Zim-verkiesing deur duisende waarnemers toegesak

zimsadcMinstens 20 000 plaaslike en buitelandse verkiesingswaarnemers sal vandag in verskeie gebiede in Zimbabwe ontplooi word in aanloop tot Woensdag se verkiesing.

Die land het meer as ses-komma-vier-miljoen geregistreerde kiesers, wat na verwagting hul kruisies sal trek om die beleërde koalisieregering te beëndig.

Die akkreditasieproses in Harare het deurgeloop onder logistieke probleme met duisende plaaslike waarnemers wat die naweek by akkreditasiesentrums opgedaag het.

Dit laat kommer ontstaan dat sommige nie betyds vir die verkiesing ontplooi sal kan word nie.

Die Zimbabwiese Verkiesingsondersteuningsnetwerk het die grootste groep waarnemers van meer as seweduisend. Die nasionale direkteur van die organisasie, Rindai Chipfunde Vava, het die Zimbabwiese verkiesingskommissie die skuld gegee vir die chaos.

Hy sê die organisasie moet nou bykomende dae meer betaal vir vervoer en akkommodasie vir hul waarnemers.

Die hoof van die Afrika Ontwikkelingsbank, Donald Kaberuka het sy hoop uitgespreek dat die komende verkiesing deur die kiesers en buurlande as geloofwaardig beskou sal word.

Die voormalige Rwandese Minister van Finansies sê Zimbabwe kan dit nie bekostig om nog ‘n tydperk van chaos en onsekerheid deur te maak nie. Kaberuka sê ‘n geloofwaardige verkiesing sal sakevertroue en beleggings aanhelp.

Dit sal Zimbabwe ook in aanmerking laat kom vir skuldverligting deur internasionale finansiële instellings soos die Internasionale Monetêre Fonds en die Wêreldbank.

Die voorsitter van die Afrika-unie kommissie, Nkosazana Dlamini-Zuma sê hulle is tevrede met Zimbabwe se voorbereidings vir die verkiesing op 31 Julie. Dlamini-Zuma het met Zimbabwe se kieskommissie en politieke partye vergader.

Die AU het ‘n span van 60 mense na Zimbabwe ontplooi om die verkiesing waar te neem. Die polisie in Zimbabwe het egter vroeër bevestig dat die MDC se verkiesings-organiseerder in hegtenis geneem is.

Dit volg nadat hy aangemeld het dat hy gemerkte stembriewe in ‘n asblik gekry het na vroeë stemmery.

Dlamini-Zuma sê die enigste kwessies wat by haar geopper is, is operasionale en logistieke bekommernisse.

Die organisasie Human Rights Watch betwyfel egter of die verkiesing geloofwaardig gaan wees. Die groep se Suid-Afrikaans direkteur, Tiseke Kasambala sê hulle is bekommerd oor die hoogs partydige aard van veiligheidsmagte in Zimbabwe en hulle vermoë om kiesers te intimideer.

Kasambala sê daar is al ‘n aantal voorbeelde van opruiende uitsprake deur die hoofde van veiligheidsmagte in die aanloop tot die verkiesing.

President Zuma is as bemiddellaar in die verkiesing aangewys.

Adjunkpresident Kgalema Motlanthe sê Suid-Afrika is vasbeslote dat aanstaande week se verkiesing in Zimbabwe ‘n regverdige weerspieëling van die wense van dié land se mense sal wees.

Duisende vlugtelinge het na Suid-Afrika gevlug na die geweld in die 2008-verkiesing wat ‘n duur humanitêre krisis vir die land geskep het. Sedert die eenheidsregering op die been gebring is, het die ekonomie begin herstel.

Voorbereidings vir die verkiesing het tot dusver nie glad verloop nie, terwyl die MDC beweer dat Zanu PF probeer om dit vir kiesers moeilik maak om te registreer.

