Strydende partye in die vakbondfederasie Cosatu sal ‘n geleentheid kry om vandag met mekaar in gesprek te tree wanneer die nasionale kongres in Midrand begin.
Die konferensie is die eerste sonder Cosatu se grootste vakbond, Numsa en die voormalige hoofsekretaris, Zwelinzima Vavi.
Bykans 2 500 afgevaardigdes van Cosatu se 18 geaffilieerde vakbonde sal die nuwe leierskap vir die volgende drie jaar verkies en die uitdagings van die vakbondfederasie bespreek.
Die vergadering hierdie week beloof om min op te lewer.
Nie ‘n vrolike 30ste verjaardagviering tesame met die 4 miljoen-lidmaatskapteiken vir 2015, is in sig vir die federasie nie.
‘n Drastiese daling in lede, politieke verlamming en organisatoriese impotensie kenmerk die groep.
In die openbaar egter, hou leiers vol dat probleme oorkom is en probeer hulle om lede en die media te oortuig dat dat die kongres nie ‘n klug sal wees nie.
Soos tydens die Julie se spesiale nasionale kongres, sal dit hoofsaaklik bygewoon word deur afgevaardigdes wat die suiwering wat 350,000 Numsalede oorleef het.
Dit is simptomaties van die probleme wat Cosatu in die gesig staar dat geen geloofwaardige lidmaatskapsyfers vrygestel word nie.
Ou syfers wat nie rekening hou met die duisende lede wat geskors is of lede wat na die wegbreekvakbonde oorgeloop het nie, word steeds voorgehou.
Intussen het nuwe klein vakbonde soos paddastoele verrys weens die uittog.
Die voormalige hoofsekretaris van Cosatu, Zwelenzima Vavi het ‘n nuwe vakbondfederasie vir Suid-Afrika voorspel.
Cosatu het die hofbeslissing verwelkom dat die metaalwerkersvakbond, Numsa nie aan die federasie se spesiale nasionale kongres aanstaande maand kan deelneem nie.
Vavi het met die media gepraat nadat Numsa se dringende aansoek om deel te neem aan Cosatu se spesiale nasionale kongres aanstaande maand in die Hooggeregshof in Johannesburg misluk het.
Twee kernkwessies in die saak tussen Cosatu en die metaalwerkersvakbond Numsa was of Numsa se aansoek om deel te neem aan Cosatu se spesiale nasionale kongres aanstaande maand dringend is.
Die ander kwessie was of Numsa by die spesiale kongres kan appelleer teen sy skorsing, en of die vakbond moet wag tot Cosatu se gewone kongres in September.
Waarnemende regter AJ Mbongwe het die dringendheid van Numsa se saak bevraagteken.
Die metaalwerkersvakbond se aansoek is met koste verwerp. Numsa sou tydens die spesiale kongres teen sy skorsing uit Cosatu appelleer.
Die hof het beslis dat die aansoek nie dringend is nie, aangesien Numsa ‘n aantal geleenthede gehad het om appél aan te teken teen sy skorsing.
Numsa se appèl teen sy skorsing uit Cosatu sal in November tydens die federasie se gewone kongres plaasvind.
Numsa sê egter dat daar nie meer kans is om weer deel van Cosatu te word nie.
Die vakbond se hoofsekretaris, Irvin Jim, sê hy is nie baie optimisties dat die appèl suksesvol sal wees nie.
Die Hooggeregshof in Johannesburg het Numsa se aansoek met koste verwerp.
Cosatu sê hy gaan voort met die reëlings vir die konferensie en gaan die week die akkreditasie van afgevaardigdes bevestig.
Die waarnemende hoofsekretaris van Cosatu, Bheki Nthalinthali sê die fokus van die konferensie is eenheid in die organisasie, al gaan sy grootste voormalige lid nie deelneem nie.
Goudmyne wat deur die Kamer van Mynwese verteenwoordig word, asook vier vakbonde, NUM, Amcu, Solidariteit en UASA het ingestem om op 22 Junie met loononderhandelings vir die sektor te begin.
Die onderhandelinge sal na verwagting drie dae duur. Die partye kon egter nie op ‘n voorsitter of plek vir die onderhandelinge ooreenkom nie.
Die Kamer van Mynwese het intussen gesê hulle verwag moeilike salarisonderhandelinge in die goudmynbedryf weens dalende kommoditeitspryse en toenemende wedywering tussen vakbonde.
