Suider-Afrika Archives - Page 129 of 888

Kaap van Storms: Wind sal teen Vrydag weer optel

Die stormsterkwinde wat bome ontwortel het, vier vragmotors omgewaai het en ‘n ekstra koue in Kaapstad sal na verwagting weer Vrydag optel.

‘n Weervoorspeller by die Kaapstadse weerkantoor Thabisile Ntleko het gesê winde bereik snelhede van tot 55 km/h, met vlae van tot 70km/h in plekke.

Sy het bygevoeg dat daar ‘n “breek” in die reën kan wees, maar nog ‘n kouefront kan verwag word teen laat in die middag.

Sy het bygevoeg dat dit te vroeg in die seisoen is om te vergelyk met die weer van die vorige jaar, maar het gesê dit bevat ‘n paar somerelemente.

“Die sterk winde is ‘n somerverskynsel in die winter, want ons is gewoond aan ‘n sterk suidoostewind.”

Reën word ook verwag langs die suidkus Vrydag, maar Ntleko gesê dit sal nie swaar reën wees nie.

Vier vragmotors is deur die stormsterkwinde omgewaai wat gelei het tot die sluiting van die Hugenotetonnel sedert Dinsdag.

Drie van hulle is Woensdag verwyder, met een wat steeds teen die einde van Woensdagaand nog nie weggesleep kon word nie.

Die Wes-Kaap se verkeershoof Kenny Africa het vroeër gesê die tonnel sal vir “ligte motorvoertuie” open deur Woensdagmiddag terwyl motoriste steeds Du Toitskloofpas gebruik as ‘n alternatiewe roete.

Die Bainskloofpas moes ook gesluit word Woensdag ná bome omgewaai het, en die pad versper het. Die pas was gesluit vir die grootste deel van Woensdag.

Verslag sê korrupsie in SA buite beheer

Korrupsievlakke in Suid-Afrika is glo heeltemal buite beheer en byna enigiets kan teen ‘n prys verkry word.

Dit is volgens Steven Powell, mede-hoof van forensiese regsfirma ENSafrica wat kommer uitgespreek het dat korrupsie besig is om goed gevestig te raak in munisipaliteite en in die regering.

ENSafrica het sy 2015 anti-omkopery en korrupsie-opname vrygestel wat onder andere Suid-Afrika, Ghana en Nigerië, geïdentifiseer het as korrupsieneste.

Die opname het bevind dat voorvalle van omkopery in Afrika toegeneem het, maar terselftertyd het bewustheid oor anti-omkopery ook toegeneem.

Maar Anthea Jeffery, hoof van beleidsnavorsing by die Suid-Afrikaanse Instituut vir Rasseverhoudinge (SAIRR), sê dit is moeilik om te bepaal of korrupsie werklik buite beheer is, want dit is moeilik om te kwantifiseer.

SA reg vir nuwe kernbouprogram sê Necsa

Suid-Afrika sal sy kernbouprogram, wat groot kapitaalbeleggings in kernkragsentrales beteken, met behulp van sy bestaande vermoëns uitbrei.

Die Suid-Afrikaanse Kernenergiekorporasie (Necsa), sê hulle is gereed om die nuwe kernbouprogram vir Suid-Afrika te steun.

Die adjunk-direkteur-generaal van die Departement van Energie belas met kernkrag, Zizamele Mbambo, het dit bevestig tydens ‘n besoek saam met die portefeuljekomitee rakende energie wat die Suid-Afrikaanse Kernkorporasie naby Atteridgeville in Pretoria besoek het.

Die komitee wil die gereedheid van die korporasie vasstel voor die inwerkingstelling van die kernbouprogram.

Die bodproses vir die transaksie, wat honderde miljarde rand kan beloop, sal die maand nog begin.

Mbambo sê die regering se kernkragplanne word vervat in die kernenergiebeleid van 2008 waarvolgens die land beoog om selfonderhoudend ten opsigte van kernkrag te wees.