Motlanthe het in ‘n onderhoud met Reuters gesê politieke bestendigheid is ‘n voorvereiste vir ekonomiese ontwikkeling en Suid-Afrika het ‘n gevestigde belang om te verseker dat daar vrede en bestendigheid in Zimbabwe is. – RSG

Midvaal-burgemeester ‘vat die pad’ onder wolk van korrupsie

corruptionHermène Koorts van COPE sê alhoewel Timothy Nast, Midvaal se DA-burgemeester wat pas bedank het, ‘n briljante man is, kon hy nie staande bly ​​teen diegene wat hom aan die mag geplaas het nie.

Midvaal se burgemeester het intussen “die pad gevat” terwyl ‘n wolk van beweerde korrupsie oor die party hang.

Die Congress of the People (Cope) se verteenwoordiger by die Gautengse Provinsiale Wetgewer sê sy is nie verras deur die bedanking van Midvaal–burgemeester, mnr Timothy Nast nie. Hy het glo intussen ‘n pos by die Gautengse Beplanningskommissie aanvaar.

COPE se woordvoerder, LPW Hermène Koorts sê die nuus het nie gekom as ‘n skok vir haar nie, want gerugte dat hy onder kwaai druk verkeer weens die beweerde korrupsie in Midvaal, sirkuleer al maande lank.

“Die rede vir die bedanking is duidelik. Midvaal–munisipaliteit word deur verskeie bewerings van korrupte amptenare in die verlede geteister, en die Openbare Beskermer het ook verwys na korrupte optrede binne die munisipaliteit van die Demokratiese Alliansie (DA), in beheer in Midvaal. Hoewel dienslewering in Midvaal aanvaarbaar is, het die DA nie opgetree toe DA–lede die beweerde korrupsie jare gelede aan beide die provinsiale en nasionale leiers onthul het nie. In werklikheid, het hulle probeer om die feite weg te steek, wat nooit wou gaan lê nie,” sê LPW Koorts.

Koorts, wat ook woonagtig is in die groter gebied, het bygevoeg dat mnr Nast ‘n briljante man is, maar hy kon nie opstaan ​​teen die mense wat hom an die mag geplaas het nie.

“Die feit dat die burgemeester bedank het laat die DA–raad verdeel en sal ‘n uitwerking hê op hoe die bestuur hanteer sal word in die toekoms,” het sy geëindig.

Amor na hospitaal gehaas ná val van trappe

Amor Vittone
Amor Vittone

Amor Vittone, die sangeres en vrou van die gewese Springbok kaptein, Joost van der Westhuizen, is kort voor middagete na die Midmed Hospitaal gehaas, waar sy op aarvoeding geplaas is, nadat sy flou geval het tydens ‘n optrede by Eskom se bestuursprysuitdeling by Riverside.

Sy het tydens die glansgeleentheid opgetree as gasheer en is na haar floute, en kort behandeling in Midmed, reguit huistoe vir rus het haar ma, Delyse Vittone, Donderdag aan die Observer gesê.

Amor het Maandag nog op haar Facebook-blad geskerts dat sy Middelburg toe kom vir die Eskom funksie en hoop “daar is nie ‘n blackout nie”.

Talle van haar aanhangers, soos Isabel Pretorius, het ewe tong in die kies gesê: “Eskom moet jou net nie uitshort nie”.

Terwyl Ray Harris haar herinner het “dat 10:00 lights out is”.

Sy het omstreeks 12:00 van drie verhoogtrappies afgetuimel en paramedici is dadelik deur haar klankman ontbied om Amor hospitaal toe te vat.

Haar goeie vriend en vertroueling van Middelburg, Andries du Preez, sê hy ken min mense met die energievlakke van Amor.

Hulle het Maandagaand voor haar optrede weer soos ou vriende om die koffiepot gekuier “want as Amor gesels is daar geen einde aan haar nie,” sê Andries.

‘n Besorgde Du Preez het Donderdag tydens navrae gesê dat “Amor gesond en opgewek” gelyk het tydens hul kuiertjie.

Andries sê dat die hele Suid-Afrika se oë nou op Amor is na haar versoening met Joost wat ‘n stryd met motorneuron siekte voer.

