‘n Eg-Suid-Afrikaanse Nuwejaarsverhaal: ‘n Oorlaaide swart taxi wat onwettige immigrante vervoer van Zimbabwe.
‘n Taxibestuurder is in hegtenis geneem naby Mokopane Maandag wat na bewering sy voertuig met 31 passasiers volgeprop het – dubbel die getal van die 15-sitplekke waarvoor die voertuig bedoel is.
Nog erger, is daar gevind dat sommige van diegene wat hy vervoer het, onwettig in die land is.
Limpopo se departement van vervoer was verstom toe hulle die 15-sitplek Quantum Maandag van die pad aftrek.
“Ons was geskok oor hoe dit oorlaai is. Dit is onaanvaarbaar, ons kan nie mense met op ons paaie hê sonder gehoorsaamheid aan die reëls van die paaie nie,” het die departementele woordvoerder Joshua Kwapa sonder ironie verklaar.
Hy het gesê die taxibestuurder, uit Zimbabwe, is in hegtenis geneem en oorhandig die polisie sodat hulle sy optrede kan ondersoek.
Kwapa het gesê polisiebeamptes het bevind dat 14 van die passasiers nie die nodige dokumente het om in die land te wees nie.
“Binnelandse Sake is ingeroep om die ongedokumenteerde immigrante wat op reis was uit Zimbabwe na Gauteng te bring,” het hy gesê.
Kwapa het gesê die polisie is besig met verdere ondersoeke.
Die taxibestuurder staan tereg op aanklagte van roekelose en nalatige bestuur, en die oorlaai van ‘n voertuig.
Hy sal aanstons verskyn in die Mokopane-landdroshof.
Die DA en ANC het mekaar oor en weer beskuldig nadat die ANC het ‘n oproep gedoen het om beslaglegging op amptelike en diplomatieke paspoorte van DA amptenare wat doelbewus Suid-Afrika se buitelandse beleid ondermyn.
Die regerende party het die burgermeester van Tshwane, Solly Msimanga, se besoek aan Taiwan skerp veroordeel. Die ANC se woordvoerder, Zizi Kodwa, sê Msimanga se gedrag toon dat die DA nie die land se grondwet eerbiedig nie.
Vermoedelik ervaar die ANC tans groot druk van China om die afvalliges te straf.
Kodwa sê buitelandse beleid is konsekwent en as dit behoorlik uitgevoer word, sal dit nie enige handelsooreenkomste of diplomatieke bande met enige land oortree nie.
Kodwa het ‘n beroep gedoen op die Department van Internasionale Betrekkinge en Samewerking en ook op provinsiale handelsdepartemente om nuutverkose raadslede behoorlik oor buitelandse beleid in te lig.
Maar die DA het teruggekap en gesê die ANC vergeet gerieflikheidshalwe dat Suid-Afrika ‘n skakelkantoor in die Taiwanese hoofstad Taipei het.
Die DA se skaduminister van Internasionale Betrekkinge, Steven Mokgalapa sê die ANC kan nie aan DA burgemeesters voorskryf met wie hulle kan samesprekings voer oor beleggingsmoontlikhede wat tot werkskepping kan lei nie. Hy sê die ANC is skynheilig oor die kwessie.
Mokgalapa sê die Tshwane metropool is ‘n onafhanklike vlak van regering wat daarop geregtig is om buitelandse belegginsmoontlikhede te ondersoek.
Maar volgens Kodwa is die Tshwane metropool is nie ‘n outonome staat wat regeringsbeleid kan negeer nie. Kodwa sê Suid-Afrika is ‘n eenheidstaat wat China erken en nie Taiwan nie. China bestempel Taiwan as ‘n renegaat-provinsie.
Kodwa sê Msimanga se optrede stel Suid-Afrika in die verleentheid.
Verlede maand het die regering van São Tomé en Principe diplomatieke bande met Taiwan verbreek, ‘n stap wat deur China verwelkom is.
China sê die besluit van die Afrika-eilandnasie is die korrekte pad terug na die ‘Een-China’-doelwit.
São Tomé het in 1997 sy bande met China verbreek nadat hy besluit het om Taiwan amptelik te erken. Volgens die ‘Een-China’-doelwit is daar net een China en Taiwan is deel daarvan.
Taiwan se departement van buitelandse sake het die stap veroordeel en beweer dat São Tomé op ‘n aansienlike hoeveelheid finansiële hulp aangedring het.