Necsa het gesê dat die nuwe kernbouprogram sal nie alleen bydra tot energiesekuriteit nie, maar ook ekonomiese groei, die ontwikkeling van infrastruktuur, asook die ontwikkeling van vaardighede en werkskepping.

“Die belangrikste is, en in lyn met die huidige wêreldwye konsensus, dat kernkrag sal bydra tot die vermindering van Suid-Afrika se koolstofvoetspoor. Kernkrag is die sleutel in die stryd teen klimaatverandering.”

Rusland se regering sê hulle is gereed om Suid-Afrika se nuwe kernkragsentrales te help finansier – wat na raming soveel as $100 miljard kan kos – indien die staatsbeheerde Rosatom die konstruksietender kry.

Rosatom het reeds verskeie befondsingsmodelle voorgestel, het Viktor Polikarpof, die streeksvisepresident vir Suidelike Afrika, vroeër gesê in ‘n onderhoud in Kaapstad. Een voorstel is ‘n Russiese lening.

Die lening sal oor 20 jaar afbetaal kan word en Suid-Afrika sal eers begin terugbetaal wanneer die eerste aanleg in bedryf is, het hy gesê.

“Die rentekoers wat die [Russiese] regering bied, is nie baie hoog nie, en dit is regtig winsgewend,” het Polikarpof gesê. “Mens sal nie hierdie rentekoers op enige ander plek, by enige ander bank kry nie.”

Suid-Afrika beplan om 9600 megawatt se kernkrag te voeg by die nasionale netwerk en wil die eerste reaktors teen 2023 in werking stel, ‘n teiken wat Polikarpof sê haalbaar is.

PRASA-hoof lê klag van sameswering tot moord

‘n Klag van sameswering tot moord is by die Gautengse polisie gelê deur die voorsitter van die Passasierspooragentskap, Popo Molefe.

Die Gautengse polisie het bevestig dat die klag in Sandton gelê is.

Molefe is verantwoordelik vir die afdanking van PRASA se bestuurshoof, Lucky Montana en die skorsing van die hoofingenieur, Lucky Mthimkulu verlede week.

Die Openbare Beskermer, Thuli Madonsela sal na verwagting teen 3 Augustus ‘n verslag oor beweerde wanbestuur by PRASA bekendmaak.

Molefe beweer dat sy lewe bedreig word. Hy sê hy het notules van ‘n vergadering ontvang waarin sy veiligheid die onderwerp van bespreking was.

Molefe sê sedert die vergadering tree mense waar hy woon vreemd op.

Dit is nog nie duidelik wie die mense is wat by die sameswering betrokke is nie, maar die dreigement het glo van MK-kaders gekom.

Aanranding van plaasbestuurder by Winburg ondersoek

Die polisie in die Vrystaat ondersoek ‘n klag van gewone aanranding nadat ‘n plaasbestuurder gisteraand na bewering deur twee swart mans buite sy huis op ‘n plaas tussen Winburg en Virginia oorval en aangerand is.

Polisiewoordvoerder, Ian Gaobepe, sê Josef Mathetau se hande is glo vasgebind. Volgens Gaobepe word niks van die toneel vermis nie.

Hy sê Mathetau het glo ontsnap en hulp by ‘n buurman gaan soek, waarna die polisie ontbied is.

Luidens ‘n verklaring van Vrystaat Landbou is Mathetau met ‘n voorwerp teen die nek geslaan, waarna hy sy bewussyn verloor het.

Vrystaat Landbou sê Alf Bronner, eienaar van die plaas waar Mathetau al 25 jaar werk, is bekommerd oor sy werknemer se welstand en hy sal sy toestand monitor. Volgens Bronner het Mathetau sy bewussyn verloor nadat hy geslaan is.

Toe hy wakker word was die booswigte nog op die toneel.

