Kategorie: Nuus

Skenkers dok op om Gasa te herbou

Internasionale skenkers van lande en organisasies het meer as $5 miljard beloof om die oorloggeteisterde Gasagebied te herbou, maar het Sondag gesê dit is die laaste keer dat hulle sal betaal en Israel en die Palestyne aangeraai om ‘n finale vredesooreenkoms te sluit wat tot twee aparte state sal lei.

Die Noorweegse minister van buitelandse sake Borge Brende het die aangekondiging laat Sondag gemaak.

Verteenwoordigers van meer as 54 lande woon ‘n internasionale konferensie in die Egiptiese hoofstad Kaïro by.

Die som oortref somber voorspellings dat skenkersmoegheid ingetree het.

Lugaanvalle en grondoperasies wat in Julie geloods is en tot die einde van Augustus geduur het, het grootskaalse skade aangerig.

Senator John Kerry het self miljoene Amerikaanse dollar beloof om die puinhope te herstel. Die VSA het. soos voorheen, wapens aan Israel geskenk gedurende die mees onlangse veldtog teen die Palestyne in Gasa.

Planne is bespreek by die konferensie om die geweld tussen Israel en die Palestyne stop te sit.

Die Suid-Afrikaanse minister van Internasionale Betrekkinge, Maite Nkoana Mashabane woon dit ook by. Sy het gesê Gasa moet onder die toesig van die Palestynse owerheid, met hulp van buite, herbou word.

Sakelui gaan Nkandla-geld betaal

‘n Groep Durbanse sakelui wat aangebied het om ‘n gedeelte van die geld terug te betaal wat aan opknappings aan President Jacob Zuma se privaatwoning op Nkandla bestee is, meen die land moet van die saak af aanbeweeg.

Die Openbare Beskermer, Thuli Madonsela het in haar verslag bevind dat die president en sy familie onregmatig uit die opgraderings voordeel getrek het, het RSG berig.

Die projek het meer as R200 miljoen gekos en Madonsela het aanbeveel dat Zuma van die koste dra.

Die voorsitter van die groep, wat as die Public Members Unit Team bekend staan, Vumelani Mchunu sê hulle wil eerder daarop fokus om saam met die president ‘n beter Suid-Afrika tot stand te bring as om op een kwessie te hamer.

Die groep sê hulle gaan fondse begin insamel sodra daar op ‘n gepaste bedrag besluit is.

Heksejag teen wittes van Wilgehof duur voort

Die Menseregtekommissie (MRK) het na ‘n destydes ondersoek na beweerde rassisme by die Laerskool Wilgehof, in sy verslag en bevindings het hy Fanie Roeloffze en Lenard Mac Kay in hul afwesigheid en sonder om hul kant aan te hoor, skuldig bevind.

Die klaer en een van die hoofgetuies in die dissiplinêre verhore van Roeloffze en Mac Kay is die Joodse pa van twee Craig Thiem.

Sy kinders is intussen uit die skool en hy is sedertdien van winkeldiefstal aangekla en moet weer op 31 Oktober in die Bloemfonteinse landdroshof verskyn.

Die geskorste skoolhoof, Roeloffze is voorts skuldig bevind in ‘n dissiplinêre verhoor nadat ‘n ou landsvlag en foto’s van ape en Julius Malema neffens mekaar in ‘n klaskamer vertoon is.

Roeloffze, wat al sedert 1986 aan die skool verbonde is en sedert 1997 die hoof is, is nou ook skuldig bevind op twee aanklagte dat hy sy werk swak, of onvoldoende, gedoen het deur nie op te tree teen items die gr. 6-klaskamer van sy skool nie.

Hy is in die dissiplinêre verhoor van die Vrystaatse onderwysdepartement onskuldig bevind op ’n aanklag dat hy sy plig versuim het deur nie gereeld klasbesoek te doen nie.

Lenard Mac Kay, die onderwyser in geskiedenis en lewenswetenskap in wie se klaskamer die vlag en foto’s teen ’n muur gehang het, is steeds geskors en wag nog op die uitspraak van sy verhoor.

Die swart heksejag teen Marius Heydenreich en Riëtte Oosthuizen wat ook in daardie tyd geskors is, was minder suksesvol.

