‘n Vrystaatse boer is vandag in hegtenis geneem nadat hy na bewering verlede Vrydag ‘n sestigjarige swartman op ‘n plaas buite Bethlehem raakgery het.
Oos-Vrystaatse polisiewoordvoerder, Zweli Mohobeleli, het bevestig dat ‘n 34-jarige man gearresteer is.
Die man se prokureur het aan OFM-nuus gesê dat hy na alle waarskynlikheid môre formeel om borgtog aansoek sal doen.
Die man wat raakgery is, het oor die naweek aan sy beserings beswyk.
Mohobeleli sê ‘n klag van moord word ondersoek.
Die minister van grondhervorming in Namibië, Utoni Nujoma, het Woensdagoggend aangekondig die tweede nasionale grondkonferensie onbepaald uitgestel word.
Die besluit is geneem in die lig van die geldelike knyptang wat besuiniging deur die staat noodsaak, asook die droogte.
Die Namibiese regering tot hede reeds 11% van sy begroting aan die landbou en verwante ministeries bestee, luidens die Namibiese Landbou-unie se nuusbrief.
Dié fondse word aangewend om voedselsekuriteit vir sukkelende gemeenskappe te verseker, maar boere het nog geen droogtehulp ontvang nie.
In Junie is ‘n noodtoestand in Namibië afgekondig weens die waterskaarste, met sentrale damme wat gesamentlik slegs oor sowat 10% water bevat.
Die droogte wat tans groot dele van Suider-Afrika in ‘n wurggreep het, het reeds gelei tot ‘n inkrimping van drie komma drie persent op die bruto binnelandse produk in Suid-Afrika.
‘n Landbou-ekonoom aan die Noordwes-Universiteit se Potchefstroom-kampus, Flippie Cloete, het tydens ‘n diskoersgesprek by AARDKLOP-kunstefees gesê aanplantings van somergraangewasse is vanjaar reeds minder as verlede jaar, toe aanplatings ook weens die droogte in die wiele gery is.
Nog ‘n spesialisnavorser van droogtetoestande in die landbousektor by Senwes, Thuys Grobbelaar, het oor droogte by die Aardklop-kunstefees in Potchefstroom gepraat en gesê die huidige droogte is een van die ergstes sedert die 1960’s.
Grobbelaar sê produsente is in kosteknyptang vasgevang want dit raak al duurder om gewasse te plant terwyl die mark al laer pryse vir die produk aanbied.
Die Departement van Water en Sanitasie het gewaarsku dat die watervlakke in talle damme in Limpopo baie laag is en só ook die watertafel. Dit het daartoe gelei dat die departement en munisipaliteite waterbeperkings ingestel het in alle provinsies wat deur die droogte geraak word.
Die departement van Water se waarnemende streeksbestuurder in Limpopo, Rex Milne sê die watervlakke in damme in die provinsie staan op sowat 26% en grondwater het ook skerp afgeneem.
Kenia skend internasionale reg deur inwoners van die wêreld se grootste vlugtelingkamp te dwing om na Somalië terug te keer, het ‘n hulporganisasie gister gesê.
Kenia hou vol dat die ontruiming van die Dadaab-kamp, die tuiste van honderdduisende meestal Somaliese vlugtelinge, in pas met internasionale wetgewing uitgevoer word, het AFP berig.
Die Noorweegse raad vir vlugtelinge (NRC) sê die “vrywillige terugkeerproses” voldoen nie aan internasionale standaarde nie. Dit beteken dat Kenia hom aan die gedwonge terugkeer van vlugtelinge en asielsoekers skuldig maak.
“Druk om meer as 280 000 geregistreerde vlugtelinge uit die Dadaab-kamp te dwing, het tot chaotiese en ongeorganiseerde terugkeer gelei,” het die sekretaris-generaal van die NRC, Jan Egeland, gesê.
“Van wat ons gesien het, is die proses nie meer vrywillig, waardig of veilig nie,” het hy gesê.
Kenia se regering het in Mei aangekondig dat die kamp in die noordooste van Kenia gesluit word en het kommer oor veiligheid as rede aangevoer.
