Die wit pa wat ‘n rasseherrie by die Laerskool Wilgehof begin het, Craig Thiem, het toe nie opgedaag vir sy afspraak met die skool se beheerraad nie.
Hy sou by dié geleentheid die beweerde rassisme van onderwysers in die skool wat hy in ’n ellelange brief uiteengesit het, met die beheerraad bespreek het, berig die Volksblad.
Victor Goliath, voorsitter van die skool se beheerraad het gesê Thiem het egter op kort kennisgewing die beheerraad laat weet dat hulle die inhoud van die brief maar sonder hom moet bespreek.
Die waarnemende skoolhoof, Louis van Biljon, sal nou in opdrag van die beheerraad aan Thiem ’n brief skryf om te hoor wanneer dit hom sal pas om met die beheerraad oor die inhoud van die brief te vergader.
Goliath sê in die brief is daar niks nuuts nie, behalwe ou bewerings. Hy sê verder word daar ook “wilde bewerings” oor ander personeellede van die skool gemaak, maar hul name word nie genoem nie.
Thiem (51) van Thomas Leithstraat, Wilgehof, moet weer eerskomende Maandag in die Bloemfonteinse landdroshof op ’n aanklag van winkeldiefstal verskyn. Hy word daarvan aangekla dat hy kruideniersware van R524 in die Pick n Pay Hypermarket in Fichardtpark gesteel het.
Max du Preez het die “disinformasie, swak analise en politieke opportunisme” van instansies soos die Afrikanerbond en sekere ANC-faksies, skerp gekritiseer en gesê dit vertraag konsensus oor grondhervorming.
Du Preez het die Afrikanerbond as “erg onsensitief, en aanstootlik in sy a-historiese ontleding van grondeienaarskap en hervorming” afgemaak nadat hulle uitgebreide kritiek teen die ANC se opvatting van die 1913-wet gelewer het
Du Preez het die Nasionale Ontwikkelingsplan (NOP) se voorstel dat plaaslike liggame van belanghebbendes in elke distrik die oordrag van ongeveer 20 persent van landbougrond aan opkomende swart boere gee en kommersiële boere dwing om hulle te voorsien van ondersteuning, as die beste oplossing beskryf.
Die voormalige president Thabo Mbeki het onlangs gewelddadige grondbesetting in Zimbabwe geprys, en ANC-LP en Mandela-opvolger Mandla Mandela het dreigemente dat kommersiële plase onteien sal word, herhaal. Mbeki se opmerking is by ‘n lesing by die Thabo Mbeki African Leadership Institute by Unisa op 23 Augustus gemaak.
Die NOP-voorstel dat die staat boere gaan “aanmoedig” om aandele in hul plase aan plaaswerkers te gee, het tot konsternasie in georganiseerde landbou-kringe gelei.
Dit stel onder meer dat ’n plaaswerker met tien jaar se “gedissiplineerde diens” op ’n kommersiële plaas, geregtig is op 10% aandele in die eienaarskap van die grond. Ná 25 jaar diens is ’n plaaswerker geregtig op 25% aandele en op 50% ná 50 jaar.
Geen melding word gemaak oor wat gebeur as daar verskeie werkers op ’n plaas is wat al langer as tien jaar daar is nie. Plaaswerkers, wat tydelike en seisoenwerkers insluit, is nou geregtig op aandele in dié plase waar hulle woon en werk.
TLU SA het in sy reaksie gesê hoewel boere “vrywillig” deelneem is verwagtinge geskep waaraan nie voldoen kan word nie en sal dit tot spanning tussen grondeienaars en werkers lei. Dié organisasie het ook gesê die staat se voorgestelde model druis in teen ‘n vryemarkopset.
Jannie de Villiers, uitvoerende hoof van Graan SA, sê die voorstel is een van twee “grondplate in die aardkors diep onder die see” wat Suid-Afrikaanse landbou kan tref.
Die ander “grondplaat”, is Tina Joemat-Pettersson, minister van landbou, bosbou en visserye, se voorgestelde wetswysings aan die Bemarkingswet waarmee sy weer staatsbeheer wil instel.
“As een van dié twee grondplate skuif, gaan dit beslis ’n ‘tsoenami’ in landbou teweegbring,” het De Villiers gesê. Hy het gesê die plaaswerker-voorstel is ’n aanslag op privaatbesit en eiendomsreg en die wetswysiging aan die Bemarkingswet as ‘n “aanslag op die vrye mark” beskryf.
Agri SA het in reaksie gesê die Grondwet sal boere beskerm. Dié organisasie meen die gedwonge beskikbaarstelling van aandele sonder vergoeding sal “heel waarskynlik” in stryd wees met die Grondwet en hulle het individuele ooreenkomste tussen boere en plaaswerkers as ’n beter alternatief voorgehou.
