Twitter skerp gekritiseer en ‘n volledige ondersoek na die skietvoorval geëis.

Vyf van die Mexikaanse toeriste se toestand is stabiel. Die Mexikaanse ambassadeur Jorge Alvarez het hulle in die hospitaal besoek.

‘n Woordvoerder van die Egiptiese ministerie van toerisme het bevestig dat die konvooi wel in ’n verbode gebied was en hul voertuie was ook nie gelisensieerd nie.

Sedert pres. Mohammed Morsi van die Moslemsbroederskap in 2013 uit die kussings gelig is in ‘n militêre oorname, word Egipte deur onrus en terreur geteister.

Insurgente van die Islamitiese Staat in Egipte het reeds die dood van honderde soldate en polisie in aanvalle veroorsaak.

Gedenkteken vir slagoffers van 9/11

‘n Gedenkteken is buite Shanksville in Pennsilvanië, Amerika geopen ter herinnering aan die 40 passasiers en bemanning van die United Airlines-vlug 93.

Die passasiers het vermoedelik op 9 September 2001 die vliegtuig gedwing om neer te stort om ‘n terreuraanval te fnuik.

Die vliegtuig was waarskynlik bestem om in die Senaat in Washington of teen die Withuis vas te vlieg, maar daar was geen teken van lyke of bagasie op die toneel in Shanksville nie.

Vier passasiersvliegtuie is 14 jaar gelede deur terroriste gekaap en onder meer teen die twee Wêreldhandelsentrumtorings in New York en die Pentagon buite Washington vasgevlieg.

Byna 3000 mense is in die aanvalle dood. Die amptelike getal is 2977.

Die amptelike ondersoek na die aanvalle word egter steeds deur talle spesialiste bevraagteken as ‘n blote toesmeerdery van ‘n voorafbeplande daad deur Neo-Konserwatiewes in die Amerikaanse regering.

Brittanje dood twee Britse burgers met tuig-aanvalle

Die Britse premier, David Cameron, het Maandag aankondig dat twee Britse burgers in ‘n aanval deur Britse onbemande tuie gedood is.

Die twee is dood toe die Britse weermag lede van die Islamitiese Staat (IS) in Sirië geteiken het.

Hy het gesê Augustus se aanval was die eerste keer dat Britse magte ’n aanval in ’n ander land in ’n nie-oorlogsituasie uitvoer.

Die VSA loop reeds onder kwaai kritiek deur weens die onwettige aanvalle wat hulle in ander lande uitvoer sonder dat hulle oorlog teen sulke lande verklaar het. Dit is strydig met die Geneefse Konvensie.

Ook meen kritici dat sulke aanvalle die risiko vir Moslemgeweld teen Westerse teikens aanmoedig.

Volgens Cameron was die aanval egter nodig om Brittanje te verdedig. Die regering se regsadviseurs het die aanval gesteun.

Dit was daarop gemik om spesifieke dreigemente deur terroriste met ’n ystervuis vas te vat, het Cameron gesê.

Die hoofteiken van die aanval was die 21-jarige Reyaad Khan, ’n Britse man wat in talle IS-werwingsvideos verskyn.

“Junaid Hussain en Reyaad Khan was Britse burgers wat in Sirië besig was om aktief IS-ondersteuners te werf. Die mans was ook besig om spesifieke en wrede aanvalle teen die Weste te beplan,” het Cameron gesê.

Die derde man wat in die aanval dood is, is nóg ’n Britse burger, Ruhul Amin (26).

Volgens Cameron is Brittanje genoodsaak om betrokke te raak by lugaanvalle teen IS in Sirië, maar het onderneem om eers parlementêre goedkeuring te verkry voordat Brittanje by die Amerikaanse koalisie aansluit wat lugaanvalle in Sirië uitvoer.

Duitse sakeleiers verwelkom instroming van immigrante

Duisende fortuinsoekers stroom elke dag na Duitsland en sakeleiers in Europa se grootste ekonomie wil hulle akkomodeer en aan hulle werksgeleenthede bied.