“Die stres op my vriendin is groot, sy moet sterk staan vir haarself en haar kinders deur Joost se beproewing en brood op die tafel sit,” sê Andries.

Sy was Donderdag weer oudergewoonte volstoom aan die skitter by ‘n modeparade by haar kinders se skool, en kon nie op Observer navrae reageer voor druktyd nie.

Volgens Andries was die voorval te wyte aan uitputting en kan Amor se aanhangers gerus wees dat sy gesond is. – looklocal.co.za

Malema: Afrikaners en Indiërs sweer saam teen my

Julius Malema
Julius Malema

Julius Malema beweer dat die belastingsaak teen hom is ‘n polities gemotiveerde sameswering is gelei deur ‘n groep Indiërs wat ‘in die bed‘ geklim het met Afrikaners.

Die ekonomiese vryheidsvegters leier het dié bewerings gemaak, het die Sunday Times berig.

“Ek is onderworpe aan politieke vervolging deur die politieke leierskap gelei deur [Minister van Finansies] Pravin [Gordhan], saam met sy groep Indiërs,“ is Malema aangehaal deur die koerant.

“Dit is ‘n klein kliek van Indiërs wat in die bed is met ‘n groep Afrikaners in [die Suid-Afrikaanse Inkomstediens (SAID)], en Afrikaners in die regswêreld.“

Hy het glo beweer dat die “klein groepie Indiërs“ ‘n “politieke program” teen hom voer.

“Die Afrikaner is besig met die voortsetting van rasse-haat teen Julius en wat hy voorstaan,” het hy gesê.

Dinsdag is Malema se Polokwane–huis, die derde eiendom, opgeveil.

SAID het die eiendom op ‘n veiling verkoop om Malema se R16–miljoen belastingskuld te verhaal.

In Mei, is Malema se onvoltooide huis in Sandton, Johannesburg, verkoop op ‘n veiling vir R5.9–miljoen. Sy plaas in Limpopo het R2.5–miljoen op ‘n veiling in Junie gehaal. Verskeie van sy huishoudelike goedere is ook opgeveil vroeër in die jaar.

Malema staar ook aanklagte van korrupsie in die gesig en sal aanstons in die Polokwane-landdroshof verskyn. Hy word van byna R4 miljoen se korrupte aktiwiteite beskuldig, en is uit op borgtog van R10 000. – Sapa

Vavi: SMS’se onthul joviale verhouding met ‘verkragte’ vrou

Vavi
Vavi

Die vrou wat Cosatu se hoofsekretaris, Zwelinzima Vavi van verkragting beskuldig sal haar storie vertel by die federasie se interne proses oor die aangeleentheid.

Die jongste verwikkeling is deel van ‘n reeks kwessies wat die druk op Vavi verhoog om af te sien van sy amp.

Verlede week is Vavi weer deur sy vyande in die vakbondfederasie daarvan beskuldig dat hy nie die belange van die werkersklas op die hart dra nie, dat hy hulle in die steek laat sy deur sy samewerking met die ANC-leierskap en dat hy die Suid-Afrikaanse Kommunistiese Party wil kalmeer.

In ‘n voorlegging aan die kommissie van ondersoek ingestel sedert verskeie aantygings teen Vavi gebring is deur die leiers van Cosatu-affiliasies – onder andere sy president, Sdumo Dlamini, sy adjunk-president, Zingisa Losi, die sekretaris-generaal van die Nasionale onderwys, gesondheid en Allied Workers’ Union, Fikile Majola, en die sekretaris-generaal van die Nasionale Unie van Mynwerkers, Frans Baleni – wys hulle op sy “regse neigings” deur af te wyk van Cosatu-resolusies.

Die 26-jarige werknemer van Cosatu het Vavi intussen daarvan beskuldig dat hy haar verkrag het in Januarie vanjaar.