Beeld berig dat ‘n gereelde RSG-kommentator, prof. Dirk Kotzé van Unisa, op Agri Noordwes se kongres in Rustenburg gesê het boere moenie paniekerig raak oor radikale uitsprake oor grondhervorming nie. Die ware stand van sake is “positiewer”.
Uitspraak is in die Appèlhof in Bloemfontein voorbehou in die saak oor die sluiting van die vlugtelingontvangskantoor in Kaapstad.
Die departement van Binnelandse Sake appèlleer teen ‘n uitspraak van die Wes-Kaapse hooggeregshof wat bevind het dat die departement se sluiting van die kantoor onregmatig was.
Die departement hou vol dat die besluit regmatig was en dat voldoende raadpleging plaasgevind het.
Sedert die sluiting kan duisende asielsoekers in Kaapstad nie aansoeke indien nie en loop die gevaar om gedeporteer te word. – RSG
Die ANC sê die DA het oorreageer deur hom tot die Hooggeregshof te wend oor ‘n wetsontwerp wat mense wat in die buiteland woon kan verhoed om vir die provinsiale verkiesings te registreer.
Die ANC se hoofsweep, Stone Sizani, sê die DA se besluit om hom tot die hof te wend oor ‘n wetsontwerp wat nog deur die parlement oorweeg word, maak nie sin nie.
Die DA en nog nege applikante het hofstukke oor die saak by die Wes-Kaapse hooggeregshof ingedien. Die DA se uitvoerende voorsitter, James Selfe sê hulle wil hê dat Suid-Afrikaners wat in die buiteland woon, stemgeregtig is vir sowel die nasionale as die provinsiale verkiesings.
Hulle glo dat die wet ongrondwetlik mag wees omdat dit die reg tot ‘n provinsiale stem uitsluit. Die DA wil sodoende verhoed dat kiesers in die buiteland net in 2014 hul stemme uitbring.
Die Vryheidsfront Plus het aan Suid-Afrikaners die reg om te registreer en te stem in aanstaande jaar se algemene verkiesing besorg. Dr. Corné Mulder, VF Plus-woordvoerder oor binnelandse sake, sê dit is belangrik dat voornemende kiesers in die buiteland opnuut bewus gemaak word van hul regte.
In hierdie verband sal die VF Plus van sosiale media soos Facebook en Twitter gebruik maak om die bepalings en implikasies van die nuwe opsie om wel in die buiteland te registreer en te stem, sterk uit te dra.
Dr. Corné Mulder sê hierdie vergunning is bereik nadat die party tot in die Grondwethof daarvoor geveg het.
Met die vorige verkiesing het die VF Plus ‘n groot aksie gedryf om Suid-Afrikaners in die buiteland bewus te maak van die feit dat hulle mag stem en die party was ook aktief betrokke om voornemende kiesers behulpsaam te wees met administratiewe prosesse om hul stem uit te bring.
“Die VF Plus het vir hierdie reg van alle Suid-Afrikaners tot in die Grondwethof gestry. Ons sal hierdie nuwe werklikheid onder die aandag van Suid-Afrikaanse burgers wêreldwyd bring omdat die 2014-verkiesing baie belangrik gaan wees.
Voor die VF Plus se oorwinning was net Suid-Afrikaanse regeringspersoneel, toeriste, studente en sportlui wat aan internasionale wedstryde in die buiteland deelgeneem het, toegelaat om te stem.
‘n Polisielid en ‘n amptenaar van die Suid-Afrikaanse Inkomstediens verskyn vanoggend in die landdroshof op Komatipoort op aanklagte van dwelmsmokkelary.
Hulle is by die Lebombogrenspos in Mpumalanga in hegtenis geneem omdat hulle blykbaar ‘n taxibestuurder van Mosambiek gehelp het om dwelmmiddels na Suid-Afrika te smokkel.
“Die polisieman het ‘n taxi wat van Mosambiek op pad was, deursoek terwyl die bestuurder sy paspoort laat stempel het. Kokaïen met ‘n geraamde straatwaarde van meer as R3 miljoen is in ‘n plastiekhouer gevind,” sê kol. Leonard Hlathi, polisiewoordvoerder in Mpumalanga.
Die konstabel het na bewering die SAID-werknemer, wat nie aan diens was nie, gebel om die dwelms na sy huis te neem.
‘n Polisie-operasie was reeds aan die gang nadat beamptes ‘n wenk ontvang het oor die taxi wat die land binnekom. Die polisiebeampte is in hegtenis geneem.