Heydenreich het nie ‘n leerling aangerand soos beweer is nie, en sy skorsing is intussen opgehef.

Oosthuizen, ’n beheerraadaanstelling, is sowat twee maande later geskors oor wat sy glo sou gesê het toe twee leerlinge baklei het.

Die aanklag teen haar is laat vaar, maar sy het vroeër vanjaar bedank.

Brit sterf vermoedelik van ebola in Masedonië

‘n Britse man, wat vermoedelik die ebola-virus onder lede gehad het, is in Masedonië oorlede.

Die sewe-en-vyftigjarige het saam met ‘n twee-en-sewentigjarige gereis, maar was klaarblyklik nie in Wes-Afrika nie.

‘n Senior regeringsamptenaar sê die tweede Brit, sy reisgenoot, in Masedonië toon ook simptome van die virus. Die twee mans het in ‘n hotel in die hoofstad, Skopje tuisgegaan.

Die hotelwerknemers en ambulanspersoneel wat met hulle in kontak was, is in afsondering geplaas.

Openbare gesondheidsowerhede in Brittanje sal voortaan saam met doeanebeamptes werk om reisigers wat koors onderlede het uit te sif by grensposte.

Nommer 10 was nie in staat om te sê of die stelsel reisigers van Wes-Afrika wat vlugte na ander stede neem, ook sal teiken nie.

Die skynbare ommekeer kom nadat oorlogsoefeninge vir hierdie naweek beplan word om Brittanje se vermoë te toets om op te tree teen die siekte, het die Departement van Gesondheid aangekondig.

Dokters, die ambulansdiens, plaaslike owerhede en die polisie sal deelneem in ‘n werklike tydsimulasie van ‘n ebola-uitbreking in twee of meer hospitale in die noorde en die suide van die land.

Intussen het die gesondheid van ‘n Spaanse verpleegster, wat ook die virus vermoedelik buite Wes-Afrika opgedoen het, verder versleg.

In Madrid is sewe mense in afsondering geplaas.

Brand verwoes 500 plakkershutte

Sowat 2 000 mense is dakloos nadat ‘n brand by die Kya Sands-lokasie sowat 500 plakkershutte Donderdag verwoes het, het die Johannesburgse nooddienste gesê.

Woordvoerder Nana Radebe het gesê rampbestuur probeer vasstel hoeveel mense geraak word, maar van die aanvanklike waarnemings is sowat 2 000 haweloses.

Radebe wou nie die getal bevestig totdat die amptenare hul verslae voltooi het nie, het sy gesê.

Agt mense moes vir rookinaseming behandel word.

Sowat 500 plakkershutte het afgebrand, het Radebe gesê.

Die brand is na bewering deur ‘n gasstoof veroorsaak wat nie dopgehou is nie. Gemeenskapsleiers het intussen huise van die regering geëis “om verdere rampe soos dié te voorkom”.

‘n Plaaslike kerk het alternatiewe akkommodasie aangebied vir die nag, en nie-regeringsorganisasies het kos en klere vir diegene wat geraak is, uitgedeel.

Geen sterftes is aangemeld nie.

‘Hani-moord om wapenomkopery toe te smeer’

Terry Crawford-Browne het Woensdag beweer dat die moord op Chris Hani in 1993 verband hou met die korrupte wapenstransaksie.

Hani wou glo die betrokkenheid van Joe Modise bloot lê. Modise sou later minister van verdediging word.

Hoewel Hani vermoor is voordat Modise die minister van verdediging geword het, en ses jaar voor die kontrakte vir die verskaffing van militêre toerusting onderteken is, sê Crawford-Browne hy glo die moord was gekoppel aan die wapentransaksie.

As getuie voor die wapenaankopekommissie in Pretoria, het Crawford-Browne gesê daar is bewerings dat Janusz Walus, wat Hani vermoor het, in diens was van die Britse wapenmaatskappy BAE Systems.

“In daardie scenario, was die betrokkenheid van Clive Derby-Lewis bloot misleiding om die wit regses te blameer, en so die aandag van die Britse wapenbedryf af te lei,” het Crawford-Browne gesê.

