‘n Swarte is Maandag in die Noord-Kaap in hegtenis geneem vir die besit van wat klaarblyklik gesteelde koper is.
Die vermeende koperdief is in Lerato Park, Roodepan, gevang.
Die koper word gewaardeer op sowat R50 000, het Noord-Kaapse polisie gesê.
Polisie het ‘n wenk ontvang oor twee swartes wat ‘n kruiwa gelaai met koper gestoot het, maar toe hulle daar aankom was daar glo net een man, het luitenant Donald Mdhluli gesê.
Die swarte sal in die Galeshewe-landdroshof verskyn.
Openbare geweld by Mandlagazi buite Tzaneen in Limpopo word deur die polisie ondersoek nadat ‘n skare swartes drie huise, twee motors en ‘n sjebien in ligte laai gelaat het.
Die skare het volgens berigte ‘n huis afgebrand wat behoort aan ‘n ryk sjebieneienaar.
Niemand is nog in verband met die voorvalle in hegtenis geneem nie.
‘n Polisiewoordvoerder, Moatshe Ngoepe sê meer polisiebeamptes sal in die gebied ontplooi word.
Geweld het Sondag uitgebreek nadat die man dood aangetref is in sy slaapkamer maar die motief is nog onbekend op hierdie stadium.
“Lede van die gemeenskap beskuldig ongelukkig die sjebieneienaar dat hy verantwoordelik is,” het Ngoepe in ‘n verklaring gesê.
Hulle het die eienaar se motors, dubbel-verdiepinghuis, kroeg, en sy ouers se huis aan die brand gesteek. Die skade is na raming sowat R4 miljoen.
Tydens die voorval is ‘n familielid van die sjebieneienaar aangerand. Hy het ernstige beserings opgedoen.
Die polisie ondersoek klagtes van openbare geweld, brandstigting, opsetlike saakbeskadiging en aanranding met die opset om ernstig te beseer.
Die departement van kommunikasie gaan buurlande help om satellietskottels aan te skaf sodat hulle SABC-propaganda kan volg.
Die regering het ‘n veldtog aangekondig wat veral swart Suid-Afrikaners in staat sal stel om met skottels en toestelle uitsaai-seine na digitaal om te skakel.
‘n Woordvoerder van die Departement van Kommunikasie, Solly Mokoetle het bevestig dat die regering vyf miljoen swart huishoudings gaan help met toestelle om die uitsaai-seine om te skakel.
Dié maatreëls word onderneem ter voorbereiding van die omskakeling van analoog na digitaal-uitsendings van Junie vanjaar af.
Wit kykers sal self vir die omskakeling moet betaal as hulle belangstel om die SABC se volg.
Mokoetle sê dit is belangrik om inwoners op die grense van Namibië, Botswana, Mosambiek, Swaziland en Lesotho eerste te help.
By PRAAG probeer ons om vir al ons aanlynkopers flink en voortreflike diens te lewer. Vanoggend weer het ons ‘n goeie voorbeeld van ‘n tipiese aanlyntransaksie waar Klant X naby die Hartebeespoortdam ‘n eksemplaar van AWEREGS deur Dan Roodt bestel het. Aangesien hy met PayPal/kredietkaart betaal het, was die betaling onmiddellik en kon ons dadelik die boek gaan pos. Trouens, tussen die kennisgewing vanaf ons aanlynwinkel tot die registrasie van die item by die poskantoor het slegs 96 minute verloop!
Die boek is presies om 7:42 vanoggend gekoop:
Slegs 96 minute later is die boek gepos, om 9:18:
Gewoonlik word die pos teen 14:00 elke middag afgehaal, dus sal die pakkie vanaand reeds by die Johannesburgse sorteersentrum genaamd “Witspos” wees en teen môre onderweg na sy bestemming. Sodoende slaag ons daarin om binne twee tot drie werksdae vir u ‘n boek te lewer; binne 24 uur indien u van die koerieropsie teen ‘n ekstra koste van R70 wil gebruik maak.
Met ‘n bietjie geluk, behoort hierdie boek oormôre in die kliënt se posbus naby die Hartebeespoortdam te wees.
Vertel gerus u vriende en familie van ons vaartbelynde boekdiens! Ons het ‘n gholfkarretjie wat heel dag heen en weer poskantoor toe ry om boeke te gaan pos om te sorg dat elke bestelling stiptelik uitgevoer word.
Besoek ons aanlynwinkel hier.
Betogers in Tokio, Japan, het plakkate uit protes teen die gebruik van kernkrag opgehou. Die land se regering onderspeel die skade wat die ramp veroorsaak het.