‘n Swart driepootpot wat aan Mathetau behoort, is ‘n ent verder op ‘n oop vuur gekry met ‘n sak vleis langsaan.

Gaobepe sê niemand is nog in hegtenis geneem nie.

Die polisieondersoek duur voort.

Gelukwensinge stroom in vir Afrikanervrou wat swart huisrower doodskiet

Nadat Beeld ‘n berig geplaas het oor ‘n vrou wat ‘n swart huisrower naby Mooinooi in Noordwes doodgeskiet het, stroom gelukwensinge steeds van lesers in. Tina du Toit het in ‘n hangkas weggekruip, maar kans gehad om haar rewolwer vanuit die kluis te gaan haal terwyl rowers die res van haar gesin, waaronder haar “hoogswanger” dogter en skoonseun, met ‘n koevoet, mes en pistool aangehou het.

Tina du Toit sê: “Ek kon sien hoe loop een van hulle verby die kas na my man toe. Hy dwing hom toe op sy knieë. ‘Ek skiet jou vrek, jou wit Boer,’ het een vir hom gesê terwyl hy die kabel om sy gewrigte probeer bind het. Hy was aggressiewer as die ander,” het Tina gesê.

“Hy kon dit nie regkry (om die kabel vas te bind) nie en het reguit na die kas gekom. Ek het die rewolwer reg gehou. Hy het in die kas begin grawe. Ek het die rewolwer reg gehou en hom vol in die gesig getref. Ek skiet hom toe weer ’n keer in die gesig,” het Tina gesê en begin huil.

Die koerant berig verder:

Die ander twee het weggehardloop toe hulle die skote hoor.

“Ek lees elke dag op Facebook van die plaasaanvalle en ek het elke keer gebid en gevra dat die Here my gesin moet beskerm en my in beheer moet plaas.”

Tina is verbaas oor hoe kalm sy was.

“Ek het God binne-in my gevoel toe ek daar in die kas gelê en wag het. Ek is so God-dankbaar-bly my gesin is orraait. My hele gesin kon voor my oë uitgewis gewees het.”

Sy is ook bang haar gesin se beproewing is nie verby nie.

“Nou leef ek met die vrees dat hulle kan terugkom. Hulle het die een wat ek doodgeskiet het 12 keer probeer bel – sy foon was nog by hom.”

Sy het nog nie ’n verklaring by die polisie afgelê nie weens die erge skok. Haar rewolwer is wel in die polisie se besit.

“Ek gaan nie sonder my rewolwer terug na die huis toe nie. As dit nie vir daai rewolwer was nie, was my hele gesin vermoor . . . Ek vrees wat voorlê.”

Daar woed iets van ‘n oorlog in die gebied tussen Rustenburg en Brits waar mnr. Braam Blignaut verlam is toe hy ‘n week gelede deur huisaanvallers geskiet is.

Op Netwerk24 se Disqus-kommentaarblad het lesers geesdriftig op Tina du Toit se optrede gereageer deur te sê:

Pieter du Toit: Mooi so Tina ons is trots opjou, mag Jesus vir julle styf in die holte van Sy hand bewaar En ek glo dat Hy engele opdrag sal gee om julle te bewaar. Vrede.

Frans van der westhuizen: UITSTEKEND, welgedaan, bravo, uiteindelik, mooi so. Mense dit is julle enigste uitweg want di polisie is hopeloos. Help en beskerm julle self. De hel met die res. Hoop dit gebeur sommer vele meer kere sodat hierdie kriminele tweekeer sal dink. Mooi so Tina jy behoort n goue medalje te kry vir jou braafheid. Ek is baie beïndruk.

Great Dane: Welgedaan Tina. Die ander twee sal verseker tweekeer dink voordat hulle wil teruggaan. As die polisie hulle sout werd is behoort hulle die twee op te spoor deur die selfoon oproepe.