Die tweede adjunk-sekretaris van die SAKP, Solly Mapaila, het gister gesê dat hoewel die party Crawford-Browne se getuienis met agterdog bejeën, hoop hulle om meer uit te vind oor Hani se dood deur met hom te gesels.

“Hoekom het hy stilgebly met sulke inligting, terwyl ons gevra het vir ‘n ondersoek na Chris Hani se dood? … Ons sal hom vra of hy bewyse het want ons kan dit nie net [summier] ignoreer nie,” het Mapaila gesê.

Crawford-Browne het ook intussen beweer dat Winnie Madikizela-Mandela vertroulike wapentransaksie dokumente uitgelek het. Die ANC het die bewerings ontken.

Gister het hy gesê dit is bekend dat daar ‘n aansienlike vyandigheid tussen Modise en Hani was wat dateer uit hul tyd in ballingskap.

Crawford-Browne het gesê hy is vertel deur Bheki Jacobs, ‘n belangrike bron van inligting oor die beweerde korrupsie in die wapentransaksie, dat Modise vergiftig is, en dat die gesamentlike ondersoekspan se verslag oor korrupsie in die wapentransaksie gedokter is voor Modise se dood.

Jacobs het gesê Modise se dood sou lyk na kanker. Jacobs is self aan kanker oorlede in 2008.

In sy kruisondervraging, het Jaap Cilliers SC wat vir Fana Hlongwane verskyn en Crawford-Browne uitgedaag om te bewys dat die Britse regering lank reeds aandadig is aan omkopery deur BAE Systems.

Verskeie bronne beweer dat die sakeman Hlongwane miljarde betaal is aan kommissies wat verband hou met die wapenaankope, kommissies wat hy steeds namens sekere hoë amptenare en politici bestuur om hulle die verleentheid te spaar.

Crawford-Browne beweer die Britse sekretaris vir handel en nywerheid Patricia Hewitt het, in Junie 2003, erken dat BAE Systems omkoopgeld betaal het om kontrakte in Suid-Afrika te verseker.

Hy het gesê bewyse het getoon dat Barclays Bank van Engeland die verkryging van die BAE Hawk en die BAE/Saab Gripen-vegvliegtuie gefinansier het. Commmerzbank Duitsland het die aankope van die vier fregatte en drie duikbote gefinansier. Die vliegtuie sou in 2012 afbetaal word, maar is verleng tot 2021.

Crawford-Browne het die bewerings van vergiftiging na die adjunk-kommissaris van die polisie in die Wes-Kaap geneem, “maar geen optrede het gevolg nie,” het hy gesê.

Potchefstroom-geval is nie ebola nie, sê departement

Die Nasionale Departement van Gesondheid het berigte ontken dat ‘n ebola-geval in Suid-Afrika aangemeld is.

Die woordvoerder van die departement, Joe Maila sê ‘n 72-jarige man met ‘n hoë koors is in die hospitaal opgeneem.

Volgens mediaberigte is die pasiënt in die Potchefstroom hospitaal in Noordwes opgeneem in isolasie.

Hy is glo slegs as voorkomingsmaatreël in afsondering geplaas.

Maila sê dit is algemene praktyk om ‘n pasiënt in isolasie te plaas as ‘n hoë koors voorkom en is nié ‘n aanduiding van ebola nie.

Volgens Maila het die pasiënt nie ‘n buitelandse besoek onderneem nie.

Intussen het die Spaanse verpleegster wat met die ebolavirus besmet is, aan ‘n koerant gesê sy het die korrekte prosedures gevolg terwyl sy pasiënte met die siekte behandel het.

Sy sê sy het geen benul hoe sy kon aangesteek het nie. Nog vier mense is in die hospitaal opgeneem vir waarneming nadat hulle met die verpleegster in aanraking was.

Kritici sê Spanje se ebola-protokol laat veel te wense oor. Die Spaanse eerste minister, Mariano Rajoy, het egter die land tot kalmte gemaan.

Die Amerikaanse owerheid sê mense wat in die land opdaag van dele van Afrika wat die ergste geraak word deur ebola, sal nie sondermeer die land mag binnekom nie.

Passasiers van Liberië, Sierra Leone en Guinee se temperatuur sal geneem word en hulle sal by vyf van die besigste internasionale lughawens eers ondervra word.