Die vrou het ‘n klag by Cosatu gelê en daarna R2 miljoen van Vavi en sy vrou geëis in ruil daarvoor om nie ‘n kriminele klag te lê nie. Vavi het sedertdien ‘n klag van afpersing teen die vrou gelê.

Die Nasionale Unie van Metaalwerkers van Suid-Afrika (Numsa) se KwaZulu-Natal-tak was die eerste organisasie om uit te kom ter ondersteuning van Vavi. Numsa het gesê dat die verkragtingbewering teen Vavi polities gemotiveer is.

“Hierdie jongste verkragtingbewering kan nie losgemaak van die giftige, kwaadwillige en goed berekende politieke offensief gemik op die vernietiging van kameraad Vavi se politieke integriteit en aansien in die samelewing nie,” het Numsa se plaaslike sekretaris Mbuso Ngubane in ‘n verklaring gesê. Hy het gesê die unie is “ten volle agter” Vavi.

Die Azanian People’s Organisation het ook hul kommer uitgespreek oor of die bewerings binne die regerende alliansie as ‘n wapen gebruik word om Vavi te verswak in sy standpunte teen knoeiery en wanadministrasie in die land.

Vavi, in ‘n verklaring Saterdag, het erken dat hy ‘n verhouding met die vrou gehad het. Hy het daarop aangedring dat die seks met haar instemming plaasgevind het. In ‘n reeks SMS-boodskappe tussen Vavi en die vrou, was daar geen tekens van woede teenoor Vavi ná die beweerde voorval in Januarie nie.

Die SMS’e onthul tewens ‘n joviale verhouding tussen die twee. In Junie, het onbekende mense haar genader en probeer dwing om te beweer dat Vavi haar seergemaak het.

Die vrou beweer sy is R1-miljoen aangebied om so ‘n verklaring te maak en die gerusstelling gegee dat sy beskerm sal word. Op 11 Junie het sy aan Vavi ge-SMS: “Ek het slapelose nagte as gevolg hiervan, mense wat my wil dwing om sê dat jy my seergemaak het, wat inligting wil hê van my, ek dink nie ek wil meer werk by Cosatu nie … dit is alles te veel vir my. Ek kan nie, dit is ‘n siek wêreld van politiek.”

Op dieselfde dag, het haar man egter getwiet, “Zwelinzima jy is ‘n fokken hond” en Vavi later as ‘n verkragter beskryf.

 

 

Zuma: SA verdeel in vyandige kampe

Pres. Zuma
Pres. Zuma

President Jacob Zuma is van mening dat die Suid-Afrikaanse gemeenskap verdeel is in vyandige kampe.

Zuma het Sondag gesê: “Die samelewing as ‘n geheel is meer en meer verdeel in twee groot vyandige kampe in twee groot klasse direk teenoor mekaar, bourgeoisie en proletariaat …,” het hy gesê met verwysing na die Kommunistiese Party se manifes.

Hy het gepraat by die Jong Kommunistiese Liga se (YCL) se nasionale raad in Kimberley in die Noord-Kaap.

“Jy moet die aard en karakter van die samelewing waarin ons leef verstaan. ​​Jy moet weet dat nie alles is soos dit lyk nie,” het Zuma gesê. Die president is ook die president van die African National Congress.

Hy het aan afgevaardigdes gesê die regering is besig om te vorder om uitdagings in onderwys, gesondheid en armoede aan te spreek.

“In reaksie op die sug na onderwys, het ons twee splinternuwe universiteite, die Sol Plaatje Universiteit hier in Kimberley en die Universiteit van Mpumalanga in Nelspruit opgerig.“

Zuma het die nuwe fasiliteite op 25 Junie aangekondig, toe hy gesê het die regering wil hê dat elke provinsie in die land ‘n instelling van hoër onderwys kry.

“Ons is ook besig met verdere ondersoek in beroepsopleiding deur die vestiging van 12 nuwe Onderwys-en Opleidingskolleges regoor die land in gebiede waar gebrekkige diens is.“

Hy het gesê een van die regering se suksesverhale was die 50 persent vermindering in moeder-na-kind-oordrag van MIV tussen 2008 en 2011, wat die lewensverwagting van Suid-Afrikaners laat toeneem het. – Sapa

Verbod op ‘kinderporno-fliek’ opgehef

Kinderporno?
Kinderporno?