Die owerheid het herhaaldelik beweer die kamp is ’n teelaarde vir Islamitiese terroriste, maar kon geen bewyse ter stawing hiervan voorlê nie.
Volgens menseregte-organisasies word vlugtelinge teruggestuur na ’n land waar meer as ’n miljoen mense haweloos is, vyf miljoen nie genoeg kos het om te eet nie, en waar magte van die Afrika-unie en Somalië steeds teen die Al-Kaïda-geallieerde Al-Sjabaab-militante veg.
Die NRC sê benewens die nie-vrywillige aard van die terugstuur van vlugtelinge, bring die onveilige omstandighede in Somalië mee dat die terugkerendes se veiligheid nie gewaarborg kan word nie en dat basiese dienste in die land onvoldoende is.
Die Verenigde Nasies se agentskap vir vlugtelinge (UNHCR) is deur menseregte-organisasies gekritiseer vir hul ondersteuning van die nie-vrywillige repatriasies van Somaliese vlugtelinge. Verlede maand het die organisasie Human Rights Watch gesê die repatriasie word deur “vrees en waninligting” aangedryf.
Honderde Ethiopiese troepe het die week uit ’n dorp in die sentrale deel van Somalië onttrek. Dit is minstens die tweede gebied waaruit hulle in onlangse weke beweeg het.
’n Offisier het aangekondig dat die soldate uit El-Ali in die Hiran-streek onttrek het waar hulle diens gedoen het as deel van die Afrika-uniesending, nadat hul basis oornag onder ’n kwaai artillerie-aanslag deurgeloop het.
Nabygeleë al-Sjabaab militante het daarna die dorp weer ingeneem.
Die troepe-beweging kom enkele dae nadat Ethiopië se beleërde regering ’n noodtoestand afgekondig het in ’n poging om ’n einde aan ’n ongekende vlaag protesoptredes te maak.
Uit Somaliese regeringsgeledere word gekla dat die onttrekking van die Ethiopiese troepe ’n vakuum laat, wat militante die geleentheid bied om bevryde dorpe weer in te neem.
Byna 10 000 kiesers het tydens ‘n Trump-byeenkoms gedreunsing “CNN suig” in Pennsylvania Maandagaand.
“Ek sê jou, hulle is so oneerlik. Sonder die media, sal Hillary Clinton nie eers verkies kan word as ‘n hondvanger nie,” het Trump gesê. “CNN is ‘n skande.”
Die nuuskanaal gee voor dat Hillary die tweede debat tussen haar en Trump gewen het, maar dit berus op ‘n skewe peiling. Feitlik elke ander hoofstroomnuusbron het blitspeilings oor die debat van hul webwerwe afgehaal omdat Trump ver voor is.
RSG en Media24 het intussen die onsin wat CNN die wêreld instuur, herhaal.
Die Republikeinse genomineerde sê CNN skakel kamera’s af as hy die netwerk kritiseer.
“Ek is mal oor WikiLeaks,” het Trump gesê by die byeenkoms in Wilkes-Barre, Pennsylvania waar byna 10,000 mense opgedaag het by die Mohegan Sun Arena by Casey Plaza, volgens Fox News. WikiLeaks is stadig maar seker besig om die omstrede eposse van Clinton se veldtogbestuurder John Podestà rugbaar te maak.
“Die skelm Hillary Clinton het gesê dat terrorisme nie ‘n bedreiging vir die land inhou nie,” het hy gesê.
“Laat ek jou vertel, terrorisme is ‘n groot bedreiging. Hillary erken dat ISIS die vlugtelingstroom kan infiltreer.”
Die skare het Hillary uitgejou in reaksie en gedreunsing: “Sluit haar toe!”
Die hoogtepunt van die debat was toe Trump die Russe se kant gekies het teen Clinton en haar NeoCon-konkelaars. Trump het hul Siriese charade ontbloot vir wat dit is.
Die CNN-moderator, Martha Raddatz, het hom probeer stilmaak, maar hy het aanhou praat.