Zwelinzima Vavi, sekretaris-generaal van Cosatu, gaan sy skorsing uit die vakbondfederasie beveg.
Cosatu se sentrale uitvoerende komitee het gisteraand vergader. Die komitee moes ‘n spesiale vergadering hou om te stem oor Vavi se toekoms.
Die skorsing is nog nie deur Cosatu bevestig nie, maar ‘n mediakonferensie is vir 12uur vanmiddag geskeduleer.
Die vakbondfederasie het ‘n oorweldigende ja-stem vir die afdanking van sy hoofsekretaris uitgebring.
Drie-en-dertig lede het ja-gestem, en een daarteen. Dit volg nadat Vavi geweier het om self te bedank, en aangekondig het dat hy die komiteevergadering sal boikot.
Die komitee het verwag dat Vavi sou kom verduidelik waarom hy die vorige vergadering geboikot het, homself gedistansieer het van ‘n besluit om Numsa te skors, asook interne prosesse en finansies aan die media onthul het.
Vavi se posisie in Cosatu is sedert verlede jaar Augustus in die weegskaal nadat hy aangekla is weens ‘n seksskandaal en beweerde finansiële omgerymdhede met die verkryging van Cosatu se hoofkwartier.
Ná Numsa se skorsing het betrekkinge met Vavi verder versleg. Intussen is ‘n vervanging vir Numsa op die been gebring by name Limusa. Dit bestaan uit lede wat weggebreek het uit die geskorsde metaalwerkersvakbond.
Die stemming gisteraand was ‘n geheime stemming en die komitee het ‘n regsmening ingewin om te sorg dat die proses waterdig is.
Na verwagting sal Vavi dit sterk oorweeg om ‘n nuwe vakbond op die been te bring en Cosatu verdeel.
Die spanning kom al ‘n paar jaar weens die styging in salarisse van staatsamptenare, sogenaamde witboordjiewerkers, wat nie ontevrede met die regering is nie.
Die blouboordjiewerkers in Cosatu, wat minder verdien, werk meestal in die privaatsektor.
Vavi het die afgelope paar jaar lyfwagte aangehou teen wat hy beskou het as ‘n aanslag van Jacob Zuma en Blade Nzimande.
Twee vakbonde wat by Cosatu geaffilieer is het Vavi vroeër skerp gekritiseer. Die mynwerkersvakbond NUM het hom as ‘n desperate lafaard bestempel wat geen verantwoordelikheid vir sy optrede neem nie.
Die polisievakbond Popcru het Vavi daarvan beskuldig dat hy die vorming van faksies aanmoedig en dat hy die drieparty-alliansie wil opbreek.
Die vakbondfederasie Cosatu, is op sy knieë te midde van gerugte dat die omstrede voorsitter, Zwelinzima Vavi, sy bedanking ingedien het.
Vroeër is ook berig dat Cosatu finansieel diep in die moeilikheid is en sekere bedrywighede sal moet sluit. Vavi sê Cosatu loop die risiko om binnekort sy onafhanklikheid te verloor.
Vavi het Sondag tydens ‘n mediakonferensie egter gesê hy gaan nie bedank nie, en het die komitee uitgedaag om hom af te dank.
Dié stelling kom voor ‘n vergadering van die vakbondfederasie se uitvoerende komitee vandag om oor Vavi se lot te beslis.
Die vakbond se adjunk-hoofsekretaris, Carl Cloete sê Vavi moet deur ‘n verkiesingskonferensie vervang word, aangesien sy ampstermyn eers in September 2016 verstryk. Cloete sê Vavi het ‘n mandaat ontvang van afgevaardigdes wat vir hom gestem het.
Vavi het intussen bevestig dat hy nie die vergadering sal bywoon nie.
Die metaalwerkersvakbond, Numsa sê die hoofsekretaris van Cosatu hoef nie te bedank nie.
Vavi sê die skorsing van die metaalwerkersvakbond, Numsa, het ‘n negatiewe invloed op Cosatu se finansies en sy werknemers moes die afgelope twee maande uit die organisasie se politieke fonds betaal word.
Hy sê dié fonds kan binnekort uitgeput wees.
Numsa het maandeliks sowat elf miljoen rand tot Cosatu se koffers bygedra.
Zwelinzima Vavi, Cosatu se hoofsekretaris, sal Maandag terug wees op kantoor, nadat sy skorsing ongeldig en onwettig verklaar is.