‘n Verbod is Saterdag opgehef op ‘n film wat as “kinderpornografie“ beskryf is oor ‘n sekstoneel tussen ‘n swart onderwyser en ‘n swart minderjarige leerling.

Die plaaslike film “Of good report“ is toegelaat nadat ‘n klag deur die organiseerders van die Durbanse International Film Festival gelê is, waar dit bedoel was om verlede week te draai.

Die film is Sondag vertoon, die laaste dag van die fees.

Die fliek handel oor ‘n skool waar ‘n onderwyser aangetrokke tot jong meisie van 16 is, gespeel deur ‘n 23-jarige aktrise.

Die land se sensuurowerheid het gesê hulle is “baie teleurgesteld en hartseer” deur die ter syde stelling van die Appèltribunaal se besluit om die film te verbied,

“Die rolprent val binne die definisie van kinderpornografie,” het die Film-en Publikasieraad gesê, en volgehou dat hulle besluit steeds “die korrekte een bly en was”.

Die raad het geweier om die fliek te klassifiseer.

Dit is nou toeganklik vir fliekgangers tussen die ouderdomme van 16 en ouer met waarskuwings van seks, naaktheid, geweld en sterk taal.

Die skep, vervaardiging, besit en verspreiding van kinderpornografie is egter ‘n kriminele oortreding.

Die Freedom of Expression Institute het die besluit om die film te verbied as‘n te “streng en simplistiese interpretasie van die wet” beskryf.

Seks tussen ouer mans en jong meisies is ‘n groot oorsaak van MIV in Suid-Afrika, wat die wêreld se grootste bevolking wat met vigs leef – meer as vyf miljoen – verteenwoordig.

Suid-Afrikaners kan op 16 wettig instem tot seks, maar die land se publikasiewette laat die uitbeelding van seks slegs vanaf 18 jaar en ouer toe.

Linkse leedvermaak oor beswaddering van Sunette Bridges by Facebook

Carina Papenfus, wat die veldtog gevoer het om Sunette Bridges van deelname aan sosiale media soos Facebook uit te sluit
Carina Papenfus, wat die veldtog gevoer het om Sunette Bridges uit deelname aan sosiale media soos Facebook uit te sluit

‘n Ekstreem-linkse groep in die Wes-Kaap het daarin geslaag om die sangeres en menseregte-aktivis Sunette Bridges se Facebook-blad te laat sluit. Blykbaar het die groep Bridges maande lank agteraf by Facebook-administrateurs belaster en beswadder totdat die Amerikaanse internetreus aan hul eise gehoor gegee het.

Die selfaangestelde leidster van die groepie marxistiese radikales heet Carina Papenfus en was blykbaar voorheen ‘n prokureur alvorens sy van die rol geskrap is weens haar betrokkenheid by twyfelagtige eiendomstransaksies.

Gister het Papenfus op Facebook gespog: “Alle eer aan die Facebook Aktiviste wat sonder ophou gewerk het om die hate site wat Sunette Bridges op Facebook bedryf het te laat sluit. Sx is ex. Foorwaards frinne! Next stop Dok Daan.”

Johan Pienaar, rekenaartegnikus
Johan Pienaar, rekenaartegnikus, militante ateïs en links-totalitêre

In ander reaksies het Johan Pienaar, die rekenaartegnikus van Stellenbosch wat aan Cancervive geskryf het om Bridges se optrede op Naboomspruit te laat kanselleer, op ‘n vroulike deelnemer geswets: “My taal gebruik het fokol met jou te doen.jou tipie verdien gn respek dus Fok jou.as jy gedink het dis verkeerd.die kinderhuis.hoekom het jy dan ok ni n e pos aan zuma gestuur.SO FOK JOU.VLIEG IN JOU MOER SLEG Etter van n witvel….KARMA IS N BITCH.“

Hierna het Johan Sloet de Villiers, wat ook by die teistering van Sunette Bridges betrokke is, gesê: “Fantasties! Dankie vir jou brief aan Cancervive, Johan. Ek hoop Bridges is permanent verwyder. Nou kan ons fokus op Dan Roodt.”

