Kategorie: Internasionale nuus

Nuus oor die wêreld buite Suider-Afrika

Turkye verskerp veiligheid na ISIS-aanval

Turkye het Woensdag veiligheidsmaatreëls op die grens met Sirië verskerp nadat ’n selfmoordbomaanval, waarvoor ekstremiste van die Islamitiese Staat (ISIS) groep die skuld kry, die lewe van 31 mense geëis het en die vrees laat ontstaan het dat die Siriese konflik oor die grens na Turkye kan versprei.

Maandag se aanval in die dorp Suruc was een van die dodelikste aanvalle in Turkye in etlike jare en die eerste keer dat die regering IS regstreeks van ’n aanval op Turkse grondgebied be­skuldig het.

Pro-Koerdiese aktiviste wat by ’n Turkse kultuursentrum met voorbereidings besig was vir ’n humanitêre sending na die dorp Kubane in Sirië, se verminkte lyke het ná die aanval op die toneel gelê. Altesaam 31 van die nagenoeg 300 sosialistiese jeugaktiviste wat in die sentrum was, is dood en ongeveer 100 beseer.

Honderde pro-Koerdiese aktiviste het Maandagnag in Turkse stede teen die aanval en die regering se beleid jeens Sirië betoog en in Istanboel het die polisie waterkanonne op betogers gerig om hulle uiteen te jaag.

Dosyne mense is in Oktober verlede jaar in landwye betogings dood toe betoog is teen die regering se vermeende gebrek aan steun vir Koerde wat teen die djihadiste van ISIS veg.

Die weste beskuldig Turkye daarvan dat nie genoeg gedoen word om die opkoms van IS te stuit nie en dat selfs met die groep saamgewerk word, beskuldigings wat ten sterkste deur Turkye ontken word.

In die afgelope weke het Ankara strenger teen die groep begin optree en dosyne vermeende ISIS-lede in Istanboel en ander stede aangekeer.

Komediant wat dollars oor Blatter strooi aangekla

FIFA-president Sepp Blatter is deur ‘n komediant met vals dollars gegooi.

Switserse owerhede het aangekondig dat ‘n klag teen die Engelse komediant Simon Brodkin, met die verhoognaam Lee Nelson, gelê sal word nadat hy ‘n Fifa-perskonferensie in Zurich Maandag onderbreek het.

Brodkin, geklee soos een van sy karakters, Jason Bent, het ‘n hoop banknote op die verhoog langs Blatter gaan neersit, nadat hy homself aangekondig het as ‘n afgevaardigde van Noord-Korea se 2026 Wêreldbeker-bod.

Toe hy deur sekuriteitspersoneel weggelei is, het hy die dollars tydens die perskonferensie Maandag by sokker se wêreldbeheerliggaam se hoofkantoor in Zürich oor Blatter gestrooi.

Blatter het bly sit.

Fifa het aangekondig dat ’n spesiale verkiesing op 26 Februarie 2016 gehou sal word om ’n nuwe president in die plek van Sepp Blatter te verkies.

Trump losvoor ten spyte van McCain-opmerkings

Die miljardêr Donald Trump, wat hom as presidentskandidaat vir die Republikeinse party in die 2016 Amerikaanse presidentsverkiesing beskikbaar gestel het, het byna twee keer die ondersteuning van sy naaste teenstander.

Alhoewel sy onlangse uitlatings hom die argwaan van baie van sy partygenote op die hals gehaal het, was Trump se kritiek teen John McCain baie gewild by kiesers.

Hy het onvriendelike uitlatings oor die 2008 Republikeinse presidentskandidaat, senator McCain, gemaak en aangevoer dat hy “net gepraat het en niks gedoen het” om die lot van militêre veterane te verbeter nie.

Hy het ook gesê hy het meer bewondering vir diegene wat dit regkry om nie as krysgevangene geneem te word nie.

McCain het meer as vyf jaar in ’n krygsgevangenekamp in Viëtnam deurgebring nadat sy vliegtuig afgeskiet is en hy is gemartel. McCain het ook geweier­ om vóór medekrygsgevangenes vry­gelaat te word.

Ondanks kritiek van mede-­Republikeine, is amptenare van die party bekommerd om kiesers te verloor wat aangetrokke is tot Trump se supersterstatus.