Die Liberiese man wat die eerste ebolapasiënt was wat in Amerika gediagnoseer is, is dood.

Die Amerikaanse minister van buitelandse sake, John Kerry, het gevra vir ongeëwenaarde internasionale ingryping.

Spookorganisasies eis dat Wouter Basson geskrap word

“Nie-regeringsorganisasies” het gevra dat die Wêreld Mediese Vereniging aanbeveel dat die kardioloog Wouter Basson van Suid-Afrika se mediese register geskrap word, het RSG berig.

Die Vereniging hou sy algemene jaarvergadering in Durban.

Die organisasies, Section 27 en die People Health Movement (PHM) sê die president van SAMA, Ames Dhai het ingestem tot hul versoek om Basson se deelname aan chemiese en biologiese oorlogvoering by die kongres ter tafel te lê.

Section 27 is ‘n buitelandse spook-NRO wat oningeligte swartes betaal om by betogings oor die verswarting van skole op te daag. Die heeltemal onbekende PHM is waarskynlik ‘n soortgelyke spookorganisasie.

Hulle sê dit is belangrik dat die kongres kennis moet neem van die “erns” van die saak, het die radiostasie berig.

Dié onderduimsheid om van spookstemme gebruik te maak, staan bekend as “astroturfing” in Engels. RSG het dus gesorg dat die twee spookorganisasies lugtyd gegun word as regmatige partye in die saak.

Die Raad op Gesondheidsberoepe van Suid-Afrika het Basson in Desember verlede jaar skuldig bevind aan onprofessionele gedrag. ‘n Verhoor voordat straf opgelê word vind aan die einde van November plaas.

Mantashe klim in teen buitelandse mynbelange

Die ANC se sekretaris-generaal, Gwede Mantashe, het uitvoerende beamptes in die mynsektor daarvan beskuldig dat hulle negatiewe sienings oor Suid-Afrika aanwakker.

Daar is ‘n gebrek aan vertroue tussen die partye in die mynbedryf wat aangespreek moet word, het Mantashe gister gesê.

Mantashe het aan afgevaardigdes by die Johannesburgse Indaba gesê dit gebeur omdat daar nie meer mynmaatskappye in Suid-Afrika in plaaslike besit is nie.

Hy het gesê om saam te werk is nie om na die belange van die bedryf ten koste van die werkers en die mynbou-gemeenskappe te kyk nie.

“As ons gaan praat oor wat ‘n vennootskap moet wees, moet dit gaan oor kompromieë wat aangegaan kan word om sekere partye te akkommodeer,” het Mantashe gesê.

Hy het gewaarsku dat die regering nie ‘n “nagwag” vir kapitaal is nie. ‘n Regering moet omsien na wat die samelewing nodig het en kyk na die belange van die gemeenskap.

Mantashe het gesê die ANC is nie die voorhoede van die werkersklas nie, maar die voorpunt van die samelewing en dit is nodig om al die sektore van die gemeenskap te mobiliseer, veral in die ondersteuning van die Nasionale Ontwikkelingsplan.

Die NDP is nie beleid nie, maar ‘n plan wat sal verander en aangepas word as dit geïmplementeer is, het hy gesê.

“Mynbou skep miljardêrs, maar mense rondom die myne is onderhewig aan die uiterste armoede, wat vertaal in wrok.

“Dit is wanneer anargie en verwoesting algemeen word. Ons moet saamwerk om dit te verander.

“So lank as wat myne spookdorpe agterlaat, moet ons besef dat daar ‘n wrokkigheid heers en daar gaan ‘n opstand teen die bedryf wees,” het Mantashe gesê.

Die minister van Minerale Hulpbronne, Ngoako Ramatlhodi het by dieselfde geleentheid gesê die regering kan van sy lisensievereistes verslap om beleggers in olie- en gasontginning te lok.

Hy het by die Johannesburg Indaba oor Mynbou gesê Suid-Afrika loop die risiko om sulke beleggings te verloor as hy nie gehoor gee aan beleggers se voorkeure nie.

Volgens ‘n wetsontwerp oor die ontginning van gas- en olie kry die regering outomaties ‘n 20 persent aandeel in alle nuwe ontginningsprojekte.