“As ons hulle gou in die arbeidsmark kan integreer, sal ons nie alleen die vlugtelinge nie, maar ook onsself help,” het die hoof van die magtige BDI-bedryfsfederasie, Ulrich Grillo, vandeesweek gesê.

Vir die talle Arabiere wat vlug van onderdrukking en ekonomiese probleme in hul eie lande en skuiling soek in Europa, is Duitsland hul hoofbestemming.

Europa se topekonomie verwag 800,000 asielsoekers vanjaar, ‘n rekord.

Bo en behalwe die “humanitêre noodsaaklik om beskerming te bied”, sien sakeondernemings toenemend ‘n ekonomiese voordeel in die sogenaamde asielsoekers, veral omdat Duitsland se snelle veroudering van die bevolking en ‘n lae geboortesyfer, sy geskoolde arbeidsmag inhaal.

Op 6,4 persent, is werkloosheid in Duitsland tans op sy laagste vlak sedert eenwording, maar BDI skat die land benodig nog 140,000 ingenieurs, programmeerders en tegnici.

Die sektore gesondheidsorg en ontspanning registreer ook ‘n aanvraag vir gekwalifiseerde werkers. Sowat 40.000 opleidingsgeleenthede oor al die sektore heen sal nie vanjaar gevul word nie.

Voorspellings aangaande die tekort aan gekwalifiseerde werkers sê dit sal styg tot 1,8 miljoen in 2020, en soveel as 3,9 miljoen in 2040, as niks gedoen word nie.

Die instroming van immigrante kan dus die antwoord wees as baie van hulle is jonk en oor “baie goeie kwalifikasies beskik,” het Grillo gesê.

Reeds op ‘n plaaslike vlak, is meer en meer besighede besig om hul deure vir die nuwe aankomelinge oop te gooi, bemoedig deur nuwe inisiatiewe.

In die Augsburg-streek van Beiere in Suid-Duitsland, byvoorbeeld, het die plaaslike sakekamer ‘n “interkulturele adviseur” aangestel, spesifiek om te handel met die kwessie.

En die adviseur het daarin geslaag om 63 jong “vlugtelinge” in ‘n opleidingskema te plaas.

“Dit is vir die regering om op te tree” deur die verligting van die reëls op toegang tot werk, het Alexander Wilhelm, gemoeid met arbeid by die BDI, aan AFP gesê.

Maatskappye wil ‘n waarborg hê dat ‘n vakleerling nie gedeporteer sal word van een dag na die volgende nie, selfs al leer hulle nie Duits nie.

Walglike Franse ‘kunswerk’ loop weer deur

Anish Kapoor, ‘n sogenaamde “internasionale kunstenaar”, se “Dirty Corner” (2011-15), ‘n beeldhouwerk in die tuine van Versailles, Frankryk, is met anti-Semitiese slagspreuke getakel. Die woorde in wit verf is Sondag, 6 September, opgemerk.

“Die koningin opgeoffer, twee keer beledig”, “die tweede verkragting van die volk deur afwykende JOODSE aktivisme”, en “Christus is koning in Versailles”, was van die slagspreuke.

President Francois Hollande het die “vandalisme” veroordeel as “haatlik en antisemities” en premier Manuel Valls het gesê hy voel afgryse, en bygevoeg dat die skuldiges baie swaar gestraf sal word.

Die beeldhouwerk staan bekend as die “koningin se vagina”. Die verwers is beskryf as “individue met ultra-konserwatiewe idees”.

Die Guardian het die wit slagspreuke beskryf as ‘n teken van die opkoms van “kulturele fascisme” in Frankryk.

In ‘n eksklusiewe onderhoud met Le Figaro in Frankryk sê die kunstenaar dat hy nie die beeld gaan laat skoonmaak nie. “Dit is ‘n gewelddadige aanval teen die menslike gees en kultuur,” het hy gesê en bygevoeg dat dit so onthou moet word.