Nadat verskeie Facebook-ondersteuners dr. Dan Roodt ingelig het dat die ekstreem-linkse groep hom gaan “teiken”, het hy “die onverdraagsaamheid wat blykbaar in en om Stellenbosch uitbroei” betreur. Hy het voortgegaan deur sy volle steun aan me. Sunette Bridges se menseregteveldtog toe te sê en gemeen: “Ek het reeds verskeie kere vermeld dat die geestelike Berlynse muur nooit in Suid-Afrika afgebreek is nie. Ons sit hier met ‘n onverdraagsaamheid van die Oos-Duitse of Sowjet-tipe wat andersdenkendes of mense wat net omgee oor kinders en oumense wat vermoor of gefolter word, stigmatiseer en vervolg. In die 1980s het mense oor sensuur in Suid-Afrika gepraat, maar ek dink die sensuur en onverdraagsaamheid wat ons nou beleef is veel erger, want dit gaan om die weerhouding van noodsaaklike inligting rondom die moorde en aanvalle op weerlose mense en waarop Sunette Bridges ons attent gemaak het.”

Dr. Roodt is reeds in 2005 met geweld op Stellenbosch gedreig toe hy uitgenooi is om oor sy roman Moltrein in ‘n boekwinkel tydens die Woordfees te gaan praat. “Ek dink ek het destydse al ‘n voorsmakie gehad van die soort heksejagte wat daar teen diegene van ons geloods word wat ons teen die moorde op babas, kinders en ander weerloses uitspreek. Ek dink dit gaan ook daaroor dat die revolusionêre linkervleuel in Suid-Afrika ‘gekul’ voel omdat hulle nooit vrylik geweld en massamoorde kon pleeg soos hulle sou wou nie. Op 29 Maart 2004 het ek by Wits gehoor hoe van die Stellenbosse akademici wat my later sou dreig, praat van ‘daar het nog nie genoeg bloed gevloei nie’. Blykbaar hang hierdie mense die doktrine van Frantz Fanon aan wat wil hê dat daar geen ‘ware vryheid’ kan wees alvorens daar nie ‘n bloedige revolusie of ‘oehoeroe’ plaasgevind het nie. My enigste afleiding is dat Pienaar, Papenfus, De Villiers et al ook Fanoniane is wat in plaasmoorde en aanvalle op kinders soos Willemientjie Potgieter, Danielle Esterhuizen, Alyssa Botha en Kayla Rawstone vorme van geregverdigde revolusionêre suiwering sien.”

Robert McBride, die held van Kaapse marxiste, hier afgeneem in sy uniform toe hy nog hoof van die Oos-Randse metropolisie was
Robert McBride, die held van Kaapse marxiste, hier afgeneem in sy uniform toe hy nog hoof van die Oos-Randse metropolisie was, voor sy dronkbestuursaak

Hy het voorts gesê dat “ons nie die geweldige toename in links-totalitêre denke in ons land moet onderskat nie. Hierdie mense is byna soos fundamentalistiese selfmoordbomplanters: hulle duld geen teëspraak of afwyking van hul doktrine nie. Ons weet dat hulle reeds in die verlede by terreur en aanvalle op burgerlikes betrokke was of sodanige terreur gesteun het. Die terroris Robert McBride is hul groot held. Menselewens tel vir hulle niks en om hul ‘nuwe wêreld van gelykheid’ te skep, sal hulle selfs volksmoord pleeg.”