Duisende beswaardes het tydens hul optog ’n beroep op die regering gedoen om kernkrag in hul land te staak.
Die optog volg op die vooraand van die vierde herdenking van die 11 Maart-aardbewing en tsoenami wat verskeie ineenstortings by die Foekoesjima Dai-itsji-aanleg veroorsaak het.
Ten spyte van Japan se kernramp het sy regering vroeër besluit dat kernkrag as bron van elektrisiteitvoorsiening sal voortgaan.
Verskeie kernkragreaktors wat sluimerend was, is weer aangeskakel. Die land se minister van handel en nywerheid het verlede jaar aan verslaggewers gesê dat die regering “realistiese en pragmatiese energievoorsiening” beoog.
Japan het voor 2011 se Foekoesjimakernramp ongeveer 30% van die land se totale kragvoorsiening van kernkrag ontwikkel.
Ten minste 23 reaktors in die VSA is dieselfde generasie foutiewe General Electric-model wat misluk het in Foekoesjima.
Die Obama-administrasie word intussen daarvan beskuldig dat hulle die gevare van die reaktor se ontwerp onderbeklemtoon.
Tot nou toe, is dit geheim gehou dat General Electric die ses kernreaktors ontwerp het wat beskadig is en gesmelt het in 2011.
In werklikheid, het GE ook drie van die ses vervaardig, terwyl Toshiba twee gebou het en Hitachi een.
Die ontwerp van vyf van die ses reaktors is die GE Mark I model, terwyl die sesde die GE Mark II weergawe verteenwoordig.
Beide modelle is gekritiseer in die 1960’s as gebrekkige ontwerpe.
Byna vier dekades gelede het Dale G. Bridenbaugh en twee van sy kollegas by General Electric hul werke bedank nadat hy al hoe meer oortuig geraak het dat die kernreaktorontwerp so gebrekkig is dat dit kan lei tot ‘n verwoestende ongeluk.
Vrae oor die vermoë van die Mark 1 om die geweldige druk te hanteer wat wat opbou indien die reaktor sy verkoelingskrag verloor, het nooit opgehou nie en is ongelukkig deur die uiteindelike ramp te laat beantwoord.
GE en sy voorsitter Jeff Immelt persoonlik is albei rojale donateurs van Barack Obama en die Demokratiese Party.
Twee Moslemverdagtes is die naweek in hegtenis geneem in verband met die moord op die Russiese opposisie-figuur Boris Nemtsof (55) ’n week gelede.
Aleksander Bortnikof, hoof van Rusland se federale veiligheidsdienste, het in ’n verklaring op staatstelevisie bekend gemaak dat die twee verdagtes uit die Noord-Kaukasus kom.
Hy wou geen ander besonderhede bekend maak nie.
Nemtsof is doodgeskiet toe hy laat verlede Saterdagaand saam met sy jong Oekraïense metgesel oor ’n brug naby die Kremlin gestap het. Sy is ongedeerd maar beweer sy het nie die aanvallers gesien nie.
Tatjana Wolkowa, ‘n Russiese blogger, sê haar inligting het tot die arrestasies gelei.
Haar blog is verbode in die Oekraïne en sy beweer die moordenaars is aangekeer te danke aan haar wenk oor Aslan Alkhanof.
Uit die inligting tot dusver is dit bekend dat die ketting van tussengangers en organiseerders reeds geneutraliseer is: Aslan Alkhanof het selfmoord gepleeg en Beslan Sjawanof is dood tydens ‘n poging om hom in hegtenis te neem.
Die vermeende bestuurder van die voertuig, en die passasier wat Nemtsof glo geskiet het, en reeds hul betrokkenheid in die hof erken.
Dit blyk dat die moord ten nouste met die Oekraïne verbind kan word, wat deesdae deur Amerikaanse regeringsagentskappe en die Amerikaanse private militêre maatskappye beheer word, veral die batebestuurmaatskappy, Vanguard.
Toe dit duidelik raak dat die spore van die moordenaars “te vroeg” deur die blogger ontbloot is, het Vanguard op hul eie inisiatief in aanraking gekom met die ondersoek in Rusland en glo met die name vorendag gekom, iets wat duidelik die vinger na hul eie betrokkenheid wys.
Die ondersoekspan wat aangestel is om die moord te ondersoek, het laat blyk dat verskeie moontlike motiewe vir sy moord oorweeg word.
Russe glo Nemtsof is vermoor in ’n poging om Poetin se beeld skade te doen.
Dat die moord verband hou met Nemtsof se persoonlike lewe, asook die betrokkenheid van Islamitiese ekstremiste, kan nie uitgesluit word nie.
