Die Afrikanerargitek dr. Irma Vermeulen (89) is Sondag in Pretoria oorlede.
Vermeulen was die dogter van Gerhard Moerdyk wat onder meer die Voortrekkermonument asook die presidentswoning Libertas en die indrukwekkende NG-Kerk Pretoria-Oos ontwerp het.
Libertas staan deesdae bekend as Mahlamba ndlopfu.
’n Gedenkdiens vir die ontslape pionier sal Vrydag 11:00 vanuit die NG kerk Pretoria-Oos gehou word.
Vermeulen het ’n doktorsgraad in stadsbeplanning verwerf en aan die Universiteit van die Vrystaat doseer.
Man en monument, ’n biografie oor haar beroemde vader, tesame met verskeie ander vakwerke, het uit haar pen verskyn.
Sy word oorleef deur vier kinders, ses kleinkinders en een agterkleinkind.
TLU SA het die Minister van Landbou, Tina Joemat-Pettersen, versoek om haar uit te spreek oor haar kollega van Landelike Ontwikkeling en Grondhervorming se ideologiese proses om blanke grondeienaars van hulle regmatige eiendom te ontneem.
TLU SA se president, mnr. Louis Meintjes, noem minister Nkwinti se planne “konstruktiewe ontneming van blanke grondeienaar, indien dit nie doodgewone gewettigde grondgryp is nie”.
Mnr. Meintjes het Minister Joemat-Petterson in ‘n brief gevra of haar kollega se beleid dan regeringsbeleid is, en of sy, in wese ook as die minister wat ‘n direkte belang by voedselsekerheid het, kan saamgaan met daardie ideologiese benadering wat kommersiële landbou totaal gaan vernietig.
Terselfdertyd is Minister Nkwinti per brief ingelig dat totdat hy en sy departement die ordentlikheid aan die dag lê om op korrespondensie te reageer, TLU SA nie deel sal wees van die NAREG-proses of enige van sy ministeriële werksessies nie, en dat TLU SA sy optrede nie erken as deel van openbare deelname proses nie en dat dit ook nie voldoen aan administratiewe vereistes nie.
Mnr. Meintjes het ‘n beroep gedoen op Minister Joemat-Petterson om toe te sien dat die planne en voorstelle van grondhervorming, nie soveel reg aan werkers gee dat voedselsekerheid in gedrang kom nie, want in terme van daardie voorstelle sal boere uiteindelik geen besluite meer op hulle eie plase kan neem sonder arbeiders se goedkeuring nie.
“Hierdie voorstelle plaas die Regering effektief in beheer van alle landbou-eiendomme. Dit is ‘n kommunistiese benadering wat gevolg word, en sal TLU SA geen ander keuse hê as om boere aan te moedig om binne die korste moontlike tyd maatreëls in plek te kry om sonder arbeid hulle bedrywe voort te sit,” sê mnr. Meintjes.
Sou hierdie voorstelle in wetgewing vervat word sal dit die totale ekonomie negatief beïnvloed en voorspel ons hongersnood in Suid Afrika.
Die meeste gebiede in Pretoria, insluitende Sunnyside, Arcadia, Hatfield en nabygeleë voorstede ondervind sedert die naweek watertekorte.
Die Tshwane Metroraad sê dit is weens ‘n hoofpypleiding wat by die Bosmanstasie gebars het.
‘n Woordvoerder, Blessing Manale, sê kontrakteurs het sedert gister aan die pype gewerk en hoop om die toevoer binnekort herstel te hê.
Inwoners moes die hele naweek met wateronderbrekings sukkel.
Die stad sê die watertoevoer na Sunnyside en Arcadia sal vanmiddag herstel wees.
‘n Woordvoerder sê herstelwerk aan die hoofpypleiding, wat gebars het, is voltooi en dat waterverbindings herstel sal wees sodra die waterdruk gestabiliseer het. – RSG
PRAAG is op soek na vrywilligers om op verskeie van ons komitees te dien:
Menseregte: ons kom al hoe meer menseregtevergrype teen Afrikaners/blankes teë wat aandag verg.