Charl Hattingh: Mooi. Gee daai dame ‘n pallet vol Bell’s. Ons het meer suke mense nodig.

Riaan van Zyl: Wel, een van die drie sal dit nie weer doen nie. Sterkte.

Carl Jordaan: Tina, baie sterkte, julle is deur hel, en het dit oorleef. Julle behoort almal vir berading te gaan, dit is nie maklik om na so n slegte ervaring net weer normaal aan te gaan nie. Ons as Suid-Afrikaners is getraumatiseer, ons is stukkend, ons is kwaad, maar die wat verantwoordelik is vir wet en orde, voel vere.

7×57 M: Hoe kan die polisie die rewolwer by die vrou afneem? Dis nog n onding wat moet stop. Hulle besluit seker nog of sy van ” moord” aangekla moet word. Die staat behoort sulke slagoffers van geweldadige misdaad persoonlik te beskerm tot die ander vuilgoed agter tralies is.

Pieter Muller: Beslis goeie nuus vir n slag, jy het geen rede om sleg te voel nie, daardie uitvaagsel het geen nut op hierdie planeet gehad nie. Net jammer die ander twee is ook nie bokveld toe gestuur nie!

David Potgieter: En wat doen Stortkop? Draai net sy kop weg! hehehehehehe!!!! Dit is mos wat hy wou gehad het toe hy ‘n jong man was.

JJ Olivier: sommer 2 keer indie gesig!!..dis tyd dat die afrikaaner begin terug baklei …ons mense word gemartel op plase en roof is soos brood en melk koop dit geneur met almal!..skiet die blksems!!!!!!

Mimi SWART: As geweld met geweld begroet word sal die booswigte minder “mak” wees om hulle bose planne uit te voer. It takes two to tango”.

Susan Neethling: 10 uit 10 Tina!! God was verseker met julle!! Ons glo en vertrou die kleinding sal een van die dae gebore word sonder enige komplikasies…Sterkte vorentoe!! Kry nog wapens indien die Polisie nie die spesifieke wapen wil terug gee nie…elke tweede dag ‘n aanval in Mooinooi se omgewing veral op die kleinhoewes…

A Conradie: Ja, maar nou het die polisie haar wapen. Hulle kan hulself vir n tyd lank nie beskerm.

Clarence Hewson: Kan iemand se hoekom die polisie iemand se wapen vat na wat ooglopend n situasie van selfverdediging was? En hoe lank mag hulle die wapen hou? Want daardie mense kan nou nie terug gaan na hulle huis toe nie omdat hulle hulself nie kan verdedig nie en twee van die aanvallers loop nog los.

D Roeder: As die polisie ‘n misdaad ondersoek of selfs ‘n ondersoek doen om ‘n geregtelike ondersoek te hou mag hulle die wapen neem om dit te laat toets. Ballistiese toetse ondermeer van die koeelpunte wat uit die kop van die dooie rower gekry is. Daar moet formeel bewys word dat die wapen die koeel afgevuur het. Dit kan weke vat want die ondersoeke deesdae is nie van die doetreffendste nie. Dis nie onmoontlik dat ‘n rassistiese p[olisieman swal probeer om haar van moord aan te kla nie. Popcru hou nie daarvan dat witmnense hulleself verdedig nie.

Hennie DE BEER: Ek stem saam met Andre – die foto kan `n heel verkeerde boodskap uitstraal. Die feit dat almal ook nou weet dat hulle deur die polisie ontwapen is maak die risiko nou soveel groter. Welgedaan Mev. du Toit – jou blitsvinnige reaksie het beslis leeue moed en `n koel kop geverg.

Billy Augustyn: Pragtig, Mevrou!!!

Willem Liebenberg: Is daar nog iemand wat wil beweer dat daar geen rassisme betrokke is by plaasaanvalle nie? Ek glo nie! Maar laat een swartetjie nou enigsins iets oorkom – boeta, dan is daar nou vir jou moelilikheid.

