Die Nasionale Departement van Gesondheid het berigte ontken dat ‘n ebola-geval in Suid-Afrika aangemeld is.
Die woordvoerder van die departement, Joe Maila sê ‘n 72-jarige man met ‘n hoë koors is in die hospitaal opgeneem.
Volgens mediaberigte is die pasiënt in die Potchefstroom hospitaal in Noordwes opgeneem in isolasie.
Hy is glo slegs as voorkomingsmaatreël in afsondering geplaas.
Maila sê dit is algemene praktyk om ‘n pasiënt in isolasie te plaas as ‘n hoë koors voorkom en is nié ‘n aanduiding van ebola nie.
Volgens Maila het die pasiënt nie ‘n buitelandse besoek onderneem nie.
Intussen het die Spaanse verpleegster wat met die ebolavirus besmet is, aan ‘n koerant gesê sy het die korrekte prosedures gevolg terwyl sy pasiënte met die siekte behandel het.
Sy sê sy het geen benul hoe sy kon aangesteek het nie. Nog vier mense is in die hospitaal opgeneem vir waarneming nadat hulle met die verpleegster in aanraking was.
Kritici sê Spanje se ebola-protokol laat veel te wense oor. Die Spaanse eerste minister, Mariano Rajoy, het egter die land tot kalmte gemaan.
Die Amerikaanse owerheid sê mense wat in die land opdaag van dele van Afrika wat die ergste geraak word deur ebola, sal nie sondermeer die land mag binnekom nie.
Passasiers van Liberië, Sierra Leone en Guinee se temperatuur sal geneem word en hulle sal by vyf van die besigste internasionale lughawens eers ondervra word.
Die Liberiese man wat die eerste ebolapasiënt was wat in Amerika gediagnoseer is, is dood.
Die Amerikaanse minister van buitelandse sake, John Kerry, het gevra vir ongeëwenaarde internasionale ingryping.
Ebola laat my aan Onskuldig dink – wanneer dit ‘n moord gepleeg het… Onskuldig totdat dit skuldig bewys word of, skuldig – totdat dit onskuldig bewys word? Die klem in ‘n nuusdraer se boodskap, is tot ‘n fyn kuns ontwikkel.
Snaaks hoe “onlogies” logies (opskrifte) lyk – tot wanneer mens een (waarheid) met ‘n nul (leuen) vermenigvuldig (Beide saam gebruik)…
Het self bietjie na die maan geloer die afgelope paar aande. Ek gebruik die Celestron Super8 Plus Teleskoop. Wil graag ‘n kamera installeer om beelde direk op die plat skerm te kyk, maar weet nie wat is beskikbaar nie. My nek kan nie die geloer meer hanteer nie. Enige voorstelle??
Wat jy kan gebruik is ‘n USB kamera met ‘n kort brandpunt afstand. (Dis die enigste “sleutel”. Die resolusie is ‘n bonus. 😉 D.w.s., iets soos ‘n mikroskoop met ‘n vergrotingsbestek van ongeveer 100-400X. Ek sluit ‘n skakel met wat ek gebruik in vir jou… http://www.bidorbuy.co.za/item/163116265/Digital_Microscope_Camera_Video_OUT_400X_Zooming.html (Ek het twee daar gekoop.)
Die koppeling ens. laat ek aan jou oor (Verseker sal jy die twee met mekaar laat “gesels”.)
Die warmbeeld kamera wat ek gebruik is egter nie ‘n teleskoop nie… Dis ‘n Fluke 27… 😉
Vir interessantheid… Ek het ‘n foto van die maan geneem met ‘n infrarooi warmbeeldkamera – om 9:40:08 – in die aand. Die maan se weerkaatsingstemperatuur op die foto is > 52° C. Daar was wolke in die lug… Wie sou kon raai dat die temp. so hoog kan wees – daarsonder. (Die ware weerkaatsende temp. is verseker hoër. Dis te tegnies om in ‘n sin te verduidelik.) Hierdie tegnologie is verstommend – en het onmisbaar geraak as hulpmiddel. (Die spesifieke kamera kan onderskei tussen temperatuurverskille – minder as 0.05° C – dus < van 'n vyf honderdste van 'n enkele graad Celsius!) Sien "Thumbnail" asb.
http://vactruth.com/2014/10/05/bill-gates-vaccine-crimes/?utm_source=The+Vaccine+Truth+Newsletter&utm_campaign=8f2f467842-10_01_2014_autism&utm_medium=email&utm_term=0_ce7860ee83-8f2f467842-408222693