Ekonomie: ons ondersoek tans verskeie ekonomiese geleenthede en projekte wat werk en welvaart vir Afrikaners kan skep.
Onderwys: daar heers steeds verskeie bedreigings vir Afrikaanse onderwys en ons moet enkele teenstrategieë in werking stel.
Vertalers: As u Afrikaans goed is, beskik ons altyd oor vertaalwerk wat gedoen moet word, gewoonlik vanuit Engels na Afrikaans, maar vreemde tale soos Frans en Duits kan ook handig te pas kom.
Ons kommunikeer sover moontlik virtueel en dus sal dit weinig tyd en moeite verg. Ons vergader een keer per maand via die internet om vordering te bespreek.
Almal kla, maar doen niks om ons situasie te verander nie. Raak betrokke!
Gister het ons amper 5 000 unieke gebruikers op ons twee praag-webwerwe gehad… Ons is reeds verby Volksblad, Rapport en The Citizen wat verkeer op die internet betref. Dis moeilik om te sê waar Beeld en Die Burger se verkeer staan, want hulle s’n word saam met News24 gegooi, wat SA se grootste nuuswebwerf is. Ons mag dalk later op ‘n gereelde grondslag statistieke oor die verskillende internetmedia in SA publiseer, sodat lesers kan volg hoe webwerwe se verkeer styg en daal.
Dankie aan almal wat ons ondersteun! Laat 2013 in die annale opgeteken word as die jaar toe die alternatiewe media begin het om die monopolie met sy moorddadige politieke korrektheid terug te dryf.
Lewer ook gerus kommentaar op Disqus onder aan berigte of rubrieke. Onthou, u kan met u Facebook-wagwoord op Disqus aanteken. Dis alles goed en wel om op Facebook te gesels, maar ons skep eintlik net verkeer vir Mark Zuckerberg, wat ‘n ondersteuner van Obama is, terwyl enige kommentaar op Disqus ‘n wesentlike bydrae lewer om praag se teenwoordigheid op die internet uit te bou.
Wat u kan doen om ons te help:
Vertel u vriende van praag en moedig hulle aan om dit te lees.
Twiet ons artikels met behulp van die module aan die linkerkant van die blad as u op Twitter is.
Deel ons artikels met u vriende op Facebook.
Teken op ons nuusbrief in.
Besoek ons webwerf elke dag of soveel kere as wat u kan.
Neem aan besprekings op Disqus deel.
Moenie artikels van hier af kopieer en aan vriende per epos stuur nie; kopieer liewer net die skakel en stuur dit vir vriende aan sodat hulle ook ons opwindende webwerf kan besoek en ontdek!
Terwyl die etniese suiwering van Afrikaners onverpoosd voortgaan in Suid-Afrika, met inheemse Afrikaanse plekname wat uitgesonder word vir aftakeling – in stede van koloniale name – word die Duitse koloniale oorblyfsels in Namibië geteiken.
Twee plekke in Namibië het naamsveranderings ondergaan. Die gesogte toeristegebied – die Caprivi-strook – het ‘n nuwe naam gekry om sy Duitse koloniale geskiedenis af te skud.
Die gebied is bekend vir sy tropiese klimaat, riviere en wild en sal in die toekoms bekendstaan as die Zambesi-streek. Die Zambesirivier is die grens tussen die noorde van Namibië en die suide van Angola.
Dit is oorspronklik vernoem na Leon von Caprivi wat tussen 1890 en 1894 die Duitse kanselier was.
Ook Lüderitz in die suide het ‘n nuwe naam gekry en sal voortaan as Numinus bekend wees. Dit is naby die diamant-spookdorpie en toeriste-aantreklikheid, Kolmanskop.
Die Gautengsepolisie het‘n beroep opdie publiek gedoen om met inligting na vore te kom watkan lei tot verdere arrestasiesinverband met diemoord op die voormaligeHeidelbergsepolisiedistrikskommissarisGerritMyburgh.
