Gaboen se president lag beskuldigings van skynverkiesing af

Gaboen se pasverkose pres. Ali Bongo steur homself nie aan die betwiste verkiesingsuitslae nie, selfs nadat sy minister van justisie bedank het en die voormalige koloniale heerser, Frankryk, voorgestel het dat die stemme oorgetel word.

Die Franse eerste minister, Manuel Valls, het gesê dit is noodsaaklik om ’n duidelike verkiesingsproses te hê omdat “twyfel” bestaan.

Frankryk het sy stem by dié van die Europese Unie en Amerika gevoeg, wat reeds gevra het dat die volledige uitslae vir elke stempunt gepubliseer moet word.

Dit kom ure nadat die minister van justisie, Seraphin Moundounga, wat ook die adjunkpremier is, láát Maandag bedank het en geëis het dat die stemme oorgetel word.

Gaboen se herverkose president (foto, saam met sy vrou Sylvia) het internasionale oproepe verlede week afgelag, en gesê dit is ‘n kwessie vir die land se konstitusionele hof om te besluit.

Die Europese Unie het die geldigheid van die verkiesing bevraagteken. Frankryk is besonder gretig om ‘n nuwe president in die olieproduserende land aan te wys.

Op ‘n vraag gedurende ‘n onderhoud Woensdag of hy ‘n sal toelaat dat stemme weer getel word, het Bongo aan Frankryk se RTL-radio gesê: “Wat mense moet my vra om te doen, is om die wet toe te pas. Ek kan die wet nie oortree nie.”

Noord-Korea treiter Japan met missieltoetse

Noord-Korea het tydens die afsluiting van die G20-beraad in China, drie middelafstand-missiele afgevuur, wat ongeveer 1 000 kilometer getrek en naby Japan geland het.

Dit word beskou as ’n magsvertoon wat met die ekonomiese spitsberaad saamval.

Noord-Korea het die afgelope tyd ’n reeks missieltoetse uitgevoer, wat op die ou einde daarop gemik is om langafstand-kernmissiele te ontwikkel wat in staat is om Amerika te bereik.

Sulke toetse is redelik algemeen, veral met die internasionale aandag op Noordoos-Asië waar die G20-spitsberaad plaasvind.

China is Noord-Korea se enigste belangrike bondgenoot, maar betrekkinge tussen die buurlande is gespanne midde ’n reeks Noord-Koreaanse kern- en missieltoetse, wat deur baie as uitlokking beskou word.

Suid-Korea se gesamentlike stafhoofde sê die drie ballistiese missiele, waarskynlik almal Rodongs, is uit die dorp Hwangju in Noord-Korea afgevuur, voordat dit in die see geval het.

Hulle het die lanserings as “gewapende protes” bestempel wat daarop gemik is om Noord-Korea se militêre vermoë tydens die byeenkoms van die G-20 te demonstreer, dae voor die Noord-Koreaanse regering se 68ste herdenking.

Die drie missiele wat gister afgevuur is, het geval binne Japan se eksklusiewe ekonomiese sone, die 200 seemyl aflandige gebied waar ‘n land soewereine regte vir ontginning en benutting van hulpbronne het, het die ministerie van verdediging in Tokio gesê.

Die Japanse kabinetsekretaris, Yoshihide Suga, het die lanserings as “’n ernstige bedreiging” vir Japan se veiligheid bestempel en gesê Tokio het via Japan se ambassade in Beijing by Noord-Korea beswaar gemaak.

Onluspolisie en Natalse studente bots

Traangasdampe hang steeds in die lug op die Howard-kampus van die Universiteit van KwaZulu-Natal nadat onluspolisie se Dinsdagmiddag gebots het met betogers.

Polisie het traangas en rubberkoeëls afgevuur op studente wat gevlug na veiligheid. Betogers het ‘n spoor van verwoesting op die kampus gelaat.