Die Nasionale Vervolgingsgesag het bevestig dat hy ‘n dossier oor die moord op die Breda-familie van Stellenbosch ontvang het, het RSG berig.
Martin en Teresa Van Breda en hulle 22-jarige seun, Rudi is in Januarie op die De Zalze-landgoed op die dorp vermoor.
Die egpaar se dogter, Marli en seun, Henri het die aanval oorleef. Marli is steeds in die hospitaal, terwyl haar broer by familie tuisgaan.
Die NVG se Wes-Kaapse woordvoerder kon egter nie bevestig of enigeen binnekort in verband met die moord in hegtenis geneem gaan word nie.
Volgens berigte bevat die dossier genoeg forensiese- en omstandigheidsgetuienis om ‘n verdagte aan te keer.
Volgens die polisie is vyf mense in Witbank in Mpumalanga vasgetrek vir handel in onwettige sigarette.
Die sigarette ter waarde van miljoene rande is in hul besit gevind.
Kol. Leonard Hlathi, woordvoerder van die polisie, het gesê die polisie het Vrydag ‘n wenk ontvang oor ‘n beweerde onwettige transaksie. Die polisie het gaan ondersoek instel en afgekom op vyf vragmotors wat volgelaai was met sigarette.
Volgens Hlathi is die vyf vragmotorbestuurders in hegtenis geneem. Twee van die verdagtes is Suid-Afrikaners en die ander drie is van Mosambiek. Die sigarette sou glo na Kaapstad vervoer word.
Die vyf verdagtes sal binnekort in die Witbank-landdroshof verskyn.
Dit was ‘n swart dag vir die Bult-aftreeoord in die Vrystaat nadat vyf bejaardes op slag dood is toe die bussie waarin hulle gery het, omgeslaan het.
Twee van die beseerde inwoners van die Bult-aftreeoord op Bultfontein, wat Donderdag in ‘n ongeluk beseer is, is steeds in ‘n kritieke toestand in die Mediclinic Bloemfontein.
Dit kom nadat Daphne Van Rensburg, Wynand Breytenbach, Cielie Seyffert en Elna Kotzé ernstig beseer is toe die minibus waarin hul gereis het omgeslaan het buite die dorp.
Hospitaalwoordvoerder, Amanda Appelgryn, sê die vier beseerdes het veelvuldige beserings opgedoen en word in die hospitaal se intensiewe sorgeenheid behandel.
Die aftree-oord se bestuurder Gert Bezuidenhout het min woorde gehad om die tragedie wat die ouetehuis getref, te beskryf.
Hy het aan Bloemfontein Courant gesê daar is nie woorde om die groot verlies te beskryf nie. Hy het gesê almal by die aftreeoord is soos ‘n hegte gesin.
Lettie Muller, Daan Minnie, Dinie Aschar en Charlotte Lategan is op die toneel dood en Marie Ehlers later in die hospitaal.
Die bestuurder van die bussie, Hendrik Neethling, is in die Life-Rosepark Hospitaal, ook in die stad, behandel. Hy is egter reeds ontslaan.
Bezuidenhout sê die bussie was op pad terug van ‘n uitstappie naby Bloemfontein, toe ‘n bakkie glo probeer het om die bussie verby te steek. Die bakkie het egter weens ‘n aankomende vragmotor terug na sy baan beweeg en die bussie getref.
Die bussie het omgeslaan en in die veld beland.
Die vier seuns van die Hoër Landbouskool Noord-Kaap wat na bewering ‘n maat aangerand en seksueel mishandel het, sal volgende week dissiplinêr verhoor word, het die Sunday Times berig.
Die vier, tussen 14 en 18 jaar oud, is al sedert 9 Februarie geskors na ‘n voorval waar ‘n 18-jarige swart kind se ontgroening op ‘n selfoon afgeneem is.
Sydney Stander, woordvoerder van die Noord-Kaapse departement van onderwys, het aan die koerant gesê die vier seuns het nog nie berou getoon vir hulle dade nie. “Ons weet nie of hulle tydens die dissiplinêre verhoor sal besluit om dit te doen nie.”
Die vier seun word ook strafregtelik aangekla en het Donderdag in die Jan Kempdorp-landdroshof verskyn. Die saak is tot 9 April uitgestel.
Volgens Stander het die beweerde slagoffer se ouers intussen besluit om hul seun weer terug te stuur na die skool nadat hulle vroeër gesê hulle wil nie hê hy moet terugkeer nie.
Hy ontvang glo hulp van ‘n sielkundige na sy besluit om terug te gaan.