Meningspeilings van die wedloop om die party se nominasie toon dat Trump steeds boaan die lys van Republikeinse aanspraakmakers is.

Tenker en passasierveerboot bots

‘n Gat in die romp van die passasiersveerboot, Stena Jutlandica, word die naweek by die hawe van Gothenburg, Swede geïnspekteer.

Die veerboot het vroeg Sondagoggend met ‘n tenker naby die eiland van Vinga naby Gothenburg gebots.

Die veerboot het water ingeneem, maar kon daarin slaag om die hawe sonder enige hulp te bereik.

Die tenker het 12 000 ton diesel en petrol vervoer, maar geen berigte het olielekkasies gemeld nie.

Die oorsaak van die ongeluk duur voort.

Grieke betaal IMF-skuld

Die president van die Europese Sentrale Bank (ESB), Mario Draghi, meen Griekeland kan wel die €3,5 miljard terugbetaal wat hy die bank skuld.

Die ESB het vroeër meer geld vir Griekse banke beskikbaar gestel om te keer dat hulle ondergaan.

Die Griekse banke het Maandag weer hul deure geopen nadat hulle hul deure vir drie weke moes sluit. Die land se effektebeurs bly egter steeds gesluit.

Volgens nuusagentskappe word lang toue by banke ondervind waar slegs 420 Euros weekliks gestrek kan word.

Griekeland het intussen €4,2 miljard aan die Europese Sentrale Bank terugbetaal nadat hy tydelike finansiering gekry het, terwyl ‘n groter reddingsboei onderhandel word.

Sonder die betaling sou die Sentrale Bank nie meer Griekse banke met kontantvloei kon bystaan nie. Griekeland het ook sowat €2 miljard aan die Internasionale Monetêre Fonds terug betaal.

Griekeland het aan die einde van verlede week finansiering van €7 miljard ontvang om sy dringendste skuld te betaal.

Verskeie besuinigingsmaatreëls het in Griekeland in werking getree. Belasting op Toegevoegde Waarde, BTW, op voedsel en vervoerdienste is ook van 13 na 23 persent verhoog.

Die besuinigingsmaatreëls is goedgekeur as deel van ‘n ooreenkoms met die land se krediteure.

Die oorbruggingslening van €7 miljard verseker onder meer dat Griekeland sy skuld sal kan betaal tot tyd en wyl die derde hulppakket onderteken is.

Dié hulppakket van tot €86 miljard kan wel beding word nadat die Griekse parlement al die voorwaardes goedgekeur het waarop die land se krediteure aangedring het.

Dit sluit in pensioenhervorming, hoër belastings, bestedingsperke, die onafhanklikheid van die land se statistieke-­instelling en meer.

Altesame 229 uit die 300 parlementslede (meer as 76%) het ten gunste van die hervormings gestem ná ’n debat wat tot ná middernag geduur het. 32 Syriza-lede het nee gestem en nog 6 het buite stemming gebly.

Die Grieke het vroeër in ‘n algemene referendum téén besuiniging gestem.

Intussen het dr. Angela Merkel, Duitse kanselier, steun begin monster onder haar party­lede en koalisievennote vir die hulppakket. Die Duitse parlement moes dit Vrydag goedkeur, nes ander lande in die eurogebied wat daartoe bydra.

Wolfgang Schäuble, Duitse minister van finansies, het Woensdag in ’n radio-onderhoud voorgestel dat Griekeland tog tydelik die eurogebied verlaat omdat dit die afskrywing van skuld moontlik sal maak. Dit is ingevolge eurogebiedreëls nie moontlik nie.

Breyten en 24 ander kritiseer Britse premier oor hy linkse menseregtewet wil afskaf

Die Afrikaanse digter Breyten Breytenbach het onlangs, tesame met nog 24 ander Suid-Afrikaners, ‘n ope brief aan die Britse eerste minister, David Cameron, gerig waarin hulle hom kritiseer omdat hy die huidige Menseregtewet (“Human Rights Act”) in dié land wil afskaf. Volgens die Britse Konserwatiewe Party word die wet onder andere deur misdadigers misbruik om hul uitlewering te beveg. Die wet is ook erg op ras ingestel en maak vir regstellende aksie voorsiening.