“Nadat die konstabel aangekeer is, het hy ons na die ander verdagte se huis geneem, waar hy die dwelms oorhandig het en in hegtenis geneem is.”
Die drie verskyn Donderdag in die Komatipoort-landdroshof.
Groot dele van Johannesburg is sedert Woensdag sonder elektrisiteit. Dit sluit die SAUK in wat reeds meer as 18 uur op noodkrag loop.
Duisende betalende inwoners is verontrief weens die kragonderbreking wat talle woonbuurte lamlê. Die woonbuurte wat geraak word sluit Houghton in waar oudpresident Nelson Mandela tans glo tuis aansterk, asook Alexandra.
Privaatkontrakteurs is ingeroep om die krag te herstel. City Power se segspersoon Louis Pieterse sê tegnici weier om na-ure te werk en het vieruur uitgestap ten spyte van die toevoerprobleem.
Afrikaanssprekende dele soos Cresta en dele van Roodepoort is ook geraak. Sommige woonbuurte se krag is laat gistermiddag herstel.
Pieterse sê hulle werk met ‘n groot agterstand en het gebruikers gevra om geduld te gebruik. Hy sê hulle probeer hul bes, want daar is onder normale omstandighede onderbrekings, maar met die onwettige staking, het die aantal opgehoop.
Eskom het die kragonderbrekings aan baie hoë verbruik Woensdag toegeskryf.
Pogings van die ANC om debat rondom die omstrede Wetsontwerp op Regspraktisyns in die parlement te vermy, is ‘n bewys daarvan dat die wetsontwerp bloot ‘n rookskerm van die ANC is om die regsprofessie te transformeer tot ANC-beheer, sê adv. Anton Alberts, die Vryheidsfront Plus se parlementêre woordvoerder oor justisie en grondwetlike ontwikkeling.
Die wetsontwerp het dit ten doel om ’n enkele landwye regsliggaam tot stand te bring om die bestaande prokureursordes en balierade te vervang.
Adv. Alberts sê benewens die feit dat dit prokureurs en advokate se grondwetlike regte van vryheid van assosiasie en die eiendomsregte van bestaande prokureursordes en balierade tot niet sal maak, is dit ‘n kwalik verbloemde poging van die ANC om groter beheer te verkry oor die regsberoep.
Hy sê die huidige stelsel van prokureursordes en balierade is oor eeue gevestig en dien die belange van die publiek goed, nieteenstaande die hoë kostes in hoër howe.
“Die VF Plus is gekant teen die wetsontwerp en beskou dit as deel van die ANC se oorhoofse transformasie-poging om beheer oor die regsprofessie te verkry.
“Indien die ANC ernstig was oor die verbetering van toegang tot regshulp, moes hy ‘n algemene regsfonds gestig het wat almal tot die vlak van middelklas kan finansier in ernstige sake soos kriminele sake en groot siviele eise.
“Indien die wetsontwerp deurgevoer word, sal dit sleg inwerk op die regbank van Suid-Afrika en sal dit tot nadeel wees van al die land se mense,” sê adv. Alberts.
Limpopo se premier Stan Mathabatha het die skuld vir die gewelddadige betogings wat losgebars het in die Thulamela Plaaslike Munisipaliteit hierdie week op stamgebondenheid geblameer.
Die Malamulele gemeenskap het Maandag op ‘n plundertog gegaan, eiendom beskadig , ‘n padskraper, vragmotor, ses motors, twee openbare stoorkamers, 37 huise, en vier kantore wat aan die departement van openbare werke behoort vernietig.
Die betogers eis hul eie munisipaliteit, apart van die Thulamela munisipaliteit .
“Ons doen ‘n beroep vir die gemeenskap van Malamulele om hulself te weerhou van die gebruik van stamgebondenheid in hul eis ,” sê Mathabatha se woordvoerder Kenny Mathivha .
Mathivha het erken dat die Malamulele-stam hul eie munisipaliteit eis vir baie jare al.
Hy het gesê dit was nie die bevoegdheid van die provinsiale regering om af te baken nie, maar dié van die Afbakeningsraad .
“Die Afbakeningsraad is in die proses om hul probleme aan te spreek en hulle sal die antwoord baie gou weet .
“Suid-Afrika is nie ‘n federale regering nie, maar ‘n grondwetlike demokrasie. Ons kan nie toelaat dat mense skade aan die infrastruktuur in 20 jaar van demokrasie aanrig nie. . Ja, hulle het hul bekommernisse, maar moenie gewelddadig raak nie,” het hy gesê.