Die stap beteken dat slegs 21 lande en regerings, insluitende Swaziland en Guatemala, amptelik bande met Taiwan het.
Sowat 30 bendelede het die dag na Kersfees tronkamptenare aangeval tydens ‘n ontbytdiens wat daartoe gelei het dat die tronk vir besoekers gesluit is na sterftes gedurende die geweld.
Drie gevangenes is die dag ná Kersfees by die maksimumsekuriteitsgevangenis in Port Elizabeth se St Albans-gevangenis dood in die aanval deur bendelede en meer as 20 is beseer.
Nasionale Kommissaris van Korrektiewe Dienste Zach Modise het gesê sowat 30 bendelede, meestal van die dodelike en berugte 27s en 28s bendes in St Albans gebruik het tydens die ontbytdiens hul kans waargeneem.
St Albans, een van die “top vyf” maksimumsekuriteitgevangenisse in Suid-Afrika het ‘n reputasie vir bendegeweld teen bewaarders en die smokkel van dagga en Mandrax.
Die steekgevegte het in die eetkamer plaasgevind van die maksimumsekuriteitsarea, wat 647 gevangenes huisves. Ten tyde van die aanval was slegs 33 gevangenes vrygelaat uit twee selle.
In ‘n verklaring ná die besoek aan die gevangenis het adjunkminister Thabang Makwetla gesê die oortreders het skerp voorwerpe en selfgemaakte messe gebruik.
Die streekskommissaris van die departement van Korrektiewe Dienste in die Oos-Kaap, Nkosinathi Breakfast, sê die situasie by die St Albans-gevangenis in Port Elizabeth is weer onder beheer.
Die departement oorweeg dit om die tydelike sluiting van die tronk vir besoekers, later vandeesweek op te hef.
Die sluiting het gevolg na die gevegte tussen die gevangenes en die bewaarders.
Breakfast sê die situasie is terug na normaal en hulle sal aandag skenk aan die gevangenes se klagtes. Hy sê die meeste gevangenes het Sondag weer begin eet na ‘n hongerstaking.
Breakfast sê die ontevredenheid handel oor algemene probleme soos kommunikasie, kwessies oor beleid en voorregte wat nie verstaan word nie. Hy wou nie meer besonderhede verskaf nie.
Dosyne selfversekerde en luidrugtige Amerikaanse glanspersoonlikhede en politieke figure het belowe om na Kanada te vlug na ‘n Trump oorwinning.
Hul volgelinge het soortgelyke dreigemente op Twitter gemaak in ‘n vlaag van van gedeelde verontwaardiging.
Ongelukkig het nie baie van hulle dit nog deurgevoer nie ten spyte van immigrasie-amptenare in Kanada wat beweer dat aansoeke vir politieke vlugtelingstatus van Amerikaners in November vyfvoudig toegeneem het.
Die toename in aansoekers kom neer op ‘n styging van ongeveer 5 aansoekers tot… slegs 28 siele in November 2016.
Verder, sal nie een van hulle eintlik asiel kry nie. Slegs 2 aansoeke is goedgekeur vir Amerikaners sedert 2010.
CBC het net twee suksesvolle eise vir asiel uit honderde gevalle geliasseer uit die VSA sedert 2010. Daar was geen suksesvolle eis uit die 170 wat geliasseer is in 2015 nie.
Die Kanadese regering blyk onwillig te wees om angsvallige Hillary-ondersteuners as vlugtelinge te verwelkom.
Kanadese asiel word gewoonlik net toegestaan aan diegene wat vlug van oorlog, of doodsdreigemente en dus sal Kanada geneig wees om aansoeke van anti-Trump aktiviste van die hand te wys.
CBC News kon nie amptelik bevestig of enige van die 28 aansoeke geliasseer in November van die grootbekke kom wat voor die verkiesing voor die kameras gaan weeklaag het nie.
Alhoewel Ruth Bader Ginsburg, ‘n Joodse appèlregter, nie Kanada toe wou vlug nie, het sy gesê sy gaan Nieu-Seeland toe uitwyk om weg te kom van Trump. Dié ou gedierte het ook intussen stil geraak.
Nicholas Dorion, ‘n woordvoerder vir die Kanada se grensagenstkap, wou nie kommentaar lewer op die byna nie-bestaande vlugtelingstroom nie, en het net gesê: “vlugtelinge word beskerm onder die Wet op Privaatheid” wat die bekendmaking van enige besonderhede van aansoekers verbied.