Die Bronx: Sien jy, Willem? Daar verwyder Netwerk 24 my kommentaar. Seker omdat hulle dit “rassisties” vind. Maar gereeld plaas hulle berigte van mense wat ontken dat hierdie aanvalle ook, soos weereens bewys deur hierdie aanvallers se dreigement: “Ek sal jou doodskiet, jou wit Boer”, rasgedrewe is. As hierdie vrou nou na die aanvaller se ras sou verwys het voordat sy hom geskiet het sou dít seker rassisme gewees het, Maar nie as ‘n swart aanvaller na sy slagoffer se ras verwys in ‘n doodsdreigement nie. Dit is tyd dat ons deurlopend na hierdie aanvalle begin verwys as “genocidal attacks”.

pieter van zyl: Pragtig dametjie. As die regering nie die doodstraf wil terugbring nie, moet ons maar self die doodstraf uitvoer.

Witbanker: As die polisie enige integriteit het, sal hulle haar pistool aan haar teruggee. Hulle sal ook sorg dat die booswigte gevang word en agter tralies BLY sonder borg. Dit is seker nie vergesog nie dat hulle haar nou gaan aankla van moord.

Pieter Labuschagne: In die gesig! Briljant!

RINA MYNHARDT: Dapper vrou! Jy verdien voorwaar medalje! Baie sterkte vorentoe!

LOURENS KRITZINGER: UITSTEKEND! ALMAL IS GATVOL VIR MISDAAD! GOD IS VIR ONS,WIE KAN TEEN ONS WEES?

Ansie Schlebusch: Mooi so, Tina – baie dankbaar julle is almal veilig. Gaan eis jou pistool onmiddellik terug – kry ‘n hofbevel indien nodig. Dis sommer twak dat hulle jou pistool konfiskeer as jy duidelik uit noodweer opgetree het.

A VAN JAARSVELD: Dit is standaardprosedure. Die ballistiese deskundiges moet die doppie en vuurwapen met bewyse aan die misdaadtoneel kan verbind vir die geregtelike doodsondersoek.

Pieter Brummer: Goed kopgehou. Sterkte vir julle. Sonder om negatief te wees – wat het die rewolwer in die kluis gesoek?. Daar is daagliks nuus oor hoewe en plaas aanvalle en nog steeds is ons mense nie paraat nie. As jy tuis is hoor jou vuurwapen by jou nie in die kluis nie. Ek is baie blt dinge het goed uitegwerk en dat julle veilg is.

vettie gouws: Dit is verskriklik. Mens moet bid vir veiligheid en dan moet mens bid dat die Here jou sal vergeef dat jy iemand doodskiet om jou eie gesin te beskerm. Mens weet nie meer watter kant toe nie.

Karin Burger: Wanneer gaan ons mense op plase,kleinhoewes en selfs in dorpe en stede leer dat die belangrikste deel om jouself en jou gesin te beskerm is om n doeltreffende vroee waarskuwing stelsel te he wat 100% werk. Al die vuurwapens in die wereld gaan jou niks help as jy en jou gesin verras word nie.

Leana Jooste: Dank die Vader Hy het jou wel in beheer geplaas en jou gebede geanwoord. Dit was of hulle of jy en jou gesin, jy het gedoen waarvoor jy Krag ontvang het en hoef nie skuldig te voel nie. Jy is ‘n heldin. All sterkte vorentoe vir jou en jou gesin.

Hester Swart: EK STEM SAAM MET WAT FRANS SE. WELGEDAAN TINA.!!!!

Andra du Mont: Sterkte vorentoe

Nicola Smit: Whooohooo Eks so so bly vir jou Tina!!

Shaun van Niekerk: Mooi so. Net jammer sy kon nie die ander twee ook uitwis nie.

G Scheepers: BRAVO ! (1000 keer!)