Die skrywers van die ope brief, waaronder aartsbiskop Njongonkulu Ndungane, die skrywer Mandla Langa, die Robbeneilandgevangene Denis Goldberg en Zackie Achmat druk hul “afsku” uit oor die Konserwatiewe Party se plan om die Menseregtewet af te skaf. In ander verklarings het die Party egter gesê dat Brittanje hom nie van die Europese Konvensie oor Menseregte gaan onttrek nie.

Volgens Mandla Langa, verkeer Brittanje onder ‘n morele verpligting om na linkse Suid-Afrikaners te luister omdat dié land die ANC in sy stryd teen die vorige Suid-Afrikaanse regering in Londen gehuisves het. Langa sê:

“Ek voeg my by die meerderheid van die mensdom wat meen dat die internasionale veldtogte vir die aftakeling van apartheid in Suid-Afrika deur die gesaghebbende stem van die Britse volk versterk is.

“Aangesien ek insgelyks glo dat ‘n onreg op enige plek ‘n onreg oral op aarde is, is ek persoonlik met afgryse vervul dat die Britse regering beplan om die Menseregtewet te herroep wat angs by baie, baie mense gaan veroorsaak.”

Volgens Goldberg, “…het Brittanje in die stryd teen apartheid ten gunste van menseregte een van die ANC se hoof- internasionale kantore gehuisves.

“Die volk van Brittanje het deur die anti-apartheidsbeweging aan ons manjifieke steun verleen vanweë hul geloof dat menseregte verdedig moet word. Dit sou ‘n treurige dag wees indien Brittanje sy menseregtewetgewing afwater waarvoor daar oor geslagte heen geveg is en wat deur verskeie regerings ingestel is.”

 

 

NASA-tuig doen verbyvlug van Pluto

Die New Horizons-ruimtetuig het ’n geskiedkundige verbyvlug van Pluto gedoen, het die Amerikaanse ruimteagentskap, NASA in ‘n verklaring gesê.

Die onbemande ruimtetuig, die grootte van ’n klavier, het teen ongeveer 31 000 myl per uur ongeveer 7 750 myl bokant Pluto verby beweeg.

New Horizons sal voortgaan om binne in die Kuiperbaan te reis, wat wetenskaplikes meen vol duisende kleiner yswêrelde kan wees. Wetenskaplikes sê die ruimtetuig sal vir etlike maande voortgaan om data oor Pluto aarde toe te stuur.

New Horizons is op 19 Januarie 2006 van Cape Canaveral, Florida gelanseer en het meer as drie miljard myl afgelê om Pluto te bereik. Dit is die eerste sending vir enige nasie na Pluto en sy vyf mane.

NASA se sending, sy eerste verkenning van die klassieke sonnestelsel, is dus grootliks afgehandel. Die ruimteagentskap het reeds ruimtetuie na Merkurius, Venus, Mars, Jupiter, Saturnus, Uranus, Neptunus en Pluto gestuur.

Straatblokkades teen asielsoekers in Italië

De aankomst van enkele honderden migranten heeft voor onrust gezorgd in het noorden van Italië en in de hoofdstad Rome. Boze burgers en actievoerders proberen de migranten met straatblokkades tegen te houden.

De huisvesting van 19 migranten in een oude school in het plaatsje Casale di San Nicola ten noorden van Rome heeft voor beroering geleid onder omwonenden, schrijft de Romeinse krant Il Messaggero.

Straatblokkades

Inwoners van het plaatsje hebben straatblokkades opgeworpen waarmee de bus waarin de migranten worden vervoerd, moest worden tegengehouden.

De politie die de blokkades probeerde te ontmantelen, kreeg van alles en nog wat naar het hoofd geslingerd. Actievoerders gooiden met stenen, stoelen, flessen en andere voorwerpen naar de agenten. Een groep vrouwen is op straat gaan zitten en liggen en weigert te vertrekken.

De inwoners hebben hulp gekregen van leden van de neo-fascistische beweging Casapound die met helmen op de confrontatie met de agenten zijn aangegaan. Volgens een woordvoerder van de politie zijn 14 agenten hierbij gewond geraakt. Er zijn enkele arrestaties verricht en justitie is een onderzoek gestart naar de gebeurtenissen.