Angela Merkel gaan nie ‘n groot politieke aanslag vermy om haar leierskap te sink oor haar ondeurdagte beleid om Duitsland se grense oop te gooi nie.
Die terroris wat onskuldige mense by ‘n Kersmark doodgery het, was ‘n migrant wat danksy Merkel se onbesonnenheid ingelaat is. ‘n AfD-segsman, Marcus Pretzell het gesê Merkel is verantwoordelik vir die slagting.
ISIS het vroeër verantwoordelikheid vir die aanval aanvaar wat gepleeg is deur ‘n verdagte wat Duitsland as ‘n “asielsoeker” binnegekom het en reeds aan veiligheidsowerhede bekend was. Die terroris was selfs op die VSA se vlugswartlys oor sy kommunikasie met die Islamitiese staat – maar is herhaaldelik deur die Europese owerhede oorgesien en vrygelaat.
Net soos met die massaverkragtings in Keulen met Nuwejaar, hou die elite hulle hulle koppe in die sand en sensureer hulle liewer alle nuus wat Moslems in ‘n negatiewe lig stel en nie polities korrek genoeg na hulle smaak is nie.
Die Duitse federale vervolgingsgesag het ’n beloning van tot €100 000 uitgeloof vir inligting wat tot die inhegtenisneming van Anis Amri (24) kan lei. Hy is die hoofverdagte wat Maandagaand met ‘n vragmotor in ‘n besige Kersmark in Berlyn ingejaag het. Twaalf mense is in die terreuraanval dood en 45 mense is beseer van wie 12 in die hospitaal behandel word, sê die polisie.
Terwyl Duitse beroepspolitici probeer voorgee die aanval het niks met Islam en migrante te make nie, het dit sedertdien bekend geword dat die verdagte reeds aangehou is in verband met terreur en toe sommer weer vrygelaat is.
Amri het Tunisië het Tunisië sewe jaar gelede as ’n onwettige immigrant verlaat en het tronkstraf in Italië uitgedien nadat hy ‘n skool afgebrand het.
Ralf Jäger, ’n minister in die Duitse deelstaat Noord-Rhyn-Wesfale (NRW), sê Amri het blykbaar in Julie verlede jaar in Duitsland aangekom en sy aansoek om asiel is van die hand gewys. Nadat sy asielaansoek van die hand gewys is, moes hy gedeporteer gewees het, maar hy kon glo nie na Tunisië teruggestuur word “sonder dokumente nie”.
Die media kon egter Amri se gesin in Tunisië binne minute opspoor na die nuus van sy inhegtenisname bekend geraak het.
Tunisië het sy dokumente eers ‘n dag na die aanval op die Kersmark deurgestuur, sê Jäger.
Hy het glo verskillende name gebruik en volgens veiligheidsagentskappe was hy in verbinding met ’n Islamitiese netwerk wat lede vir ISIS gewerf het.
Hy het sedert Februarie in Berlyn gewoon, maar was onlangs in NRW, sê Jäger.
Die 25 ton vragmotor, gesteel van ’n Poolse vragvervoermaatskappy, het by die mark in die houthutte waar Kersgeskenke, glühwein en wors verkoop is, ingejaag.
Die Poolse bestuurder van die gekaapte vragmotor is met ‘n enkele kopskoot dood in die kajuit gevind.
DNA-bewyse het bevestig dat Amri in die vragmotor was. Amri se ouers self het aan die New York Times gesê dat Amri ‘n “gewelddadige”, dwelm-kop en moeilikheidmaker was voordat hy onwettig na Europa gemigreer het.
“Hy het vier jaar in die tronk in Italië deurgebring waar hy met ekstremistiese groepe deurmekaar geraak het wat hom gewerf het,” het sy pa bevestig.
Amri het Tunisië in Maart 2011 verlaat tydens die “al Horqa” ‘n golf van onwettige immigrasie kort ná die begin van die Soros-operasie, ‘n reeks beplande Islamitiese rewolusies by name die “Arabiese Lente”. Hy het in Lampedusa, Italië beland en ‘n humanitêre permit is aan hom toegestaan ondanks sy valse verklarings.
Duitse intelligensie was glo bewus van Amri se vergadering met ‘n djihadis in Dortmund en in Duisburg-Rheinhause wat gekoppel is aan talle Islamitiese aanvalle. ‘n Teenterrorisme ondersoeker het Bild gesê dat Amri ook na bewering probeer het om ‘n pistool te koop van ‘n geheime polisiebeampte.