Roodt meen verder dat alle deelnemers aan sosiale media en veral Facebook “met omsigtigheid te werk moet gaan. Ons moet besef dat, vanuit die oogpunt van links-totalitêres ons ‘ongewenstes’ verteenwoordig, wat dus konstant aangekla, geteister, verguis en bes moontlik vervolg sal word. Ons moet sover moontlik ook die Facebook-bestuur inlig dat daar radikale groepe en individue in ons land bestaan vir wie spraakvryheid ‘n sogenaamde ‘bourgeois’ of burgerlike afwyking verteenwoordig wat so gou moontlik beëindig moet word. Hulle is so fanaties dat hulle ook nie voor terreur sal stuit en selfs die Facebook-hoofkantoor mag aanval indien dié organisasie nie aan hul eise gehoor gee nie.”

Intussen het PRAAG ‘n petisie ten gunste van Sunette Bridges se reg op spraakvryheid geloods wat binne 24 uur meer as 1000 handtekeninge ontvang het.

Suid-Afrika ver agter wat internetreklame betref

sleutelbord_digitaalSuid-Afrikaanse maatskappye bestee slegs 2% van hul reklamebegrotings aan digitale media, terwyl dié syfer in die VSA reeds op 35% staan. Die meeste advertensiegeld word op radio en TV uitgegee, wat 63% van die koek ontvang en 30% op gedrukte media.

Volgens die digitale bemarkingsmaatskappy Amorphous is die syfer in SA geweldig laag. Sy uitvoerende beampte, Grant Shippey, sê: “Selfs al beskik ‘n kleiner gedeelte van Suid-Afrika oor internettoegang vergeleke met die VSA, is die toewysing aan digitaal steeds oogluikend laag.

“Plaaslike maatskappye plaas te veel klem op tradisionele bemarking sonder dat daar enige tasbare opbrengs op hul belegging is. Dis ook waar van die reklamebedryf wat uit ‘n omgewing kom waar daar min tot geen prestasiemaatstawwe bestaan nie.

“Gevolglik erken die bedryf steeds ‘n geslaagde veldtog aan pryse of toekennings, eerder as resultate. Toekennings bly ‘n sleutelmaatstaf waarmee agentskappe beoordeel word.”

Volgens Shippey neig data om twyfelagtig te wees deur van fokusgroepe of straatopnames gebruik te maak. “Daar is ‘n persepsie van skaarsheid maar ons het oorgenoeg data, veral in die digitale sfeer. Deur sodanige data te gebruik, kan maatskappye ‘n beter begrip verkry van hoe bemarking hulle kan bystaan in die opstel van sakestrategieë.”

 

Tutu vaar uit teen ‘homofobiese God’

Regter Cameron, Tutu en Navi Pillay, die VN se Menseregtehoof
Regter Cameron, Tutu en Navi Pillay, die VN se Menseregtehoof

Die Suid-Afrikaanse aktivis Desmond Tutu het Vrydag gesê hy sal eerder hel toe gaan as om ‘n homofobiese God te aanbid, in ‘n poging om swart mense te oorreed om minder homofobies te wees.

“Ek weier om na ‘n homofobiese hemel te gaan. Nee, ek gaan nie jammer sê nie, ek bedoel ek sal eerder na ‘n ander plek gaan,” het die emeritus-aartsbiskop by die bekendstelling van ‘n gay-gelykheidsheidsveldtog van die Verenigde Nasies in Kaapstad gesê.

“Ek sal nie ‘n God aanbid wat homofobies is nie en dit is hoe sterk ek hieroor voel,” het hy gesê.

Die doel van die “Free and Equal”-veldtog is om bewusmaking te skep oor geweld en diskriminasie teen homoseksuele mense.

Tutu het ook die stryd teen homofobiese vooroordeel vergelyk met die stryd teen apartheid.

“Ek is netso passievol oor dié veldtog soos ek oor apartheid was. Vir my is dit op dieselfde vlak,” het die 81-jarige Tutu gesê.

Die VN se top-amptenaar oor menseregte, Navi Pillay, het gesê gay-verhoudings is onwettig in meer as ‘n derde van die lande regoor die wêreld en strafbaar met die dood in vyf lande. – AFP