Die Suid-Gautengse hooggeregshof in Johannesburg het Vrydag beslis dat sy skorsing uit die vakbond nie geldig en wettig was nie.
Vavi is in Augustus deur die vakbondfederasie geskors weens ‘n buite-egtelike verhouding met ‘n junior-kollega nadat hy eers van verkragting beskuldig is. Die kollega het egter nooit ‘n klag van verkragting teen Vavi gelê nie.
Cosatu se bestuur sal Dinsdag vergader om te besluit of die federasie verdere stappe gaan doen ná Vavi se skorsing ter syde gestel is.
Die woordvoerder vir Cosatu, Patrick Craven, het vroeër gesê hulle sal die uitspraak bestudeer om te besluit of verdere regstappe gedoen sal word.
Nege vakbonde wat by Cosatu geaffilieer is, het Maandagoggend by Cosatu-huis in Johannesburg byeengekom om die vakbondfederasie se hoofsekretaris terug te verwelkom.
Die metaalwerkersvakbond, Numsa, het Vavi deurentyd ondersteun het nadat faksies binne die organisasie ‘n veldtog geloods het om van hom ontslae te raak.
Numsa het op ‘n vergadering in Durban laat blyk dat Vavi steeds geteiken word en dalk weer deur die federasie geskors kan word. Cosatu-leiers vergader môre om te besluit of daar verder teen Vavi opgetree gaan word.
Cosatu se tak in Noordwes beplan om die week ‘n optog na die myngebied op Rustenburg te hou teen die arbeidsonrus in die platinumgordel.
Die vakbondfederasie se provinsiale sekretaris, Solly Phetoe, het die aankondiging op ‘n gebedsdiens in die Olympiastadion op Rustenburg gedoen dat hulle vrede en bestendigheid sal nastreef.
Hy het alle rolspelers in die sektor genooi om deel te word van die Mynmisdaad-bekampingsforum, ‘n inisiatief van adjunk-president Kgalema Motlanthe.
Phetoe sê verskeie gevalle van intimidasie van nie-stakende mynwerkers is tydens Amcu se loonstaking is aangemeld.
Die staking wat deur die meerderheidsvakbond Amcu in die platinumbedryf uitgeroep is, is nou reeds in sy derde maand.
Betoë sal Vrydag in die Suid-Gautengse hooggeregshof in Johannesburg in die saak tussen Cosatu en sy geskorste hoofsekretaris Zwelinzima Vavi voortgesit word.
Vavi is verlede jaar geskors na hy erken het dat hy ‘n buite-egtelike verhouding met ‘n kollega gehad het.
Vavi is eers van verkragting van ‘n vroulike werknemer beskuldig. Hy het dit ontken en gesê dit was in ‘n seksuele verhouding met haar instemming.
Die vrou het later haar klagte wat sy by Cosatu gelê het, teruggetrek en sy het nooit ‘n klag by die polisie gelê nie.
Ten spyte daarvan is Vavi sedertdien geskors uit sy posisie by Cosatu .
Samwu het vroeër gesê die skorsing is ‘n heksejag teen die sekretaris-generaal.
Cosatu moet verenig om op te staan teen die Nasionale Ontwikkelingsplan, het Samwu gesê.
Vavi was uitgesproke in sy kritiek teen die plan .
Vavi het die hof intussen genader om die vakbondfederasie te dwing om die skorsing en alle besluite wat geneem is by die vergadering van die sentrale uitvoerende komitee in Augustus, ter syde te stel.
Vavi wil hê ‘n spesiale vergadering van die sentrale uitvoerende komitee moet oor die kwessie besluit.
Cosatu se regsverteenwoordiger, advokaat Karel Tip sal vandag aanvoer dat al die vereiste prosedures gevolg is voor Vavi geskors is en dat die hof nie jurisdiksie het oor Cosatu se interne sake nie.
Hy sal ook aanvoer dat Vavi hom moet onderwerp aan die interne tugprosedures van Cosatu.
Tip is sedert die tagtigerjare direk uit Londen befonds om sake namens die ANC te behartig.
Ondersteuning vir Amcu se vierweekloonstaking in die platinum mynbou-sektor het Woensdag ‘n hupstoot gekry toe die Nasionale Raad van Vakbonde (NACTU) hul steun aan die unie toegesê het.
NACTU se versoek vir ‘n algemene staking indien Anglo American Platinum nie sy regsgeding van bykans 600 miljoen rand teen die vakbond Amcu terugtrek nie, kry groot aftrek van verskeie groepe.