Hy is ondersoek sedert 14 Maart deur die Duitse aanklaers wat ingelig is deur intelligensiedienste dat Amri ‘n rooftog beplan om geld te kry om ‘n outomatiese wapens te koop “moontlik om ‘n aanval op ‘n later datum met mede-oortreders” te pleeg.
Sy telefoonoproepe is gemonitor, maar in September is die meeluistering beëindig. Duitsland het sy asielaansoek verwerp, maar hy het desnieteenstaande in Berlyn voortgegaan om sy bose daad te beplan.
Uit vrees vir soortgelyke aanvalle, het Frankryk “voorkomende inhegtenisnemings” uitgevoer asook grensbewaking opgeskerp.
EFF-leier Julius Malema, wat Havana besoek het om betrekkinge met die oorlede Fidel Castro se oorblywende kommuniste te gaan sement by sy begrafnis aan die begin van die maand, is reeds ‘n paar keer in die straat van die stad opgemerk en hy is blykbaar nog steeds nie van plan om terug te keer na Suid-Afrika nie.
Of miskien duur die houtwerk-savant se kommunistiese opvoeding langer as gewoonlik. Kuba het ‘n een-oes ekonomie van suikerriet met ‘n uiters beperkte binnelandse mark. Die kleurlingbevolking word gekenmerk deur chroniese werkloosheid en diep armoede.
Onder Castro, ‘n Jesuïet, het die plek stelselmatig agteruitgegaan en sy kritici is opgesluit en gemartel. Van spraak- en persvryheid was daar nog nooit sprake in Kuba nie.
Malema het op sy Instagram rekening die foto gedeel onder sy aanhangers met die opskrif “Stap in die strate van #Havana met my broer Jesus Mora.”
Die Mores karakter was onlangs deel van ‘n Kubaanse afgevaardiging wat ‘n uitgebreide werksprogram in België en Luxemburg onderneem het met vergaderings in die wetgewende liggame van die twee lande, sowel as ‘n vergadering in die hoofkwartier van die Europese Parlement in Brussel.
Intussen stroom Europese besoekers, ideologies verblind deur die popelende propaganda van die “wonderlike leier” na die haglike eilandjie waar die voertuie in die begrafnisstoet van die ontslape Castro ook gebreek het tydens die lewendige uitsending van sy staatsbegafnis.
‘n Tunisiese “vlugteling” of “asielsoeker” is tans Europa se mees gesogte terroris nadat hy 12 mense by ‘n Berlynse kersfeesmark met ‘n swaar vragmotor afgemaai het. Maar die Duitse owerheid weier om besonderhede oor die terroris bekend te maak.
Die Duitse polisie het bloot bevestig dat hulle ‘n soektog na ‘n gevaarlike djihadis, Anis Amri, 23, geloods het. Amri is ‘n migrant wat vroeër vanjaar na Duitsland gekom het. Sy dokumentasie en bloedmonsters is na bewering op die vragmotor se vloer en in die kajuit gevind.
Die teenimmigrasieparty, Alternative für Deutschland (AfD) blameer kanselier Merkel vir die aanval, en het ‘n stille betoging voor haar kantoor versoek soos wat die internasionale soektog na die terroris voortduur. Frauke Petry, die leidster van die AfD, het getwiet: “Tot vandag toe word politieke korrektheid gehandhaaf. Treurig”, nadat linksgesindes uitgevaar het teen die “vrees en haat” van Duitsers en gepleit het vir “geduld, empatie en menslikheid” jeens die terroriste.
Marcus Pretzell, ‘n rubriekskrywer van Free West Media waartoe PRAAG insgelyks bydra, het vroeër getwiet: “Wanneer gaan die regstaat terugbaklei? Wanneer gaan dié … skynheiligheid end kry? Dié is Merkel se dooies!”
Merkel se koalisielede het ook skote op haar gevuur: “Landswyd, is daar ‘n groot aantal vlugtelinge waarvan ons nie die herkoms ken of weet wat hul name is nie. En dis potensieel ‘n baie groot veiligheidskwessie,” het CDU-lid Klaus Bouillon, die binnelandse minister van die Saarlandse deelstaat aan AFP gesê.
Indien verskeie nuusberigte oor die verdagte bevestig word, is die feit dat dié aanval plaasgevind het nie bloot ‘n tragedie vir die slagoffers en hul gesinne nie, maar ‘n grootskaalse politieke skandaal wat in Duitsland ontvou.