Hy het gesê Hillary het geen idee wie die sogenaamde “rebelle” in Sirië is nie en dus is daar geen punt om hulle te verdedig nie.
Rusland het voorheen aangedui dat die “rebelle” in Sirië eintlik ISIS terroriste is. Trump het gesê ten minste veg Rusland teen ISIS, iets wat die VSA nie doen nie omdat hulle sulke swak leiers het wat patetiese besluite geneem het.
Die Universiteit van die Witwatersrand, alma mater van Joe Slovo, Harold Wolpe, Barbara Hogan, Nelson Mandela en ander marxistiese revolusionêre het gister verdere geweldpleging ervaar toe ‘n bus in Jorissenstraat, Braamfontein, deur swart studente aan die brand gesteek en winkels geplunder is.
Die webblad intelligencebureau.co.za het die volgende YouTube-video van 19 sekondes vrygestel waarin gesien kan word hoe die studente ‘n winkel in Braamfontein plunder.
Terwyl die Universiteit van Pretoria steeds gesluit bly na chaotiese “debatte” tussen personeel en studente gister (Maandag 10 Oktober), het Wits Sondag die ongewone stap geneem om gister weer sy deure te open. Die gevolg was grootskaalse geweldpleging, terwyl die polisie hul hande vol gehad het om betogende studente te hanteer.
Vanoggend heers ‘n gespanne atmosfeer by Wits, met die polisie wat sterk op die kampus verteenwoordig is. In die dae van NP-regering sou die universiteitsbestuur nooit die hulp van die polisie ingeroep het nie, maar soos ‘n dosent in joernalistiek, Nicky Falkoff, vanoggend twiet:
Morning students, and welcome to the campus of the future, now run wholly by SAPS for your safety! #Wits #JudgeDredd pic.twitter.com/MrXZCw3rOT
— Nicky Flake Off (@BarbraStrident) October 11, 2016
Swart studente het aanvanklik gepoog om ‘n bus om te gooi, maar toe hulle dit nie regkry nie, die voertuig sommer aan die brand gesteek.
Die universiteitsbestuur het gister as ‘n “moeilike dag” beskryf, maar is vasbeslote om met klasse voort te gaan. Blykbaar is net die helfte van lesings gister aangebied, terwyl die res nie kon voortgaan nie of gekanselleer is.
In ‘n verklaring het die uitvoerende bestuur van die universiteit gister gesê:
Dankie dat u vandag, ‘n baie moeilike dag vir die universiteit, saam met ons uitgehou het. Dankie aan diegene wat gewerk het, wat lesings bygewoon en ons vandeesweek ondersteun het. Ons was vandag gedeeltelik suksesvol en die akademiese program sal môre heropen.
Die oud-Springbokrugbyspeler Kobus Wiese het op Twitter sy afkeer van die gedrag van Witsstudente uitgespreek:
These thugs at Wits ( they call themselves students) who burn busses, throw stones, steal from surrounding shops complain about the cops
— Kobus Wiese (@4KobusWiese) October 11, 2016
Vier oproeriges is by die Universiteit Stellenbosch in hegtenis geneem nadat hulle toegang verkry het tot ‘n geslote gebou op die kampus.
‘n Groep van 160 swart belhamels het op die kampus rondgehol en klasse ontwrig wat daartoe gelei het dat talle lesings gekanselleer is.
‘n Woordvoerder van die US, Martin Viljoen sê die polisie moes skokgranate gebruik om die oproeriges uiteen te jaag.
Privaatsekuriteit het ook die onlusmakers met pepersproei onder bedwang gehou.
Nog twaalf swart betogers staar dissiplinêre verhore in die gesig en word verbied om verder lesings by te woon en toetse te skryf. Hul makkers dreig met ‘n hongerstaking, maar die dit lyk nie asof die US hul dreigemente ernstig opneem nie.
Die Pietermaritzburgse landdroshof sal Donderdag ‘n beslissing maak in die borgtogaansoek van die elf swart amokmakers wat aan betogings by die Universiteit van Kwazulu-Natal deelgeneem het. Die elf het reeds 19 dae agter tralies deurgebring.