Petro DOman: Dankie Tina, dat jy jou en jou gesin beskerm het. Sterkte met alles wat voorle, die trauma en die vrees wat julle nou sal moet oorwin.

Derek Bekker: sal die nuus vanaand met n braai vier

E Smith: so bly julle gesin is veilig, maar o wee wanneer sal die media besef dat hulle nie moet foto’s plaas van mense wat die rowers skiet en/of terugveg nie. Dit maak mos dat hulle (slagoffers) geteiken gaan word.

Pieter Erasmus: Hoop nie die vrou word nie aangekla nie want jy mag mos net terug skiet as jy klaar doodgeskiet is.

Fanie BRINK: Ek sou dit darem gelaaik het as sy met nog net 1 skoot sy knaters uitgeskiet het!!!

WILLEM DE BEER: Mooi werk, Tina !

Karin Burger: So hoekom fotos en name plaas van die gesin.Well done Dame maar jou vuurwapen moes by jou gewees het veral as jy op n plaas of kleinhoewe bly.

Wangedrag in parlement sal tot skorsing lei

Parlementslede wat hulle aan swak gedrag skuldig maak en weier om die Nasionale Vergadering te verlaat, kan ‘n onmiddellike skorsing te wagte wees, het RSG berig.

Dit is een van die voorstelle wat aanvaar is deur die sub-komitee wat die reëls in die Nasionale Vergadering hersien het.

Die subkomitee het egter nie so ver gegaan as om te besluit dat parlementslede dadelik sonder betaling geskors kan word nie.

Die voorsitter van die komitee, Richard Mdakane sê lede wat ontwrigting veroorsaak kan vir tussen vyf en tien dae geskors word.

Aftrekkings van hul salarisse kan egter eers ná ‘n ondersoek plaasvind.

Koreaan met houtswaard teen swart aanvallers

Dit was ’n swart bende met ’n handwapen teen ’n Koreaan met ’n Oosterse houtswaard toe geweld Sondagaand net voor elfuur in ’n dubbelverdiepinghuis teenaan die Walvisbaaise strandmeer losgebars het.

Die Oosterse swaard het een barshou ingekry en die Koreaan was ook aan die ontvangkant toe ’n koeël van die aanvallers hom net bokant sy linkerknie getref het.

Drie skote is deur die vier aanvallers in die huis van die Koreaan gevuur met net die een koeël wat op ’n kort afstand ’n ligte vleiswond aan die Koreaan besorg het. Die man van die Ooste, sy vrou en dogter was in die huis toe die vier verdagtes toegang verkry het nadat hulle ’n skroewedraaier by een van die deure gebruik het.

Voor die aanval het van die inwoners van die omgewing reeds kommer uitgespreek oor vier onbekende mans wat hulle in die omgewing van die strandmeer se kant bespied het. Opvallend in hul drag was hul petjies elkeen in ’n ander kleur – wit, blou, rooi en swart.

Van die aanvallers het ook sulke petjies gedra.

Nadat die vier mans toegang tot die huis verkry het, is twee na die boonste verdieping en het twee op die grondvloer gebly. Die Koreaan (sy naam word weerhou) is blykbaar in een van die Oosterse vegkunste opgelei.

Hy is blykbaar in die konstruksiebedryf by die bou van ’n groter Walvisbaaise hawe betrokke. Toe hy hom met die swaar houtswaard verset het, het die drie skote deur die buurt weergalm.

Die swaard is ’n gewigtige wapen en ná een voltreffer daarmee en ná die drie skote het die aanvallers op die vlug geslaan. Hul enigste buit was ’n skootrekenaar en ’n duur selfoon.

’n Buurman, mnr. Dean Theisinger, het die skote gehoor en ondersoek gaan instel. So laat in die aand was hy nie seker waarvandaan dit gekom het nie.

Nadat hy die derde skoot hoor val het, het hy met die buurtwag geskakel en self uitgegaan en in sy motor ’n paar draaie in die buurt gery op soek na die aanvallers en die plek van die aanval.