Een vrou is geskiet in die linkerknie en gerugte het daarna die ronde gedoen dat die polisie skerppuntammunisie gebruik. Maar die polisie op die toneel, het ontken dat hulle op studente geskiet het.

Studente is uit die Pius Langa-koshuis uitgeboender en daar is op hulle geskiet nadat hulle uit die koshuisvensters gehang het en die polisie getart het om hulle te kom kry.

Studente pleeg glo onluste oor ‘n voorgestelde 8% verhoging in fooie.

Die studenteleierskap was nie op die kampus nie. Hulle het glo borgtog gaan betaal vir 13 studente wat Maandag in hegtenis geneem is in verband met vorige oproer op die kampus.

Die senaatgebou en ses voertuie buite die Westville-kampus is aan die brand gesteek omstreeks middernag.

‘n Universiteitwoordvoerder, Lesiba Seshoka het gesê studente is in hegtenis geneem ná die brand.

“Die skade loop in ‘n hele paar miljoen rand.”

Studente-oproer het gewelddadig geraak by die Howard-kampus asook Pietermaritzburg-kampus met klipgooiery, saakbeskadiging en versperring van paaie.

Die brandstigting en onrus kom presies ‘n jaar nadat oproer in September verlede jaar uitgebreek het, wat ‘n geraamde R80 miljoen se skade veroorsaak het.

Bruin student wat ‘kaffermeit’ pos nie ‘uitgesonder’ nie

By die Kaapse Skiereiland Universiteit van Tegnologie (KSUT) is net ‘n ligte fladdering opgemerk toe student van die Wellington-kampus per ongeluk stempos op WhatsApp uitgestuur het na haar klasgroep wat bedoel was vir ‘n private gesprek.

In die stempos, gestuur op 22 Augustus, verwys sy na een van haar klasmaats as ‘n “kaffermeit”.

Sy is later in kennis gestel deur ‘n klasmaat dat sy die stemnota gestuur het na die verkeerde groep.

‘n Klasmaat het glo die SA Studente Kongres (Sasco) gekontak om ‘n klag in te dien.

Sasco het die Studente se Verteenwoordigende Raad genader, wat ‘n optog gereël het en studente gemobiliseer het “in die stryd teen rassisme”.

“Ons wou nie die meisie uitsonder nie, daarom het ons ‘n vreedsame optog beplan om die hele kampus se studente te verenig en bewustheid teen rassisme te kweek,” het SR-lid Athi Ndita gesê.

Die student, vermoedelik bruin, word tans aan ‘n dissiplinêre verhoor onderwerp.

SRC sekretaris Elsabe Westraat het gesê hulle is bewus van die voorval.

KSUT se woordvoerder Lauren Kansley het gesê die saak geniet aandag.

Noord-Kaap moet ‘rassisme’ beveg maar raadslede skuld meeste dienstegeld

Raadslede en tradisionele leiers in die Noord-Kaap – wat juis verantwoordelik is om verbruikers te oortuig om hul munisipale rekeninge te betaal – skuld self duisende rande in dienstegeld.

Maar volgens die Instituut vir Versoening en Sosiale Geregtigheid, is “rassisme” eerder die probleem.

Samewerkende Regering en Tradisionele Sake Minister, Des van Rooyen, sê altesaam 53 raadslede van 13 sukkelende munisipaliteite in die provinsie skuld al vir langer as drie maande meer as R595 000.

Dit is veel meer as munisipaliteite in Gauteng. Al die munisipaliteite in dié provinsie het hul skuldprofiele by die nasionale departement verklaar, en 35 individue skuld munisipaliteite meer as R168 000.

Van Rooyen sê ingevolge die gedragskode vir raadslede mag hulle nie uitstaande skuld van ouer as drie maande hê nie.

Munisipaliteite is verantwoordelik vir afbetalingsooreenkomste met raadslede wat nie ná die 2016 Munisipale Verkiesing teruggekeer het nie.