Terwyl dit vir die inligtingsdiens toenemend moeilik is om geradikaliseerde enkelinge dop te hou wat as gevolg van Angela Merkel se hardkoppige oopgrensbeleid die land binnegekom het, maar dié besondere djihadis was reeds aan die veiligheidsdienste bekend.
Die polisie-owerheid in die noordelike deelstaat Noord-Rhyn-Wesfalië het reeds ‘n ondersoek na Anis A geloods, met die vermoede dat hy besig was om ‘n terreurdaad te beplan, het die deelstaat se binnelandse minister Ralf Jäger bevestig.
Volgens Jäger was die verdagte veronderstel om terug Tunisië toe gedeporteer te word. Maar die saak is vertraag omdat die Tunisiese owerheid aanvanklik ontken het dat hy ‘n burger van hul land was. “Die nodige dokumentasie het eers vandag van Tunisië af aangekom,” het Jäger aan die Duitse dagblad, die Sueddeutsche Zeitung (SZ) gesê.
Die SZ het ook bygevoeg dat die verdagte ‘n dag in aanhouding deurgebring het maar weer vrygelaat is toe die owerheid nie sy regte identiteit kon vasstel nie. Toe die nuusagentskap AFP die Tunisiese binnelandse en buitelandse ministeries kontak, het hulle geweier om oor die saak kommentaar te lewer.
Intussen het die Italiaanse media berig dat Amri in daardie land tronkstraf uitgedien het omdat hy ‘n skool aan die brand gesteek het.
As ‘n daling in die rand die prys is wat die ANC moet betaal om beheer van die ekonomie oor te neem, dan moet dit maar so wees, sê Collen Maine, die president van die ANC-jeugliga.
Maine het gister ‘n toespraak gelewer by ‘n lesing oor ekonomiese vryheid wat deur die Jeugliga in Durban georganiseer is. Volgens Maine is die geldeenheid “problematies” en verteenwoord die Nasionale Tesourie “die ANC se grootste probleem”.
“Ons word aanmekaar met rommelstatus gedreig. Ons moet optree. Indien die rand moet daal, moet hy maar daal. As hy styg, moet dit ons wees wat in beheer is,” het hy gesê. “Die rand is problematies. Gedurende die verkiesings, toe daar gesê is dat die ANC nie goed doen in die metro’s nie, het die rand versterk. Waarom is ons banger vir die graderingsagentskappe en markte as vir die mense van Suid-Afrika?”
Betreffende Des van Rooyen wat deur Jacob Zuma as minister van finansies aangestel is, maar agterna weer afgedank is, het hy aan Zuma op die verhoog gevra: “Waarom het aan die druk toegegee?”
Nasionale Demokratiese Revolusie
Volgens Maine is dit moeilik om te sê of die nasionale demokratiese revolusie steeds op koers is. “Ek sê vir mense ‘ja en nee’. ‘Ja’ omdat ons baie bereik het, maar ‘nee’ omdat die ANC deur leiers geïnfiltreer is wat aan iemand anders verslag doen.”
“Suid-Afrikaners se geduld raak op,” het Maine aan die 1500 lede van die gehoor gesê.
Hy het voortgegaan deur te sê dat die ANC hom van “beskermers van kapitaal” moet suiwer.
“Daar is diegene binne die ANC-leierskap wat ná 1994 gemaklik geraak het. Hulle ry Duitse motors en het die revolusie uitgestel,” meen hy. “Ons wil ons grond terughê, ons wil ons mineral terughê. Ons wil nasionalisering van die Reserwebank hê.”
Geslaagde revolusies
Slegs die jeug kan geslaagde revolusie lei, het hy gesê. Daar was diegene in die uitvoerende strukture van die party wat ‘n beroep gedoen het om openbare maatskappye te privatiseer, soos die Suid-Afrikaanse Lugdiens. “Openbare maatskappye moet nie geprivatiseer word nie. Die probleem is weereens die Tesourie,” het hy gesê, terwyl hy dit gekwalifiseer het deur by te voeg dat hy nie noodwendig na die minister van finansies, Pravin Gordhan, verwys nie, maar die hele departement.
Weereens het hy hom tot Zuma gerig en gesê: “Meneer die president, ons praat van radikale ekonomiese transformasie, maar —met respek — daar word slegs lippediens (aan die revolusie) bewys.