Die Thulamela Plaaslike Munisipaliteit is verdeel in twee groepe, hoofsaaklik Venda en Tsonga. Die taalverskille binne die munisipale raad is gereeld ‘n probleem.
Limpopo se polisiewoordvoerder Hangwani Mulaudzi het gesê die gewelddadige protes word deur 15 000 lede van die gemeenskap gedryf.
“Meer as 15 000 mense het Maandagoggend op ‘n plundertog gegaan, eiendom beskadig en winkels geplunder.
“Vier van hulle winkelsentrums is beskadig en heeltemal geplunder, hulle het 37 huise verwoes, en ‘n padskraper, ‘n vragmotor, en ses motors aan die brand gesteek.
“Ons kon daarin geslaag om hulle te keer om die plaaslike hospitaal af te brand, met magsvertoon … Maandag was ons op volle sterkte vir die hele dag en ons moes rubberkoeëls gebruik om hulle te stop,” het hy gesê.
Mulaudzi het gesê 51 mense is in hegtenis geneem en aangekla van openbare geweld . Hulle sal na verwagting in die hof verskyn Woensdag.
Die situasie is “kalm”, maar die polisie is steeds ontplooi.
Die regering wil hidrouliese breking as ’n “beheerde bedrywigheid” klassifiseer ingevolge die Nasionale Waterwet.
’n Kennisgewing van dié voorneme is in die Staatskoerant gepubliseer, het Edna Molewa, minister van waterwese en omgewingsake, Dinsdag in Pretoria gesê.
Dit beteken dat hidrouliese breking ’n “watergebruik is en dus ’n watergebruikslisensie vereis”.
Die kennisgewing is op 23 Augustus gepubliseer en 60 dae word vir openbare kommentaar toegelaat.
Molewa sê objektiwiteit is oor hidrobreking nodig. “Ek wil so objektief moontlik bly ten einde die beste meganisme te vind om die land vorentoe te neem sonder dat ons waterbronne beskadig word.
“Ek wil hê wat die beste is vir Suid-Afrika, veral vir ons waterbronne en omgewingsake.”
Molewa sê “alle voorsorgmaatreëls word getref om te verseker dat die moontlike uitwerking van hidrobreking op ons water versigtig, versigtig, bestuur en beperk word.”
Die kabinet het verlede jaar die moratorium op aansoeke om eksplorasie-lisensies vir skaliegas deur middel van hidrobreking opgehef. Eksplorasie in die Karoo sal moontlik reeds voor die 2014-verkiesing gemagtig word, het dr. Rob Davies, minister van handel en nywerheid, in Augustus gesê.
Die Alliance Against Fracking in SA meen wetgewing is onvoldoende om die bedryf te reguleer.
Die Treasure Karoo Action Group sê die regering maak grootliks staat op navorsing wat in opdrag van die departement van minerale bronne gedoen is en dit skiet te kort. – Sapa
Unileverhet Dinsdag gesêhulle het ‘n advertensie vir‘n gewildemargarienhandelsmerkinSuid-Afrika onttrek nadat ditveroordeel is ashomofobies.
Die advertensievirFlora–margarien, watis beskouword rykinOmega-3vetsure engoed vir die hart, word vertoonmet die woorde “uhh,paek isgay”,by ‘nporseleinhart.
“Jy moet‘n sterkhartvandag hê,” lui dieopskriflangs dieFlora–logoteen ‘n ligtepienkagtergrond.
Unileverhethom gedistansieer vandieadvertensie,wat deur ‘nSuid-Afrikaanseagentskap vervaardig is.
“Die advertensie gee aanstoot en is onaanvaarbaar enons het‘n onmiddellikeeinde daaraan gemaak,” hetUnathiMgobozi,‘n woordvoerder virdie Suid-Afrikaansefiliaal vanUnilever gesêin‘n kortverklaring aanAFP.
Sy het niebesonderhede gegeevanhoe lankdie advertensiealloopofwaar ditgepubliseer is nie.
“Hierdie advertensieis opgestel deur‘n eksterneagentskapinSuid-Afrika enisnie goedgekeur deuriemandbyUnilever nie,” het sy gesê.
“Unileveristrots op dieondersteuning watons weetons gee aan lesbiese,gay,biseksuele entransgendermense, insluitendedie onlangseveldtog vir gelyke huwelike.“
Dieplaaslike advertensie-maatskappy wat verantwoordelik isvir dieFlora–advertensiehet nie dadelik reageerop ‘n versoekvir kommentaar nie.
Ten spyte vanwetlike beskermingvirgaymense,loop Suid-Afrikadeur onder homofobiesegeweld, insluitende ‘n hoë voorkoms van “korrektieweverkragting“. – Sapa/AFP