Die groepe sluit in opposiepartye soos die PAC, die Sosialistiese Party van Azanië (SOPA), en vakbonde soos die nege filiale van Cosatu wat ‘n Spesiale Kongres en die heraanstelling van die geskorste hoofsekretaris, Zwelinzima Vavi, eis.
Amcu is by NACTU geaffilieer.
“Die besluit deur Amplats om Amcu te dagvaar vir R591 miljoen se skadevergoeding wat verband hou met die voortdurende staking is nog ‘n poging deur werkgewers om die mynwerkers se staking breek asook ook ‘n verbete aanslag teen militante vakbonde,” het NACTU in ‘n verklaring gesê.
Mynreus Anglo American Platinum ( Amplats ) het Saterdag gesê hulla sal Amcu dagvaar vir skadevergoeding en verliese gely tydens die werkoponthoud..
Maandagoggend het Amplats gesê die verliese gely is sowat R100 miljoen per dag as gevolg van die staking wat in sy vierde week is.
Die onwilligheid van Amplats om te onderhandel en in plaas daarvan die howe te nader, is die soort optrede wat gelei het tot die Marikana-slagting, het NACTU gesê.
“Werkers staan vas in die gesig van geweld deur die staat en kapitaal. Nou het die mynmaatskappye ‘n ander manier gevind om werkers op hul knieë te dwing.”
Die president van SOPA, Lybon Mabasa sê Amplats se regsoptrede is ‘n plan om militante vakbonde te verswak.
Die geskorste hoofsekretaris van Cosatu, Zwelinzima Vavi het by die Khayelitsha Kommissie van Ondersoek na die polisie Maandag gesê hy is siedend oor polisieflaters.
Vavi, wat soos Mandela aangetrek was vir die geleentheid, sê hy kon sy woede skaars beteuel weens ‘n reeks van beweerde polisieflaters na sy suster se kleinkind in die lokasie vermoor is.
Vavi het gesê die polisie het vyf dae geneem om die familie in te lig oor die moord op die 25 -jarige Busiswa Sizaba in Harare, Khayelitsha twee weke gelede.
Die polisie het opgedaag om te sê die kleindogter is dood gevind iewers in Khayelitsha, het die arbeidsleier gesê.
Hy was geklee in ‘n swart-en-wit hemp wat herinner aan die soort waarvan Nelson Mandela gehou het.
Terwyl Sizaba dikwels ‘n slagoffer van huishoudelike geweld in haar hut was, het Vavi gesê die polisie het nie ‘n bekende verdagte, wat hy beskryf as “die koning van die skrikbewind” in die gemeenskap aangekeer nie.
“Die polisie is besig om hierdie man te ondersoek, nou duidelik ‘n moordverdagte. Niks het gebeur nie,” het Vavi gesê aan ‘n klein skare inwoners en maatskaplike aktiviste wat rondom hom versamel het. “Dit is nou die einde van die tweede week sedert die moord gebeur het. Die man is nog steeds in die strate.”
Hy het gesê vigilante-bedrywighede vier hoogty oral op die Kaapse Vlakte.
Hy het ‘n beëdigde verklaring ingedien by die O’Regan-Pikoli Kommissie van Ondersoek na polisiëring in Khayelitsha.
Nie ver daarvandaan nie het Cosatu se Wes-Kaapse sekretaris, Tony Ehrenrich toegegee dat die vakbondfederasie voor ‘n uitdaging staan oor eenheid in sy geledere.
Hy het by ‘n raadsvergadering van Nehawu-verteenwoordigers in Soutrivier gesê dit is die taak van werkers om toe te sien dat die eenheid van Cosatu voorrang kry bo individuele belange.
Hy sê werkers behoort beleid na te streef wat daarop gemik is om die lewens van gewone mense te verbeter.
Cosatu dreig met regstappe teen die vakbond Numsa, omdat hy die geskorste hoofsekretaris, Zwelinzima Vavi genooi het om sy spesiale kongres toe te spreek.
Cosatu het vroeër by die geaffilieërde Numsa oor die uitnodiging aan Vavi beswaar gemaak en gesê dat die uitnodiging teen die besluit om Vavi te skors indruis.
Die federasie se sentrale uitvoerende komitee-vergadering het Vavi verbied om enige Cosatu-byeenkoms toe te spreek.