Intussen het JC van der Merwe (foto) van die Instituut vir Versoening en Sosiale Geregtigheid verklaar dat “die waardigheid, gelykheid en vryheid” Noord-Kaap aandag moet kry.

Klaarblyklik is Van der Merwe nie so besorg oor wanbetaling en korrupsie in die provinsie nie.

Die Noord-Kaap is die vyfde provinsie waarin die Ahmed Kathrada en Nelson Mandela-stigting sy Anti-Racism Network South-Africa loods. ARNSA se bekendstelling is in Kimberley gehou.

Die doel van die netwerk is om “rassisme” aan te pak en swart Suid-Afrikaners aan te moedig om “rassediskriminasie” te beveg.

Van der Merwe sê die Anti-Racism Network sal in die Noordwes van stapel gestuur word teen die einde van hierdie maand. Dié provinsie kry ook kritiek vir grootskaalse korrupsie.

Marine Le Pen looi Sarkozy se radikale Moslem-vriende

Die leier van FN Marine Le Pen sê sy is bewus daarvan dat Sarkozy weer probeer om haar “verregse” verkiesingsplatform te beset met allerlei geluide oor “radikale Islam” en swemdrag.

Le Pen sê egter die verskil tussen die beeld wat Sarkozy wil bevorder van homself in sy verkiesingsveldtogte, en die verbintenisse wat hy in die geheim het met ekstremisme, is kommerwekkend.

“Dit is duidelik dat Nicolas Sarkozy wil hê mense moet dink dat hy die media-kampioen van die stryd teen Islamitiese radikalisme is, maar sy trou aan die globale promotor van Wahhabisme is duidelik. Dit is die doktrine van die mees fanatiese en radikale organiseerders wat die ergste afskuwelike in die naam daarvan pleeg.”

Marine Le Pen Sarkozy verder gediskrediteer: “Hoe kan ons glo dat die Franse moet staatmaak in hul stryd teen Islamisme op ‘n politieke figuur wat kruip by die Qataris of die Saoedi’s?”

Nicolas Sarkozy probeer tans sy “anti-Islam-houding” by kiesers bemark deur te velde te trek teen Moslemswemdrag of boerkini’s.

Die FN se vise-president Florian Philippot (foto) het egter Vrydag gesê die Wet van 2004 wat godsdienstige simbole in skole verbied moet uitgebrei word na alle openbare ruimtes, en nie net die Islamitiese sluier maar ook die Joodse kippa moet verbied word.

Hy het ook gesê kruise moet nie te groot wees om omstredenheid uit te lok nie.

Die voormalige Franse president, Sarkozy, wat van plan is om in die volgende jaar se presidentsverkiesing weer te staan, kan geregtelike vervolging in die gesig staar oor beweerde onwettige finansiering van sy mislukte 2012 presidensiële aanslag, het ondersoekbeamptes aangekondig.

“Aanklaers vra dat almal wat aangekla word, verhoor moet word,” het ‘n bron aan AFP gesê.

‘n Ondersoekende landdros moet nou besluit of die aanklaers se aanbevelings aanvaar sal word.

Reeks bomaanvalle ruk Sirië

‘n Reeks bomaanvalle het Sirië geruk, hoofsaaklik in gebiede onder beheer van die regering.

Die aanvalle kom te midde van gespanne onderhandelinge tussen Rusland en die VSA rakende Sirië tydens die G20-beraad en die Siriese regering se suksesse teen die inval van ISIS.

Van die minstens 48 mense wat dood is, was minstens 35 in pres. Bashar al-Assad se kusvesting, Tarsus, het die staatsmedia berig.

Die stad is ook die tuiste van ’n Russiese vlootbasis.