Die verdediging het vroeër gevra dat die hof nie in die stadium beeldmateriaal van die betogings in ag neem nie.
Die aanklaer sê daar is duisende studente wat hul eksamens wil aflê sonder enige intimidasie.
Betogers by die Universiteit van die Vrystaat het Maandag geëis dat oproeriges wat dié dag in hegtenis geneem is, vrygelaat word.
Die groep het onderneem om voort te gaan met die ontwrigting van akademiese bedrywighede tot daar aan hulle eise voldoen word.
Hulle eis ook dat ‘n vroeëre hofbevel teen betogings op die kampus ter syde gestel word.
‘n Katolieke priester, Graham Pugin, is intussen in die gesig geskiet met ‘n rubberkoeël.
Die voorval het gebeur toe oproeriges van Wits en die polisie vroeër by die Holy Trinity Kerk langs die kampus slaags geraak het.
Die Katolieke Kerk sê dit is tyd vir studente om terug te gaan klas toe en dat onderhandelings voortgesit word wat nie inbreuk maak op lesings nie.
Die Universiteit van Wes-Kaapland buite Kaapstad sal ook gesluit wees vir die res van die week.
Personeel en studente is geïntimideer deur aktiviste wat hulle glo vir gratis opleiding beywer, maar nie veel bewys daarvan lewer nie.
‘n Woordvoerder, Luthando Tyhalibongo sê die huidige atmosfeer is nie bevorderlik vir onderrig nie. Alternatiewe planne word gemaak om studente te help om die akademiese jaar te voltooi.
Die Universiteit van Pretoria sal môre nog gesluit wees nadat studente gister fakulteitsvergaderings ontwrig het. Lesings was veronderstel om gister voort te gaan. Die universiteit sê lesings sal daarna hervat word.
Die akademiese program op die Universiteit van die Vrystaat (UV) se drie kampusse is vandag en môre opgeskort weens voortslepende oproer.
UV-woordvoerder, Lacea Loader, sê die instelling se universiteitbestuur gaan vandag en môre “verskeie belanghebbendes betrek”.
Dit in ‘n poging om ‘n oplossing vir die onluste te vind.
In ‘n verklaring waarsku Loader indien ‘n oplossing nie gevind word nie, kan die UV-kampusse se deure tot verdere kennisgewing gesluit word.
‘n Groep oproerige swart studente het weer ontwrigting by die Bloemfontein-kampus van die Sentrale Universiteit vir Tegnologie (SUT) veroorsaak toe hulle die biblioteek Maandag bestorm het.
Hulle het studente wat graag wou werk, gedwing om die biblioteek te ontruim. SUT-woordvoerder, Dan Maritz, sê hoewel dit effens bedaar het, is daar steeds spanning op die kampus.
Niemand is in hegtenis geneem na die voorval nie.
Dit kom nadat die kampus Maandagoggend heropen het nadat dit gesluit deur die bestuur weens studente se deelname aan die nasionale veldtog vir gratis onderwys.
Intussen het die SUT-bestuur en besorgde ouers met studenteleierskap ontmoet. Maritz het bevestig dat die vergadering by die kampus sou plaasvind.
Maritz sê die belanghebbendes wou praat oor die pad vorentoe.
Die SUT sal sy Bloemfontein en Welkom kampusse tot Vrydag sluit.
Die vonnisoplegging van nege mense, agt mans en ‘n vrou, wat skuldig bevind is op aanklagte van afpersing en diefstal van duisende liter brandstof het in die Vrystaatse hooggeregshof begin.
Die saak hou verband met onwettige aktiwiteite tussen Januarie 2005 en Desember 2006 naby Naboomspruit en Warden in die Vrystaat toe verskeie brandstowwe, soos petrol, diesel en ander stowwe, ter waarde van miljoene rande gesteel is.
Daar word beweer dat ‘n Indiër, Nazier Ahmed Tiry van Warden swart vragmotorbestuurders, van verskillende vervoer maatskappye, omgekoop het om brandstof onwettig af te laai by Naboomspruit en Warden op plase wat aan hom behoort.