Kapoor sê die gees agter die “vandalisme” hou verband met die “verskriklike situasie” van migrante wat tans die EU se grense oorstroom en nie welkom voel nie.

“Dit is wat lei tot die uitsluiting van ons Siriese broers en susters. ‘n Klad op Frankryk vir die daad van haat teen ‘n minderheid!”

In Oktober 2014, het beswaardes ‘n massiewe beeldhouwerk deur die Amerikaanse beeldhouer Paul McCarthy op Parys se Place Vendome afgeblaas. Dit was ‘n beeld van ‘n reusagtige homoseksuele sekspeelding.

McCarthy het toe besluit om self ook die aftog te blaas, wat tot groot tevredenheid onder woedende Parysenaars gelei het.

Die Franse minister van kultuur, Fleur Pellerin, ‘n aangenome Koreaan wat eers Kim Jong-suk geheet het, het die “beskadigde kunswerk” besoek en “die onnoselheid en geweld teen kultuur” met kille oorgawe veroordeel.

Sy is met Laurent Olléon, ‘n Jood, getroud.

Sy het die verwers gewaarsku dat hulle vir ten minste tien jaar opgesluit gaan word as hulle gevang word.

In Junie is die beeld met geel verf getakel, maar onmiddellik weer skoongemaak. Die beeld is geskeduleer om tot November die pragtige, geskiedkundige tuine te ontsier.

Migrante-krisis aanstons in Luxemburg bespreek

Die migrante-krisis in Europa sal op 14 September in Luxemburg bespreek word.

Ongunstige publisiteit oor die dodetal van omwettige aankomelinge wat reeds in hul tog oor land en op see omgekom het, noop EU-lidlande om te reageer.

Minstens 2 500 migrante is sedert Januarie vanjaar dood, van wie die meeste in die Middellandse See verdrink het.

Die migrante vlug van armoede in die Midde-Ooste en Afrika, asook chaos wat Amerikaans-gesteunde rebelle en NAVO in Sirië en Libië gesaai het.

Luxemburg, waar die roterende EU-voorsitterskap gesetel is, het die ministers van al 28 lidstate versoek om op 14 September te vergader en gesê: “Die situasie van die migrasieverskynsel buite en binne die EU het die afgelope tyd ongekende afmetings aangeneem.”

Die Duitse kanselier Angela Merkel, het vroeër ‘n beroep op lidlande gedoen om ook die las te dra aangesien Duitsland verwag dat die getal asielsoekers in 2015 in dié land viervoudig tot omtrent 800 000 gaan toeneem.

“Indien Europa solidariteit het en ons solidariteit teenoor ander bewys het, dan moet ons ook nou solidariteit wys,” het sy aan verslaggewers in Berlyn gesê. “Alles moet nou vinnig gebeur.”

Merkel het erken dat die groot getalle migrante na die land, tot ingrypende verandering kan lei, met meer as 18 000 vlugtelinge wat die afgelope naweek Duitsland binnegestroom het.

Volgens marknavorsing het bykans die helfte van bevolking voorbehoude oor die getal migrante wat in Duitsland toegelaat word.

Duitsland het vroeër bekend gemaak dat hulle 31 000 migrante sal inneem.

Luxemburg het gesê die vergadering sal fokus op die beleid om migrante terug huis toe te stuur en maatreëls om mensesmokkelary te voorkom.

Die Italiaanse kuswag het gesê bykans 1 600 mense is die naweek in die Middellandse See gered en na Italië gebring.

Sekere regerings weier om vlugtelinge in te neem en het die EU se voorstelle teengestaan om nog meer onwettiges te akkomodeer.

Kiesers van links en regs is gekant teen die instroming. In Nederland, Oostenryk en Frankryk groei die steun vir regse anti-immigrasiepartye. In Duitsland is daar benewens kritiek uit Merkel se eie politieke sentrum-geledere, ook teenkanting van links.