Die ANC het nie die vryheidstryd gevoer om kospakkies aan die armes uit te deel nie, het hy gesê. “Ek haat kospakkies. Ons mense wil die eienaars van die produksiemiddele wees, hulle kan hul eie voedsel produseer.”
Die sleutelpilaar tot die verwesenliking van ekonomiese vryheid was opvoeding, het hy gesê. Teenoor Zuma het gesê: Meneer die president, u het aan ons BRICS gebring; as deel van u nalatenskap, gee vir ons gratis opvoeding vir die armes.”
Besetting van wynplase
“As ons nie die ekonomiese kwessies aanpak nie, sal die jeug in opstand moet kom,” het hy verder gesê. “Ons moet dinge vir die ANC-leierskap ongemaklik maak. Die lewe is nie maanskyn en rose nie.
“Ons, die werkloses, die dakloses, die grondlose jeug, sal op ‘n punt gedwing word om (grond) te beset, en ons sal met die wynplase in Kaapstad begin.”
Dudu Miyeni
Ook op die verhoog was die ANC se nasionale uitvoerende komitee, asook ‘n lid van die nasionale dagbestuur, Nathi Mthethwa, wat ook minister van kuns en kultuur is, die burgemeester van Durban (eThekwini), Zandile Gumede, die ANC se provinsiale sekretaris in Kwazulu-Natal, Super Zuma, en ander.
Die voorsitster van SAL, Dudu Miyeni en Mzwanele (Jimmy) Manyi, president van die Progressiewe Beroepsluiforum, het vir die duur van die lesing in die voorste ry gesit.
Werkers en skoolkinders het Maandag tuis gebly en soldate op patrollie was aansienlik meer as die burgerlikes in Kinshasa se strate, het AFP berig.
Geweervuur is Dinsdagoggend gehoor in verskeie dele van die Kongolese hoofstad, Kinshasa, met betogers in die strate wat eis vir die bedanking van die huidige president Joseph Kabila.
‘n Gespanne atmosfeer het in die hoofstad van die Demokratiese Republiek van Kongo (DRK) geheers, ‘n dag voor die Kongolese president se amptelike termyn vandag ten einde loop.
Kabila se tweede termyn moes op 20 Desember geëindig het, maar hy toon geen teken dat hy bereid is om die tuig neer te lê nie. Bemiddelingsgesprekke het misluk en dit het die vrees laat opvlam dat politieke geweld opnuut in die mineraalryke land kan uitbreek.
Openbare vervoerdienste het die minimum diens gelewer en winkels in die stad se
hoofplein was gesluit, met ‘n gepantserde polisievoertuig wat op die een straathoek gestaan het.
Kabila (45) kan grondwetlik nie vir ‘n derde termyn as staatshoof oorweeg word nie, maar hy het aangedui dat hy wil aanbly totdat sy opvolger gekies is. Geen verkiesings is egter beplan nie en sommige opposisieleiers wil hê Kabila moet die mag aan ‘n oorgangleierskap oorhandig totdat verkiesings gehou kan word.
Onderhandelinge om ‘n oplossing vir die dooie punt te vind, het die naweek skipbreuk gely. Dit sal na verwagting môre hervat word wanneer Katolieke biskoppe, wat as bemiddelaars optree, van ‘n beplande besoek aan Rome terugkeer.
Kabila is aan bewind sedert sy pa, Laurent Kabila, in 2001 in ‘n sluipmoordaanval doodgeskiet is. Hy is in 2006 en weer in 2011 as president verkies in ‘n verkiesing wat die opposisie beweer mee gekul is.
Die sekretaris-generaal van die Verenigde Nasies, Ban Ki Moon het sy medelye met die regering en die mense van Suid-Afrika betuig nadat ‘n Suid-Afrikaanse soldaat wat deel is van ‘n VN-vredesmag in ‘n rebelle-aanval in die Demokratiese Republiek die Kongo dood is.
Nog twee Suid-Afrikaanse soldate is gewond en ‘n Kongolese polisiebeampte is ook dood. Ban Ki Moon het die aanval deur Mayi Mayi-rebelle op die weermagbasis by Butembu in die Noord-Kivu provinsie, ten sterkste veroordeel.
Ban sê die veiligheid van VN-personeel, insluitend lede van die vredesmag, is ‘n groot prioriteit, maar meer as ‘n honderd vredesoldate is die afgelope jaar tydens die uitvoering van hul pligte dood.