Sowat 473 000 liter gesteelde diesel is op een plaas, Quarryhoek, buite Warden gekry. Tiry het dan die brandstof weer aan ander partye gesmous.
Tiry het daarna probeer maak asof hy geestelik versteurd is, maar ‘n onafhanklike evaluering het bevind hy is nie mal nie.
Maandag, het ‘n geïrriteerde Regter Jake Moloi het die saak weer uitgestel, tot Dinsdag vir die vonnisoplegging om te begin.
Dit volg nadat Tiry en vyf ander ‘n aansoek om ‘n uitstel in die hof gebring het.
Hul regsverteenwoordiger het aangevoer, namens hulle, dat die polisie se ondersoek gefinaliseer moet word na die voormalige Bloemfonteinse advokaat, Karabo Tau.
Tau is onlangs in hegtenis geneem op aanklagte van korrupsie, afpersing en sameswering om ‘n misdryf te pleeg,.
‘n Woordvoerder van die Valke, S’fiso Nyakane, het vroeër gesê Tau is in hegtenis geneem nadat hy na bewering deur die families van die nege mense in die saak genader is.
Nyakane gesê Tau is in hegtenis geneem nadat hy na bewering probeer het om ‘n regter om te koop om die nege vry te spreek.
Hul gesinne het hom na bewering R80 000 betaal, wat blykbaar ‘n deposito vir die betaling van R500 000 aan die regter was.
Die verdediging het aangevoer dat die Tau-saak ‘n skaduwee gooi oor die vonnisoplegging en dat die “wolk moet lig” voor vonnisoplegging kan voortgaan.
Regter Moloi het die aansoek om uitstel geweier.
Moloi het gesê sedert die saak voor die hof is, vanaf Mei 2014 is “elke truuk in die boek” gebruik om die saak uit te stel.
Maandag was die 80ste dag voor die hof.
Regter Moloi het beveel dat vonnisoplegging sal voortgaan selfs nadat Tiry en die ander se regsverteenwoordigers Maandag onttrek het.
Die regter het gesê diegene wat nie teen Dinsdag regsverteenwoordigers het nie, sal op eie stoom ter versagting moet pleit.
Op beide plase, is ‘n aantal van grootmaatopgaartenks, omring deur hoë-sekuriteitsmure, gevind.
Drie van die mans het by Sasol in Secunda gewerk en gehelp met die ondertekening van vragdokumente asof die lewering korrek deur Sasol-werknemers ontvang is.
Die ander beskuldigdes in die saak is Patricia Sangweni, Sipho Tshabalala, Anthony Nyamusa, Goodenough Mthethwa, Alfred Buthelezi, en Josef Moisi, Velli Sithole en Salomo Nkosi wat by Sasol gewerk het in Secunda.
Multimiljoenrandse projekte van die Vrystaatse Onderwysdepartment en die nasionale Departement van Basiese Onderwys – waaronder die nuut geboude Heide Primêre Skool in Heidedal, Bloemfontein – word nou ondersoek.
Die ondersoek is geloods deur die Spesiale Ondersoekeenheid (SOE). Dié skool vorm deel van ‘n lys van tien skole in die Vrystaat wat deel uitmaak van die proklamasie vir die ondersoek wat in die Staatskoerant gepubliseer is.
Die proklamasie lees dat ‘n ondersoek gelas word nadat daar “verskeie bewerings” in verband met die aangeleenthede van die Onafhanklike Ontwikkelingsraad (OO), die Departement van Basiese Onderwys en die Departement van Onderwys in die Vrystaat gemaak is.
Die Heide Primêre Skool (foto) was sedert die begin van bouwerk aan die nuwe skoolgebou in omstredenheid gedompel. Die bou van die skool, wat aanvanklik net nege maande sou duur, is ná drie jaar eers voltooi.
Bouwerk is verkeie kere tot stilstand geruk deur protesoptogte van die gemeenskap en/of die nie-betaling van kontrakteurs.
Leerlinge het uiteindelik aan die begin van die vorige kwartaal die nuwe skoolgebou betrek.
Bron: OFM