Invasie

Het is de bedoeling dat er uiteindelijk honderd migranten naar het plaatsje komen. Inwoners van het vierhonderd koppen tellende gehucht spreken van ‘een invasie’ en zijn bang dat de veiligheid in het geding is.

Het stadsbestuur heeft een ‘mediator’ naar het plaatsje gestuurd om de gemoederen tot bedaren te brengen. De migranten zijn intussen onder politiebewaking in de oude school aangekomen.

Matrassen in brand

Vergelijkbare taferelen deden zich de afgelopen dagen voor in het plaatsje Quinto di Treviso in Noord-Italië. Hier protesteren inwoners al twee dagen lang tegen de komst van 101 migranten die in een wooncomplex zijn geplaatst.

Vrijdagochtend staken enkele inwoners matrassen in brand waarop de migranten moeten slapen. Ook werd de persoon die eten kwam brengen voor de buitenlanders door inwoners tegengehouden.

De actievoerders kregen daarop hun zin. De gemeente heeft besloten om de migranten te verplaatsten naar een leegstaande kazerne. Deze beslissing zorgde voor gejuich onder de actievoerders. ‘Dit is een enorme overwinning,’ zegt één van de inwoners tegen persbureau Ansa.

Het is niet duidelijk wat er met 63 andere migranten moet gebeuren die vrijdag en zaterdag in het plaatsje worden verwacht.

Spanningen

In Italië zorgt de herplaatsing van migranten, die voor het overgrote deel in bootjes aankomen op Sicilië, vaker voor spanningen. In Rome werden vorig jaar enkele opvangcentra door boze inwoners belegerd.

De plaatsing van migranten in vaak arme buitenwijken of gehuchten zorgt voor spanningen, omdat inwoners het moeilijk kunnen verkroppen dat er faciliteiten voor de migranten worden geregeld, en er nauwelijks voorzieningen zijn voor arme Italianen. Ook krijgen de migranten vaak de schuld van misdaden die in de buurt worden gepleegd.

Dikwijls worden deze protesten gekaapt door groeperingen die confrontaties met de politie niet schuwen.

Bron: elsevier.nl

100 Lyke van asielsoekers spoel op kus uit

Minstens 100 lyke van vermeende asielsoekers uit Afrika suid van die Sahara het Dinsdag op ’n strand naby die kusdorp Tajoura in Libië uitgespoel.

Dit is volgens berigte moontlike die naasgrootste tragedie sedert 18 April toe 850 asielsoekers aan die kus van Libië verdrink het.

Volgens die Migrant Report, ’n webblad wat berig oor kwessies oor immigrante, is besonderhede rakende die voorval nog onduidelik.

’n Woordvoerder van Libië se departement van anti-immigrasie sê hul nasionaliteit kon nog nie bevestig word nie.

Hulle is vermoedelik die slagoffers van ’n skeepswrak langs die kus van Tajoura, ’n dorp omtrent 10 km oos van die hoofstad, Tripoli.

Die lyke is na ’n hospitaal in Tripoli vervoer.

Ten minste 1 780 asielsoekers het tot dusver in die Mediterreense See verdrink in ‘n poging om Europa te bereik.

Die lyke van 12 asielsoekers is Vrydag gevind nadat die boot waarop hulle was, aan die kus van Libië omgeslaan het.

Vroeër in die week het Turkse en Griekse kuswagte ’n soektog begin na 19 Afrikane wat vermoedelik verdrink het.

Doodstraf met inspuiting bly

Die Amerikaanse staat Missouri het Dinsdag die terdoodveroordeelde David Zink tereggestel.

Dit is die eerste teregstelling sedert die hooggeregshof die gebruik van ’n omstrede dodelike inspuiting goedgekeur het.

Zink (55) is ter dood veroordeel vir die verkragting en moord van ’n jong vrou wat hy in Julie 2001 ná ’n motorongeluk ontvoer het.

Die hof het met vyf stemme teen vier bevind dat daar geen bewyse is dat die inspuiting, midazolam, die kans op ernstige verlengde pyn vergroot vir mense wat tereggestel word nie.