Die Italiaanse premier, Matteo Renzi, het gesê die groeiende dodetal sal druk op die EU-state plaas om die probleem te konfronteer. “Dit sal maande duur, maar ons sal een Europese beleid oor asiel hê en nie soveel beleide soos wat daar lande is nie,” het hy gesê.

China ondersoek binnehandel na aandele daal

Reuters berig dat binnehandel op China se aandelebeurs plaasgevind het, nadat die owerhede ondersoek na sekere onreëlmatighede ingestel het.

Die owerhede het onder meer vasgestel dat vals inligting gebruik is om aandelepryse te manipuleer.

Die amptelike nuusagentskap Xinhua berig dat Wang Xiaolu, ’n verslaggewer van die gerespekteerde sakeblad Caijing, erken het dat hy berigte oor die aandelebeurse geskryf het wat tot groot verliese op die beurse gelei het.

Wang se verslae was glo hoofsaaklik op raaiwerk en hoorsê gegrond. Wang is in hegtenis geneem, maar sy werkgewer kon nie sê wat die klagte is nie.

China se aandelebeurse het ‘n insinking beleef sedert middel Junie en met sowat 40% gedaal.

Vier senior bestuurslede van China se grootste aandelemakelaarsonderneming, Citic Securities, het erken dat hulle handel gedryf het met binne-inligting.

Volgens ‘n woordvoerder van Citic is senior bestuurslede van die onderneming ondervra.

Xinhua het ook berig dat Liu Shufan, ’n amptenaar van die aandelebeheerkommissie, erken het dat hy sy posisie en amptelike posisie misbruik het om ’n bepaalde maatskappy se aandeleprys te laat styg in ruil vir vergoeding.

Duisende stroom na Oostenryk, Duitsland met #refugeeconvoy

‘n Konvooi van sowat 140 motors wat hoofsaaklik deur Duitse en Oostenrykse aktiviste bestuur word, help om vreemdelinge na Duitsland en Oostenryk te vervoer.

Die konvooi het Hongarye binnegegaan om “vlugtelinge” op te laai om hulle te help om in lande te kom waar hulle van staatshulp kan leef.

Duisende fortuinsoekers, die meeste wat aanvanklik weens die konflik uit Sirië “gevlug” het, is Moslemmans.

Byna geen vroue is op pad na Oostenryk en Duitsland sedert Hongarye die beperkings op deurgang Vrydag opgehef het nie.

Die konvooi van linkse aktiviste het uit Wene vertrek om migrante uit Boedapest te gaan haal.

Die konvooi is deel van ‘n private inisiatief, georganiseer deur Oostenrykse en Duitse aktiviste, genaamd “refugeeconvoy”

Een aktivis het aan die BBC gesê die doel is om die immigrante oor die grens na Oostenryk te bring waar hulle gehuisves sal word.

‘n Oostenrykse moeder, Angelika Neuwirth sê: “Ek dink dit is my plig. Ek is ‘n mamma, ek is ‘n vrou van Oostenryk en ek kan my oë nie meer sluit nie. Ons is almal mense. Niemand is onwettig.”

Maar, ‘n Hongaarse polisiebeampte het bevestig dat enigiemand wat migrante oor die grens vervoer, die wet oortree.

Dit is net die nuutste ontwikkeling in die huidige instromingskrisis, wat Europa bring op sy knieë het.

Saterdag, het 10000 migrante per bus, trein en te voet, na die Oostenrykse grens beweeg, na Wene, München en ander Duitse stede.

Daar is egter aanduidings dat Duitsland en Oostenryk strenger immigrasiebeheer kan instel nadat duisende tans vrylik uit Hongarye beweeg.

Die Oostenrykse kanselier, Werner Faymann, het samesprekings tussen Duitse en Oostenrykse amptenare oor die kwessie in die vooruitsig gestel.