Die Islamitiese Staat-groep (ISIS) het aanspreeklikheid vir een van die aanvalle teen ’n Koerdiese veiligheidspos in Hasakeh aanvaar, maar niemand het nog verantwoordelikheid vir aanvalle in Tarsus, die regeringsbeheerde stad, Homs, en ’n weermagdeursoekpunt op ’n pad buite Damaskus aanvaar nie.

Gerugte dat Saudi-Arabië verantwoordelik is, is geopper aangesien Turkye hul eis dat die Siriese president moet afstap van sy pos, laat vaar het.

Die VSA en Rusland kon nie ‘n skietstakingooreenkoms vir Sirië bereik by die G20-beraad in China nie weens “gapings” in die gesprek.

Joodse ANC-lid Turok pleit vir opstand teen Zuma

Die Joodse anti-apartheidsaktivis en ANC-lid, Ben Turok, sê ‘n landwye optrede deur ANC-lede wat openlik vra vir ‘n nuwe leier is nou nodig.

‘n Mislukte poging om president Jacob Zuma te kry om te bedank, is Maandag opnuut van stapel gestuur deur ‘n faksie in Gauteng by name “Occupy Luthuli House”. George Soros is klaarblyklik betrokke by die befondsing daarvan.

Maar die groepie lawaaimakers is uitgehou deur MK-veterane in kakie-klere wat gewapen was met stokke. Die optoggangers kon nie naby Luthulihuis kom nie.

Hulle moes hulle memorandum van griewe aan ‘n verteenwoordiger by Beyers Naudé-plein oorhandig.

Die party se sekretaris-generaal, Gwede Mantashe, het Maandag die memorandum ontvang van die “Beset Luthulihuis” groepie wat eis dat Zuma en die hele Nasionale Uitvoerende Komitee bedank.

Turok het sy diep ontevredenheid uitgespreek oor die rol van die MK-veteranevereniging in die situasie gespeel het om die optog te fnuik.

Die veterane asook ander ANC-lede het Maandag opgeruk om Luthulihuis te verdedig teen die aanslag op Zuma wat volgens Turok “partydige” optrede was om die president te beskerm.

Turok het die veterane daarvan beskuldig dat hulle bevooroordeeld is teenoor diegene wat die ANC kritiseer. Hy sê hy steun die groepie se griewe maar hulle moet nie “wetteloos” optree nie.

‘n Optog-organiseerder vir die faksie, Bonolo Ramokhele, het gesê busse van Limpopo en Mpumalanga moes omdraai weens dreigemente van geweld.

Hy het gesê die organiseerders het oor die naweek verslae ontvang dat daar dreigemente van ernstige geweld is en net daar en dan besluit dat dit onveilig vir lede sal wees.

“Jy kan nie jou soldate uitstuur om te veg wetend dat hulle maklike teikens gaan wees nie.”

Obama dreig met kuberoorlog na China, Rusland skroewe aandraai by G20

By die G20-beraad in China het president Obama gedreig om ‘n kuberoorlog teen Rusland te loods en gesê: “Kyk, ons beweeg in ‘n nuwe era hier waar ‘n aantal lande ‘n groot kapasiteit het. En eerlik, ons het meer kapasiteit as enigiemand, beide aanvallend en verdedigend.”

Die kil betrekkinge tussen die VSA aan die een kant en Rusland en China aan die ander, was duidelik uit die ontmoeting tussen die onderskeie staatshoofde (foto bo) by die beraad in Hangzhou.

Die kommentaar van Obama bestaan nie in ‘n vakuum nie, met die Withuis wat ‘n federale ondersoek na “Russiese inmenging” in die 2016 presidensiële veldtog van stapel gestuur het na aanleiding van ‘n brief deur Senator Harry Reid aan die FBI se Direkteur James Comey.

Daarin beweer Reid dat Poetin verkiesingsuitslae tot voordeel van Donald Trump kan manipuleer wat hy as ‘n “verraderlike agent van Rusland” in drie uit vyf paragrawe skets.