Die polisiehet Woensdag bevestigdat hulle ‘nsaak van moordenhuisroofondersoeknadat die gefolterde liggaam vandie voormalige polisiehoof op sy kleinhoewe gevind is.
Gerrit ‘Billy’ Myburgh (79), is glo met ʼn strykyster en kookwater gemartel voordat hy vermoedelik met sy eie klere verwurg is.
Die77-jarige het glo alleenop sykleinhoewe gewoon toe hy Maandag vermoor is.
Polisie het gesêdat sy liggaamis ontdek deursy niggieen‘n familievriendwat hom wou gaan besoek.
Die SAPDhet nie dié martelmoord geregistreer as ‘n haatmisdaad nie hoewel diehuidigeregime as ‘nondertekenaar van dieRoomse Statuutverplig word om dit te doen.
Dit sal slegsondersoek word as‘n gewone geval van moord enhuisbraak.
Diepolisie seKatlegoMogalehet gesê diehuis isgeplunderen viervuurwapens word vermis, asook Myburghse motor.
Myburgh se voertuig, ʼn swart Mazda 3, is tydens die voorval gesteel, maar later verlate naby Heidelberg opgespoor.
“Die voertuig is aan die brand gesteek en was heeltemal uitgebrand toe die polisie Dinsdagoggend in die vroeë oggendure daarop afgekom het,” het Mogale bygevoeg.
Volgens ʼn polisiebeampte, wat anoniem wou bly, is drie vuurwapens en ʼn polisiesabel van die toneel gesteel. Mogale kon dit vroeër egter nie bevestig nie en sê hulle wag nog vir die man se familie om vas te stel of daar iets uit die huis vermis word.
Goedkeuring vir die samesmelting van die Midvaal en Emfuleni munisipaliteite in die Vaaldriehoek in ‘n enkele metroraad sal teen die einde van die week afgehandel wees. Die samesmelting sal ook dieSedibengDistriksraad insluit.
Die Munisipale Afbakeningsraad gaan die saak finaliseer na uitgebreide konsultasies plaasgevind het.
Midvaal is die enigste munisipaliteit in Gauteng wat reeds 12 jaar lank deur die DA beheer word, maar gaan gebuk onder bewerings van korrupsie en wanbestuur wat deur die partyleier Helen Zille geïgnoreer word.
Nast was volgens inligting ook betrokke by die naamsverandering van ‘n oorwegend Afrikaanse skool, en het met stappe begin om, soortgelyk soos ANC-beheerde munisipaliteite doen, die name van verskeie strate en plekke te verander. – See more at: http://praag.co.za/?p=15598#sthash.eI53Xo5V.dpuf
Die burgemeester, Timothy Nast, het onlangs bedank om aan te sluit by die ANC se beplanningsliggaam in Gauteng.
Nast was betrokke by die naamsverandering van ‘n oorwegend Afrikaanse skool, en het met stappe begin om, soortgelyk soos ANC-beheerde munisipaliteite doen, die Afrikaanse name van verskeie strate en plekke te verander.
Die partyhet beloweom te veg teendie voorgestelde samesmelting.
Nast was volgens inligting ook betrokke by die naamsverandering van ‘n oorwegend Afrikaanse skool, en het met stappe begin om, soortgelyk soos ANC-beheerde munisipaliteite doen, die name van verskeie strate en plekke te verander. – See more at: http://praag.co.za/?p=15598#sthash.eI53Xo5V.dpuf
Die hoofsweep van die Midvaal munisipaliteit, Dennis Ryder sê hulle is teleurgesteld oor die nuus dat daar voortgegaan word met die artikel 21-kennisgewing wat die volgende stap is om ‘n metro tussen Midvaal en Emfuleni tot stand te bring.
Hy sê om die twee gebiede in ‘n metro te verenig voldoen nie aan die kriteria ingevolge wetgewing nie.
Die Onafhanklike Verkiesingskommissie sê hy is gereed vir vandag se hoogs-betwiste tussenverkiesing in wyk nege van die Tlokwe munisipaliteit in Potchefstroom in Noordwes.