Volgens die Britse Uitsaaikorporasie het Faymann aangedui dat meer as twaalfduisend mense gehelp is en dat dit nou tyd is om weer die situasie te “normaliseer”.

Die Duitse ministerie van binnelandse sake het intussen verklaar dat Duitsland se bereidwilligheid om te help nie misbruik moet word nie.

Migrante-krisis verdiep

Skermutselinge het uitgebreek wes van die Hongaarse hoofstad, Boedapest, nadat die polisie probeer het om migrante van ‘n trein by ‘n vlugtelingkamp te laat afklim.

Te midde van chaotiese tonele, het die polisie joernaliste van die toneel verwyder op Bicske, en verklaar dat dit ‘n “operasiesone” is.

Die trein het Budapest ure tevore verlaat nadat die polisie migrante weer by die stasie toegelaat het na ‘n beleg wat twee dae geduur het.

Intussen het daar skerp verskille tussen Europese leiers voorgekom oor hoe om die krisis te hanteer.

In Brussel, het Hongarye se Eerste Minister Viktor Orban die situasie as ‘n “Duitse probleem” beskryf omdat die migrante na Duitsland probeer gaan.

Maar die president van die Europese Raad, die Pool Donald Tusk, het gesê dat ten minste 100 000 vlugtelinge versprei moet word oor al die EU-lande.

Die krisis het Woensdag verdiep nadat hartverskeurende beeldmateriaalpropaganda oor die “menslike koste” versprei is.

Die Independent het ‘n foto van ‘n dooie klein wit seuntjie op sy voorblad geplaas. Die meeste migrante is egter nie wit nie.

Vyf migrantekinders onder 12 het in Turkse waters verdrink toe hulle probeer het om Griekeland met hul ouers te bereik.

Die Duitse kansellier, Angela Merkel en die Franse president, Francois Hollande sê hulle sal gesamentlike voorstelle indien vir die regverdige verdeling van vlugtelinge binne die Europese Unie.

Die twee leiers sê Europa moet beslissend optree en dat hy ‘n verpligting het om diegene wat vlug van oorloë en vervolging, te beskerm.

Merkel sê die Geneefse konvensie oor Vlugtelinge is bindend en alle EU-lidlande sal hul samewerking moet gee.

Zuma, Al-Basjir in China

Pres. Omar al-Basjir van Soedan het in China aangeland vir ’n besoek van vier dae.

’n Lasbrief vir inhegtenisneming deur die Internasionale Strafhof uitgereik om die Soedanese president in hegtenis te neem, maar hy beplan glo ook om Amerika vandeesmaand te besoek.

Hy sal in September na New York reis vir die Verenigde Nasies se Algemene Vergadering, het Soedan se adjunkambassadeur by die VN vroeër aangekondig.

Al-Basjir en ander gaste wat pres. Jacob Zuma insluit, is in China om ’n herdenking van die einde van die Tweede Wêreldoorlog by te woon.

Talle Westerse lande sal nie die geleentheid bywoon nie omrede hulle ongemaklik voel met China se militêre vertoon en Al-Basjir se teenwoordigheid, het diplomate aan Reuters gesê.

‘n Groot militêre parade is op Tiananmenplein gehou om China se oorwinning oor Japan te vier.

Al-Basjir het Suid-Afrika in Junie inderhaas verlaat toe hy ’n vergadering van die Afrika-unie bygewoon en die Internasionale Strafhof daarop aangedring het dat hy in hegtenis geneem word, maar China is nie een van die ondertekenaars van die verdrag waardeur die hof tot stand gekom het nie.

Die hof beskuldig Al-Basjir van volksmoord en ander wandade in sy poging om ’n opstand in Darfoer te onderdruk.

Al-Basjir erken nie die Internasionale Strafhof se gesag nie en het ondanks lasbriewe wat in 2009 en 2010 uitgereik is, reise in Afrika en die Midde-Ooste onderneem.