Die Chinese weermag het intussen aangekondig dat hulle Siriese soldate van die mediese dienste sal voorsien om Rusland by te staan.

Maar almal verstaan ​​dat hierdie ooreenkoms en Chinese toetrede die magsbalans in die Midde-Ooste teen die Obama-administrasie gelaai het.

Vir die afgelope vier jaar, is die helfte van die militêre dokters in Sirië opgelei in China, alhoewel die Volksrepubliek van China voorheen geweier het om betrokke te raak in enige vorm van samewerking wat deur Washington as militêre hulp geïnterpreteer kan word.

Rusland het voorheen ‘n identiese ooreenkoms met Sirië aan die begin van 2012 aangegaan, maar militêre hulp is drie en ‘n half jaar later goedgekeur.

Kennelik het die ooreenkoms ‘n Amerikaanse vrees aangewakker dat China ook binnekort militêr in Sirië sal toetree.

Afrika is intussen hoog op die beraad se ontwikkelingsagenda geplaas na druk deur China.

Een van die konsepresolusies deur leiers van die voorste nywerheidslande wat in Hangzhou was instemming tot samewerking om ekonomiese groei in Afrika te bevorder.

Die Chinese president, Xi JinPing, het deur middel van ‘n tolk gesê Afrikabevolkings sal bevoordeel word deur inklusiewe groei.

Nie-Westers leiers wat die beraad van die G20-lande bygewoon het wat pas in China te einde geloop het, eis die hervorming van die wêreld se leningsinstellings soos die Internasionale Fonds en die Wêreldbank.

Hulle eis dat die IMF sy kwota en stemreg herverdeel sodat dit ‘n regverdige weerspieëling is van die status van opkomende markte en ontwikkelende lande.

Xi JingPing het deur ‘n tolk gesê finansiële instellings behoort sensitief te wees teenoor armer lande.

‘n Aksieplan op die Agenda vir Volhoubare Ontwikkeling vir 2030 is aanvaar en dit is die eerste keer dat die G20 as ‘n groep hul steun toesê aan nywerheidsontwikkeling in Afrika en alle ander ontwikkelende lande.

Die leiers van die sterk nywerheidslande het ook onderneem om handelbeperkings te verwyder en die wêreldekonomie op ‘n groeipad te plaas.

Die IMF het die wêreldgroei vir die jaar tot net bokant drie persent aangepas en vir aanstaande jaar tot tussen drie en vier persent.

Wit pa in sy huis doodgeskiet

‘n Wit pa van Durban, Gary Mackay (foto), is dood toe hy probeer het om sy vrou en twee kinders by hul huis Duncanweg, Westville, Saterdag teen swart aanvallers te beskerm.

Drie swart indringers het hom in sy maag geskiet, en daarna die huis besteel voordat hulle gevlug het met die buit.

Die 35-jarige webbestuurder het geluide in sy huis gehoor omstreeks 04:00. Hy het gaan kyk wat aangaan onder. Hy is gekonfronteer deur die drie gewapende aanvallers en ná ‘n stryd, is hy geskiet.

Sy vrou en sy twee kinders, tussen die ouderdomme 19 maande en vier jaar, was wakker en op die boonste verdieping van die huis.

Na hulle Mackay doodgeskiet het, het die misdadigers op hul gemak voortgegaan om goedere te steel uit die huis.

Sy skoonpa, Orlando Pereira, het gesê almal is geskok, ook deur die aanvallers se koelbloedigheid.

“Mense is nie veilig in hul huise nie. Die mans wat dit gedoen het, het nie eens enige berou nie en het doodluiters [na hulle Gary doodgeskiet het] by die trappe opgegaan om besittings van my dogter te neem,” het hy gesê.

Hy sê die woonsbuurt het baie onveilig geword. Verlede jaar is twee huisaanvalle geregistreer, terwyl daar reeds nege aanvalle hierdie jaar was.