Die pos is vakant nadat ‘n raadslid bedank het om te fokus op sy werk as ‘n onderwyser.
Die polisie in Noordwes sê daar is genoeg beamptes ontplooi om orde in die provinsie te handhaaf.
Die tussenverkiesing word gesien as ‘n toets vir die ANC en die DA wat in ‘n voortslepende stryd gewikkel is oor die beheer van die stadsraad.
‘n Polisiewoordvoerder het ‘n beroep op die gemeenskap gedoen om vreedsaam te stem.
Sewe tussenverkiesigs word ook Woensdag in die Wes-Kaap gehou.
Drie van die tussenverkiesings vind plaas in die Oudtshoorn munisipaliteit in die Klein Karoo, waar die DA net een wyk moet wen om beheer van die munisipaliteit by die ANC oor te neem.
Wyk vyf, wyk ses en wyk dertien is vroeër deur die ANC bestuur. Die poste in dié wyke is vakant nadat die raadslede uit die party geskors is.
Tussenverkiesings word ook in George, die groter Plettenbergbaai gebied, Hermanus en Velddrif gehou. – RSG
Oor sy beleid om die gebruik van Afrikatale in skole te stimuleer, het die minister van basiese onderwys, Angie Motshekga, gister gesê dat die departement ‘n loodsprojek ondersteun wat aanstaande jaar in 10 skole per distrik ingestel sal word.
“Afrikaans kwalifiseer, gelukkig of ongelukkig, daarvoor. Dis ‘n inheemse taal en daarom pas dit volmaak by die definisie. Selfs die Afrikaanse taal- en kultuurgroepe het gedink dat ons Afrikaans gaan uitlaat.
“Dit pas volmaak by die definisie. Ons het nie teen Afrikaans gediskrimineer nie. Dit sal as een van die tale beskou word waarin ons sê skole behoort as deel van die Afrikatale te onderrig,” het sy gesê.
Dié opmerkings is gemaak tydens ‘n inligtingsessie oor verwikkelinge in die opvoedingsektor, veral wat die kurrikulum betref.
Motshekga het gesê haar departement beskik oor ‘n strategie om die gebruik van Afrikatale in skole te verhoog, asook om onderrig in Engels as ‘n eerste addisionele taal te verskerp.
Twee studies en die matriekuitslae het die negatiewe invloed van swak Engelse taalvermoë op die prestasie van leerlinge beklemtoon, asook die behoefte om die gehalte van Engelse onderrig en leer te verbeter.
“Gevolglik is daar vanaf 2012 begin om alle kinders wat van plan is om deur medium van Engels te leer, reeds in dié taal van graad een af te onderrig.
“Die departement kyk daarna om die gehalte van Engelse onderrig te verbeter, in samewerking met die British Council,” het sy gesê.
Alle Suid-Afrikaanse leerlinge behoort ook van die nodige meubels in skole voorsien te word, het Motshekga voortgegaan.
By die raad van onderwysministers het ons gesê die provinsies behoort daarna te streef om ‘n stoel en ‘n tafel vir elke kind te hê,” het sy in Pretoria gesê.
Die provinsiale onderwysdepartemente is opdrag gegee om hul meubelbehoeftes aan die nasionale owerheid teen 16 Augustus voor te lê.
Sy het gesê die raad van onderwysministers het ‘n nuwe kurrikulum vir vroeëkinderontwikkeling aangeneem, wat aan die doelwitte van die nasionale ontwikkelingsplan voldoen.
Die raad van onderwysministers het ook skole se gereedheid bespreek. Ons beskou normaalweg skole se gereedheid (vir die volgende jaar) in die vierde kwartaal, maar dié keer het ons dit in die derde kwartaal gedoen,” het sy gesê.
“As departement het ons ons daartoe verbind om die aard van ondersteuning wat provinsiale onderwysdepartemente nodig het, nou te volg.” – Sapa en praag