By die betrokke huis het hy iemand sien staan wat blykbaar net daarna om ’n hoekie weggeglip het. Hy meen sy soekery per motor het sowat ’n kwartier geduur en toe hy teruggekom het, was die aanval verby.

Theisinger is een van die inwoners van die buurt wat die vier mans met die petjies voor die aanval in die omgewing sien dwaal het.

Die Koreaan se vrou en dogter het skok opgedoen, maar is nie in die aanval beseer nie. Sondagaand het die gesin van drie op ’n ander plek gaan slaap, maar gister sou hulle terugtrek nadat sekuriteit verskerp was.

Bron: Die Republikein

Fossielversameling open na omstrede oproep deur premier

Die grootste fossielversameling op die Afrika-vasteland is in Johannesburg geopen. Die voormalige minister van Wetenskap en Tegnologie en huidige minister van Toerisme, Derek Hanekom het die opening waargeneem.

Fossiele soos die Taung-kind sal in die Phillip Tobias Primaat- en Homonied-fossiellaboratorium by die Universiteit van die Witwatersrand se Instituut van Evolusionêre Studies gehuisves word.

Die Taung-skedel was voorheen die onderwerp van ‘n woordestryd tussen Wits Universiteit en die Noordwes regering ná ‘n oproep deur die Premier Supra Mahumapelo vir die terugkeer van die beroemde skedel na die provinsie.

Mahumapelo die oproep gedoen voor meer as 5 000 mense tydens Erfenisdagvieringe in Orkney verlede jaar.

Die skedel is ontdek deur bekende antropoloog Professor Phillip Tobias. Dit is gehou by die universiteit en wyd gebruik vir navorsing.

Wetenskaplikes het onlangs egter verklaar Australopithecus africanus was nie soos ‘n gewone kleuter van vandag nie. Die breinholte toon geen versnelling in breingroei in sy eerste paar maande soos met moderne babas nie, wat dit minder menslik maak as wat voorheen geglo is.

Dr Kristian J. Carlson sê ‘n ondersoek het bewys dat daar geen getuienis is dat die skedel kenmerke van ‘n menslike baba bevat nie.

Mahumapelo het toegegee dat die universiteit onbewus is van hul besluit. “Ons wil eers die nasionale Departement van Kuns en Kultuur betrek,” het hy gesê, en bygevoeg dat hulle die skedel wil gebruik as ‘n toeriste-aantreklikheid.

Panyaza Lesufi vat Gauteng-skole se tablette weer terug

Die LUR vir onderwys in Gauteng, Panyaza Lesufi, wat laas nog gedreig het om die Curro-skool Roodeplaat “toe te maak” omdat swart en wit graadnulleerlinge “apart” van ‘n bus afgeklim het, het so pas tabletrekenaars wat sy departement aan skole uitgedeel het, teruggeëis. Volgens die departement bevat sommige tablette nie “veiligheidsprogrammatuur” nie en word almal vir herinstallering herroep.

‘n Amptenaar van die departement het egter aan ‘n skoolhoof aan die Oos-Rand gesê: “Julle gaan nie jul tablette terugkry nie. Dit word aan die matrieks in die provinsie gestuur.”

Die dagblad Beeld het vroeër berig dat daar “meer as 60 000 tabletrekenaars in die afgelope week aan Gautengse skole uitgedeel is”, maar blykbaar net aan oorwegend swart skole. In Lesufi se Gauteng mag wit kleuters nie sonder swartes uit die bus klim nie, maar jy mag maar diskrimineer as dit by tabletrekenaars kom.

Volgens Phumla Sekonyane sal skole weer hul tabletrekenaars terugkry, maar is nie seker wanneer dit sal gebeur nie.

“Ons is vasbeslote dat alle skole in Gauteng aan die papierlose klaskamer-projek sal deelneem,” sê sy.