Die vakbondfederasie het gesê dat Numsa nie uit sy geledere geskop sal word nie, maar dat Vavi se uitnodiging in ‘n baie ernstige lig beskou word.
Die hoofsekretaris van Numsa, Irvin Jim, het in reaksie gesê Vavi is in sy persoonlike hoedanigheid genooi om te praat by die herdenking van ‘n voormalige vakbondleier, Mthunthuseli Tom.
Vandag is die vakbond se laaste dag van hulle spesiale nasionale kongres.
Die Suid-Afrikaanse Kommuniste Party het weereens ‘n aanval op die leierskap van die metaalwerkersvakbond, Numsa geloods, het RSG berig.
Die SAKP het ‘n beroep op afgevaardigdes gedoen om nie toe te laat dat die vakbond misbruik word om die persoonlike ambisies van die hoofsekretaris, Irvin Jim te bevorder nie.
Numsa begin vandag met ‘n spesiale nasionale kongres op Boksburg aan die Oos-Rand om bande met die ANC en Cosatu te bespreek.
Die vakbond het hom die afgelope paar maande sterk uitgelaat oor die vakbondfederasie se leierskap, asook sleutel-beleidsrigtings van die ANC.
Die SAKP sê Jim het na bewering voor die ANC se 2010 Mangaung-verkiesingskonferensie probeer om president Jacob Zuma te oorreed om die geskorste hoofsekretaris van Cosatu, Zwelinzima Vavi as vise-president van die ANC aan te stel.
Die ANC verdeel die werkersklas, volgens Cosatu se geskorsde sekretaris-generaal, Zwelinzima Vavi, het The Star Woensdag berig.
“Dit is duidelik dat die post-apartheid-staat ‘n kapitalistiese staat is,” het Vavi glo Dinsdag gesê.
“Is dit nie die tyd om … ‘n beweging vir sosialisme, ‘n breë anti-kapitalistiese front te bou nie?”
Vavi het ook na bewering Numsa se bewerings ondersteun dat hulle geteiken word om politieke redes .
“Die korrupte en selfsugtige oligarge sal ons altyd sien as ‘n irritasie en sal nie huiwer om rampokkers te huur om ons te vermoor nie,” het hy gesê.
Oor die naweek, het die Suid-Afrikaanse Kommunistiese Party ( SAKP ) se sekretaris-generaal Blade Nzimande glo gevra vir leefstyl-oudits oor Numsa se hoofsekretaris Irvin Jim en sy adjunk Karl Cloete .
Numsa het op sy beurt vir leefstyl-oudits op die lede van die ANC se nasionale uitvoerende komitee, waaronder Nzimande, gevra.
Hulle beskuldig Nzimande en sy adjunk Jeremy Cronin dat hulle die SAKP in ‘n “magtelose” en “hol monopolie-kapitaal front” verander het.
Die onderwysersvakbond, Sadou, se grootste streek in KwaZulu-Natal, Kokstad, eis ‘n terugtrekking van die besluit om die president van Sadou, Thobile Ntola, en die hoofsekretaris van Cosatu, Zwelinzima Vavi, te skors.
Sadou se Kokstad-streek het gister ‘n vergadering in Port Edward gehou.
Ntola is geskors nadat hy ‘n platform aan Vavi verskaf het om Sadou toe te spreek by die vakbond se vergadering in Oos-Londen.
Vavi is op sy beurt geskors na ‘n buite-egtelike verhouding met ‘n junior personeellid. Zamuxolo Matwasa sê die klagtes teen Vavi en Ntola dra geen gewig nie. – RSG
Zwelinzima Vavi, wat nie self teenwoordig was toe die besluit deur die sentrale uitvoerende komitee geneem is nie, is geskors as hoofsekretaris van Cosatu.
Hy sal aangekla word daarvan dat hy die federasie se naam in oneer gebring het.
‘n Spesiale vergadering is belê in die raadsaal van Cosatu-huis in Johannesburg om die kwessie van Vavi se buite-egtelike verhouding wat op die lappe gekom het, te bespreek.
Die verdeeldheid onder die komiteelede was reeds voor die vergadering duidelik, en Vavi se vyande kon hom danksy ’n klein meerderheid uitknikker.
Bheki Ntshali-Ntshali, adjunk-hoofsekretaris, sal in die amp waarneem totdat Vavi tugverhoor afgehandel is.
Sdumo Dlamini, president van Cosatu en enigste woordvoerder, het nog geen verklaring oor die skorsing uitgereik nie.
Die metaalwerkersvakbond Numsa het intussen gedreig om uit Cosatu te tree as Vavi geskors word. Hulle sal vandag vergader om die skorsing van die sekretaris-generaal te bespreek.
Die vakbond is die grootste in die Cosatu-federasie en het vroeër probeer om Woensdag se Spesiale Sentrale Uitvoerende Komiteevergadering te keer waartydens Vavi geskors is.
Numsa se sekretaris-generaal Irvin Jim, het bevestig dat Vavi geskors is, hoewel Cosatu dit eers later glo amptelik sal bevestig.
Jim sê Numsa is steeds van mening dat die vergadering ongrondwetlik was.
Die vrou wat Cosatu se hoofsekretaris, Zwelinzima Vavi van verkragting beskuldig sal haar storie vertel by die federasie se interne proses oor die aangeleentheid.
Die jongste verwikkeling is deel van ‘n reeks kwessies wat die druk op Vavi verhoog om af te sien van sy amp.
Verlede week is Vavi weer deur sy vyande in die vakbondfederasie daarvan beskuldig dat hy nie die belange van die werkersklas op die hart dra nie, dat hy hulle in die steek laat sy deur sy samewerking met die ANC-leierskap en dat hy die Suid-Afrikaanse Kommunistiese Party wil kalmeer.
In ‘n voorlegging aan die kommissie van ondersoek ingestel sedert verskeie aantygings teen Vavi gebring is deur die leiers van Cosatu-affiliasies – onder andere sy president, Sdumo Dlamini, sy adjunk-president, Zingisa Losi, die sekretaris-generaal van die Nasionale onderwys, gesondheid en Allied Workers’ Union, Fikile Majola, en die sekretaris-generaal van die Nasionale Unie van Mynwerkers, Frans Baleni – wys hulle op sy “regse neigings” deur af te wyk van Cosatu-resolusies.
Die 26-jarige werknemer van Cosatu het Vavi intussen daarvan beskuldig dat hy haar verkrag het in Januarie vanjaar.
Die vrou het ‘n klag by Cosatu gelê en daarna R2 miljoen van Vavi en sy vrou geëis in ruil daarvoor om nie ‘n kriminele klag te lê nie. Vavi het sedertdien ‘n klag van afpersing teen die vrou gelê.
Die Nasionale Unie van Metaalwerkers van Suid-Afrika (Numsa) se KwaZulu-Natal-tak was die eerste organisasie om uit te kom ter ondersteuning van Vavi. Numsa het gesê dat die verkragtingbewering teen Vavi polities gemotiveer is.
“Hierdie jongste verkragtingbewering kan nie losgemaak van die giftige, kwaadwillige en goed berekende politieke offensief gemik op die vernietiging van kameraad Vavi se politieke integriteit en aansien in die samelewing nie,” het Numsa se plaaslike sekretaris Mbuso Ngubane in ‘n verklaring gesê. Hy het gesê die unie is “ten volle agter” Vavi.
Die Azanian People’s Organisation het ook hul kommer uitgespreek oor of die bewerings binne die regerende alliansie as ‘n wapen gebruik word om Vavi te verswak in sy standpunte teen knoeiery en wanadministrasie in die land.
Vavi, in ‘n verklaring Saterdag, het erken dat hy ‘n verhouding met die vrou gehad het. Hy het daarop aangedring dat die seks met haar instemming plaasgevind het. In ‘n reeks SMS-boodskappe tussen Vavi en die vrou, was daar geen tekens van woede teenoor Vavi ná die beweerde voorval in Januarie nie.
Die SMS’e onthul tewens ‘n joviale verhouding tussen die twee. In Junie, het onbekende mense haar genader en probeer dwing om te beweer dat Vavi haar seergemaak het.
Die vrou beweer sy is R1-miljoen aangebied om so ‘n verklaring te maak en die gerusstelling gegee dat sy beskerm sal word. Op 11 Junie het sy aan Vavi ge-SMS: “Ek het slapelose nagte as gevolg hiervan, mense wat my wil dwing om sê dat jy my seergemaak het, wat inligting wil hê van my, ek dink nie ek wil meer werk by Cosatu nie … dit is alles te veel vir my. Ek kan nie, dit is ‘n siek wêreld van politiek.”
Op dieselfde dag, het haar man egter getwiet, “Zwelinzima jy is ‘n fokken hond” en Vavi later as ‘n verkragter beskryf.
